अन्धक-वध और वरदान

श्लोक 1 (skanda.5.203.1)

उत्तानपाद उवाच। कस्मिन्स्थानेऽवसद्देव सोऽन्धको दैत्यपुंगवः। सर्वान्देवांश्च निर्जित्य कस्मिन्स्थाने समास्थितः

uttānapāda uvāca| kasminsthāne'vasaddeva so'ndhako daityapuṁgavaḥ| sarvāndevāṁśca nirjitya kasminsthāne samāsthitaḥ

उत्तानपाद ने कहा — हे देव! समस्त देवों को जीतकर वह दैत्यश्रेष्ठ अन्धक किस स्थान में रहा, तथा किस स्थान में जा बसा?

श्लोक 2 (skanda.5.203.2)

श्रीमहेश उवाच। प्रविष्टो दानवो यत्र कथयामि नराधिप। पाताललोकमाश्रित्य कन्या विध्वंसते तु सः

śrīmaheśa uvāca| praviṣṭo dānavo yatra kathayāmi narādhipa| pātālalokamāśritya kanyā vidhvaṁsate tu saḥ

श्री महेश ने कहा — हे नराधिप! मैं बताता हूँ कि वह दानव कहाँ प्रविष्ट हुआ; वह पातालोक का आश्रय लेकर वहाँ की कन्याओं को भ्रष्ट करता था।

श्लोक 3 (skanda.5.203.3)

तत्र स्थितं तं विज्ञाय चापमादाय केशवः। व्यसृजद्बाणमाग्नेयं दह्यतामिति चिन्तयन्

tatra sthitaṁ taṁ vijñāya cāpamādāya keśavaḥ| vyasṛjadbāṇamāgneyaṁ dahyatāmiti cintayan

उसे वहाँ स्थित जानकर केशव ने धनुष उठाकर, यह जल जाए ऐसा सोचते हुए, आग्नेय बाण छोड़ा।

श्लोक 4 (skanda.5.203.4)

दह्यमानोऽग्निना सोऽपि वारुणास्त्रं स संदधे। वारुणास्त्रेण महता आग्नेयं शमितं तदा

dahyamāno'gninā so'pi vāruṇāstraṁ sa saṁdadhe| vāruṇāstreṇa mahatā āgneyaṁ śamitaṁ tadā

अग्नि से जलता हुआ वह भी वारुण अस्त्र का संधान करने लगा; उस महान वारुण अस्त्र से आग्नेय अस्त्र तब शान्त हो गया।

श्लोक 5 (skanda.5.203.5)

ततोऽसौ चिन्तयामास केन बाणो विसर्जितः। कस्यैषा पौरुषी शक्तिः को यास्यति यमालयम्

tato'sau cintayāmāsa kena bāṇo visarjitaḥ| kasyaiṣā pauruṣī śaktiḥ ko yāsyati yamālayam

फिर वह सोचने लगा — यह बाण किसने छोड़ा है? यह पौरुष-शक्ति किसकी है? कौन यमलोक को जाएगा?

श्लोक 6 (skanda.5.203.6)

ततोऽन्धको मृधे क्रुद्धो बाणमार्गेण निर्गतः। स दृष्ट्वा बाणमार्गेण चापहस्तं जनार्दनम्

tato'ndhako mṛdhe kruddho bāṇamārgeṇa nirgataḥ| sa dṛṣṭvā bāṇamārgeṇa cāpahastaṁ janārdanam

तब क्रुद्ध हुआ अन्धक युद्धभूमि में बाण के मार्ग से निकल आया; उसने बाण के मार्ग से धनुषधारी जनार्दन को देखा।

श्लोक 7 (skanda.5.203.7)

अन्धक उवाच। न शर्म लप्स्यसे ह्यद्य मया दृष्ट्याभिवीक्षितः। न शक्नोषि तथा गन्तुं नागः शार्दूलदर्शनात्

andhaka uvāca| na śarma lapsyase hyadya mayā dṛṣṭyābhivīkṣitaḥ| na śaknoṣi tathā gantuṁ nāgaḥ śārdūladarśanāt

अन्धक ने कहा — आज तुम मेरी दृष्टि से देखे जाकर सुख नहीं पाओगे; जैसे नाग व्याघ्र को देखकर भाग नहीं सकता, वैसे ही तुम भी नहीं जा सकोगे।

श्लोक 8 (skanda.5.203.8)

आगच्छति यथा भक्ष्यं मार्जारस्य च मूषिकः। न शक्नोषि तथा यातुं संस्थितस्त्वं ममाग्रतः

āgacchati yathā bhakṣyaṁ mārjārasya ca mūṣikaḥ| na śaknoṣi tathā yātuṁ saṁsthitastvaṁ mamāgrataḥ

जैसे बिल्ली का भक्ष्य मूषक स्वयं ही उसके पास आ जाता है, वैसे ही तुम भी मेरे सामने खड़े होकर जा नहीं सकोगे।

श्लोक 9 (skanda.5.203.9)

अहं त्वां प्रेषयिष्यामि यममार्गे सुदारुणे। अहमन्वेषयिष्यामि किल यास्यामि ते गृहम्

ahaṁ tvāṁ preṣayiṣyāmi yamamārge sudāruṇe| ahamanveṣayiṣyāmi kila yāsyāmi te gṛham

मैं तुम्हें उस अत्यन्त भयंकर यममार्ग पर भेज दूँगा; मैं ही तुम्हें ढूँढूँगा और तुम्हारे घर जाऊँगा।

श्लोक 10 (skanda.5.203.10)

उपनीतोऽसि कालेन सङ्ग्रामे मम केशव। ये त्वया निर्जिताः पूर्वं दानवा अप्यनेकशः

upanīto'si kālena saṅgrāme mama keśava| ye tvayā nirjitāḥ pūrvaṁ dānavā apyanekaśaḥ

हे केशव! समय ने तुम्हें मेरे युद्ध में ला खड़ा किया है; जिन अनेक दानवों को तुमने पूर्वकाल में जीता था,

श्लोक 11 (skanda.5.203.11)

न भवन्ति पुमांसस्ते स्त्रियस्ताश्चैव केशव। परं न शस्त्रसङ्ग्रामं करिष्यामि त्वया सह

na bhavanti pumāṁsaste striyastāścaiva keśava| paraṁ na śastrasaṅgrāmaṁ kariṣyāmi tvayā saha

हे केशव! वे पुरुष नहीं थे, वे तो स्त्रियाँ ही थीं। परन्तु मैं तुम्हारे साथ शस्त्र-युद्ध नहीं करूँगा।

श्लोक 12 (skanda.5.203.12)

वदतो दानवेन्द्रस्य न चुकोप स केशवः। अयुध्यमानं तं दृष्ट्वा चिन्तयामास दानवः

vadato dānavendrasya na cukopa sa keśavaḥ| ayudhyamānaṁ taṁ dṛṣṭvā cintayāmāsa dānavaḥ

दानवेन्द्र के इस प्रकार बोलने पर भी केशव कुपित नहीं हुए; उन्हें युद्ध न करते हुए देखकर दानव सोचने लगा।

श्लोक 13 (skanda.5.203.13)

द्वन्द्वयुद्धं करिष्यामि निश्चित्य युयुधे नृप। स कृष्णेन पदाक्षिप्तः पतितः पृथिवीतले

dvandvayuddhaṁ kariṣyāmi niścitya yuyudhe nṛpa| sa kṛṣṇena padākṣiptaḥ patitaḥ pṛthivītale

हे नृप! 'मैं द्वन्द्वयुद्ध करूँगा' ऐसा निश्चय कर वह लड़ने लगा; कृष्ण ने उसे पैर से आघात कर पृथ्वी पर गिरा दिया।

श्लोक 14 (skanda.5.203.14)

मुहूर्तात्स समाश्वस्य उत्थायेदं व्यचिन्तयत्। अशक्तो द्वन्द्वयुद्धाय ततः साम प्रयुक्तवान्। पाणिभ्यां सम्पुटं कृत्वा साष्टाङ्गं प्रणतः शुचिः

muhūrtātsa samāśvasya utthāyedaṁ vyacintayat| aśakto dvandvayuddhāya tataḥ sāma prayuktavān| pāṇibhyāṁ sampuṭaṁ kṛtvā sāṣṭāṅgaṁ praṇataḥ śuciḥ

एक मुहूर्त पश्चात् वह सचेत होकर उठा और यह विचार करने लगा; द्वन्द्वयुद्ध में असमर्थ होकर उसने साम-नीति का प्रयोग किया; दोनों हाथों को जोड़कर, पवित्र होकर, उसने साष्टांग प्रणाम किया।

श्लोक 15 (skanda.5.203.15)

अन्धक उवाच। जय कृष्णाय हरये विष्णवे जिष्णवे नमः। हृषीकेश जगद्धात्रे अच्युताय महात्मने

andhaka uvāca| jaya kṛṣṇāya haraye viṣṇave jiṣṇave namaḥ| hṛṣīkeśa jagaddhātre acyutāya mahātmane

अन्धक ने कहा — कृष्ण को जय हो, हरि को, विष्णु को, विजयी को नमस्कार है। हे हृषीकेश! हे जगद्धाता! हे अच्युत! हे महात्मन्! तुम्हें नमस्कार।

श्लोक 16 (skanda.5.203.16)

नमः पङ्कजनाभाय नमः पङ्कजमालिने। जनार्दनाय श्रीशाय श्रीपते पीतवाससे

namaḥ paṅkajanābhāya namaḥ paṅkajamāline| janārdanāya śrīśāya śrīpate pītavāsase

लोटस-नाभि वाले को नमस्कार, लोटस-माला धारण करने वाले को नमस्कार; जनार्दन को, श्रीश को, हे श्रीपते! हे पीताम्बरधारी! तुम्हें नमस्कार।

श्लोक 17 (skanda.5.203.17)

गोविन्दाय नमो नित्यं नमो जलधिशायिने। नमः करालवक्त्राय नरसिंहाय नादिने

govindāya namo nityaṁ namo jaladhiśāyine| namaḥ karālavaktrāya narasiṁhāya nādine

गोविन्द को सदा नमस्कार, समुद्र में शयन करने वाले को नमस्कार; भयंकर मुख वाले, गर्जन करने वाले नृसिंह को नमस्कार।

श्लोक 18 (skanda.5.203.18)

शार्ङ्गिणे सितवर्णाय शङ्खचक्रगदाभृते। नमो वामनरूपाय यज्ञरूपाय ते नमः

śārṅgiṇe sitavarṇāya śaṅkhacakragadābhṛte| namo vāmanarūpāya yajñarūpāya te namaḥ

शार्ङ्ग धनुषधारी, श्वेतवर्ण, शंख-चक्र-गदाधारी को नमस्कार; वामनरूप को नमस्कार, यज्ञरूप तुम्हें नमस्कार।

श्लोक 19 (skanda.5.203.19)

नमो वराहरूपाय क्रान्तलोकत्रयाय च। व्याप्ताशेषदिगन्ताय केशवाय नमोनमः

namo varāharūpāya krāntalokatrayāya ca| vyāptāśeṣadigantāya keśavāya namonamaḥ

वराहरूप को नमस्कार, तीनों लोकों को नापने वाले को नमस्कार; समस्त दिशाओं में व्याप्त केशव को बार-बार नमस्कार।

श्लोक 20 (skanda.5.203.20)

वासुदेव नमस्तुभ्यं नमः कैटभनाशिने। लक्ष्म्यालय सुरश्रेष्ठ नमस्ते सुरनायक

vāsudeva namastubhyaṁ namaḥ kaiṭabhanāśine| lakṣmyālaya suraśreṣṭha namaste suranāyaka

हे वासुदेव! तुम्हें नमस्कार, कैटभ के नाशक को नमस्कार; हे लक्ष्मी के निवासस्थान! हे सुरश्रेष्ठ! हे सुरनायक! तुम्हें नमस्कार है।

श्लोक 21 (skanda.5.203.21)

विष्णोर्देवाधिदेवस्य प्रमाणं येऽपि कुर्वते। प्रजापतेर्जगद्धातुस्तेषामपि नमाम्यहम्

viṣṇordevādhidevasya pramāṇaṁ ye'pi kurvate| prajāpaterjagaddhātusteṣāmapi namāmyaham

विष्णु, जो देवों के अधिदेव, प्रजापति तथा जगत के धाता हैं, उनका प्रमाण मानने वालों को भी मैं नमस्कार करता हूँ।

श्लोक 22 (skanda.5.203.22)

समस्तभूतदेवस्य वासुदेवस्य धीमतः। प्रणामं ये प्रकुर्वन्ति तेषामपि नमाम्यहम्

samastabhūtadevasya vāsudevasya dhīmataḥ| praṇāmaṁ ye prakurvanti teṣāmapi namāmyaham

समस्त प्राणियों के देव, बुद्धिमान वासुदेव को जो प्रणाम करते हैं, उन्हें भी मैं नमस्कार करता हूँ।

श्लोक 23 (skanda.5.203.23)

तस्य यज्ञवराहस्य विष्णोरमिततेजसः। प्रणामं ये प्रकुर्वन्ति तेषामपि नमाम्यहम्

tasya yajñavarāhasya viṣṇoramitatejasaḥ| praṇāmaṁ ye prakurvanti teṣāmapi namāmyaham

अमित तेजस्वी उस यज्ञवराह विष्णु को जो प्रणाम करते हैं, उन्हें भी मैं नमस्कार करता हूँ।

श्लोक 24 (skanda.5.203.24)

गुणानां हि निधानाय नमस्तेऽस्तु पुनःपुनः। कारुण्याम्बुनिधे देव सर्वभक्तिप्रियाय च

guṇānāṁ hi nidhānāya namaste'stu punaḥpunaḥ| kāruṇyāmbunidhe deva sarvabhaktipriyāya ca

गुणों के निधान तुम्हें बार-बार नमस्कार है; हे देव! हे करुणा के सागर! हे समस्त भक्तों के प्रिय!

श्लोक 25 (skanda.5.203.25)

श्रीभगवानुवाच। तुष्टस्ते दानवेन्द्राहं वरं वृणु यथेप्सितम्। ददामि ते वरं नूनमपि त्रैलोक्यदुर्लभम्

śrībhagavānuvāca| tuṣṭaste dānavendrāhaṁ varaṁ vṛṇu yathepsitam| dadāmi te varaṁ nūnamapi trailokyadurlabham

श्रीभगवान ने कहा — हे दानवेन्द्र! मैं तुमसे संतुष्ट हूँ; अपनी इच्छानुसार वर माँगो। मैं तुम्हें निश्चय ही ऐसा वर दूँगा जो त्रैलोक्य में भी दुर्लभ है।

श्लोक 26 (skanda.5.203.26)

अन्धक उवाच। यदि तुष्टोऽसि मे देव वरं दास्यसि चेप्सितम्। तदा ददस्व मे देव युद्धं परमशोभनम्। अवद्धस्तपूतो येनाहं लोकान्गन्तास्मि शोभनान्

andhaka uvāca| yadi tuṣṭo'si me deva varaṁ dāsyasi cepsitam| tadā dadasva me deva yuddhaṁ paramaśobhanam| avaddhastapūto yenāhaṁ lokāngantāsmi śobhanān

अन्धक ने कहा — हे देव! यदि तुम मुझसे संतुष्ट हो, यदि इच्छित वर देना चाहते हो, तो हे देव! मुझे परम शोभन युद्ध प्रदान करो, जिससे हाथ बँधे बिना, पवित्र होकर, मैं शुभ लोकों को प्राप्त हो सकूँ।

श्लोक 27 (skanda.5.203.27)

श्रीभगवानुवाच। कथं ददामि ते युद्धं तोषितोऽहं त्वया पुनः। न त्वां तु प्रभवेत्कोपः कथं युध्यामि तेऽन्धक

śrībhagavānuvāca| kathaṁ dadāmi te yuddhaṁ toṣito'haṁ tvayā punaḥ| na tvāṁ tu prabhavetkopaḥ kathaṁ yudhyāmi te'ndhaka

श्रीभगवान ने कहा — मैं तुम्हें युद्ध कैसे दूँ, जबकि तुमने मुझे संतुष्ट किया है? तुम पर तो मुझे क्रोध ही नहीं आता; हे अन्धक! फिर मैं तुमसे कैसे युद्ध करूँ?

श्लोक 28 (skanda.5.203.28)

यदि ते वर्तते बुद्धिर्युद्धं प्रति न संशयः। ततो गच्छस्व युद्धाय देवं प्रति महेश्वरम्

yadi te vartate buddhiryuddhaṁ prati na saṁśayaḥ| tato gacchasva yuddhāya devaṁ prati maheśvaram

यदि तुम्हारी बुद्धि युद्ध की ओर निश्चय ही प्रवृत्त है, तो देव महेश्वर के विरुद्ध युद्ध करने जाओ।

श्लोक 29 (skanda.5.203.29)

अन्धक उवाच। न तत्र सिध्यते कार्यं देवं प्रति महेश्वरम्

andhaka uvāca| na tatra sidhyate kāryaṁ devaṁ prati maheśvaram

अन्धक ने कहा — देव महेश्वर के विरुद्ध वह कार्य सिद्ध नहीं हो सकेगा।

श्लोक 30 (skanda.5.203.30)

श्रीभगवानुवाच। पुत्र त्वं शिखरं गत्वा धूनयस्व बलेन च

śrībhagavānuvāca| putra tvaṁ śikharaṁ gatvā dhūnayasva balena ca

श्रीभगवान ने कहा — हे पुत्र! तुम शिखर पर जाकर उसे अपने बल से हिला दो।

श्लोक 31 (skanda.5.203.31)

विधूते तत्र देवेशः कोपं कर्ता सुदारुणम्। कोपितः शङ्करो रौद्रं युद्धं दास्यति दानव

vidhūte tatra deveśaḥ kopaṁ kartā sudāruṇam| kopitaḥ śaṅkaro raudraṁ yuddhaṁ dāsyati dānava

जब वह शिखर हिल जाएगा, तो वहाँ देवेश अत्यन्त भयंकर क्रोध करेंगे; हे दानव! कुपित हुए शंकर रौद्र युद्ध देंगे।

श्लोक 32 (skanda.5.203.32)

विष्णुवाक्यादसौ पापो गतो यत्र महेश्वरः। कैलासशिखरं प्राप्य धुनोति स्म मुहुर्मुहुः

viṣṇuvākyādasau pāpo gato yatra maheśvaraḥ| kailāsaśikharaṁ prāpya dhunoti sma muhurmuhuḥ

विष्णु के वचन से वह पापी वहाँ गया जहाँ महेश्वर थे; कैलास शिखर पर पहुँचकर वह उसे बार-बार हिलाने लगा।

श्लोक 33 (skanda.5.203.33)

धूनिते तत्र शिखरे कम्पितं भुवनत्रयम्। निपेतुः शिखराग्राणि कम्पमानान्यनेकशः

dhūnite tatra śikhare kampitaṁ bhuvanatrayam| nipetuḥ śikharāgrāṇi kampamānānyanekaśaḥ

उस शिखर के हिलने से तीनों लोक कँपायमान हो गए; कँपते हुए अनेक पर्वत-शिखर गिरने लगे।

श्लोक 34 (skanda.5.203.34)

चत्वारः सागराः क्षिप्रमेकीभूता महीपते। निपेतुरुल्कापाताश्च पादपा अप्यनेकशः

catvāraḥ sāgarāḥ kṣipramekībhūtā mahīpate| nipeturulkāpātāśca pādapā apyanekaśaḥ

हे महीपते! चारों समुद्र शीघ्र ही एक हो गए; उल्कापात होने लगे और अनेक वृक्ष भी गिर पड़े।

श्लोक 35 (skanda.5.203.35)

उमया सहितो देवो विस्मयं परमं गतः। गाढमालिङ्ग्य गिरिजा देवं वचनमब्रवीत्

umayā sahito devo vismayaṁ paramaṁ gataḥ| gāḍhamāliṅgya girijā devaṁ vacanamabravīt

उमा सहित देव परम विस्मय को प्राप्त हुए; गिरिजा ने देव को दृढ़तापूर्वक आलिंगन कर यह वचन कहा।

श्लोक 36 (skanda.5.203.36)

किमर्थं कम्पते शैलः किमर्थं कम्पते धरा। किमर्थं कम्पते नागो मर्त्यः पातालमेव च। किं वा युगक्षयो देव तन्ममाख्यातुमर्हसि

kimarthaṁ kampate śailaḥ kimarthaṁ kampate dharā| kimarthaṁ kampate nāgo martyaḥ pātālameva ca| kiṁ vā yugakṣayo deva tanmamākhyātumarhasi

पर्वत क्यों काँप रहा है? पृथ्वी क्यों काँप रही है? नाग, मनुष्यलोक तथा पाताल भी क्यों काँप रहे हैं? हे देव! क्या यह युग का क्षय है? यह मुझे बताने योग्य हो।

श्लोक 37 (skanda.5.203.37)

ईश्वर उवाच। कस्यैषा दुर्मतिर्जाता क्षिप्तः सर्पमुखे करः। ललाटे च कृतं वर्म स यास्यति यमालयम्

īśvara uvāca| kasyaiṣā durmatirjātā kṣiptaḥ sarpamukhe karaḥ| lalāṭe ca kṛtaṁ varma sa yāsyati yamālayam

ईश्वर ने कहा — यह दुर्बुद्धि किसकी उत्पन्न हुई है, जिसने अपना हाथ सर्प के मुख में डाल दिया है? जिसने अपने ललाट पर कवच बाँध लिया है, वह यमलोक को जाएगा।

श्लोक 38 (skanda.5.203.38)

कैलासमाश्रितो येन सुप्तोऽहं येन बोधितः। तं वधिष्ये न सन्देहः सम्मुखो वा भवेद्यदि

kailāsamāśrito yena supto'haṁ yena bodhitaḥ| taṁ vadhiṣye na sandehaḥ sammukho vā bhavedyadi

जिसके कारण मैं कैलास पर सोया हुआ था और जिसके द्वारा जगाया गया, उसका मैं वध करूँगा, इसमें कोई संशय नहीं, चाहे वह मेरे सामने ही क्यों न आए।

श्लोक 39 (skanda.5.203.39)

चिन्तयामास देवेशो ह्यन्धकोऽयं न संशयः। उपायं चिन्तयामास येनासौ वध्यते क्षणात्

cintayāmāsa deveśo hyandhako'yaṁ na saṁśayaḥ| upāyaṁ cintayāmāsa yenāsau vadhyate kṣaṇāt

देवेश ने विचार किया — यह निश्चय ही अन्धक है। उन्होंने उस उपाय पर विचार करना शुरू किया जिससे वह तत्क्षण मारा जा सके।

श्लोक 40 (skanda.5.203.40)

आगताश्च सुराः सर्वे ब्रह्माद्या वसुभिः सह। रथं देवमयं कृत्वा सर्वलक्षणसंयुतम्

āgatāśca surāḥ sarve brahmādyā vasubhiḥ saha| rathaṁ devamayaṁ kṛtvā sarvalakṣaṇasaṁyutam

तब ब्रह्मा आदि सहित तथा वसुओं सहित समस्त देवगण वहाँ आए, और सर्वलक्षणसम्पन्न देवमय रथ का निर्माण किया।

श्लोक 41 (skanda.5.203.41)

केचिद्देवाः स्थिताश्चक्रे केचित्तुण्डाग्रपार्श्वयोः। केचिन्नाभ्यां स्थिता देवाः केचिद्धुर्येषु संस्थिताः

keciddevāḥ sthitāścakre kecittuṇḍāgrapārśvayoḥ| kecinnābhyāṁ sthitā devāḥ kecidhuryeṣu saṁsthitāḥ

कुछ देव चक्र में स्थित हुए, कुछ अगले भाग तथा पार्श्वों में; कुछ देव नाभि में स्थित हुए, कुछ धुरी में स्थित हो गए।

श्लोक 42 (skanda.5.203.42)

धुरीषु निश्चलाः केचित्केचिद्यूपेषु संस्थिताः। केचित्स्यन्दनसंस्तम्भाः केचित्स्यन्दनवेष्टकाः

dhurīṣu niścalāḥ kecitkecidyūpeṣu saṁsthitāḥ| kecitsyandanasaṁstambhāḥ kecitsyandanaveṣṭakāḥ

कुछ धुराओं में अचल होकर, कुछ यूप-दण्डों में स्थित हुए; कुछ रथ के स्तम्भ बने, कुछ रथ के आवरण बने।

श्लोक 43 (skanda.5.203.43)

आमलसारकेऽन्येऽपि अन्येऽपि कलशे स्थिताः। रिपोर्भयंकरं दिव्यं ध्वजमालादिशोभितम्

āmalasārake'nye'pi anye'pi kalaśe sthitāḥ| riporbhayaṁkaraṁ divyaṁ dhvajamālādiśobhitam

कुछ अन्य आमलसारक में स्थित हुए, कुछ अन्य कलश में स्थित हुए; इस प्रकार शत्रु के लिए भयंकर, दिव्य तथा ध्वजमाला आदि से सुशोभित,

श्लोक 44 (skanda.5.203.44)

रथं देवमयं कृत्वा तमारूढो जगद्गुरुः। निर्ययौ दानवो यत्र कोपाविष्टो महेश्वरः

rathaṁ devamayaṁ kṛtvā tamārūḍho jagadguruḥ| niryayau dānavo yatra kopāviṣṭo maheśvaraḥ

उस देवमय रथ का निर्माण कर, उस पर आरूढ़ होकर जगद्गुरु महेश्वर क्रोध से भरकर वहाँ निकल पड़े, जहाँ वह दानव था।

श्लोक 45 (skanda.5.203.45)

तिष्ठ तिष्ठेत्युवाचाथ क्व प्रयास्यसि दुर्मते। शरासनं करे गृह्य शरांश्चिक्षेप दानवे

tiṣṭha tiṣṭhetyuvācātha kva prayāsyasi durmate| śarāsanaṁ kare gṛhya śarāṁścikṣepa dānave

ठहरो, ठहरो ऐसा कहते हुए — हे दुर्बुद्धे! कहाँ जा रहे हो? — धनुष को हाथ में लेकर उन्होंने दानव पर बाण चलाए।

श्लोक 46 (skanda.5.203.46)

दानवेऽधिष्ठिते युद्धे शरैश्चिछेद सायकान्। शरासनेण तत्रैव अन्धकश्छादितस्तदा

dānave'dhiṣṭhite yuddhe śaraiścicheda sāyakān| śarāsaneṇa tatraiva andhakaśchāditastadā

युद्ध में स्थित उस दानव ने अपने बाणों से उन बाणों को काट डाला; और वहीं धनुष से अन्धक भी ढक दिया गया।

श्लोक 47 (skanda.5.203.47)

न तत्र दृश्यते सूर्यो नाकाशं न च चन्द्रमाः। आग्नेयमस्त्रं व्यसृजद्दानवोऽपि शिवं प्रति

na tatra dṛśyate sūryo nākāśaṁ na ca candramāḥ| āgneyamastraṁ vyasṛjaddānavo'pi śivaṁ prati

वहाँ न सूर्य दिखाई देता था, न आकाश, न चन्द्रमा; दानव ने भी शिव के विरुद्ध आग्नेय अस्त्र छोड़ा।

श्लोक 48 (skanda.5.203.48)

दह्यमानाः शराङ्गारैस्तत्रसुः सर्वदेवताः। रक्ष रक्ष महादेव दह्यमानांस्तु दानवात्

dahyamānāḥ śarāṅgāraistatrasuḥ sarvadevatāḥ| rakṣa rakṣa mahādeva dahyamānāṁstu dānavāt

बाणों की अंगारों से जलते हुए समस्त देवगण भयभीत हो गए — हे महादेव! दानव से जलते हुए हमारी रक्षा करो, रक्षा करो!

श्लोक 49 (skanda.5.203.49)

ततो देवाधिदेवोऽसौ वारुणास्त्रमयोऽजयत्। वारुणास्त्रेण निमिषादाग्नेयं नाशितं तदा

tato devādhidevo'sau vāruṇāstramayo'jayat| vāruṇāstreṇa nimiṣādāgneyaṁ nāśitaṁ tadā

तब उस देवाधिदेव ने वारुण अस्त्र का प्रयोग कर विजय प्राप्त की; वारुण अस्त्र से क्षणभर में आग्नेय अस्त्र नष्ट कर दिया गया।

श्लोक 50 (skanda.5.203.50)

दानवेन तदा मुक्तं वायव्यास्त्रं रणाजिरे। वारुणं च गतं तात वायव्यास्त्रविनाशितम्

dānavena tadā muktaṁ vāyavyāstraṁ raṇājire| vāruṇaṁ ca gataṁ tāta vāyavyāstravināśitam

तब दानव ने युद्धभूमि में वायव्य अस्त्र छोड़ा; हे तात! वारुण अस्त्र भी वायव्य अस्त्र से नष्ट हो गया।

श्लोक 51 (skanda.5.203.51)

देवो व्यसर्जयत्सार्पं क्रोधाविष्टेन चेतसा। मारुतं नाशितं बाणैः सर्पैस्तत्र न संशयः

devo vyasarjayatsārpaṁ krodhāviṣṭena cetasā| mārutaṁ nāśitaṁ bāṇaiḥ sarpaistatra na saṁśayaḥ

क्रोध से भरे हृदय से देव ने सर्प-अस्त्र छोड़ा; उन सर्पबाणों से वायव्य अस्त्र नष्ट हो गया, इसमें कोई संशय नहीं।

श्लोक 52 (skanda.5.203.52)

दानवेन ततो मुक्तं गरुडास्त्रं च लीलया। गारुडास्त्रं च तद्दृष्ट्वा सार्पं नैव व्यदृश्यत

dānavena tato muktaṁ garuḍāstraṁ ca līlayā| gāruḍāstraṁ ca taddṛṣṭvā sārpaṁ naiva vyadṛśyata

तब दानव ने सहज ही गरुड़ अस्त्र छोड़ा; उस गारुड़ अस्त्र को देखते ही सर्प-अस्त्र दिखाई देना बन्द हो गया।

श्लोक 53 (skanda.5.203.53)

ततो देवाधिदेवेन नारसिंहं विसर्जितम्। नारसिंहास्त्रबाणेन गारुडास्त्रं प्रशामितम्

tato devādhidevena nārasiṁhaṁ visarjitam| nārasiṁhāstrabāṇena gāruḍāstraṁ praśāmitam

तब देवाधिदेव ने नारसिंह अस्त्र छोड़ा; नारसिंह अस्त्र के बाण से गारुड़ अस्त्र शान्त कर दिया गया।

श्लोक 54 (skanda.5.203.54)

अस्त्रमस्त्रेण शम्येत न बाध्येत परस्परम्। महद्युद्धमभूत्तातसुरासुरभयंकरम्

astramastreṇa śamyeta na bādhyeta parasparam| mahadyuddhamabhūttātasurāsurabhayaṁkaram

अस्त्र अस्त्र से शान्त हो जाता, परन्तु परस्पर कोई भी बाधित नहीं होता था; हे तात! सुर-असुरों को भयभीत करने वाला महान युद्ध हुआ।

श्लोक 55 (skanda.5.203.55)

चक्रनालीकनाराचैस्तोमरैः खड्गमुद्गरैः। वत्सदन्तैस्तथा भल्लैः कर्णिकारैश्च शोभनैः

cakranālīkanārācaistomaraiḥ khaḍgamudgaraiḥ| vatsadantaiḥ tathā bhallaiḥ karṇikāraiśca śobhanaiḥ

चक्र, नालीक, नाराच, तोमर, तलवार, मुद्गर, वत्सदन्त, भल्ल तथा सुन्दर कर्णिकार शस्त्रों से,

श्लोक 56 (skanda.5.203.56)

एवं न शक्यते हन्तुं दानवो विविधायुधैः। तदा ज्वालाकरालाश्च खड्गनाराचतोमराः

evaṁ na śakyate hantuṁ dānavo vividhāyudhaiḥ| tadā jvālākarālāśca khaḍganārācatomarāḥ

इस प्रकार विविध शस्त्रों से भी वह दानव मारा नहीं जा सका; तब ज्वालाओं से भयंकर तलवारें, नाराच तथा तोमर,

श्लोक 57 (skanda.5.203.57)

वृषाङ्केन विमुक्तास्तु समरे दानवं प्रति। न संस्पृशन्ति शस्त्राणि गात्रं गौडवधूरिव

vṛṣāṅkena vimuktāstu samare dānavaṁ prati| na saṁspṛśanti śastrāṇi gātraṁ gauḍavadhūriva

वृषभध्वज द्वारा युद्ध में दानव के विरुद्ध छोड़े जाने पर भी, वे शस्त्र उसके शरीर को इस प्रकार स्पर्श तक न कर सके, जैसे गौड़ देश की वधू लज्जावश स्पर्श नहीं करती।

श्लोक 58 (skanda.5.203.58)

आयुधानि ततस्त्यक्त्वा बाहुयुद्धमुपस्थितौ। करं करेण संगृह्य प्रहरन्तौ स्वमुष्टिभिः। रणप्रयोगैर्युध्यन्तौ युयुधाते शिवान्धकौ

āyudhāni tatastyaktvā bāhuyuddhamupasthitau| karaṁ kareṇa saṁgṛhya praharantau svamuṣṭibhiḥ| raṇaprayogairyudhyantau yuyudhāte śivāndhakau

तब आयुधों को त्यागकर दोनों बाहुयुद्ध के लिए तत्पर हुए; हाथ से हाथ पकड़कर, अपनी मुट्ठियों से प्रहार करते हुए, युद्ध की विधियों से लड़ते हुए शिव और अन्धक परस्पर युद्ध करने लगे।

श्लोक 59 (skanda.5.203.59)

श्रीमार्कण्डेय उवाच। अन्धकं प्रति देवेशश्चिन्तयामास निग्रहम्। हनिष्यामि न सन्देहो दुष्टात्मानं न संशयः

śrīmārkaṇḍeya uvāca| andhakaṁ prati deveśaścintayāmāsa nigraham| haniṣyāmi na sandeho duṣṭātmānaṁ na saṁśayaḥ

श्री मार्कण्डेय ने कहा — देवेश ने अन्धक के दमन का विचार किया — मैं इस दुष्टात्मा का वध करूँगा, इसमें कोई संशय नहीं।

श्लोक 60 (skanda.5.203.60)

स शिवेन यदा क्षिप्तः पतितः पृथिवीतले। ऊर्ध्वबाहुरधोवक्त्रो दानवो नृपसत्तम

sa śivena yadā kṣiptaḥ patitaḥ pṛthivītale| ūrdhvabāhuradhovaktro dānavo nṛpasattama

हे नृपसत्तम! जब वह शिव द्वारा फेंका गया और पृथ्वी पर गिर पड़ा, तब वह दानव ऊर्ध्वबाहु और अधोमुख हो गया।

श्लोक 61 (skanda.5.203.61)

क्रोधाविष्टेन देवेशः सङ्ग्रामे देवशत्रुणा। कक्षयोः कुहरे क्षिप्त्वा बन्धेनाक्रम्य पीडितः

krodhāviṣṭena deveśaḥ saṅgrāme devaśatruṇā| kakṣayoḥ kuhare kṣiptvā bandhenākramya pīḍitaḥ

क्रोध से भरे देवशत्रु द्वारा युद्ध में देवेश को दोनों बगलों की गुहा में दबोच कर बन्धन में जकड़कर पीड़ित किया गया।

श्लोक 62 (skanda.5.203.62)

निस्पन्दश्चाभवद्देवो मूर्च्छायुक्तो महेश्वरः। मूर्च्छापन्नं तु तं ज्ञात्वा चिन्तयामास दानवः

nispandaścābhavaddevo mūrcchāyukto maheśvaraḥ| mūrcchāpannaṁ tu taṁ jñātvā cintayāmāsa dānavaḥ

देव महेश्वर निश्चेष्ट हो गए, मूर्च्छित हो गए; उन्हें मूर्च्छित जानकर दानव सोचने लगा।

श्लोक 63 (skanda.5.203.63)

हाहा कष्टं कृतं मेऽद्य दुष्कृतं पापकर्मणा। किं करोमि कथं कर्म कस्मिन्स्थाने तु मोचये

hāhā kaṣṭaṁ kṛtaṁ me'dya duṣkṛtaṁ pāpakarmaṇā| kiṁ karomi kathaṁ karma kasminsthāne tu mocaye

हाय-हाय! आज मुझ पापकर्मी ने यह दुष्कर्म कर दिया है। अब मैं क्या करूँ? यह कर्म कैसे करूँ? किस स्थान पर इसे मुक्त करूँ?

श्लोक 64 (skanda.5.203.64)

गृहीत्वा देवमुत्सङ्गे गतः कैलासपर्वतम्। शय्यायां शङ्करं न्यस्य निर्ययौ दैत्यराट्ततः

gṛhītvā devamutsaṅge gataḥ kailāsaparvatam| śayyāyāṁ śaṅkaraṁ nyasya niryayau daityarāṭtataḥ

देव को गोद में उठाकर वह कैलास पर्वत पर गया; शय्या पर शंकर को लिटाकर वह दैत्यराज वहाँ से चला गया।

श्लोक 65 (skanda.5.203.65)

शय्यायां पतितो देवः प्रपेदे वेदनां ततः। तावद्ददर्श चात्मानं स्वकीयभवनस्थितम्

śayyāyāṁ patito devaḥ prapede vedanāṁ tataḥ| tāvaddadarśa cātmānaṁ svakīyabhavanasthitam

शय्या पर पड़े देव को तब वेदना का अनुभव हुआ; तभी उन्होंने स्वयं को अपने ही भवन में स्थित पाया।

श्लोक 66 (skanda.5.203.66)

पराभवः कृतो मद्यं कथं तेन दुरात्मना। क्रोधवेगसमाविष्टो निर्ययौ दानवं प्रति

parābhavaḥ kṛto madyaṁ kathaṁ tena durātmanā| krodhavegasamāviṣṭo niryayau dānavaṁ prati

उन्होंने सोचा — उस दुरात्मा ने मुझे कैसे पराभूत किया? क्रोध के वेग से भरकर वे उस दानव की ओर निकल पड़े।

श्लोक 67 (skanda.5.203.67)

आयसीं लगुडीं गृह्य प्रभुर्भारसहस्रजाम्। दानवं च ततो दृष्ट्वा प्राक्षिपत्तस्य मूर्धनि

āyasīṁ lagudīṁ gṛhya prabhurbhārasahasrajām| dānavaṁ ca tato dṛṣṭvā prākṣipattasya mūrdhani

सहस्रों भार के तुल्य लौह-गदा लेकर, दानव को देखते ही प्रभु ने उसे उसके सिर पर फेंक दिया।

श्लोक 68 (skanda.5.203.68)

खड्गेन ताडयामास दानवः प्रहसन्रणे। देवेनाथस्मृतं चास्त्रं कौच्छेराख्यं महाहवे

khaḍgena tāḍayāmāsa dānavaḥ prahasanraṇe| devenāthasmṛtaṁ cāstraṁ kaucchеrākhyaṁ mahāhave

दानव ने युद्ध में हँसते हुए तलवार से प्रहार किया; तब देव ने उस महासमर में कौच्छेर नामक अस्त्र का स्मरण किया।

श्लोक 69 (skanda.5.203.69)

दीप्यमानं समुत्सृज्य हृदये ताडितः क्षणात्। ततः स ताडितस्तेन रुधिरोद्गारमुद्वमन्

dīpyamānaṁ samutsṛjya hṛdaye tāḍitaḥ kṣaṇāt| tataḥ sa tāḍitastena rudhirodgāramudvaman

उस प्रज्वलित अस्त्र को छोड़ते ही उसका हृदय क्षणभर में आहत हो गया; उससे आहत होकर वह रक्त का उद्गार वमन करने लगा।

श्लोक 70 (skanda.5.203.70)

पतितोऽधोमुखो भूत्वा ततः शूलेन भेदितः। पुनश्च देवदेवेन शूलेन द्विदलीकृतः

patito'dhomukho bhūtvā tataḥ śūlena bheditaḥ| punaśca devadevena śūlena dvidalīkṛtaḥ

वह मुख नीचे किए हुए गिर पड़ा, फिर त्रिशूल से बींध दिया गया; और फिर देवदेव द्वारा त्रिशूल से दो टुकड़ों में विभाजित कर दिया गया।

श्लोक 71 (skanda.5.203.71)

शूलाग्रेऽसौ स्थितः पापो भ्रान्तवांश्चक्रवत्तदा। ये ये भूम्यां पतन्ति स्म तत्कायाद्रक्तबिन्दवः

śūlāgre'sau sthitaḥ pāpo bhrāntavāṁścakravattadā| ye ye bhūmyāṁ patanti sma tatkāyādraktabindavaḥ

वह पापी शूल के अग्रभाग पर स्थित होकर तब चक्र के समान घूमने लगा; उसके शरीर से जो-जो रक्त-बिन्दु भूमि पर गिरते थे,

श्लोक 72 (skanda.5.203.72)

ते ते सर्वे समुत्तस्थुर्दानवाः शास्त्रपाणयः। व्याकुलस्तु ततो देवो दानवेन तरस्विना

te te sarve samuttasthurdānavāḥ śāstrapāṇayaḥ| vyākulastu tato devo dānavena tarasvinā

वे सभी शस्त्रधारी दानव बनकर उठ खड़े हुए; तब उस बलशाली दानव से देव व्याकुल हो गए।

श्लोक 73 (skanda.5.203.73)

देवेनाथ स्मृता दुर्गा चामुण्डा भीषणानना। आयाता भीषणाकारा नानायुधविराजिता

devenātha smṛtā durgā cāmuṇḍā bhīṣaṇānanā| āyātā bhīṣaṇākārā nānāyudhavirājitā

तब देव ने भीषण मुख वाली चामुण्डा दुर्गा का स्मरण किया; वह भीषण आकार वाली, नाना शस्त्रों से सुशोभित होकर आ पहुँची।

श्लोक 74 (skanda.5.203.74)

महादंष्ट्रा महाकाया पिङ्गाक्षी लम्बकर्णिका। आदेशो दीयतां देव को यास्यति यमालयम्

mahādaṁṣṭrā mahākāyā piṅgākṣī lambakarṇikā| ādeśo dīyatāṁ deva ko yāsyati yamālayam

बड़े दाँतों वाली, विशाल शरीर वाली, पिंगल नेत्रों वाली, लम्बे कानों वाली — हे देव! आदेश दीजिए, कौन यमलोक को जाएगा?

श्लोक 75 (skanda.5.203.75)

ईश्वर उवाच। पिबास्य रुधिरं भद्रे यथेष्टं दानवस्य च। निपतद्रुधिरं भूमौ दुर्गे गृह्णीष्व माचिरम्

īśvara uvāca| pibāsya rudhiraṁ bhadre yatheṣṭaṁ dānavasya ca| nipatadrudhiraṁ bhūmau durge gṛhṇīṣva māciram

ईश्वर ने कहा — हे भद्रे! इस दानव के रक्त को यथेच्छ पी जाओ; हे दुर्गे! भूमि पर गिरते हुए रक्त को बिना विलम्ब के ग्रहण कर लो।

श्लोक 76 (skanda.5.203.76)

निहन्मि दानवं यावत्साहाय्यं कुरु सुन्दरि। एवमुक्ता तु सा दुर्गा पपौ च रुधिरं ततः

nihanmi dānavaṁ yāvatsāhāyyaṁ kuru sundari| evamuktā tu sā durgā papau ca rudhiraṁ tataḥ

जब तक मैं इस दानव का वध करूँ, तब तक हे सुन्दरी! तुम सहायता करो। इस प्रकार कहे जाने पर उस दुर्गा ने उसका रक्त पी लिया।

श्लोक 77 (skanda.5.203.77)

निहता दानवाः सर्वे देवेशेन सहस्रशः। अन्धकोऽपि च तान् दृष्ट्वा दानवानवनिं गतान्। ततो वाग्भिः प्रतुष्टाव देवदेवं महेश्वरम्

nihatā dānavāḥ sarve deveśena sahasraśaḥ| andhako'pi ca tān dṛṣṭvā dānavānavaniṁ gatān| tato vāgbhiḥ pratuṣṭāva devadevaṁ maheśvaram

देवेश द्वारा हजारों दानव मार डाले गए; अन्धक ने भी उन दानवों को भूमि पर गिरा हुआ देखकर, तब वाणी द्वारा देवदेव महेश्वर की स्तुति की।

श्लोक 78 (skanda.5.203.78)

अन्धक उवाच। जयस्व देवदेवेश उमार्धार्धाशरीरधृक्। नमस्ते देवदेवेश सर्वाय त्रिगुणात्मने

andhaka uvāca| jayasva devadeveśa umārdhārdhāśarīradhṛk| namaste devadeveśa sarvāya triguṇātmane

अन्धक ने कहा — हे देवदेवेश! उमा को अपने आधे शरीर में धारण करने वाले! तुम्हारी जय हो। हे देवदेवेश! हे सर्वस्वरूप! हे त्रिगुणात्मन्! तुम्हें नमस्कार है।

श्लोक 79 (skanda.5.203.79)

वृषभासनमारूढ शशाङ्ककृतशेखर। जय खट्वाङ्गहस्ताय गङ्गाधर नमोऽस्तु ते

vṛṣabhāsanamārūḍha śaśāṅkakṛtaśekhara| jaya khaṭvāṅgahastāya gaṅgādhara namo'stu te

हे वृषभासन पर आरूढ़! हे चन्द्रमा को शिखा में धारण करने वाले! जय हो। हे खट्वांगधारी! हे गंगाधर! तुम्हें नमस्कार है।

श्लोक 80 (skanda.5.203.80)

नमो डमरुहस्ताय नमः कपालमालिने। स्मरदेहविनाशाय महेशाय नमोऽस्तु ते

namo ḍamaruhastāya namaḥ kapālamāline| smaradehavināśāya maheśāya namo'stu te

डमरूधारी को नमस्कार, कपाल-माला धारण करने वाले को नमस्कार; कामदेव की देह के नाशक महेश को नमस्कार है।

श्लोक 81 (skanda.5.203.81)

पूष्णो दन्तनिपाताय गणनाथाय ते नमः। जय स्वरूपदेहाय अरूपबहुरूपिणे

pūṣṇo dantanipātāya gaṇanāthāya te namaḥ| jaya svarūpadehāya arūpabahurūpiṇe

पूषा के दाँत गिराने वाले, गणनाथ को नमस्कार; अपने स्वरूप देह वाले, तथा अरूप होते हुए भी अनेक रूप धारण करने वाले को जय हो।

श्लोक 82 (skanda.5.203.82)

उत्तमाङ्गविनाशाय विरिञ्चेरपि शङ्कर। श्मशानवासिने नित्यं नित्यं भैरवरूपिणे

uttamāṅgavināśāya viriñcerapi śaṅkara| śmaśānavāsine nityaṁ nityaṁ bhairavarūpiṇe

हे शंकर! विरिञ्चि के उत्तम अंग के भी नाशक; सदा श्मशान में निवास करने वाले, सदा भैरवरूप धारण करने वाले को नमस्कार।

श्लोक 83 (skanda.5.203.83)

त्वं सर्वगोऽसि त्वं कर्ता त्वं हर्ता नान्य एव च। त्वं भूमिस्त्वं दिशश्चैव त्वं गुरुर्भार्गवस्तथा

tvaṁ sarvago'si tvaṁ kartā tvaṁ hartā nānya eva ca| tvaṁ bhūmistvaṁ diśaścaiva tvaṁ gururbhārgavastathā

तुम ही सर्वव्यापी हो, तुम ही सृष्टिकर्ता हो, तुम ही संहारकर्ता हो, अन्य कोई नहीं; तुम ही पृथ्वी हो, तुम ही दिशाएँ हो, तुम ही गुरु भार्गव भी हो।

श्लोक 84 (skanda.5.203.84)

सौरिस्त्वं देवदेवेश भूमिपुत्रस्तथैव च। ऋक्षग्रहादिकं सर्वं यद्दृश्यं तत्त्वमेव च

sauristvaṁ devadeveśa bhūmiputrastathaiva ca| ṛkṣagrahādikaṁ sarvaṁ yaddṛśyaṁ tattvameva ca

हे देवदेवेश! तुम ही शनि हो, तुम ही भूमिपुत्र (मंगल) भी हो; जो कुछ भी दृश्यमान है — नक्षत्र, ग्रह आदि सब कुछ — वह सब तुम्हीं हो।

श्लोक 85 (skanda.5.203.85)

एवं स्तुतिं तदा कृत्वा देवं प्रति स दानवः। संहताभ्यां तु पाणिभ्यां प्रणनाम महेश्वरम्

evaṁ stutiṁ tadā kṛtvā devaṁ prati sa dānavaḥ| saṁhatābhyāṁ tu pāṇibhyāṁ praṇanāma maheśvaram

इस प्रकार स्तुति करके, उस दानव ने दोनों हाथों को जोड़कर देव महेश्वर को प्रणाम किया।

श्लोक 86 (skanda.5.203.86)

ईश्वर उवाच। साधु साधु महासत्त्व वरं याचस्व दानव। दाताहं याचकस्त्वं हि ददामीह यथेप्सितम्

īśvara uvāca| sādhu sādhu mahāsattva varaṁ yācasva dānava| dātāhaṁ yācakastvaṁ hi dadāmīha yathepsitam

ईश्वर ने कहा — साधु, साधु, हे महासत्त्व! हे दानव! वर माँगो; मैं दाता हूँ, तुम याचक हो, अतः यहाँ मैं तुम्हारी इच्छा के अनुसार वर दूँगा।

श्लोक 87 (skanda.5.203.87)

अन्धक उवाच। यदि तुष्टोऽसि देवेश यदि देयो वरो मम। तदात्मसदृशोऽहं ते कर्तव्यो नापरो वरः

andhaka uvāca| yadi tuṣṭo'si deveśa yadi deyo varo mama| tadātmasadṛśo'haṁ te kartavyo nāparo varaḥ

अन्धक ने कहा — हे देवेश! यदि तुम मुझसे संतुष्ट हो, यदि मुझे वर देना चाहते हो, तो मुझे अपने ही समान बना दो; इसके अतिरिक्त अन्य कोई वर मुझे नहीं चाहिए।

श्लोक 88 (skanda.5.203.88)

भस्मी जटी त्रिनेत्री च त्रिशूली च चतुर्भुजः। व्याघ्रचर्मोत्तरीयश्च नागयज्ञोपवीतकः। एतदिच्छाम्यहं सर्वं यदि तुष्टो महेश्वर

bhasmī jaṭī trinetrī ca triśūlī ca caturbhujaḥ| vyāghracarmottarīyaśca nāgayajñopavītakaḥ| etadicchāmyahaṁ sarvaṁ yadi tuṣṭo maheśvara

भस्म से आच्छादित, जटाधारी, त्रिनेत्रधारी, त्रिशूलधारी, चतुर्भुज, बाघम्बर के उत्तरीय वाला तथा सर्प का यज्ञोपवीत धारण करने वाला — यह सब मैं चाहता हूँ, यदि तुम प्रसन्न हो, हे महेश्वर!

श्लोक 89 (skanda.5.203.89)

ईश्वर उवाच। ददामि ते वरं ह्यद्य यस्त्वया याचितोऽनघ। गणेषु मे स्थितः पुत्र भृङ्गीशस्त्वं भविष्यसि

īśvara uvāca| dadāmi te varaṁ hyadya yastvayā yācito'nagha| gaṇeṣu me sthitaḥ putra bhṛṅgīśastvaṁ bhaviṣyasi

ईश्वर ने कहा — हे निष्पाप! आज मैं तुम्हें वह वर देता हूँ जो तुमने माँगा है; हे पुत्र! मेरे गणों में स्थित होकर तुम भृंगीश नाम से जाने जाओगे।