दशाश्वमेध-माहात्म्य-वर्णन

श्लोक 1 (skanda.5.17.1)

सनत्कुमार उवाच। दशाश्वमेधिके स्नात्वा दृष्ट्वा देवं महेश्वरम्। दशानामश्वमेधानां फलं प्राप्नोति मानवः

sanatkumāra uvāca| daśāśvamedhike snātvā dṛṣṭvā devaṁ maheśvaram| daśānāmaśvamedhānāṁ phalaṁ prāpnoti mānavaḥ

सनत्कुमार ने कहा—दशाश्वमेधिक में स्नान कर तथा देव महेश्वर का दर्शन कर, मनुष्य दस अश्वमेधों का फल प्राप्त करता है।

श्लोक 2 (skanda.5.17.2)

मनुना मानवेन्द्रेण राज्ञा चैव ययातिना। रघुणोशनसा चैव लोमशेन महर्षिणा

manunā mānavendreṇa rājñā caiva yayātinā| raghuṇośanasā caiva lomaśena maharṣiṇā

मनुष्यों के स्वामी मनु द्वारा, राजा ययाति द्वारा, रघु, उशना तथा महर्षि लोमश द्वारा...

श्लोक 3 (skanda.5.17.3)

अत्रिणा भृगुणा व्यास दत्तात्रेयेण धीमता। पुरूरवसा पुण्येन नहुषेण नलेन च

atriṇā bhṛguṇā vyāsa dattātreyeṇa dhīmatā| purūravasā puṇyena nahuṣeṇa nalena ca

हे व्यास, अत्रि, भृगु, बुद्धिमान् दत्तात्रेय, पुण्यशील पुरूरवा, नहुष तथा नल द्वारा...

श्लोक 4 (skanda.5.17.4)

अत्र स्नानेन संप्राप्तं दशाश्वमेधिकं फलम्। संप्राप्ते द्वापरस्यांते राज्ञा बाष्कलिना तथा

atra snānena saṁprāptaṁ daśāśvamedhikaṁ phalam| saṁprāpte dvāparasyāṁte rājñā bāṣkalinā tathā

...यहाँ स्नान द्वारा दशाश्वमेध का फल प्राप्त किया गया। द्वापर के अन्त में राजा बाष्कलि द्वारा भी...

श्लोक 5 (skanda.5.17.5)

दशानामश्वमेधानां फलं प्राप्तं द्विजोत्तम। कृष्णवर्णं तथा लिंगं पूजितं भक्तितः सदा

daśānāmaśvamedhānāṁ phalaṁ prāptaṁ dvijottama| kṛṣṇavarṇaṁ tathā liṁgaṁ pūjitaṁ bhaktitaḥ sadā

...हे द्विजोत्तम, दस अश्वमेधों का फल प्राप्त किया गया। वहाँ वह कृष्णवर्ण लिंग सदा भक्तिपूर्वक पूजित होता है।

श्लोक 6 (skanda.5.17.6)

दृष्ट्वा स्पृष्ट्वा च तं देवं प्रागुक्तं लभते फलम्। चैत्रे मासि सिताष्टम्यां देवं संपूज्य भक्तितः

dṛṣṭvā spṛṣṭvā ca taṁ devaṁ prāguktaṁ labhate phalam| caitre māsi sitāṣṭamyāṁ devaṁ saṁpūjya bhaktitaḥ

उस देव का दर्शन और स्पर्श करने से पूर्वोक्त फल प्राप्त होता है; चैत्र मास की शुक्ल अष्टमी को देव की भक्तिपूर्वक पूजा करके...

श्लोक 7 (skanda.5.17.7)

अश्वं दद्याच्च विप्राय सुरूपं च गुणान्वितम्। यावंति तस्य रोमाणि गण्यंते संख्यया द्विज

aśvaṁ dadyācca viprāya surūpaṁ ca guṇānvitam| yāvaṁti tasya romāṇi gaṇyaṁte saṁkhyayā dvija

...ब्राह्मण को सुरूप तथा गुणसम्पन्न अश्व देना चाहिए; हे द्विज, उसके जितने रोम संख्या में गिने जाते हैं...

श्लोक 8 (skanda.5.17.8)

तावद्वर्षसहस्राणि शिवलोके महीयते। शिवलोकात्परिभ्रष्टः सार्वभौमो भवेद्भुवि

tāvadvarṣasahasrāṇi śivaloke mahīyate| śivalokātparibhraṣṭaḥ sārvabhaumo bhavedbhuvi

...उतने सहस्र वर्षों तक वह शिवलोक में सम्मानित रहता है; शिवलोक से च्युत होकर वह पृथ्वी पर सार्वभौम राजा बनता है।