कपितीर्थ-रामेश्वर-लक्ष्मणेश्वर-कुम्भेश्वर की महिमा

श्लोक 1 (skanda.5.239.1)

श्रीमार्कण्डेय उवाच। अत्रैवोदाहरन्तीममितिहासं पुरातनम्। कैलासे पृच्छते भक्त्या षण्मुखाय शिवोदितम्

śrīmārkaṇḍeya uvāca| atraivodāharantīmamitihāsaṁ purātanam| kailāse pṛcchate bhaktyā ṣaṇmukhāya śivoditam

श्री मार्कण्डेय ने कहा — यहीं इस पुरातन इतिहास का उदाहरण देते हैं, जो कैलास पर भक्तिपूर्वक पूछने वाले षण्मुख को शिव द्वारा कहा गया था।

श्लोक 2 (skanda.5.239.2)

ईश्वर उवाच। पूर्वं त्रेतायुगे स्कन्द हतो रामेण रावणः। चतुर्दश तदा कोट्यो निहता ब्रह्मरक्षसाम्

īśvara uvāca| pūrvaṁ tretāyuge skanda hato rāmeṇa rāvaṇaḥ| caturdaśa tadā koṭyo nihatā brahmarakṣasām

ईश्वर ने कहा — हे स्कन्द! पूर्वकाल में त्रेतायुग में राम द्वारा रावण मारा गया; उस समय चौदह करोड़ ब्रह्मराक्षस मारे गए।

श्लोक 3 (skanda.5.239.3)

हतेषु तेषु वै तत्र रक्षणाय दिवौकसाम्। महानन्दस्तदा जातस्त्रिषु लोकेषु पुत्रक

hateṣu teṣu vai tatra rakṣaṇāya divaukasām| mahānandastadā jātastriṣu lokeṣu putraka

उनके मारे जाने पर, वहाँ देवताओं की रक्षा के लिए, हे पुत्रक! तब तीनों लोकों में महाआनन्द उत्पन्न हुआ।

श्लोक 4 (skanda.5.239.4)

ततः सीतां समासाद्य समं वानरपुंगवैः। रामोऽप्ययोध्यामायातो भरतेन कृतोत्सवः। तस्मै समर्पयामास स राज्यं लक्ष्मणाग्रजः

tataḥ sītāṁ samāsādya samaṁ vānarapuṁgavaiḥ| rāmo'pyayodhyāmāyāto bharatena kṛtotsavaḥ| tasmai samarpayāmāsa sa rājyaṁ lakṣmaṇāgrajaḥ

तत्पश्चात् सीता को पाकर, वानरश्रेष्ठों सहित राम भी अयोध्या लौट आए, जहाँ भरत ने उत्सव मनाया। लक्ष्मण के अग्रज राम को उन्होंने राज्य समर्पित किया।

श्लोक 5 (skanda.5.239.5)

तस्मिन्प्रशासति ततो राज्यं निहतकण्टकम्। कृतकार्योऽथ हनुमान्कैलासमगात्पुरा

tasminpraśāsati tato rājyaṁ nihatakaṇṭakam| kṛtakāryo'tha hanumānkailāsamagātpurā

जब वे कण्टकरहित राज्य का शासन करने लगे, तब कृतकार्य होकर हनुमान प्राचीन काल में कैलास गए।

श्लोक 6 (skanda.5.239.6)

ततो नन्दी प्रतीहारो रुद्रांशमपि तं कपिम्। न च संगमयामास रुद्रेणाघौघहारिणा

tato nandī pratīhāro rudrāṁśamapi taṁ kapim| na ca saṁgamayāmāsa rudreṇāghaughahāriṇā

तब द्वारपाल नन्दी ने रुद्र के अंशस्वरूप उस वानर को भी, अघौघहारी रुद्र से नहीं मिलने दिया।

श्लोक 7 (skanda.5.239.7)

तेन पृष्टस्तदा नन्दी किं मया पातकं कृतम्। येन रुद्रवपुः पुण्यं न पश्याम्यम्बिकान्वितम्

tena pṛṣṭastadā nandī kiṁ mayā pātakaṁ kṛtam| yena rudravapuḥ puṇyaṁ na paśyāmyambikānvitam

उसके (हनुमान के) द्वारा पूछे जाने पर, नन्दी से उसने कहा — "मैंने ऐसा कौन-सा पाप किया है, जिसके कारण मैं अम्बिका सहित रुद्र के पुण्य स्वरूप का दर्शन नहीं कर पा रहा?"

श्लोक 8 (skanda.5.239.8)

नन्द्युवाच। त्वयावतरणं चक्रे कपीन्द्रामरहेतुना। तथापि हि कृतं पापमुपभोगेन शाम्यति

nandyuvāca| tvayāvataraṇaṁ cakre kapīndrāmarahetunā| tathāpi hi kṛtaṁ pāpamupabhogena śāmyati

नन्दी ने कहा — "हे कपीन्द्र! तुमने अमरों के हेतु अवतार लिया; फिर भी, किया गया पाप भोग से ही शान्त होता है।"

श्लोक 9 (skanda.5.239.9)

हनुमानुवाच। किं मयाकारि तत्पापं नन्दिन्देवार्थकारिणा। राक्षसाश्च हता दुष्टा विप्रयज्ञाङ्गघातिनः

hanumānuvāca| kiṁ mayākāri tatpāpaṁ nandindevārthakāriṇā| rākṣasāśca hatā duṣṭā viprayajñāṅgaghātinaḥ

हनुमान ने कहा — "हे नन्दिन्! देवकार्य करते हुए मैंने वह कौन-सा पाप किया? दुष्ट राक्षस तो मारे गए, जो ब्राह्मणों के यज्ञांगों के घातक थे।"

श्लोक 10 (skanda.5.239.10)

ततस्तदालापकुतूहली हरो निजांशभाजं कपिमुग्रतेजसम्। उवाच द्वारान्तरदत्तदृष्टिः पुरःस्थितं प्रेक्ष्य कपीश्वरं पुनः

tatastadālāpakutūhalī haro nijāṁśabhājaṁ kapimugratejasam| uvāca dvārāntaradattadṛṣṭiḥ puraḥsthitaṁ prekṣya kapīśvaraṁ punaḥ

तब उस वार्तालाप में कुतूहलयुक्त हर ने, द्वार के भीतर से दृष्टि डालते हुए, सामने खड़े उस उग्रतेजस्वी, अपने ही अंशस्वरूप वानरेश्वर को देखकर पुनः कहा —

श्लोक 11 (skanda.5.239.11)

ईश्वर उवाच। गङ्गा गया कपे रेवा यमुना च सरस्वती। सर्वपापहरा नद्यस्तासु स्नानं समाचर

īśvara uvāca| gaṅgā gayā kape revā yamunā ca sarasvatī| sarvapāpaharā nadyastāsu snānaṁ samācara

ईश्वर ने कहा — "हे वानर! गंगा, गया, रेवा, यमुना तथा सरस्वती — ये सब नदियाँ सब पापों को हरने वाली हैं; उनमें स्नान करो।"

श्लोक 12 (skanda.5.239.12)

नर्मदादक्षिणे कूले तीर्थं परमशोभनम्। सोमनाथसमीपस्थं तत्र त्वं गच्छ वानर

narmadādakṣiṇe kūle tīrthaṁ paramaśobhanam| somanāthasamīpasthaṁ tatra tvaṁ gaccha vānara

"नर्मदा के दक्षिणी तट पर, सोमनाथ के समीप, एक अत्यन्त शोभन तीर्थ है; हे वानर! तुम वहाँ जाओ।"

श्लोक 13 (skanda.5.239.13)

तत्र स्नात्वा महापापं गमिष्यति ममाज्ञया। उत्पत्य वेगाद्धनुमाञ्छ्रीरेवादक्षिणे तटे

tatra snātvā mahāpāpaṁ gamiṣyati mamājñayā| utpatya vegāddhanumāñchrīrevādakṣiṇe taṭe

"वहाँ स्नान करने से, मेरी आज्ञा से महापाप भी नष्ट हो जाएगा।" वेगपूर्वक उड़कर हनुमान श्रीरेवा के दक्षिणी तट पर,

श्लोक 14 (skanda.5.239.14)

जगाम सुमहानादस्तपश्चक्रे सुदुष्करम्। तस्य वै तप्यमानस्य रक्षोवधकृतं तमः

jagāma sumahānādastapaścakre suduṣkaram| tasya vai tapyamānasya rakṣovadhakṛtaṁ tamaḥ

महाघोष के साथ गया, और वहाँ अत्यन्त दुष्कर तप किया; उस तपस्या करते हुए के राक्षस-वध से उत्पन्न अंधकार,

श्लोक 15 (skanda.5.239.15)

विलीनं पार्थ कालेन कियतेशप्रसादतः। ततो देवैः समं देवस्तत्तीर्थमगमद्धरः

vilīnaṁ pārtha kālena kiyateśaprasādataḥ| tato devaiḥ samaṁ devastattīrthamagamaddharaḥ

हे पार्थ! कुछ ही समय में ईश्वर की कृपा से विलीन हो गया। तब देवताओं सहित देव हर उस तीर्थ में पधारे।

श्लोक 16 (skanda.5.239.16)

कपिमालिङ्गयामास वरं तस्मै प्रदत्तवान्। अद्यप्रभृति ते तीर्थं भविष्यति न संशयः

kapimāliṅgayāmāsa varaṁ tasmai pradattavān| adyaprabhṛti te tīrthaṁ bhaviṣyati na saṁśayaḥ

उन्होंने उस वानर को आलिंगन किया, और उसे वर दिया — "आज से यह तीर्थ तुम्हारे नाम पर होगा, इसमें कोई संदेह नहीं।"

श्लोक 17 (skanda.5.239.17)

कपितीर्थं ततो जातं तस्थौ तत्र स्वयं हरः। हनूमन्तेश्वरो नाम्ना सर्वहत्याहरस्तदा

kapitīrthaṁ tato jātaṁ tasthau tatra svayaṁ haraḥ| hanūmanteśvaro nāmnā sarvahatyāharastadā

तब से यह कपितीर्थ के नाम से प्रसिद्ध हुआ, और स्वयं हर वहाँ निवास करने लगे — हनुमन्तेश्वर नाम से, तब से सर्व-हत्या को हरने वाले।

श्लोक 18 (skanda.5.239.18)

तत्र तीर्थे तु यः स्नात्वा भक्त्या लिङ्गं प्रपूजयेत्। सर्वपापानि नश्यन्ति हरस्य वचनं यथा

tatra tīrthe tu yaḥ snātvā bhaktyā liṅgaṁ prapūjayet| sarvapāpāni naśyanti harasya vacanaṁ yathā

उस तीर्थ में जो स्नान करके भक्तिपूर्वक लिंग की पूजा करता है, उसके सब पाप नष्ट हो जाते हैं — जैसा शिव का वचन है।

श्लोक 19 (skanda.5.239.19)

तत्रास्थीनि विलीयन्ते पिण्डदानेऽक्षया गतिः। यत्किंचिद्दीयते तत्र तद्धि कोटिगुणं भवेत्

tatrāsthīni vilīyante piṇḍadāne'kṣayā gatiḥ| yatkiṁciddīyate tatra taddhi koṭiguṇaṁ bhavet

वहाँ अस्थियाँ विलीन हो जाती हैं, तथा पिण्डदान से अक्षय गति प्राप्त होती है; वहाँ जो कुछ भी दिया जाता है, वह करोड़ गुना हो जाता है।

श्लोक 20 (skanda.5.239.20)

हनुमानप्ययोध्यायां रामं द्रष्टुमथागमत्। चकार कुशलप्रश्नं स्वस्वरूपं न्यवेदयत्

hanumānapyayodhyāyāṁ rāmaṁ draṣṭumathāgamat| cakāra kuśalapraśnaṁ svasvarūpaṁ nyavedayat

हनुमान भी अयोध्या में राम को देखने के लिए आए; उन्होंने कुशल-प्रश्न किया, तथा अपना पूरा वृत्तान्त निवेदित किया।

श्लोक 21 (skanda.5.239.21)

श्रीराम उवाच। कुर्वतो देवकार्यं ते मम कार्यं च कुर्वतः। ततोऽहमपि पापीयांस्तपस्तप्स्याम्यसंशयम्

śrīrāma uvāca| kurvato devakāryaṁ te mama kāryaṁ ca kurvataḥ| tato'hamapi pāpīyāṁstapastapsyāmyasaṁśayam

श्रीराम ने कहा — "देवकार्य करते हुए तुम्हारा, तथा मेरा कार्य करते हुए भी, यदि पाप लगा, तो मैं भी अपने आप को पापी मानकर निःसंदेह तप करूँगा।"

श्लोक 22 (skanda.5.239.22)

तत्रैव दक्षिणे कूले रेवायाः पापहारिणि। चतुर्विंशतिवर्षाणि तपस्तेपेऽथ राघवः

tatraiva dakṣiṇe kūle revāyāḥ pāpahāriṇi| caturviṁśativarṣāṇi tapastepe'tha rāghavaḥ

उसी सिन-नाशक रेवा के दक्षिणी तट पर, राघव ने चौबीस वर्षों तक तप किया।

श्लोक 23 (skanda.5.239.23)

ज्योतिष्मतीपुरीसंस्थः श्रीरेवास्नानमाचरन्। तस्य शुश्रूषणं चक्रे लक्ष्मणोऽपि तदाज्ञया

jyotiṣmatīpurīsaṁsthaḥ śrīrevāsnānamācaran| tasya śuśrūṣaṇaṁ cakre lakṣmaṇo'pi tadājñayā

ज्योतिष्मती नगरी में रहते हुए, श्रीरेवा में स्नान करते हुए, लक्ष्मण ने भी उनकी आज्ञा से उनकी सेवा की।

श्लोक 24 (skanda.5.239.24)

स्थापयामासतुर्लिङ्गे तौ तदा रामलक्ष्मणौ। प्रभावात्सत्यतपसो रेवातीरे महामती। निष्पापतां तदा वीरौ जग्मतू रामलक्ष्मणौ

sthāpayāmāsaturliṅge tau tadā rāmalakṣmaṇau| prabhāvātsatyatapaso revātīre mahāmatī| niṣpāpatāṁ tadā vīrau jagmatū rāmalakṣmaṇau

उस समय राम और लक्ष्मण दोनों महामति वीरों ने रेवा-तट पर लिंग की स्थापना की; सत्य तप के प्रभाव से वे दोनों निष्पाप हो गए।

श्लोक 25 (skanda.5.239.25)

ततस्तदा देवपुरोगमो हरो गतो हि वै पुण्यमुनीश्वरैः सह। आगत्य तीर्थं च वरं ददौ तदा निजां कलां तत्र विमुच्य तीर्थे

tatastadā devapurogamo haro gato hi vai puṇyamunīśvaraiḥ saha| āgatya tīrthaṁ ca varaṁ dadau tadā nijāṁ kalāṁ tatra vimucya tīrthe

तब देवताओं का अगुआ हर, पुण्यमुनियों के स्वामियों सहित, उस तीर्थ में आकर, अपनी ही एक कला को वहाँ विसर्जित करके, वर दिया।

श्लोक 26 (skanda.5.239.26)

मुनिभिः सर्वतीर्थानां क्षिप्तं कुम्भोदकं भुवि। एकस्थं लिङ्गनामाथ कलाकुम्भस्तथाभवत्

munibhiḥ sarvatīrthānāṁ kṣiptaṁ kumbhodakaṁ bhuvi| ekasthaṁ liṅganāmātha kalākumbhastathābhavat

मुनियों द्वारा सब तीर्थों का जल कलशों में लाकर पृथ्वी पर एक स्थान पर लिंग के ऊपर उंडेला गया; इस प्रकार वह "कलाकुम्भ" नामक लिंग बना।

श्लोक 27 (skanda.5.239.27)

कुम्भेश्वर इति ख्यातस्तदा देवगणार्चितः। रामोऽपि पूजयामास तल्लिङ्गं देवसेविवतम्

kumbheśvara iti khyātastadā devagaṇārcitaḥ| rāmo'pi pūjayāmāsa talliṅgaṁ devasevitam

तभी से वह "कुम्भेश्वर" के नाम से प्रसिद्ध हुआ, देवगणों द्वारा पूजित; राम ने भी उस देव-सेवित लिंग की पूजा की।

श्लोक 28 (skanda.5.239.28)

ततो वरं ददौ देवो रामकीर्त्यभिवृद्धये। चतुर्विंशतिमे वर्षे रामो निष्पापतां गतः

tato varaṁ dadau devo rāmakīrtyabhivṛddhaye| caturviṁśatime varṣe rāmo niṣpāpatāṁ gataḥ

तब देव ने राम की कीर्ति की अभिवृद्धि के लिए वर दिया; चौबीसवें वर्ष में राम निष्पाप हो गए।

श्लोक 29 (skanda.5.239.29)

यदा कन्यागतः पङ्गुर्गुरुणा सहितो भवेत्। तदेव देवयात्रेयमिति देवा जगुर्मुदा

yadā kanyāgataḥ paṅgurguruṇā sahito bhavet| tadeva devayātreyamiti devā jagurmudā

"जब कन्या राशि में सूर्य (लंगड़े सारथि वाला) गुरु के साथ हो, तभी यह देवयात्रा होगी" — देवताओं ने हर्षपूर्वक ऐसा घोषित किया।

श्लोक 30 (skanda.5.239.30)

यथा गोदावरीतीर्थे सर्वतीर्थफलं भवेत्। तथात्र रेवास्नानेन लिङ्गानां दर्शनैर्नृणाम्

yathā godāvarītīrthe sarvatīrthaphalaṁ bhavet| tathātra revāsnānena liṅgānāṁ darśanairnṛṇām

जिस प्रकार गोदावरी तीर्थ में सब तीर्थों का फल प्राप्त होता है, उसी प्रकार यहाँ रेवा-स्नान से तथा लिंगों के दर्शन से मनुष्यों को वह फल प्राप्त होता है।

श्लोक 31 (skanda.5.239.31)

करिष्यन्त्यत्र ये श्राद्धं पितॄणां नर्मदातटे। कुम्भेश्वरसमीपस्थास्तत्फलं शृणु षण्मुख

kariṣyantyatra ye śrāddhaṁ pitṝṇāṁ narmadātaṭe| kumbheśvarasamīpasthāstatphalaṁ śṛṇu ṣaṇmukha

जो लोग यहाँ नर्मदा-तट पर, कुम्भेश्वर के समीप, पितरों का श्राद्ध करेंगे — हे षण्मुख! उसका फल सुनो।

श्लोक 32 (skanda.5.239.32)

यावन्तो रोमकूपाः स्युः शरीरे सर्वदेहिनाम्। तावद्वर्षप्रमाणेन पितॄणामक्षया गतिः

yāvanto romakūpāḥ syuḥ śarīre sarvadehinām| tāvadvarṣapramāṇena pitṝṇāmakṣayā gatiḥ

शरीरधारियों के शरीर में जितने भी रोमकूप होते हैं, उतने ही वर्षों तक पितरों को अक्षय गति प्राप्त होती है।

श्लोक 33 (skanda.5.239.33)

पृथिव्यां देवताः सर्वाः सर्वतीर्थानि यानि तु। लभन्ते तत्फलं मर्त्या लिङ्गत्रयविलोकनात्

pṛthivyāṁ devatāḥ sarvāḥ sarvatīrthāni yāni tu| labhante tatphalaṁ martyā liṅgatrayavilokanāt

पृथ्वी पर जितने भी देवता तथा जितने भी तीर्थ हैं, मनुष्य उन सबका फल इन तीनों लिंगों के दर्शन से प्राप्त कर लेते हैं।

श्लोक 34 (skanda.5.239.34)

अपुत्रो लभते पुत्रं निर्धनो धनमाप्नुयात्। सरोगो मुच्यते रोगान्नात्र कार्या विचारणा

aputro labhate putraṁ nirdhano dhanamāpnuyāt| sarogo mucyate rogānnātra kāryā vicāraṇā

पुत्रहीन पुत्र प्राप्त करता है, निर्धन धन पाता है; रोगी रोगों से मुक्त हो जाता है — इसमें कोई संदेह नहीं करना चाहिए।

श्लोक 35 (skanda.5.239.35)

सिंहराशिं गते जीवे यत्स्याद्गोदावरीफलम्। तद्द्वादशगुणं स्कन्द कुम्भेश्वरसमीपतः

siṁharāśiṁ gate jīve yatsyādgodāvarīphalam| taddvādaśaguṇaṁ skanda kumbheśvarasamīpataḥ

हे स्कन्द! जब गुरु सिंह राशि में हो, तब गोदावरी में जो फल प्राप्त होता है, वही फल कुम्भेश्वर के समीप बारह गुना प्राप्त होता है।

श्लोक 36 (skanda.5.239.36)

ये जानन्ति न पश्यन्ति कुम्भशम्भुमुमापतिम्। नर्मदादक्षिणे कूले तेषां जन्म निरर्थकम्

ye jānanti na paśyanti kumbhaśambhumumāpatim| narmadādakṣiṇe kūle teṣāṁ janma nirarthakam

नर्मदा के दक्षिणी तट पर जो जानकर भी कुम्भ-शम्भु, उमापति का दर्शन नहीं करते, उनका जन्म व्यर्थ है।

श्लोक 37 (skanda.5.239.37)

यथा गोदावरीयात्रा कर्तव्या मुनिशासनात्। चतुर्विंशतिमे वर्षे तथेयं देवभाषितम्

yathā godāvarīyātrā kartavyā muniśāsanāt| caturviṁśatime varṣe tatheyaṁ devabhāṣitam

जिस प्रकार गोदावरी की यात्रा मुनियों के शासन के अनुसार की जाती है, उसी प्रकार यह यात्रा भी चौबीसवें वर्ष में होनी चाहिए, ऐसा देवताओं ने कहा है।

श्लोक 38 (skanda.5.239.38)

यावच्चन्द्रश्च सूर्यश्च यावद्वै दिवि तारकः। तावत्तदक्षयं दानं रेवाकुम्भेश्वरान्तिके

yāvaccandraśca sūryaśca yāvadvai divi tārakaḥ| tāvattadakṣayaṁ dānaṁ revākumbheśvarāntike

जब तक चन्द्रमा और सूर्य हैं, तथा जब तक आकाश में तारे हैं, तब तक रेवा-कुम्भेश्वर के समीप किया गया दान अक्षय रहता है।

श्लोक 39 (skanda.5.239.39)

महादानानि देयानि तत्र लौकैर्विचक्षणैः। गोदानमत्र शंसन्ति सौवर्णं राजतं तथा

mahādānāni deyāni tatra laukairvicakṣaṇaiḥ| godānamatra śaṁsanti sauvarṇaṁ rājataṁ tathā

वहाँ बुद्धिमान लोगों द्वारा महादान देने चाहिए; वहाँ गोदान, स्वर्ण-दान तथा रजत-दान श्रेष्ठ माने गए हैं।

श्लोक 40 (skanda.5.239.40)

यस्याः स्मरणमात्रेण नश्यते पापसञ्चयः। स्नानेन किं पुनः स्कन्द ब्रह्महत्यां व्यपोहति

yasyāḥ smaraṇamātreṇa naśyate pāpasañcayaḥ| snānena kiṁ punaḥ skanda brahmahatyāṁ vyapohati

हे स्कन्द! जिसके स्मरण मात्र से पापों का संचय नष्ट हो जाता है, फिर स्नान करने से तो वह ब्रह्महत्या तक को दूर कर देती है, इसमें क्या कहना।

श्लोक 41 (skanda.5.239.41)

तत्र तीर्थे तु यः स्नात्वा श्राद्धं कुर्याद्युधिष्ठिर। एकोत्तरं कुलशतमुद्धरेच्छिवशासनात्

tatra tīrthe tu yaḥ snātvā śrāddhaṁ kuryādyudhiṣṭhira| ekottaraṁ kulaśatamuddharecchivaśāsanāt

हे युधिष्ठिर! उस तीर्थ में जो स्नान करके श्राद्ध करता है, वह शिव के आदेशानुसार एक सौ एक कुलों का उद्धार कर देता है।

श्लोक 42 (skanda.5.239.42)

यानि कानि च तीर्थानि चासमुद्रसरांसि च। शिवलिङ्गार्चनस्येह कलां नार्हन्ति षोडशीम्

yāni kāni ca tīrthāni cāsamudrasarāṁsi ca| śivaliṅgārcanasyeha kalāṁ nārhanti ṣoḍaśīm

जितने भी तीर्थ हैं, तथा समुद्रपर्यन्त जितने भी सरोवर हैं, वे सब यहाँ के शिवलिंग की पूजा की सोलहवीं कला के भी योग्य नहीं हैं।

श्लोक 43 (skanda.5.239.43)

एवं देवा वरं दत्त्वा हरीश्वरपुरोगमाः। स्वस्थानमगमन् पूर्वं मुक्त्वा तन्नाम चोत्तमम्

evaṁ devā varaṁ dattvā harīśvarapurogamāḥ| svasthānamagaman pūrvaṁ muktvā tannāma cottamam

इस प्रकार वर देकर, हरि और ईश्वर के अगुआ देवगण पहले अपने-अपने स्थानों को लौट गए, उस उत्तम नाम को स्थापित करके।

श्लोक 44 (skanda.5.239.44)

तीर्थस्यास्य वरं दत्त्वा स रामो लक्ष्मणाग्रजः। अयोध्यां प्रविवेशासौ निष्पापो नर्मदाजलात्

tīrthasyāsya varaṁ dattvā sa rāmo lakṣmaṇāgrajaḥ| ayodhyāṁ praviveśāsau niṣpāpo narmadājalāt

उस तीर्थ को वर देकर, लक्ष्मण के अग्रज राम, नर्मदा के जल से निष्पाप होकर, अयोध्या में प्रविष्ट हुए।

श्लोक 45 (skanda.5.239.45)

सौवर्णीं च ततः कृत्वा सीतां यज्ञं चकार सः। अनुमन्त्र्य मुनींल्लोकान्देवताश्च निजं कुलम्

sauvarṇīṁ ca tataḥ kṛtvā sītāṁ yajñaṁ cakāra saḥ| anumantrya munīnllokāndevatāśca nijaṁ kulam

तत्पश्चात् सीता की स्वर्णमूर्ति बनाकर, उन्होंने यज्ञ किया, मुनियों, लोकों, देवताओं तथा अपने कुल को उसमें आमंत्रित करके।

श्लोक 46 (skanda.5.239.46)

पुरा त्रेतायुगे जातं तत्तीर्थं स्कन्दनामकम्। नियमेन ततो लोकैः कर्तव्यं लिङ्गदर्शनम्

purā tretāyuge jātaṁ tattīrthaṁ skandanāmakam| niyamena tato lokaiḥ kartavyaṁ liṅgadarśanam

प्राचीन काल में त्रेतायुग में उत्पन्न वह तीर्थ स्कन्द के नाम से जाना जाता है; अतः लोगों को नियमपूर्वक इन लिंगों का दर्शन करना चाहिए।

श्लोक 47 (skanda.5.239.47)

तावत्पापानि देहेषु महापातकजान्यपि। यावन्न प्रेक्षते जन्तुस्तत्तीर्थं देवसेवितम्

tāvatpāpāni deheṣu mahāpātakajānyapi| yāvanna prekṣate jantustattīrthaṁ devasevitam

जब तक कोई प्राणी उस देव-सेवित तीर्थ का दर्शन नहीं करता, तब तक उसके शरीर में महापातकों से उत्पन्न पाप भी बने रहते हैं।

श्लोक 48 (skanda.5.239.48)

ते धन्यास्ते महात्मानस्तेषां जन्म सुजीवितम्। ज्योतिष्मतीपुरीसंस्थं ये द्रक्ष्यन्ति हरं परम्

te dhanyāste mahātmānasteṣāṁ janma sujīvitam| jyotiṣmatīpurīsaṁsthaṁ ye drakṣyanti haraṁ param

वे धन्य हैं, वे महात्मा हैं, उनका जन्म सुफल है, जो ज्योतिष्मती नगरी में स्थित परम हर का दर्शन करेंगे।

श्लोक 49 (skanda.5.239.49)

तस्मान्मोहं परित्यज्य जनैर्गन्तव्यमादरात्। तीर्थाशेषफलावाप्त्यै तीर्थं कुम्भेश्वराह्वयम्

tasmānmohaṁ parityajya janairgantavyamādarāt| tīrthāśeṣaphalāvāptyai tīrthaṁ kumbheśvarāhvayam

अतः मोह को त्यागकर, लोगों को आदरपूर्वक कुम्भेश्वर नामक इस तीर्थ में जाना चाहिए, ताकि तीर्थों के सम्पूर्ण फल की प्राप्ति हो सके।

श्लोक 50 (skanda.5.239.50)

मार्कण्डेय उवाच। श्रुत्वेति शम्भुवचसा स षडाननोऽथ नत्वा पितुः पदयुगाम्बुजमादरेण। सम्प्राप्य दक्षिणतटं गिरिशस्रवन्त्याः कीशाग्र्यरामकलशाख्यशिवान् ददर्श

mārkaṇḍeya uvāca| śruteti śambhuvacasā sa ṣaḍānano'tha natvā pituḥ padayugāmbujamādareṇa| samprāpya dakṣiṇataṭaṁ giriśasravantyāḥ kīśāgryarāmakalaśākhyaśivān dadarśa

मार्कण्डेय ने कहा — शिव के इस वचन को सुनकर, षडानन ने आदरपूर्वक अपने पिता के चरणकमलों को प्रणाम किया, और गिरीश की उस नदी के दक्षिणी तट पर पहुँचकर, कपि, राम तथा कलश के नाम से प्रसिद्ध शिवों का दर्शन किया।