शूलभेद तीर्थ का माहात्म्य

श्लोक 1 (skanda.5.213.1)

उत्तानपाद उवाच। अथातो देवदेवेश भानुमत्यकरोच्च किम्। एष मे संशयो देव कथयस्व प्रसादतः॥

uttānapāda uvāca| athāto devadeveśa bhānumatyakarocca kim| eṣa me saṁśayo deva kathayasva prasādataḥ||

उत्तानपाद ने कहा—हे देवदेवेश! अब आगे भानुमती ने क्या किया? हे देव! यह मेरा संशय है, कृपया मुझे बताइए।

श्लोक 2 (skanda.5.213.2)

ईश्वर उवाच। चिन्तयित्वा मुहूर्तं सा गता कुण्डस्य सन्निधौ। दृष्ट्वा कुण्डस्य माहात्म्यं राज्ञी हर्षेण पूरिता॥

īśvara uvāca| cintayitvā muhūrtaṁ sā gatā kuṇḍasya sannidhau| dṛṣṭvā kuṇḍasya māhātmyaṁ rājñī harṣeṇa pūritā||

ईश्वर ने कहा—क्षणभर विचार करके वह उस कुण्ड के समीप गई; कुण्ड के माहात्म्य को देखकर वह राज्ञी हर्ष से भर गई।

श्लोक 3 (skanda.5.213.3)

विप्रान् बहून् समाहूय पूजयामास तत्क्षणात्। दत्त्वा तु विधिवद्दानं ब्राह्मणेभ्यो नृपात्मज॥

viprān bahūn samāhūya pūjayāmāsa tatkṣaṇāt| dattvā tu vidhivaddānaṁ brāhmaṇebhyo nṛpātmaja||

उसने अनेक ब्राह्मणों को बुलाकर तत्क्षण उनकी पूजा की; हे नृपात्मज! विधिपूर्वक ब्राह्मणों को दान देकर,

श्लोक 4 (skanda.5.213.4)

निश्चयं परमं कृत्वा स्थिता शान्तेन चेतसा। ततः सम्पूज्य विधिवत्पितॄन्देवान्नराधिप॥

niścayaṁ paramaṁ kṛtvā sthitā śāntena cetasā| tataḥ sampūjya vidhivatpitṝndevānnarādhipa||

परम निश्चय करके वह शान्त चित्त से स्थित हो गई। तब हे नराधिप! विधिपूर्वक पितरों और देवों की पूजा करके,

श्लोक 5 (skanda.5.213.5)

क्षपयित्वा पक्षमेकं मधुमासस्य सा स्थिता। अमावास्यां ततो राज्ञी गता पर्वतसन्निधौ॥

kṣapayitvā pakṣamekaṁ madhumāsasya sā sthitā| amāvāsyāṁ tato rājñī gatā parvatasannidhau||

मधुमास (चैत्र) का एक पक्ष व्यतीत करके वह वहाँ रही। तब अमावस्या को वह राज्ञी पर्वत के समीप गई।

श्लोक 6 (skanda.5.213.6)

नगशृङ्गं समारुह्य कृत्वा मुकुलितौ करौ। विज्ञाप्य ब्राह्मणान् सर्वानिदं वचनमब्रवीत्॥

nagaśṛṅgaṁ samāruhya kṛtvā mukulitau karau| vijñāpya brāhmaṇān sarvānidaṁ vacanamabravīt||

पर्वत-शिखर पर चढ़कर, हाथ जोड़कर, सभी ब्राह्मणों को सम्बोधित करके उसने यह वचन कहा—

श्लोक 7 (skanda.5.213.7)

मम माता पिता भ्राता ये चान्ये सखिबान्धवाः। क्षमापयित्वा सर्वांस्तान्वचनं मम कथ्यताम्॥

mama mātā pitā bhrātā ye cānye sakhibāndhavāḥ| kṣamāpayitvā sarvāṁstānvacanaṁ mama kathyatām||

"मेरी माता, पिता, भ्राता, तथा अन्य जो भी मित्र-बान्धव हैं, उन सबसे क्षमा माँगकर उन्हें मेरा यह वचन कह देना—

श्लोक 8 (skanda.5.213.8)

त्वत्पुत्री शूलभेदे तु तपः कृत्वा स्वशक्तितः। विसृज्य चैव सात्मानं तस्मिंस्तीर्थे दिवं ययौ॥

tvatputrī śūlabhede tu tapaḥ kṛtvā svaśaktitaḥ| visṛjya caiva sātmānaṁ tasmiṁstīrthe divaṁ yayau||

'तुम्हारी पुत्री ने शूलभेद में अपनी शक्ति के अनुसार तप करके, अपने आपको त्यागकर, उसी तीर्थ में स्वर्ग प्राप्त किया।'"

श्लोक 9 (skanda.5.213.9)

ब्राह्मणा ऊचुः। संदेशं कथयिष्यामस्त्वयोक्तं शोभनव्रते। मातापितृभ्यां सुश्रोणि मा तेऽभूदत्र संशयः॥

brāhmaṇā ūcuḥ| saṁdeśaṁ kathayiṣyāmastvayoktaṁ śobhanavrate| mātāpitṛbhyāṁ suśroṇi mā te'bhūdatra saṁśayaḥ||

ब्राह्मणों ने कहा—"हे सुश्रोणि, उत्तम व्रतवाली! तुमने जो सन्देश कहा है, वह हम तुम्हारे माता-पिता से कहेंगे; इसमें तुम्हें कोई संशय न हो।"

श्लोक 10 (skanda.5.213.10)

ततो विसृज्य तांल्लोकान् स्थिता पर्वतमूर्धनि। अर्धोत्तरीयवस्त्रेण गाढं बद्धा पुनःपुनः॥

tato visṛjya tāṁllokān sthitā parvatamūrdhani| ardhottarīyavastreṇa gāḍhaṁ baddhā punaḥpunaḥ||

तब उन लोकों (सांसारिक बन्धनों) को त्यागकर वह पर्वत-शिखर पर खड़ी हो गई; आधे उत्तरीय वस्त्र से बार-बार अपने आपको दृढ़ता से बाँधकर,

श्लोक 11 (skanda.5.213.11)

ततश्चिक्षेप सात्मानमेकचित्ता नराधिप। नगार्द्धे पतिता यावत्तावद्दृष्टाः सुराङ्गनाः॥

tataścikṣepa sātmānamekacittā narādhipa| nagārddhe patitā yāvattāvaddṛṣṭāḥ surāṅganāḥ||

हे नराधिप! तब उसने एकाग्रचित्त होकर अपने आपको [नीचे] फेंक दिया; जब वह पर्वत के मध्य भाग से गिर रही थी, तभी देवांगनाएँ दिखाई दीं,

श्लोक 12 (skanda.5.213.12)

भोभो वत्से महाभागे भानुमत्यतितापसि। दिव्यं विमानमारुह्य कैलासं प्रति गम्यताम्॥

bhobho vatse mahābhāge bhānumatyatitāpasi| divyaṁ vimānamāruhya kailāsaṁ prati gamyatām||

[जिन्होंने कहा—] "अरी वत्से, महाभागे, अत्यन्त तपस्विनी भानुमती! दिव्य विमान पर चढ़कर कैलास की ओर चलो।"

श्लोक 13 (skanda.5.213.13)

ततः सा पश्यतां तेषां जनानां त्रिदिवं गता॥

tataḥ sā paśyatāṁ teṣāṁ janānāṁ tridivaṁ gatā||

तब उन लोगों के देखते-देखते ही वह तीसरे स्वर्ग को चली गई।

श्लोक 14 (skanda.5.213.14)

मार्कण्डेय उवाच। इति ते कथितः सर्वः शूलभेदस्य विस्तरः। यः श्रुतः शङ्करात्पूर्वमृषिदेवसमागमे॥

mārkaṇḍeya uvāca| iti te kathitaḥ sarvaḥ śūlabhedasya vistaraḥ| yaḥ śrutaḥ śaṅkarātpūrvamṛṣidevasamāgame||

मार्कण्डेय ने कहा—इस प्रकार शूलभेद का यह सम्पूर्ण वृत्तान्त तुम्हें कहा गया, जैसा पूर्वकाल में ऋषि-देवों की सभा में शंकर से सुना गया था।

श्लोक 15 (skanda.5.213.15)

य इदं पठते भक्त्या तीर्थे देवकुलेऽपि वा। स मुच्यते महापापादपि जन्मशतार्जितात्॥

ya idaṁ paṭhate bhaktyā tīrthe devakule'pi vā| sa mucyate mahāpāpādapi janmaśatārjitāt||

जो कोई इसे भक्तिपूर्वक तीर्थ में अथवा देवालय में भी पढ़ता है, वह सौ जन्मों में अर्जित महापाप से भी मुक्त हो जाता है।

श्लोक 16 (skanda.5.213.16)

ब्रह्महा च सुरापी च स्तेयी च गुरुतल्पगः। गोघाती स्त्रीविघाती च देवब्रह्मस्वहारकः॥

brahmahā ca surāpī ca steyī ca gurutalpagaḥ| goghātī strīvighātī ca devabrahmasvahārakaḥ||

ब्रह्महत्यारा, मद्यपायी, चोर, गुरु-पत्नी-गामी, गौ-हत्यारा, स्त्री-हत्यारा, देव और ब्राह्मण के धन का अपहरणकर्ता,

श्लोक 17 (skanda.5.213.17)

स्वामिद्रोही मित्रघाती तथा विश्वासघातकः। परन्यासापहारी च परनिक्षेपलोपकः॥

svāmidrohī mitraghātī tathā viśvāsaghātakaḥ| paranyāsāpahārī ca paranikṣepalopakaḥ||

स्वामि-द्रोही, मित्र-घाती, तथा विश्वासघाती, दूसरे की धरोहर का अपहरणकर्ता, दूसरे की धरोहर को लोप करने वाला,

श्लोक 18 (skanda.5.213.18)

रसभेदी तुलाभेदी तथा वार्द्धुषिकस्तु यः। यः कन्याविघ्नकर्ता च तथा विक्रयकारकः॥

rasabhedī tulābhedī tathā vārddhuṣikastu yaḥ| yaḥ kanyāvighnakartā ca tathā vikrayakārakaḥ||

तेल-घी आदि में मिलावट करने वाला, तराजू में हेराफेरी करने वाला, तथा जो सूदखोर हो, जो कन्या के विवाह में विघ्न डालता हो, तथा जो [अनुचित वस्तु का] विक्रय करता हो,

श्लोक 19 (skanda.5.213.19)

परभार्या भ्रातृभार्या गौः स्नुषा कन्यका तथा। अभिगामी परद्वेषी तथा धर्मप्रदूषकः॥

parabhāryā bhrātṛbhāryā gauḥ snuṣā kanyakā tathā| abhigāmī paradveṣī tathā dharmapradūṣakaḥ||

दूसरे की पत्नी, भाई की पत्नी, गाय, पुत्रवधू अथवा कन्या के पास जाने वाला, दूसरों से द्वेष करने वाला, तथा धर्म को दूषित करने वाला—

श्लोक 20 (skanda.5.213.20)

मुच्यन्ते सर्वे एवैते शूलभेदप्रभावतः॥

mucyante sarve evaite śūlabhedaprabhāvataḥ||

ये सभी शूलभेद के प्रभाव से मुक्त हो जाते हैं।

श्लोक 21 (skanda.5.213.21)

य इदं श्रावयेच्छ्राद्धे विप्राणां भुञ्जतां नृप। मुदं प्रयान्ति संहृष्टाः पितरस्तस्य सर्वशः॥

ya idaṁ śrāvayecchrāddhe viprāṇāṁ bhuñjatāṁ nṛpa| mudaṁ prayānti saṁhṛṣṭāḥ pitarastasya sarvaśaḥ||

हे नृप! जो कोई श्राद्ध में भोजन करते हुए ब्राह्मणों को यह सुनाता है, उसके पितर सर्वथा अत्यन्त प्रसन्न होकर आनन्द को प्राप्त होते हैं।

श्लोक 22 (skanda.5.213.22)

यश्चेदं शृणुयाद्भक्त्या पठ्यमानं नरो वशी। स मुक्तः सर्वपापेभ्यः सर्वकल्याणभाग्भवेत्॥

yaścedaṁ śṛṇuyādbhaktyā paṭhyamānaṁ naro vaśī| sa muktaḥ sarvapāpebhyaḥ sarvakalyāṇabhāgbhavet||

और जो संयमी मनुष्य इसे भक्तिपूर्वक पढ़े जाते हुए सुनता है, वह सभी पापों से मुक्त होकर सभी कल्याणों का भागी बनता है।

श्लोक 23 (skanda.5.213.23)

इदं यशस्यमायुष्यमिदं पावनमुत्तमम्। पठतां शृण्वतां नृणामायुःकीर्तिविवर्धनम्॥

idaṁ yaśasyamāyuṣyamidaṁ pāvanamuttamam| paṭhatāṁ śṛṇvatāṁ nṛṇāmāyuḥkīrtivivardhanam||

यह यशकारक है, आयुष्यकारक है, यह परम पावन है; पढ़ने और सुनने वाले मनुष्यों की आयु और कीर्ति को बढ़ाने वाला है।

श्लोक 24 (skanda.5.213.24)

इति कथितमिदं ते शूलभेदस्य पुण्यं महिमन हि मनुष्यैः श्रूयते यत्सपापैः। मदनरिपुतटिन्या याम्यकूलस्थितस्य प्रबलदुरितकन्दोच्छेदकुद्दालकल्पम्॥

iti kathitamidaṁ te śūlabhedasya puṇyaṁ mahimana hi manuṣyaiḥ śrūyate yatsapāpaiḥ| madanariputaṭinyā yāmyakūlasthitasya prabaladuritakandocchedakuddālakalpam||

इस प्रकार तुम्हें शूलभेद की यह पुण्य महिमा कही गई—जिसे पापी मनुष्य भी सुनते हैं; मदन के शत्रु (शिव) की नदी के दक्षिण तट पर स्थित उस तीर्थ की महिमा, जो प्रबल पाप की जड़ को उखाड़ने के लिए कुदाल के समान है।