एकानंशा-माहात्म्य-वर्णन

श्लोक 1 (skanda.5.18.1)

सनत्कुमार उवाच। एकानंशां नमस्कृत्य देवीं त्रैलोक्यविश्रुताम्। पूजां कृत्वा विधानेन सर्वसिद्धिफलं लभेत्

sanatkumāra uvāca| ekānaṁśāṁ namaskṛtya devīṁ trailokyaviśrutām| pūjāṁ kṛtvā vidhānena sarvasiddhiphalaṁ labhet

सनत्कुमार ने कहा—त्रैलोक्यविख्यात देवी एकानंशा को नमस्कार कर, विधिपूर्वक पूजा करने से मनुष्य समस्त सिद्धियों का फल प्राप्त करता है।

श्लोक 2 (skanda.5.18.2)

अणिमादिगुणान्सर्वान्गुटिकासिद्धिमंजनम्। खड्गं च पादुके चैव विलवासं रसायनम्। सर्वं तुष्टा प्रयच्छेत नात्र कार्या विचारणा

aṇimādiguṇānsarvānguṭikāsiddhimaṁjanam| khaḍgaṁ ca pāduke caiva vilavāsaṁ rasāyanam| sarvaṁ tuṣṭā prayaccheta nātra kāryā vicāraṇā

अणिमा आदि समस्त गुण, गुटिकासिद्धि, अंजन, खड्ग, पादुका, इच्छानुसार निवास तथा रसायन—यह सब कुछ प्रसन्न होकर वह देवी प्रदान करती है; इसमें संशय नहीं करना चाहिए।

श्लोक 3 (skanda.5.18.3)

सुरामांसोपहारैश्च भक्ष्यभोज्यैश्च पूजिता। सर्वान्कामान्नृणां देवी तुष्टा दद्याच्च सर्वदा

surāmāṁsopahāraiśca bhakṣyabhojyaiśca pūjitā| sarvānkāmānnṛṇāṁ devī tuṣṭā dadyācca sarvadā

सुरा-मांस के उपहारों तथा खाद्य-पेय पदार्थों से पूजित होकर, प्रसन्न हुई देवी सदा मनुष्यों की समस्त कामनाएँ पूर्ण करती हैं।

श्लोक 4 (skanda.5.18.4)

महानवम्यां यो देवीं महिषेण प्रपूजयेत्। मेषेण वा यथालाभं सर्वान्कामानवाप्नुया त्

mahānavamyāṁ yo devīṁ mahiṣeṇa prapūjayet| meṣeṇa vā yathālābhaṁ sarvānkāmānavāpnuyā t

जो महानवमी को देवी की महिष अथवा यथालाभ मेष से पूजा करता है, वह समस्त कामनाओं को प्राप्त करता है।

श्लोक 5 (skanda.5.18.5)

व्यास उवाच। कथं देवी समुत्पन्ना एकानंशेति विश्रुता। तत्सर्वं श्रोतुमिच्छामि सर्वपापप्रणाशिनी

vyāsa uvāca| kathaṁ devī samutpannā ekānaṁśeti viśrutā| tatsarvaṁ śrotumicchāmi sarvapāpapraṇāśinī

व्यास ने कहा—एकानंशा नाम से विख्यात वह देवी किस प्रकार उत्पन्न हुई? हे सर्वपापप्रणाशिनी, मैं यह सब सुनना चाहता हूँ।

श्लोक 6 (skanda.5.18.6)

सनत्कुमार उवाच। पुरा कृतयुगस्यादौ ब्रह्मा लोकपितामहः। निशां सस्मार भगवान्स्वां तनूं पूर्वसंभवाम्

sanatkumāra uvāca| purā kṛtayugasyādau brahmā lokapitāmahaḥ| niśāṁ sasmāra bhagavānsvāṁ tanūṁ pūrvasaṁbhavām

सनत्कुमार ने कहा—पूर्वकाल में कृतयुग के आरम्भ में लोकपितामह भगवान् ब्रह्मा ने अपने पूर्वकालीन स्वरूप निशा का स्मरण किया।

श्लोक 7 (skanda.5.18.7)

ततो भगवती रात्रिरुपतस्थे पितामहम्। तां विविक्ते समालोक्य ब्रह्मोवाच विभावरीम्

tato bhagavatī rātrirupatasthe pitāmaham| tāṁ vivikte samālokya brahmovāca vibhāvarīm

तब भगवती रात्रि पितामह के समक्ष उपस्थित हुई; उसे एकांत में देखकर ब्रह्मा ने उस विभावरी से कहा।

श्लोक 8 (skanda.5.18.8)

ब्रह्मोवाच। विभावरी महामाये विबुधानामुपस्थितम्। यत्कर्तव्यं त्वया देवि शृणु चार्थस्य निश्चयम्

brahmovāca| vibhāvarī mahāmāye vibudhānāmupasthitam| yatkartavyaṁ tvayā devi śṛṇu cārthasya niścayam

ब्रह्मा ने कहा—हे विभावरी, हे महामाये, विद्वानों [देवताओं] को जो आवश्यक है, हे देवि, तुम्हें जो कार्य करना है, उस अर्थ का निश्चय सुनो।

श्लोक 9 (skanda.5.18.9)

तारकोनाम दैत्येंद्रः सुरशत्रुरनिर्जितः। तस्य भयेन वै देवास्त्रस्ताः सर्वे दिवौकसः

tārakonāma daityeṁdraḥ suraśatruranirjitaḥ| tasya bhayena vai devāstrastāḥ sarve divaukasaḥ

तारक नामक एक दैत्येन्द्र है, जो देवताओं का अजेय शत्रु है; उसके भय से समस्त देवगण, दिवौकस, त्रस्त हैं।

श्लोक 10 (skanda.5.18.10)

तस्माद्भद्रे महेशो वै जनयिष्यति चेद्वरम्। सुतं स भविता तस्य तारकस्यांतकः किल

tasmādbhadre maheśo vai janayiṣyati cedvaram| sutaṁ sa bhavitā tasya tārakasyāṁtakaḥ kila

इसलिए, हे भद्रे, यदि महेश पुत्र उत्पन्न करेंगे, तो निश्चय ही वही तारक का अन्तक होगा।

श्लोक 11 (skanda.5.18.11)

शंकरम्याभवत्पत्नी सती दक्षसुता तु या। सा पितुः कुपिता भद्रे कस्मिंश्चित्कारणांतरे

śaṁkaramyābhavatpatnī satī dakṣasutā tu yā| sā pituḥ kupitā bhadre kasmiṁścitkāraṇāṁtare

जो सती, दक्ष की पुत्री, शंकर की पत्नी हुई थी, वह हे भद्रे, किसी कारणवश अपने पिता पर क्रुद्ध हो गई...

श्लोक 12 (skanda.5.18.12)

भवित्री हिमशैलस्य दुहिता लोकपावनी। विरहेण हरस्तस्या मत्वा शून्यंजगत्त्रयम्

bhavitrī himaśailasya duhitā lokapāvanī| viraheṇa harastasyā matvā śūnyaṁjagattrayam

...वह हिमशैल की पुत्री, लोकपावनी बनेगी; उसके वियोग से त्रिभुवन को शून्य मानकर हर...

श्लोक 13 (skanda.5.18.13)

अतपद्धिमशैलस्य कंदरे सिद्धसेविते। प्रतीक्षमाणस्तज्जन्म किंचित्कालं वसिष्यति

atapaddhimaśailasya kaṁdare siddhasevite| pratīkṣamāṇastajjanma kiṁcitkālaṁ vasiṣyati

...सिद्धसेवित हिमशैल की गुफा में तप करेंगे; उसके जन्म की प्रतीक्षा करते हुए वे कुछ समय तक वहाँ निवास करेंगे।

श्लोक 14 (skanda.5.18.14)

तस्मात्सुतप्ततपसोर्भविता यो महाप्रभुः। स भविष्यति दैत्यस्य तारकस्य निवारकः

tasmātsutaptatapasorbhavitā yo mahāprabhuḥ| sa bhaviṣyati daityasya tārakasya nivārakaḥ

उन दोनों की उग्र तपस्या से जो महाप्रभु उत्पन्न होंगे, वे ही दैत्य तारक के निवारक होंगे।

श्लोक 15 (skanda.5.18.15)

जातमात्रा तु सा देवी स्वल्पसंज्ञैव भामिनी। विरहोत्कंठिता गाढं हरसंगमलालसा

jātamātrā tu sā devī svalpasaṁjñaiva bhāminī| virahotkaṁṭhitā gāḍhaṁ harasaṁgamalālasā

जन्ममात्र वह देवी, अल्पसंज्ञा होते हुए भी, वह भामिनी वियोग से अत्यन्त उत्कण्ठित तथा हर के संगम की लालसा से युक्त होगी।

श्लोक 16 (skanda.5.18.16)

तयोः सुतप्ततपसोः संयोगः स्यात्सुयुक्तयोः। पार्वतीहरयोस्तस्मात्सुरतं शक्तिकारणम्

tayoḥ sutaptatapasoḥ saṁyogaḥ syātsuyuktayoḥ| pārvatīharayostasmātsurataṁ śaktikāraṇam

उन दोनों उग्र तपस्वियों का, सुयुक्त होकर, संयोग होगा; पार्वती और हर का वह सुरत-मिलन शक्ति का कारण बनेगा।

श्लोक 17 (skanda.5.18.17)

भवेत्तत्र सुराणां च कार्यार्थे विप्रमाचर। विघ्नं त्वया विधातव्यं यथा ताभ्यां तथा शृणु

bhavettatra surāṇāṁ ca kāryārthe vipramācara| vighnaṁ tvayā vidhātavyaṁ yathā tābhyāṁ tathā śṛṇu

वहाँ देवताओं के कार्य के लिए बुद्धिपूर्वक कार्य करो; तुम्हें उन दोनों के मध्य विघ्न उत्पन्न करना है, वह किस प्रकार, यह सुनो।

श्लोक 18 (skanda.5.18.18)

गर्भस्थानेऽथ तां मातः स्वेन रूपेण रंजय। ततो रहसि शर्वस्तां बिभ्रदानंदपूर्वकम्

garbhasthāne'tha tāṁ mātaḥ svena rūpeṇa raṁjaya| tato rahasi śarvastāṁ bibhradānaṁdapūrvakam

हे मातः, तब गर्भस्थान के अवसर पर अपने ही रूप से उसे [पार्वती को] रंजित करो; तब एकान्त में शर्व उसे आनन्दपूर्वक धारण करते हुए...

श्लोक 19 (skanda.5.18.19)

हासयिष्यति कालीति ततः सा कुपिता सती। प्रयास्यति तपः कर्तुं ततः सा तपसा युता

hāsayiṣyati kālīti tataḥ sā kupitā satī| prayāsyati tapaḥ kartuṁ tataḥ sā tapasā yutā

...उसे 'काली' कहकर हँसाएँगे; तब वह सती क्रुद्ध होकर तप करने चली जाएगी; तब वह तपस्या से युक्त होकर...

श्लोक 20 (skanda.5.18.20)

जनयिष्यति यं शर्वादिंदुवज्ज्योतिमंड लम्। स भविष्यति हंता वै सुरारीणां न संशयः

janayiṣyati yaṁ śarvādiṁduvajjyotimaṁḍa lam| sa bhaviṣyati haṁtā vai surārīṇāṁ na saṁśayaḥ

...शर्व से चन्द्रमा के समान ज्योतिर्मण्डल को उत्पन्न करेगी; वही निःसंदेह देवशत्रुओं का संहारक होगा।

श्लोक 21 (skanda.5.18.21)

त्वयापि दानवा देवि हंतव्या लोकदुर्जयाः। यावच्च न सती देहे संक्रांतगुणसंचया

tvayāpi dānavā devi haṁtavyā lokadurjayāḥ| yāvacca na satī dehe saṁkrāṁtaguṇasaṁcayā

हे देवि, तुम्हें भी लोकदुर्जय दानवों का वध करना है, जब तक सती के शरीर में वे संचित गुण संक्रमित नहीं हो जाते...

श्लोक 22 (skanda.5.18.22)

तत्संगमेन तावत्त्वं दैत्यान्हंतुं भविष्यसि। एवं कृते त्वया देवि तपः काली करिष्यति

tatsaṁgamena tāvattvaṁ daityānhaṁtuṁ bhaviṣyasi| evaṁ kṛte tvayā devi tapaḥ kālī kariṣyati

...तब तक उसके [शिव के] संगम से तुम दैत्यों का वध करने में समर्थ होगी। हे देवि, तुम्हारे इस प्रकार करने पर काली तपस्या करेगी।

श्लोक 23 (skanda.5.18.23)

समाप्तनियमा सा च यदा गौरी भविष्यति। तदा तवापि सारूप्यं शैलजा संप्रदास्यति

samāptaniyamā sā ca yadā gaurī bhaviṣyati| tadā tavāpi sārūpyaṁ śailajā saṁpradāsyati

और जब वह नियम पूर्ण कर गौरी बनेगी, तब शैलजा तुम्हें भी अपने समान रूप प्रदान करेगी।

श्लोक 24 (skanda.5.18.24)

ततस्तवापि सहजा सैकानंशा भविष्यति। रूपांशेन च संयुक्ता त्वमुमाख्या भविष्यसि

tatastavāpi sahajā saikānaṁśā bhaviṣyati| rūpāṁśena ca saṁyuktā tvamumākhyā bhaviṣyasi

तब तुम भी उसकी सहोदरा 'एकानंशा' कहलाओगी; तथा उसके रूपांश से युक्त होकर उमा नाम से भी विख्यात होगी।

श्लोक 25 (skanda.5.18.25)

एकानंशेति लोकस्त्वां वरदे पूजयिष्यति। भेदैर्बहुविधाकारैः सर्वगां कामसाधनीम्। ॐकारवक्त्रा गायत्री त्वमेव ब्रह्मवादिनी। आक्रांतरुचिराकारा राज्ञां चाहवशालिनी

ekānaṁśeti lokastvāṁ varade pūjayiṣyati| bhedairbahuvidhākāraiḥ sarvagāṁ kāmasādhanīm| ॐkāravaktrā gāyatrī tvameva brahmavādinī| ākrāṁtarucirākārā rājñāṁ cāhavaśālinī

हे वरदे, एकानंशा के नाम से लोक तुम्हारी पूजा करेगा; नाना भेदों और बहुविध आकारों में सर्वव्यापी, कामनाओं की सिद्ध करने वाली। ॐकारमुखी गायत्री रूप में तुम ही ब्रह्मवादिनी हो; अत्यन्त मनोहर आकार वाली तथा राजाओं को युद्ध में विजय दिलाने वाली।

श्लोक 26 (skanda.5.18.26)

विशां त्वं कमलादेवी शूद्राणां जननी स्वयम्। ज्ञानिनां ज्ञेयरूपा त्वं त्वं गतिः सर्वदेहिनाम्

viśāṁ tvaṁ kamalādevī śūdrāṇāṁ jananī svayam| jñānināṁ jñeyarūpā tvaṁ tvaṁ gatiḥ sarvadehinām

वैश्यों के लिए तुम कमला देवी हो, शूद्रों की स्वयं जननी हो; ज्ञानियों के लिए तुम ज्ञेयरूपा हो; तुम ही समस्त प्राणियों की गति हो।

श्लोक 27 (skanda.5.18.27)

त्वं च कीर्तिमतां कीर्तिस्त्वं भूतिः सर्वदेहिनाम्। रतिदा रक्तचित्तानां प्रीतिस्त्वं स्नेहवर्तिनाम्

tvaṁ ca kīrtimatāṁ kīrtistvaṁ bhūtiḥ sarvadehinām| ratidā raktacittānāṁ prītistvaṁ snehavartinām

तुम ही यशस्वियों का यश हो, तुम समस्त प्राणियों की विभूति हो; अनुरक्तचित्तों को रतिदायिनी, स्नेहियों की प्रीति हो।

श्लोक 28 (skanda.5.18.28)

त्वं कांतिः कृतभूषाणां त्वं शांतिर्हृष्टकर्मणाम्। त्वं च भ्रांतिरबोधानां त्वं कीर्तिः क्रमयाजिनाम्

tvaṁ kāṁtiḥ kṛtabhūṣāṇāṁ tvaṁ śāṁtirhṛṣṭakarmaṇām| tvaṁ ca bhrāṁtirabodhānāṁ tvaṁ kīrtiḥ kramayājinām

तुम अलंकृतजनों की कान्ति हो, प्रसन्नकर्मियों की शान्ति हो; तुम अज्ञानियों की भ्रान्ति भी हो, तथा क्रमपूर्वक यज्ञ करने वालों की कीर्ति हो।

श्लोक 29 (skanda.5.18.29)

महावेला समुद्राणां विलासस्त्वं विलासिनाम्। संभूतिस्त्वं पदार्थानां स्थितिस्त्वं लोकशालिनाम्

mahāvelā samudrāṇāṁ vilāsastvaṁ vilāsinām| saṁbhūtistvaṁ padārthānāṁ sthitistvaṁ lokaśālinām

तुम सागरों की महावेला हो, विलासियों का विलास हो; तुम समस्त पदार्थों की उत्पत्ति हो, लोकधारकों की स्थिति हो।

श्लोक 30 (skanda.5.18.30)

इत्यनेकविधैर्देवि रूपैर्लोकेषु चर्चिता। ये त्वां पश्यंति वरदे पूजयिष्यंति चापि ये। कामा नाप्स्यंति ते सर्वे नियतं नात्र संशयः

ityanekavidhairdevi rūpairlokeṣu carcitā| ye tvāṁ paśyaṁti varade pūjayiṣyaṁti cāpi ye| kāmā nāpsyaṁti te sarve niyataṁ nātra saṁśayaḥ

इस प्रकार हे देवि, तुम लोकों में अनेक प्रकार के रूपों में पूजित हो; हे वरदे, जो तुम्हारा दर्शन करते हैं तथा जो तुम्हारी पूजा भी करते हैं, वे सभी निश्चय ही अपनी कामनाओं को प्राप्त करेंगे, इसमें संशय नहीं है।

श्लोक 31 (skanda.5.18.31)

इत्येवं सा समुत्पन्ना ब्रह्मणा संस्तुता सती। एकानंशा महादेवी ध्यातव्या सापि भक्तितः

ityevaṁ sā samutpannā brahmaṇā saṁstutā satī| ekānaṁśā mahādevī dhyātavyā sāpi bhaktitaḥ

इस प्रकार ब्रह्मा द्वारा संस्तुत होकर वह सती उत्पन्न हुई; वह महादेवी एकानंशा भी भक्तिपूर्वक ध्यान करने योग्य है।