नर्मदा की उत्पत्ति और स्नान-फल आदि का कथन

श्लोक 1 (skanda.5.164.1)

श्रीमार्कण्डेय उवाच। पुनर्युगान्तं ते चान्यं सम्प्रवक्ष्यामि तच्छृणु। सूर्यैरादीपिते लोके जङ्गमे स्थावरे पुरा॥

śrīmārkaṇḍeya uvāca| punaryugāntaṁ te cānyaṁ sampravakṣyāmi tacchṛṇu| sūryairādīpite loke jaṅgame sthāvare purā||

श्रीमार्कण्डेय बोले — अब मैं तुम्हें एक और युगान्त की कथा कहूँगा, उसे सुनो। पूर्वकाल में जब सूर्यों से जगत जल उठा, चर-अचर सहित,

श्लोक 2 (skanda.5.164.2)

सरित्सरःसमुद्रेषु क्षयं यातेषु सर्वशः। निर्मानुषवषट्कारे ह्यमर्यादगतिं गते॥

saritsaraḥsamudreṣu kṣayaṁ yāteṣu sarvaśaḥ| nirmānuṣavaṣaṭkāre hyamaryādagatiṁ gate||

नदी, सरोवर, समुद्र सब सर्वथा नष्ट हो जाने पर, मनुष्य-रहित, वषट्कार-रहित, समस्त सीमाओं को लाँघ जाने पर,

श्लोक 3 (skanda.5.164.3)

नानारूपैस्ततो मेघैः शक्रायुधविराजितैः। सर्वमापूरितं व्योम वार्यौघैः पूरिते तदा॥

nānārūpaistato meghaiḥ śakrāyudhavirājitaiḥ| sarvamāpūritaṁ vyoma vāryaughaiḥ pūrite tadā||

तब नाना रूप वाले, इन्द्रधनुष से सुशोभित मेघों से सम्पूर्ण आकाश भर गया, और जल-प्रवाहों से वह भर गया।

श्लोक 4 (skanda.5.164.4)

ततस्त्वेकार्णवीभूते सर्वतः सलिलावृते। जगत्कृत्वोदरे सर्वं सुष्वाप भगवान्हरः॥

tatastvekārṇavībhūte sarvataḥ salilāvṛte| jagatkṛtvodare sarvaṁ suṣvāpa bhagavānharaḥ||

फिर जब वह एकार्णव हो गया, चारों ओर जल से आवृत हो गया, तब भगवान हर ने सम्पूर्ण जगत को अपने उदर में करके सो लिया।

श्लोक 5 (skanda.5.164.5)

प्रकृतिं स्वामवष्टभ्य योगात्मा स प्रजापतिः। शेते युगसहस्रान्तं कालमाविश्य सार्णवम्॥

prakṛtiṁ svāmavaṣṭabhya yogātmā sa prajāpatiḥ| śete yugasahasrāntaṁ kālamāviśya sārṇavam||

योगात्मा वे प्रजापति अपनी प्रकृति का आश्रय लेकर, काल के साथ समुद्र में प्रवेश करके, सहस्र युगों तक सोते रहते हैं।

श्लोक 6 (skanda.5.164.6)

तत्र सुप्तं महात्मानं ब्रह्मलोकनिवासिनः। भृग्वादिऋषयः सर्वे ये चान्ये सनकादयः॥

tatra suptaṁ mahātmānaṁ brahmalokanivāsinaḥ| bhṛgvādiṛṣayaḥ sarve ye cānye sanakādayaḥ||

वहाँ सोए हुए उस महात्मा को ब्रह्मलोक-निवासी भृगु आदि सभी ऋषियों ने, तथा सनक आदि अन्य ऋषियों ने भी देखा —

श्लोक 7 (skanda.5.164.7)

पर्यङ्के विमले शुभ्रे नानास्तरणसंस्तृते। शयानं ददृशुर्देवं सपत्नीकं वृषध्वजम्॥

paryaṅke vimale śubhre nānāstaraṇasaṁstṛte| śayānaṁ dadṛśurdevaṁ sapatnīkaṁ vṛṣadhvajam||

उस निर्मल, शुभ्र, नाना बिछौनों से युक्त पर्यंक पर सोए हुए उस वृषभध्वज देव को, पत्नी सहित।

श्लोक 8 (skanda.5.164.8)

विश्वरूपा तु सा नारी विश्वरूपो महेश्वरः। गाढमालिङ्ग्य सुप्तस्तां ददृशे चाहमव्ययम्॥

viśvarūpā tu sā nārī viśvarūpo maheśvaraḥ| gāḍhamāliṅgya suptastāṁ dadṛśe cāhamavyayam||

वह नारी विश्वरूपा थी, और महेश्वर भी विश्वरूप थे; उसे दृढ़ता से आलिंगन किए सोए हुए उन अव्यय को मैंने भी देखा।

श्लोक 9 (skanda.5.164.9)

पादमूले ततस्तस्य श्यामां तां पद्मलक्षणाम्। कन्यां पश्यामि सुश्रोणीं चरणौ तस्य मृद्गतीम्॥

pādamūle tatastasya śyāmāṁ tāṁ padmalakṣaṇām| kanyāṁ paśyāmi suśroṇīṁ caraṇau tasya mṛdgatīm||

उनके चरणों के पास मैंने उस श्यामवर्णा, कमल-चिह्नित, सुन्दर कटि वाली कन्या को उनके चरण दबाते देखा,

श्लोक 10 (skanda.5.164.10)

विमलाम्बरसंवीतां व्यालयज्ञोपवीतिनीम्। श्यामां कमलपत्राक्षीं सर्वाभरणभूषिताम्॥

vimalāmbarasaṁvītāṁ vyālayajñopavītinīm| śyāmāṁ kamalapatrākṣīṁ sarvābharaṇabhūṣitām||

निर्मल वस्त्र धारण किए, सर्प का यज्ञोपवीत पहने, श्यामवर्णा, कमलपत्राक्षी, सब आभूषणों से भूषित।

श्लोक 11 (skanda.5.164.11)

सकलं युगसाहस्रं नर्मदेयं विजानती। प्रसुप्तं देवदेवेशमुपास्ते वरवर्णिनी॥

sakalaṁ yugasāhasraṁ narmadeyaṁ vijānatī| prasuptaṁ devadeveśamupāste varavarṇinī||

यह नर्मदा, सम्पूर्ण सहस्र युगों तक अपने कर्तव्य को जानते हुए, वह वरवर्णिनी सोए हुए देवदेवेश्वर की सेवा करती है।

श्लोक 12 (skanda.5.164.12)

हृतैर्वेदैश्चतुर्भिश्च ब्रह्माप्येवं महेश्वरः। भृग्वाद्यैर्मानसैः पुत्रैः स्तौति शङ्करमव्ययम्॥

hṛtairvedaiścaturbhiśca brahmāpyevaṁ maheśvaraḥ| bhṛgvādyairmānasaiḥ putraiḥ stauti śaṅkaramavyayam||

अपने चार वेदों के हरे जाने पर ब्रह्मा भी, भृगु आदि मानस-पुत्रों सहित, अव्यय शंकर महेश्वर की स्तुति करते हैं —

श्लोक 13 (skanda.5.164.13)

भक्त्या परमया राजंस्तत्र शम्भुमनामयम्। स्तुवन्तस्तत्र देवेशं मन्त्रैरीश्वरसम्भवैः॥

bhaktyā paramayā rājaṁstatra śambhumanāmayam| stuvantastatra deveśaṁ mantrairīśvarasambhavaiḥ||

हे राजन्! परम भक्ति से वहाँ अनामय शम्भु देवेश की, ईश्वर-सम्भूत मन्त्रों से स्तुति करते हुए,

श्लोक 14 (skanda.5.164.14)

प्रसुप्तं देवमीशानं बोधयन्समुपस्थितः। उत्तिष्ठ हर पिङ्गाक्ष महादेव महेश्वर॥

prasuptaṁ devamīśānaṁ bodhayansamupasthitaḥ| uttiṣṭha hara piṅgākṣa mahādeva maheśvara||

सोए हुए ईशान देव को जगाते हुए वे समीप आए — 'हे हर! हे पिंगाक्ष! हे महादेव, महेश्वर! उठिए।'

श्लोक 15 (skanda.5.164.15)

मम वेदा हृताः सर्वे अतोऽहं स्तोतुमुद्यतः। वेदैर्व्याप्तं जगत्सर्वं दिव्यादिव्यं चराचरम्॥

mama vedā hṛtāḥ sarve ato'haṁ stotumudyataḥ| vedairvyāptaṁ jagatsarvaṁ divyādivyaṁ carācaram||

'मेरे सब वेद हर लिए गए हैं, इसीलिए मैं स्तुति करने को उठा हूँ। यह सम्पूर्ण दिव्य-अदिव्य, चराचर जगत वेदों से व्याप्त है।'

श्लोक 16 (skanda.5.164.16)

अतीतं वर्तमानं च स्मरामि च सृजाम्यहम्। तैर्विना चाहमेकस्तु मूकोऽधो जडवत्सदा॥

atītaṁ vartamānaṁ ca smarāmi ca sṛjāmyaham| tairvinā cāhamekastu mūko'dho jaḍavatsadā||

'उन्हीं से मैं भूत-वर्तमान का स्मरण और सृजन करता हूँ; उनके बिना मैं अकेला मूक, नीचा, सदा जड़ के समान हूँ।'

श्लोक 17 (skanda.5.164.17)

गतिर्वीर्यं बलोत्साहौ तैर्विना न प्रजायते। तैर्विना देवदेवेश नाहं किंचित्स्मरामि वै॥

gatirvīryaṁ balotsāhau tairvinā na prajāyate| tairvinā devadeveśa nāhaṁ kiṁcitsmarāmi vai||

'उनके बिना गति, वीर्य, बल और उत्साह उत्पन्न नहीं होते। हे देवदेवेश! उनके बिना मुझे कुछ भी स्मरण नहीं है।'

श्लोक 18 (skanda.5.164.18)

तान्वेदान्देवदेवेश शीघ्रं मे दातुमर्हसि। जडान्धबधिरं सर्वं जगत्स्थावरजङ्गमम्॥

tānvedāndevadeveśa śīghraṁ me dātumarhasi| jaḍāndhabadhiraṁ sarvaṁ jagatsthāvarajaṅgamam||

'हे देवदेवेश! वे वेद शीघ्र ही मुझे लौटाइए। सम्पूर्ण स्थावर-जंगम जगत जड़, अंधा, बहरा हो गया है,'

श्लोक 19 (skanda.5.164.19)

स्थानादि दश चत्वारि न शोभन्ते सुरेश्वर। प्रणमाम्यल्पवीर्यत्वाद्वेदहीनः सुरेश्वर॥

sthānādi daśa catvāri na śobhante sureśvara| praṇamāmyalpavīryatvādvedahīnaḥ sureśvara||

'चौदह लोक शोभा नहीं पा रहे, हे सुरेश्वर! वेदहीन होकर, अल्प वीर्य के कारण मैं प्रणाम करता हूँ, हे सुरेश्वर!'

श्लोक 20 (skanda.5.164.20)

वेदेभ्यः सकलं जातं यत्किंचित्सचराचरम्। तावच्छोभन्ति शास्त्राणि समस्तानि जगद्गुरो॥

vedebhyaḥ sakalaṁ jātaṁ yatkiṁcitsacarācaram| tāvacchobhanti śāstrāṇi samastāni jagadguro||

'वेदों से ही जो कुछ चराचर उत्पन्न हुआ है — हे जगद्गुरो! सम्पूर्ण शास्त्र तभी तक शोभा पाते हैं...'

श्लोक 21 (skanda.5.164.21)

यावद्वेदनिधिरयं नोपतिष्ठेत्सनातनः। यथोदितेन सूर्येण तमो याति विनाशताम्॥

yāvadvedanidhirayaṁ nopatiṣṭhetsanātanaḥ| yathoditena sūryeṇa tamo yāti vināśatām||

'...जब तक यह सनातन वेद-निधि स्थिर रहती है। जैसे उदित सूर्य से अंधकार विनाश को प्राप्त होता है,'

श्लोक 22 (skanda.5.164.22)

एवं समस्तपापानि यान्ति वेदस्य धारणात्। वेदे रहसि यत्सूक्ष्मं यत्तद्ब्रह्म सनातनम्॥

evaṁ samastapāpāni yānti vedasya dhāraṇāt| vede rahasi yatsūkṣmaṁ yattadbrahma sanātanam||

'वैसे ही वेद के धारण से समस्त पाप नष्ट होते हैं। वेद में जो गुह्य सूक्ष्म तत्त्व है, वही सनातन ब्रह्म है;'

श्लोक 23 (skanda.5.164.23)

हृदिस्थं देव जानामि गतं तद्वेदगर्जनात्। वेदानुच्चरतो मेऽद्य तव शङ्कर चाग्रतः॥

hṛdisthaṁ deva jānāmi gataṁ tadvedagarjanāt| vedānuccarato me'dya tava śaṅkara cāgrataḥ||

'हे देव! उसे हृदयस्थ जानता हूँ, किन्तु वह वेद की गर्जना से चला गया है। आज आपके सम्मुख वेदों का उच्चारण करते हुए मुझसे...'

श्लोक 24 (skanda.5.164.24)

अकस्मात्ते गता वेदा न सृजेयं विभो भुवम्। तेऽपि सर्वे महादेव प्रविष्टाः सम्मुखार्णवम्॥

akasmātte gatā vedā na sṛjeyaṁ vibho bhuvam| te'pi sarve mahādeva praviṣṭāḥ sammukhārṇavam||

'...अकस्मात वे वेद चले गए। हे विभो! अब मैं पृथ्वी की सृष्टि नहीं कर सकता। हे महादेव! वे सब सम्मुख के महासागर में प्रविष्ट हो गए।'

श्लोक 25 (skanda.5.164.25)

ते याच्यमाना देवेश तिष्ठन्तु स्मरणे मम। दुहितेयं विशालाक्षी सर्वः सर्वं विजानते॥

te yācyamānā deveśa tiṣṭhantu smaraṇe mama| duhiteyaṁ viśālākṣī sarvaḥ sarvaṁ vijānate||

'हे देवेश! प्रार्थना करता हूँ, वे मेरी स्मृति में बने रहें। यह विशालाक्षी पुत्री — सब कुछ जानती है।'

श्लोक 26 (skanda.5.164.26)

जायती युगसाहस्रं नान्या काचिद्भवेदृशी। ऋषिश्चायं महाभागो मार्कण्डो धीमतां वरः॥

jāyatī yugasāhasraṁ nānyā kācidbhavedṛśī| ṛṣiścāyaṁ mahābhāgo mārkaṇḍo dhīmatāṁ varaḥ||

'जो सहस्र युगों तक विद्यमान रहती है, उसके समान अन्य कोई नहीं है। और यह महाभाग ऋषि मार्कण्डेय, बुद्धिमानों में श्रेष्ठ,'

श्लोक 27 (skanda.5.164.27)

कल्पे कल्पे महादेव त्वामयं पर्युपासते। जगत्त्रयहितार्थाय चरते व्रतमुत्तमम्॥

kalpe kalpe mahādeva tvāmayaṁ paryupāsate| jagattrayahitārthāya carate vratamuttamam||

'हे महादेव! कल्प-कल्प में आपकी उपासना करता है, तीनों लोकों के हित के लिए उत्तम व्रत का पालन करते हुए।'

श्लोक 28 (skanda.5.164.28)

एवमुक्तस्तु देवेशो ब्रह्मणा परमेष्ठिना। उवाच श्लक्ष्णया वाचा नर्मदां सरितां वराम्॥

evamuktastu deveśo brahmaṇā parameṣṭhinā| uvāca ślakṣṇayā vācā narmadāṁ saritāṁ varām||

परमेष्ठी ब्रह्मा द्वारा इस प्रकार कहे जाने पर, देवेश ने कोमल वाणी से नदियों में श्रेष्ठ नर्मदा से कहा —

श्लोक 29 (skanda.5.164.29)

कथयस्व महाभागे ब्रह्मणस्त्वं तु पृच्छतः। केन वेदा हृताः सर्वे वेधसो जगतीगुरोः॥

kathayasva mahābhāge brahmaṇastvaṁ tu pṛcchataḥ| kena vedā hṛtāḥ sarve vedhaso jagatīguroḥ||

'हे महाभागे! ब्रह्मा के पूछने पर तुम बताओ — जगत के गुरु विधाता के सभी वेद किसने हर लिए?'

श्लोक 30 (skanda.5.164.30)

एवमुक्ता तु रुद्रेण उवाच मृगलोचना। ब्रह्मणो जपतो वेदांस्त्वयि सुप्ते महेश्वर॥

evamuktā tu rudreṇa uvāca mṛgalocanā| brahmaṇo japato vedāṁstvayi supte maheśvara||

रुद्र द्वारा इस प्रकार पूछे जाने पर उस मृगनयनी ने कहा — 'ब्रह्मा वेदों का जप कर रहे थे, और हे महेश्वर! आप सोए हुए थे,'

श्लोक 31 (skanda.5.164.31)

भवतश्छिद्रमासाद्य घोरेऽस्मिन्सलिलावृते। पूर्वकल्पसमुद्भूतावसुरौ सुरदुर्जयौ॥

bhavataśchidramāsādya ghore'sminsalilāvṛte| pūrvakalpasamudbhūtāvasurau suradurjayau||

'—आपकी उस दुर्बलता का लाभ उठाकर, इस भयंकर जल-आवृत जगत में — पूर्वकल्प में उत्पन्न, देवों के लिए दुर्जय दो असुर,'

श्लोक 32 (skanda.5.164.32)

श्रियावृत्तौ महादेव त्वया चोत्पादितौ पुरा। सुरासुरसुदुर्जेयौ दानवौ मधुकैटभौ॥

śriyāvṛttau mahādeva tvayā cotpāditau purā| surāsurasudurjeyau dānavau madhukaiṭabhau||

'—हे महादेव! श्री से युक्त, पूर्वकाल में आपके ही द्वारा उत्पन्न — देव-असुरों के लिए दुर्जेय वे दो दानव, मधु और कैटभ,'

श्लोक 33 (skanda.5.164.33)

तौ वायुभूतौ सूक्ष्मौ च पठतोऽस्मात्पितामहात्। तावाशु हृत्वा वेदांश्च प्रविष्टौ च महार्णवम्॥

tau vāyubhūtau sūkṣmau ca paṭhato'smātpitāmahāt| tāvāśu hṛtvā vedāṁśca praviṣṭau ca mahārṇavam||

'—वे दोनों वायु के समान सूक्ष्म होकर, जप करते हुए इन पितामह से शीघ्र ही वेदों को हरकर महासागर में प्रविष्ट हो गए।'

श्लोक 34 (skanda.5.164.34)

एतच्छ्रुत्वा महातेजा ह्यमृतायास्ततो वचः। सस्मार स च देवेशं शङ्खचक्रगदाधरम्॥

etacchrutvā mahātejā hyamṛtāyāstato vacaḥ| sasmāra sa ca deveśaṁ śaṅkhacakragadādharam||

अमृतस्वरूपा (नर्मदा) का यह वचन सुनकर वे महातेजस्वी शिव, शंख-चक्र-गदाधारी देवेश (विष्णु) का स्मरण करने लगे।

श्लोक 35 (skanda.5.164.35)

स विवेश महाराज भूतलं ससुरोत्तमः। दानवान्तकरो देवः सर्वदैवतपूजितः॥

sa viveśa mahārāja bhūtalaṁ sasurottamaḥ| dānavāntakaro devaḥ sarvadaivatapūjitaḥ||

हे महाराज! वे सुरश्रेष्ठ, दानवों का अन्त करने वाले, सब देवताओं से पूजित देव (विष्णु) पृथ्वी-तल में प्रविष्ट हुए,

श्लोक 36 (skanda.5.164.36)

मीनरूपधरो देवो लोडयामास चार्वणम्। वेदांश्च ददृशे तत्र पाताले निहितान्प्रभुः॥

mīnarūpadharo devo loḍayāmāsa cārvaṇam| vedāṁśca dadṛśe tatra pātāle nihitānprabhuḥ||

मीन-रूप धारण किए उन देव ने जल को मथा; और प्रभु ने वहाँ पाताल में छिपे हुए वेदों को देखा।

श्लोक 37 (skanda.5.164.37)

तौ च दैत्यौ महावीर्यौ दृष्टवान्मधुसूदनः। महावेगौ महाबाहू सूदयामास तेजसा॥

tau ca daityau mahāvīryau dṛṣṭavānmadhusūdanaḥ| mahāvegau mahābāhū sūdayāmāsa tejasā||

मधुसूदन ने उन दोनों महापराक्रमी, महावेगी, महाबाहु दैत्यों को देखकर अपने तेज से उनका वध कर दिया।

श्लोक 38 (skanda.5.164.38)

वेदांस्तत्रापि तोयस्थानानिनाय जगद्गुरुः। चतुर्वक्त्राय देवायाददाच्चक्रविभूषितः॥

vedāṁstatrāpi toyasthānānināya jagadguruḥ| caturvaktrāya devāyādadāccakravibhūṣitaḥ||

जगद्गुरु ने वहीं जल-स्थान से वेदों को लाकर, चक्रधारी होने के कारण, चतुर्मुख देव (ब्रह्मा) को सौंप दिया।

श्लोक 39 (skanda.5.164.39)

ततः प्रहृष्टो भगवान् वेदांल्लब्ध्वा पितामहः। जनयामास निखिलं जगद्भूयश्चराचरम्॥

tataḥ prahṛṣṭo bhagavān vedāṁllabdhvā pitāmahaḥ| janayāmāsa nikhilaṁ jagadbhūyaścarācaram||

तब वेदों को पाकर हर्षित पितामह भगवान ने पुनः सम्पूर्ण चराचर जगत की सृष्टि की।

श्लोक 40 (skanda.5.164.40)

सा च देवी नदी पुण्या रुद्रस्य परिचारिका। पावनी सर्वभूतानां प्रोवाह सलिलं तदा॥

sā ca devī nadī puṇyā rudrasya paricārikā| pāvanī sarvabhūtānāṁ provāha salilaṁ tadā||

और वह पुण्य देवी नदी, रुद्र की परिचारिका, समस्त प्राणियों की पावनी, तब अपना जल प्रवाहित करने लगी।

श्लोक 41 (skanda.5.164.41)

तस्यास्तीरे ततो देवा ऋषयश्च तपोधनाः। यजन्ति त्र्यम्बकं देवं प्रहृष्टेनान्तरात्मना॥

tasyāstīre tato devā ṛṣayaśca tapodhanāḥ| yajanti tryambakaṁ devaṁ prahṛṣṭenāntarātmanā||

उसके तट पर देवता और तपोधन ऋषि हर्षित अन्तरात्मा से त्रिनेत्र देव की यजन करते हैं।

श्लोक 42 (skanda.5.164.42)

एका मूर्तिर्महेशस्य कारणान्तरमागता। त्रैगुण्या कुरुते कर्म ब्रह्मचक्रीशरूपतः॥

ekā mūrtirmaheśasya kāraṇāntaramāgatā| traiguṇyā kurute karma brahmacakrīśarūpataḥ||

महेश की एक ही मूर्ति, अन्य कारण को प्राप्त होकर, त्रिगुणों के द्वारा ब्रह्मा-विष्णु-ईश्वर के रूप में कर्म करती है।

श्लोक 43 (skanda.5.164.43)

एतेषां तु पृथग्भावं ये कुर्वन्ति सुमोहिताः। तेषां धर्मः कुतः सिद्धिर्जायते पापकर्मिणाम्॥

eteṣāṁ tu pṛthagbhāvaṁ ye kurvanti sumohitāḥ| teṣāṁ dharmaḥ kutaḥ siddhirjāyate pāpakarmiṇām||

जो अत्यन्त मोहित होकर इन्हें पृथक् मानते हैं, उन पापकर्मियों को धर्म या सिद्धि कहाँ से प्राप्त हो सकती है?

श्लोक 44 (skanda.5.164.44)

एवमेता महानद्यस्तिस्रो रुद्रसमुद्भवाः। एका एव त्रिधा भूता गङ्गा रेवा सरस्वती॥

evametā mahānadyastisro rudrasamudbhavāḥ| ekā eva tridhā bhūtā gaṅgā revā sarasvatī||

इस प्रकार ये तीनों महानदियाँ, रुद्र से उत्पन्न, एक ही तीन रूपों में हुई हैं — गंगा, रेवा, सरस्वती।

श्लोक 45 (skanda.5.164.45)

गङ्गा तु वैष्णवी मूर्तिः सर्वपापप्रणाशिनी। रुद्रदेहसमुद्भूता नर्मदा चैवमेव तु॥

gaṅgā tu vaiṣṇavī mūrtiḥ sarvapāpapraṇāśinī| rudradehasamudbhūtā narmadā caivameva tu||

गंगा वैष्णवी मूर्ति है, समस्त पापों की नाशक; और नर्मदा भी इसी प्रकार रुद्र के शरीर से उत्पन्न हुई है।

श्लोक 46 (skanda.5.164.46)

ब्राह्मी सरस्वती मूर्तिस्त्रिषु लोकेषु विश्रुता। दिव्या कामगमा देवी वाग्विभूत्यै तु संस्थिता॥

brāhmī sarasvatī mūrtistriṣu lokeṣu viśrutā| divyā kāmagamā devī vāgvibhūtyai tu saṁsthitā||

सरस्वती ब्राह्मी मूर्ति है, तीनों लोकों में विख्यात; इच्छानुसार गमन करने वाली दिव्य देवी, वाणी की विभूति के लिए स्थित।

श्लोक 47 (skanda.5.164.47)

नर्मदा परमा काचिन्मर्त्यमूर्तिकला शिवा। दिव्या कामगमा देवी सर्वत्र सुरपूजिता॥

narmadā paramā kācinmartyamūrtikalā śivā| divyā kāmagamā devī sarvatra surapūjitā||

नर्मदा परम शिवा, मर्त्य-रूप में एक कला है; इच्छानुसार गमन करने वाली दिव्य देवी, सर्वत्र देवों द्वारा पूजित।

श्लोक 48 (skanda.5.164.48)

व्यापिनी सर्वभूतानां सूक्ष्मात्सूक्ष्मतरा स्मृता। अक्षया ह्यमृता ह्येषा स्वर्गसोपानमुत्तमा॥

vyāpinī sarvabhūtānāṁ sūkṣmātsūkṣmatarā smṛtā| akṣayā hyamṛtā hyeṣā svargasopānamuttamā||

समस्त प्राणियों में व्यापिनी, सूक्ष्म से भी सूक्ष्मतर स्मृत; अक्षय, अमृतस्वरूपा — यह स्वर्ग की उत्तम सीढ़ी है,

श्लोक 49 (skanda.5.164.49)

सृष्टा रुद्रेण लोकानां संसारार्णवतारिणी॥

sṛṣṭā rudreṇa lokānāṁ saṁsārārṇavatāriṇī||

रुद्र द्वारा लोकों के लिए सृजित, संसार-सागर से पार उतारने वाली।

श्लोक 50 (skanda.5.164.50)

सरिज्जलं येऽपि पिबन्ति लोके मुच्यन्ति ते पापविशेषसङ्घैः। व्रजन्ति संसारमनादिभावं त्यक्त्वा चिरं मोक्षपदं विशुद्धम्॥

sarijjalaṁ ye'pi pibanti loke mucyanti te pāpaviśeṣasaṅghaiḥ| vrajanti saṁsāramanādibhāvaṁ tyaktvā ciraṁ mokṣapadaṁ viśuddham||

जो भी इस लोक में इस नदी का जल पीते हैं, वे विशेष पाप-समूहों से मुक्त हो जाते हैं; अनादि संसार को त्यागकर वे सदा के लिए विशुद्ध मोक्ष-पद को प्राप्त होते हैं।

श्लोक 51 (skanda.5.164.51)

यथा गङ्गा तथा रेवा तथा चैव सरस्वती। समं पुण्यफलं प्रोक्तं स्नानदर्शनचिन्तनैः॥

yathā gaṅgā tathā revā tathā caiva sarasvatī| samaṁ puṇyaphalaṁ proktaṁ snānadarśanacintanaiḥ||

जैसी गंगा है, वैसी ही रेवा है, वैसी ही सरस्वती भी है; स्नान, दर्शन और चिन्तन से समान पुण्यफल कहा गया है।

श्लोक 52 (skanda.5.164.52)

वरदानान्महाभागा ह्यधिका चोच्यते बुधैः। कारुण्यान्तरभावेन न मृता समुपागता॥

varadānānmahābhāgā hyadhikā cocyate budhaiḥ| kāruṇyāntarabhāvena na mṛtā samupāgatā||

किन्तु वरदान के कारण यह महाभागा विद्वानों द्वारा श्रेष्ठ कही जाती है; करुणा के अन्तर्भाव से उत्पन्न होकर वह कभी मरी नहीं।

श्लोक 53 (skanda.5.164.53)

मुच्यन्ते दर्शनात्तेन पातकैः स्नानमङ्गलैः। नर्मदायां नृपश्रेष्ठ ये नमन्ति त्रिलोचनम्॥

mucyante darśanāttena pātakaiḥ snānamaṅgalaiḥ| narmadāyāṁ nṛpaśreṣṭha ye namanti trilocanam||

उसके दर्शनमात्र से पापों से मुक्ति मिलती है, स्नान के मंगल से भी। हे नृपश्रेष्ठ! जो नर्मदा में त्रिलोचन को नमन करते हैं,

श्लोक 54 (skanda.5.164.54)

उमारुद्राङ्गसम्भूता येन चैषा महानदी। लोकान्प्रापयते स्वर्गं तेन पुण्यत्वमागता॥

umārudrāṅgasambhūtā yena caiṣā mahānadī| lokānprāpayate svargaṁ tena puṇyatvamāgatā||

उमा-रुद्र के अंग से उत्पन्न यह महानदी लोगों को स्वर्ग पहुँचाती है, इसीलिए वह पवित्रता को प्राप्त हुई है।

श्लोक 55 (skanda.5.164.55)

य एवमीशानवरस्य देहं विभज्य देवीमिह संशृणोति। स याति रुद्रं महतारवेण गन्धर्वयक्षैरिव गीयमानः॥

ya evamīśānavarasya dehaṁ vibhajya devīmiha saṁśṛṇoti| sa yāti rudraṁ mahatāraveṇa gandharvayakṣairiva gīyamānaḥ||

जो इस प्रकार श्रेष्ठ ईशान के शरीर के विभाजन से उत्पन्न इस देवी की कथा सुनता है, वह गन्धर्व-यक्षों द्वारा मानो गाए जाते हुए महाघोष के साथ रुद्र को प्राप्त होता है।