विमलेश्वर तीर्थ की महिमा

श्लोक 1 (skanda.5.198.1)

श्रीमार्कण्डेय उवाच। ततो गच्छेत्तु राजेन्द्र विमलेश्वरमुत्तमम्। तत्र देवशिला रम्या स्वयं देवैर्विनिर्मिता

śrīmārkaṇḍeya uvāca| tato gacchettu rājendra vimaleśvaramuttamam| tatra devaśilā ramyā svayaṁ devairvinirmitā

श्री मार्कण्डेय ने कहा — हे राजेन्द्र! फिर उत्तम विमलेश्वर तीर्थ को जाना चाहिए, जहाँ स्वयं देवों द्वारा निर्मित रमणीय देवशिला है।

श्लोक 2 (skanda.5.198.2)

तत्र स्नात्वा तु यो भक्त्या ब्राह्मणान्पूजयेन्नृप। स्वल्पेनापि हि दानेन तस्य चान्तो न विद्यते

tatra snātvā tu yo bhaktyā brāhmaṇānpūjayennṛpa| svalpenāpi hi dānena tasya cānto na vidyate

हे नृप! वहाँ स्नान कर जो भक्तिपूर्वक ब्राह्मणों की पूजा करता है, उसके लिए अल्प दान से भी अन्त नहीं होता।

श्लोक 3 (skanda.5.198.3)

युधिष्ठिर उवाच। कानि दानानि विप्रेन्द्र शस्तानि धरणीतले। यानि दत्त्वा नरो भक्त्या मुच्यते सर्वपातकैः

yudhiṣṭhira uvāca| kāni dānāni viprendra śastāni dharaṇītale| yāni dattvā naro bhaktyā mucyate sarvapātakaiḥ

युधिष्ठिर ने कहा — हे विप्रेन्द्र! पृथ्वी पर कौन-से दान श्रेष्ठ बताए गए हैं, जिन्हें भक्तिपूर्वक देने से मनुष्य समस्त पापों से मुक्त हो जाता है?

श्लोक 4 (skanda.5.198.4)

श्रीमार्कण्डेय उवाच। सुवर्णं रजतं ताम्रं मणिमौक्तिकमेव च। भूमिदानं च गोदानं मोचयत्पशुभान्नरम्

śrīmārkaṇḍeya uvāca| suvarṇaṁ rajataṁ tāmraṁ maṇimauktikameva ca| bhūmidānaṁ ca godānaṁ mocayatpaśubhānnaram

श्री मार्कण्डेय ने कहा — सोना, चाँदी, ताँबा, मणि और मोती, भूमिदान तथा गोदान — ये सब मनुष्य को पशुयोनि से मुक्त कराते हैं।

श्लोक 5 (skanda.5.198.5)

तत्र तीर्थे तु यः कश्चित्कुरुते प्राणसंक्षयम्। रुद्रलोके वसेत्तावद्यावदा भूतसम्प्लवम्

tatra tīrthe tu yaḥ kaścitkurute prāṇasaṁkṣayam| rudraloke vasettāvadyāvadā bhūtasamplavam

उस तीर्थ में जो कोई प्राणत्याग करता है, वह प्रलयकाल तक रुद्रलोक में निवास करता है।

श्लोक 6 (skanda.5.198.6)

ततः पुष्करिणीं गच्छेत्सर्वपापक्षयंकरीम्। तत्र स्नात्वार्चयेद्देवं तेजोराशिं दिवाकरम्

tataḥ puṣkariṇīṁ gacchetsarvapāpakṣayaṁkarīm| tatra snātvārcayeddevaṁ tejorāśiṁ divākaram

फिर समस्त पापों को नष्ट करने वाली पुष्करिणी को जाना चाहिए; वहाँ स्नान कर तेजराशि सूर्यदेव की पूजा करनी चाहिए।

श्लोक 7 (skanda.5.198.7)

ऋचमेकां जपेत्साम्नः सामवेदफलं लभेत्। यजुर्वेदस्य जपनादृग्वेदस्य तथैव च

ṛcamekāṁ japetsāmnaḥ sāmavedaphalaṁ labhet| yajurvedasya japanādṛgvedasya tathaiva ca

वहाँ साम की एक ऋचा का जप करने से सामवेद का फल प्राप्त होता है; उसी प्रकार यजुर्वेद तथा ऋग्वेद के जप से भी।

श्लोक 8 (skanda.5.198.8)

अक्षरं वा जपेन्मन्त्रं ध्यायमानो दिवाकरम्। आदित्यहृदयं जप्त्वा मुच्यते सर्वकिल्बिषैः

akṣaraṁ vā japenmantraṁ dhyāyamāno divākaram| ādityahṛdayaṁ japtvā mucyate sarvakilbiṣaiḥ

अथवा सूर्यदेव का ध्यान करते हुए एक भी अक्षर-मन्त्र का जप करे; आदित्यहृदय का जप करने से मनुष्य समस्त पापों से मुक्त हो जाता है।

श्लोक 9 (skanda.5.198.9)

तत्र तीर्थे तु यः स्नात्वा विधिना जपेद्द्विजान्। तस्य कोटिगुणं पुण्यं जायते नात्र संशयः

tatra tīrthe tu yaḥ snātvā vidhinā japeddvijān| tasya koṭiguṇaṁ puṇyaṁ jāyate nātra saṁśayaḥ

उस तीर्थ में जो स्नान कर विधिपूर्वक ब्राह्मणों को दक्षिणा देता है, उसे करोड़गुना पुण्य प्राप्त होता है, इसमें कोई संशय नहीं।

श्लोक 10 (skanda.5.198.10)

अनाशकेनाग्निगत्या जले वा देहपातनात्। तस्मिंस्तीर्थे मृतो यस्तु स याति परमां गतिम्

anāśakenāgnigatyā jale vā dehapātanāt| tasmiṁstīrthe mṛto yastu sa yāti paramāṁ gatim

उस तीर्थ में जो कोई अनशन से, अग्नि में प्रवेश से, अथवा जल में देह त्यागकर मरता है, वह परम गति को प्राप्त होता है।

श्लोक 11 (skanda.5.198.11)

ब्राह्मणः क्षत्रियो वैश्यः शूद्रो वा नृपसत्तम। विहितं कर्म कुर्वाणः स गच्छेत्परमां गतिम्

brāhmaṇaḥ kṣatriyo vaiśyaḥ śūdro vā nṛpasattama| vihitaṁ karma kurvāṇaḥ sa gacchetparamāṁ gatim

हे नृपसत्तम! ब्राह्मण, क्षत्रिय, वैश्य अथवा शूद्र — जो कोई विहित कर्म करता है, वह परम गति को प्राप्त होता है।

श्लोक 12 (skanda.5.198.12)

युधिष्ठिर उवाच। व्याधिं सत्त्वक्षयं मोहं ज्ञात्वा वर्णा द्विजोत्तम। पापेभ्यो विप्रमुच्यन्ते केन तत्साधनं वद

yudhiṣṭhira uvāca| vyādhiṁ sattvakṣayaṁ mohaṁ jñātvā varṇā dvijottama| pāpebhyo vipramucyante kena tatsādhanaṁ vada

युधिष्ठिर ने कहा — हे द्विजोत्तम! व्याधि, बल-क्षय और मोह को जानकर, विभिन्न वर्ण किस साधन से पापों से मुक्त होते हैं, यह बताइए।

श्लोक 13 (skanda.5.198.13)

श्रीमार्कण्डेय उवाच। तिलोदकी तिलस्नायी कामक्रोधविवर्जितः। ब्राह्मणोऽनशनैः प्राणांस्त्यजल्लभति सद्गतिम्

śrīmārkaṇḍeya uvāca| tilodakī tilasnāyī kāmakrodhavivarjitaḥ| brāhmaṇo'naśanaiḥ prāṇāṁstyajallabhati sadgatim

श्री मार्कण्डेय ने कहा — तिल-जल से तर्पण करने वाला, तिल से स्नान करने वाला, काम-क्रोध से रहित ब्राह्मण अनशन से प्राण त्यागकर सद्गति प्राप्त करता है।

श्लोक 14 (skanda.5.198.14)

सङ्ग्रामे सद्गतिं तात क्षत्रियो निधने लभेत्। तदभावान्महाप्राज्ञ सेवमानो लभेदिति

saṅgrāme sadgatiṁ tāta kṣatriyo nidhane labhet| tadabhāvānmahāprājña sevamāno labhediti

हे तात! क्षत्रिय युद्ध में मृत्यु से सद्गति प्राप्त करता है; हे महाप्राज्ञ! उसके अभाव में सेवा करते हुए भी वह उसे प्राप्त करता है।

श्लोक 15 (skanda.5.198.15)

व्याधिग्रहगृहीतो वा वृद्धो वा विकलेन्द्रियः। आत्मानं दाहयित्वाग्नौ विधिना सद्गतिं लभेत्

vyādhigrahagṛhīto vā vṛddho vā vikalendriyaḥ| ātmānaṁ dāhayitvāgnau vidhinā sadgatiṁ labhet

व्याधि या ग्रह से ग्रस्त, या वृद्ध, या इन्द्रियशक्तिहीन व्यक्ति स्वयं को विधिपूर्वक अग्नि में जलाकर सद्गति प्राप्त करता है।

श्लोक 16 (skanda.5.198.16)

वैश्योऽपि हि त्यजन्प्राणानेवं वै शुभभाग्भवेत्। जले वा शुद्धभावेन त्यक्त्वा प्राणाञ्छिवो भवेत्

vaiśyo'pi hi tyajanprāṇānevaṁ vai śubhabhāgbhavet| jale vā śuddhabhāvena tyaktvā prāṇāñchivo bhavet

वैश्य भी इसी प्रकार प्राण त्यागकर शुभ भाग्य को प्राप्त करता है; या शुद्ध भाव से जल में प्राण त्यागकर शिवरूप हो जाता है।

श्लोक 17 (skanda.5.198.17)

शूद्रोऽपि द्विजशुश्रूषुस्तोषयित्वा महेश्वरम्। विमुच्य नान्यथा पापः पतते नरके ध्रुवम्

śūdro'pi dvijaśuśrūṣustoṣayitvā maheśvaram| vimucya nānyathā pāpaḥ patate narake dhruvam

शूद्र भी द्विजों की सेवा करते हुए महेश्वर को संतुष्ट कर मुक्त हो जाता है; अन्यथा वह पापी निश्चय ही नरक में गिरता है।

श्लोक 18 (skanda.5.198.18)

अथवा प्रणवाशक्तो द्विजेभ्यो गुरवे तथा। पञ्चाग्नौ शोषयेद्देहमापृच्छ्य द्विजसत्तमान्

athavā praṇavāśakto dvijebhyo gurave tathā| pañcāgnau śoṣayeddehamāpṛcchya dvijasattamān

अथवा प्रणव-मन्त्र में समर्थ न होने पर, द्विजों तथा गुरु से अनुमति लेकर, श्रेष्ठ द्विजों से पूछकर पंचाग्नि में अपने शरीर को सुखा दे।

श्लोक 19 (skanda.5.198.19)

शान्तदान्तजितक्रोधाञ्छास्त्रयुक्तान् विचक्षणान्। तेषां चैवोपदेशेन करीषाग्निं प्रसाधयेत्

śāntadāntajitakrodhāñchāstrayuktān vicakṣaṇān| teṣāṁ caivopadeśena karīṣāgniṁ prasādhayet

शान्त, संयमी, क्रोध-विजयी, शास्त्रयुक्त, विचक्षण पुरुषों से, उन्हीं के उपदेश से गोबर की अग्नि तैयार करे।

श्लोक 20 (skanda.5.198.20)

एवं वर्णा यथात्वेन मूढाहङ्कारमोहिताः। पतन्ति नरके घोरे यथान्धो गिरिगह्वरे

evaṁ varṇā yathātvena mūḍhāhaṅkāramohitāḥ| patanti narake ghore yathāndho girigahvare

इस प्रकार वर्ण के अनुसार जो लोग मूढ़ता और अहंकार से मोहित हैं, वे घोर नरक में गिरते हैं, जैसे अन्धा पर्वत की गुफा में गिर जाता है।

श्लोक 21 (skanda.5.198.21)

ये शास्त्रविधिमुत्सृज्य वर्तन्ते कामचारतः। कृमियोनिं प्रपद्यन्ते तेषां पिण्डो न च क्रिया

ye śāstravidhimutsṛjya vartante kāmacārataḥ| kṛmiyoniṁ prapadyante teṣāṁ piṇḍo na ca kriyā

जो शास्त्र-विधि को त्यागकर स्वेच्छाचार से रहते हैं, वे कृमि-योनि को प्राप्त होते हैं; उनके लिए न पिण्डदान है, न कोई क्रिया।

श्लोक 22 (skanda.5.198.22)

श्रुतिस्मृत्युदितं धर्मं त्यक्त्वा यथेच्छाचारसेविनः। अष्टाविंशतिर्वै कोट्यो नरकाणां युधिष्ठिर

śrutismṛtyuditaṁ dharmaṁ tyaktvā yathecchācārasevinaḥ| aṣṭāviṁśatirvai koṭyo narakāṇāṁ yudhiṣṭhira

हे युधिष्ठिर! श्रुति-स्मृति में कहे गए धर्म को त्यागकर स्वेच्छाचार का सेवन करने वालों के लिए अट्ठाईस करोड़ नरक हैं।

श्लोक 23 (skanda.5.198.23)

प्रत्येकं वा पतन्त्येते मग्ना नरकसागरे। दुर्लभं मानुषं जन्म बहुधर्मार्जितं नृप

pratyekaṁ vā patantyete magnā narakasāgare| durlabhaṁ mānuṣaṁ janma bahudharmārjitaṁ nṛpa

वे प्रत्येक अलग-अलग नरक-सागर में डूबकर गिरते हैं; हे नृप! मनुष्य जन्म दुर्लभ है, जो अनेक पुण्यों से अर्जित होता है।

श्लोक 24 (skanda.5.198.24)

तल्लब्ध्वा मदमात्सर्यं यो वै त्यजति मानवः। संनियम्य सदात्मानं ज्ञानचक्षुर्नरो हि सः

tallabdhvā madamātsaryaṁ yo vai tyajati mānavaḥ| sanniyamya sadātmānaṁ jñānacakṣurnaro hi saḥ

उस दुर्लभ मनुष्य जन्म को पाकर जो मानव मद और मात्सर्य को त्याग देता है, तथा सदा अपनी आत्मा को संयमित रखता है, वही वास्तव में ज्ञानचक्षु वाला मनुष्य है।

श्लोक 25 (skanda.5.198.25)

अज्ञानतिमिरान्धस्य ज्ञानांजनशलाकया। यस्य नोन्मीलितं चक्षुर्ज्ञेयो जात्यन्ध एव सः

ajñānatimirāndhasya jñānāñjanaśalākayā| yasya nonmīlitaṁ cakṣurjñeyo jātyandha eva saḥ

अज्ञान के अन्धकार से अन्धे हुए मनुष्य का, ज्ञान रूपी अंजनशलाका के द्वारा जिसका नेत्र नहीं खुलता, उसे जन्मान्ध ही जानना चाहिए।

श्लोक 26 (skanda.5.198.26)

एतत्ते कथितं सर्वं यत्पृष्टं नृपसत्तम। तथानिष्टतराणां हि रुद्रस्य वचनं यथा

etatte kathitaṁ sarvaṁ yatpṛṣṭaṁ nṛpasattama| tathāniṣṭatarāṇāṁ hi rudrasya vacanaṁ yathā

हे नृपसत्तम! जो कुछ तुमने पूछा, वह सब मैंने कह दिया; अब अनिष्टतर विषयों के सम्बन्ध में रुद्र का जो वचन है, वह भी सुनो।

श्लोक 27 (skanda.5.198.27)

नर्मदा सरितां श्रेष्ठा रुद्रदेहाद्विनिःसृता। तारयेत्सर्वभूतानि स्थावराणि चराणि च

narmadā saritāṁ śreṣṭhā rudradehādviniḥsṛtā| tārayetsarvabhūtāni sthāvarāṇi carāṇi ca

नर्मदा, नदियों में श्रेष्ठ, रुद्र के शरीर से निःसृत हुई है; वह समस्त स्थावर और जंगम प्राणियों को तार देती है।

श्लोक 28 (skanda.5.198.28)

सर्वदेवाधिदेवेन ईश्वरेण महात्मना। लोकानां च हितार्थाय महापुण्यावतारिता

sarvadevādhidevena īśvareṇa mahātmanā| lokānāṁ ca hitārthāya mahāpuṇyāvatāritā

समस्त देवों के अधिदेव, महात्मा ईश्वर द्वारा, लोकों के हित के लिए, वह महापुण्यमयी नदी अवतरित की गई।

श्लोक 29 (skanda.5.198.29)

मानसं वाचिकं पापं स्नानान्नश्यति कर्मजम्। रुद्रदेहाद्विनिष्क्रान्ता तेन पुण्यतमा हि सा

mānasaṁ vācikaṁ pāpaṁ snānānnaśyati karmajam| rudradehādviniṣkrāntā tena puṇyatamā hi sā

मानसिक, वाचिक तथा शारीरिक कर्मों से उत्पन्न पाप स्नान से नष्ट हो जाते हैं; क्योंकि वह रुद्र के शरीर से निकली है, इसीलिए वह अत्यन्त पुण्यमयी है।

श्लोक 30 (skanda.5.198.30)

प्रातरुत्थाय यो नित्यं भूमिमाक्रम्य भक्तितः। एतन्मन्त्रं जपेत्तात स्नानस्य लभते फलम्

prātarutthāya yo nityaṁ bhūmimākramya bhaktitaḥ| etanmantraṁ japettāta snānasya labhate phalam

जो प्रतिदिन प्रातःकाल उठकर, भक्तिपूर्वक भूमि पर पैर रखते हुए, हे तात! इस मन्त्र का जप करता है, वह स्नान का फल प्राप्त करता है।

श्लोक 31 (skanda.5.198.31)

नमः पुण्यजले देवि नमः सागरगामिनि। नमोऽस्तु पापनिर्मोचे नमो देवि वरानने

namaḥ puṇyajale devi namaḥ sāgaragāmini| namo'stu pāpanirmoce namo devi varānane

हे पुण्यजल देवी! तुम्हें नमस्कार है; हे समुद्र की ओर बहने वाली! तुम्हें नमस्कार है। हे पाप से मुक्त करने वाली! तुम्हें नमस्कार हो; हे वरानने देवी! तुम्हें नमस्कार है।

श्लोक 32 (skanda.5.198.32)

नमोऽस्तु ते ऋषिवरसङ्घसेविते नमोऽस्तु ते त्रिनयनदेहनिःसृते। नमोऽस्तु ते सुकृतवतां सदा वरे नमोऽस्तु ते सततपवित्रपावनि

namo'stu te ṛṣivarasaṅghasevite namo'stu te trinayanadehaniḥsṛte| namo'stu te sukṛtavatāṁ sadā vare namo'stu te satatapavitrapāvani

तुम्हें नमस्कार है, जो श्रेष्ठ ऋषि-समूहों द्वारा सेवित हो; तुम्हें नमस्कार है, जो त्रिनेत्र शिव के शरीर से निकली हो। तुम्हें नमस्कार है, जो पुण्यात्माओं के लिए सदा श्रेष्ठ हो; तुम्हें नमस्कार है, जो सदा पवित्र करने वाली और पावन हो।