शूलभेद में दानधर्म की प्रशंसा

श्लोक 1 (skanda.5.206.1)

उत्तानपाद उवाच। काले तत्क्रियते कस्मिञ्छ्राद्धं दानं तथेश्वर। यात्रा तत्र प्रकर्तव्या तिथौ यस्यां वदाशु तत्

uttānapāda uvāca| kāle tatkriyate kasmiñcchrāddhaṁ dānaṁ tatheśvara| yātrā tatra prakartavyā tithau yasyāṁ vadāśu tat

उत्तानपाद ने कहा — हे ईश्वर! श्राद्ध तथा दान किस काल में करना चाहिए? किस तिथि को वहाँ यात्रा करनी चाहिए? यह शीघ्र बताइए।

श्लोक 2 (skanda.5.206.2)

ईश्वर उवाच। पितृतीर्थं यथा पुण्यं सर्वकामिकमुत्तमम्। इदं तीर्थं तथा पुण्यं स्नानदानादितर्पणैः

īśvara uvāca| pitṛtīrthaṁ yathā puṇyaṁ sarvakāmikamuttamam| idaṁ tīrthaṁ tathā puṇyaṁ snānadānāditarpaṇaiḥ

ईश्वर ने कहा — जैसे पितृतीर्थ पुण्यमय तथा समस्त कामनाओं को पूर्ण करने वाला उत्तम है, वैसे ही यह तीर्थ भी स्नान, दान तथा तर्पण आदि से पुण्यमय है।

श्लोक 3 (skanda.5.206.3)

विशेषेण तु कुर्वीत श्राद्धं सर्वयुगादिषु। मन्वन्तरादयो वत्स श्रूयन्तां च चतुर्दश

viśeṣeṇa tu kurvīta śrāddhaṁ sarvayugādiṣu| manvantarādayo vatsa śrūyantāṁ ca caturdaśa

विशेष रूप से समस्त युगादि तिथियों में श्राद्ध करना चाहिए; हे वत्स! मन्वन्तर आदि चौदह तिथियों को सुनो।

श्लोक 4 (skanda.5.206.4)

अश्वयुक्छुक्लनवमी द्वादशी कार्त्तिकस्य च। तृतीया चैत्रमासस्य तथा भाद्रपदस्य च

aśvayukchuklanavamī dvādaśī kārttikasya ca| tṛtīyā caitramāsasya tathā bhādrapadasya ca

आश्विन शुक्ल नवमी, कार्तिक की द्वादशी, चैत्र मास की तृतीया, तथा भाद्रपद की तृतीया,

श्लोक 5 (skanda.5.206.5)

आषाढस्यैव दशमी माघस्यैव तु सप्तमी। श्रावणस्याष्टमी कृष्णा तथाषाढस्य पूर्णिमा

āṣāḍhasyaiva daśamī māghasyaiva tu saptamī| śrāvaṇasyāṣṭamī kṛṣṇā tathāṣāḍhasya pūrṇimā

आषाढ़ की दशमी, माघ की सप्तमी, श्रावण की कृष्ण अष्टमी, तथा आषाढ़ की पूर्णिमा,

श्लोक 6 (skanda.5.206.6)

फाल्गुनस्य त्वमावास्या पौषस्यैकादशी सिता। कार्त्तिकी फाल्गुनी चैत्री ज्यैष्ठी पञ्चदशी तथा

phālgunasya tvamāvāsyā pauṣasyaikādaśī sitā| kārttikī phālgunī caitrī jyaiṣṭhī pañcadaśī tathā

फाल्गुन की अमावस्या, पौष की शुक्ल एकादशी, तथा कार्तिक, फाल्गुन, चैत्र और ज्येष्ठ की पूर्णिमाएँ,

श्लोक 7 (skanda.5.206.7)

मन्वन्तरादयश्चैते अनन्तफलदाः स्मृताः। अयने चोत्तरे राजन्दक्षिणे श्राद्धमाचरेत्

manvantarādayaścaite anantaphaladāḥ smṛtāḥ| ayane cottare rājandakṣiṇe śrāddhamācaret

ये मन्वन्तर आदि तिथियाँ अनन्त फल देने वाली कही गई हैं। हे राजन्! उत्तरायण तथा दक्षिणायन दोनों में श्राद्ध करना चाहिए।

श्लोक 8 (skanda.5.206.8)

कार्त्तिकी च तथा माघी वैशाखस्य तृतीयिका। पौर्णमासी च चैत्रस्य ज्येष्ठस्य च विशेषतः

kārttikī ca tathā māghī vaiśākhasya tṛtīyikā| paurṇamāsī ca caitrasya jyeṣṭhasya ca viśeṣataḥ

कार्तिक तथा माघ की पूर्णिमा, वैशाख की तृतीया, चैत्र की पूर्णिमा, तथा विशेष रूप से ज्येष्ठ की पूर्णिमा,

श्लोक 9 (skanda.5.206.9)

अष्टकासु च संक्रान्तौ व्यतीपाते तथैव च। श्राद्धकाला इमे सर्वे दत्तमेष्वक्षयं स्मृतम्

aṣṭakāsu ca saṅkrāntau vyatīpāte tathaiva ca| śrāddhakālā ime sarve dattameṣvakṣayaṁ smṛtam

अष्टका तिथियों में, संक्रान्ति में, तथा व्यतीपात योग में भी — ये सभी श्राद्ध के काल हैं; इनमें दिया गया दान अक्षय कहा गया है।

श्लोक 10 (skanda.5.206.10)

मधुमासे सिते पक्ष एकादश्यामुपोषितः। निशि जागरणं कुर्याद्विष्णुपादसमीपतः

madhumāse site pakṣa ekādaśyāmupoṣitaḥ| niśi jāgaraṇaṁ kuryādviṣṇupādasamīpataḥ

चैत्र मास के शुक्ल पक्ष की एकादशी को उपवास करके, रात्रि में विष्णुपाद के समीप जागरण करना चाहिए।

श्लोक 11 (skanda.5.206.11)

धूपदीपादिनैवेद्यैः स्रङ्मालागुरुचन्दनैः। अर्चां कुर्वन्ति ये विष्णोः पठेयुः प्राक्तनीं कथाम्

dhūpadīpādinaivedyaiḥ sraṅmālāgurucandanaiḥ| arcāṁ kurvanti ye viṣṇoḥ paṭheyuḥ prāktanīṁ kathām

धूप, दीप आदि नैवेद्यों से, माला, अगुरु तथा चन्दन से जो विष्णु की पूजा करते हैं, उन्हें उनकी प्राचीन कथा पढ़नी चाहिए।

श्लोक 12 (skanda.5.206.12)

ऋग्यजुःसाममन्त्रोक्तं सूक्तं जपति यो द्विजः। सर्वपापविनिर्मुक्तो विष्णुलोकं स गच्छति

ṛgyajuḥsāmamantroktaṁ sūktaṁ japati yo dvijaḥ| sarvapāpavinirmukto viṣṇulokaṁ sa gacchati

जो द्विज ऋक्, यजुः तथा साम में कहे गए सूक्त का जप करता है, वह समस्त पापों से मुक्त होकर विष्णुलोक को जाता है।

श्लोक 13 (skanda.5.206.13)

प्रातः श्राद्धं प्रकुर्वीत द्विजान् सम्पूज्य यत्नतः। दानं दद्याद्यथाशक्ति गोहिरण्याम्बरादिकम्

prātaḥ śrāddhaṁ prakurvīta dvijān sampūjya yatnataḥ| dānaṁ dadyādyathāśakti gohiraṇyāmbarādikam

प्रातःकाल श्राद्ध करना चाहिए, ब्राह्मणों की भलीभाँति पूजा कर; अपनी शक्ति के अनुसार गौ, स्वर्ण, वस्त्र आदि दान देना चाहिए।

श्लोक 14 (skanda.5.206.14)

पितरस्तस्य तृप्यन्ति यावदाभूतसम्प्लवम्। श्राद्धदस्तु व्रजेत्तत्र यत्र देवो जनार्दनः

pitarastasya tṛpyanti yāvadābhūtasamplavam| śrāddhadastu vrajettatra yatra devo janārdanaḥ

उसके पितर प्रलयकाल तक तृप्त रहते हैं। श्राद्ध करने वाला वहाँ जाता है जहाँ देव जनार्दन हैं।

श्लोक 15 (skanda.5.206.15)

त्रयोदश्यां ततो गच्छेद्गुहावासिनि लिङ्गके। दृष्ट्वा मार्कण्डमीशानं मुच्यते सर्वपातकैः

trayodaśyāṁ tato gacchedguhāvāsini liṅgake| dṛṣṭvā mārkaṇḍamīśānaṁ mucyate sarvapātakaiḥ

तेरहवीं तिथि को तब गुफावासी लिंग के पास जाना चाहिए; मार्कण्डेश्वर को देखकर मनुष्य समस्त पापों से मुक्त हो जाता है।

श्लोक 16 (skanda.5.206.16)

उत्तानपाद उवाच। गुहामध्ये महादेव लिङ्गं परमशोभितम्। येन प्रतिष्ठितं देव तन्ममाख्यातुमर्हसि

uttānapāda uvāca| guhāmadhye mahādeva liṅgaṁ paramaśobhitam| yena pratiṣṭhitaṁ deva tanmamākhyātumarhasi

उत्तानपाद ने कहा — हे महादेव! गुफा के भीतर परम शोभित लिंग है; हे देव! किसके द्वारा वह प्रतिष्ठित किया गया, यह मुझे बताने योग्य हो।

श्लोक 17 (skanda.5.206.17)

ईश्वर उवाच। त्रिषु लोकेषु विख्यातो मार्कण्डेयो मुनीश्वरः। दिव्यं वर्षसहस्रं स तपस्तेपे सुदारुणम्

īśvara uvāca| triṣu lokeṣu vikhyāto mārkaṇḍeyo munīśvaraḥ| divyaṁ varṣasahasraṁ sa tapastepe sudāruṇam

ईश्वर ने कहा — तीनों लोकों में विख्यात मुनीश्वर मार्कण्डेय ने एक हजार दिव्य वर्षों तक अत्यन्त कठोर तप किया।

श्लोक 18 (skanda.5.206.18)

गुहामध्यं प्रविष्टोऽसौ योगाभ्यासमुपाश्रितः। लिङ्गं तु स्थापितं तेन मार्कण्डेश्वरसंज्ञितम्

guhāmadhyaṁ praviṣṭo'sau yogābhyāsamupāśritaḥ| liṅgaṁ tu sthāpitaṁ tena mārkaṇḍeśvarasaṁjñitam

गुफा के भीतर प्रवेश कर, योगाभ्यास का आश्रय लेकर, उसने मार्कण्डेश्वर नामक लिंग की स्थापना की।

श्लोक 19 (skanda.5.206.19)

तत्र स्नात्वा च यो भक्त्या सोपवासो जितेन्द्रियः। तत्र जागरणं कुर्वन् दद्याद्दीपं प्रयत्नतः

tatra snātvā ca yo bhaktyā sopavāso jitendriyaḥ| tatra jāgaraṇaṁ kurvan dadyāddīpaṁ prayatnataḥ

वहाँ स्नान कर, भक्तिपूर्वक उपवास करते हुए, जितेन्द्रिय होकर, वहाँ जागरण करते हुए जो प्रयत्नपूर्वक दीप-दान करता है,

श्लोक 20 (skanda.5.206.20)

देवस्य स्नपनं कुर्यान्मृतैः पञ्चभिस्तथा। यथा शक्त्या समालभ्य पूजां कुर्याद्यथाविधि

devasya snapanaṁ kuryānmṛtaiḥ pañcabhistathā| yathā śaktyā samālabhya pūjāṁ kuryādyathāvidhi

पंचामृत से देव का स्नपन करे, तथा अपनी शक्ति के अनुसार अनुलेपन करके विधिपूर्वक पूजा करे।

श्लोक 21 (skanda.5.206.21)

स्वशाखोत्पन्नमन्त्रैश्च जपं कुर्युर्द्विजातयः। सावित्र्यष्टसहस्रं तु शताष्टकमथापि वा

svaśākhotpannamantraiśca japaṁ kuryurdvijātayaḥ| sāvitryaṣṭasahasraṁ tu śatāṣṭakamathāpi vā

द्विजातियों को अपनी-अपनी शाखा में उत्पन्न मन्त्रों से जप करना चाहिए — गायत्री मन्त्र का आठ हजार बार, अथवा एक सौ आठ बार भी।

श्लोक 22 (skanda.5.206.22)

एतत्कृत्वा नृपश्रेष्ठ जन्मनः फलमाप्नुयात्। चतुर्दश्यां तु वै स्नात्वा पूजां कृत्वा यथाविधि

etatkṛtvā nṛpaśreṣṭha janmanaḥ phalamāpnuyāt| caturdaśyāṁ tu vai snātvā pūjāṁ kṛtvā yathāvidhi

हे नृपश्रेष्ठ! ऐसा करके वह जन्म का फल प्राप्त करता है। चतुर्दशी को स्नान कर विधिपूर्वक पूजा करके,

श्लोक 23 (skanda.5.206.23)

पात्रं परीक्ष्य दातव्यमात्मनः श्रेय इच्छता। पितरस्तस्य तृप्यन्ति द्वादशाब्दान्यसंशयम्

pātraṁ parīkṣya dātavyamātmanaḥ śreya icchatā| pitarastasya tṛpyanti dvādaśābdānyasaṁśayam

अपने कल्याण की इच्छा रखने वाले को पात्र की परीक्षा कर दान देना चाहिए। उसके पितर बारह वर्षों तक तृप्त रहते हैं, इसमें कोई संशय नहीं।

श्लोक 24 (skanda.5.206.24)

दाता स गच्छते तत्र यत्र भोगाः सनातनाः। गुहामध्ये प्रविष्टस्तु लोटयेच्चैव शक्तितः

dātā sa gacchate tatra yatra bhogāḥ sanātanāḥ| guhāmadhye praviṣṭastu loṭayeccaiva śaktitaḥ

वह दाता वहाँ जाता है जहाँ सनातन भोग हैं। गुफा के भीतर प्रवेश कर अपनी शक्ति के अनुसार लोटन करे।

श्लोक 25 (skanda.5.206.25)

नीले गिरौ हि यत्पुण्यं तत्समस्तं लभन्ति ते। शूलभेदे तु यः कुर्याच्छ्राद्धं पर्वणि पर्वणि

nīle girau hi yatpuṇyaṁ tatsamastaṁ labhanti te| śūlabhede tu yaḥ kuryācchrāddhaṁ parvaṇi parvaṇi

नीले पर्वत में जो पुण्य है, वह सब उन्हें प्राप्त होता है। जो शूलभेद में पर्व-पर्व पर श्राद्ध करता है,

श्लोक 26 (skanda.5.206.26)

विशेषाच्चैत्रमासान्ते तस्य पुण्यफलं शृणु। केदारे चैव यत्पुण्यं गङ्गासागरसङ्गमे

viśeṣāccaitramāsānte tasya puṇyaphalaṁ śṛṇu| kedāre caiva yatpuṇyaṁ gaṅgāsāgarasaṅgame

विशेष रूप से चैत्र मास के अन्त में — उसके पुण्य-फल को सुनो। केदार में जो पुण्य है, गंगासागर के संगम में जो पुण्य है,

श्लोक 27 (skanda.5.206.27)

सितासिते तु यत्पुण्यमन्यतीर्थे विशेषतः। अर्बुदे विद्यते पुण्यं पुण्यं चामरपर्वते

sitāsite tu yatpuṇyamanyatīrthe viśeṣataḥ| arbude vidyate puṇyaṁ puṇyaṁ cāmaraparvate

श्वेत-श्याम जल के संगम में तथा अन्य तीर्थों में विशेष रूप से जो पुण्य है, अर्बुद पर्वत में जो पुण्य है, तथा अमरपर्वत में जो पुण्य है,

श्लोक 28 (skanda.5.206.28)

गयादिसर्वतीर्थानां फलमाप्नोति मानवः। विधिमन्त्रसमायुक्तस्तर्पयेत्पितृदेवताः

gayādisarvatīrthānāṁ phalamāpnoti mānavaḥ| vidhimantrasamāyuktastarpayetpitṛdevatāḥ

गया आदि समस्त तीर्थों का फल मनुष्य को प्राप्त होता है, यदि वह विधि और मन्त्र से युक्त होकर पितृ-देवताओं को तर्पण करता है।

श्लोक 29 (skanda.5.206.29)

कुलानां तारयेद्विंशं दश पूर्वान् दशापरान्। दक्षिणस्यां ततो मूर्तौ शुचिर्भूत्वा समाहितः

kulānāṁ tārayedviṁśaṁ daśa pūrvān daśāparān| dakṣiṇasyāṁ tato mūrtau śucirbhūtvā samāhitaḥ

वह अपने कुल की बीस पीढ़ियों को तार देता है — दस पूर्व और दस पर। फिर दक्षिण दिशा की मूर्ति के समक्ष पवित्र तथा एकाग्रचित्त होकर,

श्लोक 30 (skanda.5.206.30)

न्यासं कृत्वा तु पूर्वोक्तं प्रदद्यादष्टपुष्पिकाम्। शास्त्रोक्तैरष्टभिः पुष्पैर्मानसैः शृणु तद्यथा

nyāsaṁ kṛtvā tu pūrvoktaṁ pradadyādaṣṭapuṣpikām| śāstroktairaṣṭabhiḥ puṣpairmānasaiḥ śṛṇu tadyathā

पूर्वोक्त न्यास करके अष्टपुष्पिका अर्पित करनी चाहिए, शास्त्रोक्त आठ मानसिक पुष्पों से — सुनो, वे इस प्रकार हैं।

श्लोक 31 (skanda.5.206.31)

वारिजं सौम्यमाग्नेयं वायव्यं पार्थिवं पुनः। वानस्पत्यं भवेत्षष्ठं प्राजापत्यं तु सप्तमम्

vārijaṁ saumyamāgneyaṁ vāyavyaṁ pārthivaṁ punaḥ| vānaspatyaṁ bhavetṣaṣṭhaṁ prājāpatyaṁ tu saptamam

वारिज, सौम्य, आग्नेय, वायव्य, फिर पार्थिव, छठा वानस्पत्य होगा, सातवाँ प्राजापत्य होगा,

श्लोक 32 (skanda.5.206.32)

अष्टमं शिवपुष्पं स्यादेषां शृणु विनिर्णयम्। वारिजं सलिलं ज्ञेयं सौम्यं मधुघृतं पयः

aṣṭamaṁ śivapuṣpaṁ syādeṣāṁ śṛṇu vinirṇayam| vārijaṁ salilaṁ jñeyaṁ saumyaṁ madhughṛtaṁ payaḥ

आठवाँ शिवपुष्प होगा — इनका निर्णय सुनो। वारिज को जल जानना चाहिए, सौम्य को मधु, घृत तथा दूध।

श्लोक 33 (skanda.5.206.33)

आग्नेयं धूपदीपाद्यं वायव्यं चन्दनादिकम्। पार्थिवं कन्दमूलाद्यं वानस्पत्यं फलात्मकम्

āgneyaṁ dhūpadīpādyaṁ vāyavyaṁ candanādikam| pārthivaṁ kandamūlādyaṁ vānaspatyaṁ phalātmakam

आग्नेय है धूप-दीप आदि, वायव्य है चन्दन आदि; पार्थिव है कन्द-मूल आदि, वानस्पत्य है फलस्वरूप।

श्लोक 34 (skanda.5.206.34)

प्राजापत्यं तु पाठाद्यं शिवपुष्पं तु वासना। अहिंसा प्रथमं पुष्पं पुष्पमिन्द्रियनिग्रहः

prājāpatyaṁ tu pāṭhādyaṁ śivapuṣpaṁ tu vāsanā| ahiṁsā prathamaṁ puṣpaṁ puṣpamindriyanigrahaḥ

प्राजापत्य है पाठ आदि, शिवपुष्प है सुगन्ध। अहिंसा प्रथम पुष्प है, इन्द्रिय-निग्रह दूसरा पुष्प है।

श्लोक 35 (skanda.5.206.35)

तृतीयं तु दया पुष्पं क्षमा पुष्पं चतुर्थकम्। ध्यानपुष्पं तपः पुष्पं ज्ञानपुष्पं तु सप्तमम्

tṛtīyaṁ tu dayā puṣpaṁ kṣamā puṣpaṁ caturthakam| dhyānapuṣpaṁ tapaḥ puṣpaṁ jñānapuṣpaṁ tu saptamam

तीसरा दया-पुष्प है, चौथा क्षमा-पुष्प है; ध्यान-पुष्प, तप-पुष्प, तथा सातवाँ ज्ञान-पुष्प है।

श्लोक 36 (skanda.5.206.36)

सत्यं चैवाष्टमं पुष्पमेभिस्तुष्यन्ति देवताः। भक्त्या तपस्विनः पूज्या ज्ञानिनश्च नराधिप

satyaṁ caivāṣṭamaṁ puṣpamebhistuṣyanti devatāḥ| bhaktyā tapasvinaḥ pūjyā jñāninaśca narādhipa

सत्य ही आठवाँ पुष्प है; इन्हीं से देवता संतुष्ट होते हैं। हे नराधिप! तपस्वियों तथा ज्ञानियों की भक्तिपूर्वक पूजा करनी चाहिए।

श्लोक 37 (skanda.5.206.37)

छत्रमावरणं दद्यादुपानद्युगलं तथा। तेन पूजितमात्रेण पूजिताः पुरुषास्त्रयः

chatramāvaraṇaṁ dadyādupānadyugalaṁ tathā| tena pūjitamātreṇa pūjitāḥ puruṣāstrayaḥ

छत्र तथा आवरण, तथा जूतों का जोड़ा भी देना चाहिए; इतना पूजित करने मात्र से तीनों पुरुष पूजित हो जाते हैं।

श्लोक 38 (skanda.5.206.38)

स्वर्गलोके वसेत्तावद्यावदाभूतसम्प्लवम्। शूलपाणेस्तु भक्त्या वै जाप्यं कुर्वन्ति ये नराः

svargaloke vasettāvadyāvadābhūtasamplavam| śūlapāṇestu bhaktyā vai jāpyaṁ kurvanti ye narāḥ

वह प्रलयकाल तक स्वर्गलोक में निवास करता है। जो मनुष्य त्रिशूलधारी शिव का भक्तिपूर्वक जप करते हैं,

श्लोक 39 (skanda.5.206.39)

पञ्चामृतैः पञ्चगव्यैर्यक्षकर्दमकुङ्कुमैः। समालभेत देवेशं श्रीखण्डागुरुचन्दनैः

pañcāmṛtaiḥ pañcagavyairyakṣakardamakuṅkumaiḥ| samālabheta deveśaṁ śrīkhaṇḍāguracandanaiḥ

पंचामृत, पंचगव्य, यक्षकर्दम, कुंकुम, श्रीखण्ड, अगुरु तथा चन्दन से देवेश का अनुलेपन करें।

श्लोक 40 (skanda.5.206.40)

नानाविधैश्च ये पुष्पैरर्चां कुर्वन्ति शूलिनः। निशि जागरणं कुर्युर्दीपदानं प्रयत्नतः

nānāvidhaiśca ye puṣpairarcāṁ kurvanti śūlinaḥ| niśi jāgaraṇaṁ kuryurdīpadānaṁ prayatnataḥ

तथा जो विविध पुष्पों से त्रिशूलधारी की पूजा करते हैं, वे रात्रि में जागरण करें तथा प्रयत्नपूर्वक दीपदान करें।

श्लोक 41 (skanda.5.206.41)

धूपनैवेद्यकं दद्यात्पठेत्पौराणिकीं कथाम्। तत्र स्थाने स्थिता भक्त्या जपं कुर्वन्ति ये नराः

dhūpanaivedyakaṁ dadyātpaṭhetpaurāṇikīṁ kathām| tatra sthāne sthitā bhaktyā japaṁ kurvanti ye narāḥ

धूप और नैवेद्य अर्पित कर पौराणिक कथा पढ़नी चाहिए। जो मनुष्य उस स्थान में स्थित होकर भक्तिपूर्वक जप करते हैं,

श्लोक 42 (skanda.5.206.42)

श्रीसूक्तं पौरुषं सूक्तं पावमानं वृषाकपिम्। वेदोक्तैश्चैव मन्त्रैश्च रौद्रीं वा बहुरूपिणीम्

śrīsūktaṁ pauruṣaṁ sūktaṁ pāvamānaṁ vṛṣākapim| vedoktaiścaiva mantraiśca raudrīṁ vā bahurūpiṇīm

श्रीसूक्त, पुरुषसूक्त, पावमान सूक्त, वृषाकपि सूक्त, वेदोक्त मन्त्रों से, अथवा रौद्री बहुरूपिणी सूक्त से,

श्लोक 43 (skanda.5.206.43)

ब्राह्मणान् पूजयेद्भक्त्या पूजयित्वा प्रणम्य च। नानाविधैर्महाभोगैः शिवलोके महीयते

brāhmaṇān pūjayedbhaktyā pūjayitvā praṇamya ca| nānāvidhairmahābhogaiḥ śivaloke mahīyate

भक्तिपूर्वक ब्राह्मणों की पूजा करके, पूजा और प्रणाम करके, विविध महाभोगों से युक्त होकर वह शिवलोक में महिमान्वित होता है।

श्लोक 44 (skanda.5.206.44)

अग्निमित्यादि जाप्यानि ऋग्वेदी जपते तु यः। रुद्रान् पुरुषसूक्तं च श्लोकाध्यायं च शुक्रियम्

agnimityādi jāpyāni ṛgvedī japate tu yaḥ| rudrān puruṣasūktaṁ ca ślokādhyāyaṁ ca śukriyam

जो ऋग्वेदी 'अग्निम्' इत्यादि जप्य मन्त्रों का जप करता है, रुद्रसूक्त, पुरुषसूक्त, श्लोकाध्याय तथा शुक्रिय सूक्त का जप करता है,

श्लोक 45 (skanda.5.206.45)

इषेत्वा दिकमन्त्रौघं ज्योतिर्ब्राह्मणमेव च। गायत्र्यं वै मधु चैव मण्डलब्राह्मणानि च

iṣetvā dikamantraughaṁ jyotirbrāhmaṇameva ca| gāyatryaṁ vai madhu caiva maṇḍalabrāhmaṇāni ca

इषेत्वा मन्त्र, दिशाओं के मन्त्रसमूह, ज्योतिर्ब्राह्मण, गायत्री, मधु, तथा मण्डलब्राह्मण भी,

श्लोक 46 (skanda.5.206.46)

एताञ्जप्यांस्तु यो भक्त्या यजुर्वेदी जपेद्यदि। देवव्रतं वामदेव्यं पुरुषर्षभमेव च

etāñjapyāṁstu yo bhaktyā yajurvedī japedyadi| devavrataṁ vāmadevyaṁ puruṣarṣabhameva ca

यदि यजुर्वेदी भक्तिपूर्वक इन जप्य मन्त्रों का जप करता है — देवव्रत, वामदेव्य, तथा पुरुषर्षभ सूक्त,

श्लोक 47 (skanda.5.206.47)

बृहद्रथान्तरं चैव यो जपेद्भक्तितत्परः। स प्रयाति नरः स्थानं यत्र देवो महेश्वरः

bṛhadrathāntaraṁ caiva yo japedbhaktitatparaḥ| sa prayāti naraḥ sthānaṁ yatra devo maheśvaraḥ

तथा बृहद्रथान्तर का भी भक्तिपूर्वक जप करता है, वह मनुष्य उस स्थान को प्राप्त होता है जहाँ देव महेश्वर हैं।

श्लोक 48 (skanda.5.206.48)

पादशौचं तथाभ्यङ्गं कुरुते योऽत्र भक्तितः। गोदाने चैव यत्पुण्यं लभते नात्र संशयः

pādaśaucaṁ tathābhyaṅgaṁ kurute yo'tra bhaktitaḥ| godāne caiva yatpuṇyaṁ labhate nātra saṁśayaḥ

जो यहाँ भक्तिपूर्वक पाद-शौच तथा अभ्यंग करता है, वह गोदान के समान पुण्य प्राप्त करता है, इसमें कोई संशय नहीं।

श्लोक 49 (skanda.5.206.49)

ब्राह्मणान् भोजयेत्तत्र मधुना पायसेन च। एकस्मिन् भोजिते विप्रे कोटिर्भवति भोजिता

brāhmaṇān bhojayettatra madhunā pāyasena ca| ekasmin bhojite vipre koṭirbhavati bhojitā

वहाँ ब्राह्मणों को मधु तथा खीर से भोजन कराना चाहिए। एक ब्राह्मण को भोजन कराने पर करोड़ों को भोजन कराने का फल मिलता है।

श्लोक 50 (skanda.5.206.50)

सुवर्णं रजतं वस्त्रं दद्याद्भक्त्या द्विजोत्तमे। तर्पितास्तेन देवाः स्युर्मनुष्याः पितरस्तथा

suvarṇaṁ rajataṁ vastraṁ dadyādbhaktyā dvijottame| tarpitāstena devāḥ syurmanuṣyāḥ pitarastathā

द्विजोत्तम को भक्तिपूर्वक स्वर्ण, चाँदी तथा वस्त्र देने चाहिए; उससे देवता, मनुष्य तथा पितर तृप्त हो जाते हैं।

श्लोक 51 (skanda.5.206.51)

चन्द्रसूर्यग्रहे भक्त्या स्नानं कुर्वन्ति ये नराः। देवार्चनं ये च कुर्युर्जपं होमं विशेषतः। दद्याद्दानं यथाशक्ति ब्राह्मणे वेदपारगे

candrasūryagrahe bhaktyā snānaṁ kurvanti ye narāḥ| devārcanaṁ ye ca kuryurjapaṁ homaṁ viśeṣataḥ| dadyāddānaṁ yathāśakti brāhmaṇe vedapārage

जो मनुष्य चन्द्र या सूर्य ग्रहण के समय भक्तिपूर्वक स्नान करते हैं, जो देव-पूजन, जप तथा विशेष रूप से हवन करते हैं, और अपनी शक्ति के अनुसार वेदपारंगत ब्राह्मण को दान देते हैं,

श्लोक 52 (skanda.5.206.52)

अश्वं रथं गजं यानं तुलापुरुषमेव च। शकटं यः प्रदद्याद्वा सप्तधान्यप्रपूरितम्

aśvaṁ rathaṁ gajaṁ yānaṁ tulāpuruṣameva ca| śakaṭaṁ yaḥ pradadyādvā saptadhānyaprapūritam

घोड़ा, रथ, हाथी, वाहन, तुलापुरुष, अथवा जो सप्तधान्य से भरी गाड़ी देता है,

श्लोक 53 (skanda.5.206.53)

सयोक्त्रं लाङ्गलं दद्याद्युवानौ तु धुरंधरौ। गोभूतिलहिरण्यादि पात्रे दातव्यमर्चितम्

sayoktraṁ lāṅgalaṁ dadyādyuvānau tu dhuraṁdharau| gobhūtilahiraṇyādi pātre dātavyamarcitam

जोत सहित हल, तथा जोड़ी में बैठने वाले युवा बैल — गौ, भूमि, तिल, स्वर्ण आदि — योग्य पात्र को सम्मानपूर्वक देना चाहिए।

श्लोक 54 (skanda.5.206.54)

अपात्रे विदुषा किंचिन्न देयं भूतिमिच्छता। यतोऽसौ सर्वभूतानि दधाति धरणी किल

apātre viduṣā kiṁcinna deyaṁ bhūtimicchatā| yato'sau sarvabhūtāni dadhāti dharaṇī kila

कल्याण की इच्छा रखने वाले विद्वान को अपात्र को कुछ भी नहीं देना चाहिए, क्योंकि यह पृथ्वी समस्त प्राणियों को धारण करती है।

श्लोक 55 (skanda.5.206.55)

ततो विप्राय सा देया सर्वसस्यौघमालिनी। अथान्यच्छृणु राजेन्द्र गोदानस्य तु यत्फलम्

tato viprāya sā deyā sarvasasyaughamālinī| athānyacchṛṇu rājendra godānasya tu yatphalam

इसलिए वह, समस्त फसलों की माला से सुशोभित पृथ्वी, ब्राह्मण को दी जानी चाहिए। हे राजेन्द्र! अब गोदान का फल भी सुनो।

श्लोक 56 (skanda.5.206.56)

यावद्वत्सस्य पादौ द्वौ मुखं योन्यां प्रदृश्यते। तावद्गौः पृथिवी ज्ञेया यावद्गर्भं न मुञ्चति

yāvadvatsasya pādau dvau mukhaṁ yonyāṁ pradṛśyate| tāvadgauḥ pṛthivī jñeyā yāvadgarbhaṁ na muñcati

जब तक बछड़े के दोनों पैर तथा मुख गर्भ के द्वार में दिखाई देते हैं, अर्थात् जब तक वह गर्भ को नहीं छोड़ती, तब तक गौ को पृथ्वी के समान जानना चाहिए।

श्लोक 57 (skanda.5.206.57)

येन केनाप्युपायेन ब्राह्मणे तां समर्पयेत्। पृथ्वी दत्ता भवेत्तेन सशैलवनकानना

yena kenāpyupāyena brāhmaṇe tāṁ samarpayet| pṛthvī dattā bhavettena saśailavanakānanā

जो किसी भी उपाय से उसे ब्राह्मण को अर्पित करता है, उसके द्वारा मानो पर्वत-वन-कानन सहित सम्पूर्ण पृथ्वी दान की गई हो।

श्लोक 58 (skanda.5.206.58)

तारयेन्नियतं दत्ता कुलानामेकविंशतिम्। रौप्यखुरीं कांस्यदोहां सवस्त्रां च पयस्विनीम्

tārayenniyataṁ dattā kulānāmekaviṁśatim| raupyakhurīṁ kāṁsyadohāṁ savastrāṁ ca payasvinīm

वह निश्चय ही इक्कीस पीढ़ियों को तार देती है, यदि दी जाती है रजत-खुर वाली, कांस्य-पात्र से दुही जाने वाली, वस्त्र सहित, दूध देने वाली गौ।

श्लोक 59 (skanda.5.206.59)

ये प्रयच्छन्ति कृतिनो ग्रस्ते सूर्ये निशाकरे। तेषां संख्यां न जानामि पुण्यस्याब्दशतैरपि

ye prayacchanti kṛtino graste sūrye niśākare| teṣāṁ saṁkhyāṁ na jānāmi puṇyasyābdaśatairapi

जो पुण्यशाली लोग सूर्य अथवा चन्द्र ग्रहण के समय दान देते हैं, उनके पुण्य की संख्या मैं सैकड़ों वर्षों में भी नहीं जान सकता।

श्लोक 60 (skanda.5.206.60)

सर्वस्यापि हि दानस्य संख्यास्तीह नराधिप। चन्द्रसूर्योपरागे च दानसंख्या न विद्यते

sarvasyāpi hi dānasya saṁkhyāstīha narādhipa| candrasūryoparāge ca dānasaṁkhyā na vidyate

हे नराधिप! समस्त दानों की एक निश्चित संख्या यहाँ होती है, परन्तु चन्द्र-सूर्य ग्रहण में दिए गए दान की कोई संख्या नहीं होती।

श्लोक 61 (skanda.5.206.61)

यत्र गौर्दृश्यते राजन् सर्वतीर्थानि तत्र हि। तत्र पर्व विजानीयान्नात्र कार्या विचारणा

yatra gaurdṛśyate rājan sarvatīrthāni tatra hi| tatra parva vijānīyānnātra kāryā vicāraṇā

हे राजन्! जहाँ गौ दिखाई देती है, वहाँ समस्त तीर्थ विद्यमान हैं; उसे पर्व-तुल्य ही जानना चाहिए, इसमें कोई विचार नहीं करना चाहिए।

श्लोक 62 (skanda.5.206.62)

पुनः स्मृत्वा तु तत्तीर्थं यः कुर्याद्गमनं नरः। अथवा म्रियते योऽत्र रुद्रस्यानुचरो भवेत्

punaḥ smṛtvā tu tattīrthaṁ yaḥ kuryādgamanaṁ naraḥ| athavā mriyate yo'tra rudrasyānucaro bhavet

जो मनुष्य पुनः उस तीर्थ का स्मरण कर वहाँ गमन करता है, अथवा जो वहाँ मृत्यु को प्राप्त होता है, वह रुद्र का अनुचर बन जाता है।