अन्धक को वरदान

श्लोक 1 (skanda.5.200.1)

श्रीमार्कण्डेय उवाच। एष एव पुरा प्रश्नः परिपृष्टो महेश्वरम्। राज्ञा चोत्तानपादेन ऋषिदेवसमागमे

śrīmārkaṇḍeya uvāca| eṣa eva purā praśnaḥ paripṛṣṭo maheśvaram| rājñā cottānapādena ṛṣidevasamāgame

श्री मार्कण्डेय ने कहा — यही प्रश्न पूर्वकाल में राजा उत्तानपाद द्वारा ऋषियों और देवों की सभा में महेश्वर से पूछा गया था।

श्लोक 2 (skanda.5.200.2)

उत्तानपाद उवाच। इदं तीर्थं महापुण्यं सर्वदेवमयं परम्। गुह्याद्गुह्यतरं स्थानं न दृष्टं न श्रुतं हर

uttānapāda uvāca| idaṁ tīrthaṁ mahāpuṇyaṁ sarvadevamayaṁ param| guhyādguhyataraṁ sthānaṁ na dṛṣṭaṁ na śrutaṁ hara

उत्तानपाद ने कहा — यह तीर्थ अत्यन्त पुण्यमय, सम्पूर्ण देवमयी तथा परम है; हे हर! यह गोपनीय से भी अधिक गोपनीय स्थान है, जो न देखा गया है, न सुना गया है।

श्लोक 3 (skanda.5.200.3)

शूलभेदं कथं जातं केनैवोत्पादितं पुरा। माहात्म्यं तस्य तीर्थस्य विस्तराच्छंस मे प्रभो

śūlabhedaṁ kathaṁ jātaṁ kenaivotpāditaṁ purā| māhātmyaṁ tasya tīrthasya vistarācchaṁsa me prabho

शूलभेद कैसे उत्पन्न हुआ, पूर्वकाल में किसने इसे उत्पन्न किया? हे प्रभो! उस तीर्थ का माहात्म्य विस्तार से मुझे बताइए।

श्लोक 4 (skanda.5.200.4)

ईश्वर उवाच। आसीत्पुरा महावीर्यो दानवो बलदर्पितः। मर्त्ये न तादृशः कश्चिद्विक्रमेण बलेन वा

īśvara uvāca| āsītpurā mahāvīryo dānavo baladarpitaḥ| martye na tādṛśaḥ kaścidvikrameṇa balena vā

ईश्वर ने कहा — पूर्वकाल में एक महाबली, बल से उन्मत्त दानव था; मृत्युलोक में पराक्रम या बल में उसके समान कोई नहीं था।

श्लोक 5 (skanda.5.200.5)

सूनुर्ब्रह्मसुतस्यायमन्धको नाम दुर्मदः। निजस्थाने वसन् पापः कुर्वन् राज्यमकण्टकम्

sūnurbrahmasutasyāyamandhako nāma durmadaḥ| nijasthāne vasan pāpaḥ kurvan rājyamakaṇṭakam

वह ब्रह्मपुत्र का पुत्र, अन्धक नामक दुर्मद था; वह अपने ही स्थान में रहते हुए, पापी होकर निष्कण्टक राज्य करता था।

श्लोक 6 (skanda.5.200.6)

हृष्टपुष्टो वसन्मर्त्ये स सुरैर्नाभिभूयते। भवनं तस्य पापस्य वह्नेरुपवनं यथा

hṛṣṭapuṣṭo vasanmartye sa surairnābhibhūyate| bhavanaṁ tasya pāpasya vahnerupavanaṁ yathā

वह मृत्युलोक में स्वस्थ और पुष्ट होकर रहता था, तथा देवों द्वारा भी पराभूत नहीं होता था; उस पापी का भवन मानो अग्नि का उपवन-सा था।

श्लोक 7 (skanda.5.200.7)

एतस्मिन्नन्धकः काले चिन्तयामास भारत। तोषयामि महादेवं येन सानुग्रहो भवेत्

etasminnandhakaḥ kāle cintayāmāsa bhārata| toṣayāmi mahādevaṁ yena sānugraho bhavet

हे भारत! इसी समय अन्धक ने सोचा — मैं महादेव को इस प्रकार संतुष्ट करूँ, जिससे वे मुझ पर अनुगृहीत हो जाएँ।

श्लोक 8 (skanda.5.200.8)

प्रार्थयामि वरं दिव्यं यो मे मनसि वर्तते। परं स निश्चयं कृत्वा सोऽन्धको निर्गतो गृहात्

prārthayāmi varaṁ divyaṁ yo me manasi vartate| paraṁ sa niścayaṁ kṛtvā so'ndhako nirgato gṛhāt

मैं वह दिव्य वर माँगूँगा जो मेरे मन में है — ऐसा दृढ़ निश्चय करके वह अन्धक अपने घर से निकल पड़ा।

श्लोक 9 (skanda.5.200.9)

रेवातटं समासाद्य दानवस्तपसि स्थितः। उग्रं तपश्चचारासौ दारुणं लोमहर्षणम्

revātaṭaṁ samāsādya dānavastapasi sthitaḥ| ugraṁ tapaścacārāsau dāruṇaṁ lomaharṣaṇam

नर्मदा के तट पर पहुँचकर वह दानव तप में स्थित हो गया; उसने उग्र, भयंकर तथा रोमांचकारी तप किया।

श्लोक 10 (skanda.5.200.10)

दिव्यं वर्षसहस्रं स निराहारोऽभवत्ततः। द्वितीयं तु सहस्रं स न्यवसद्वारिभोजनः

divyaṁ varṣasahasraṁ sa nirāhāro'bhavattataḥ| dvitīyaṁ tu sahasraṁ sa nyavasadvāribhojanaḥ

वह एक हजार दिव्य वर्षों तक निराहार रहा; तत्पश्चात् दूसरे हजार वर्ष तक केवल जल का ही आहार करते हुए रहा।

श्लोक 11 (skanda.5.200.11)

तृतीयं तु सहस्रं स धूमपानरतोऽभवत्। चतुर्थं वर्षसाहस्रं योगाभ्यासेन संस्थितः

tṛtīyaṁ tu sahasraṁ sa dhūmapānarato'bhavat| caturthaṁ varṣasāhasraṁ yogābhyāsena saṁsthitaḥ

तीसरे हजार वर्ष तक वह धूमपान में लीन रहा; चौथे हजार वर्ष तक योगाभ्यास में स्थित रहा।

श्लोक 12 (skanda.5.200.12)

कोपीह नेदृश चक्रे तपः परमदारुणम्। अस्थिचर्मावशेषोऽसौ यावत्तिष्ठति भारत

kopīha nedṛśa cakre tapaḥ paramadāruṇam| asthicarmāvaśeṣo'sau yāvattiṣṭhati bhārata

हे भारत! ऐसा परम भयंकर तप किसी ने नहीं किया; वह हड्डी और चमड़ी मात्र शेष रहकर भी स्थित रहा।

श्लोक 13 (skanda.5.200.13)

तस्य मूर्ध्नि ततो राजन् धूमवार्त्तिर्विनिःसृता। देवलोकमतीत्यासौ कैलासं व्याप्य संस्थिता

tasya mūrdhni tato rājan dhūmavārttirviniḥsṛtā| devalokamatītyāsau kailāsaṁ vyāpya saṁsthitā

हे राजन्! तब उसके मस्तक से धूम की एक धारा निकली, जो देवलोक को पार कर कैलास में व्याप्त होकर स्थित हो गई।

श्लोक 14 (skanda.5.200.14)

तावद्देवसमीपस्था उमा वचनमब्रवीत्। कोऽस्त्ययं मानुषे लोके तपसोग्रेण संस्थितः

tāvaddevasamīpasthā umā vacanamabravīt| ko'styayaṁ mānuṣe loke tapasogreṇa saṁsthitaḥ

तभी देव के समीप स्थित उमा ने कहा — मनुष्यलोक में यह कौन है जो इतने उग्र तप में स्थित है?

श्लोक 15 (skanda.5.200.15)

चतुर्वर्षसहस्राणि व्यतीयुः परमेश्वर। न केनापीदृशं तप्तं तपो दृष्टं श्रुतं तथा

caturvarṣasahasrāṇi vyatīyuḥ parameśvara| na kenāpīdṛśaṁ taptaṁ tapo dṛṣṭaṁ śrutaṁ tathā

हे परमेश्वर! चार हजार वर्ष बीत चुके हैं; ऐसा तप न पहले कभी किसी ने किया है, न देखा गया है, न सुना गया है।

श्लोक 16 (skanda.5.200.16)

अवज्ञां कुरुषे देव किमत्र नियमान्विते। सर्वस्य दत्से शीघ्रं त्वमल्पेन तपसा विभो

avajñāṁ kuruṣe deva kimatra niyamānvite| sarvasya datse śīghraṁ tvamalpena tapasā vibho

हे देव! इस विषय में तुम उपेक्षा क्यों कर रहे हो? हे विभो! तुम तो अल्प तप से ही शीघ्र सबको सब कुछ दे देते हो।

श्लोक 17 (skanda.5.200.17)

नाक्षक्रीडां करिष्येऽद्य त्वया सह महेश्वर। यावन्नोत्थाप्यते ह्येष दानवो भक्तवत्सल

nākṣakrīḍāṁ kariṣye'dya tvayā saha maheśvara| yāvannotthāpyate hyeṣa dānavo bhaktavatsala

हे महेश्वर! हे भक्तवत्सल! जब तक इस दानव को उठाया नहीं जाता, तब तक मैं आज तुम्हारे साथ द्यूत-क्रीड़ा नहीं करूँगी।

श्लोक 18 (skanda.5.200.18)

ईश्वर उवाच। साधु साधु महादेवि सर्वलक्षणलक्षिते। अहं तं न विजानामि क्लिश्यन्तं दानवेश्वरम्

īśvara uvāca| sādhu sādhu mahādevi sarvalakṣaṇalakṣite| ahaṁ taṁ na vijānāmi kliśyantaṁ dānaveśvaram

ईश्वर ने कहा — साधु, साधु, हे महादेवी! हे सर्वलक्षणसम्पन्ने! मुझे उस कष्ट भोगते हुए दानवेश्वर के विषय में कुछ भी ज्ञात नहीं था।

श्लोक 19 (skanda.5.200.19)

योगाभ्यासे स्थितो भद्रे ध्यायंस्तत्परमं पदम्। तत्रागच्छ मया सार्द्धं यत्र तप्यत्यसौ तपः

yogābhyāse sthito bhadre dhyāyaṁstatparamaṁ padam| tatrāgaccha mayā sārddhaṁ yatra tapyatyasau tapaḥ

हे भद्रे! मैं योगाभ्यास में स्थित होकर उस परम पद का ध्यान कर रहा था; चलो, मेरे साथ वहाँ चलो जहाँ वह तप कर रहा है।

श्लोक 20 (skanda.5.200.20)

उमया सहितो देवो गतस्तत्र महेश्वरः। अस्थिचर्मावशेषस्तु दृष्टो देवेन शम्भुना

umayā sahito devo gatastatra maheśvaraḥ| asthicarmāvaśeṣastu dṛṣṭo devena śambhunā

उमा सहित देव महेश्वर वहाँ गए; और देव शम्भु ने उसे हड्डी-चमड़ी मात्र शेष देखा।

श्लोक 21 (skanda.5.200.21)

प्रत्युवाच प्रसन्नोऽसौ देवदेवो महेश्वरः। भोभोः कष्टं कृतं भीमं दारुणं लोमहर्षणम्

pratyuvāca prasanno'sau devadevo maheśvaraḥ| bhobhoḥ kaṣṭaṁ kṛtaṁ bhīmaṁ dāruṇaṁ lomaharṣaṇam

प्रसन्न होकर देवदेव महेश्वर ने कहा — अरे, अरे! तुमने भयंकर, दारुण तथा रोमांचकारी कष्ट सहन किया है।

श्लोक 22 (skanda.5.200.22)

ईदृशं च तपो घोरं कस्माद्वत्स त्वया कृतम्। वरं दास्याम्यहं वत्स यस्ते मनसि वर्तते

īdṛśaṁ ca tapo ghoraṁ kasmādvatsa tvayā kṛtam| varaṁ dāsyāmyahaṁ vatsa yaste manasi vartate

हे वत्स! इतना घोर तप तुमने किसलिए किया है? हे वत्स! जो कुछ तुम्हारे मन में है, वह वर मैं तुम्हें दूँगा।

श्लोक 23 (skanda.5.200.23)

अन्धक उवाच। यदि तुष्टोऽसि मे देव वरदो यदि शङ्कर। सुरान् सर्वान् विजेष्यामि त्वत्प्रसादान्महेश्वर

andhaka uvāca| yadi tuṣṭo'si me deva varado yadi śaṅkara| surān sarvān vijeṣyāmi tvatprasādānmaheśvara

अन्धक ने कहा — हे देव! यदि तुम मुझसे संतुष्ट हो, यदि हे शंकर! तुम वरदाता हो, तो हे महेश्वर! तुम्हारी कृपा से मैं समस्त देवताओं को जीत लूँगा।

श्लोक 24 (skanda.5.200.24)

ईश्वर उवाच। स्वप्नेऽपि त्रिदशाः सर्वे न योद्धव्याः कदाचन। असंभाव्यं न वक्तव्यं मनसो यन्न रोचते

īśvara uvāca| svapne'pi tridaśāḥ sarve na yoddhavyāḥ kadācana| asaṁbhāvyaṁ na vaktavyaṁ manaso yanna rocate

ईश्वर ने कहा — स्वप्न में भी समस्त देवताओं से कभी युद्ध नहीं करना चाहिए; जो मन को न भाए, ऐसी असम्भव बात नहीं कहनी चाहिए।

श्लोक 25 (skanda.5.200.25)

अन्यं किमपि याचस्व यस्ते मनसि वर्तते। स्वर्गे वा यदि वा मर्त्ये पातालेषु च संस्थितान्

anyaṁ kimapi yācasva yaste manasi vartate| svarge vā yadi vā martye pātāleṣu ca saṁsthitān

जो कुछ और तुम्हारे मन में है, वह माँगो — चाहे वह स्वर्ग, मृत्युलोक अथवा पाताल में स्थित वस्तुओं से सम्बन्धित हो।

श्लोक 26 (skanda.5.200.26)

मर्त्येषु विविधान् भोगान् भोक्ष्यसि त्वं यथेप्सितान्। कुरु निष्कण्टकं राज्यं स्वर्गे देवपतिर्यथा

martyeṣu vividhān bhogān bhokṣyasi tvaṁ yathepsitān| kuru niṣkaṇṭakaṁ rājyaṁ svarge devapatiryathā

मृत्युलोक में तुम इच्छानुसार विविध भोगों को भोगोगे; तुम अपने राज्य को निष्कण्टक करो, जैसे स्वर्ग में देवपति करता है।

श्लोक 27 (skanda.5.200.27)

देवस्य वचनं श्रुत्वा सोऽन्धको विमनाः स्थितः। वृथा क्लेशश्च मे जातो न किंचित्साधितं मया

devasya vacanaṁ śrutvā so'ndhako vimanāḥ sthitaḥ| vṛthā kleśaśca me jāto na kiṁcitsādhitaṁ mayā

देव का यह वचन सुनकर वह अन्धक दुःखी होकर बैठ गया — मुझे व्यर्थ ही कष्ट हुआ, मैंने कुछ भी सिद्ध नहीं किया।

श्लोक 28 (skanda.5.200.28)

निश्वासं परमं मुक्त्वा निपपात धरातले। मूलच्छिन्नो यथा वृक्षो निरुच्छ्वासस्तदाभवत्

niśvāsaṁ paramaṁ muktvā nipapāta dharātale| mūlacchinno yathā vṛkṣo nirucchvasastadābhavat

गहरी साँस छोड़कर वह पृथ्वी पर गिर पड़ा, तथा मूल से कटे हुए वृक्ष के समान श्वासरहित हो गया।

श्लोक 29 (skanda.5.200.29)

मूर्च्छापन्नं ततो दृष्ट्वा देवी वचनमब्रवीत्। यं कामं कामयत्येष तमस्मै देहि शङ्कर। भक्तानुपेक्षमाणस्य तवाकीर्तिर्भविष्यति

mūrcchāpannaṁ tato dṛṣṭvā devī vacanamabravīt| yaṁ kāmaṁ kāmayatyeṣa tamasmai dehi śaṅkara| bhaktānupekṣamāṇasya tavākīrtirbhaviṣyati

उसे मूर्च्छित देखकर देवी ने कहा — हे शंकर! यह जो कामना करता है, वह उसे दे दो; क्योंकि अपने भक्त की उपेक्षा करने से तुम्हारी अपकीर्ति होगी।

श्लोक 30 (skanda.5.200.30)

ईश्वर उवाच। यदि दास्ये वरं देवि इच्छाभूतं कदाचन। ततो न मंस्यते विष्णुं न ब्रह्माणं न मामपि। उच्चत्वमाप्तो देवेशि अन्यानपि सुरासुरान्

īśvara uvāca| yadi dāsye varaṁ devi icchābhūtaṁ kadācana| tato na maṁsyate viṣṇuṁ na brahmāṇaṁ na māmapi| uccatvamāpto deveśi anyānapi surāsurān

ईश्वर ने कहा — हे देवि! यदि मैं कभी उसे उसकी इच्छा के अनुरूप वर दे दूँ, तो सर्वोच्चता को पाकर वह न विष्णु को मानेगा, न ब्रह्मा को, न मुझे भी, और न ही हे देवेशि! अन्य देवों और असुरों को।

श्लोक 31 (skanda.5.200.31)

देव्युवाच। कमप्युपायमाश्रित्य उत्थापय महेश्वर। विष्णुवर्जं सुरान्सर्वाञ्जयस्वेति वरं वद

devyuvāca| kamapyupāyamāśritya utthāpaya maheśvara| viṣṇuvarjaṁ surānsarvāñjayasveti varaṁ vada

देवी ने कहा — हे महेश्वर! किसी उपाय का आश्रय लेकर उसे उठाओ; उसे यह वर दो कि विष्णु को छोड़कर वह समस्त देवों को जीत ले।

श्लोक 32 (skanda.5.200.32)

ईश्वर उवाच। उपायः शोभनो देवि यो मे मनसि वर्तते। तमेवास्मै प्रदास्यामि यस्त्वया कथितो वरः

īśvara uvāca| upāyaḥ śobhano devi yo me manasi vartate| tamevāsmai pradāsyāmi yastvayā kathito varaḥ

ईश्वर ने कहा — हे देवी! जो सुन्दर उपाय मेरे मन में है, वही मैं इसे दूँगा, जो वर तुमने बताया है।

श्लोक 33 (skanda.5.200.33)

ततोऽमृतेन संसिक्तः स्वस्थोऽभूत्तत्क्षणादयम्। तथा पुनर्नवो जातः सर्वावयवशोभितः

tato'mṛtena saṁsiktaḥ svastho'bhūttatkṣaṇādayam| tathā punarnavo jātaḥ sarvāvayavaśobhitaḥ

तब अमृत से सिंचित होकर वह उसी क्षण स्वस्थ हो गया, और समस्त अंगों से सुशोभित होकर मानो पुनः नवजात हो गया।

श्लोक 34 (skanda.5.200.34)

शृणुष्वैकमना भूत्वा गृहाण वरमुत्तमम्। विष्णुवर्जं प्रदास्यामि यत्तवाभिमतं प्रियम्

śṛṇuṣvaikamanā bhūtvā gṛhāṇa varamuttamam| viṣṇuvarjaṁ pradāsyāmi yattavābhimataṁ priyam

एकाग्रचित्त होकर सुनो, यह उत्तम वर ग्रहण करो; विष्णु को छोड़कर, जो कुछ तुम्हें प्रिय अभीष्ट है, वह मैं दूँगा।

श्लोक 35 (skanda.5.200.35)

सर्वं च सफलं तुभ्यं मा धर्मस्तेऽन्यथा भवेत्। ददामीति वरं तुभ्यं मन्यसे यदि चासुर। विष्णुवर्जं सुरान् सर्वाञ्जेष्यसि त्वं च मां विना

sarvaṁ ca saphalaṁ tubhyaṁ mā dharmaste'nyathā bhavet| dadāmīti varaṁ tubhyaṁ manyase yadi cāsura| viṣṇuvarjaṁ surān sarvāñjeṣyasi tvaṁ ca māṁ vinā

तुम्हारे लिए सब कुछ सफल हो, तुम्हारा धर्म अन्यथा न हो; हे असुर! यदि तुम इसे वर के रूप में स्वीकार करते हो, तो मैं तुम्हें यह देता हूँ — विष्णु और मुझे छोड़कर तुम समस्त देवताओं को जीत लोगे।

श्लोक 36 (skanda.5.200.36)

अन्धक उवाच। भवत्वेवमिति प्राह बलमास्थाय केवलम्। विष्णुवर्जं विजेष्येऽहं स्वबलेन महेश्वर

andhaka uvāca| bhavatvevamiti prāha balamāsthāya kevalam| viṣṇuvarjaṁ vijeṣye'haṁ svabalena maheśvara

अन्धक ने कहा — 'ऐसा ही हो' — यह कहकर, केवल अपने बल पर विश्वास करते हुए, उसने कहा — हे महेश्वर! विष्णु को छोड़कर मैं अपने ही बल से सबको जीत लूँगा।

श्लोक 37 (skanda.5.200.37)

कृतार्थोऽहं हि संजात इत्युक्त्वा प्रणतिं गतः। गच्छ देवोमयासार्द्धं कैलासशिखरं वरम्

kṛtārtho'haṁ hi saṁjāta ityuktvā praṇatiṁ gataḥ| gaccha devomayāsārddhaṁ kailāsaśikharaṁ varam

'मैं कृतार्थ हो गया हूँ' — ऐसा कहकर उसने प्रणाम किया। जाओ देव, उमा सहित उत्तम कैलास शिखर की ओर।

श्लोक 38 (skanda.5.200.38)

वृषपुंगवमारुह्य देवोऽसावुमया सह। वरं दत्त्वा स तस्यैवं तत्रैवान्तरधीयत

vṛṣapuṁgavamāruhya devo'sāvumayā saha| varaṁ dattvā sa tasyaivaṁ tatraivāntaradhīyata

वृषभश्रेष्ठ पर आरूढ़ होकर वह देव उमा सहित, इस प्रकार उसे वर देकर वहीं अन्तर्धान हो गए।