गीर्वाणों का देवसहायार्थ गमन

श्लोक 1 (skanda.5.202.1)

श्रीमार्कण्डेय उवाच। गीर्वाणाश्च ततः सर्वे ब्रह्माणं शरणं गताः। गजैर्गिरिवराकारैर्हयैश्चैव गजोपमैः

śrīmārkaṇḍeya uvāca| gīrvāṇāśca tataḥ sarve brahmāṇaṁ śaraṇaṁ gatāḥ| gajairgirivarākārairhayaiścaiva gajopamaiḥ

श्री मार्कण्डेय ने कहा — तब समस्त देवगण, पर्वत के समान विशाल हाथियों तथा हाथियों के समान अश्वों पर सवार होकर, ब्रह्मा की शरण में गए।

श्लोक 2 (skanda.5.202.2)

स्यन्दनैर्नगराकारैः सिंहशार्दूलयोजितैः। कच्छपैर्महिषैश्चान्यैर्मकरैश्च तथापरे

syandanairnagarākāraiḥ siṁhaśārdūlayojitaiḥ| kacchapairmahiṣaiścānyairmakaraiśca tathāpare

नगर के समान विशाल रथों पर, सिंहों और व्याघ्रों से जुते हुए वाहनों पर, तथा कुछ अन्य कछुओं, भैंसों और मगरमच्छों पर सवार होकर,

श्लोक 3 (skanda.5.202.3)

ब्रह्मलोकमनुप्राप्ता देवाः शक्रपुरोगमाः। दृष्ट्वा पद्मोद्भवं देवं साष्टाङ्गं प्रणताः सुराः

brahmalokamanuprāptā devāḥ śakrapurogamāḥ| dṛṣṭvā padmodbhavaṁ devaṁ sāṣṭāṅgaṁ praṇatāḥ surāḥ

शक्र को आगे रखकर समस्त देवगण ब्रह्मलोक में पहुँचे; कमल से उत्पन्न देव ब्रह्मा को देखकर देवगण साष्टांग प्रणाम करने लगे।

श्लोक 4 (skanda.5.202.4)

देवा ऊचुः। जय देव जगद्वन्द्य जय संसृतिकारक। पद्मयोने सुरश्रेष्ठ त्वामेव शरणं गताः

devā ūcuḥ| jaya deva jagadvandya jaya saṁsṛtikāraka| padmayone suraśreṣṭha tvāmeva śaraṇaṁ gatāḥ

देवों ने कहा — हे देव! हे जगद्वन्दनीय! जय हो; हे संसार के रचयिता! जय हो। हे कमलयोनि! हे सुरश्रेष्ठ! हम तुम्हारी ही शरण में आए हैं।

श्लोक 5 (skanda.5.202.5)

सोद्वेगं भाषितं श्रुत्वा देवानां भावितात्मनाम्। मेघगम्भीरया वाचा देवराजमुवाच ह

sodvegaṁ bhāṣitaṁ śrutvā devānāṁ bhāvitātmanām| meghagambhīrayā vācā devarājamuvāca ha

उन शुद्धचित्त देवों की व्याकुल वाणी सुनकर, मेघ के समान गम्भीर वाणी में ब्रह्मा ने देवराज इन्द्र से कहा।

श्लोक 6 (skanda.5.202.6)

किमत्रागमनं देवाः सर्वेषां वै विवर्णता। केनापमानिताः सर्वे शीघ्रं मे कथ्यतां स्वयम्

kimatrāgamanaṁ devāḥ sarveṣāṁ vai vivarṇatā| kenāpamānitāḥ sarve śīghraṁ me kathyatāṁ svayam

हे देवों! तुम सबका यहाँ आगमन किसलिए हुआ है? तुम सबके मुख इतने विवर्ण क्यों हैं? किसने तुम सबका अपमान किया है, यह स्वयं शीघ्र मुझे बताओ।

श्लोक 7 (skanda.5.202.7)

देवा ऊचुः। अन्धकाख्यो महादैत्यो बलवान् पद्मसम्भव। तेन देवगणाः सर्वे धनरत्नैर्वियोजिताः

devā ūcuḥ| andhakākhyo mahādaityo balavān padmasambhava| tena devagaṇāḥ sarve dhanaratnairviyojitāḥ

देवों ने कहा — हे कमलसम्भव! अन्धक नामक महाबली दैत्य ने समस्त देवगणों को धन-रत्नों से वंचित कर दिया है।

श्लोक 8 (skanda.5.202.8)

हत्वा देवगणांस्तावदसिचक्रपरद्द्विश्वधैः। गृहीत्वा शक्रभार्यां स दानवोऽपि गतो बलात्

hatvā devagaṇāṁstāvadasicakraparaddviśvadhaiḥ| gṛhītvā śakrabhāryāṁ sa dānavo'pi gato balāt

तलवार, चक्र तथा विविध अन्य शस्त्रों से देवगणों का वध कर, वह दानव शक्र की पत्नी को बलपूर्वक हरण कर ले गया।

श्लोक 9 (skanda.5.202.9)

देवानां वचनं श्रुत्वा ब्रह्मा लोकपितामहः। चिन्तयामास राजेन्द्र वधार्थं दानवस्य ह

devānāṁ vacanaṁ śrutvā brahmā lokapitāmahaḥ| cintayāmāsa rājendra vadhārthaṁ dānavasya ha

हे राजेन्द्र! देवों का यह वचन सुनकर लोकपितामह ब्रह्मा उस दानव के वध के उपाय पर विचार करने लगे।

श्लोक 10 (skanda.5.202.10)

अवध्यो दानवः पापः सर्वेषां वो दिवौकसाम्। स त्राता सर्वजगतां नान्यो विद्येत कुत्रचित्

avadhyo dānavaḥ pāpaḥ sarveṣāṁ vo divaukasām| sa trātā sarvajagatāṁ nānyo vidyeta kutracit

वह पापी दानव तुम सभी देवताओं के लिए अवध्य है; समस्त जगत का त्राता तो वही है, अन्य कोई कहीं भी नहीं है।

श्लोक 11 (skanda.5.202.11)

एवमुक्ताः सुराः सर्वे ब्रह्मणा तदनन्तरम्। ब्रह्माणं ते पुरस्कृत्य गता यत्र स केशवः। तुष्टुवुर्विविधैः स्तोत्रैर्ब्रह्माद्याश्चक्रपाणिनम्

evamuktāḥ surāḥ sarve brahmaṇā tadanantaram| brahmāṇaṁ te puraskṛtya gatā yatra sa keśavaḥ| tuṣṭuvurvividhaiḥ stotrairbrahmādyāścakrapāṇinam

इस प्रकार ब्रह्मा द्वारा कहे जाने पर तत्पश्चात् समस्त देवगण, ब्रह्मा को आगे रखकर, वहाँ गए जहाँ केशव थे; और ब्रह्मा आदि सभी ने चक्रधारी विष्णु की विविध स्तोत्रों से स्तुति की।

श्लोक 12 (skanda.5.202.12)

देवा ऊचुः। जय त्वं देवदेवेश लक्ष्म्या वक्षःस्थलाश्रितः। असुरक्षय देवेश वयं ते शरणं गताः

devā ūcuḥ| jaya tvaṁ devadeveśa lakṣmyā vakṣaḥsthalāśritaḥ| asurakṣaya deveśa vayaṁ te śaraṇaṁ gatāḥ

देवों ने कहा — हे देवदेवेश! हे लक्ष्मी को अपने वक्षस्थल पर धारण करने वाले! तुम्हारी जय हो। हे देवेश! हे असुरनाशक! हम तुम्हारी शरण में आए हैं।

श्लोक 13 (skanda.5.202.13)

स्तूयमानः सुरैः सर्वैर्ब्रह्माद्यैश्च जनार्दनः। सम्प्रहृष्टमना भूत्वा सुरसङ्घमुवाच ह

stūyamānaḥ suraiḥ sarvairbrahmādyaiśca janārdanaḥ| samprahṛṣṭamanā bhūtvā surasaṅghamuvāca ha

समस्त देवों तथा ब्रह्मा आदि द्वारा स्तुति किए जाते हुए जनार्दन प्रसन्नचित्त होकर देवसमूह से बोले।

श्लोक 14 (skanda.5.202.14)

श्रीवासुदेव उवाच। स्वागतं देवविप्राणां सुप्रभाताद्य शर्वरी। किं कार्यं प्रोच्यतां क्षिप्रं कस्य रुष्टा दिवौकसः

śrīvāsudeva uvāca| svāgataṁ devaviprāṇāṁ suprabhātādya śarvarī| kiṁ kāryaṁ procyatāṁ kṣipraṁ kasya ruṣṭā divaukasaḥ

श्री वासुदेव ने कहा — हे देवों तथा ब्राह्मणों! स्वागत है; आज की रात्रि सुप्रभात हो गई। शीघ्र बताओ कि क्या कार्य है, तथा किस पर देवगण रुष्ट हैं?

श्लोक 15 (skanda.5.202.15)

किं दुःखं कश्च संतापः कुतो वा भयमागतम्। कथयन्तु महाभागाः कारणं यन्मनोगतम्

kiṁ duḥkhaṁ kaśca saṁtāpaḥ kuto vā bhayamāgatam| kathayantu mahābhāgāḥ kāraṇaṁ yanmanogatam

क्या दुःख है, क्या संताप है, तथा कहाँ से भय आया है? हे महाभागों! जो कुछ तुम्हारे मन में है, वह कारण बताओ।

श्लोक 16 (skanda.5.202.16)

पराभवः कृतो येन सोऽद्य यातु यमालयम्। एवमुक्तास्तु कृष्णेन कथयामासुरस्य तत्

parābhavaḥ kṛto yena so'dya yātu yamālayam| evamuktāstu kṛṣṇena kathayāmāsurasya tat

जिसने तुम्हारा पराभव किया है, वह आज यमलोक को जाएगा। कृष्ण द्वारा इस प्रकार कहे जाने पर देवों ने उसे वह सब बताया।

श्लोक 17 (skanda.5.202.17)

दर्शयन्तः स्वकान्देहान् लज्जमाना ह्यधोमुखाः। हृतराज्या ह्यन्धकेन कृता निस्तेजसः प्रभो

darśayantaḥ svakāndehān lajjamānā hyadhomukhāḥ| hṛtarājyā hyandhakena kṛtā nistejasaḥ prabho

वे लज्जित होकर, मुख नीचा किए हुए, अपने शरीरों को दिखाते हुए बोले — हे प्रभो! अन्धक ने हमारा राज्य छीनकर हमें तेजोहीन कर दिया है।

श्लोक 18 (skanda.5.202.18)

पितेव पुत्रं परिरक्ष देव जहीन्द्रशत्रुं सह पुत्रपौत्रैः। तथेति चोक्तः कमलासनेन सुरासुरैर्वन्दितपादपद्मः

piteva putraṁ parirakṣa deva jahīndraśatruṁ saha putrapautraiḥ| tatheti coktaḥ kamalāsanena surāsurairvanditapādapadmaḥ

हे देव! जैसे पिता पुत्र की रक्षा करता है, वैसे हमारी रक्षा करो, तथा इन्द्र के इस शत्रु को उसके पुत्र-पौत्रों सहित नष्ट कर दो। कमलासन ब्रह्मा द्वारा ऐसा कहे जाने पर, सुर-असुरों द्वारा जिनके चरणकमल वन्दित हैं, उन्होंने 'ऐसा ही होगा' कहा।

श्लोक 19 (skanda.5.202.19)

शङ्खं चक्रं गदां चापं संगृह्य परमेश्वरः। उत्थितो भोगपर्यङ्काद्देवानां पुरतस्तदा

śaṅkhaṁ cakraṁ gadāṁ cāpaṁ saṁgṛhya parameśvaraḥ| utthito bhogaparyaṅkāddevānāṁ puratastadā

शंख, चक्र, गदा और धनुष धारण कर, वह परमेश्वर तब देवों के सम्मुख अपनी शेष-शय्या से उठ खड़े हुए।

श्लोक 20 (skanda.5.202.20)

श्रीवासुदेव उवाच। पाताले यदि वा मर्त्ये नाके वा यदि तिष्ठति। तं हनिष्याम्यहं पापं येन संतापिताः सुराः

śrīvāsudeva uvāca| pātāle yadi vā martye nāke vā yadi tiṣṭhati| taṁ haniṣyāmyahaṁ pāpaṁ yena santāpitāḥ surāḥ

श्री वासुदेव ने कहा — चाहे वह पाताल में हो, चाहे मृत्युलोक में, चाहे स्वर्ग में हो, मैं उस पापी का वध करूँगा, जिसने देवों को संतप्त किया है।

श्लोक 21 (skanda.5.202.21)

स्वं स्थानं यान्तु गीर्वाणाः संतुष्टा भावितौजसः। विष्णोस्तद्वचनं श्रुत्वा ब्रह्माद्यास्ते सवासवाः। स्वयानैस्तु हरिं नत्वा हृदि तुष्टा दिवं ययुः

svaṁ sthānaṁ yāntu gīrvāṇāḥ saṁtuṣṭā bhāvitaujasaḥ| viṣṇostadvacanaṁ śrutvā brahmādyāste savāsavāḥ| svayānaistu hariṁ natvā hṛdi tuṣṭā divaṁ yayuḥ

देवगण संतुष्ट और पुनः तेजस्वी होकर अपने-अपने स्थान को जाएँ। विष्णु का यह वचन सुनकर, इन्द्र सहित ब्रह्मा आदि सभी देवगण, अपने-अपने विमानों पर हरि को प्रणाम कर, हृदय से संतुष्ट होकर स्वर्ग को चले गए।