द्वादश आदित्य रूप से जगत्-संहार का वर्णन

श्लोक 1 (skanda.5.172.1)

श्रीमार्कण्डेय उवाच। एवं संस्तूयमानस्तु ब्रह्माद्यैर्मुनिपुंगवैः। ब्रह्मलोकगतैस्तत्र संजहार जगत्प्रभुः॥

śrīmārkaṇḍeya uvāca| evaṁ saṁstūyamānastu brahmādyairmunipuṁgavaiḥ| brahmalokagataistatra saṁjahāra jagatprabhuḥ||

श्रीमार्कण्डेय बोले — इस प्रकार ब्रह्मलोकवासी ब्रह्मा आदि श्रेष्ठ मुनियों द्वारा स्तुत होकर, वहाँ जगत्प्रभु ने संहार किया।

श्लोक 2 (skanda.5.172.2)

स तद्भीमं महारौद्रं दक्षिणं वक्त्रमव्ययम्। महादंष्ट्रोत्कटारावं पातालतलसंनिभम्॥

sa tadbhīmaṁ mahāraudraṁ dakṣiṇaṁ vaktramavyayam| mahādaṁṣṭrotkaṭārāvaṁ pātālatalasaṁnibham||

उन्होंने वह भयंकर, महारौद्र, अव्यय दक्षिण मुख खोला, महादाढ़ों की उग्र गर्जना वाला, पाताल-तल के समान,

श्लोक 3 (skanda.5.172.3)

विद्युज्ज्वलनपिङ्गाक्षं भैरवं लोमहर्षणम्। महाजिह्वं महादंष्ट्रं महासर्पशिरोधरम्॥

vidyujjvalanapiṅgākṣaṁ bhairavaṁ lomaharṣaṇam| mahājihvaṁ mahādaṁṣṭraṁ mahāsarpaśirodharam||

बिजली के समान तेजस्वी पिंगल नेत्रों वाला, भयंकर, रोमांचकारी, विशाल जिह्वा, विशाल दाढ़ों, महासर्पों से युक्त गर्दन वाला,

श्लोक 4 (skanda.5.172.4)

महासुरशिरोमालं महाप्रलयकारणम्। ग्रसत्समुद्रनिहितवातवारिमयं हविः॥

mahāsuraśiromālaṁ mahāpralayakāraṇam| grasatsamudranihitavātavārimayaṁ haviḥ||

महाअसुरों के सिरों की माला वाला, महाप्रलय का कारण, समुद्र में स्थित वायु और जल को हविष्य के समान निगलता हुआ।

श्लोक 5 (skanda.5.172.5)

वडवामुखसङ्काशं महादेवस्य तन्मुखम्। जिह्वाग्रेण जगत्सर्वं लेलिहानमपश्यत॥

vaḍavāmukhasaṅkāśaṁ mahādevasya tanmukham| jihvāgreṇa jagatsarvaṁ lelihānamapaśyata||

पितामह ने महादेव के उस वडवामुख-सम मुख को देखा, जो जिह्वा के अग्रभाग से सम्पूर्ण जगत को चाट रहा था।

श्लोक 6 (skanda.5.172.6)

योजनानां सहस्राणि सहस्राणां शतानि च। दिशो दश महाघोरा मांसमेदोवसोत्कटाः॥

yojanānāṁ sahasrāṇi sahasrāṇāṁ śatāni ca| diśo daśa mahāghorā māṁsamedovasotkaṭāḥ||

हज़ारों योजन, लाखों योजन तक फैली दसों दिशाएँ, अत्यन्त भयंकर, मांस-मेद-वसा से भरी हुईं,

श्लोक 7 (skanda.5.172.7)

तस्य दंष्ट्रा व्यवर्धत शतशोऽथ सहस्रशः। सासुरान्सुरगन्धर्वान् सयक्षोरगराक्षसान्॥

tasya daṁṣṭrā vyavardhata śataśo'tha sahasraśaḥ| sāsurānsuragandharvān sayakṣoragarākṣasān||

उनकी दाढ़ें सैकड़ों-हज़ारों की संख्या में बढ़ने लगीं, असुरों, देवों, गन्धर्वों, यक्ष-नाग-राक्षसों को ग्रसते हुए।

श्लोक 8 (skanda.5.172.8)

तस्य दंष्ट्राग्रसंलग्नान्स ददर्श पितामहः। दन्तयन्त्रान्तसंविष्टं विचूर्णितशिरोधरम्॥

tasya daṁṣṭrāgrasaṁlagnānsa dadarśa pitāmahaḥ| dantayantrāntasaṁviṣṭaṁ vicūrṇitaśirodharam||

पितामह ने उन्हें उनकी दाढ़ों के अग्रभाग से चिपके हुए, दाँतों के यंत्र में फँसे, गर्दन चूर्ण होते हुए देखा।

श्लोक 9 (skanda.5.172.9)

जगत्पश्यामि राजेन्द्र विशन्तं व्यादिते मुखे। नानातरङ्गभङ्गाङ्गा महाफेनौघसंकुलाः। यथा नद्यो लयं यान्ति समुद्रं प्राप्य सस्वनाः॥

jagatpaśyāmi rājendra viśantaṁ vyādite mukhe| nānātaraṅgabhaṅgāṅgā mahāphenaughasaṁkulāḥ| yathā nadyo layaṁ yānti samudraṁ prāpya sasvanāḥ||

हे राजेन्द्र! मैं जगत को उस खुले मुख में प्रवेश करते देखता हूँ — जैसे नाना तरंगों से टूटे अंगों वाली, महाफेन-समूहों से भरी नदियाँ समुद्र को पाकर ध्वनि करती हुई लय को प्राप्त होती हैं,

श्लोक 10 (skanda.5.172.10)

तथा ततं विश्वमिदं समस्तमनेकजीवार्णवदुर्विगाह्यम्। विवेश रुद्रस्य मुखं विशालं ज्वलत्तदुग्रं घननादघोरम्॥

tathā tataṁ viśvamidaṁ samastamanekajīvārṇavadurvigāhyam| viveśa rudrasya mukhaṁ viśālaṁ jvalattadugraṁ ghananādaghoram||

वैसे ही यह फैला हुआ सम्पूर्ण विश्व, अनेक जीवों का दुर्विगाह्य सागर, रुद्र के उस विशाल, जलते, उग्र, घोर गर्जना वाले मुख में प्रविष्ट हुआ।

श्लोक 11 (skanda.5.172.11)

ज्वालास्ततस्तस्य मुखात्सुघोराः सविस्फुलिङ्गा बहुलाः सधूमाः। अनेकरूपा ज्वलनप्रकाशाः प्रदीपयन्तीव दिशोऽखिलाश्च॥

jvālāstatastasya mukhātsughorāḥ savisphuliṅgā bahulāḥ sadhūmāḥ| anekarūpā jvalanaprakāśāḥ pradīpayantīva diśo'khilāśca||

फिर उसके मुख से अत्यन्त भयंकर, चिंगारियों सहित, प्रचुर, धुएँ सहित, नाना रूपों वाली, अग्नि-प्रकाश वाली ज्वालाएँ निकलीं, मानो सम्पूर्ण दिशाओं को प्रज्वलित करती हुईं।

श्लोक 12 (skanda.5.172.12)

ततो रविज्वालसहस्रमालि बभूव वक्त्रं चलजिह्वदंष्ट्रम्। महेश्वरस्याद्भुतरूपिणस्तदा स द्वादशात्मा प्रबभूव एकः॥

tato ravijvālasahasramāli babhūva vaktraṁ calajihvadaṁṣṭram| maheśvarasyādbhutarūpiṇastadā sa dvādaśātmā prababhūva ekaḥ||

फिर वह चलती जिह्वा-दाढ़ों वाला मुख सहस्र सूर्य-ज्वालाओं से मालाबद्ध हो गया; तब उस अद्भुतरूपी महेश्वर का वह एक स्वरूप बारह आत्माओं में प्रकट हुआ।

श्लोक 13 (skanda.5.172.13)

ततस्ते द्वादशादित्या रुद्रवक्त्राद्विनिर्गताः। आश्रित्य दक्षिणामाशां निर्दहन्तो वसुंधराम्॥

tataste dvādaśādityā rudravaktrādvinirgatāḥ| āśritya dakṣiṇāmāśāṁ nirdahanto vasuṁdharām||

फिर वे बारह आदित्य रुद्र के मुख से निकले, और दक्षिण दिशा का आश्रय लेकर पृथ्वी को जलाने लगे।

श्लोक 14 (skanda.5.172.14)

भौमं यज्जीवनं किंचिन्नानावृक्षतृणालयम्। शुष्कं पूर्वमनावृष्ट्या सकलाकुलभूतलम्॥

bhaumaṁ yajjīvanaṁ kiṁcinnānāvṛkṣatṛṇālayam| śuṣkaṁ pūrvamanāvṛṣṭyā sakalākulabhūtalam||

जो भी पार्थिव जीवन था, नाना वृक्षों-तृणों के आवासों में, जो पहले ही अनावृष्टि से सूख चुका था, सम्पूर्ण भूतल व्याकुल था —

श्लोक 15 (skanda.5.172.15)

तद्दीप्यमानं सहसा सूर्यैस्तै रुद्रसम्भवैः। धूमाकुलमभूत्सर्वं प्रणष्टग्रहतारकम्॥

taddīpyamānaṁ sahasā sūryaistai rudrasambhavaiḥ| dhūmākulamabhūtsarvaṁ praṇaṣṭagrahatārakam||

वह रुद्र से उत्पन्न उन सूर्यों से सहसा प्रज्वलित हो उठा; सब कुछ धुएँ से भर गया, ग्रह-तारे नष्ट हो गए।

श्लोक 16 (skanda.5.172.16)

जज्वाल सहसा दीप्तं भूमण्डलमशेषतः। ज्वालामालाकुलं सर्वमभूदेतच्चराचरम्॥

jajvāla sahasā dīptaṁ bhūmaṇḍalamaśeṣataḥ| jvālāmālākulaṁ sarvamabhūdetaccarācaram||

सम्पूर्ण भूमण्डल सहसा प्रज्वलित होकर पूर्णतः जल उठा; यह सम्पूर्ण चराचर ज्वालाओं की मालाओं से भर गया।

श्लोक 17 (skanda.5.172.17)

सप्तद्वीपसमुद्रेषु सरित्सु च सरस्सु च अग्निरत्ति जगत्सर्वमाज्याहुतिमिवाध्वरे॥

saptadvīpasamudreṣu saritsu ca sarassu ca agniratti jagatsarvamājyāhutimivādhvare||

सप्तद्वीप-समुद्रों में, नदियों और सरोवरों में, अग्नि ने सम्पूर्ण जगत को यज्ञ में घृत-आहुति के समान खा लिया।

श्लोक 18 (skanda.5.172.18)

विशालतेजसा दीप्ता महाज्वालासमाकुलाः। ददहुर्वै जगत्सर्वमादित्या रुद्रसम्भवाः॥

viśālatejasā dīptā mahājvālāsamākulāḥ| dadahurvai jagatsarvamādityā rudrasambhavāḥ||

विशाल तेज से प्रदीप्त, महाज्वालाओं से भरे रुद्र से उत्पन्न आदित्यों ने सम्पूर्ण जगत को जला डाला।

श्लोक 19 (skanda.5.172.19)

आदित्यानां रश्मयश्च संस्पृष्टा वै परस्परम्। एवं ददाह भगवांस्त्रैलोक्यं सचराचरम्॥

ādityānāṁ raśmayaśca saṁspṛṣṭā vai parasparam| evaṁ dadāha bhagavāṁstrailokyaṁ sacarācaram||

आदित्यों की किरणें परस्पर स्पर्श करने लगीं; इस प्रकार भगवान ने चराचर सहित त्रिलोक को जला डाला।

श्लोक 20 (skanda.5.172.20)

सप्तद्वीपप्रमाणस्तु सोऽग्निर्भूत्वा महेश्वरः। सप्तद्वीपसमुद्रान्तां निर्ददाह वसुंधराम्॥

saptadvīpapramāṇastu so'gnirbhūtvā maheśvaraḥ| saptadvīpasamudrāntāṁ nirdadāha vasuṁdharām||

सप्तद्वीप-प्रमाण वाली अग्नि बनकर महेश्वर ने सप्तद्वीप-समुद्रान्त पृथ्वी को जला डाला।

श्लोक 21 (skanda.5.172.21)

सुमेरुमन्दरान्तां च निर्दहुर्वसुधां तदा। भित्त्वा तु सप्तपातालं नागलोकं ततोऽदहत्॥

sumerumandarāntāṁ ca nirdahurvasudhāṁ tadā| bhittvā tu saptapātālaṁ nāgalokaṁ tato'dahat||

सुमेरु-मन्दर तक की पृथ्वी को भी तब जला डाला; सातों पातालों को भेदकर फिर नागलोक को भी जला डाला।

श्लोक 22 (skanda.5.172.22)

भूम्यधः सप्तपातालान्निर्दहंस्तारकैः सह। चचाराग्निः समन्तात्तु निर्दहन्वै युधिष्ठिर॥

bhūmyadhaḥ saptapātālānnirdahaṁstārakaiḥ saha| cacārāgniḥ samantāttu nirdahanvai yudhiṣṭhira||

हे युधिष्ठिर! पृथ्वी के नीचे सातों पातालों को तारों सहित जलाती हुई अग्नि चारों ओर घूमने लगी, सब कुछ जलाती हुई।

श्लोक 23 (skanda.5.172.23)

धम्यमान इवाङ्गारैर्लोहरात्रिरिव ज्वलन्। तथा तत्प्राज्वलत्सर्वं संवर्ताग्निप्रदीपितम्॥

dhamyamāna ivāṅgārairloharātririva jvalan| tathā tatprājvalatsarvaṁ saṁvartāgnipradīpitam||

अंगारों से फूँकी जाती हुई सी, लौह-रात्रि के समान जलती हुई, इस प्रकार वह संवर्ताग्नि से प्रदीप्त सब कुछ जलता रहा।

श्लोक 24 (skanda.5.172.24)

निर्वृक्षा निस्तृणा भूमिर्निर्निर्झरसरः सरित्। विशीर्णशैलशृङ्गौघा कूर्मपृष्ठोपमाभवत्॥

nirvṛkṣā nistṛṇā bhūmirnirnirjharasaraḥ sarit| viśīrṇaśailaśṛṅgaughā kūrmapṛṣṭhopamābhavat||

वृक्ष-रहित, तृण-रहित पृथ्वी, झरने-सरोवर-नदी से रहित, बिखरे पर्वत-शिखर-समूहों वाली, कछुए की पीठ के समान हो गई।

श्लोक 25 (skanda.5.172.25)

ज्वालामालाकुलं कृत्वा जगत्सर्वं चिदामकम्। महारूपधरो रुद्रो व्यतिष्ठत महेश्वरः॥

jvālāmālākulaṁ kṛtvā jagatsarvaṁ cidāmakam| mahārūpadharo rudro vyatiṣṭhata maheśvaraḥ||

सम्पूर्ण जगत को ज्वाला-मालाओं से भरा, राख से आवृत करके, महाकाय रूप धारण किए रुद्र महेश्वर खड़े रहे।

श्लोक 26 (skanda.5.172.26)

समातृगणभूयिष्ठा सयक्षोरगराक्षसा। ततो देवी महादेवं विवेश हरिलोचना॥

samātṛgaṇabhūyiṣṭhā sayakṣoragarākṣasā| tato devī mahādevaṁ viveśa harilocanā||

तब मातृगणों, यक्ष-नाग-राक्षसों से घिरी वह पिंगल-नेत्रों वाली देवी महादेव में प्रविष्ट हो गई।

श्लोक 27 (skanda.5.172.27)

निर्वाणं परमापन्ना शान्तेव शिखिनः शिखा। जगत्सर्वं हि निर्दग्धं त्रिभिर्लोकैः सहानघ॥

nirvāṇaṁ paramāpannā śānteva śikhinaḥ śikhā| jagatsarvaṁ hi nirdagdhaṁ tribhirlokaiḥ sahānagha||

अग्नि की शान्त हुई शिखा के समान वह परम निर्वाण को प्राप्त हुई। हे अनघ! त्रिलोक सहित सम्पूर्ण जगत जल चुका था।

श्लोक 28 (skanda.5.172.28)

रुद्रप्रसादान्मुक्त्वा मां नर्मदां चाप्ययोनिजाम्। युगानामयुतं देवो मया चाद्य बुभक्षणात्॥

rudraprasādānmuktvā māṁ narmadāṁ cāpyayonijām| yugānāmayutaṁ devo mayā cādya bubhakṣaṇāt||

रुद्र की कृपा से मैं और अयोनिजा नर्मदा — हम दोनों ही बचे रहे; दस हज़ार युगों तक उस देव ने आज तक मुझे भूख से भी बचाया।

श्लोक 29 (skanda.5.172.29)

पुरा ह्याराधितः शूली तेनाहमजरामरः। अघमर्षणघोरं च वामदेवं च त्र्यम्बकम्॥

purā hyārādhitaḥ śūlī tenāhamajarāmaraḥ| aghamarṣaṇaghoraṁ ca vāmadevaṁ ca tryambakam||

पूर्वकाल में मैंने ही त्रिशूलधारी की आराधना की थी, उसी से मैं अजर-अमर हुआ — घोर अघमर्षण, वामदेव और त्र्यम्बक मंत्रों के जप से,

श्लोक 30 (skanda.5.172.30)

ऋषभं त्रिसुपर्णं च दुर्गां सावित्रमेव च। बृहदारण्यकं चैव बृहत्साम तथोत्तरम्॥

ṛṣabhaṁ trisuparṇaṁ ca durgāṁ sāvitrameva ca| bṛhadāraṇyakaṁ caiva bṛhatsāma tathottaram||

ऋषभ, त्रिसुपर्ण, दुर्गा-स्तोत्र, सावित्री, बृहदारण्यक, तथा बृहत्साम और उत्तर-स्तोत्र के जप से,

श्लोक 31 (skanda.5.172.31)

रौद्रीं परमगायत्रीं शिवोपनिषदं तथा। यथा प्रतिरथं सूक्तं जप्त्वा मृत्युंजयं तथा॥

raudrīṁ paramagāyatrīṁ śivopaniṣadaṁ tathā| yathā pratirathaṁ sūktaṁ japtvā mṛtyuṁjayaṁ tathā||

रौद्री, परम गायत्री, तथा शिवोपनिषद के जप से; इसी प्रकार प्रतिरथ सूक्त तथा मृत्युंजय मंत्र का जप करके —

श्लोक 32 (skanda.5.172.32)

सरित्सागरपर्यन्ता वसुधा भस्मसात्कृता। वर्जयित्वा महाभागां नर्मदाममृतोपमाम्॥

saritsāgaraparyantā vasudhā bhasmasātkṛtā| varjayitvā mahābhāgāṁ narmadāmamṛtopamām||

—नदी-समुद्र-पर्यन्त सम्पूर्ण पृथ्वी भस्म हो गई, किन्तु महाभागा, अमृत के समान नर्मदा को छोड़कर।

श्लोक 33 (skanda.5.172.33)

महेन्द्रो मलयः सह्यो हेमकूटोऽथ माल्यवान्। विन्ध्यश्च पारियात्रश्च सप्तैते कुलपर्वताः॥

mahendro malayaḥ sahyo hemakūṭo'tha mālyavān| vindhyaśca pāriyātraśca saptaite kulaparvatāḥ||

महेन्द्र, मलय, सह्य, हेमकूट, माल्यवान, विन्ध्य, और पारियात्र — ये सात कुलपर्वत हैं,

श्लोक 34 (skanda.5.172.34)

द्वादशादित्यनिर्दग्धाः शैलाः शीर्णशिलाः पृथक्। भस्मीभूतास्तु दृश्यन्ते न नष्टा नर्मदा तदा॥

dvādaśādityanirdagdhāḥ śailāḥ śīrṇaśilāḥ pṛthak| bhasmībhūtāstu dṛśyante na naṣṭā narmadā tadā||

द्वादश आदित्यों से जलाए गए वे पर्वत, शिलाएँ बिखरी हुई, पृथक्-पृथक् भस्म हुए दिखाई देते हैं; किन्तु उस समय नर्मदा नष्ट नहीं हुई।

श्लोक 35 (skanda.5.172.35)

हिमवान्हेमकूटश्च निषधो गन्धमादनः। माल्यवांश्च गिरिश्रेष्ठो नीलः श्वेतोऽथ शृङ्गवान्॥

himavānhemakūṭaśca niṣadho gandhamādanaḥ| mālyavāṁśca giriśreṣṭho nīlaḥ śveto'tha śṛṅgavān||

हिमालय, हेमकूट, निषध, गन्धमादन, तथा पर्वतों में श्रेष्ठ माल्यवान, नील, श्वेत, और शृंगवान —

श्लोक 36 (skanda.5.172.36)

एते पर्वतरा जानो देवगन्धर्वसेविताः। युगान्ताग्निविनिर्दग्धाः सर्वे शीर्णमहाशिलाः॥

ete parvatarā jāno devagandharvasevitāḥ| yugāntāgnivinirdagdhāḥ sarve śīrṇamahāśilāḥ||

पर्वतों में ये राजा, देव-गन्धर्वों से सेवित, युगान्त की अग्नि से जलकर सब अपनी महाशिलाओं सहित बिखर गए।

श्लोक 37 (skanda.5.172.37)

एवं मया पुरा दृष्टो युगान्ते सर्वसंक्षयः। वर्जयित्वा महापुण्यां नर्मदां नृपसत्तम॥

evaṁ mayā purā dṛṣṭo yugānte sarvasaṁkṣayaḥ| varjayitvā mahāpuṇyāṁ narmadāṁ nṛpasattama||

हे नृपसत्तम! इस प्रकार मैंने पूर्वकाल में युगान्त के इस सम्पूर्ण संहार को देखा — महापुण्य नर्मदा को छोड़कर।