कल्पानुकथन में कालरात्रि द्वारा किए गए जगत्-संहार का वर्णन

श्लोक 1 (skanda.5.169.1)

युधिष्ठिर उवाच। ततस्त ऋषयः सर्वे महाभागास्तपोधनाः। गतास्तु परमं लोकं ततः किं जातमद्भुतम्॥

yudhiṣṭhira uvāca| tatasta ṛṣayaḥ sarve mahābhāgāstapodhanāḥ| gatāstu paramaṁ lokaṁ tataḥ kiṁ jātamadbhutam||

युधिष्ठिर बोले — फिर वे महाभाग तपोधन ऋषि परम लोक को गए, तब आगे क्या अद्भुत घटना हुई?

श्लोक 2 (skanda.5.169.2)

श्रीमार्कण्डेय उवाच। ततस्तेषु प्रयातेषु नर्मदातीरवासिषु। बभूव रौद्रसंहारः सर्वभूतक्षयंकरः॥

śrīmārkaṇḍeya uvāca| tatasteṣu prayāteṣu narmadātīravāsiṣu| babhūva raudrasaṁhāraḥ sarvabhūtakṣayaṁkaraḥ||

श्रीमार्कण्डेय बोले — फिर उन नर्मदा-तट-निवासियों के चले जाने पर, समस्त प्राणियों का नाश करने वाला भयंकर संहार हुआ।

श्लोक 3 (skanda.5.169.3)

कैलासशिखरस्थं तु महादेवं सनातनम्। ब्रह्माद्याः प्रास्तुवन् देवमृग्यजुःसामभिः शिवम्॥

kailāsaśikharasthaṁ tu mahādevaṁ sanātanam| brahmādyāḥ prāstuvan devamṛgyajuḥsāmabhiḥ śivam||

कैलास शिखर पर स्थित सनातन महादेव की, ब्रह्मा आदि देवताओं ने ऋक्-यजुः-साम से शिव की स्तुति की —

श्लोक 4 (skanda.5.169.4)

संहर त्वं जगद्देव सदेवासुरमानुषम्। प्राप्तो युगसहस्रान्तः कालः संहरणक्षमः॥

saṁhara tvaṁ jagaddeva sadevāsuramānuṣam| prāpto yugasahasrāntaḥ kālaḥ saṁharaṇakṣamaḥ||

'हे देव! देव-असुर-मनुष्यों सहित जगत का संहार करो। सहस्र युगों का अन्त आ चुका है, संहार के योग्य काल आ गया है।'

श्लोक 5 (skanda.5.169.5)

मद्रूपं तु समास्थाय त्वया चैतद्विनिर्मितम्। वैष्णवीं मूर्तिमास्थाय त्वयैतत्परिपालितम्॥

madrūpaṁ tu samāsthāya tvayā caitadvinirmitam| vaiṣṇavīṁ mūrtimāsthāya tvayaitatparipālitam||

'मेरे रूप को धारण करके आपने ही इसे रचा है; वैष्णवी मूर्ति धारण करके आपने ही इसका पालन किया है।'

श्लोक 6 (skanda.5.169.6)

एका मूर्तिस्त्रिधा जाता ब्राह्मी शैवी च वैष्णवी। सृष्टिसंहाररक्षार्थं भवेदेवं महेश्वर॥

ekā mūrtistridhā jātā brāhmī śaivī ca vaiṣṇavī| sṛṣṭisaṁhārarakṣārthaṁ bhavedevaṁ maheśvara||

'एक ही मूर्ति तीन रूपों में हुई — ब्राह्मी, शैवी और वैष्णवी — सृष्टि, संहार और रक्षा के लिए, हे महेश्वर! यही होता है।'

श्लोक 7 (skanda.5.169.7)

एतच्छ्रुत्वा वचस्तथ्यं विष्णोश्च परमेष्ठिनः। सगणः सपरीवारः सह ताभ्यां सहोमया॥

etacchrutvā vacastathyaṁ viṣṇośca parameṣṭhinaḥ| sagaṇaḥ saparīvāraḥ saha tābhyāṁ sahomayā||

विष्णु और परमेष्ठी ब्रह्मा का यह सत्य वचन सुनकर, गणों, परिवार, तथा उन दोनों और उमा सहित,

श्लोक 8 (skanda.5.169.8)

समलोकान्विभिद्येमान्भगवान्नीललोहितः। भूराद्यब्रह्मलोकान्तं भित्त्वाण्डं परतः परम्॥

samalokānvibhidyemānbhagavānnīlalohitaḥ| bhūrādyabrahmalokāntaṁ bhittvāṇḍaṁ parataḥ param||

इन समस्त लोकों को भेदकर भगवान नीललोहित ने भूर्लोक से लेकर ब्रह्मलोक तक के अण्ड को भेदकर, उससे भी परे,

श्लोक 9 (skanda.5.169.9)

शैवं पदमजं दिव्यमाविशत्सह तैर्विभुः। न तत्र वायुर्नाकाशं नाग्निस्तत्र न भूतलम्॥

śaivaṁ padamajaṁ divyamāviśatsaha tairvibhuḥ| na tatra vāyurnākāśaṁ nāgnistatra na bhūtalam||

व्यापक प्रभु ने उनके साथ अजन्मा, दिव्य शैव पद में प्रवेश किया। वहाँ न वायु था, न आकाश, न अग्नि, न पृथ्वी,

श्लोक 10 (skanda.5.169.10)

यत्र संतिष्ठे देव उमया सह शङ्करः। न सूर्यो न ग्रहास्तत्र न ऋक्षाणि दिशस्तथा॥

yatra saṁtiṣṭhe deva umayā saha śaṅkaraḥ| na sūryo na grahāstatra na ṛkṣāṇi diśastathā||

जहाँ शंकर देव उमा सहित स्थित रहते हैं। वहाँ न सूर्य, न ग्रह, न नक्षत्र, न दिशाएँ थीं,

श्लोक 11 (skanda.5.169.11)

न लोकपाला न सुखं न च दुःखं नृपोत्तम॥

na lokapālā na sukhaṁ na ca duḥkhaṁ nṛpottama||

हे नृपोत्तम! न लोकपाल, न सुख, न दुःख था।

श्लोक 12 (skanda.5.169.12)

ब्राह्मं पदं यत्कवयो वदन्ति शैवं पदं यत्कवयो वदन्ति। क्षेत्रज्ञमीशं प्रवदन्ति चान्ये सांख्याश्च गायन्ति किलादिमोक्षम्॥

brāhmaṁ padaṁ yatkavayo vadanti śaivaṁ padaṁ yatkavayo vadanti| kṣetrajñamīśaṁ pravadanti cānye sāṁkhyāśca gāyanti kilādimokṣam||

जिसे कवि 'ब्राह्म पद' कहते हैं, जिसे कवि 'शैव पद' कहते हैं, अन्य लोग जिसे क्षेत्रज्ञ ईश कहते हैं, और सांख्य जिसे आदि मोक्ष कहकर गाते हैं —

श्लोक 13 (skanda.5.169.13)

यद्ब्रह्म आद्यं प्रवदन्ति केचिद्यं सर्वमीशानमजं पुराणम्। तमेकरूपं तमनेकरूपमरूपमाद्यं परमव्ययाख्यम्॥

yadbrahma ādyaṁ pravadanti kecidyaṁ sarvamīśānamajaṁ purāṇam| tamekarūpaṁ tamanekarūpamarūpamādyaṁ paramavyayākhyam||

जिसे कुछ लोग आदि ब्रह्म कहते हैं, जो सर्वस्वरूप, ईशान, अजन्मा, पुरातन है; जो एक रूप है, जो अनेक रूप है, जो अरूप है, आदि है, परम अव्यय नाम वाला है,

श्लोक 14 (skanda.5.169.14)

अवर्णमप्यर्थमनामगोत्रं तुर्यं पदं यत्कवयो वदन्ति। ध्यानार्थविज्ञानमयं सुसूक्ष्ममात्मस्थमीशानवरं वरेण्यम्॥

avarṇamapyarthamanāmagotraṁ turyaṁ padaṁ yatkavayo vadanti| dhyānārthavijñānamayaṁ susūkṣmamātmasthamīśānavaraṁ vareṇyam||

जो वर्णरहित, नाम-गोत्ररहित है, जिसे कवि 'तुरीय पद' कहते हैं; जो ध्यान के विषयभूत ज्ञानमय, अत्यन्त सूक्ष्म, आत्मस्थ, श्रेष्ठ ईशान, वरणीय है।

श्लोक 15 (skanda.5.169.15)

ततस्त्रयस्ते भगवन्तमीशं सम्प्राप्य संक्षिप्य भवन्त्यर्थकम्। पृथक्स्वरूपैस्तु पुनस्त एव जगत्समस्तं परिपालयन्ति॥

tatastrayaste bhagavantamīśaṁ samprāpya saṁkṣipya bhavantyarthakam| pṛthaksvarūpaistu punasta eva jagatsamastaṁ paripālayanti||

फिर वे तीनों उस भगवान ईश को प्राप्त करके एक अर्थ में संक्षिप्त हो जाते हैं; और पुनः अपने पृथक् स्वरूपों से वे ही सम्पूर्ण जगत का पालन करते हैं।

श्लोक 16 (skanda.5.169.16)

संहारं सर्वभूतानां रुद्रत्वे कुरुते प्रभुः। विष्णुत्वे पालयेल्लोकान्ब्रह्मत्वे सृष्टिकारकः॥

saṁhāraṁ sarvabhūtānāṁ rudratve kurute prabhuḥ| viṣṇutve pālayellokānbrahmatve sṛṣṭikārakaḥ||

प्रभु रुद्रत्व में समस्त प्राणियों का संहार करते हैं, विष्णुत्व में लोकों का पालन करते हैं, ब्रह्मत्व में सृष्टिकर्ता होते हैं।

श्लोक 17 (skanda.5.169.17)

प्रकृत्या सह संयुक्तः कालो भूत्वा महेश्वरः। विश्वरूपा महाभागा तस्य पार्श्वे व्यवस्थिता॥

prakṛtyā saha saṁyuktaḥ kālo bhūtvā maheśvaraḥ| viśvarūpā mahābhāgā tasya pārśve vyavasthitā||

प्रकृति के साथ संयुक्त होकर महेश्वर काल-स्वरूप हो जाते हैं; विश्वरूपा महाभागा उनके पार्श्व में स्थित रहती है,

श्लोक 18 (skanda.5.169.18)

यामाहुः प्रकृतिं तज्ज्ञाः पदार्थानां विचक्षणाः। पुरुषत्वे प्रकृतित्वे च कारणं परमेश्वरः॥

yāmāhuḥ prakṛtiṁ tajjñāḥ padārthānāṁ vicakṣaṇāḥ| puruṣatve prakṛtitve ca kāraṇaṁ parameśvaraḥ||

जिसे तत्त्वज्ञ, पदार्थों में विचक्षण, प्रकृति कहते हैं। परमेश्वर ही पुरुषत्व और प्रकृतित्व दोनों में कारण है;

श्लोक 19 (skanda.5.169.19)

तस्मादेतज्जगत्सर्वं चराचरम्। तस्मिन्नेव लयं याति युगान्ते समुपस्थिते॥

tasmādetajjagatsarvaṁ carācaram| tasminneva layaṁ yāti yugānte samupasthite||

उसी से यह सम्पूर्ण चराचर जगत उत्पन्न होता है, और युग का अन्त आने पर उसी में लय को प्राप्त होता है।

श्लोक 20 (skanda.5.169.20)

भगलिङ्गाङ्कितं सर्वं व्याप्तं वै परमेष्ठिना। भगरूपो भवेद्विष्णुर्लिङ्गरूपो महेश्वरः॥

bhagaliṅgāṅkitaṁ sarvaṁ vyāptaṁ vai parameṣṭhinā| bhagarūpo bhavedviṣṇurliṅgarūpo maheśvaraḥ||

भग और लिंग से अंकित सब कुछ परमेष्ठी से व्याप्त है; विष्णु भग-रूप हैं, महेश्वर लिंग-रूप हैं।

श्लोक 21 (skanda.5.169.21)

भाति सर्वेषु लोकेषु गीयते भूर्भुवादिषु। प्रविष्टः सर्वभूतेषु तेन विष्णुर्भगः स्मृतः॥

bhāti sarveṣu lokeṣu gīyate bhūrbhuvādiṣu| praviṣṭaḥ sarvabhūteṣu tena viṣṇurbhagaḥ smṛtaḥ||

वे सब लोकों में शोभित होते हैं, भूः-भुवः आदि में गाए जाते हैं; समस्त प्राणियों में प्रविष्ट होने के कारण विष्णु को 'भग' कहा जाता है।

श्लोक 22 (skanda.5.169.22)

विशनाद्विष्णुरित्युक्तः सर्वदेवमयो महान्। भासनाद्गमनाच्चैव भगसंज्ञा प्रकीर्तिता॥

viśanādviṣṇurityuktaḥ sarvadevamayo mahān| bhāsanādgamanāccaiva bhagasaṁjñā prakīrtitā||

प्रवेश करने से वे 'विष्णु' कहे गए, सर्वदेवमय महान; प्रकाशित होने और गमन करने से 'भग' संज्ञा प्रकट हुई।

श्लोक 23 (skanda.5.169.23)

ब्रह्मादिस्तम्बपर्यन्तं यस्मिन्नेति लयं जगत्। एकभावं समापन्नं लिङ्गं तस्माद्विदुर्बुधाः॥

brahmādistambaparyantaṁ yasminneti layaṁ jagat| ekabhāvaṁ samāpannaṁ liṅgaṁ tasmādvidurbudhāḥ||

ब्रह्मा से लेकर तृण-पर्यन्त जिसमें जगत लय को प्राप्त होकर एकभाव को प्राप्त होता है, उसे ही विद्वान 'लिंग' जानते हैं।

श्लोक 24 (skanda.5.169.24)

महादेवस्ततो देवीमाह पार्श्वे स्थितां तदा। संहरस्व जगत्सर्वं मा विलम्बस्व शोभने॥

mahādevastato devīmāha pārśve sthitāṁ tadā| saṁharasva jagatsarvaṁ mā vilambasva śobhane||

तब महादेव ने अपने पार्श्व में स्थित देवी से कहा — 'सम्पूर्ण जगत का संहार करो, हे शोभने! विलम्ब मत करो।'

श्लोक 25 (skanda.5.169.25)

त्यज सौम्यमिदं रूपं सितचन्द्रांशुनिर्मलम्। रुद्रं रूपं समास्थाय संहरस्व चराचरम्॥

tyaja saumyamidaṁ rūpaṁ sitacandrāṁśunirmalam| rudraṁ rūpaṁ samāsthāya saṁharasva carācaram||

'श्वेत चन्द्रकिरणों के समान निर्मल इस सौम्य रूप को त्याग दो; रुद्ररूप धारण करके चराचर का संहार करो।'

श्लोक 26 (skanda.5.169.26)

रौद्रैर्भूतगणैर्घोरैर्देवि त्वं परिवारिता। जीवलोकमिमं सर्वं भक्षयस्वाम्बुजेक्षणे॥

raudrairbhūtagaṇairghorairdevi tvaṁ parivāritā| jīvalokamimaṁ sarvaṁ bhakṣayasvāmbujekṣaṇe||

'हे देवि! भयंकर, रौद्र भूत-गणों से घिरी हुई तुम इस समस्त जीव-लोक को भक्षण करो, हे कमलनयने!'

श्लोक 27 (skanda.5.169.27)

ततोऽहं मर्दयिष्यामि प्लावयिष्ये तथा जगत्। कृत्वा चैकार्णवं भूयः सुखं स्वप्स्ये त्वया सह॥

tato'haṁ mardayiṣyāmi plāvayiṣye tathā jagat| kṛtvā caikārṇavaṁ bhūyaḥ sukhaṁ svapsye tvayā saha||

'तब मैं इसे मर्दन करूँगा, और इसी प्रकार जगत को प्लावित करूँगा; फिर से एकार्णव करके तुम्हारे साथ सुखपूर्वक सोऊँगा।'

श्लोक 28 (skanda.5.169.28)

श्रीदेव्युवाच। नाहं देव जगच्चैतत्संहरामि महाद्युते। अम्बा भूत्वा विचेष्टं न भक्षयामि भृशातुरम्॥

śrīdevyuvāca| nāhaṁ deva jagaccaitatsaṁharāmi mahādyute| ambā bhūtvā viceṣṭaṁ na bhakṣayāmi bhṛśāturam||

श्रीदेवी बोलीं — 'हे महाद्युते देव! मैं इस जगत का संहार नहीं करूँगी। माता बनकर मैं छटपटाते अत्यन्त पीड़ित प्राणी को नहीं खाऊँगी।'

श्लोक 29 (skanda.5.169.29)

स्त्रीस्वभावेन कारुण्यं करोति हृदयं मम। कथं वै निर्दहिष्यामि जगदेतज्जगत्पते॥

strīsvabhāvena kāruṇyaṁ karoti hṛdayaṁ mama| kathaṁ vai nirdahiṣyāmi jagadetajjagatpate||

'स्त्री-स्वभाव के कारण मेरा हृदय करुणा से भर जाता है। हे जगत्पते! मैं इस जगत को कैसे जला सकती हूँ?'

श्लोक 30 (skanda.5.169.30)

तस्मात्त्वं स्वयमेवेदं जगत्संहर शङ्कर। अथैवमुक्तस्तां देवीं धूर्जटिर्नीललोहितः॥

tasmāttvaṁ svayamevedaṁ jagatsaṁhara śaṅkara| athaivamuktastāṁ devīṁ dhūrjaṭirnīlalohitaḥ||

'इसलिए हे शंकर! तुम स्वयं ही इस जगत का संहार करो।' तब इस प्रकार कहे जाने पर, नीललोहित धूर्जटि ने उस देवी को,

श्लोक 31 (skanda.5.169.31)

क्रुद्धो निर्भर्त्सयामास हुङ्कारेण महेश्वरीम्। ओं हुंफट्त्वं स इत्याह कोपाविष्टैरथेक्षणैः॥

kruddho nirbhartsayāmāsa huṅkāreṇa maheśvarīm| oṁ huṁphaṭtvaṁ sa ityāha kopāviṣṭairathekṣaṇaiḥ||

क्रोधित होकर हुंकार से डाँटा — 'ॐ हुं फट् त्वं स' — ऐसा कहा, क्रोध से भरे नेत्रों से।

श्लोक 32 (skanda.5.169.32)

हुंकारिता विशालाक्षी पीनोरुजघनस्थला। तत्क्षणाच्चाभवद्रौद्रा कालरात्रीव भारत॥

huṁkāritā viśālākṣī pīnorujaghanasthalā| tatkṣaṇāccābhavadraudrā kālarātrīva bhārata||

हे भारत! उस हुंकार से विशालाक्षी, पुष्ट जंघा-नितम्ब वाली देवी उसी क्षण कालरात्रि के समान भयंकर हो गई।

श्लोक 33 (skanda.5.169.33)

हुंकुर्वती महानादैर्नादयन्ती दिशो दश। व्यवर्धत महारौद्रा विद्युत्सौदामिनी यथा॥

huṁkurvatī mahānādairnādayantī diśo daśa| vyavardhata mahāraudrā vidyutsaudāminī yathā||

हुंकार करती हुई, महाध्वनियों से दसों दिशाओं को गुंजाती हुई, वह अत्यन्त भयंकर, बिजली की चमक के समान बढ़ने लगी,

श्लोक 34 (skanda.5.169.34)

विद्युत्सम्पातदुष्प्रेक्ष्या विद्युत्संघातचञ्चला। विद्युज्ज्वालाकुला रौद्रा विद्युदग्निनिभेक्षणा॥

vidyutsampātaduṣprekṣyā vidyutsaṁghātacañcalā| vidyujjvālākulā raudrā vidyudagninibhekṣaṇā||

बिजली के गिरने के समान देखने में कठिन, बिजली के समूह के समान चंचल, बिजली की ज्वालाओं से भरी, भयंकर, बिजली की अग्नि जैसी आँखों वाली,

श्लोक 35 (skanda.5.169.35)

मुक्तकेशी विशालाक्षी कृशग्रीवा कृशोदरी। व्याघ्रचर्माम्बरधरा व्यालयज्ञोपवीतिनी॥

muktakeśī viśālākṣī kṛśagrīvā kṛśodarī| vyāghracarmāmbaradharā vyālayajñopavītinī||

खुले बालों वाली, विशाल नेत्रों वाली, कृश ग्रीवा, कृश उदर वाली, व्याघ्रचर्म वस्त्र धारण करने वाली, सर्प का यज्ञोपवीत पहनने वाली,

श्लोक 36 (skanda.5.169.36)

वृश्चिकैरग्निपुञ्जाभैर्गोनसैश्च विभूषिता। त्रैलोक्यं पूरयामास विस्तारेणोच्छ्रयेण च॥

vṛścikairagnipuñjābhairgonasaiśca vibhūṣitā| trailokyaṁ pūrayāmāsa vistāreṇocchrayeṇa ca||

अग्नि-समूह के समान बिच्छुओं और सर्पों से विभूषित — उसने अपने विस्तार और ऊँचाई से त्रिलोक को भर दिया।

श्लोक 37 (skanda.5.169.37)

भासुराङ्गा तु संवृत्ता कृष्णसर्पैककुण्डला। चित्रदण्डोद्यतकरा व्याघ्रचर्मोपसेविता॥

bhāsurāṅgā tu saṁvṛttā kṛṣṇasarpaikakuṇḍalā| citradaṇḍodyatakarā vyāghracarmopasevitā||

उसके तेजस्वी अंग काले सर्पों से आवृत, एक कान में काले सर्प का कुण्डल, हाथ में विचित्र दण्ड उठाए, व्याघ्रचर्म से सेवित,

श्लोक 38 (skanda.5.169.38)

व्यवर्धत महारौद्रा जगत्संहारकारिणी। सृक्किणी लेलिहाना च क्रूरफूत्कारकारिणी॥

vyavardhata mahāraudrā jagatsaṁhārakāriṇī| sṛkkiṇī lelihānā ca krūraphūtkārakāriṇī||

जगत का संहार करने वाली वह अत्यन्त भयंकर देवी बढ़ने लगी — मुँह के कोनों को चाटती हुई, क्रूर फुफकार करती हुई,

श्लोक 39 (skanda.5.169.39)

व्यात्तास्या घुर्घुरारावा जगत्संक्षोभकारिणी। खेलद्भूतानुगा क्रूरा निःश्वासोच्छ्वासकारिणी॥

vyāttāsyā ghurghurārāvā jagatsaṁkṣobhakāriṇī| kheladbhūtānugā krūrā niḥśvāsocchvāsakāriṇī||

मुँह फैलाए, घुर्घुर की गर्जना करती, जगत को क्षुब्ध करती हुई, क्रूर, भूतों से घिरी क्रीड़ा करती हुई, तेज साँस लेती-छोड़ती हुई,

श्लोक 40 (skanda.5.169.40)

जाताट्टअहासा दुर्नासा वह्निकुण्डसमेक्षणा। प्रोद्यत्किलकिलारावा ददाह सकलं जगत्॥

jātāṭṭaahāsā durnāsā vahnikuṇḍasamekṣaṇā| prodyatkilakilārāvā dadāha sakalaṁ jagat||

जोर से अट्टहास करती, भयंकर नासिका वाली, अग्नि-कुण्ड जैसी आँखों वाली, किलकिला ध्वनि करती हुई उसने सम्पूर्ण जगत को जला डाला।

श्लोक 41 (skanda.5.169.41)

दह्यमानाः सुरास्तत्र पतन्ति धरणीतले। पतन्ति यक्षगन्धर्वाः सकिन्नरमहोरगाः॥

dahyamānāḥ surāstatra patanti dharaṇītale| patanti yakṣagandharvāḥ sakinnaramahoragāḥ||

जलते हुए देवता वहाँ पृथ्वी पर गिरने लगे; यक्ष, गन्धर्व किन्नर तथा महानागों सहित गिरने लगे।

श्लोक 42 (skanda.5.169.42)

पतन्ति भूतसङ्घाश्च हाहाहैहैविराविणः। बुम्बापातैः सनिर्घातैरुदितार्तस्वरैरपि॥

patanti bhūtasaṅghāśca hāhāhaihaivirāviṇaḥ| bumbāpātaiḥ sanirghātairuditārtasvarairapi||

भूत-समूह भी 'हाहा' 'हैहै' चिल्लाते हुए गिरने लगे, गड़गड़ाहट और पीड़ा की चीखों सहित।

श्लोक 43 (skanda.5.169.43)

व्याप्तमासीत्तदा विश्वं त्रैलोक्यं सचराचरम्। संपतद्भिः पतद्भिश्च ज्वलद्भूतगणैर्मही॥

vyāptamāsīttadā viśvaṁ trailokyaṁ sacarācaram| saṁpatadbhiḥ patadbhiśca jvaladbhūtagaṇairmahī||

तब चराचर सहित सम्पूर्ण त्रिलोक इसी से व्याप्त हो गया; जलते हुए भूत-समूहों के गिरने से पृथ्वी,

श्लोक 44 (skanda.5.169.44)

जातैश्चटचटाशब्दैः पतद्भिर्गिरिसानुभिः। तत्र रौद्रोत्सवे जाता रुद्रानन्दविवर्धिनी॥

jātaiścaṭacaṭāśabdaiḥ patadbhirgirisānubhiḥ| tatra raudrotsave jātā rudrānandavivardhinī||

उत्पन्न कड़कड़ाहट की ध्वनियों से, गिरते पर्वत-शिखरों से भर गई। उस रौद्र उत्सव में रुद्र के आनन्द को बढ़ाने वाली वह उत्पन्न हुई,

श्लोक 45 (skanda.5.169.45)

विहिंसमाना भूतानि चर्वमाणाचरानपि। तत्तद्गन्धमुपादाय शिवारावविराविणी॥

vihiṁsamānā bhūtāni carvamāṇācarānapi| tattadgandhamupādāya śivārāvavirāviṇī||

प्राणियों को मारती हुई, गतिशील प्राणियों को भी चबाती हुई, उनकी गंध ग्रहण करती हुई, सियारों की तरह चीखती हुई,

श्लोक 46 (skanda.5.169.46)

गलच्छोणितधाराभिमुखा दिग्धकलेवरा। चण्डशीलाभवच्चण्डी जगत्संहारकर्मणि॥

galacchoṇitadhārābhimukhā digdhakalevarā| caṇḍaśīlābhavaccaṇḍī jagatsaṁhārakarmaṇi||

रक्त की धाराओं से भीगे मुख वाली, लिप्त शरीर वाली — वह चण्डी जगत-संहार के कार्य में उग्र स्वभाव वाली हो गई।

श्लोक 47 (skanda.5.169.47)

येऽपि प्राप्ता महर्लोकं भृग्वाद्याश्च महर्षयः। तेऽपि नश्यन्ति शतशो ब्रह्मक्षत्त्रविशादयः॥

ye'pi prāptā maharlokaṁ bhṛgvādyāśca maharṣayaḥ| te'pi naśyanti śataśo brahmakṣattraviśādayaḥ||

महर्लोक को प्राप्त भृगु आदि महर्षि भी सैकड़ों की संख्या में नष्ट होने लगे, ब्राह्मण-क्षत्रिय-वैश्य आदि सहित।

श्लोक 48 (skanda.5.169.48)

देवासुरा भयत्रस्ताः सयक्षोरगराक्षसाः। विशन्ति केऽपि पातालं लीयन्ते च गुहादिषु॥

devāsurā bhayatrastāḥ sayakṣoragarākṣasāḥ| viśanti ke'pi pātālaṁ līyante ca guhādiṣu||

भय से त्रस्त देव-असुर, यक्ष-नाग-राक्षसों सहित, कुछ पाताल में प्रविष्ट हो गए और कुछ गुफाओं आदि में छिप गए।

श्लोक 49 (skanda.5.169.49)

सा च देवी दिशः सर्वा व्याप्य मृत्युरिव स्थिता। युगक्षयकरे काले देवेन विनियोजिता॥

sā ca devī diśaḥ sarvā vyāpya mṛtyuriva sthitā| yugakṣayakare kāle devena viniyojitā||

और वह देवी सब दिशाओं में व्याप्त होकर मृत्यु के समान खड़ी रही, युग-क्षय के काल में देव द्वारा नियुक्त होकर।

श्लोक 50 (skanda.5.169.50)

एकापि नवधा जाता दशधा दशधा तथा। चतुःषष्टिस्वरूपा च शतरूपाट्टहासिनी॥

ekāpi navadhā jātā daśadhā daśadhā tathā| catuḥṣaṣṭisvarūpā ca śatarūpāṭṭahāsinī||

एक होते हुए भी वह नौ प्रकार की, फिर दस-दस प्रकार की, चौंसठ रूपों वाली, सौ रूपों वाली, अट्टहास करती हुई,

श्लोक 51 (skanda.5.169.51)

जज्ञे सहस्ररूपा च लक्षकोटितनुः शिवा। नानारूपायुधाकारा नानावादनचारिणी॥

jajñe sahasrarūpā ca lakṣakoṭitanuḥ śivā| nānārūpāyudhākārā nānāvādanacāriṇī||

सहस्र रूपों वाली, लाख-करोड़ शरीरों वाली शिवा हो गई; नाना रूपों और आयुधों वाली, नाना वाद्य बजाते हुए विचरण करने वाली।

श्लोक 52 (skanda.5.169.52)

एवंरूपाऽभवद्देवी शिवस्यानुज्ञया नृप। दिक्षु सर्वासु गगने विकटायुधशीलिनः॥

evaṁrūpā'bhavaddevī śivasyānujñayā nṛpa| dikṣu sarvāsu gagane vikaṭāyudhaśīlinaḥ||

हे राजन्! शिव की आज्ञा से देवी इस प्रकार हो गई; सब दिशाओं में और आकाश में विकट आयुधधारी,

श्लोक 53 (skanda.5.169.53)

रुन्धन्तो नश्यमानांस्तान्गणा माहेश्वराः स्थिताः। विचरन्ति तया सार्द्धं शूलपट्टिशपाणयः॥

rundhanto naśyamānāṁstāngaṇā māheśvarāḥ sthitāḥ| vicaranti tayā sārddhaṁ śūlapaṭṭiśapāṇayaḥ||

नष्ट होते प्राणियों को रोकते हुए माहेश्वर गण खड़े रहे, त्रिशूल-पट्टिश हाथों में लिए उसके साथ विचरण करते हुए।

श्लोक 54 (skanda.5.169.54)

ततो मातृगणाः केचिद्विनायकगणैः सह। व्यवर्धन्त महारौद्रा जगत्संहारकारिणः॥

tato mātṛgaṇāḥ kecidvināyakagaṇaiḥ saha| vyavardhanta mahāraudrā jagatsaṁhārakāriṇaḥ||

फिर कुछ मातृगण विनायक-गणों सहित, जगत का संहार करते हुए अत्यन्त भयंकर रूप में बढ़ने लगे।

श्लोक 55 (skanda.5.169.55)

ततस्तस्या व्यवर्धन्त दंष्ट्राः कुन्देन्दुसन्निभाः। योजनानां सहस्राणि अयुतान्यर्बुदानि च॥

tatastasyā vyavardhanta daṁṣṭrāḥ kundendusannibhāḥ| yojanānāṁ sahasrāṇi ayutānyarbudāni ca||

फिर उसकी कुन्द-चन्द्र के समान श्वेत दाढ़ें हज़ारों, दस-हज़ारों, करोड़ों योजन तक बढ़ने लगीं।

श्लोक 56 (skanda.5.169.56)

दंष्ट्रावलिः कररुहाः क्रूरास्तीक्ष्णाश्च कर्कशाः। वियद्दिशो लिखन्त्येव सप्तद्वीपां वसुंधराम्॥

daṁṣṭrāvaliḥ kararuhāḥ krūrāstīkṣṇāśca karkaśāḥ| viyaddiśo likhantyeva saptadvīpāṁ vasuṁdharām||

उसकी दाढ़ों की पंक्तियाँ और नखर, क्रूर, तीक्ष्ण, कठोर — आकाश, दिशाओं और सप्तद्वीप पृथ्वी को खरोंचने लगे।

श्लोक 57 (skanda.5.169.57)

तस्या दंष्ट्राभिसम्पातैश्चूर्णिता वनपर्वताः। शिलासंचयसंघाता विशीर्यते सहस्रशः॥

tasyā daṁṣṭrābhisampātaiścūrṇitā vanaparvatāḥ| śilāsaṁcayasaṁghātā viśīryate sahasraśaḥ||

उसकी दाढ़ों के प्रहार से वन और पर्वत चूर-चूर हो गए; शिलाओं के ढेर हज़ारों टुकड़ों में बिखर गए।

श्लोक 58 (skanda.5.169.58)

हिमवान्हेमकूटश्च निषधो गन्धमादनः। माल्यवांश्चैव नीलश्च श्वेतश्चैव महागिरिः॥

himavānhemakūṭaśca niṣadho gandhamādanaḥ| mālyavāṁścaiva nīlaśca śvetaścaiva mahāgiriḥ||

हिमालय, हेमकूट, निषध, गन्धमादन, माल्यवान, नील, तथा महापर्वत श्वेत भी,

श्लोक 59 (skanda.5.169.59)

मेरुमध्यमिलापीठं सप्तद्वीपं च सार्णवम्। लोकालोकेन सहितं प्राकम्पत नृपोत्तम॥

merumadhyamilāpīṭhaṁ saptadvīpaṁ ca sārṇavam| lokālokena sahitaṁ prākampata nṛpottama||

हे नृपोत्तम! मध्य में मेरु, इला का पीठ, सप्तद्वीप समुद्र सहित, लोकालोक पर्वत सहित — सब कांप उठे।

श्लोक 60 (skanda.5.169.60)

दंष्ट्राशनिविस्पृष्टाश्च विशीर्यन्ते महाद्रुमाः। उत्पातैश्च दिशो व्याप्ता घोररूपैः समन्ततः॥

daṁṣṭrāśanivispṛṣṭāśca viśīryante mahādrumāḥ| utpātaiśca diśo vyāptā ghorarūpaiḥ samantataḥ||

उसकी दाढ़ों की बिजली से स्पर्शित महावृक्ष चूर-चूर हो गए; भयंकर उत्पातों से दिशाएँ चारों ओर व्याप्त हो गईं।

श्लोक 61 (skanda.5.169.61)

तारा ग्रहगणाः सर्वे ये च वैमानिका गणाः। शिवासहस्रैराकीर्णा महामातृगणैस्तथा॥

tārā grahagaṇāḥ sarve ye ca vaimānikā gaṇāḥ| śivāsahasrairākīrṇā mahāmātṛgaṇaistathā||

तारे, ग्रह-समूह, तथा विमानगामी सब गण — सब सहस्रों सियारों और महामातृ-गणों से भर गए।

श्लोक 62 (skanda.5.169.62)

सा चचार जगत्कृत्स्नं युगान्ते समुपस्थिते। भ्रमद्भिश्च ब्रुवद्भिश्च क्रोशद्भिश्च समन्ततः॥

sā cacāra jagatkṛtsnaṁ yugānte samupasthite| bhramadbhiśca bruvadbhiśca krośadbhiśca samantataḥ||

युग का अन्त आने पर वह सम्पूर्ण जगत में विचरण करने लगी, चारों ओर भ्रमण करते, बोलते, चिल्लाते प्राणियों के बीच,

श्लोक 63 (skanda.5.169.63)

प्रमथद्भिर्ज्वलद्भिश्च रौद्रैर्व्याप्ता दिशो दश। विस्तीर्णं शैलसङ्घातं विघूर्णितगिरिद्रुमम्॥

pramathadbhirjvaladbhiśca raudrairvyāptā diśo daśa| vistīrṇaṁ śailasaṅghātaṁ vighūrṇitagiridrumam||

मथते और जलते भयंकर प्राणियों से दसों दिशाएँ व्याप्त हो गईं; विस्तीर्ण पर्वत-समूह, हिलते पर्वत-वृक्ष,

श्लोक 64 (skanda.5.169.64)

प्रभिन्नगोपुरद्वारं केशशुष्कास्थिसंकुलम्। प्रदग्धग्रामनगरं भस्मपुंजाभिसंवृतम्॥

prabhinnagopuradvāraṁ keśaśuṣkāsthisaṁkulam| pradagdhagrāmanagaraṁ bhasmapuṁjābhisaṁvṛtam||

टूटे हुए नगर-द्वार, बालों और सूखी हड्डियों से भरे, जले हुए गाँव-नगर, राख के ढेरों से ढके हुए,

श्लोक 65 (skanda.5.169.65)

चिताधूमाकुलं सर्वं त्रैलोक्यं सचराचरम्। हाहाकाराकुलं सर्वमहहस्वननिस्वनम्॥

citādhūmākulaṁ sarvaṁ trailokyaṁ sacarācaram| hāhākārākulaṁ sarvamahahasvananisvanam||

चिता के धुएँ से भरा सम्पूर्ण चराचर त्रिलोक; हाहाकार से भरा, विलाप की गूँजती ध्वनियों वाला,

श्लोक 66 (skanda.5.169.66)

जगदेतदभूत्सर्वमशरण्यं निराश्रयम्॥

jagadetadabhūtsarvamaśaraṇyaṁ nirāśrayam||

यह सम्पूर्ण जगत शरणहीन, आश्रयरहित हो गया।