काशीराज की मोक्षप्राप्ति

श्लोक 1 (skanda.5.210.1)

उत्तानपाद उवाच। माहात्म्यं तीर्थजं दृष्ट्वा चित्रसेनो नरेश्वरः। किं चकार क्व वा वासं किमाहारो बभूव ह॥

uttānapāda uvāca| māhātmyaṁ tīrthajaṁ dṛṣṭvā citraseno nareśvaraḥ| kiṁ cakāra kva vā vāsaṁ kimāhāro babhūva ha||

उत्तानपाद ने कहा—उस तीर्थ से उत्पन्न माहात्म्य को देखकर राजा चित्रसेन ने क्या किया? वे कहाँ निवास करते थे और उनका आहार क्या था?

श्लोक 2 (skanda.5.210.2)

ईश्वर उवाच। भृगुतुङ्गं समारुह्य ऐशानीं दिशमाश्रितः। तपश्चचार विपुलं कुण्डे तत्र नृपोत्तमः॥

īśvara uvāca| bhṛgutuṅgaṁ samāruhya aiśānīṁ diśamāśritaḥ| tapaścacāra vipulaṁ kuṇḍe tatra nṛpottamaḥ||

ईश्वर ने कहा—भृगुतुंग पर चढ़कर, ईशान दिशा का आश्रय लेकर, उस नृपोत्तम ने उस कुण्ड में विपुल तप किया।

श्लोक 3 (skanda.5.210.3)

सर्वान् देवान् हृदि ध्यात्वा ब्रह्मविष्णुमहेश्वरान्। विचिक्षेप यदात्मानं प्रत्यक्षौ रुद्रकेशवौ। करे गृहीत्वा राजानं रुद्रो वचनमब्रवीत्॥

sarvān devān hṛdi dhyātvā brahmaviṣṇumaheśvarān| vicikṣepa yadātmānaṁ pratyakṣau rudrakeśavau| kare gṛhītvā rājānaṁ rudro vacanamabravīt||

हृदय में ब्रह्मा, विष्णु और महेश्वर—सभी देवों का ध्यान करते हुए, जैसे ही उसने अपने शरीर का त्याग करना चाहा, रुद्र और केशव साक्षात् प्रकट हुए; राजा का हाथ पकड़कर रुद्र ने यह वचन कहा—

श्लोक 4 (skanda.5.210.4)

ईश्वर उवाच। प्राणत्यागं महाराज मा काले त्वं कृथा वृथा। अद्याप्यसि युवा त्वं वै न युक्तं मरणं तव॥

īśvara uvāca| prāṇatyāgaṁ mahārāja mā kāle tvaṁ kṛthā vṛthā| adyāpyasi yuvā tvaṁ vai na yuktaṁ maraṇaṁ tava||

ईश्वर ने कहा—"हे महाराज! अकाल में व्यर्थ ही प्राणत्याग मत करो। तुम अभी भी युवा हो, तुम्हारे लिए मरण उचित नहीं है।

श्लोक 5 (skanda.5.210.5)

स्वस्थानं गच्छ शीघ्रं त्वं भुक्त्वा भोगान्यथेप्सितान्। कुरु निष्कण्टकं राज्यं नाके शक्र इवापरः॥

svasthānaṁ gaccha śīghraṁ tvaṁ bhuktvā bhogānyathepsitān| kuru niṣkaṇṭakaṁ rājyaṁ nāke śakra ivāparaḥ||

शीघ्र अपने स्थान को जाओ, यथेच्छ भोगों का उपभोग करके निष्कण्टक राज्य करो, स्वर्ग में दूसरे इन्द्र के समान।"

श्लोक 6 (skanda.5.210.6)

चित्रसेन उवाच। न राज्यं कामये देव न पुत्रान्न च बान्धवान्। न भार्यां न च कोशं च न गजान्न तुरंगमान्॥

citrasena uvāca| na rājyaṁ kāmaye deva na putrānna ca bāndhavān| na bhāryāṁ na ca kośaṁ ca na gajānna turaṁgamān||

चित्रसेन ने कहा—"हे देव! मुझे न राज्य चाहिए, न पुत्र, न बान्धव, न पत्नी, न कोश, न हाथी, न घोड़े।

श्लोक 7 (skanda.5.210.7)

मुञ्च मुञ्च महादेव मा विघ्नः क्रियतां मम। स्वर्गप्राप्तिर्ममाद्यैव त्वत्प्रसादान्महेश्वर॥

muñca muñca mahādeva mā vighnaḥ kriyatāṁ mama| svargaprāptirmamādyaiva tvatprasādānmaheśvara||

मुझे मुक्त कीजिए, मुक्त कीजिए, हे महादेव! मेरे लिए कोई विघ्न मत कीजिए। हे महेश्वर! आपकी कृपा से आज ही मुझे स्वर्ग-प्राप्ति हो।"

श्लोक 8 (skanda.5.210.8)

ईश्वर उवाच। यस्याग्रतो भवेद्ब्रह्मा विष्णुः शम्भुस्तथैव च। स्वर्गेण तस्य किं कार्यं स गतः किं करिष्यति॥

īśvara uvāca| yasyāgrato bhavedbrahmā viṣṇuḥ śambhustathaiva ca| svargeṇa tasya kiṁ kāryaṁ sa gataḥ kiṁ kariṣyati||

ईश्वर ने कहा—"जिसके आगे ब्रह्मा, विष्णु और शम्भु स्वयं खड़े हों, उसे स्वर्ग से क्या प्रयोजन? वहाँ जाकर वह क्या करेगा?

श्लोक 9 (skanda.5.210.9)

तुष्टा वयं त्रयो देवा वृणीष्व वरमुत्तमम्। यथेप्सितं महाराज सत्यमेतदसंशयम्॥

tuṣṭā vayaṁ trayo devā vṛṇīṣva varamuttamam| yathepsitaṁ mahārāja satyametadasaṁśayam||

हम तीनों देव प्रसन्न हैं; हे महाराज! तुम यथेच्छ उत्तम वर माँग लो, यह सत्य है, इसमें कोई संशय नहीं।"

श्लोक 10 (skanda.5.210.10)

चित्रसेन उवाच। यदि तुष्टास्त्रयो देवा ब्रह्मविष्णुमहेश्वराः। अद्यप्रभृति युष्माभिः स्थातव्यमिह सर्वदा॥

citrasena uvāca| yadi tuṣṭāstrayo devā brahmaviṣṇumaheśvarāḥ| adyaprabhṛti yuṣmābhiḥ sthātavyamiha sarvadā||

चित्रसेन ने कहा—"यदि ब्रह्मा, विष्णु और महेश्वर—तीनों देव प्रसन्न हैं, तो आज से आप सदैव यहीं निवास कीजिए।

श्लोक 11 (skanda.5.210.11)

गयाशिरो यथा पुण्यं कृतं युष्माभिरेव च। तथैवेदं प्रकर्तव्यं शूलभेदं च पावनम्॥

gayāśiro yathā puṇyaṁ kṛtaṁ yuṣmābhireva ca| tathaivedaṁ prakartavyaṁ śūlabhedaṁ ca pāvanam||

जैसे आपने गयाशिर में पुण्य किया, वैसे ही यहाँ इस पावन शूलभेद में भी कीजिए।

श्लोक 12 (skanda.5.210.12)

यत्रयत्र स्थिता यूयं तत्रतत्र वसाम्यहम्। गणानां चैव सर्वेषामाधिपत्यमथास्तु मे॥

yatrayatra sthitā yūyaṁ tatratatra vasāmyaham| gaṇānāṁ caiva sarveṣāmādhipatyamathāstu me||

जहाँ-जहाँ आप स्थित होंगे, वहाँ-वहाँ मैं भी निवास करूँगा; और सभी गणों का आधिपत्य मुझे प्राप्त हो।"

श्लोक 13 (skanda.5.210.13)

ईश्वर उवाच। अद्यप्रभृति तिष्ठामः शूलभेदे नरेश्वर। त्रिकालां हि त्रयो देवाः कलांशेन वसामहे॥

īśvara uvāca| adyaprabhṛti tiṣṭhāmaḥ śūlabhede nareśvara| trikālāṁ hi trayo devāḥ kalāṁśena vasāmahe||

ईश्वर ने कहा—"हे नरेश्वर! आज से हम शूलभेद में निवास करेंगे; तीनों देव त्रिकाल में कला-अंश से यहाँ वास करेंगे।

श्लोक 14 (skanda.5.210.14)

नन्दिसंज्ञो गणाधीशो भविष्यति भवान्ध्रुवम्। मत्समीपे तु भवत आदौ पूजा भविष्यति॥

nandisaṁjño gaṇādhīśo bhaviṣyati bhavāndhruvam| matsamīpe tu bhavata ādau pūjā bhaviṣyati||

तुम निश्चय ही नन्दि नामक गणाध्यक्ष बनोगे; मेरे समीप सर्वप्रथम तुम्हारी पूजा होगी।

श्लोक 15 (skanda.5.210.15)

प्रक्षिप्य तानि चास्थीनि यत्र दीर्घतपा ययौ। सकुटुम्बो विमानस्थः स्वर्गतस्त्वं तथा कुरु॥

prakṣipya tāni cāsthīni yatra dīrghatapā yayau| sakuṭumbo vimānasthaḥ svargatastvaṁ tathā kuru||

उन अस्थियों को वहाँ डालकर, जहाँ दीर्घतपा अपने परिवार सहित विमान में बैठकर स्वर्ग गए थे, तुम भी वैसा ही करो।"

श्लोक 16 (skanda.5.210.16)

एवं देवा वरं दत्त्वा चित्रसेनाय पार्थिव। कुण्डमूर्धनि याम्यायां त्रयो देवास्तदा स्थिताः॥

evaṁ devā varaṁ dattvā citrasenāya pārthiva| kuṇḍamūrdhani yāmyāyāṁ trayo devāstadā sthitāḥ||

हे राजन्! इस प्रकार चित्रसेन को वर देकर, तीनों देव तब कुण्ड के दक्षिण-शीर्ष पर स्थित हो गए।

श्लोक 17 (skanda.5.210.17)

परस्परं वदन्त्येवं पुण्यतीर्थमिदं परम्। यथा हि गयाशिरः पुण्यं पूर्वमेव पठ्यते। तथा रेवातटे पुण्यं शूलभेदं न संशयः॥

parasparaṁ vadantyevaṁ puṇyatīrthamidaṁ param| yathā hi gayāśiraḥ puṇyaṁ pūrvameva paṭhyate| tathā revātaṭe puṇyaṁ śūlabhedaṁ na saṁśayaḥ||

वे आपस में इस प्रकार कहने लगे—"यह परम पुण्य तीर्थ है; जैसे गयाशिर का पुण्य सबसे पहले वर्णित है, वैसे ही रेवा-तट पर स्थित शूलभेद का पुण्य भी है, इसमें संशय नहीं।"

श्लोक 18 (skanda.5.210.18)

ईश्वर उवाच। इदं तीर्थं तथा पुण्यं यथा पुण्यं गयाशिरः। सकृत्पिण्डोदकेनैव नरो निर्मलतां व्रजेत्॥

īśvara uvāca| idaṁ tīrthaṁ tathā puṇyaṁ yathā puṇyaṁ gayāśiraḥ| sakṛtpiṇḍodakenaiva naro nirmalatāṁ vrajet||

ईश्वर ने कहा—"यह तीर्थ उतना ही पुण्यदायी है जितना पुण्यदायी गयाशिर है; यहाँ एक बार पिण्डोदक देने मात्र से मनुष्य निर्मल हो जाता है।

श्लोक 19 (skanda.5.210.19)

एकं गयाशिरो मुक्त्वा सर्वतीर्थानि भूपते। शूलभेदस्य तीर्थस्य कलां नार्हन्ति षोडशीम्॥

ekaṁ gayāśiro muktvā sarvatīrthāni bhūpate| śūlabhedasya tīrthasya kalāṁ nārhanti ṣoḍaśīm||

हे भूपते! एक गयाशिर को छोड़कर सभी तीर्थ शूलभेद तीर्थ की सोलहवीं कला के भी योग्य नहीं हैं।

श्लोक 20 (skanda.5.210.20)

कुण्डमुदीच्यां याम्यायां दशहस्तप्रमाणतः। रौद्रवारुणकाष्ठायां प्रमाणं चैकविंशति॥

kuṇḍamudīcyāṁ yāmyāyāṁ daśahastapramāṇataḥ| raudravāruṇakāṣṭhāyāṁ pramāṇaṁ caikaviṁśati||

वह कुण्ड उत्तर-दक्षिण दस हाथ प्रमाण का है, और नैऋत्य-वारुण कोण में उसका प्रमाण इक्कीस हाथ है।

श्लोक 21 (skanda.5.210.21)

एतत्प्रमाणं तत्तीर्थं पिण्डदानादिकर्मसु। नाधर्मनिरता दातुं लभन्ते दानमत्र हि॥

etatpramāṇaṁ tattīrthaṁ piṇḍadānādikarmasu| nādharmaniratā dātuṁ labhante dānamatra hi||

पिण्डदान आदि कर्मों में यही उस तीर्थ का प्रमाण है; अधर्म में रत लोगों को यहाँ दान देने का अधिकार नहीं मिलता।

श्लोक 22 (skanda.5.210.22)

विष्णुस्तु पितृरूपेण ब्रह्मरूपी पितामहः। प्रपितामहो रुद्रोऽभूदेवं त्रिपुरुषाः स्थिताः॥

viṣṇustu pitṛrūpeṇa brahmarūpī pitāmahaḥ| prapitāmaho rudro'bhūdevaṁ tripuruṣāḥ sthitāḥ||

विष्णु वहाँ पितृ-रूप में, ब्रह्मा पितामह-रूप में, और रुद्र प्रपितामह-रूप में स्थित हुए—इस प्रकार तीनों पुरुष (पितर) वहाँ विराजमान हैं।

श्लोक 23 (skanda.5.210.23)

कदा पश्यति तीर्थं वै कदा नस्तारयिष्यति। इति प्रतीक्षां कुर्वन्ति पुत्राणां सततं नृप। शूलभेदे नरः स्नात्वा दृष्ट्वा शूलधरं सकृत्॥

kadā paśyati tīrthaṁ vai kadā nastārayiṣyati| iti pratīkṣāṁ kurvanti putrāṇāṁ satataṁ nṛpa| śūlabhede naraḥ snātvā dṛṣṭvā śūladharaṁ sakṛt||

'हम कब उस तीर्थ को देखेंगे, कब वह हमें तार देगा?'—हे राजन्! इस प्रकार वे पितर सदा अपने पुत्रों (वंशजों) की प्रतीक्षा करते रहते हैं। शूलभेद में स्नान करके त्रिशूलधारी का एक बार दर्शन करने वाला मनुष्य,

श्लोक 24 (skanda.5.210.24)

नापुत्रो नाधनो रोगी सप्तजन्मसु जायते। एकविंशतिं पितुः पक्षे मातुश्वैवेकविंशतिम्॥

nāputro nādhano rogī saptajanmasu jāyate| ekaviṁśatiṁ pituḥ pakṣe mātuśvaivekaviṁśatim||

सात जन्मों तक न पुत्रहीन, न धनहीन, न रोगी होता है। पिता की ओर से इक्कीस, माता की ओर से भी इक्कीस,

श्लोक 25 (skanda.5.210.25)

भार्यापक्षे दशैवेह कुलान्येतानि तारयेत्। शूलभेदवने राजञ्छाकमूलफलैरपि॥

bhāryāpakṣe daśaiveha kulānyetāni tārayet| śūlabhedavane rājañchākamūlaphalairapi||

और पत्नी की ओर से दस—इन कुलों को वह तार देता है। हे राजन्! शूलभेद वन में शाक, मूल और फल से भी,

श्लोक 26 (skanda.5.210.26)

एकस्मिन्भोजिते विप्रे कोटीर्भवति भोजिता। पञ्चस्थानेषु यः श्राद्धं कुरुते भक्तिमान्नरः॥

ekasminbhojite vipre koṭīrbhavati bhojitā| pañcasthāneṣu yaḥ śrāddhaṁ kurute bhaktimānnaraḥ||

एक ब्राह्मण को भोजन कराने पर मानो एक करोड़ को भोजन कराया गया हो। जो भक्तिमान पुरुष पाँच स्थानों में श्राद्ध करता है,

श्लोक 27 (skanda.5.210.27)

कुलानि प्रेतभूतानि सर्वाण्यपि हि तारयेत्। द्विजदेवप्रसादेन पितॄणां च प्रसादतः॥

kulāni pretabhūtāni sarvāṇyapi hi tārayet| dvijadevaprasādena pitṝṇāṁ ca prasādataḥ||

वह प्रेत बने हुए सभी कुलों को भी तार देता है—द्विजों और देवों की कृपा से, तथा पितरों की कृपा से।

श्लोक 28 (skanda.5.210.28)

श्राद्धदो निवसेत्तत्र यत्र देवो महेश्वरः। स्युरात्मघातिनो ये च गोब्राह्मणहनाश्च ये॥

śrāddhado nivasettatra yatra devo maheśvaraḥ| syurātmaghātino ye ca gobrāhmaṇahanāśca ye||

श्राद्धकर्ता को वहीं निवास करना चाहिए जहाँ भगवान महेश्वर विराजमान हैं। जो आत्मघाती हों, जिन्होंने गौ या ब्राह्मण की हत्या की हो,

श्लोक 29 (skanda.5.210.29)

दंष्ट्रिभिर्जलपाते च विद्युत्पातेषु ये मृताः। न येषामग्निसंस्कारो नाशौचं नोदकक्रिया॥

daṁṣṭribhirjalapāte ca vidyutpāteṣu ye mṛtāḥ| na yeṣāmagnisaṁskāro nāśaucaṁ nodakakriyā||

जो हिंसक जन्तुओं के दाँतों से, जल में डूबकर, या वज्रपात से मरे हों, जिनका न अग्निसंस्कार हुआ हो, न अशौच पालन हुआ हो, न उदक-क्रिया हुई हो—

श्लोक 30 (skanda.5.210.30)

तत्र तीर्थे तु यस्तेषां श्राद्धं कुर्वीत भक्तितः। मोक्षावाप्तिर्भवेत्तेषां युगमेकं न संशयः॥

tatra tīrthe tu yasteṣāṁ śrāddhaṁ kurvīta bhaktitaḥ| mokṣāvāptirbhavetteṣāṁ yugamekaṁ na saṁśayaḥ||

उन सबके लिए जो कोई उस तीर्थ में भक्तिपूर्वक श्राद्ध करे, उन्हें एक युग में ही मोक्ष प्राप्त होता है, इसमें कोई संशय नहीं।

श्लोक 31 (skanda.5.210.31)

अज्ञानाद्यत्कृतं पापं बालभावाच्च यत्कृतम्। तत्सर्वं नाशयेत्पापं स्नानमात्रेण भूपते॥

ajñānādyatkṛtaṁ pāpaṁ bālabhāvācca yatkṛtam| tatsarvaṁ nāśayetpāpaṁ snānamātreṇa bhūpate||

हे भूपते! अज्ञानवश किया गया पाप और बाल्यावस्था में किया गया पाप—वह सब पाप वहाँ केवल स्नान करने मात्र से नष्ट हो जाता है।

श्लोक 32 (skanda.5.210.32)

रजकेन यथा धौतं वस्त्रं भवति निर्मलम्। तथा पापोऽपि तत्तीर्थे स्नातो भवति निर्मलः॥

rajakena yathā dhautaṁ vastraṁ bhavati nirmalam| tathā pāpo'pi tattīrthe snāto bhavati nirmalaḥ||

जैसे धोबी द्वारा धोया गया वस्त्र निर्मल हो जाता है, वैसे ही पापी भी उस तीर्थ में स्नान करके निर्मल हो जाता है।

श्लोक 33 (skanda.5.210.33)

संन्यासं कुरुते योऽत्र तीर्थे विधिसमन्वितम्। ध्यायन्नित्यं महादेवं स गच्छेत्परमं पदम्॥

saṁnyāsaṁ kurute yo'tra tīrthe vidhisamanvitam| dhyāyannityaṁ mahādevaṁ sa gacchetparamaṁ padam||

जो वहाँ उस तीर्थ में विधिपूर्वक संन्यास ग्रहण करता है, और नित्य महादेव का ध्यान करता है, वह परमपद को प्राप्त होता है।

श्लोक 34 (skanda.5.210.34)

क्रीडित्वा स यथाकामं स्वेच्छया शिवमन्दिरे। वेदवेदाङ्गतत्त्वज्ञो जायतेऽसौ शुभे कुले॥

krīḍitvā sa yathākāmaṁ svecchayā śivamandire| vedavedāṅgatattvajño jāyate'sau śubhe kule||

शिवमन्दिर में यथेच्छ स्वेच्छापूर्वक क्रीड़ा करके वह पुनः शुभ कुल में जन्म लेता है, वेद-वेदांगों के तत्त्व का ज्ञाता,

श्लोक 35 (skanda.5.210.35)

रूपवान्सुभगश्चैव सर्वव्याधिविवर्जितः। राजा वा राजपुत्रो वाचारसमन्वितः॥

rūpavānsubhagaścaiva sarvavyādhivivarjitaḥ| rājā vā rājaputro vācārasamanvitaḥ||

रूपवान, सुभग, सभी व्याधियों से रहित—राजा या राजपुत्र, सदाचार से युक्त होता है।

श्लोक 36 (skanda.5.210.36)

एतत्ते कथितं राजंस्तीर्थस्य फलमुत्तमम्। यच्छ्रुत्वा मानवो नित्यं मुच्यते सर्वकिल्बिषैः॥

etatte kathitaṁ rājaṁstīrthasya phalamuttamam| yacchrutvā mānavo nityaṁ mucyate sarvakilbiṣaiḥ||

हे राजन्! यह तुमसे उस तीर्थ का उत्तम फल कहा गया, जिसे सुनकर मनुष्य सदा सभी पापों से मुक्त हो जाता है।

श्लोक 37 (skanda.5.210.37)

य इदं श्रावयेन्नित्यमाख्यानं द्विजपुंगवान्। श्राद्धे देवकुले वापि पठेत्पर्वणि पर्वणि॥

ya idaṁ śrāvayennityamākhyānaṁ dvijapuṁgavān| śrāddhe devakule vāpi paṭhetparvaṇi parvaṇi||

जो कोई इस आख्यान को नित्य श्रेष्ठ द्विजों को सुनाता है, अथवा श्राद्ध में या देवालय में प्रत्येक पर्व पर इसे पढ़ता है,

श्लोक 38 (skanda.5.210.38)

गीर्वाणास्तस्य तुष्यन्ति मनुष्याः पितृभिः सह। पठतां शृण्वतां चैव नश्यते सर्वपातकम्॥

gīrvāṇāstasya tuṣyanti manuṣyāḥ pitṛbhiḥ saha| paṭhatāṁ śṛṇvatāṁ caiva naśyate sarvapātakam||

उससे देवगण प्रसन्न होते हैं, तथा मनुष्य पितरों सहित प्रसन्न होते हैं। पढ़ने वालों और सुनने वालों—दोनों के ही सभी पाप नष्ट हो जाते हैं।

श्लोक 39 (skanda.5.210.39)

लिखित्वा तीर्थमाहात्म्यं ब्राह्मणेभ्यो ददाति यः। जातिस्मरत्वं लभते प्राप्नोत्यभिमतं फलम्॥

likhitvā tīrthamāhātmyaṁ brāhmaṇebhyo dadāti yaḥ| jātismaratvaṁ labhate prāpnotyabhimataṁ phalam||

जो इस तीर्थ-माहात्म्य को लिखकर ब्राह्मणों को देता है, वह जातिस्मरत्व प्राप्त करता है और अभीष्ट फल पाता है।

श्लोक 40 (skanda.5.210.40)

रुद्रलोके वसेत्तावद्यावदक्षरमन्वितम्॥

rudraloke vasettāvadyāvadakṣaramanvitam||

वह तब तक रुद्रलोक में निवास करता है, जब तक अक्षर [ॐ] विद्यमान रहता है।