सृष्टि-संहार के संरम्भ का वर्णन

श्लोक 1 (skanda.5.170.1)

श्रीमार्कण्डेय उवाच। ततो मातृसहस्रैश्च रौद्रैश्च परिवारिता। कालरात्रिर्जगत्सर्वं हरते दीप्तलोचना॥

śrīmārkaṇḍeya uvāca| tato mātṛsahasraiśca raudraiśca parivāritā| kālarātrirjagatsarvaṁ harate dīptalocanā||

श्रीमार्कण्डेय बोले — फिर सहस्रों रौद्र मातृकाओं से घिरी, दीप्त नेत्रों वाली कालरात्रि सम्पूर्ण जगत को हर लेती है।

श्लोक 2 (skanda.5.170.2)

ततस्ता मातरो घोरा ब्रह्मविष्णुशिवात्मिकाः। वाय्विन्द्रानलकौबेरा यमतोयेशशक्तयः॥

tatastā mātaro ghorā brahmaviṣṇuśivātmikāḥ| vāyvindrānalakauberā yamatoyeśaśaktayaḥ||

फिर वे भयंकर मातृकाएँ, जो ब्रह्मा-विष्णु-शिव-स्वरूपा, वायु-इन्द्र-अग्नि-कुबेर, यम-वरुण की शक्तियाँ थीं,

श्लोक 3 (skanda.5.170.3)

स्कन्दक्रोडनृसिंहानां विचरन्त्यो भयानकाः। चक्रशूलगदाखड्गवज्रशक्त्यृष्टिपट्टिशैः॥

skandakroḍanṛsiṁhānāṁ vicarantyo bhayānakāḥ| cakraśūlagadākhaḍgavajraśaktyṛṣṭipaṭṭiśaiḥ||

स्कन्द, वराह और नृसिंह की भी — भयंकर रूप में विचरण करती हुईं, चक्र-शूल-गदा-खड्ग-वज्र-शक्ति-ऋष्टि-पट्टिश लिए,

श्लोक 4 (skanda.5.170.4)

खट्वाङ्गैरुल्मुकैर्दीप्तैर्व्यचरन्मातरः क्षये। उमासंनोदिता सर्वाः प्रधावन्त्यो दिशो दश॥

khaṭvāṅgairulmukairdīptairvyacaranmātaraḥ kṣaye| umāsaṁnoditā sarvāḥ pradhāvantyo diśo daśa||

खट्वांग और जलते हुए उल्मुकों सहित प्रलयकाल में विचरण करने लगीं; उमा से प्रेरित होकर सब दसों दिशाओं में दौड़ने लगीं।

श्लोक 5 (skanda.5.170.5)

तासां चरणविक्षेपैर्हुङ्कारोद्गारनिस्वनैः। त्रैलोक्यमेतत्सकलं विप्रदग्धं समन्ततः॥

tāsāṁ caraṇavikṣepairhuṅkārodgāranisvanaiḥ| trailokyametatsakalaṁ vipradagdhaṁ samantataḥ||

उनके चरणों की गति और हुंकार-ध्वनियों से यह सम्पूर्ण त्रिलोक चारों ओर से जल उठा।

श्लोक 6 (skanda.5.170.6)

हाहारवाक्रन्दितनिस्वनैश्च प्रभिन्नरथ्यागृहगोपुरैश्च। बभूव घोरा धरणी समन्तात्कपालकोशाकुलकर्बुराङ्गी॥

hāhāravākranditanisvanaiśca prabhinnarathyāgṛhagopuraiśca| babhūva ghorā dharaṇī samantātkapālakośākulakarburāṅgī||

हाहाकार और विलाप की ध्वनियों से, टूटी गलियों-घरों-नगरद्वारों सहित, पृथ्वी चारों ओर भयंकर, खोपड़ियों के ढेरों से चित्रित हो गई।

श्लोक 7 (skanda.5.170.7)

यदेतच्छतसाहस्रं जम्बूद्वीपं निगद्यते। सर्वमेव तदुच्छन्नं समाधृष्य नृपोत्तम॥

yadetacchatasāhasraṁ jambūdvīpaṁ nigadyate| sarvameva taducchannaṁ samādhṛṣya nṛpottama||

हे नृपोत्तम! जो यह लाख-योजन का जम्बूद्वीप कहा जाता है, वह सब आक्रान्त होकर नष्ट हो गया।

श्लोक 8 (skanda.5.170.8)

जम्बुं शाकं कुशं क्रौञ्चं गोमेदं शाल्मलिस्तथा। पुष्करद्वीपसहिता ये च पर्वतवासिनः॥

jambuṁ śākaṁ kuśaṁ krauñcaṁ gomedaṁ śālmalistathā| puṣkaradvīpasahitā ye ca parvatavāsinaḥ||

जम्बू, शाक, कुश, क्रौंच, गोमेद, तथा शाल्मल, पुष्कर द्वीप सहित, तथा जो पर्वत-निवासी थे,

श्लोक 9 (skanda.5.170.9)

ते ग्रस्ता मृत्युना सर्वे भूतैर्मातृगणैस्तथा। महासुरकपालैश्च मांसमेदोवसोत्कटैः॥

te grastā mṛtyunā sarve bhūtairmātṛgaṇaistathā| mahāsurakapālaiśca māṁsamedovasotkaṭaiḥ||

वे सब मृत्यु, भूत-समूहों तथा मातृगणों द्वारा, तथा मांस-मेद-वसा से भरे महाअसुर-खोपड़ियों द्वारा ग्रस लिए गए।

श्लोक 10 (skanda.5.170.10)

रुधिरोद्गारशोणाङ्गी महामाया सुभीषणा। पिबन्ती रुधिरं तत्र महामांसवसाप्रिया॥

rudhirodgāraśoṇāṅgī mahāmāyā subhīṣaṇā| pibantī rudhiraṁ tatra mahāmāṁsavasāpriyā||

रक्त की धाराओं से लाल अंगों वाली, महाभयंकर महामाया, वहाँ रक्त पीती हुई, मांस-वसा की प्रिय,

श्लोक 11 (skanda.5.170.11)

कपालहस्ता विकटा भक्षयन्ती सुरासुरान्। नृत्यन्ती च हसन्ती च विपरीता महारवा॥

kapālahastā vikaṭā bhakṣayantī surāsurān| nṛtyantī ca hasantī ca viparītā mahāravā||

हाथ में खोपड़ी लिए, विकराल, देव-असुरों को खाती हुई, नाचती और हँसती हुई, विपरीत मुद्रा में, महाघोष करती हुई,

श्लोक 12 (skanda.5.170.12)

त्रैलोक्यसंत्रासकरी विद्युत्संस्फोटहासिनी। सप्तद्वीपसमुद्रान्तां भक्षयित्वा च मेदिनीम्॥

trailokyasaṁtrāsakarī vidyutsaṁsphoṭahāsinī| saptadvīpasamudrāntāṁ bhakṣayitvā ca medinīm||

त्रिलोक को त्रस्त करने वाली, बिजली के कड़कने के समान हँसने वाली — सप्तद्वीप-समुद्रान्त पृथ्वी को खाकर,

श्लोक 13 (skanda.5.170.13)

ततः स्वस्थानमगमद्यत्र देवो महेश्वरः। नर्मदातीरमाश्रित्यावसन्मातृगणैः सह॥

tataḥ svasthānamagamadyatra devo maheśvaraḥ| narmadātīramāśrityāvasanmātṛgaṇaiḥ saha||

फिर वह अपने ही स्थान को गई, जहाँ देव महेश्वर, नर्मदा-तट का आश्रय लेकर, मातृगणों सहित निवास करते हैं।

श्लोक 14 (skanda.5.170.14)

अमराणां कटे तुङ्गे नृत्यन्ती हसितानना। अमरा देवताः प्रोक्ताः शरीरं कटमुच्यते॥

amarāṇāṁ kaṭe tuṅge nṛtyantī hasitānanā| amarā devatāḥ proktāḥ śarīraṁ kaṭamucyate||

अमरों के ऊँचे कट (शरीर-समूह) पर नाचती हुई, हँसते मुख वाली — अमर देवताओं को कहते हैं, और 'कट' शरीर को कहा जाता है।

श्लोक 15 (skanda.5.170.15)

तैः कटैरावृतो यस्मात्पर्वतोऽयं नृपोत्तम। छिन्नभिन्नास्थिनिकरैर्वसामेदोऽस्रविप्लुतैः॥

taiḥ kaṭairāvṛto yasmātparvato'yaṁ nṛpottama| chinnabhinnāsthinikarairvasāmedo'sraviplutaiḥ||

हे नृपोत्तम! चूँकि यह पर्वत उन्हीं कटों से आवृत है — टूटी-फूटी हड्डियों के ढेरों से, वसा-मेद-रक्त से लथपथ,

श्लोक 16 (skanda.5.170.16)

अमरंकट इत्येवं तेन प्रोक्तो मनीषिभिः। महापवित्रो लोकेषु शम्भुना स विनिर्मितः॥

amaraṁkaṭa ityevaṁ tena prokto manīṣibhiḥ| mahāpavitro lokeṣu śambhunā sa vinirmitaḥ||

इसीलिए विद्वानों ने इसे 'अमरकंटक' कहा; यह शम्भु द्वारा निर्मित, लोकों में महापवित्र स्थान है।

श्लोक 17 (skanda.5.170.17)

नित्यं संनिहितस्तत्र शङ्करो ह्युमया सह। ततोऽहं नियतस्तत्र तस्य पादाग्रसंस्थितः॥

nityaṁ saṁnihitastatra śaṅkaro hyumayā saha| tato'haṁ niyatastatra tasya pādāgrasaṁsthitaḥ||

वहाँ शंकर उमा सहित नित्य विद्यमान रहते हैं; वहीं मैं भी नियमपूर्वक उनके चरणाग्र में स्थित रहा,

श्लोक 18 (skanda.5.170.18)

प्रह्वः प्रणतभावेन स्तौमि तं नीललोहितम्। ततस्तालकसम्पातैर्गणैर्मातृगणैः सह॥

prahvaḥ praṇatabhāvena staumi taṁ nīlalohitam| tatastālakasampātairgaṇairmātṛgaṇaiḥ saha||

विनम्र होकर प्रणाम-भाव से उन नीललोहित की स्तुति करता हुआ। फिर हाथ बजाते हुए गणों और मातृगणों सहित,

श्लोक 19 (skanda.5.170.19)

संप्रनृत्यति संहृष्टो मृत्युना सह शङ्करः। खट्वाङ्गैरुल्मुकैश्चैव पट्टिशैः परिघैस्तथा॥

saṁpranṛtyati saṁhṛṣṭo mṛtyunā saha śaṅkaraḥ| khaṭvāṅgairulmukaiścaiva paṭṭiśaiḥ parighaistathā||

शंकर अत्यन्त हर्षित होकर मृत्यु के साथ नाचने लगते हैं; खट्वांग, उल्मुक, पट्टिश तथा परिघों सहित,

श्लोक 20 (skanda.5.170.20)

मांसमेदोवसाहस्ता हृष्टा नृत्यन्ति संघशः। वामना जटिला मुण्डा लम्बग्रीवोष्ठमूर्द्धजाः॥

māṁsamedovasāhastā hṛṣṭā nṛtyanti saṁghaśaḥ| vāmanā jaṭilā muṇḍā lambagrīvoṣṭhamūrddhajāḥ||

मांस-मेद-वसा हाथों में लिए, हर्षित होकर वे समूहों में नाचते हैं — बौने, जटाधारी, कुछ मुण्डित, लटकती गर्दन-होंठ-बालों वाले,

श्लोक 21 (skanda.5.170.21)

महाशिश्नोदरभुजा नृत्यन्ति च हसन्ति च। विकृतैराननैर्घोरैरर्भुजोल्बणमुखादिभिः॥

mahāśiśnodarabhujā nṛtyanti ca hasanti ca| vikṛtairānanairghorairarbhujolbaṇamukhādibhiḥ||

विशाल लिंग-उदर-भुजाओं वाले, वे नाचते और हँसते हैं, विकृत, भयंकर मुखों वाले, कुछ फूली भुजाओं-मुखों वाले।

श्लोक 22 (skanda.5.170.22)

अमरं कण्टकं चक्रुः प्राप्ते कालविपर्यये। तेषां मध्ये महाघोरं जगत्सन्त्रासकारणम्॥

amaraṁ kaṇṭakaṁ cakruḥ prāpte kālaviparyaye| teṣāṁ madhye mahāghoraṁ jagatsantrāsakāraṇam||

काल के विपर्यय आने पर उन्होंने 'अमर-कंटक' बना दिया। उनके मध्य में जगत को त्रस्त करने वाला वह महाभयंकर,

श्लोक 23 (skanda.5.170.23)

मृत्युं पश्यामि नृत्यन्तं तडित्पिङ्गलमूर्द्धजम्। तस्य पार्श्वे स्थितां देवीं विमलाम्बरभूषिताम्॥

mṛtyuṁ paśyāmi nṛtyantaṁ taḍitpiṅgalamūrddhajam| tasya pārśve sthitāṁ devīṁ vimalāmbarabhūṣitām||

मृत्यु को मैं नाचता हुआ देखता हूँ, बिजली के समान पिंगल बालों वाला; उसके पार्श्व में स्थित देवी को, निर्मल वस्त्रों से भूषित,

श्लोक 24 (skanda.5.170.24)

कुण्डलोद्घुष्टगण्डां तां नागयज्ञोपवीतिनीम्। विचित्रैरुपहारैश्च पूजयन्तीं महेश्वरम्॥

kuṇḍalodghuṣṭagaṇḍāṁ tāṁ nāgayajñopavītinīm| vicitrairupahāraiśca pūjayantīṁ maheśvaram||

कुण्डलों से गूँजते गालों वाली, सर्प का यज्ञोपवीत पहने, विचित्र उपहारों से महेश्वर की पूजा करती हुई देखता हूँ।

श्लोक 25 (skanda.5.170.25)

अपश्यं नर्मदां तत्र मातरं विश्ववन्दिताम्। नानातरङ्गां सावर्तां सुवेलार्णवसंनिभाम्॥

apaśyaṁ narmadāṁ tatra mātaraṁ viśvavanditām| nānātaraṅgāṁ sāvartāṁ suvelārṇavasaṁnibhām||

वहाँ मैंने विश्ववंदिता माता नर्मदा को देखा, नाना तरंगों वाली, भँवरों से भरी, सुवेला समुद्र के समान,

श्लोक 26 (skanda.5.170.26)

महासरःसरित्पातैरदृश्यां दृश्यरूपिणीम्। वन्द्यमानां सुरैः सिद्धैर्मुनिसङ्घैश्च भारत॥

mahāsaraḥsaritpātairadṛśyāṁ dṛśyarūpiṇīm| vandyamānāṁ suraiḥ siddhairmunisaṅghaiśca bhārata||

महासरोवरों और नदियों के संगम में अदृश्य, फिर भी दृश्यरूप में, हे भारत! देवों, सिद्धों तथा मुनि-समूहों द्वारा वंदित।

श्लोक 27 (skanda.5.170.27)

एतस्मिन्नन्तरे घोरां सप्तसप्तकसंज्ञिताम्। महावीच्यौघफेनाढ्यां कुर्वन्तीं सजलं जगत्॥

etasminnantare ghorāṁ saptasaptakasaṁjñitām| mahāvīcyaughaphenāḍhyāṁ kurvantīṁ sajalaṁ jagat||

इसी बीच 'सप्तसप्तक' नाम से जानी जाने वाली भयंकर, महातरंग-समूहों और फेन से युक्त, जगत को जलमय करती हुई,

श्लोक 28 (skanda.5.170.28)

दृष्टवान्नर्मदां देवीं मृगकृष्णाम्बरां पुनः। सधूमाशनिनिर्ह्रादैर्वहन्तीं सप्तधा तदा॥

dṛṣṭavānnarmadāṁ devīṁ mṛgakṛṣṇāmbarāṁ punaḥ| sadhūmāśaninirhrādairvahantīṁ saptadhā tadā||

देवी नर्मदा को मैंने फिर देखा, काले मृगचर्म वाली, धुएँ और वज्रपात की गर्जना सहित सात धाराओं में बहती हुई।

श्लोक 29 (skanda.5.170.29)

इति संहारमतुलं दृष्टवान्राजसत्तम। नष्टचन्द्रार्ककिरणमभूदेतच्चराचरम्॥

iti saṁhāramatulaṁ dṛṣṭavānrājasattama| naṣṭacandrārkakiraṇamabhūdetaccarācaram||

हे राजसत्तम! इस प्रकार उस अनुपम संहार को देखकर, यह चराचर जगत चन्द्र-सूर्य की किरणों से रहित हो गया,

श्लोक 30 (skanda.5.170.30)

महोत्पातसमुद्भूतं नष्टनक्षत्रमण्डलम्। अलातचक्रवत्तूर्णमशेषं भ्रामयंस्ततः॥

mahotpātasamudbhūtaṁ naṣṭanakṣatramaṇḍalam| alātacakravattūrṇamaśeṣaṁ bhrāmayaṁstataḥ||

महान उत्पातों से युक्त, नक्षत्र-मण्डल नष्ट हो गया; फिर अलात-चक्र के समान समस्त जगत को शीघ्र घुमाते हुए,

श्लोक 31 (skanda.5.170.31)

विमानकोटिसंकीर्णः स किंनरमहोरगः। महावातः सनिर्घातो येनाकम्पच्चराचरम्॥

vimānakoṭisaṁkīrṇaḥ sa kiṁnaramahoragaḥ| mahāvātaḥ sanirghāto yenākampaccarācaram||

करोड़ों विमानों, किन्नरों और महानागों से भरा, एक महावायु गर्जना सहित उठा, जिससे चराचर काँप उठा,

श्लोक 32 (skanda.5.170.32)

रुद्रवक्त्रात्समुद्भूतः संवर्तो नाम विश्रुतः। वायुः संशोषयामास विततन् सप्तसागरान्॥

rudravaktrātsamudbhūtaḥ saṁvarto nāma viśrutaḥ| vāyuḥ saṁśoṣayāmāsa vitatan saptasāgarān||

रुद्र के मुख से उत्पन्न, संवर्त नाम से विख्यात वह वायु, सातों समुद्रों को फैलाकर सुखा गया।

श्लोक 33 (skanda.5.170.33)

उद्धूलिताङ्गः कपिलाक्षमूर्द्धजो जटाकलापैरवबद्धमूर्द्धजः। महारवो दीप्तविशालशूलधृक्स पातु युष्मांश्च दिने दिने हरः॥

uddhūlitāṅgaḥ kapilākṣamūrddhajo jaṭākalāpairavabaddhamūrddhajaḥ| mahāravo dīptaviśālaśūladhṛksa pātu yuṣmāṁśca dine dine haraḥ||

धूलि से आवृत अंगों वाले, कपिल नेत्रों और बालों वाले, जटाओं के समूहों से बंधे केश वाले, महाघोष, दीप्त विशाल त्रिशूल धारण करने वाले हर तुम्हारी दिन-प्रतिदिन रक्षा करें।

श्लोक 34 (skanda.5.170.34)

शूली धनुष्मान्कवची किरीटी श्मशानभस्मोक्षितसर्वगात्रः। कपालमालाकुलकण्ठनालो महाहिसूत्रैरवबद्धमौलिः॥

śūlī dhanuṣmānkavacī kirīṭī śmaśānabhasmokṣitasarvagātraḥ| kapālamālākulakaṇṭhanālo mahāhisūtrairavabaddhamauliḥ||

त्रिशूलधारी, धनुर्धारी, कवचधारी, मुकुटधारी, श्मशान-भस्म से लिप्त सर्वांग वाले; खोपड़ियों की माला से भरे कण्ठ वाले, महासर्प-सूत्रों से बंधे मुकुट वाले,

श्लोक 35 (skanda.5.170.35)

स गोनसौघैः परिवेष्टिताङ्गो विषाग्निचन्द्रामरसिन्धुमौलिः। पिनाकखण्टूवाङ्गकरालपाणिः स कृत्तिवासा डमरुप्रणादः॥

sa gonasaughaiḥ pariveṣṭitāṅgo viṣāgnicandrāmarasindhumauliḥ| pinākakhaṇṭūvāṅgakarālapāṇiḥ sa kṛttivāsā ḍamarupraṇādaḥ||

सर्प-समूहों से लिपटे अंगों वाले, विष-अग्नि-चन्द्र-देवगंगा से युक्त मुकुट वाले; पिनाक-गदा से भयंकर हाथ वाले, गजचर्म धारण करने वाले, डमरू बजाते हुए,

श्लोक 36 (skanda.5.170.36)

स सप्तलोकान्तरनिःसृतात्मा महभुजावेष्टितसर्वगात्रः। नेत्रेण सूर्योदयसन्निभेन प्रवालकाङ्कूरनिभोदरेण॥

sa saptalokāntaraniḥsṛtātmā mahabhujāveṣṭitasarvagātraḥ| netreṇa sūryodayasannibhena pravālakāṅkūranibhodareṇa||

जिनका आत्मा सातों लोकों में व्याप्त है, विशाल भुजाओं से आवृत सर्वांग वाले; सूर्योदय के समान एक नेत्र, मूँगे के अंकुर के समान उदर वाले,

श्लोक 37 (skanda.5.170.37)

सन्ध्याभ्ररक्तोत्पलपद्मरागसिन्दूरविद्युत्प्रकरारुणेन। ततेन लिङ्गेन च लोचनेन चिक्रीडमानः स युगान्तकाले॥

sandhyābhraraktotpalapadmarāgasindūravidyutprakarāruṇena| tatena liṅgena ca locanena cikrīḍamānaḥ sa yugāntakāle||

सन्ध्या-मेघ, लाल कमल, माणिक्य, सिन्दूर और बिजली-समूह के समान लाल दूसरे नेत्र वाले — उस विस्तृत लिंग और नेत्र से युगान्त-काल में क्रीड़ा करते हुए,

श्लोक 38 (skanda.5.170.38)

हिरण्मयेनैव समुत्सृजन् स दण्डेन यद्वद्भगवान् समेरुः। पादाग्रविक्षेपविशीर्णशैलः कुर्वञ्जगत्सोऽपि जगाम तत्र॥

hiraṇmayenaiva samutsṛjan sa daṇḍena yadvadbhagavān sameruḥ| pādāgravikṣepaviśīrṇaśailaḥ kurvañjagatso'pi jagāma tatra||

स्वर्णमय दण्ड से मानो स्वयं भगवान सुमेरु ही उत्सर्जन करते हुए; पैरों के अग्रभाग की गति से पर्वतों को चूर करते हुए जगत को क्षुब्ध करते हुए वे भी वहाँ गए।

श्लोक 39 (skanda.5.170.39)

संहर्तुकामस्त्रिदिवं त्वशेषं प्रमुञ्चमानो विकृताट्टहासम्। जहार सर्वं त्रिदिवं महात्मा संक्षोभयन्वै जगदीश एकः॥

saṁhartukāmastridivaṁ tvaśeṣaṁ pramuñcamāno vikṛtāṭṭahāsam| jahāra sarvaṁ tridivaṁ mahātmā saṁkṣobhayanvai jagadīśa ekaḥ||

सम्पूर्ण त्रिदिव का संहार करने की इच्छा से, विकृत अट्टहास छोड़ते हुए, वह महात्मा जगदीश अकेले ही सबको क्षुब्ध करते हुए सम्पूर्ण त्रिदिव को हर लिया।

श्लोक 40 (skanda.5.170.40)

तं देवमीशानमजं वरेण्यं दृष्ट्वा जगत्संहरणं महेशम्। सा कालरात्रिः सह मातृभिश्च गणाश्च सर्वे शिवमर्चयन्ति॥

taṁ devamīśānamajaṁ vareṇyaṁ dṛṣṭvā jagatsaṁharaṇaṁ maheśam| sā kālarātriḥ saha mātṛbhiśca gaṇāśca sarve śivamarcayanti||

जगत का संहार करते हुए उस अजन्मा, वरणीय, ईशान महेश देव को देखकर, वह कालरात्रि, मातृकाओं सहित, तथा सभी गण, शिव की अर्चना करते हैं।

श्लोक 41 (skanda.5.170.41)

नन्दी च भृङ्गी च गणादयश्च तं सर्वभूतं प्रणमन्ति देवम्। जागद्वरं सर्वजनस्य कारणं हरं स्मरारातिमहर्निशं ते॥

nandī ca bhṛṅgī ca gaṇādayaśca taṁ sarvabhūtaṁ praṇamanti devam| jāgadvaraṁ sarvajanasya kāraṇaṁ haraṁ smarārātimaharniśaṁ te||

नन्दी और भृंगी तथा गण आदि उन सर्वभूतस्वरूप देव को प्रणाम करते हैं; वे दिन-रात जगत में श्रेष्ठ, सर्वजन के कारण, कामारि हर को प्रणाम करते हैं।