नर्मदेश्वर तीर्थ की महिमा (दारुवन प्रसंग)

श्लोक 1 (skanda.5.193.1)

श्रीमार्कण्डेय उवाच। ततो गच्छेत राजेन्द्र गुहावासीति चोत्तमम्। यत्र सिद्धो महादेवो गुहावासी समार्बुदम्

śrīmārkaṇḍeya uvāca| tato gaccheta rājendra guhāvāsīti cottamam| yatra siddho mahādevo guhāvāsī samārbudam

श्री मार्कण्डेय ने कहा — हे राजेन्द्र! फिर उत्तम गुहावासी तीर्थ को जाना चाहिए, जहाँ अर्बुद पर्वत के समीप महादेव गुहावासी रूप में सिद्ध हुए।

श्लोक 2 (skanda.5.193.2)

युधिष्ठिर उवाच। केन कार्येण भो तात महादेवो जगद्गुरुः। गुहायामनयत्कालं सुदीर्घं द्विजसत्तम

yudhiṣṭhira uvāca| kena kāryeṇa bho tāta mahādevo jagadguruḥ| guhāyāmanayat kālaṁ sudīrghaṁ dvijasattama

युधिष्ठिर ने कहा — हे तात! किस प्रयोजन से जगद्गुरु महादेव ने गुफा में इतना दीर्घ काल व्यतीत किया, हे द्विजसत्तम?

श्लोक 3 (skanda.5.193.3)

एतद्विस्तरतः सर्वं कथयस्व ममानघ। श्रोतुमिच्छाम्यहं सर्वपरं कौतूहलं हि मे

etadvistarataḥ sarvaṁ kathayasva mamānagha| śrotumicchāmyahaṁ sarvaparaṁ kautūhalaṁ hi me

हे निष्पाप! यह सब मुझे विस्तार से कहिए; मैं सुनना चाहता हूँ, क्योंकि मुझे सर्वाधिक कौतूहल है।

श्लोक 4 (skanda.5.193.4)

मार्कण्डेय उवाच। साधु प्रश्नो महाराज पृष्टो यो वै त्वयोत्तमः। पुराणे विस्तरो ह्यस्य न शक्यो हि मयाधुना

mārkaṇḍeya uvāca| sādhu praśno mahārāja pṛṣṭo yo vai tvayottamaḥ| purāṇe vistaro hyasya na śakyo hi mayādhunā

मार्कण्डेय ने कहा — हे महाराज! आपके द्वारा पूछा गया प्रश्न उत्तम एवं साधु है; पुराण में इसका विस्तार अब मेरे लिए वर्णन करना सम्भव नहीं है।

श्लोक 5 (skanda.5.193.5)

कथितुं वृद्धभावत्वादतीतो बहुकालिकः। संक्षेपात्तेन ते तात कथयामि निबोध मे

kathituṁ vṛddhabhāvatvādatīto bahukālikaḥ| saṁkṣepāttena te tāta kathayāmi nibodha me

क्योंकि यह अत्यन्त प्राचीन काल की और दीर्घ कथा है, इसलिए मैं संक्षेप में ही तुम्हें कहता हूँ; हे तात! ध्यान से सुनो।

श्लोक 6 (skanda.5.193.6)

पुरा कृतयुगे राजन्नासीद्दारुवनं महत्। नानाद्रुमलताकीर्णं नानावल्ल्युपशोभितम्

purā kṛtayuge rājannāsīddāruvanaṁ mahat| nānādrumalatākīrṇaṁ nānāvallyupaśobhitam

हे राजन्! पूर्वकाल में सत्ययुग में एक विशाल दारुवन था, जो नाना प्रकार के वृक्षों-लताओं से भरा हुआ तथा विविध बेलों से सुशोभित था।

श्लोक 7 (skanda.5.193.7)

सिंहव्याघ्रवराहैश्च गजैः खड्गैर्निषेवितम्। बहुपक्षियुतं दिव्यं यथा चैत्ररथं वनम्

siṁhavyāghravarāhaiśca gajaiḥ khaḍgairniṣevitam| bahupakṣiyutaṁ divyaṁ yathā caitrarathaṁ vanam

सिंह, व्याघ्र, वराह, हाथियों तथा गैंडों से सेवित, अनेक पक्षियों से युक्त वह दिव्य वन चैत्ररथ वन के समान था।

श्लोक 8 (skanda.5.193.8)

तत्र केचिन्महाप्राज्ञा वसन्ति संशितव्रताः। वसन्ति परया भक्त्या चतुराश्रमभाविताः

tatra kecinmahāprājñā vasanti saṁśitavratāḥ| vasanti parayā bhaktyā caturāśramabhāvitāḥ

वहाँ कुछ महाप्राज्ञ, कठोर व्रतधारी, चारों आश्रमों में स्थित लोग परम भक्ति से निवास करते थे।

श्लोक 9 (skanda.5.193.9)

ब्रह्मचारी गृहस्थश्च वानप्रस्थो यतिस्तथा। स्वधर्मनिरताः सर्वे वाञ्छन्तः परमं पदम्

brahmacārī gṛhasthaśca vānaprastho yatistathā| svadharmaniratāḥ sarve vāñchantaḥ paramaṁ padam

ब्रह्मचारी, गृहस्थ, वानप्रस्थ तथा संन्यासी — ये सभी अपने-अपने धर्म में निरत होकर परम पद की कामना करते थे।

श्लोक 10 (skanda.5.193.10)

तावद्वसन्तसमये कस्मिंश्चित्कारणान्तरे। विमानस्थो महादेवो गच्छन्वै ह्युमया सह

tāvadvasantasamaye kasmiṁścitkāraṇāntare| vimānastho mahādevo gacchanvai hyumayā saha

उसी बीच, वसन्त ऋतु में किसी कारणवश, विमान पर आरूढ़ महादेव उमा के साथ जाते हुए,

श्लोक 11 (skanda.5.193.11)

ददर्श तत्राश्रममृक्सामयजुर्नादितम्। अलक्ष्यागतनिर्गम्यं सर्वपापक्षयंकरम्

dadarśa tatrāśramamṛksāmayajurnāditam| alakṣyāgatanirgamyaṁ sarvapāpakṣayaṁkaram

उन्होंने वहाँ ऋक्, साम और यजुर्वेद की ध्वनि से गुंजायमान, अगोचर रूप से आने-जाने वाले, समस्त पापों का नाश करने वाले उस निवास-स्थान को देखा।

श्लोक 12 (skanda.5.193.12)

तं दृष्ट्वा मुदिता देवी हर्षगद्गदया गिरा। पप्रच्छ देवदेवेशं शशाङ्ककृतभूषणम्

taṁ dṛṣṭvā muditā devī harṣagadgadayā girā| papraccha devadeveśaṁ śaśāṅkakṛtabhūṣaṇam

उसे देखकर प्रसन्न होकर देवी ने हर्ष से गद्गद वाणी में मस्तक पर चन्द्रमा धारण करने वाले देवदेवेश से पूछा।

श्लोक 13 (skanda.5.193.13)

देव्युवाच। कस्यायमाश्रमो देव वेदध्वनिनिनादितः। यं दृष्ट्वा क्षुत्पिपासाद्यैः श्रमैश्च परिहीयते

devyuvāca| kasyāyamāśramo deva vedadhvaninināditaḥ| yaṁ dṛṣṭvā kṣutpipāsādyaiḥ śramaiśca parihīyate

देवी ने कहा — हे देव! यह किसका आश्रम है, जो वेद-ध्वनि से गुंजित है, जिसे देखकर भूख-प्यास आदि तथा श्रम भी दूर हो जाते हैं?

श्लोक 14 (skanda.5.193.14)

महेश्वर उवाच। किं त्वया न श्रुतं देवि महादारुवनं महत्। बहुविप्रजनो यत्र गृहधर्मेण वर्तते

maheśvara uvāca| kiṁ tvayā na śrutaṁ devi mahādāruvanaṁ mahat| bahuviprajano yatra gṛhadharmeṇa vartate

महेश्वर ने कहा — हे देवी! क्या तुमने महान दारुवन के विषय में नहीं सुना, जहाँ अनेक ब्राह्मणजन गृहस्थ धर्म का पालन करते हैं?

श्लोक 15 (skanda.5.193.15)

अत्र यः स्त्रीजनः कश्चिद्भर्तृशुश्रूषणे रतः। नान्यो देवो न वै धर्मो ज्ञायते शैलनन्दिनि

atra yaḥ strījanaḥ kaścidbhartṛśuśrūṣaṇe rataḥ| nānyo devo na vai dharmo jñāyate śailanandini

हे शैलनन्दिनी! यहाँ की स्त्रियाँ पतिसेवा में इतनी रत हैं कि वे किसी अन्य देव या धर्म को नहीं जानतीं।

श्लोक 16 (skanda.5.193.16)

एतच्छ्रुत्वा परं वाक्यं देवदेवेन भाषितम्। कौतूहलसमाविष्टा शङ्करं पुनरब्रवीत्

etacchrutvā paraṁ vākyaṁ devadevena bhāṣitam| kautūhalasamāviṣṭā śaṅkaraṁ punarabravīt

देवदेव के इस उत्तम वचन को सुनकर, कौतूहल से भरकर देवी ने शंकर से पुनः कहा।

श्लोक 17 (skanda.5.193.17)

यत्त्वयोक्तं महादेव पतिधर्मरताः स्त्रियः। तासां त्वं मदनो भूत्वा चारित्रं क्षोभय प्रभो

yattvayoktaṁ mahādeva patidharmaratāḥ striyaḥ| tāsāṁ tvaṁ madano bhūtvā cāritraṁ kṣobhaya prabho

हे महादेव! तुमने जो कहा कि वे स्त्रियाँ पतिधर्म में रत हैं — हे प्रभो! तुम काम का रूप धारण कर उनके चरित्र को विचलित करके दिखाओ।

श्लोक 18 (skanda.5.193.18)

ईश्वर उवाच। यत्त्वयोक्तं च वचनं न हि मे रोचते प्रिये। ब्राह्मणा हि महद्भूतं न चैषां विप्रियं चरेत्

īśvara uvāca| yattvayoktaṁ ca vacanaṁ na hi me rocate priye| brāhmaṇā hi mahadbhūtaṁ na caiṣāṁ vipriyaṁ caret

ईश्वर ने कहा — हे प्रिये! तुमने जो कहा, वह वचन मुझे प्रिय नहीं लगता; ब्राह्मण महान भूत हैं, इसलिए उनके प्रति अप्रिय आचरण नहीं करना चाहिए।

श्लोक 19 (skanda.5.193.19)

मन्युप्रहरणा विप्राश्चक्रप्रहरणो हरिः। चक्रात्क्रूरतरो मन्युस्तस्माद्विप्रं न कोपयेत्

manyupraharaṇā viprāścakrapraharaṇo hariḥ| cakrātkrūrataro manyustasmādvipraṁ na kopayet

ब्राह्मणों का शस्त्र क्रोध है, विष्णु का शस्त्र चक्र है; परन्तु क्रोध चक्र से भी अधिक क्रूर है, इसलिए ब्राह्मण को कुपित नहीं करना चाहिए।

श्लोक 20 (skanda.5.193.20)

न ते देवा न ते लोका न ते नगा न चासुराः। दृश्यन्ते त्रिषु लोकेषु ये तैर्दृष्टैर्न नाशिताः

na te devā na te lokā na te nagā na cāsurāḥ| dṛśyante triṣu lokeṣu ye tairdṛṣṭairna nāśitāḥ

तीनों लोकों में ऐसे कोई देवता, लोक, पर्वत या असुर दिखाई नहीं देते, जो उनके क्रुद्ध ब्राह्मणों की दृष्टि से नष्ट न हुए हों।

श्लोक 21 (skanda.5.193.21)

तेषां मोक्षस्तथा स्वर्गो भूमिर्मर्त्ये फलानि च। येषां तुष्टा महाभागा ब्राह्मणाः क्षितिदेवताः

teṣāṁ mokṣastathā svargo bhūmirmartye phalāni ca| yeṣāṁ tuṣṭā mahābhāgā brāhmaṇāḥ kṣitidevatāḥ

जिनसे महाभाग्यशाली ब्राह्मण, जो पृथ्वी के देवता हैं, संतुष्ट हैं, उन्हीं को मोक्ष, स्वर्ग, तथा मृत्युलोक में सभी फल प्राप्त होते हैं।

श्लोक 22 (skanda.5.193.22)

एवं ज्ञात्वा महाभागे असद्ग्राहं परित्यज। तत्र लोके विरुद्धं वै कुप्यन्ते येन वै द्विजाः

evaṁ jñātvā mahābhāge asadgrāhaṁ parityaja| tatra loke viruddhaṁ vai kupyante yena vai dvijāḥ

हे महाभागे! यह जानकर दुराग्रह त्याग दो; उस लोक में विरुद्ध आचरण मत करो, जिससे ब्राह्मण कुपित हों।

श्लोक 23 (skanda.5.193.23)

देव्युवाच। नाहं ते दयिता देव नाहं ते वशवर्तिनी। अकृत्वाधश्च वै तासां मानं सुरसुपूजितम्

devyuvāca| nāhaṁ te dayitā deva nāhaṁ te vaśavartinī| akṛtvādhaśca vai tāsāṁ mānaṁ surasupūjitam

देवी ने कहा — हे देव! जब तक उन स्त्रियों के, सुरों द्वारा भी सम्मानित गर्व को नीचा नहीं करते, तब तक मैं तुम्हारी न प्रिया रहूँगी, न ही तुम्हारी अनुगामिनी।

श्लोक 24 (skanda.5.193.24)

लोकलोके महादेव अशक्यं नास्ति ते प्रभो। क्रियतां मम चैवैकमेतत्कार्यं सुरोत्तम

lokaloke mahādeva aśakyaṁ nāsti te prabho| kriyatāṁ mama caivaikametatkāryaṁ surottama

हे महादेव! हे प्रभो! इस समस्त लोक में तुम्हारे लिए कुछ भी असम्भव नहीं है; हे सुरोत्तम! मेरा यह एक कार्य कर दो।

श्लोक 25 (skanda.5.193.25)

एवमुक्तो महादेवो देव्या वाक्यहिते रतः। कृत्वा कापालिकं रूपं ययौ दारुवनं प्रति

evamukto mahādevo devyā vākyahite rataḥ| kṛtvā kāpālikaṁ rūpaṁ yayau dāruvanaṁ prati

इस प्रकार कहे जाने पर महादेव, देवी के वचन के हित में तत्पर होकर, कापालिक रूप धारण कर दारुवन की ओर चल पड़े।

श्लोक 26 (skanda.5.193.26)

महाहितजटाजूटं नियम्य शशिभूषणम्। कण्ठत्राणं परं कृत्वा धारयन् कर्णकुण्डले

mahāhitajaṭājūṭaṁ niyamya śaśibhūṣaṇam| kaṇṭhatrāṇaṁ paraṁ kṛtvā dhārayan karṇakuṇḍale

विशाल जटाजूट को बाँधकर, चन्द्रमा को आभूषण बनाकर, गले में उत्तम रक्षा-कवच धारण कर, कानों में कुण्डल पहनकर,

श्लोक 27 (skanda.5.193.27)

व्याघ्रचर्मपरीधानो मेखलाहारभूषितः। नूपुरध्वनिनिघोषैः कम्पयन् वै वसुंधराम्

vyāghracarmaparīdhāno mekhalāhārabhūṣitaḥ| nūpuradhvaninighoṣaiḥ kampayan vai vasuṁdharām

बाघम्बर धारण कर, करधनी और हार से सुशोभित होकर, नूपुरों की ध्वनि से पृथ्वी को कँपाते हुए,

श्लोक 28 (skanda.5.193.28)

महानूर्द्ध्वजटामाली कृत्तिभस्मानुलेपनः। कृत्वा हस्ते कपालं तु ब्रह्मणश्च महात्मनः

mahānūrdhvajaṭāmālī kṛttibhasmānulepanaḥ| kṛtvā haste kapālaṁ tu brahmaṇaśca mahātmanaḥ

ऊँची जटाओं की माला धारण किए, चर्म और भस्म का लेप किए हुए, हाथ में महात्मा ब्रह्मा की खोपड़ी लिए हुए,

श्लोक 29 (skanda.5.193.29)

महाडमरुघोषेण कम्पयन् वै वसुंधराम्। प्रभातसमये प्राप्तो महादारुवनं प्रति

mahāḍamaraghoṣeṇa kampayan vai vasuṁdharām| prabhātasamaye prāpto mahādāruvanaṁ prati

विशाल डमरू की ध्वनि से पृथ्वी को कँपाते हुए, प्रभातकाल में महान दारुवन में पहुँचे।

श्लोक 30 (skanda.5.193.30)

तावत्पुण्यजनः सर्वपुष्पपत्रफलार्थिकः। निर्गतो बहुभिः सार्द्धं पवमानः समन्ततः

tāvatpuṇyajanaḥ sarvapuṣpapatraphalārthikaḥ| nirgato bahubhiḥ sārddhaṁ pavamānaḥ samantataḥ

उसी समय पवित्र जन फूल-पत्ते-फल की खोज में अनेक लोगों के साथ चारों ओर निकल पड़े थे।

श्लोक 31 (skanda.5.193.31)

तद्दृष्ट्वा महदाश्चर्यं रूपं देवस्य भारत। युवतीनां मनस्तासां कामेन कलुषीकृतम्

taddṛṣṭvā mahadāścaryaṁ rūpaṁ devasya bhārata| yuvatīnāṁ manastāsāṁ kāmena kaluṣīkṛtam

हे भारत! देव के उस अद्भुत रूप को देखकर उन युवतियों का मन काम से विचलित हो गया।

श्लोक 32 (skanda.5.193.32)

शोभनं पुरुषं दृष्ट्वा सर्वा अपि वराङ्गनाः। क्लेदभावं ततो जग्मुर्मुदा दारुवनस्त्रियः

śobhanaṁ puruṣaṁ dṛṣṭvā sarvā api varāṅganāḥ| kledabhāvaṁ tato jagmurmudā dāruvanastriyaḥ

उस सुन्दर पुरुष को देखकर सभी सुन्दरी दारुवन की स्त्रियाँ हर्ष से द्रवित-सी हो गईं।

श्लोक 33 (skanda.5.193.33)

विकारा बहवस्तासां देवं दृष्ट्वा महाद्भुतम्। संजाता विप्रपत्नीनां तदा तासु नरोत्तम

vikārā bahavastāsāṁ devaṁ dṛṣṭvā mahādbhutam| saṁjātā viprapatnīnāṁ tadā tāsu narottama

हे नरोत्तम! उस महाद्भुत देव को देखकर उन ब्राह्मण-पत्नियों में अनेक विकार उत्पन्न हो गए।

श्लोक 34 (skanda.5.193.34)

परिधानं न जानन्ति काश्चिद्दृष्ट्वा वराङ्गनाः। उत्तरीयं तथा चान्या महामोहसमन्विताः

paridhānaṁ na jānanti kāścid dṛṣṭvā varāṅganāḥ| uttarīyaṁ tathā cānyā mahāmohasamanvitāḥ

कुछ सुन्दरियाँ, उसे देखकर, अपने वस्त्र पहनना भूल गईं; अन्य कुछ, महामोह से युक्त होकर, अपने उत्तरीय वस्त्र को भूल गईं।

श्लोक 35 (skanda.5.193.35)

केशभारपरिभ्रष्टा काचिदेवासनोत्थिता। दातुकामा तदा भैक्ष्यं चेष्टितुं नैव चाशकत्

keśabhāraparibhraṣṭā kācidevāsanotthitā| dātukāmā tadā bhaikṣyaṁ ceṣṭituṁ naiva cāśakat

किसी की केश-राशि खुल गई, कोई अपने आसन से उठी हुई भिक्षा देने की इच्छा से खड़ी होकर भी कुछ करने में असमर्थ रही।

श्लोक 36 (skanda.5.193.36)

काचिद्दृष्ट्वा महादेवं रूपयौवनगर्विता। उत्सङ्गे संस्थितं बालं विस्मृता पायितुं स्तनम्

kācid dṛṣṭvā mahādevaṁ rūpayauvanagarvitā| utsaṅge saṁsthitaṁ bālaṁ vismṛtā pāyituṁ stanam

किसी अन्य ने, अपने रूप-यौवन पर गर्वित होकर, महादेव को देखकर, अपनी गोद में बैठे बालक को स्तनपान कराना ही भूल गई।

श्लोक 37 (skanda.5.193.37)

कामबाणहता चान्या बाहुभ्यां पीड्य सुस्तनौ। निःश्वसन्ती तदा चोष्णं न किंचित्प्रतिजल्पति

kāmabāṇahatā cānyā bāhubhyāṁ pīḍya sustanau| niḥśvasantī tadā coṣṇaṁ na kiṁcitpratijalpati

कामबाण से आहत हुई किसी अन्य ने अपनी दोनों भुजाओं से अपने सुन्दर स्तनों को दबाते हुए उष्ण निःश्वास लेते हुए कुछ भी उत्तर न दिया।

श्लोक 38 (skanda.5.193.38)

एवं संक्षोभ्य तं सर्वं स्त्रीजनं परमेश्वरः। जगाम तत्र वै तासां क्षोभं कृत्वा महाद्भुतम्

evaṁ saṁkṣobhya taṁ sarvaṁ strījanaṁ parameśvaraḥ| jagāma tatra vai tāsāṁ kṣobhaṁ kṛtvā mahādbhutam

इस प्रकार समस्त स्त्रीजन को विचलित कर, उनमें अद्भुत क्षोभ उत्पन्न करके, परमेश्वर वहाँ से चले गए।

श्लोक 39 (skanda.5.193.39)

तावत्ते ब्राह्मणाः सर्वे भ्रमित्वा काननं महत्। आगताः स्वगृहे दारान् ददृशुश्च हतौजसः

tāvatte brāhmaṇāḥ sarve bhramitvā kānanaṁ mahat| āgatāḥ svagṛhe dārān dadṛśuśca hataujasaḥ

तब तक वे सभी ब्राह्मण उस विशाल वन में घूमकर अपने घर लौटे और अपनी पत्नियों को तेजोहीन देखा।

श्लोक 40 (skanda.5.193.40)

यासां पूर्वतरा भक्तिः पातिव्रत्ये पतीन्प्रति। चलितास्ता विदित्वाशु निर्जग्मुर्द्विजसत्तमाः

yāsāṁ pūrvatarā bhaktiḥ pātivratye patīnprati| calitāstā viditvāśu nirjagmurdvijasattamāḥ

जिनकी भक्ति पहले पतिव्रत धर्म में अपने पतियों के प्रति थी, अब वे विचलित हो गई हैं — यह जानकर वे श्रेष्ठ ब्राह्मण तुरन्त वहाँ से निकल पड़े।

श्लोक 41 (skanda.5.193.41)

संविदं परमां कृत्वा ज्ञात्वा देवं महेश्वरम्। क्षोभयित्वा मनस्तासां ततश्चादर्शनं गतम्

saṁvidaṁ paramāṁ kṛtvā jñātvā devaṁ maheśvaram| kṣobhayitvā manastāsāṁ tataścādarśanaṁ gatam

पूर्ण जागरूकता से यह जानते हुए कि वे महेश्वर स्वयं देव हैं, उनके मन को विचलित करके, फिर वे अदृश्य हो गए।

श्लोक 42 (skanda.5.193.42)

क्रोधाविष्टो द्विजः कश्चिद्दण्डमुद्यम्य धावति। कल्माषयष्टिमन्ये च तथान्ये दर्भमुष्टिकाम्

krodhāviṣṭo dvijaḥ kaścid daṇḍamudyamya dhāvati| kalmāṣayaṣṭimanye ca tathānye darbhamuṣṭikām

क्रोध से भरा हुआ कोई ब्राह्मण दण्ड उठाकर दौड़ पड़ा, कोई दूसरे रंगीन डण्डे लेकर, तथा अन्य लोग कुश की मुट्ठी लेकर दौड़े।

श्लोक 43 (skanda.5.193.43)

इतश्चेतश्च ते सर्वे भ्रमित्वा काननं नृप। एकीभूत्वा महात्मानो व्याजह्रुश्च रुषा गिरम्

itaścetaśca te sarve bhramitvā kānanaṁ nṛpa| ekībhūtvā mahātmāno vyājahruśca ruṣā giram

हे नृप! वे सभी महात्मा इधर-उधर वन में भटककर एक जगह एकत्रित हुए और क्रोधपूर्वक वचन बोले।

श्लोक 44 (skanda.5.193.44)

यदिदं च हुतं किंचिद्गुरवस्तोषिता यदि। तेन सत्येन देवस्य लिङ्गं पततु चोत्तमम्

yadidaṁ ca hutaṁ kiṁcidguravastoṣitā yadi| tena satyena devasya liṅgaṁ patatu cottamam

यदि हमने कुछ भी होम किया है, यदि हमने गुरुजनों को संतुष्ट किया है, तो उस सत्य के प्रभाव से उस देव का उत्तम लिंग गिर जाए।

श्लोक 45 (skanda.5.193.45)

आश्रमादाश्रमं सर्वे न त्यजामो विधिक्रमात्। तेन सत्येन देवस्य लिङ्गं पततु भूतले

āśramādāśramaṁ sarve na tyajāmo vidhikramāt| tena satyena devasya liṅgaṁ patatu bhūtale

हमने विधिक्रम से एक आश्रम से दूसरे आश्रम को कभी नहीं छोड़ा, उस सत्य के प्रभाव से उस देव का लिंग पृथ्वी पर गिर जाए।

श्लोक 46 (skanda.5.193.46)

एवं सत्यप्रभावेन त्रिरुक्तेन द्विजन्मनाम्। शिवस्य पश्यतो लिङ्गं पतितं धरणीतले

evaṁ satyaprabhāvena triruktena dvijanmanām| śivasya paśyato liṅgaṁ patitaṁ dharaṇītale

इस प्रकार तीन बार कहे गए द्विजों के सत्य-प्रभाव से, शिव के देखते-देखते ही उनका लिंग धरातल पर गिर पड़ा।

श्लोक 47 (skanda.5.193.47)

हाहाकारो महानासील्लोकालोकेऽपि भारत। देवस्य पतिते लिङ्गे जगतश्च महाक्षये

hāhākāro mahānāsīllokāloke'pi bhārata| devasya patite liṅge jagataśca mahākṣaye

हे भारत! देव का लिंग गिरते ही समस्त लोकों में हाहाकार मच गया, मानो जगत का महाप्रलय हो रहा हो।

श्लोक 48 (skanda.5.193.48)

पतमानस्य लिङ्गस्य शब्दोऽभूच्च सुदारुणः। उल्कापाता दिशां हाहा भूमिकम्पाश्च दारुणाः

patamānasya liṅgasya śabdo'bhūcca sudāruṇaḥ| ulkāpātā diśāṁ hāhā bhūmikampāśca dāruṇāḥ

गिरते हुए लिंग की ध्वनि अत्यन्त भयंकर हुई, दिशाओं में उल्कापात हुए, हाहाकार मचा तथा भूकम्प भयावह हो गए।

श्लोक 49 (skanda.5.193.49)

पतन्ति पर्वताग्राणि शोषं यान्ति च सागराः। देवस्य पतिते लिङ्गे देवा विमनसोऽभवन्

patanti parvatāgrāṇi śoṣaṁ yānti ca sāgarāḥ| devasya patite liṅge devā vimanaso'bhavan

पर्वत-शिखर गिरने लगे, समुद्र सूखने लगे; देव का लिंग गिरते ही देवगण विषण्ण हो गए।

श्लोक 50 (skanda.5.193.50)

समेत्य सहिताः सर्वे ब्रह्माणं परमेष्ठिनम्। कृताञ्जलिपुटाः सर्वे स्तुवन्ति विविधैः स्तवैः

sametya sahitāḥ sarve brahmāṇaṁ parameṣṭhinam| kṛtāñjaliputāḥ sarve stuvanti vividhaiḥ stavaiḥ

सभी देवगण एकत्रित होकर परमेष्ठी ब्रह्मा के पास पहुँचे और हाथ जोड़कर विविध स्तोत्रों से उनकी स्तुति करने लगे।

श्लोक 51 (skanda.5.193.51)

ततस्तुष्टो जगन्नाथश्चतुर्वदनपङ्कजः। आर्तान्प्राह सुरान्सर्वान्मा विषादं गमिष्यथ

tatastuṣṭo jagannāthaścaturvadanapaṅkajaḥ| ārtānprāha surānsarvānmā viṣādaṁ gamiṣyatha

तब लोकनाथ, चार लोटस-मुखों वाले ब्रह्मा प्रसन्न होकर व्याकुल देवगण से बोले — तुम विषाद को प्राप्त मत हो।

श्लोक 52 (skanda.5.193.52)

ब्रह्मशापाभिभूतोऽसौ देवदेवस्त्रिलोचनः। तुष्टैस्तैस्तपसा युक्तैः पुनर्मोक्षं गमिष्यति

brahmaśāpābhibhūto'sau devadevastrilocanaḥ| tuṣṭaistaistapasā yuktaiḥ punarmokṣaṁ gamiṣyati

वह त्रिलोचन देवदेव ब्राह्मणों के शाप से अभिभूत हुए हैं; उन्हीं ब्राह्मणों के तपस्या से संतुष्ट होने पर वे पुनः मुक्त हो जाएँगे।

श्लोक 53 (skanda.5.193.53)

एतच्छ्रुत्वा ययुर्देवा यथागतमरिन्दम। भावयित्वा ततः सर्वे मुनयश्चैव भारत

etacchrutvā yayurdevā yathāgatamarindama| bhāvayitvā tataḥ sarve munayaścaiva bhārata

हे अरिन्दम! यह सुनकर सभी देवगण जैसे आए थे वैसे ही चले गए; हे भारत! तब सभी मुनियों ने विचार करके,

श्लोक 54 (skanda.5.193.54)

विश्वामित्रवसिष्ठाद्या जाबालिरथ कश्यपः। समेत्य सहिताः सर्वे तमूचुस्त्रिपुरान्तकम्

viśvāmitravasiṣṭhādyā jābāliratha kaśyapaḥ| sametya sahitāḥ sarve tamūcustripurāntakam

विश्वामित्र, वसिष्ठ आदि, जाबालि तथा कश्यप — ये सभी एकत्रित होकर त्रिपुरान्तक शिव से बोले।

श्लोक 55 (skanda.5.193.55)

ब्रह्मतेजो हि बलवद्द्विजानां हि सुरेश्वर। क्षान्तियुक्तस्तपस्तप्त्वा भविष्यसि गतक्लमः

brahmatejo hi balavaddvijānāṁ hi sureśvara| kṣāntiyuktastapastaptvā bhaviṣyasi gataklamaḥ

हे सुरेश्वर! ब्राह्मणों का ब्रह्मतेज अत्यन्त बलवान है; क्षमापूर्वक तप करके तुम फिर क्लेशरहित हो जाओगे।

श्लोक 56 (skanda.5.193.56)

यतः क्षोभादृषीणां च तदेवं लिङ्गमुत्तमम्। पतितं ते महादेव न तत्पूज्यं भविष्यति

yataḥ kṣobhādṛṣīṇāṁ ca tadevaṁ liṅgamuttamam| patitaṁ te mahādeva na tatpūjyaṁ bhaviṣyati

हे महादेव! ऋषियों के क्षोभ के कारण जो यह उत्तम लिंग गिरा है, वह इस रूप में पूज्य नहीं होगा।

श्लोक 57 (skanda.5.193.57)

न तच्छ्रेयोऽग्निहोत्रेण नाग्निष्टोमेन लभ्यते। प्राप्नुवन्ति च यच्छ्रेयो मानवा लिङ्गपूजने

na tacchreyo'gnihotreṇa nāgniṣṭomena labhyate| prāpnuvanti ca yacchreyo mānavā liṅgapūjane

वह श्रेय जो मनुष्य लिंग-पूजन में प्राप्त करते हैं, वह न तो अग्निहोत्र से मिलता है, न अग्निष्टोम यज्ञ से।

श्लोक 58 (skanda.5.193.58)

देवदानवयक्षाणां गन्धर्वोरगरक्षसाम्। वचनेन तु विप्राणामेतत्पूज्यं भविष्यति

devadānavayakṣāṇāṁ gandharvoragarakṣasām| vacanena tu viprāṇāmetatpūjyaṁ bhaviṣyati

देवों, दानवों, यक्षों, गन्धर्वों, नागों तथा राक्षसों के लिए भी, ब्राह्मणों के वचन के अनुसार यह लिंग पूज्य होगा।

श्लोक 59 (skanda.5.193.59)

ब्रह्मविष्ण्विन्द्रचन्द्राणामेतत्पूज्यं भविष्यति। यत्फलं तव लिङ्गस्य इह लोके परत्र च

brahmaviṣṇvindracandrāṇāmetatpūjyaṁ bhaviṣyati| yatphalaṁ tava liṅgasya iha loke paratra ca

यह ब्रह्मा, विष्णु, इन्द्र और चन्द्र के लिए भी पूज्य होगा; तुम्हारे लिंग का जो फल है, वह इस लोक और परलोक दोनों में प्राप्त होगा।

श्लोक 60 (skanda.5.193.60)

एवमुक्तो जगन्नाथः प्रणिपत्य द्विजोत्तमान्। मुदा परमया युक्तः कृताञ्जलिरभाषत

evamukto jagannāthaḥ praṇipatya dvijottamān| mudā paramayā yuktaḥ kṛtāñjalirabhāṣata

इस प्रकार कहे जाने पर जगन्नाथ ने उन उत्तम द्विजों को प्रणाम कर, परम आनन्द से युक्त होकर हाथ जोड़कर कहा।

श्लोक 61 (skanda.5.193.61)

ब्राह्मणा जङ्गमं तीर्थं निर्जलं सार्वकामिकम्। येषां वाक्योदकेनैव शुध्यन्ति मलिनो जनाः

brāhmaṇā jaṅgamaṁ tīrthaṁ nirjalaṁ sārvakāmikam| yeṣāṁ vākyodakenaiva śudhyanti malino janāḥ

ब्राह्मण जल-रहित, समस्त कामनाओं की पूर्ति करने वाला, जंगम तीर्थ हैं; जिनकी वाणी रूपी जल से ही मलिन जन शुद्ध हो जाते हैं।

श्लोक 62 (skanda.5.193.62)

न तत्क्षेत्रं न तत्तीर्थमूषरं पुष्कराणि च। ब्राह्मणे मन्युमुत्पाद्य यत्र गत्वा स शुध्यति

na tatkṣetraṁ na tattīrthamūṣaraṁ puṣkarāṇi ca| brāhmaṇe manyumutpādya yatra gatvā sa śudhyati

ऐसा कोई क्षेत्र नहीं, कोई तीर्थ नहीं, ऊसर भूमि नहीं, न पुष्कर तीर्थ, जहाँ जाकर ब्राह्मण को क्रोधित कर मनुष्य शुद्ध हो सके।

श्लोक 63 (skanda.5.193.63)

न तच्छास्त्रं यन्न विप्रप्रणीतं न तद्दानं यन्न विप्रप्रदेयम्। न तत्सौख्यं यन्न विप्रप्रसादान्न तद्दुःखं यन्न विप्रप्रकोपात्

na tacchāstraṁ yanna viprapraṇītaṁ na taddānaṁ yanna viprapradeyam| na tatsaukhyaṁ yanna vipraprasādānna tadduḥkhaṁ yanna vipraprakopāt

कोई शास्त्र ऐसा नहीं जो ब्राह्मणों द्वारा न रचा गया हो, कोई दान ऐसा नहीं जो ब्राह्मणों को न दिया जाता हो; कोई सुख ऐसा नहीं जो ब्राह्मणों की कृपा के बिना हो, कोई दुःख ऐसा नहीं जो ब्राह्मणों के कोप के बिना हो।

श्लोक 64 (skanda.5.193.64)

पृथिव्यां यानि तीर्थानि गङ्गाद्याः सरितस्तथा। एकस्य विप्रवाक्यस्य कलां नार्हन्ति षोडशीम्

pṛthivyāṁ yāni tīrthāni gaṅgādyāḥ saritastathā| ekasya vipravākyasya kalāṁ nārhanti ṣoḍaśīm

पृथ्वी पर जितने भी तीर्थ हैं, गंगा आदि जितनी भी नदियाँ हैं, वे सब मिलकर भी एक ब्राह्मण-वचन के सोलहवें अंश के भी योग्य नहीं हैं।

श्लोक 65 (skanda.5.193.65)

अभिनन्द्य द्विजान्सर्वाननुज्ञातो महर्षिभिः। ततोऽगमत्तदा देवो नर्मदातटमुत्तमम्

abhinandya dvijānsarvānanujñāto maharṣibhiḥ| tato'gamattadā devo narmadātaṭamuttamam

सभी ब्राह्मणों की सराहना करते हुए और महर्षियों से अनुमति पाकर, तब देव उत्तम नर्मदा-तट की ओर चले गए।

श्लोक 66 (skanda.5.193.66)

परमं व्रतमास्थाय गुहावासी समार्बुदम्। तपश्चचार भगवाञ्जपस्नानरतः सदा

paramaṁ vratamāsthāya guhāvāsī samārbudam| tapaścacāra bhagavāñjapasnānarataḥ sadā

परम व्रत धारण कर, गुफावासी बनकर अर्बुद पर्वत के समीप, भगवान सदा जप-स्नान में रत रहते हुए तप करने लगे।

श्लोक 67 (skanda.5.193.67)

समाप्ते नियमे तात स्थापयित्वा महेश्वरम्। वन्द्यमानः सुरैः सार्द्धं कैलासमगमत्प्रभुः

samāpte niyame tāta sthāpayitvā maheśvaram| vandyamānaḥ suraiḥ sārddhaṁ kailāsamagamatprabhuḥ

हे तात! व्रत की समाप्ति पर महेश्वर स्वयं को स्थापित कर, देवों द्वारा वन्दित होकर, कैलास को चले गए।

श्लोक 68 (skanda.5.193.68)

नर्मदायास्तटे तेन स्थापितः परमेश्वरः। तेनैव कारणेनासौ नर्मदेश्वर उच्यते

narmadāyāstaṭe tena sthāpitaḥ parameśvaraḥ| tenaiva kāraṇenāsau narmadeśvara ucyate

नर्मदा के तट पर उनके द्वारा स्वयं परमेश्वर स्थापित हुए, इसी कारण वे नर्मदेश्वर कहलाते हैं।

श्लोक 69 (skanda.5.193.69)

योऽर्चयेन्नर्मदेशानं यतिर्वै संजितेन्द्रियः। स्नात्वा चैव महादेवमश्वमेधफलं लभेत्

yo'rcayennarmadeśānaṁ yatirvai saṁjitendriyaḥ| snātvā caiva mahādevamaśvamedhaphalaṁ labhet

जो संयतेन्द्रिय संन्यासी नर्मदेश्वर की पूजा करता है, और स्नान कर महादेव की अर्चना करता है, वह अश्वमेध का फल प्राप्त करता है।

श्लोक 70 (skanda.5.193.70)

ददाति यः पितृभ्यस्तु तिलपुष्पकुशोदकम्। त्रिःसप्तपूर्वजास्तस्य स्वर्गे मोदन्ति पाण्डव

dadāti yaḥ pitṛbhyastu tilapuṣpakuśodakam| triḥsaptapūrvajāstasya svarge modanti pāṇḍava

हे पाण्डव! जो अपने पितरों को तिल, पुष्प, कुश और जल अर्पित करता है, उसके इक्कीस पूर्वज स्वर्ग में आनन्दित होते हैं।

श्लोक 71 (skanda.5.193.71)

यस्तु भोजयते विप्रांस्तस्मिंस्तीर्थे नराधिप। पायसं घृतमिश्रं तु स लभेत्कोटिजं फलम्

yastu bhojayate viprāṁstasmiṁstīrthe narādhipa| pāyasaṁ ghṛtamiśraṁ tu sa labhetkoṭijaṁ phalam

हे नराधिप! जो उस तीर्थ में घृतमिश्रित खीर से ब्राह्मणों को भोजन कराता है, वह करोड़गुना फल प्राप्त करता है।

श्लोक 72 (skanda.5.193.72)

सुवर्णं रजतं वापि ब्राह्मणेभ्यो युधिष्ठिर। ददाति तोयमध्यस्थः सोऽग्निष्टोमफलं लभेत्

suvarṇaṁ rajataṁ vāpi brāhmaṇebhyo yudhiṣṭhira| dadāti toyamadhyasthaḥ so'gniṣṭomaphalaṁ labhet

हे युधिष्ठिर! जो जल के मध्य खड़े होकर ब्राह्मणों को सोना या चाँदी दान देता है, वह अग्निष्टोम का फल प्राप्त करता है।

श्लोक 73 (skanda.5.193.73)

अष्टम्यां वा चतुर्दश्यां निराहारो वसेत्तु यः। नर्मदेश्वरमासाद्य प्राप्नुयाज्जन्मनः फलम्

aṣṭamyāṁ vā caturdaśyāṁ nirāhāro vasettu yaḥ| narmadeśvaramāsādya prāpnuyājjanmanaḥ phalam

जो अष्टमी या चतुर्दशी को निराहार रहकर नर्मदेश्वर के पास वास करता है, वह जन्म का फल प्राप्त करता है।

श्लोक 74 (skanda.5.193.74)

अग्निप्रवेशं यः कुर्यात्तस्मिंस्तीर्थे नराधिप। तस्य व्याधिभयं न स्यात्सप्तजन्मसु भारत

agnipraveśaṁ yaḥ kuryāttasmiṁstīrthe narādhipa| tasya vyādhibhayaṁ na syātsaptajanmasu bhārata

हे नराधिप! जो उस तीर्थ में अग्निप्रवेश करता है, हे भारत! उसे सात जन्मों तक व्याधि का भय नहीं होता।

श्लोक 75 (skanda.5.193.75)

अनाशकं तु यः कुर्यात्तस्मिंस्तीर्थे नराधिप। अनिवर्तिका गतिस्तस्य रुद्रलोके भविष्यति

anāśakaṁ tu yaḥ kuryāttasmiṁstīrthe narādhipa| anivartikā gatistasya rudraloke bhaviṣyati

हे नराधिप! जो उस तीर्थ में अनशन करता है, उसकी गति रुद्रलोक में अनिवर्तनीय होगी।

श्लोक 76 (skanda.5.193.76)

एष ते विधिरुद्दिष्टस्तस्योत्पत्तिर्नरोत्तम। पुराणे विहिता तात संज्ञा तस्य तु विस्तरात्

eṣa te vidhiruddiṣṭastasyotpattirnarottama| purāṇe vihitā tāta saṁjñā tasya tu vistarāt

हे नरोत्तम! यह तुम्हें उसका विधान और उत्पत्ति बताई गई; हे तात! पुराण में उसका यह नाम विस्तार से वर्णित है।

श्लोक 77 (skanda.5.193.77)

एतं कीर्तयते यस्तु नर्मदेश्वरसम्भवम्। भक्त्या शृणोति च नरः सोऽपि स्नानफलं लभेत्

etaṁ kīrtayate yastu narmadeśvarasambhavam| bhaktyā śṛṇoti ca naraḥ so'pi snānaphalaṁ labhet

जो कोई नर्मदेश्वर की इस उत्पत्ति-कथा का कीर्तन करता है, तथा जो मनुष्य इसे भक्तिपूर्वक सुनता है, वह भी स्नान का फल प्राप्त करता है।