नर्मदा की उत्पत्ति और नामकरण का वर्णन

श्लोक 1 (skanda.5.160.1)

युधिष्ठिर उवाच। आश्चर्यमेतदखिलं कथितं भो द्विजोत्तम। विस्मयं परमापन्ना ऋषिसंघा मया सह॥

yudhiṣṭhira uvāca| āścaryametadakhilaṁ kathitaṁ bho dvijottama| vismayaṁ paramāpannā ṛṣisaṁghā mayā saha||

युधिष्ठिर बोले — हे द्विजोत्तम! यह सम्पूर्ण आश्चर्य कहा गया; मेरे साथ ऋषि-समूह भी परम विस्मय को प्राप्त हुए हैं।

श्लोक 2 (skanda.5.160.2)

अहो भगवती पुण्या नर्मदेयमयोनिजा। रुद्रदेहाद्विनिष्क्रान्ता महापापक्षयंकरी॥

aho bhagavatī puṇyā narmadeyamayonijā| rudradehādviniṣkrāntā mahāpāpakṣayaṁkarī||

अहो! यह भगवती पुण्य नर्मदा अयोनिजा है, रुद्र के शरीर से निकली, महापाप का क्षय करने वाली है!

श्लोक 3 (skanda.5.160.3)

सप्तकल्पक्षये प्राप्ते त्वयेयं सह सुव्रत। न मृता च महाभागा किमतः पुण्यमुत्तमम्॥

saptakalpakṣaye prāpte tvayeyaṁ saha suvrata| na mṛtā ca mahābhāgā kimataḥ puṇyamuttamam||

हे सुव्रत! सात कल्पों के क्षय होने पर भी यह महाभागा आपके साथ नहीं मरी — इससे बढ़कर पुण्य और क्या होगा?

श्लोक 4 (skanda.5.160.4)

के ते कल्पाः समुद्दिष्टाः सप्त कल्पक्षयंकराः। न मृता चेदियं देवी त्वं चैव ऋषिपुंगव॥

ke te kalpāḥ samuddiṣṭāḥ sapta kalpakṣayaṁkarāḥ| na mṛtā cediyaṁ devī tvaṁ caiva ṛṣipuṁgava||

वे कल्प-क्षयकारी सात कल्प कौन-से हैं, जिनमें यह देवी और हे ऋषिपुंगव, आप भी नहीं मरे?

श्लोक 5 (skanda.5.160.5)

अपक्षिगणसंघाते जगत्येकार्णवीकृते। कीदृग्रूपः समभवन्महादेवो युगक्षये॥

apakṣigaṇasaṁghāte jagatyekārṇavīkṛte| kīdṛgrūpaḥ samabhavanmahādevo yugakṣaye||

पक्षी-समूहों के भी नष्ट हो जाने पर, जगत के एकार्णव हो जाने पर, युग-क्षय में महादेव का कैसा रूप हुआ?

श्लोक 6 (skanda.5.160.6)

कथं संहरते विश्वं कथं चास्ते महार्णवे। कथं च सृजते विश्वं कथं धारयते प्रजाः॥

kathaṁ saṁharate viśvaṁ kathaṁ cāste mahārṇave| kathaṁ ca sṛjate viśvaṁ kathaṁ dhārayate prajāḥ||

वे विश्व का संहार कैसे करते हैं, महासागर में कैसे स्थित रहते हैं? विश्व की सृष्टि कैसे करते हैं और प्रजाओं को कैसे धारण करते हैं?

श्लोक 7 (skanda.5.160.7)

कीदृग्रूपा भवेद्देवी सरिदेकार्णवीकृते। किमर्थं नर्मदा प्रोक्ता रेवती च कथं स्मृता॥

kīdṛgrūpā bhaveddevī saridekārṇavīkṛte| kimarthaṁ narmadā proktā revatī ca kathaṁ smṛtā||

जगत के एकार्णव हो जाने पर देवी नदी का कैसा रूप होता है? नर्मदा नाम क्यों पड़ा, और रेवती नाम से क्यों स्मृत है?

श्लोक 8 (skanda.5.160.8)

अञ्जनेति किमर्थं वा किमर्थं सुरसेति च। मन्दाकिनी किमर्थं च शोणश्चेति कथं भवेत्॥

añjaneti kimarthaṁ vā kimarthaṁ suraseti ca| mandākinī kimarthaṁ ca śoṇaśceti kathaṁ bhavet||

अंजना नाम क्यों है, सुरसा नाम क्यों है? मन्दाकिनी क्यों कहलाती है, और शोण नाम कैसे पड़ा?

श्लोक 9 (skanda.5.160.9)

त्रिकूटेति किमर्थं वा किमर्थं वालुवाहिनी। कोटिकोट्यो हि तीर्थानां प्रविष्टा या महार्णवम्॥

trikūṭeti kimarthaṁ vā kimarthaṁ vāluvāhinī| koṭikoṭyo hi tīrthānāṁ praviṣṭā yā mahārṇavam||

त्रिकूटा नाम क्यों है, वालुवाहिनी नाम क्यों है? करोड़ों-करोड़ों तीर्थ महासागर में जाकर उसमें प्रविष्ट हुए हैं —

श्लोक 10 (skanda.5.160.10)

कियत्यः सरितां कोट्यो नर्मदां समुपासते। यज्ञोपवीतैरृषिभिर्देवताभिस्तथैव च॥

kiyatyaḥ saritāṁ koṭyo narmadāṁ samupāsate| yajñopavītairṛṣibhirdevatābhistathaiva ca||

कितनी करोड़ नदियाँ नर्मदा की उपासना करती हैं? यज्ञोपवीतधारी ऋषियों तथा देवताओं के विषय में भी बताइए,

श्लोक 11 (skanda.5.160.11)

विभक्तेयं किमर्थं च श्रूयते मुनिसत्तम। वैष्णवीति पुराणज्ञैः किमर्थमिह चोच्यते॥

vibhakteyaṁ kimarthaṁ ca śrūyate munisattama| vaiṣṇavīti purāṇajñaiḥ kimarthamiha cocyate||

हे मुनिसत्तम! यह किसलिए विभक्त कही जाती है सुना जाता है? पुराणज्ञों द्वारा यह 'वैष्णवी' क्यों कही जाती है?

श्लोक 12 (skanda.5.160.12)

केषु स्थानेषु तीर्थेषु पूजनीया सरिद्वरा। तीर्थानि च पृथग्ब्रूहि यत्र संनिहितो हरः॥

keṣu sthāneṣu tīrtheṣu pūjanīyā saridvarā| tīrthāni ca pṛthagbrūhi yatra saṁnihito haraḥ||

किन-किन तीर्थ-स्थानों में यह श्रेष्ठ नदी पूजनीय है? वे तीर्थ भी पृथक्-पृथक् बताइए जहाँ हर (शिव) संनिहित हैं।

श्लोक 13 (skanda.5.160.13)

यत्प्रमाणा च सा देवी या रुद्रेण विनिर्मिता। कीदृशानि च कर्माणि रुद्रेण कथितानि ते॥

yatpramāṇā ca sā devī yā rudreṇa vinirmitā| kīdṛśāni ca karmāṇi rudreṇa kathitāni te||

रुद्र द्वारा निर्मित वह देवी किस प्रमाण (परिमाण) की है? रुद्र ने उसे कैसे-कैसे कर्म बताए थे?

श्लोक 14 (skanda.5.160.14)

कथं म्लेच्छसमाकीर्णो देशोऽयं द्विजसत्तम। एतदाचक्ष्व मां ब्रह्मन्मार्कण्डेय महामते॥

kathaṁ mlecchasamākīrṇo deśo'yaṁ dvijasattama| etadācakṣva māṁ brahmanmārkaṇḍeya mahāmate||

हे द्विजसत्तम! यह देश म्लेच्छों से क्यों भरा हुआ है? हे ब्रह्मन् मार्कण्डेय, हे महामते! यह भी मुझे बताइए।

श्लोक 15 (skanda.5.160.15)

श्रीमार्कण्डेय उवाच। शृण्वन्तु ऋषयः सर्वे त्वं च तात युधिष्ठिर। पुराणं नर्मदायां तु कथितं च त्रिशूलिना॥

śrīmārkaṇḍeya uvāca| śṛṇvantu ṛṣayaḥ sarve tvaṁ ca tāta yudhiṣṭhira| purāṇaṁ narmadāyāṁ tu kathitaṁ ca triśūlinā||

श्रीमार्कण्डेय बोले — हे तात युधिष्ठिर! सभी ऋषि और तुम सुनो — नर्मदा-सम्बन्धी पुराण त्रिशूलधारी शिव द्वारा कहा गया,

श्लोक 16 (skanda.5.160.16)

वायोः सकाशाच्च मया तेनापि च महेश्वरात्। अशक्यत्वान्मनुष्याणां संक्षिप्तमृषिभिः पुरा॥

vāyoḥ sakāśācca mayā tenāpi ca maheśvarāt| aśakyatvānmanuṣyāṇāṁ saṁkṣiptamṛṣibhiḥ purā||

वायु से मुझे और वायु को स्वयं महेश्वर से प्राप्त हुआ; मनुष्यों की असमर्थता के कारण पूर्वकाल में ऋषियों ने इसे संक्षिप्त किया।

श्लोक 17 (skanda.5.160.17)

मायूरं प्रथमं तात कौर्म्यं च तदनन्तरम्। पुरं तथा कौशिकं च मात्स्यं द्विरदमेव च॥

māyūraṁ prathamaṁ tāta kaurmyaṁ ca tadanantaram| puraṁ tathā kauśikaṁ ca mātsyaṁ dviradameva ca||

हे तात! प्रथम मायूर कल्प, फिर उसके पश्चात् कौर्म्य, फिर पुर, कौशिक, मात्स्य तथा द्विरद (गज) कल्प,

श्लोक 18 (skanda.5.160.18)

वाराहं यन्मया दृष्टं वैष्णवं चाष्टमं परम्। न्यग्रोधाख्यमतः चासीदाकाङ्क्षं पुनरुत्तमम्॥

vārāhaṁ yanmayā dṛṣṭaṁ vaiṣṇavaṁ cāṣṭamaṁ param| nyagrodhākhyamataḥ cāsīdākāṅkṣaṁ punaruttamam||

वाराह कल्प जो मैंने स्वयं देखा, और आठवाँ श्रेष्ठ वैष्णव कल्प; फिर न्यग्रोध नामक तथा उत्तम आकांक्ष कल्प,

श्लोक 19 (skanda.5.160.19)

पद्मं च तामसं चैव संवर्तोद्वर्तमेव च। महाप्रलयमित्याहुः पुराणे वेदचिन्तकाः॥

padmaṁ ca tāmasaṁ caiva saṁvartodvartameva ca| mahāpralayamityāhuḥ purāṇe vedacintakāḥ||

पद्म, तामस, तथा संवर्तोद्वर्त कल्प — इसे ही पुराण में वेदज्ञ महाप्रलय कहते हैं।

श्लोक 20 (skanda.5.160.20)

एतत्संक्षेपतः सर्वं संक्षिप्तं तैर्महात्मभिः। विभक्तं च चतुर्भागैर्ब्रह्माद्यैश्च महर्षिभिः॥

etatsaṁkṣepataḥ sarvaṁ saṁkṣiptaṁ tairmahātmabhiḥ| vibhaktaṁ ca caturbhāgairbrahmādyaiśca maharṣibhiḥ||

यह सब उन महात्माओं द्वारा संक्षेप में संक्षिप्त किया गया, और ब्रह्मा आदि महर्षियों द्वारा चार भागों में विभाजित किया गया।

श्लोक 21 (skanda.5.160.21)

तदहं सम्प्रवक्ष्यामि पुराणार्थविशारद। सप्त कल्पा महाघोरा यैरियं न मृता सरित्॥

tadahaṁ sampravakṣyāmi purāṇārthaviśārada| sapta kalpā mahāghorā yairiyaṁ na mṛtā sarit||

हे पुराणार्थ में निपुण! अब मैं वह सब कहूँगा — वे सात अत्यन्त भयंकर कल्प, जिनमें यह नदी नहीं मरी।

श्लोक 22 (skanda.5.160.22)

आ जङ्गमं तमोभूतमप्रज्ञातमलक्षणम्। नष्टचन्द्रार्ककिरणमासीद्भूतविवर्जितम्॥

ā jaṅgamaṁ tamobhūtamaprajñātamalakṣaṇam| naṣṭacandrārkakiraṇamāsīdbhūtavivarjitam||

गतिशील जगत तक अंधकारमय, अज्ञात, चिह्नरहित हो गया था; चन्द्र-सूर्य की किरणें नष्ट हो गई थीं, प्राणियों से रहित।

श्लोक 23 (skanda.5.160.23)

तमसोऽतो महानाम्ना पुरुषः स जगद्गुरुः। चचार तस्मिन्नेकाकी व्यक्ताव्यक्तः सनातनः॥

tamaso'to mahānāmnā puruṣaḥ sa jagadguruḥ| cacāra tasminnekākī vyaktāvyaktaḥ sanātanaḥ||

उस अंधकार से महान नामक जगद्गुरु पुरुष उत्पन्न हुए; वे उसमें अकेले, व्यक्त-अव्यक्त, सनातन रूप में विचरण करते थे।

श्लोक 24 (skanda.5.160.24)

स चौंकारमयोऽतीतो गायत्रीमसृजद्द्विजः। स तया सार्द्धमीशानश्चिक्रीड पुरुषो विराट्॥

sa cauṁkāramayo'tīto gāyatrīmasṛjaddvijaḥ| sa tayā sārddhamīśānaścikrīḍa puruṣo virāṭ||

ॐकारमय, अतीत, द्विज उन्होंने गायत्री को उत्पन्न किया; उसके साथ ईशान, विराट पुरुष क्रीड़ा करने लगे।

श्लोक 25 (skanda.5.160.25)

स्वदेहादसृजद्विश्वं पञ्चभूतात्मसंज्ञितम्। क्रीडन्समसृजद्विश्वं पञ्चभूतात्मसंज्ञितम्॥

svadehādasṛjadviśvaṁ pañcabhūtātmasaṁjñitam| krīḍansamasṛjadviśvaṁ pañcabhūtātmasaṁjñitam||

उन्होंने अपने शरीर से पंचभूतात्मक विश्व की सृष्टि की; क्रीड़ा करते हुए उन्होंने पंचभूतात्मक विश्व की सृष्टि की।

श्लोक 26 (skanda.5.160.26)

क्रीडन् सृजद्विराट्संज्ञः सबीजं च हिरण्मयम्। तच्चाण्डमभवद्दिव्यं द्वादशादित्यसन्निभम्॥

krīḍan sṛjadvirāṭsaṁjñaḥ sabījaṁ ca hiraṇmayam| taccāṇḍamabhavaddivyaṁ dvādaśādityasannibham||

क्रीड़ा करते हुए विराट संज्ञक ने बीज सहित हिरण्मय (स्वर्णमय) तत्त्व को उत्पन्न किया; वह द्वादश-आदित्य के समान तेजस्वी दिव्य अण्ड बन गया।

श्लोक 27 (skanda.5.160.27)

तद्भित्त्वा पुरुषो जज्ञे चतुर्वक्त्रः पितामहः। सोऽसृजद्विश्वमेवं तु सदेवासुरमानुषम्॥

tadbhittvā puruṣo jajñe caturvaktraḥ pitāmahaḥ| so'sṛjadviśvamevaṁ tu sadevāsuramānuṣam||

उसे भेदकर चतुर्मुख पितामह पुरुष उत्पन्न हुए; उन्होंने ही देवता, असुर और मनुष्यों सहित इस प्रकार विश्व की सृष्टि की,

श्लोक 28 (skanda.5.160.28)

सतिर्यक्पशुपक्षीकं स्वेदाण्डजजरायुजम्। एतदण्डं पुराणेषु प्रथमं परिकीर्तितम्॥

satiryakpaśupakṣīkaṁ svedāṇḍajajarāyujam| etadaṇḍaṁ purāṇeṣu prathamaṁ parikīrtitam||

पशु-पक्षियों सहित, स्वेदज, अण्डज और जरायुज प्राणियों सहित। यह अण्ड पुराणों में प्रथम कहा गया है।

श्लोक 29 (skanda.5.160.29)

पूर्वकल्पे नृपश्रेष्ठ क्रीडन्त्या परमेष्ठिना। उमया सह रुद्रस्य क्रीडतश्चार्णवीकृतः॥

pūrvakalpe nṛpaśreṣṭha krīḍantyā parameṣṭhinā| umayā saha rudrasya krīḍataścārṇavīkṛtaḥ||

हे नृपश्रेष्ठ! पूर्व कल्प में, परमेष्ठी रुद्र के उमा के साथ क्रीड़ा करते हुए, जब जगत समुद्ररूप हो गया था,

श्लोक 30 (skanda.5.160.30)

हर्षाज्जज्ञे शुभा कन्या उमायाः स्वेदसंभवा। शर्वस्योरःस्थलाज्जज्ञे उमा कुचविमर्दनात्॥

harṣājjajñe śubhā kanyā umāyāḥ svedasaṁbhavā| śarvasyoraḥsthalājjajñe umā kucavimardanāt||

हर्ष से उमा के स्वेद से एक शुभ कन्या उत्पन्न हुई; उमा स्वयं शर्व (शिव) की छाती से, कुचों के दबने से उत्पन्न हुई थीं।

श्लोक 31 (skanda.5.160.31)

स्वेदाद्विजज्ञे महती कन्या राजीवलोचना। द्वितीयः संभवो यस्या रुद्रदेहाद्युधिष्ठिर॥

svedādvijajñe mahatī kanyā rājīvalocanā| dvitīyaḥ saṁbhavo yasyā rudradehādyudhiṣṭhira||

स्वेद से एक महती, कमलनयना कन्या उत्पन्न हुई; हे युधिष्ठिर! उसका दूसरा जन्म रुद्र के शरीर से हुआ।

श्लोक 32 (skanda.5.160.32)

सा परिभ्रमते लोकान् सदेवासुरमानवान्। त्रैलोक्योन्मादजननी रूपेणऽप्रतिमा तदा॥

sā paribhramate lokān sadevāsuramānavān| trailokyonmādajananī rūpeṇa'pratimā tadā||

वह देवता, असुर तथा मनुष्यों सहित लोकों में भ्रमण करने लगी, त्रिलोक को उन्मत्त करने वाली, अनुपम रूप वाली।

श्लोक 33 (skanda.5.160.33)

तां दृष्ट्वा देवदैत्येन्द्रा मोहिता लभते कथम्। मृगयन्ति स्म तां कन्यामितश्चेतश्च भारत॥

tāṁ dṛṣṭvā devadaityendrā mohitā labhate katham| mṛgayanti sma tāṁ kanyāmitaścetaśca bhārata||

उसे देखकर देव-दैत्यों के इन्द्र मोहित हो गए — 'कैसे मिले' सोचते हुए। हे भारत! वे उस कन्या को इधर-उधर खोजने लगे।

श्लोक 34 (skanda.5.160.34)

हावभावविलासैश्च मोहयत्यखिलं जगत्। भ्रमते दिव्यरूपा सा विद्युत्सौदामिनी यथा॥

hāvabhāvavilāsaiśca mohayatyakhilaṁ jagat| bhramate divyarūpā sā vidyutsaudāminī yathā||

अपने हाव-भाव-विलास से वह समस्त जगत को मोहित करती हुई, बिजली की चमक के समान दिव्य रूप में भ्रमण करती है,

श्लोक 35 (skanda.5.160.35)

मेघमध्ये स्थिता भाभिः सर्वयोषिदनुत्तमा। ततो रुद्रं सुराः सर्वे दैत्याश्च सह दानवैः॥

meghamadhye sthitā bhābhiḥ sarvayoṣidanuttamā| tato rudraṁ surāḥ sarve daityāśca saha dānavaiḥ||

मानो मेघों के बीच अपनी आभा से खड़ी हो — वह समस्त स्त्रियों में श्रेष्ठ थी। तब सभी देवता तथा दानवों सहित दैत्य रुद्र के पास गए...

श्लोक 36 (skanda.5.160.36)

वरयन्ति स्म तां कन्यां कामेनाकुलिता भृशम्। ततोऽब्रवीन्महादेवो देवदानवयोर्द्वयोः॥

varayanti sma tāṁ kanyāṁ kāmenākulitā bhṛśam| tato'bravīnmahādevo devadānavayordvayoḥ||

...और काम से अत्यन्त व्याकुल होकर उस कन्या का वरण करने लगे। तब महादेव ने देव और दानव दोनों से कहा —

श्लोक 37 (skanda.5.160.37)

बलेन तेजसा चैव ह्यधिको यो भविष्यति। स इमां प्राप्स्यते कन्यां नान्यथा वै सुरोत्तमाः॥

balena tejasā caiva hyadhiko yo bhaviṣyati| sa imāṁ prāpsyate kanyāṁ nānyathā vai surottamāḥ||

'जो बल और तेज में अधिक होगा, वही इस कन्या को प्राप्त करेगा, अन्यथा नहीं, हे सुरश्रेष्ठों!'

श्लोक 38 (skanda.5.160.38)

ततो देवासुराः सर्वे कन्यां वै समुपागमन्। अहमेनां ग्रहीष्यामि अहमेनामिति ब्रुवन्॥

tato devāsurāḥ sarve kanyāṁ vai samupāgaman| ahamenāṁ grahīṣyāmi ahamenāmiti bruvan||

तब सभी देव-असुर उस कन्या के पास गए, 'मैं इसे ग्रहण करूँगा, मैं इसे ग्रहण करूँगा' — यह कहते हुए।

श्लोक 39 (skanda.5.160.39)

पश्यतामेव सर्वेषां सा कन्यान्तरधीयत। पुनस्तां ददृशुः सर्वे योजनान्तरधिष्ठिताम्॥

paśyatāmeva sarveṣāṁ sā kanyāntaradhīyata| punastāṁ dadṛśuḥ sarve yojanāntaradhiṣṭhitām||

सबके देखते-देखते ही वह कन्या अन्तर्धान हो गई; फिर सबने उसे एक योजन दूर खड़ी देखा।

श्लोक 40 (skanda.5.160.40)

जग्मुस्ते त्वरिताः सर्वे यत्र सा समदृश्यत। त्रिभिश्चतुर्भिश्च तथा योजनैर्दशभिः पुनः॥

jagmuste tvaritāḥ sarve yatra sā samadṛśyata| tribhiścaturbhiśca tathā yojanairdaśabhiḥ punaḥ||

जहाँ वह दिखी वहाँ सब शीघ्रता से गए; फिर तीन, चार, फिर दस योजन दूर,

श्लोक 41 (skanda.5.160.41)

धिष्ठितां समपश्यंस्ते सर्वे मातंगगामिनीम्। योजनानां शतैर्भूयः सहस्रैश्चाप्यधिष्ठिताम्॥

dhiṣṭhitāṁ samapaśyaṁste sarve mātaṁgagāminīm| yojanānāṁ śatairbhūyaḥ sahasraiścāpyadhiṣṭhitām||

उन्होंने उसे गजगामिनी के समान खड़ी देखा; फिर सैकड़ों, यहाँ तक कि हज़ारों योजन दूर भी खड़ी देखी,

श्लोक 42 (skanda.5.160.42)

तथा शतसहस्रेण लघुत्वात्समदृश्यत। अग्रतः पृष्ठतश्चैव दिशासु विदिशासु च॥

tathā śatasahasreṇa laghutvātsamadṛśyata| agrataḥ pṛṣṭhataścaiva diśāsu vidiśāsu ca||

फिर लाख योजन दूर भी, अपनी लघुता के कारण वह दिखाई देती थी — आगे, पीछे, दिशाओं और विदिशाओं में।

श्लोक 43 (skanda.5.160.43)

तां पश्यन्ति वरारोहामेकधा बहुधा पुनः। दिव्यवर्षसहस्रं तु भ्रामितास्ते तया पुरा॥

tāṁ paśyanti varārohāmekadhā bahudhā punaḥ| divyavarṣasahasraṁ tu bhrāmitāste tayā purā||

वे उस श्रेष्ठ कन्या को कभी एक रूप में, कभी अनेक रूपों में देखते थे; पूर्वकाल में वे सहस्र दिव्य वर्षों तक उसके द्वारा इस प्रकार घुमाए जाते रहे।

श्लोक 44 (skanda.5.160.44)

न चावाप्ता तु सा कन्या महादेवाङ्गसंभवा। सहोमया ततो देवो जहासोच्चैः पुनःपुनः॥

na cāvāptā tu sā kanyā mahādevāṅgasaṁbhavā| sahomayā tato devo jahāsoccaiḥ punaḥpunaḥ||

फिर भी महादेव के अंग से उत्पन्न वह कन्या किसी को प्राप्त न हुई। तब देव उमा सहित बार-बार ऊँचे स्वर से हँसे।

श्लोक 45 (skanda.5.160.45)

गणास्तालकसंपातैर्नृत्यन्ति च मुदान्विताः। अकस्माद्दृश्यते कन्या शंकरस्य समीपगा॥

gaṇāstālakasaṁpātairnṛtyanti ca mudānvitāḥ| akasmāddṛśyate kanyā śaṁkarasya samīpagā||

गण हर्षित होकर हाथ बजाते हुए नाचने लगे; तभी अचानक वह कन्या शंकर के समीप खड़ी दिखाई दी।

श्लोक 46 (skanda.5.160.46)

तां दृष्ट्वा विस्मयापन्ना देवा यान्ति पराङ्मुखाः। तस्याश्चक्रे ततो नाम स्वयमेव पिनाकधृक्॥

tāṁ dṛṣṭvā vismayāpannā devā yānti parāṅmukhāḥ| tasyāścakre tato nāma svayameva pinākadhṛk||

उसे देखकर विस्मित देवता मुँह फेरकर चले गए। तब पिनाकधारी शिव ने स्वयं ही उसका नामकरण किया।

श्लोक 47 (skanda.5.160.47)

नर्म चैभ्यो ददे यस्मात्तत्कृतैश्चेष्टितैः पृथक्। भविष्यसि वरारोहे सरिच्छ्रेष्ठा तु नर्मदा॥

narma caibhyo dade yasmāttatkṛtaiśceṣṭitaiḥ pṛthak| bhaviṣyasi varārohe saricchreṣṭhā tu narmadā||

'चूँकि तुमने अपनी इन विविध चेष्टाओं से इन्हें नर्म (परिहास) दिया है, इसलिए हे वरारोहे! तुम श्रेष्ठ नदी नर्मदा (नर्म देने वाली) बनोगी।'

श्लोक 48 (skanda.5.160.48)

स्वरूपमास्थितो देवः प्राप हास्यं यतो भुवि। नर्मदा तेन चोक्तेयं सुशीतलजला शिवा॥

svarūpamāsthito devaḥ prāpa hāsyaṁ yato bhuvi| narmadā tena cokteyaṁ suśītalajalā śivā||

अपने स्वरूप में स्थित उन देव को पृथ्वी पर जिससे हास्य प्राप्त हुआ, उसी से उसे शीतल-जला, शिवा 'नर्मदा' कहा गया।

श्लोक 49 (skanda.5.160.49)

सप्तकल्पक्षये जाते यदुक्तं शंभुना पुरा। न मृता तेन राजेन्द्र नर्मदा ख्यातिमागता॥

saptakalpakṣaye jāte yaduktaṁ śaṁbhunā purā| na mṛtā tena rājendra narmadā khyātimāgatā||

पूर्वकाल में शम्भु द्वारा जो कहा गया था, उसी के कारण सात कल्पों के क्षय होने पर भी वह नहीं मरी; इसीलिए, हे राजेन्द्र! नर्मदा को यह ख्याति प्राप्त हुई।

श्लोक 50 (skanda.5.160.50)

ततस्तामददात्कन्यां शीलवतीं सुशोभनाम्। महार्णवाय देवेशः सर्वभूतपतिः प्रभुः॥

tatastāmadadātkanyāṁ śīlavatīṁ suśobhanām| mahārṇavāya deveśaḥ sarvabhūtapatiḥ prabhuḥ||

तब देवेश, सर्वभूतपति प्रभु ने उस शीलवती, सुन्दर कन्या को महासागर को दे दिया।

श्लोक 51 (skanda.5.160.51)

ततः सा ऋक्षशैलेन्द्रात्फेनपुञ्जाट्टहासिनी। विवेश नर्मदा देवी समुद्रं सरितां पतिम्॥

tataḥ sā ṛkṣaśailendrātphenapuñjāṭṭahāsinī| viveśa narmadā devī samudraṁ saritāṁ patim||

तब वह देवी नर्मदा, ऋक्ष पर्वतराज से निकलकर फेन-समूहों से अट्टहास करती हुई, नदियों के स्वामी समुद्र में प्रविष्ट हुई।

श्लोक 52 (skanda.5.160.52)

एवं ब्राह्मे पुरा कल्पे समुद्भूतेयमीश्वरात्। मात्स्ये कल्पे मया दृष्टा समाख्याता मया शृणु॥

evaṁ brāhme purā kalpe samudbhūteyamīśvarāt| mātsye kalpe mayā dṛṣṭā samākhyātā mayā śṛṇu||

इस प्रकार पूर्वकाल में ब्राह्म कल्प में यह ईश्वर से उत्पन्न हुई; मात्स्य कल्प में मैंने इसे देखा — यह मैंने तुम्हें बता दिया, सुनो।