नीलगन्धवती-प्रभाव-वर्णन

श्लोक 1 (skanda.5.16.1)

सनत्कुमार उवाच। अथान्यत्संप्रवक्ष्यामि तीर्थानां तीर्थमुत्तमम्। स्थापितं परमं तीर्थं स्वनाम्ना मुनिसत्तम

sanatkumāra uvāca| athānyatsaṁpravakṣyāmi tīrthānāṁ tīrthamuttamam| sthāpitaṁ paramaṁ tīrthaṁ svanāmnā munisattama

सनत्कुमार ने कहा—अब मैं अन्य एक तीर्थ, तीर्थों में उत्तम, कहूँगा; हे मुनिसत्तम, वह परम तीर्थ अपने ही नाम से स्थापित हुआ।

श्लोक 2 (skanda.5.16.2)

एकदा समये व्यास कपालक्षालनाय वै। शीर्षोदकं गृहीत्वा तु कपालेन महेश्वरः

ekadā samaye vyāsa kapālakṣālanāya vai| śīrṣodakaṁ gṛhītvā tu kapālena maheśvaraḥ

हे व्यास, एक बार किसी समय, कपाल धोने के लिए महेश्वर ने कपाल में शिरोदक लेकर...

श्लोक 3 (skanda.5.16.3)

प्रक्षाल्य चाक्षिपद्भूमौ तत्र तीर्थमनुत्तमम्। नाम्ना गन्धवती पुण्या नदी त्रैलोक्यविश्रुता

prakṣālya cākṣipadbhūmau tatra tīrthamanuttamam| nāmnā gandhavatī puṇyā nadī trailokyaviśrutā

...उसे धोकर पृथ्वी पर फेंक दिया; वहाँ गन्धवती नाम से एक परम पुण्य नदी उत्पन्न हुई, जो त्रैलोक्य में विख्यात है।

श्लोक 4 (skanda.5.16.4)

ब्रह्मणो रुधिरेणाशु परिपूर्णाभवत्क्षणात्। तस्यां स्नानं सदा शस्तं स्वयं देवेन भाषितम्

brahmaṇo rudhireṇāśu paripūrṇābhavatkṣaṇāt| tasyāṁ snānaṁ sadā śastaṁ svayaṁ devena bhāṣitam

ब्रह्मा के रक्त से वह शीघ्र ही क्षणभर में परिपूर्ण हो गई; उसमें स्नान सदा प्रशस्त कहा गया है, स्वयं देव द्वारा।

श्लोक 5 (skanda.5.16.5)

श्राद्धं च तर्पणं कृत्वा तत्सर्वं चाक्षयं भवेत्। वायुभूतास्तु पितरस्तस्यास्तीरे तु दक्षिणे

śrāddhaṁ ca tarpaṇaṁ kṛtvā tatsarvaṁ cākṣayaṁ bhavet| vāyubhūtāstu pitarastasyāstīre tu dakṣiṇe

वहाँ श्राद्ध और तर्पण करने से वह सब अक्षय हो जाता है; वायुरूपधारी पितर उसके दक्षिण तट पर...

श्लोक 6 (skanda.5.16.6)

तिष्ठंति मुनिशार्दूल चिंतयंति स्वगोत्रजम्। आगमिष्यति पुत्रोऽद्य नप्ता वा संतताविह

tiṣṭhaṁti muniśārdūla ciṁtayaṁti svagotrajam| āgamiṣyati putro'dya naptā vā saṁtatāviha

...निवास करते हैं, हे मुनिशार्दूल, और अपने गोत्रज का चिन्तन करते हैं—'क्या आज हमारे वंश में यहाँ पुत्र या पौत्र आएगा?'

श्लोक 7 (skanda.5.16.7)

संयावं पायसं वापि श्यामाकं सनिवारकम्। सकृत्क्षौद्रतिलैर्युक्तं पिण्डं दास्यति वै कदा

saṁyāvaṁ pāyasaṁ vāpi śyāmākaṁ sanivārakam| sakṛtkṣaudratilairyuktaṁ piṇḍaṁ dāsyati vai kadā

'क्या वह संयाव, पायस अथवा श्यामाक-निवार से युक्त, मधु-तिल से मिश्रित पिण्ड कभी अर्पित करेगा?'

श्लोक 8 (skanda.5.16.8)

तेन पिंडप्रदानेन तृप्तिर्भवति चाक्षया। यस्तु स्नात्वा च वै पिंडं दद्याद्वै चंद्रं पर्वणि

tena piṁḍapradānena tṛptirbhavati cākṣayā| yastu snātvā ca vai piṁḍaṁ dadyādvai caṁdraṁ parvaṇi

उस पिण्डदान से अक्षय तृप्ति होती है; जो स्नान करके पर्व के समय चन्द्रमा को पिण्ड अर्पित करता है...

श्लोक 9 (skanda.5.16.9)

पितरौ द्वादशाब्दानि तृप्तिं यास्यंति तस्य वै। येऽत्रागत्य सुविद्वांसो मानवा वा तथा द्विजाः

pitarau dvādaśābdāni tṛptiṁ yāsyaṁti tasya vai| ye'trāgatya suvidvāṁso mānavā vā tathā dvijāḥ

...उसके लिए दोनों पितर बारह वर्षों तक तृप्ति को प्राप्त होते हैं। जो सुविद्वान् मनुष्य अथवा द्विज यहाँ आकर...

श्लोक 10 (skanda.5.16.10)

पितॄन्संतर्पयिष्यंति स्वर्गस्तेषां सदाऽक्षयः। तत्र यद्दीयते दानं त्रुटिमात्रं तु कांचनम्

pitṝnsaṁtarpayiṣyaṁti svargasteṣāṁ sadā'kṣayaḥ| tatra yaddīyate dānaṁ truṭimātraṁ tu kāṁcanam

...पितरों को संतर्पित करेंगे, उनके लिए स्वर्ग सदा अक्षय होगा। वहाँ जो दान दिया जाता है, चाहे स्वर्ण का एक कण मात्र ही क्यों न हो...

श्लोक 11 (skanda.5.16.11)

अक्षयं तस्य तत्प्रोक्तं ब्रह्मणा वै स्वयंभुवा। गंगाद्वारे प्रयागे च कुरुक्षेत्रेऽथ पुष्करे

akṣayaṁ tasya tatproktaṁ brahmaṇā vai svayaṁbhuvā| gaṁgādvāre prayāge ca kurukṣetre'tha puṣkare

...वह स्वयंभू ब्रह्मा द्वारा अक्षय कहा गया है। गंगाद्वार, प्रयाग, कुरुक्षेत्र तथा पुष्कर में...

श्लोक 12 (skanda.5.16.12)

वाराणस्यां गयायां च सा न तृप्तिर्भविष्यति। तुष्टाश्च पितरो नृणां दास्यंति कांक्षितान्वरान्

vārāṇasyāṁ gayāyāṁ ca sā na tṛptirbhaviṣyati| tuṣṭāśca pitaro nṛṇāṁ dāsyaṁti kāṁkṣitānvarān

...वाराणसी और गया में भी वह तृप्ति नहीं होगी। संतुष्ट हुए पितर मनुष्यों को इच्छित वर प्रदान करते हैं।

श्लोक 13 (skanda.5.16.13)

यो यमुद्दिश्य वैकाममिह श्राद्धं करिष्यति। तस्य तज्जायते सर्वं मृतस्य परमा गतिः

yo yamuddiśya vaikāmamiha śrāddhaṁ kariṣyati| tasya tajjāyate sarvaṁ mṛtasya paramā gatiḥ

जो यहाँ जिसके भी उद्देश्य से इच्छानुसार श्राद्ध करता है, मृतक की वह सब कुछ—परम गति—प्राप्त हो जाती है।

श्लोक 14 (skanda.5.16.14)

नवमी अष्टमी चैव अमावास्याथ पूर्णिमा। सर्वाण्येतानि वै व्यास रवेः संक्रम एव च

navamī aṣṭamī caiva amāvāsyātha pūrṇimā| sarvāṇyetāni vai vyāsa raveḥ saṁkrama eva ca

नवमी, अष्टमी, तथा अमावस्या और पूर्णिमा—हे व्यास, ये सभी तिथियाँ, तथा सूर्य की संक्रान्ति भी...

श्लोक 15 (skanda.5.16.15)

ब्रह्मेंद्र रुद्रदेवांश्च सूर्याग्निब्रह्मदैवतान्। विश्वेदेवान्सगन्धर्वान्यक्षाश्च मनुजान्पशून्

brahmeṁdra rudradevāṁśca sūryāgnibrahmadaivatān| viśvedevānsagandharvānyakṣāśca manujānpaśūn

ब्रह्मा, इन्द्र और रुद्रदेव, तथा सूर्य-अग्नि-ब्रह्म देवता; गन्धर्वसहित विश्वेदेव, यक्ष, मनुष्य, पशु...

श्लोक 16 (skanda.5.16.16)

सरीसृपान्पितृगणान्यच्चान्यद्भुवि संस्थितम्। श्राद्धं वै श्रद्धया कुर्वन्प्रीणयत्यखिलं जगत्

sarīsṛpānpitṛgaṇānyaccānyadbhuvi saṁsthitam| śrāddhaṁ vai śraddhayā kurvanprīṇayatyakhilaṁ jagat

...सरीसृप, पितृगण, तथा पृथ्वी पर स्थित अन्य जो कुछ भी है—श्रद्धापूर्वक श्राद्ध करने से सम्पूर्ण जगत् प्रसन्न होता है।

श्लोक 17 (skanda.5.16.17)

मासिमास्यसिते पक्षे पंचदश्यां द्विजोत्तम। इन्दुक्षये यदा मैत्रं विशाखां चैव रोहिणीम्

māsimāsyasite pakṣe paṁcadaśyāṁ dvijottama| indukṣaye yadā maitraṁ viśākhāṁ caiva rohiṇīm

हे द्विजोत्तम, प्रत्येक मास के कृष्ण पक्ष की पंचदशी को, चन्द्रक्षय के समय, तथा अनुराधा, विशाखा और रोहिणी नक्षत्रों में...

श्लोक 18 (skanda.5.16.18)

श्राद्धे पितृगणास्तृप्तिं प्रयांति पितरोऽर्जिताम्। वासवाजैकपादर्क्षे पितॄणां तृप्तिमिच्छता

śrāddhe pitṛgaṇāstṛptiṁ prayāṁti pitaro'rjitām| vāsavājaikapādarkṣe pitṝṇāṁ tṛptimicchatā

...श्राद्ध में पितृगण अर्जित तृप्ति को प्राप्त होते हैं। धनिष्ठा और पूर्वभाद्रपद नक्षत्रों में, पितरों की तृप्ति चाहने वाले को...

श्लोक 19 (skanda.5.16.19)

भक्त्या श्राद्धं प्रकर्तव्यं पितरस्तेन तर्पिताः। अपि धन्याः कुले जाता अस्माकं मतिशालिनः

bhaktyā śrāddhaṁ prakartavyaṁ pitarastena tarpitāḥ| api dhanyāḥ kule jātā asmākaṁ matiśālinaḥ

...भक्तिपूर्वक श्राद्ध करना चाहिए, जिससे पितर तृप्त होते हैं। 'धन्य हैं वे, जो हमारे कुल में बुद्धिमान् होकर उत्पन्न हुए।'

श्लोक 20 (skanda.5.16.20)

ये कुर्वंति च वै श्राद्धं पिंडान्ये निर्वपंति च। तेन पिंडप्रदानेन तृप्तिर्नो भविताऽक्षया

ye kurvaṁti ca vai śrāddhaṁ piṁḍānye nirvapaṁti ca| tena piṁḍapradānena tṛptirno bhavitā'kṣayā

'जो श्राद्ध करते हैं और पिण्ड अर्पित करते हैं, उस पिण्डदान से हमारी तृप्ति अक्षय होगी।'

श्लोक 21 (skanda.5.16.21)

इहैत्य वै पुण्यजलेषु सम्यक्स्नात्वा नरस्तांस्तु लभेत कामान्। यान्प्राप्य च प्रेतगणैः समेतः स मोदते देववृतोऽथ सिद्धः

ihaitya vai puṇyajaleṣu samyaksnātvā narastāṁstu labheta kāmān| yānprāpya ca pretagaṇaiḥ sametaḥ sa modate devavṛto'tha siddhaḥ

जो मनुष्य यहाँ आकर इन पुण्य जलों में भलीभाँति स्नान करता है, वह अपने इच्छित मनोरथों को प्राप्त करता है; उन्हें पाकर, प्रेतगणों सहित, देवताओं द्वारा सम्मानित होकर वह आनन्दित होता है और सिद्ध हो जाता है।

श्लोक 22 (skanda.5.16.22)

चित्तं च वित्तं च नृणां च शुद्धं शस्तश्च कालः कथितो विधिश्च। पात्रं यथोक्तं परमा च भक्तिर्नृणां प्रयच्छंति हि वांछितानि

cittaṁ ca vittaṁ ca nṛṇāṁ ca śuddhaṁ śastaśca kālaḥ kathito vidhiśca| pātraṁ yathoktaṁ paramā ca bhaktirnṛṇāṁ prayacchaṁti hi vāṁchitāni

मनुष्यों का शुद्ध चित्त, धन, तथा प्रशस्त काल कहा गया, विधि सहित, यथोक्त पात्र तथा परम भक्ति—ये सब मनुष्यों को उनकी इच्छित वस्तुएँ प्रदान करते हैं।