मयूर-कल्प में उत्पत्ति एवं रेवा के नामों के कारणों का वर्णन

श्लोक 1 (skanda.5.161.1)

मार्कण्डेय उवाच। पुनर्युगान्ते सम्प्राप्ते तृतीये नृपसत्तम। दादशार्कवपुर्भूत्वा भगवान्नीललोहितः॥

mārkaṇḍeya uvāca| punaryugānte samprāpte tṛtīye nṛpasattama| dādaśārkavapurbhūtvā bhagavānnīlalohitaḥ||

मार्कण्डेय बोले — हे नृपसत्तम! फिर तीसरे युग के अन्त में, भगवान नीललोहित (शिव) द्वादश-सूर्य रूप धारण करके,

श्लोक 2 (skanda.5.161.2)

सप्तद्वीपसमुद्रान्तां सशैलवनकाननाम्। निर्दग्धां तु महीं कृत्स्नां कालो भूत्वा महेश्वरः॥

saptadvīpasamudrāntāṁ saśailavanakānanām| nirdagdhāṁ tu mahīṁ kṛtsnāṁ kālo bhūtvā maheśvaraḥ||

पर्वत, वन और काननों सहित सप्तद्वीप-समुद्रान्त सम्पूर्ण पृथ्वी को जलाकर, महेश्वर काल-स्वरूप होकर,

श्लोक 3 (skanda.5.161.3)

ततो महाघनो भूत्वा प्लावयामास वारिणा। कृष्णं कृष्णवपुस्त्वेनां विद्युच्चन्द्रायुधाङ्किताम्॥

tato mahāghano bhūtvā plāvayāmāsa vāriṇā| kṛṣṇaṁ kṛṣṇavapustvenāṁ vidyuccandrāyudhāṅkitām||

फिर महामेघ बनकर, बिजली और चन्द्र-आयुध से चिह्नित काले शरीर वाले, जल से उसे प्लावित किया,

श्लोक 4 (skanda.5.161.4)

प्लावयित्वा जगत्सर्वं तस्मिन्नेकार्णवीकृते। सुष्वाप विमले तोये जगत्संक्षिप्य मायया॥

plāvayitvā jagatsarvaṁ tasminnekārṇavīkṛte| suṣvāpa vimale toye jagatsaṁkṣipya māyayā||

और सम्पूर्ण जगत को प्लावित करके, उसके एकार्णव हो जाने पर, माया से जगत को समेटकर वे निर्मल जल में सो गए।

श्लोक 5 (skanda.5.161.5)

ततोऽहं भ्रममास्तु तमोभूते महार्णवे। दिव्यं वर्षसहस्रं तु वायुभूते महेश्वरे॥

tato'haṁ bhramamāstu tamobhūte mahārṇave| divyaṁ varṣasahasraṁ tu vāyubhūte maheśvare||

तब मैं उस अंधकारमय महासागर में सहस्र दिव्य वर्षों तक भ्रमण करता रहा, जब महेश्वर वायु-रूप हो चुके थे।

श्लोक 6 (skanda.5.161.6)

ओंकृत्वा देवदेवेशं येनेदं गहनीकृतम्। ध्यायमानस्ततो देवं राजेन्द्र विमले जले॥

oṁkṛtvā devadeveśaṁ yenedaṁ gahanīkṛtam| dhyāyamānastato devaṁ rājendra vimale jale||

जिन्होंने इसे दुर्गम बना दिया था, उन देवदेवेश्वर को ॐकार से स्मरण करके, हे राजेन्द्र! मैं निर्मल जल में उस देव का ध्यान करता रहा।

श्लोक 7 (skanda.5.161.7)

तस्मिन्महार्णवे घोरे नष्टे स्थावरजङ्गमे। मयूरं स्वर्णपत्राढ्यमपश्यंसहसा जले। विचित्रचन्द्रकोपेतं नीलकंठं सुलोचनम्॥

tasminmahārṇave ghore naṣṭe sthāvarajaṅgame| mayūraṁ svarṇapatrāḍhyamapaśyaṁsahasā jale| vicitracandrakopetaṁ nīlakaṁṭhaṁ sulocanam||

उस भयंकर महासागर में, स्थावर-जंगम के नष्ट हो जाने पर, मैंने अचानक जल में स्वर्ण-पंखों से युक्त, विचित्र चन्द्रकों वाला, नीलकंठ, सुनयन मोर देखा।

श्लोक 8 (skanda.5.161.8)

ततो मयूरः स महार्णवान्ते विक्षोभयित्वा हि महास्वेण। चचार देवस्त्रिशिखी शिखण्डी त्रैलोक्यगोप्ता स महानुभावः॥

tato mayūraḥ sa mahārṇavānte vikṣobhayitvā hi mahāsveṇa| cacāra devastriśikhī śikhaṇḍī trailokyagoptā sa mahānubhāvaḥ||

फिर वह मोर महासागर के तट पर महाध्वनि से जल को क्षुब्ध करते हुए विचरण करने लगा — त्रिशिख, शिखण्डी, त्रैलोक्य का रक्षक वह महानुभाव देव।

श्लोक 9 (skanda.5.161.9)

शिवश्च रौद्रेण मयूररूपिणा विक्षोभ्यमाणे सलिलेऽपि तस्मिन्। सह भ्रमन्तीं च महार्णवान्ते सरिन्महौघां सुमहान्ददर्श॥

śivaśca raudreṇa mayūrarūpiṇā vikṣobhyamāṇe salile'pi tasmin| saha bhramantīṁ ca mahārṇavānte sarinmahaughāṁ sumahāndadarśa||

मोररूपधारी रौद्र शिव ने, उस क्षुब्ध होते जल में भी, महासागर के तट पर अपने साथ भ्रमण करती हुई एक विशाल जलधारा वाली नदी देखी।

श्लोक 10 (skanda.5.161.10)

स तां महादेवमयूररूपो दृष्ट्वा भ्रमन्तीं सहसोर्मिजालैः। का त्वं शुभे शाश्वतदेहभूता क्षयं न यातासि महाक्षयान्ते॥

sa tāṁ mahādevamayūrarūpo dṛṣṭvā bhramantīṁ sahasormijālaiḥ| kā tvaṁ śubhe śāśvatadehabhūtā kṣayaṁ na yātāsi mahākṣayānte||

मोररूपधारी महादेव ने तरंग-जालों में अचानक भ्रमण करती उसे देखकर पूछा — 'हे शुभे! तुम कौन हो, जो शाश्वत देह वाली, महाक्षय के अन्त में भी नष्ट नहीं हुई?'

श्लोक 11 (skanda.5.161.11)

देवासुरगणे नष्टे सरित्सरमहार्णवे। का त्वं भ्रमसि पद्माक्षि क्व गतासि च न क्षयम्॥

devāsuragaṇe naṣṭe saritsaramahārṇave| kā tvaṁ bhramasi padmākṣi kva gatāsi ca na kṣayam||

'देव-असुरगण के, नदी-सरोवरों के महासागर में नष्ट हो जाने पर, हे पद्माक्षि! तुम कौन हो, भ्रमण करती हुई? तुम कहाँ गई थीं कि क्षय को प्राप्त नहीं हुईं?'

श्लोक 12 (skanda.5.161.12)

नर्मदोवाच। तव प्रसादाद्देवेश मृत्युर्मम न विद्यते। सृज देव पुनर्विश्वं शर्वरी क्षयमागता॥

narmadovāca| tava prasādāddeveśa mṛtyurmama na vidyate| sṛja deva punarviśvaṁ śarvarī kṣayamāgatā||

नर्मदा बोली — 'हे देवेश! आपकी कृपा से मेरी मृत्यु नहीं होती। हे देव! फिर से विश्व की सृष्टि कीजिए, रात्रि (प्रलय की) समाप्त हो चुकी है।'

श्लोक 13 (skanda.5.161.13)

एवमुक्तो महादेवो व्यधुनोत्पक्षपञ्जरम्। तावत्पञ्जरमध्यान्ते तस्य पक्षाद्विनिःसृताः॥

evamukto mahādevo vyadhunotpakṣapañjaram| tāvatpañjaramadhyānte tasya pakṣādviniḥsṛtāḥ||

इस प्रकार कहे जाने पर महादेव ने अपने पंखों के पिंजर को हिलाया; उसी क्षण उनके पंखों के मध्य से बाहर निकले...

श्लोक 14 (skanda.5.161.14)

तावन्तो देवदैत्येन्द्राः पक्षाभ्यां तस्य जज्ञिरे। तेषां मध्ये पुनः सा तु नर्मदा भ्रमते सरित्॥

tāvanto devadaityendrāḥ pakṣābhyāṁ tasya jajñire| teṣāṁ madhye punaḥ sā tu narmadā bhramate sarit||

...उतने ही देव-दैत्येन्द्र, जितने उनके दोनों पंखों से उत्पन्न हुए। उन्हीं के मध्य फिर वह नर्मदा नदी भ्रमण करने लगी।

श्लोक 15 (skanda.5.161.15)

ततश्चान्यो महाशैलो दृश्यते भरतर्षभ। त्रिभिः कूटैः सुविस्तीर्णैः शृङ्गवानिव गोवृषः॥

tataścānyo mahāśailo dṛśyate bharatarṣabha| tribhiḥ kūṭaiḥ suvistīrṇaiḥ śṛṅgavāniva govṛṣaḥ||

हे भरतर्षभ! फिर एक और महापर्वत दिखाई दिया, तीन विस्तीर्ण शिखरों से युक्त, सींगों वाले बैल के समान,

श्लोक 16 (skanda.5.161.16)

त्रिकूटस्तु इति ख्यातः सर्वरत्नैर्विभूषितः। ततस्तस्मात्त्रिकूटाच्च प्लावयन्ती महीं ययौ॥

trikūṭastu iti khyātaḥ sarvaratnairvibhūṣitaḥ| tatastasmāttrikūṭācca plāvayantī mahīṁ yayau||

जो त्रिकूट नाम से विख्यात, सब रत्नों से विभूषित था। तब उस त्रिकूट से प्लावित करती हुई वह पृथ्वी पर गई।

श्लोक 17 (skanda.5.161.17)

त्रिकूटी तेन विख्याता पितॄणां त्रायणी परा। द्वितीयाच्च ततो गङ्गा विस्तीर्णा धरणीतले॥

trikūṭī tena vikhyātā pitṝṇāṁ trāyaṇī parā| dvitīyācca tato gaṅgā vistīrṇā dharaṇītale||

इसीलिए वह त्रिकूटी नाम से विख्यात हुई, पितरों की परम त्राणकर्त्री। और दूसरे शिखर से वह गंगा हुई, धरती-तल पर विस्तीर्ण होती हुई।

श्लोक 18 (skanda.5.161.18)

तृतीयं च ततः शृङ्गं सप्तधा खण्डशो गतम्। जम्बूद्वीपे तु संजाताः सप्त ते कुलपर्वताः॥

tṛtīyaṁ ca tataḥ śṛṅgaṁ saptadhā khaṇḍaśo gatam| jambūdvīpe tu saṁjātāḥ sapta te kulaparvatāḥ||

और तीसरा शिखर सात भागों में विभक्त हो गया; वे ही जम्बूद्वीप में सात कुलपर्वत बने,

श्लोक 19 (skanda.5.161.19)

चन्द्रनक्षत्रसहिता ग्रहग्रामनदीनदाः। अण्डजं स्वेदजं जातमुद्भिज्जं च जरायुजम्॥

candranakṣatrasahitā grahagrāmanadīnadāḥ| aṇḍajaṁ svedajaṁ jātamudbhijjaṁ ca jarāyujam||

चन्द्र-नक्षत्र, ग्रह, गाँव, नदी-नद सहित; और अण्डज, स्वेदज, उद्भिज्ज तथा जरायुज प्राणी उत्पन्न हुए।

श्लोक 20 (skanda.5.161.20)

एवं जगदिदं सर्वं मयूरादभवत्पुरा। समस्तं नरशार्दूल महादेवसमुद्भवम्॥

evaṁ jagadidaṁ sarvaṁ mayūrādabhavatpurā| samastaṁ naraśārdūla mahādevasamudbhavam||

हे नरशार्दूल! इस प्रकार यह सम्पूर्ण जगत पूर्वकाल में मोर से उत्पन्न हुआ — सब कुछ महादेव से सम्भूत।

श्लोक 21 (skanda.5.161.21)

ततो नदीः समुद्रांश्च संविभज्य पृथक्पृथक्। नर्मदामाह देवेशो गच्छ त्वं दक्षिणां दिशम्॥

tato nadīḥ samudrāṁśca saṁvibhajya pṛthakpṛthak| narmadāmāha deveśo gaccha tvaṁ dakṣiṇāṁ diśam||

तब नदियों और समुद्रों को पृथक्-पृथक् बाँटकर देवेश ने नर्मदा से कहा — 'तुम दक्षिण दिशा में जाओ।'

श्लोक 22 (skanda.5.161.22)

एवं सा दक्षिणा गंगा महापातकनाशिनी। उत्तरे जाह्नवी देशे पुण्या त्वं दक्षिणे शुभा॥

evaṁ sā dakṣiṇā gaṁgā mahāpātakanāśinī| uttare jāhnavī deśe puṇyā tvaṁ dakṣiṇe śubhā||

'इस प्रकार तुम दक्षिणी गंगा, महापातकनाशिनी बनोगी। जैसे उत्तर में जाह्नवी पुण्य है, वैसे ही तुम दक्षिण में शुभ बनोगी।'

श्लोक 23 (skanda.5.161.23)

यथा गंगा महापुण्या मम मस्तकसंभवा। तद्विशिष्टा महाभागे त्वं चैवेति न संशयः॥

yathā gaṁgā mahāpuṇyā mama mastakasaṁbhavā| tadviśiṣṭā mahābhāge tvaṁ caiveti na saṁśayaḥ||

'जैसे महापुण्य गंगा मेरे मस्तक से उत्पन्न हुई, वैसे ही, हे महाभागे! तुम भी विशिष्ट हो, इसमें संशय नहीं।'

श्लोक 24 (skanda.5.161.24)

त्वया सह भविष्यामि एकेनांशेन सुव्रते। महापातकयुक्तानामौषधं त्वं भविष्यसि॥

tvayā saha bhaviṣyāmi ekenāṁśena suvrate| mahāpātakayuktānāmauṣadhaṁ tvaṁ bhaviṣyasi||

'हे सुव्रते! मैं एक अंश से सदा तुम्हारे साथ रहूँगा। तुम महापातकियों के लिए औषध बनोगी।'

श्लोक 25 (skanda.5.161.25)

एवमुक्ता तु देवेन महापातकनाशिनी। दक्षिणं दिग्विभागं तु सा जगामाशु विक्रमा॥

evamuktā tu devena mahāpātakanāśinī| dakṣiṇaṁ digvibhāgaṁ tu sā jagāmāśu vikramā||

देव द्वारा इस प्रकार कहे जाने पर, महापातकनाशिनी वह पराक्रमी नदी शीघ्र ही दक्षिण दिशा को गई।

श्लोक 26 (skanda.5.161.26)

ऋक्षशैलेन्द्रमासाद्य चन्द्रमौलेरनुग्रहात्। वार्यौघैः प्रस्थिता यस्मान्महादेवप्रणोदिता॥

ṛkṣaśailendramāsādya candramauleranugrahāt| vāryaughaiḥ prasthitā yasmānmahādevapraṇoditā||

ऋक्ष पर्वतराज तक पहुँचकर, चन्द्रमौलि शिव के अनुग्रह से, चूँकि वह जल-प्रवाहों के साथ महादेव द्वारा प्रेरित होकर चली,

श्लोक 27 (skanda.5.161.27)

महता चापि वेगेन यस्मादेषा समुच्छ्रिता। महती तेन सा प्रोक्ता महादेवान्महीपते॥

mahatā cāpi vegena yasmādeṣā samucchritā| mahatī tena sā proktā mahādevānmahīpate||

और चूँकि हे महीपते! वह महान वेग से ऊपर उठी, इसीलिए महादेव से उत्पन्न होने के कारण वह 'महती' कही गई।

श्लोक 28 (skanda.5.161.28)

तपतस्तस्य देवस्य शूलाग्राद्बिन्दवोऽपतन्। तेनैषा शोणसंज्ञा तु दश सप्त च ताः स्मृताः॥

tapatastasya devasya śūlāgrādbindavo'patan| tenaiṣā śoṇasaṁjñā tu daśa sapta ca tāḥ smṛtāḥ||

तप करते हुए उन देव के त्रिशूल के अग्रभाग से बिन्दु गिरे; इसीलिए यह 'शोण' संज्ञा वाली हुई, और वे सत्रह स्मृत हैं।

श्लोक 29 (skanda.5.161.29)

सर्वेषां नर्मदा पुण्या रुद्रदेहाद्विनिःसृता। सर्वाभ्यश्च सरिद्भ्यश्च वरदानान्महात्मनः॥

sarveṣāṁ narmadā puṇyā rudradehādviniḥsṛtā| sarvābhyaśca saridbhyaśca varadānānmahātmanaḥ||

इन सबमें पुण्य नर्मदा रुद्र के शरीर से निकली; और उस महात्मा के वरदान से वह सब नदियों से श्रेष्ठ है।

श्लोक 30 (skanda.5.161.30)

शंकरानुप्रहाद्देवी महापातकनाशिनी। यस्मान्महार्णवे घोरे दृश्यते महती च सा॥

śaṁkarānuprahāddevī mahāpātakanāśinī| yasmānmahārṇave ghore dṛśyate mahatī ca sā||

शंकर के अनुग्रह से वह देवी महापातकनाशिनी है; और चूँकि वह भयंकर महासागर में विशाल रूप में दिखाई देती है...

श्लोक 31 (skanda.5.161.31)

सुव्यक्ताङ्गी महाकाया महती तेन सा स्मृता। तस्माद्विक्षोभ्यमाणा हि दिग्गजैरम्बुदोपमैः॥

suvyaktāṅgī mahākāyā mahatī tena sā smṛtā| tasmādvikṣobhyamāṇā hi diggajairambudopamaiḥ||

...सुव्यक्त अंगों वाली, विशालकाया, इसीलिए वह 'महती' स्मृत है। और चूँकि मेघ-सम दिग्गजों द्वारा क्षुब्ध की जाती है,

श्लोक 32 (skanda.5.161.32)

कलुषत्वं नयत्येव रसेन सुरसा तथा। कृपां करोति सा यस्माल्लोकानामभयप्रदा॥

kaluṣatvaṁ nayatyeva rasena surasā tathā| kṛpāṁ karoti sā yasmāllokānāmabhayapradā||

वह कलुषता को प्राप्त होकर भी रस से युक्त रहती है, इसलिए 'सुरसा' है। और चूँकि वह लोकों को अभय देने वाली कृपा करती है,

श्लोक 33 (skanda.5.161.33)

संसारार्णवमग्नानां तेन चैषा कृपा स्मृता। पुरा कृतयुगे पुण्ये दिव्यमन्दारभूषिता॥

saṁsārārṇavamagnānāṁ tena caiṣā kṛpā smṛtā| purā kṛtayuge puṇye divyamandārabhūṣitā||

संसार-सागर में डूबे हुओं पर, इसीलिए यह 'कृपा' स्मृत है। पूर्वकाल में पुण्य कृतयुग में दिव्य मन्दार वृक्षों से सुशोभित,

श्लोक 34 (skanda.5.161.34)

कल्पवृक्षसमाकीर्णा रोहीतकसमाकुला। वहत्येषा च मन्देन तेन मन्दाकिनी स्मृता॥

kalpavṛkṣasamākīrṇā rohītakasamākulā| vahatyeṣā ca mandena tena mandākinī smṛtā||

कल्पवृक्षों से भरी, रोहीतक वृक्षों से युक्त, यह मन्द गति से बहती है, इसलिए 'मन्दाकिनी' स्मृत है।

श्लोक 35 (skanda.5.161.35)

भित्त्वा महार्णवं क्षिप्रं यस्माल्लोकमिहागता। पूज्या सुरैश्च सिद्धैश्च तस्मादेषा महार्णवा॥

bhittvā mahārṇavaṁ kṣipraṁ yasmāllokamihāgatā| pūjyā suraiśca siddhaiśca tasmādeṣā mahārṇavā||

चूँकि महासागर को शीघ्र भेदकर वह इस लोक में आई, और देवों तथा सिद्धों द्वारा पूज्य है, इसीलिए यह 'महार्णवा' कहलाती है।

श्लोक 36 (skanda.5.161.36)

विचित्रोत्पलसंघातैरृक्षद्विपसमाकुला॥

vicitrotpalasaṁghātairṛkṣadvipasamākulā||

विचित्र कमल-समूहों से, तथा भालुओं और हाथियों से भरी हुई,

श्लोक 37 (skanda.5.161.37)

भित्त्वा शैलं च विपुलं प्रयात्येवं महार्णवम्। भ्रामयन्ती दिशः सर्वा रवेण महता पुरा॥

bhittvā śailaṁ ca vipulaṁ prayātyevaṁ mahārṇavam| bhrāmayantī diśaḥ sarvā raveṇa mahatā purā||

विशाल पर्वत को भेदकर वह इस प्रकार महासागर की ओर जाती है, पूर्वकाल में महाध्वनि से सब दिशाओं को गुँजाती हुई,

श्लोक 38 (skanda.5.161.38)

प्लावयन्ती विराजन्ती तेन रेवा इति स्मृता। भार्यापुत्रसुदुःखाढ्यान्नराञ्छापैः समावृतान्॥

plāvayantī virājantī tena revā iti smṛtā| bhāryāputrasuduḥkhāḍhyānnarāñchāpaiḥ samāvṛtān||

प्लावित करती और शोभायमान होती — इसीलिए 'रेवा' स्मृत है। पत्नी-पुत्र के दुःख से पीड़ित, शापों से घिरे मनुष्यों को...

श्लोक 39 (skanda.5.161.39)

विपापान्कुरुते यस्माद्विपापा तेन सा स्मृता। विण्मूत्रनिचयां घोरां पांशुशोणितकर्दमाम्॥

vipāpānkurute yasmādvipāpā tena sā smṛtā| viṇmūtranicayāṁ ghorāṁ pāṁśuśoṇitakardamām||

...निष्पाप बना देती है, इसीलिए वह 'विपापा' स्मृत है। विष्ठा-मूत्र के भयंकर संचय में, धूल-रक्त की कीचड़ में...

श्लोक 40 (skanda.5.161.40)

पाशैर्नित्यं तु सम्बाधां यस्मान्मोचयते भृशम्। विपाशेति च सा प्रोक्ता संसारार्णवतारिणी॥

pāśairnityaṁ tu sambādhāṁ yasmānmocayate bhṛśam| vipāśeti ca sā proktā saṁsārārṇavatāriṇī||

...सदा पाशों से बद्ध लोगों को जिससे वह पूर्णतः मुक्त कर देती है, इसीलिए वह संसार-सागर से तारने वाली 'विपाशा' कही गई।

श्लोक 41 (skanda.5.161.41)

नर्मदा विमलाम्भा च विमलेन्दुशुभानना। तमोभूते महाघोरे यस्मादेषा महाप्रभा॥

narmadā vimalāmbhā ca vimalenduśubhānanā| tamobhūte mahāghore yasmādeṣā mahāprabhā||

नर्मदा, निर्मल जल वाली, निर्मल चन्द्र-सम शुभ मुख वाली — चूँकि वह उस अंधकारमय महाभयंकर काल में महाप्रभा से युक्त रहती है,

श्लोक 42 (skanda.5.161.42)

विमला तेन सा प्रोक्ता विद्वद्भिर्नृपसत्तम। करैरिन्दुकरप्रख्यैः सूर्यरश्मिसमप्रभा॥

vimalā tena sā proktā vidvadbhirnṛpasattama| karairindukaraprakhyaiḥ sūryaraśmisamaprabhā||

इसीलिए, हे नृपसत्तम! विद्वानों द्वारा वह 'विमला' कही गई। चन्द्र-किरणों जैसी किरणों से, सूर्य-रश्मियों के समान तेज से,

श्लोक 43 (skanda.5.161.43)

क्षरन्ती मोदते विश्वं करभा तेन चोच्यते। यस्माद्रञ्जयते लोकान्दर्शनादेव भारत॥

kṣarantī modate viśvaṁ karabhā tena cocyate| yasmādrañjayate lokāndarśanādeva bhārata||

बहती हुई वह विश्व को आनन्दित करती है, इसीलिए 'करभा' कही जाती है। हे भारत! चूँकि वह दर्शनमात्र से लोकों को रंजित करती है,

श्लोक 44 (skanda.5.161.44)

रञ्जनाद्रञ्जना प्रोक्ता धात्वर्थे राजसत्तम। तृणवीरुधगुल्माद्यास्तिर्यञ्चः पक्षिणस्तथा। तानुद्भूतान्नयेत्स्वर्गं तेनोक्ता वायुवाहिनी॥

rañjanādrañjanā proktā dhātvarthe rājasattama| tṛṇavīrudhagulmādyāstiryañcaḥ pakṣiṇastathā| tānudbhūtānnayetsvargaṁ tenoktā vāyuvāhinī||

हे राजसत्तम! धातु के अर्थ में 'रंजन' से 'रंजना' कही गई। तृण, लता, गुल्म आदि, तिर्यंच तथा पक्षी भी — उनमें से उत्पन्न प्राणियों को वह स्वर्ग ले जाती है, इसीलिए 'वायुवाहिनी' कही गई।

श्लोक 45 (skanda.5.161.45)

एवं यो वेत्ति नामानि निर्गमं च विशेषतः। स याति पापविर्मुक्तो रुद्रलोकं न संशयः॥

evaṁ yo vetti nāmāni nirgamaṁ ca viśeṣataḥ| sa yāti pāpavirmukto rudralokaṁ na saṁśayaḥ||

इस प्रकार जो इन नामों को और विशेषतः उनकी उत्पत्ति को जानता है, वह पापों से मुक्त होकर रुद्रलोक को जाता है, इसमें संशय नहीं है।