शूलभेद की उत्पत्ति की महिमा

श्लोक 1 (skanda.5.204.1)

मार्कण्डेय उवाच। अन्धकं तु निहत्याथ देवदेवो महेश्वरः। उमया सहितो रुद्रः कैलासमगमन्नगम्

mārkaṇḍeya uvāca| andhakaṁ tu nihatyātha devadevo maheśvaraḥ| umayā sahito rudraḥ kailāsamagamannagam

मार्कण्डेय ने कहा — अन्धक का वध करके देवदेव महेश्वर, उमा सहित रुद्र, कैलास पर्वत को चले गए।

श्लोक 2 (skanda.5.204.2)

आगताश्च ततो देवा ब्रह्माद्याश्च सवासवाः। हृष्टास्तुष्टाश्च ते सर्वे प्रणेमुः पार्वतीपतिम्

āgatāśca tato devā brahmādyāśca savāsavāḥ| hṛṣṭāstuṣṭāśca te sarve praṇemuḥ pārvatīpatim

तब ब्रह्मा आदि तथा इन्द्र सहित समस्त देवगण वहाँ आए; वे सभी हर्षित और संतुष्ट होकर पार्वतीपति को प्रणाम करने लगे।

श्लोक 3 (skanda.5.204.3)

ईश्वर उवाच। उपाविशन्तु ते सर्वे ये केचन समागताः। निहतो दानवो ह्येष गीर्वाणार्थे पितामह

īśvara uvāca| upāviśantu te sarve ye kecana samāgatāḥ| nihato dānavo hyeṣa gīrvāṇārthe pitāmaha

ईश्वर ने कहा — जो कोई भी यहाँ आए हो, वे सभी बैठ जाएँ; हे पितामह! देवों के हित के लिए यह दानव मार डाला गया है।

श्लोक 4 (skanda.5.204.4)

रक्तेन तस्य मे शूलं निर्मलं नैव जायते। शुभव्रततपोजप्यरतो ब्रह्मन्मया हतः

raktena tasya me śūlaṁ nirmalaṁ naiva jāyate| śubhavratatapojapyarato brahmanmayā hataḥ

उसके रक्त से मेरा त्रिशूल कभी निर्मल नहीं होता; हे ब्रह्मन्! शुभ व्रत, तप तथा जप में रत उस दानव को मैंने मार डाला है।

श्लोक 5 (skanda.5.204.5)

कर्तुमिच्छाम्यहं सम्यक्तीर्थयानं चतुर्मुख। आगच्छन्तु मया सार्द्धं ये यूयमिह संगताः

kartumicchāmyahaṁ samyaktīrthayānaṁ caturmukha| āgacchantu mayā sārddhaṁ ye yūyamiha saṅgatāḥ

हे चतुर्मुख! मैं भलीभाँति तीर्थयात्रा करना चाहता हूँ; तुम सब जो यहाँ एकत्रित हो, मेरे साथ आओ।

श्लोक 6 (skanda.5.204.6)

इत्युक्त्वा देवदेवेशः प्रभासं प्रतिनिर्ययौ। प्रभासाद्यानि तीर्थानि गङ्गासागरमध्यतः

ityuktvā devadeveśaḥ prabhāsaṁ pratiniryayau| prabhāsādyāni tīrthāni gaṅgāsāgaramadhyataḥ

ऐसा कहकर देवदेवेश प्रभास की ओर चल पड़े; प्रभास आदि तीर्थों से लेकर गंगासागर तक के मध्य के,

श्लोक 7 (skanda.5.204.7)

अवगाह्यापि सर्वाणि नैर्मल्यं नाभवन्नृप। नर्मदायां ततो गत्वा देवो देवैः समन्वितः

avagāhyāpi sarvāṇi nairmalyaṁ nābhavannṛpa| narmadāyāṁ tato gatvā devo devaiḥ samanvitaḥ

हे नृप! इन सभी में स्नान करने पर भी उन्हें निर्मलता प्राप्त नहीं हुई; तब देवों सहित वह देव नर्मदा में गए।

श्लोक 8 (skanda.5.204.8)

उत्तरं दक्षिणं कूलमवागाहत्प्रियव्रतः। गतस्तु दक्षिणे कूले पर्वते भृगुसंज्ञितम्

uttaraṁ dakṣiṇaṁ kūlamavāgāhatpriyavrataḥ| gatastu dakṣiṇe kūle parvate bhṛgusaṁjñitam

उस प्रियव्रत ने उत्तर और दक्षिण दोनों तटों पर स्नान किया; तत्पश्चात् वह दक्षिण तट पर भृगु नामक पर्वत पर गए।

श्लोक 9 (skanda.5.204.9)

तत्र स्थित्वा महादेवो देवैः सह महीपते। भ्रान्त्वा भ्रान्त्वा चिरं श्रान्तो निर्विण्णो निषसाद ह

tatra sthitvā mahādevo devaiḥ saha mahīpate| bhrāntvā bhrāntvā ciraṁ śrānto nirviṇṇo niṣasāda ha

हे महीपते! वहाँ ठहरकर महादेव देवों सहित दीर्घकाल तक भटकते-भटकते थककर, उदास होकर बैठ गए।

श्लोक 10 (skanda.5.204.10)

मनोहारि यतः स्थानं सर्वेषां वै दिवौकसाम्। तीर्थं विशिष्टं तन्मत्वा स्थितो देवो महेश्वरः

manohāri yataḥ sthānaṁ sarveṣāṁ vai divaukasām| tīrthaṁ viśiṣṭaṁ tanmatvā sthito devo maheśvaraḥ

क्योंकि वह स्थान समस्त देवों के लिए मनोहर था, इसे विशिष्ट तीर्थ मानकर देव महेश्वर वहीं स्थित हो गए।

श्लोक 11 (skanda.5.204.11)

गिरिं विव्याध शूलेन भिन्नं तेन रसातलम्। निर्मलं चाभवच्छूलं न लेपो दृश्यते क्वचित्

giriṁ vivyādha śūlena bhinnaṁ tena rasātalam| nirmalaṁ cābhavacchūlaṁ na lepo dṛśyate kvacit

उन्होंने त्रिशूल से पर्वत को बींध दिया, जिससे रसातल तक भेद हो गया; और उस त्रिशूल पर से मल भी निर्मल हो गया, कहीं भी लेप दिखाई नहीं देता।

श्लोक 12 (skanda.5.204.12)

देवैराह्वानिता तत्र महापुण्या च भारती। पर्वतान्निःसृता तत्र महापुण्या सरस्वती

devairāhvānitā tatra mahāpuṇyā ca bhāratī| parvatānniḥsṛtā tatra mahāpuṇyā sarasvatī

देवों द्वारा वहाँ आमन्त्रित की गई महापुण्या भारती; उस पर्वत से महापुण्यमयी सरस्वती वहाँ निकल पड़ी।

श्लोक 13 (skanda.5.204.13)

द्वितीयः सङ्गमस्तत्र यथा वेण्यां सितासितः। तत्र ब्रह्मा स्वयं देवो ब्रह्मेशं लिङ्गमुत्तमम्

dvitīyaḥ saṅgamastatra yathā veṇyāṁ sitāsitaḥ| tatra brahmā svayaṁ devo brahmeśaṁ liṅgamuttamam

वहाँ दूसरा संगम बना, जैसे वेणी नदी में श्वेत-श्याम जल का संगम होता है; वहाँ स्वयं देव ब्रह्मा ने उत्तम ब्रह्मेश लिंग को,

श्लोक 14 (skanda.5.204.14)

संस्थापयामास पुण्यं सर्वदुःखघ्नमुत्तमम्। तस्य याम्ये दिशो भागे स्वयं देवो जनार्दनः

saṁsthāpayāmāsa puṇyaṁ sarvaduḥkhaghnamuttamam| tasya yāmye diśo bhāge svayaṁ devo janārdanaḥ

जो पुण्यमय तथा समस्त दुःखों का नाशक तथा उत्तम है, उसे स्थापित किया। उसकी दक्षिण दिशा में स्वयं देव जनार्दन,

श्लोक 15 (skanda.5.204.15)

तिष्ठते च सदा तत्र विष्णुपादाग्रसंस्थिता। अम्भसो न भवेन्मार्गः कुण्डमध्यस्थितस्य च

tiṣṭhate ca sadā tatra viṣṇupādāgrasaṁsthitā| ambhaso na bhavenmārgaḥ kuṇḍamadhyasthitasya ca

सदा वहाँ स्थित रहते हैं, विष्णु के चरणाग्र में स्थित होकर; कुण्ड के मध्य में स्थित उस स्थान से जल का कोई मार्ग नहीं है।

श्लोक 16 (skanda.5.204.16)

शूलाग्रेण कृता रेखा ततस्तोयं वहेन्नृप। तत्तोयं च गतं तत्र यत्र रेवा महानदी

śūlāgreṇa kṛtā rekhā tatastoyaṁ vahennṛpa| tattoyaṁ ca gataṁ tatra yatra revā mahānadī

हे नृप! त्रिशूल के अग्रभाग से एक रेखा खींची गई, जिससे वहाँ का जल बहता है; वह जल जाकर वहाँ मिल जाता है जहाँ रेवा महानदी है।

श्लोक 17 (skanda.5.204.17)

जललिङ्गं महापुण्यं चकतीर्थं नृपोत्तम। शूलभेदे च देवेशः स्नानं कुर्याद्यथाविधि

jalaliṅgaṁ mahāpuṇyaṁ cakatīrthaṁ nṛpottama| śūlabhede ca deveśaḥ snānaṁ kuryādyathāvidhi

हे नृपोत्तम! वह जललिंग महापुण्यमय है, चक-तीर्थ है; शूलभेद में देवेश ने विधिपूर्वक स्नान किया।

श्लोक 18 (skanda.5.204.18)

आत्मानं मन्यते शुद्धं न किंचित्कल्मषं कृतम्। तस्यैवोत्तरकाष्ठायां देवदेवो जगद्गुरुः

ātmānaṁ manyate śuddhaṁ na kiṁcitkalmaṣaṁ kṛtam| tasyaivottarakāṣṭhāyāṁ devadevo jagadguruḥ

वे स्वयं को शुद्ध मानने लगे, मानो उन्होंने कोई भी पाप न किया हो; उसी की उत्तर दिशा में देवदेव जगद्गुरु,

श्लोक 19 (skanda.5.204.19)

आत्मना देवदेवेशः शूलपाणिः प्रतिष्ठितः। सर्वतीर्थेषु तत्तीर्थं सर्वदेवमयं परम्

ātmanā devadeveśaḥ śūlapāṇiḥ pratiṣṭhitaḥ| sarvatīrtheṣu tattīrthaṁ sarvadevamayaṁ param

त्रिशूलधारी देवदेवेश स्वयं अपने ही रूप में प्रतिष्ठित हो गए। समस्त तीर्थों में वह तीर्थ, समस्त देवमयी तथा परम है।

श्लोक 20 (skanda.5.204.20)

सर्वपापहरं पुण्यं सर्वदुःखघ्नमुत्तमम्। तत्र तीर्थे प्रतिष्ठाप्य देवदेवं जगद्गुरुम्

sarvapāpaharaṁ puṇyaṁ sarvaduḥkhaghnamuttamam| tatra tīrthe pratiṣṭhāpya devadevaṁ jagadgurum

वह समस्त पापों को हरने वाला, पुण्यमय, समस्त दुःखों का नाशक तथा उत्तम है। उस तीर्थ में देवदेव जगद्गुरु को प्रतिष्ठित करके,

श्लोक 21 (skanda.5.204.21)

रक्षापालांस्ततो मुक्त्वा शतं साष्टविनायकान्। क्षेत्रपालाः शतं साष्टं तद्रक्षन्ति प्रयत्नतः

rakṣāpālāṁstato muktvā śataṁ sāṣṭavināyakān| kṣetrapālāḥ śataṁ sāṣṭaṁ tadrakṣanti prayatnataḥ

फिर एक सौ आठ रक्षक विनायकों को नियुक्त किया गया; एक सौ आठ क्षेत्रपाल प्रयत्नपूर्वक उसकी रक्षा करते हैं।

श्लोक 22 (skanda.5.204.22)

विघ्नास्तस्योपजायन्ते यस्तत्र स्थातुमिच्छति। केचित्कुटुम्बात्ततासु व्याग्राः केचित्कृषीषु च

vighnāstasyopajāyante yastatra sthātumicchati| kecitkuṭumbāttatāsu vyāgrāḥ kecitkṛṣīṣu ca

जो कोई वहाँ ठहरना चाहता है, उसके लिए विघ्न उत्पन्न होते हैं; कुछ अपने कुटुम्ब में उलझ जाते हैं, कुछ खेती में व्यग्र हो जाते हैं।

श्लोक 23 (skanda.5.204.23)

केचित्सभां प्रकुर्वन्ति केचिद्द्रव्यार्जने रताः। परोक्षवादं कुर्वन्ति केऽपि हिंसारताः सदा

kecitsabhāṁ prakurvanti kecidravyārjane ratāḥ| parokṣavādaṁ kurvanti ke'pi hiṁsāratāḥ sadā

कुछ सभा-गोष्ठी में लग जाते हैं, कुछ धनार्जन में रत हो जाते हैं; कुछ लोग पीठ पीछे निन्दा करते हैं, कुछ सदा हिंसा में रत रहते हैं।

श्लोक 24 (skanda.5.204.24)

परदाररताः केचित्केचिद्वृत्तिविहिंसकाः। अन्ये केचिद्वदन्त्येवं कथं तीर्थेषु गम्यते

paradāraratāḥ kecitkecidvṛttivihiṁsakāḥ| anye kecidvadantyevaṁ kathaṁ tīrtheṣu gamyate

कुछ परस्त्रीगमन में रत हैं, कुछ अपनी वृत्ति के लिए हिंसा करते हैं; अन्य कुछ लोग यह कहते हैं — तीर्थों में कैसे जाया जाए?

श्लोक 25 (skanda.5.204.25)

क्षुधया पीड्यते भार्या पुत्रभृत्यादयस्तदा। मोहजालेषु योज्यन्ते एवं देवगणैर्नराः

kṣudhayā pīḍyate bhāryā putrabhṛtyādayastadā| mohajāleṣu yojyante evaṁ devagaṇairnaraiḥ

वे सोचते हैं — मेरी पत्नी, पुत्र, सेवक आदि भूख से पीड़ित होंगे। इस प्रकार लोग देवगणों द्वारा मोह-जाल में उलझा दिए जाते हैं।

श्लोक 26 (skanda.5.204.26)

पापाचाराश्च ये मर्त्याः स्नानं तेषां न जायते। संरक्षन्ति च तत्तीर्थं देवभृत्यगणाः सदा

pāpācārāśca ye martyāḥ snānaṁ teṣāṁ na jāyate| saṁrakṣanti ca tattīrthaṁ devabhṛtyagaṇāḥ sadā

जो मनुष्य पापाचारी हैं, उनके लिए वहाँ स्नान सम्भव नहीं होता; देवों के सेवकगण सदा उस तीर्थ की रक्षा करते हैं।

श्लोक 27 (skanda.5.204.27)

धन्याः पुण्याश्च ये मर्त्यास्तेषां स्नानं प्रजायते। सरस्वत्या भोगवत्या देवनद्या विशेषतः

dhanyāḥ puṇyāśca ye martyāsteṣāṁ snānaṁ prajāyate| sarasvatyā bhogavatyā devanadyā viśeṣataḥ

जो मनुष्य धन्य और पुण्यशाली हैं, उन्हीं के लिए स्नान सम्भव होता है, विशेष रूप से सरस्वती, भोगवती तथा देवनदी के जल से।

श्लोक 28 (skanda.5.204.28)

अयं तु सङ्गमः पुण्यो यथा वेण्यां सितासितः। दृष्ट्वा तीर्थं तु ते सर्वे गीर्वाणा हृष्टचेतसः

ayaṁ tu saṅgamaḥ puṇyo yathā veṇyāṁ sitāsitaḥ| dṛṣṭvā tīrthaṁ tu te sarve gīrvāṇā hṛṣṭacetasaḥ

यह पुण्य संगम है, जैसे वेणी में श्वेत-श्याम जल का संगम होता है। इस तीर्थ को देखकर वे सभी देवगण हर्षित मन वाले हो गए।

श्लोक 29 (skanda.5.204.29)

देवस्य सन्निधौ भूत्वा वर्णयामासुरुत्तमम्। इदं तीर्थं तु देवेश गयातीर्थेन ते समम्

devasya sannidhau bhūtvā varṇayāmāsuruttamam| idaṁ tīrthaṁ tu deveśa gayātīrthena te samam

देव के समीप उपस्थित होकर उन्होंने उत्तम वर्णन किया — हे देवेश! यह तीर्थ गयातीर्थ के समान है।

श्लोक 30 (skanda.5.204.30)

गुह्याद्गुह्यतमं तीर्थं न भूतं न भविष्यति। शूलपाणिः समभ्यर्च्य इन्द्राद्यैरप्सरोगणैः

guhyādguhyatamaṁ tīrthaṁ na bhūtaṁ na bhaviṣyati| śūlapāṇiḥ samabhyarcya indrādyairapsarogaṇaiḥ

यह तीर्थ गोपनीय से भी अधिक गोपनीय है; इसके समान न कभी हुआ, न होगा। त्रिशूलधारी शिव की इन्द्र आदि तथा अप्सराओं द्वारा भलीभाँति पूजा की गई।

श्लोक 31 (skanda.5.204.31)

यक्षकिन्नरगन्धर्वैर्दिक्पालैर्लोकपैरपि। नृत्यगीतैस्तथा स्तोत्रैः सर्वैश्चापि सुरासुरैः

yakṣakinnaragandharvairdikpālairlokapairapi| nṛtyagītaistathā stotraiḥ sarvaiścāpi surāsuraiḥ

यक्षों, किन्नरों, गन्धर्वों, दिक्पालों तथा लोकपालों द्वारा भी, नृत्य-गीत तथा स्तोत्रों से, और समस्त सुर-असुरों द्वारा भी,

श्लोक 32 (skanda.5.204.32)

पूज्यमानो गणैः सर्वैः सिद्धैर्नागैर्महेश्वरः। देवेन भेदितं तत्र शूलाग्रेण नराधिप

pūjyamāno gaṇaiḥ sarvaiḥ siddhairnāgairmaheśvaraḥ| devena bheditaṁ tatra śūlāgreṇa narādhipa

महेश्वर समस्त गणों, सिद्धों तथा नागों द्वारा पूजित हुए। हे नराधिप! उस देव द्वारा वहाँ त्रिशूल के अग्रभाग से भेदन किया गया।

श्लोक 33 (skanda.5.204.33)

त्रिधा यत्रेक्ष्यतेऽद्यापि ह्यावर्तः सुरपूरितः। कुण्डत्रयं नरव्याघ्र महत्कलकलान्वितम्

tridhā yatrekṣyate'dyāpi hyāvartaḥ surapūritaḥ| kuṇḍatrayaṁ naravyāghra mahatkalakalānvitam

हे नरव्याघ्र! जहाँ आज भी देवताओं से पूर्ण त्रिविध जलावर्त दिखाई देता है, वह तीन कुण्ड महान कोलाहल से युक्त है।

श्लोक 34 (skanda.5.204.34)

सर्वपापक्षयकरं सर्वदुःखघ्नमुत्तमम्। तत्र तीर्थे तु यः स्नाति उपवासपरायणः

sarvapāpakṣayakaraṁ sarvaduḥkhaghnamuttamam| tatra tīrthe tu yaḥ snāti upavāsaparāyaṇaḥ

वह समस्त पापों का नाशक, समस्त दुःखों का नाशक तथा उत्तम है। उस तीर्थ में जो उपवासपूर्वक स्नान करता है,

श्लोक 35 (skanda.5.204.35)

दीक्षामन्त्रविहीनोऽपि मुच्यते चाब्दिकादघात्। ये पुनर्विधिवत्स्नान्ति मन्त्रैः पञ्चभिरेव च

dīkṣāmantravihīno'pi mucyate cābdikādaghāt| ye punarvidhivatsnānti mantraiḥ pañcabhireva ca

वह दीक्षा और मन्त्र से रहित होते हुए भी वर्षभर के पापों से मुक्त हो जाता है। जो पुनः विधिपूर्वक पाँच मन्त्रों से स्नान करते हैं,

श्लोक 36 (skanda.5.204.36)

वेदोक्तैः पञ्चभिर्मन्त्रैः सहिरण्यघटैः शुभैः। अक्षरैर्दशभिश्चैव षड्भिर्वा त्रिभिरेव वा

vedoktaiḥ pañcabhirmantraiḥ sahiraṇyaghaṭaiḥ śubhaiḥ| akṣarairdaśabhiścaiva ṣaḍbhirvā tribhireva vā

वेदोक्त पाँच मन्त्रों से, शुभ स्वर्णकलशों सहित, तथा दस, छह अथवा तीन अक्षरों से,

श्लोक 37 (skanda.5.204.37)

पृथग्भूतैर्द्विजातीनां तीर्थे कार्यं नराधिप। ब्रह्मक्षत्रविशां वापि स्त्रीशूद्राणां तथैव च

pṛthagbhūtairdvijātīnāṁ tīrthe kāryaṁ narādhipa| brahmakṣatraviśāṁ vāpi strīśūdrāṇāṁ tathaiva ca

हे नराधिप! द्विजातियों के लिए तीर्थ में पृथक्-पृथक् विधि से यह कर्म करना चाहिए, तथा ब्राह्मण, क्षत्रिय, वैश्य, स्त्री और शूद्रों के लिए भी।

श्लोक 38 (skanda.5.204.38)

पुरुषाणां त्रयीं ध्यात्वा स्नानं कुर्याद्यथाविधि। दशाक्षरेण मन्त्रेण ये पिबन्ति जलं नराः

puruṣāṇāṁ trayīṁ dhyātvā snānaṁ kuryādyathāvidhi| daśākṣareṇa mantreṇa ye pibanti jalaṁ narāḥ

पुरुषों की त्रयी का ध्यान करके विधिपूर्वक स्नान करना चाहिए। जो मनुष्य दशाक्षर मन्त्र से जल पीते हैं,

श्लोक 39 (skanda.5.204.39)

ते गच्छन्ति परं लोकं यत्र देवो महेश्वरः। केदारे च यथा पीतं रुद्रकुण्डे तथैव च

te gacchanti paraṁ lokaṁ yatra devo maheśvaraḥ| kedāre ca yathā pītaṁ rudrakuṇḍe tathaiva ca

वे उस परम लोक को प्राप्त होते हैं, जहाँ देव महेश्वर हैं; जैसे केदार में जल पिया जाता है, वैसे ही रुद्रकुण्ड में भी।

श्लोक 40 (skanda.5.204.40)

पञ्चरेफसमायुक्तं क्षकारं सुरपूजितम्। ओङ्कारेण समायुक्तमेतद्वेद्यं प्रकीर्तितम्

pañcarephasamāyuktaṁ kṣakāraṁ surapūjitam| oṅkāreṇa samāyuktametadvedyaṁ prakīrtitam

पाँच रेफ (र) से युक्त, देवपूजित क्षकार, तथा ओंकार से युक्त — यह ज्ञातव्य कहा गया है।

श्लोक 41 (skanda.5.204.41)

यस्तत्र कुरुते स्नानं विधियुक्तो जितेन्द्रियः। तिलमिश्रेण तोयेन तर्पयेत्पितृदेवताः

yastatra kurute snānaṁ vidhiyukto jitendriyaḥ| tilamiśreṇa toyena tarpayetpitṛdevatāḥ

जो वहाँ विधिपूर्वक, इन्द्रियों को जीतकर स्नान करता है, और तिल-मिश्रित जल से पितृ-देवताओं को तर्पण करता है,

श्लोक 42 (skanda.5.204.42)

कुलानां तारयेद्विंशं दशपूर्वान्दशापरान्। गयादिपञ्चस्थानेषु यः श्राद्धं कुरुते नरः

kulānāṁ tārayedviṁśaṁ daśapūrvāndaśāparān| gayādipañcasthāneṣu yaḥ śrāddhaṁ kurute naraḥ

वह अपने कुल की बीस पीढ़ियों को तार देता है — दस पूर्व और दस पर। जो मनुष्य गया आदि पाँच स्थानों में श्राद्ध करता है,

श्लोक 43 (skanda.5.204.43)

स तत्र फलमाप्नोति शूलभेदे न संशयः। यस्तत्र विधिना युक्तो दद्याद्दानानि भक्तितः

sa tatra phalamāpnoti śūlabhede na saṁśayaḥ| yastatra vidhinā yukto dadyāddānāni bhaktitaḥ

वह उसी फल को शूलभेद में भी प्राप्त करता है, इसमें कोई संशय नहीं। जो वहाँ विधिपूर्वक भक्ति से दान देता है,

श्लोक 44 (skanda.5.204.44)

तुदक्षयं फलं तत्र सुकृतं दुष्कृतं तथा। गयाशिरो यथा पुण्यं पितृकार्येषु सर्वदा

tudakṣayaṁ phalaṁ tatra sukṛtaṁ duṣkṛtaṁ tathā| gayāśiro yathā puṇyaṁ pitṛkāryeṣu sarvadā

उसका फल वहाँ अक्षय होता है, चाहे वह सुकृत हो या दुष्कृत। जैसे गयाशिर सदा पितृकार्यों में पुण्यमय है,

श्लोक 45 (skanda.5.204.45)

शूलभेदं तथा पुण्यं स्नानदानादितर्पणैः। भक्त्या ददाति यस्तत्र काञ्चनं गां महीं तिलान्

śūlabhedaṁ tathā puṇyaṁ snānadānāditarpaṇaiḥ| bhaktyā dadāti yastatra kāñcanaṁ gāṁ mahīṁ tilān

वैसे ही शूलभेद भी स्नान, दान तथा तर्पण आदि से पुण्यमय है। जो वहाँ भक्तिपूर्वक स्वर्ण, गौ, भूमि तथा तिल देता है,

श्लोक 46 (skanda.5.204.46)

आसनोपानहौ शय्यां वराश्वान् क्षत्रियस्तथा। वस्त्रयुग्मं च धान्यं च गृहं पूर्णं प्रयत्नतः

āsanopānahau śayyāṁ varāśvān kṣatriyastathā| vastrayugmaṁ ca dhānyaṁ ca gṛhaṁ pūrṇaṁ prayatnataḥ

आसन, जूते, शय्या, उत्तम अश्व — एक क्षत्रिय के योग्य — तथा वस्त्र-युगल, धान्य, तथा भरा हुआ घर प्रयत्नपूर्वक,

श्लोक 47 (skanda.5.204.47)

सयोक्त्रं लाङ्गलं दद्यात्कृष्टां चैव वसुंधराम्। दानान्येतानि यो दद्याद्ब्राह्मणे वेदपारगे

sayoktraṁ lāṅgalaṁ dadyātkṛṣṭāṁ caiva vasuṁdharām| dānānyetāni yo dadyādbrāhmaṇe vedapārage

बैलों के जोत सहित हल तथा जुती हुई पृथ्वी — जो कोई ये सभी दान वेदपारंगत ब्राह्मण को देता है,

श्लोक 48 (skanda.5.204.48)

श्रोत्रिये कुलसम्पन्ने शुचिष्मति जितेन्द्रिये। श्रुताध्ययनसम्पन्ने दम्भहीने क्रियान्विते। त्रयोदशाहःस्वेकैकं त्रयोदशगुणं भवेत्

śrotriye kulasampanne śuciṣmati jitendriye| śrutādhyayanasampanne dambhahīne kriyānvite| trayodaśāhaḥsvekaikaṁ trayodaśaguṇaṁ bhavet

जो वेदज्ञ, कुलीन, पवित्र, जितेन्द्रिय, अध्ययनसम्पन्न, दम्भरहित तथा क्रियावान् है — तेरह दिनों में से प्रत्येक दिन दिया गया दान तेरहगुना फलदायी होता है।