नर्मदा के पन्द्रह नामों का वर्णन

श्लोक 1 (skanda.5.159.1)

श्रीमार्कण्डेय उवाच। ततोऽर्णवात्समुत्तीर्य त्रिकूटशिखरे स्थितम्। महाकनकवर्णाभे नानावर्णशिलाचिते॥

śrīmārkaṇḍeya uvāca| tato'rṇavātsamuttīrya trikūṭaśikhare sthitam| mahākanakavarṇābhe nānāvarṇaśilācite||

श्रीमार्कण्डेय बोले — फिर समुद्र से ऊपर उठकर मैंने त्रिकूट शिखर पर, जो महान स्वर्ण-वर्ण का और नाना रंगों की शिलाओं से चित्रित था,

श्लोक 2 (skanda.5.159.2)

महाशृङ्गे समासीनं रुद्रकोटिसमन्वितम्। महादेवं महात्मानमीशानमजमव्ययम्॥

mahāśṛṅge samāsīnaṁ rudrakoṭisamanvitam| mahādevaṁ mahātmānamīśānamajamavyayam||

उस महाशिखर पर विराजमान, करोड़ों रुद्रों से युक्त महादेव को देखा — महात्मा, ईशान, अजन्मा, अव्यय,

श्लोक 3 (skanda.5.159.3)

सर्वभूतमयं तात मनुना सह सुव्रत। भूयो ववन्दे चरणौ सर्वदेवनमस्कृतौ॥

sarvabhūtamayaṁ tāta manunā saha suvrata| bhūyo vavande caraṇau sarvadevanamaskṛtau||

हे तात, हे सुव्रत! सर्वभूतमय उन प्रभु के, सब देवताओं से वन्दित चरणों को मैंने मनु के साथ फिर से नमस्कार किया।

श्लोक 4 (skanda.5.159.4)

तत्काले युगसाहस्रं सह रुद्रेण मानद। तस्मिन्नेकार्णवे घोरे स्थितोऽहं कुरुनंदन॥

tatkāle yugasāhasraṁ saha rudreṇa mānada| tasminnekārṇave ghore sthito'haṁ kurunaṁdana||

हे मानद, हे कुरुनन्दन! उस काल में मैं रुद्र के साथ उस भयंकर एकार्णव में सहस्र युगों तक स्थित रहा।

श्लोक 5 (skanda.5.159.5)

युधिष्ठिर उवाच। एतच्छ्रुत्वा तु मे तात परं कौतूहलं हृदि। जातं तत्कथयस्वेति शृण्वतः सह बान्धवैः॥

yudhiṣṭhira uvāca| etacchrutvā tu me tāta paraṁ kautūhalaṁ hṛdi| jātaṁ tatkathayasveti śṛṇvataḥ saha bāndhavaiḥ||

युधिष्ठिर बोले — हे तात! यह सुनकर मेरे हृदय में परम कुतूहल उत्पन्न हुआ है; बन्धुओं सहित सुनते हुए हमें वह कहिए।

श्लोक 6 (skanda.5.159.6)

का सा पद्मपलाशाक्षी तमोभूते महार्णवे। योगिवद्भ्रमते नित्यं रुद्रजां स्वां च याब्रवीत्॥

kā sā padmapalāśākṣī tamobhūte mahārṇave| yogivadbhramate nityaṁ rudrajāṁ svāṁ ca yābravīt||

वह कमलपत्राक्षी कौन थी, जो अन्धकारमय महासागर में योगी के समान सदा भ्रमण करती है और स्वयं को रुद्र से उत्पन्न कहती है?

श्लोक 7 (skanda.5.159.7)

श्रीमार्कण्डेय उवाच। एतमेव मया प्रश्नं पुरा पृष्टो मनुः स्वयम्। तदेव तेऽद्य वक्ष्यामि अबलायाः समुद्भवम्॥

śrīmārkaṇḍeya uvāca| etameva mayā praśnaṁ purā pṛṣṭo manuḥ svayam| tadeva te'dya vakṣyāmi abalāyāḥ samudbhavam||

श्रीमार्कण्डेय बोले — यही प्रश्न पूर्वकाल में मैंने स्वयं मनु से पूछा था; वही उस स्त्री की उत्पत्ति अब तुम्हें कहूँगा।

श्लोक 8 (skanda.5.159.8)

व्यतीतायां निशायां तु ब्रह्मणः परमेष्ठिनः। ततः प्रभाते विमले सृज्यमानेषु जन्तुषु॥

vyatītāyāṁ niśāyāṁ tu brahmaṇaḥ parameṣṭhinaḥ| tataḥ prabhāte vimale sṛjyamāneṣu jantuṣu||

परमेष्ठी ब्रह्मा की रात्रि बीत जाने पर, फिर निर्मल प्रभात में जब प्राणी सृजे जा रहे थे,

श्लोक 9 (skanda.5.159.9)

मनुं प्रणम्य शिरसा पृच्छाम्येतद्युधिष्ठिर। केयं पद्मपलाशाक्षी श्यामा चंद्रनिभानना॥

manuṁ praṇamya śirasā pṛcchāmyetadyudhiṣṭhira| keyaṁ padmapalāśākṣī śyāmā caṁdranibhānanā||

हे युधिष्ठिर! मनु को सिर झुकाकर प्रणाम करके मैंने उनसे यह पूछा — 'यह कमलपत्राक्षी, श्याम वर्ण, चन्द्र-सम मुख वाली कौन है,

श्लोक 10 (skanda.5.159.10)

एकार्णवे भ्रमत्येका रुद्रजास्मीति वादिनी। सावित्री वेदमाता च ह्यथवा सा सरस्वती॥

ekārṇave bhramatyekā rudrajāsmīti vādinī| sāvitrī vedamātā ca hyathavā sā sarasvatī||

जो एकार्णव में अकेली भ्रमण करती है और कहती है कि मैं रुद्र से उत्पन्न हूँ? क्या वह सावित्री, वेदमाता, अथवा सरस्वती है?

श्लोक 11 (skanda.5.159.11)

मन्दाकिनी सरिच्छ्रेष्ठा लक्ष्मीर्वा किमथो उमा। कालरात्रिर्भवेत्साक्षात्प्रकृतिर्वा सुखोचिता॥

mandākinī saricchreṣṭhā lakṣmīrvā kimatho umā| kālarātrirbhavetsākṣātprakṛtirvā sukhocitā||

क्या वह नदियों में श्रेष्ठ मन्दाकिनी है, या लक्ष्मी, अथवा उमा है? क्या वह साक्षात् कालरात्रि है, अथवा सुखद प्रकृति है?

श्लोक 12 (skanda.5.159.12)

एतदाचक्ष्व भगवन्का सा ह्यमृतसंभवा। चरत्येकार्णवे घोरे प्रनष्टोरगराक्षसे॥

etadācakṣva bhagavankā sā hyamṛtasaṁbhavā| caratyekārṇave ghore pranaṣṭoragarākṣase||

हे भगवन्! यह मुझसे कहिए — वह कौन है, जो अमृत से उत्पन्न होकर सर्प-राक्षस विनष्ट हो जाने पर भी उस भयंकर एकार्णव में विचरती है?'

श्लोक 13 (skanda.5.159.13)

मनुरुवाच। शृणु वत्स यथान्यायमस्या वक्ष्यामि संभवम्। यया रुद्रसमुद्भूता या चेयं वरवर्णिनी॥

manuruvāca| śṛṇu vatsa yathānyāyamasyā vakṣyāmi saṁbhavam| yayā rudrasamudbhūtā yā ceyaṁ varavarṇinī||

मनु बोले — हे वत्स! सुनो, मैं यथार्थ रूप से उसकी उत्पत्ति कहता हूँ — जिस प्रकार यह वरवर्णिनी रुद्र से उत्पन्न हुई।

श्लोक 14 (skanda.5.159.14)

पुरा शिवः शान्ततनुश्चचार विपुलं तपः। हितार्थं सर्वलोकानामुमया सह शंकरः॥

purā śivaḥ śāntatanuścacāra vipulaṁ tapaḥ| hitārthaṁ sarvalokānāmumayā saha śaṁkaraḥ||

पूर्वकाल में शान्ततनु शिव ने, समस्त लोकों के हित के लिए, उमा के साथ महान तप किया।

श्लोक 15 (skanda.5.159.15)

ऋक्षशैलं समारुह्य तपस्तेपे सुदारुणम्। अदृश्यः सर्वभूतानां सर्वभूतात्मको वशी॥

ṛkṣaśailaṁ samāruhya tapastepe sudāruṇam| adṛśyaḥ sarvabhūtānāṁ sarvabhūtātmako vaśī||

ऋक्ष पर्वत पर चढ़कर उन्होंने अति भयंकर तप किया, समस्त प्राणियों के लिए अदृश्य, सर्वभूतात्मक, जितेन्द्रिय।

श्लोक 16 (skanda.5.159.16)

तपतस्तस्य देवस्य स्वेदः समभवत्किल। तं गिरिं प्लावयामास स स्वेदो रुद्रसंभवः॥

tapatastasya devasya svedaḥ samabhavatkila| taṁ giriṁ plāvayāmāsa sa svedo rudrasaṁbhavaḥ||

तप करते हुए उन देवता को स्वेद (पसीना) उत्पन्न हुआ; रुद्र से उत्पन्न वह स्वेद उस पर्वत को प्लावित करने लगा।

श्लोक 17 (skanda.5.159.17)

तस्मादासीत्समुद्भूता महापुण्या सरिद्वरा। या सा त्वयार्णवे दृष्टा पद्मपत्रायतेक्षणा॥

tasmādāsītsamudbhūtā mahāpuṇyā saridvarā| yā sā tvayārṇave dṛṣṭā padmapatrāyatekṣaṇā||

उसी से महापुण्या श्रेष्ठ नदी उत्पन्न हुई — वही जिसे तुमने समुद्र में देखा, कमलपत्र-सम विशाल नेत्रों वाली।

श्लोक 18 (skanda.5.159.18)

स्त्रीरूपं समवस्थाय रुद्रमाराधयत्पुरा। आद्ये कृतयुगे तस्मिन्समानामयुतं नृप॥

strīrūpaṁ samavasthāya rudramārādhayatpurā| ādye kṛtayuge tasminsamānāmayutaṁ nṛpa||

स्त्री का रूप धारण करके उसने पूर्वकाल में उस प्रथम कृतयुग में दस हज़ार वर्ष तक रुद्र की आराधना की, हे राजन्!

श्लोक 19 (skanda.5.159.19)

ततस्तुष्टो महादेव उमया सह शंकरः। ब्रूहि त्वं तु महाभागे यत्ते मनसि वर्तते॥

tatastuṣṭo mahādeva umayā saha śaṁkaraḥ| brūhi tvaṁ tu mahābhāge yatte manasi vartate||

तब उमा सहित संतुष्ट महादेव शंकर ने कहा — 'हे महाभागे! जो तुम्हारे मन में हो, वह कहो।'

श्लोक 20 (skanda.5.159.20)

सरिदुवाच। प्रलये समनुप्राप्ते नष्टे स्थावरजंगमे। प्रसादात्तव देवेश अक्षयाहं भवे प्रभो॥

sariduvāca| pralaye samanuprāpte naṣṭe sthāvarajaṁgame| prasādāttava deveśa akṣayāhaṁ bhave prabho||

नदी बोली — 'हे देवेश! प्रलय आने पर और स्थावर-जंगम नष्ट होने पर भी, आपकी कृपा से हे प्रभो! मैं सृष्टि-सृष्टि में अक्षय रहूँ।

श्लोक 21 (skanda.5.159.21)

सरित्सु सागरेष्वेव पर्वतेषु क्षयिष्वपि। तव प्रसादाद्देवेश पुण्या क्षय्या भवे प्रभो॥

saritsu sāgareṣveva parvateṣu kṣayiṣvapi| tava prasādāddeveśa puṇyā kṣayyā bhave prabho||

नदियों, समुद्रों तथा नष्ट होने वाले पर्वतों के बीच भी, हे देवेश! आपकी कृपा से मैं प्रत्येक सृष्टि में सदा पुण्य और अक्षय रहूँ।'

श्लोक 22 (skanda.5.159.22)

पापोपपातकैर्युक्ता महापातकिनोऽपि ये। मुच्यन्ते सर्वपापेभ्यो भक्त्या स्नात्वा तु शंकर॥

pāpopapātakairyuktā mahāpātakino'pi ye| mucyante sarvapāpebhyo bhaktyā snātvā tu śaṁkara||

'हे शंकर! पाप-उपपाप से युक्त, महापातकी भी जो हों, वे भक्तिपूर्वक स्नान करके समस्त पापों से मुक्त हो जाएँ।'

श्लोक 23 (skanda.5.159.23)

उत्तरे जाह्नवीदेशे महापातकनाशिनी। भवामि दक्षिणे मार्गे यद्येवं सुरपूजिता॥

uttare jāhnavīdeśe mahāpātakanāśinī| bhavāmi dakṣiṇe mārge yadyevaṁ surapūjitā||

'यदि ऐसा हो तो, हे देवपूजिते! उत्तर तट पर मैं जाह्नवी (गंगा) के प्रदेश के समान महापातकनाशिनी बनूँ, तथा दक्षिण मार्ग में भी।'

श्लोक 24 (skanda.5.159.24)

स्वर्गादागम्य गंगेति यथा ख्याता क्षितौ विभो। तथा दक्षिणगङ्गेति भवेयं त्रिदशेश्वर॥

svargādāgamya gaṁgeti yathā khyātā kṣitau vibho| tathā dakṣiṇagaṅgeti bhaveyaṁ tridaśeśvara||

'हे विभो! जैसे स्वर्ग से उतरकर गंगा पृथ्वी पर विख्यात हुई, वैसे ही हे त्रिदशेश्वर! मैं दक्षिण-गंगा नाम से विख्यात होऊँ।'

श्लोक 25 (skanda.5.159.25)

पृथिव्यां सर्वतीर्थेषु स्नात्वा यल्लभते फलम्। तत्फलं लभते मर्त्यो भक्त्या स्नात्वा महेश्वर॥

pṛthivyāṁ sarvatīrtheṣu snātvā yallabhate phalam| tatphalaṁ labhate martyo bhaktyā snātvā maheśvara||

'हे महेश्वर! पृथ्वी के समस्त तीर्थों में स्नान करने से जो फल मिलता है, वह फल भक्तिपूर्वक मुझमें स्नान करने वाले मनुष्य को मिले।'

श्लोक 26 (skanda.5.159.26)

ब्रह्महत्यादिकं पापं यदास्ते संचितं क्वचित्। मासमात्रेण तद्देव क्षयं यात्ववगाहनात्॥

brahmahatyādikaṁ pāpaṁ yadāste saṁcitaṁ kvacit| māsamātreṇa taddeva kṣayaṁ yātvavagāhanāt||

'हे देव! जो भी ब्रह्महत्या आदि पाप कहीं संचित हों, वे एक ही महीने में मेरे अवगाहन से क्षय को प्राप्त हों।'

श्लोक 27 (skanda.5.159.27)

यत्फलं सर्ववेदेषु सर्वयज्ञेषु शंकर। अवगाहेन तत्सर्वं भवत्विति मतिर्मम॥

yatphalaṁ sarvavedeṣu sarvayajñeṣu śaṁkara| avagāhena tatsarvaṁ bhavatviti matirmama||

'हे शंकर! समस्त वेदों और समस्त यज्ञों में जो फल है, वह सब मेरे अवगाहन से हो जाए — यही मेरी अभिलाषा है।'

श्लोक 28 (skanda.5.159.28)

सर्वदानोपवासेषु सर्वतीर्थावगाहने। तत्फलं मम तोयेन जायतामिति शंकर॥

sarvadānopavāseṣu sarvatīrthāvagāhane| tatphalaṁ mama toyena jāyatāmiti śaṁkara||

'हे शंकर! समस्त दान, उपवास तथा समस्त तीर्थों में स्नान का फल मेरे जल से उत्पन्न हो जाए।'

श्लोक 29 (skanda.5.159.29)

मम तीरे नरा ये तु अर्चयन्ति महेश्वरम्। ते गतास्तव लोकं स्युरेतदेव भवेच्छिव॥

mama tīre narā ye tu arcayanti maheśvaram| te gatāstava lokaṁ syuretadeva bhavecchiva||

'मेरे तट पर जो मनुष्य महेश्वर की अर्चना करते हैं, वे आपके लोक को प्राप्त हों — हे शिव! यही हो।'

श्लोक 30 (skanda.5.159.30)

मम कूले महेशान उमया सह दैवतैः। वस नित्यं जगन्नाथ एष एव वरो मम॥

mama kūle maheśāna umayā saha daivataiḥ| vasa nityaṁ jagannātha eṣa eva varo mama||

'हे महेशान, हे जगन्नाथ! उमा सहित देवताओं के साथ मेरे तट पर सदा निवास कीजिए — यही मेरा वर है।'

श्लोक 31 (skanda.5.159.31)

सुकर्मा वा विकर्मा वा शान्तो दान्तो जितेन्द्रियः। मृतो जन्तुर्मम जले गच्छतादमरावतीम्॥

sukarmā vā vikarmā vā śānto dānto jitendriyaḥ| mṛto janturmama jale gacchatādamarāvatīm||

'सुकर्मा हो या विकर्मा, शान्त हो, दान्त हो, जितेन्द्रिय हो — जो प्राणी मेरे जल में मृत्यु पाए, वह अमरावती को जाए।'

श्लोक 32 (skanda.5.159.32)

त्रिषु लोकेषु विख्याता महापातकनाशिनी। भवामि देवदेवेश प्रसन्नो यदि मन्यसे॥

triṣu lokeṣu vikhyātā mahāpātakanāśinī| bhavāmi devadeveśa prasanno yadi manyase||

'हे देवदेवेश! यदि आप प्रसन्न हों तो मानें कि मैं तीनों लोकों में महापातकनाशिनी के रूप में विख्यात हो जाऊँ।'

श्लोक 33 (skanda.5.159.33)

एतांश्चान्यान्वरान्दिव्यान्प्रार्थितो नृपसत्तम। नर्मदया ततः प्राह प्रसन्नो वृषवाहनः॥

etāṁścānyānvarāndivyānprārthito nṛpasattama| narmadayā tataḥ prāha prasanno vṛṣavāhanaḥ||

हे नृपसत्तम! इन तथा अन्य दिव्य वरों की प्रार्थना किए जाने पर वृषभवाहन शिव प्रसन्न होकर नर्मदा से बोले।

श्लोक 34 (skanda.5.159.34)

श्रीमहेश उवाच। एवं भवतु कल्याणि यत्त्वयोक्तमनिन्दिते। नान्या वरार्हा लोकेषु मुक्त्वा त्वां कमलेक्षणे॥

śrīmaheśa uvāca| evaṁ bhavatu kalyāṇi yattvayoktamanindite| nānyā varārhā lokeṣu muktvā tvāṁ kamalekṣaṇe||

श्रीमहेश बोले — 'हे कल्याणि, हे अनिन्दिते! जो तुमने कहा वैसा ही हो; हे कमलेक्षणे! तुम्हारे अतिरिक्त लोकों में और कोई वर के योग्य नहीं है।'

श्लोक 35 (skanda.5.159.35)

यदैव मम देहात्त्वं समुद्भूता वरानने। तदैव सर्वपापानां मोचिनी त्वं न संशयः॥

yadaiva mama dehāttvaṁ samudbhūtā varānane| tadaiva sarvapāpānāṁ mocinī tvaṁ na saṁśayaḥ||

'हे वरानने! जिस क्षण से तुम मेरे शरीर से उत्पन्न हुई, उसी क्षण से तुम समस्त पापों की मोचन करने वाली हो, इसमें संशय नहीं है।'

श्लोक 36 (skanda.5.159.36)

कल्पक्षयकरे काले काले घोरे विशेषतः। उत्तरं कूलमाश्रित्य निवसन्ति च ये नराः॥

kalpakṣayakare kāle kāle ghore viśeṣataḥ| uttaraṁ kūlamāśritya nivasanti ca ye narāḥ||

'कल्पक्षय के समय, विशेषतः उस भयंकर काल में, जो मनुष्य उत्तर तट का आश्रय लेकर निवास करते हैं,'

श्लोक 37 (skanda.5.159.37)

अपि कीटपतङ्गाश्च वृक्षगुल्मलतादयः। आ देहपतनाद्देवि तेऽपि यास्यन्ति सद्गतिम्॥

api kīṭapataṅgāśca vṛkṣagulmalatādayaḥ| ā dehapatanāddevi te'pi yāsyanti sadgatim||

'यहाँ तक कि कीट-पतंग, वृक्ष, गुल्म, लताएँ भी — हे देवि! वे सब देहपात तक सद्गति को प्राप्त होंगे।'

श्लोक 38 (skanda.5.159.38)

दक्षिणं कूलमाश्रित्य ये द्विजा धर्मवत्सलाः। आ मृत्योर्निवसिष्यन्ति ते गताः पितृमन्दिरे॥

dakṣiṇaṁ kūlamāśritya ye dvijā dharmavatsalāḥ| ā mṛtyornivasiṣyanti te gatāḥ pitṛmandire||

'दक्षिण तट का आश्रय लेकर मृत्युपर्यन्त निवास करने वाले धर्मवत्सल द्विज पितृमन्दिर (पितृलोक) को प्राप्त होंगे।'

श्लोक 39 (skanda.5.159.39)

अहं हि तव वाक्येन कस्मिंश्चित्कारणान्तरे। त्वत्तीरे निवसिष्यामि सदैव ह्युमया समम्॥

ahaṁ hi tava vākyena kasmiṁścitkāraṇāntare| tvattīre nivasiṣyāmi sadaiva hyumayā samam||

'मैं स्वयं तुम्हारे वचन से किसी विशेष कारण से तुम्हारे तट पर उमा सहित सदा निवास करूँगा।'

श्लोक 40 (skanda.5.159.40)

एवं देवि महादेवि एवमेव न संशयः। ब्रह्मेन्द्रचन्द्रवरुणैः साध्यैश्च सह विष्णुना॥

evaṁ devi mahādevi evameva na saṁśayaḥ| brahmendracandravaruṇaiḥ sādhyaiśca saha viṣṇunā||

'हे देवि, हे महादेवि! ऐसा ही होगा, इसमें संशय नहीं — ब्रह्मा, इन्द्र, चन्द्र, वरुण, साध्यगण तथा विष्णु सहित...'

श्लोक 41 (skanda.5.159.41)

उत्तरे देवि ते कूले वसिष्यन्ति ममाज्ञया। दक्षिणे पितृभिः सार्द्धं तथान्ये सुरसुन्दरि॥

uttare devi te kūle vasiṣyanti mamājñayā| dakṣiṇe pitṛbhiḥ sārddhaṁ tathānye surasundari||

'...हे देवि! वे मेरी आज्ञा से तुम्हारे उत्तर तट पर निवास करेंगे, और हे सुरसुन्दरि! अन्य लोग दक्षिण तट पर पितरों सहित निवास करेंगे।'

श्लोक 42 (skanda.5.159.42)

वसिष्यन्ति मया सार्द्धमेष ते वर उत्तमः। गच्छ गच्छ महाभागे मर्त्यान्पापाद्विमोचय॥

vasiṣyanti mayā sārddhameṣa te vara uttamaḥ| gaccha gaccha mahābhāge martyānpāpādvimocaya||

'वे मेरे साथ निवास करेंगे — यह तुम्हारा उत्तम वर है। हे महाभागे! जाओ, जाओ, मनुष्यों को पाप से मुक्त करो,'

श्लोक 43 (skanda.5.159.43)

सहिता ऋषिसंघैश्च तथा सिद्धसुरासुरैः। एवमुक्ता महादेव उमया सहितो विभुः॥

sahitā ṛṣisaṁghaiśca tathā siddhasurāsuraiḥ| evamuktā mahādeva umayā sahito vibhuḥ||

'ऋषि-समूहों तथा सिद्ध, देव, दानवों के साथ मिलकर।' इस प्रकार कहे जाने पर उमा सहित प्रभु महादेव,

श्लोक 44 (skanda.5.159.44)

वन्द्यमानोऽथ मनुना मया चादर्शनं गतः। तेन चैषा महापुण्या महापातकनाशिनी॥

vandyamāno'tha manunā mayā cādarśanaṁ gataḥ| tena caiṣā mahāpuṇyā mahāpātakanāśinī||

मनु और मेरे द्वारा वन्दित होते हुए अन्तर्धान हो गए। इसीलिए यह महापुण्य, महापातकनाशिनी नदी...

श्लोक 45 (skanda.5.159.45)

कथिता पृच्छ्यते या ते मा ते भवतु विस्मयः। एषा गंगा महापुण्या त्रिषु लोकेषु विश्रुता॥

kathitā pṛcchyate yā te mā te bhavatu vismayaḥ| eṣā gaṁgā mahāpuṇyā triṣu lokeṣu viśrutā||

...जिसके विषय में तुमने पूछा था, कही गई है — तुम्हें विस्मय न हो। यह त्रिलोक में विख्यात महापुण्य गंगा-स्वरूपा है,

श्लोक 46 (skanda.5.159.46)

दशाभिः पञ्चभिः स्रोतैः प्लावयन्ती दिशो दश। शोणो महानदश्चैव नर्मदा सुरसा कृता॥

daśābhiḥ pañcabhiḥ srotaiḥ plāvayantī diśo daśa| śoṇo mahānadaścaiva narmadā surasā kṛtā||

जो अपनी पन्द्रह धाराओं से दसों दिशाओं को प्लावित करती है। शोण महानद तथा सुरसा-रूपा नर्मदा,

श्लोक 47 (skanda.5.159.47)

मन्दाकिनी दशार्णा च चित्रकूटा तथैव च। तमसा विदिशा चैव करभा यमुना तथा॥

mandākinī daśārṇā ca citrakūṭā tathaiva ca| tamasā vidiśā caiva karabhā yamunā tathā||

मन्दाकिनी, दशार्णा, चित्रकूटा, तमसा, विदिशा, करभा, तथा यमुना,

श्लोक 48 (skanda.5.159.48)

चित्रोत्पला विपाशा च रञ्जना वालुवाहिनी। ऋक्षपादप्रसूतास्ताः सर्वा वै रुद्रसंभवाः॥

citrotpalā vipāśā ca rañjanā vāluvāhinī| ṛkṣapādaprasūtāstāḥ sarvā vai rudrasaṁbhavāḥ||

चित्रोत्पला, विपाशा, रञ्जना, वालुवाहिनी — ये सब ऋक्षपाद (ऋक्ष पर्वत पर तप करने वाले रुद्र) से उत्पन्न, रुद्र से ही सम्भूत हैं।

श्लोक 49 (skanda.5.159.49)

सर्वपापहराः पुण्याः सर्वमंगलदाः शिवाः। इत्येतैर्नामभिर्दिव्यैः स्तूयते वेदपारगैः॥

sarvapāpaharāḥ puṇyāḥ sarvamaṁgaladāḥ śivāḥ| ityetairnāmabhirdivyaiḥ stūyate vedapāragaiḥ||

ये सब सर्वपापहारिणी, पुण्यमयी, सर्वमंगलदायिनी, शिवा हैं। इन्हीं दिव्य नामों से वेदपारगामी विद्वान उसकी स्तुति करते हैं,

श्लोक 50 (skanda.5.159.50)

पुराणज्ञैर्महाभागैराज्यपैः सोमपैस्तथा। इत्येतत्सर्वमाख्यातं महाभाग्यं नरोत्तम॥

purāṇajñairmahābhāgairājyapaiḥ somapaistathā| ityetatsarvamākhyātaṁ mahābhāgyaṁ narottama||

पुराणों के ज्ञाता महाभाग, आज्यपायी तथा सोमपायी भी। हे नरोत्तम! इस प्रकार यह सम्पूर्ण महाभाग्य कह दिया गया।

श्लोक 51 (skanda.5.159.51)

मनुनोक्तं पुरा मह्यममृतायाः समुद्भवम्। पुण्यं पवित्रमतुलं रुद्रोद्गीतमिदं शुभम्॥

manunoktaṁ purā mahyamamṛtāyāḥ samudbhavam| puṇyaṁ pavitramatulaṁ rudrodgītamidaṁ śubham||

यह अमृतस्वरूपा की उत्पत्ति, पुण्य, पवित्र, अनुपम, रुद्र द्वारा गाया गया शुभ वृत्तान्त, पूर्वकाल में मुझे मनु ने कहा था।

श्लोक 52 (skanda.5.159.52)

ये नराः कीर्तयिष्यन्ति भक्त्या शृण्वन्ति येऽपि च। प्रातरुत्थाय नामानि दश पञ्च च भारत॥

ye narāḥ kīrtayiṣyanti bhaktyā śṛṇvanti ye'pi ca| prātarutthāya nāmāni daśa pañca ca bhārata||

हे भारत! जो मनुष्य प्रातःकाल उठकर इन पन्द्रह नामों को भक्तिपूर्वक कीर्तन करेंगे या सुनेंगे,

श्लोक 53 (skanda.5.159.53)

ते नराः सकलं पुण्यं लभिष्यन्त्यवगाहजम्। विमानेनार्कवर्णेन घण्टाशतनिनादिना॥

te narāḥ sakalaṁ puṇyaṁ labhiṣyantyavagāhajam| vimānenārkavarṇena ghaṇṭāśataninādinā||

वे मनुष्य अवगाहन-जनित सम्पूर्ण पुण्य प्राप्त करेंगे; सूर्य-वर्ण, सैकड़ों घंटियों की ध्वनि वाले विमान से,

श्लोक 54 (skanda.5.159.54)

त्यक्त्वा मानुष्यकं भावं यास्यन्ति परमां गतिम्॥

tyaktvā mānuṣyakaṁ bhāvaṁ yāsyanti paramāṁ gatim||

मनुष्य-भाव को त्यागकर वे परम गति को प्राप्त होंगे।