सोमनाथ तीर्थ की महिमा

श्लोक 1 (skanda.5.240.1)

श्रीमार्कण्डेय उवाच। ततो गच्छेत्तु राजेन्द्र नर्मदायाः पुरातनम्। ब्रह्महत्याहरं तीर्थं वाराणस्या समं हि तत्

śrīmārkaṇḍeya uvāca| tato gacchettu rājendra narmadāyāḥ purātanam| brahmahatyāharaṁ tīrthaṁ vārāṇasyā samaṁ hi tat

श्री मार्कण्डेय ने कहा — तत्पश्चात् हे राजेन्द्र! नर्मदा का वह प्राचीन तीर्थ, जो ब्रह्महत्या का नाश करने वाला है, और जो वाराणसी के समान ही है, वहाँ जाओ।

श्लोक 2 (skanda.5.240.2)

युधिष्ठिर उवाच। आश्चर्यं कथ्यतां ब्रह्मन्यद्वृत्तं नर्मदातटे। वाराणस्या समं कस्मादेतत्कथय मे प्रभो

yudhiṣṭhira uvāca| āścaryaṁ kathyatāṁ brahmanyadvṛttaṁ narmadātaṭe| vārāṇasyā samaṁ kasmādetatkathaya me prabho

युधिष्ठिर ने कहा — हे ब्रह्मन्! नर्मदा-तट पर जो कुछ घटित हुआ, वह आश्चर्यजनक बात मुझे बताइए। हे प्रभो! यह वाराणसी के समान क्यों है, यह भी कहिए।

श्लोक 3 (skanda.5.240.3)

निमग्नो दुःखसंसारे हृतराज्यो द्विजोत्तम। युष्मद्वाणीजलस्नातो निर्दुःखः सह बान्धवैः

nimagno duḥkhasaṁsāre hṛtarājyo dvijottama| yuṣmadvāṇījalasnāto nirduḥkhaḥ saha bāndhavaiḥ

हे द्विजोत्तम! राज्य से वंचित होकर दुःखमय संसार में डूबा हुआ मैं, आपकी वाणी रूपी जल में स्नान करके, बन्धुजनों सहित दुःखरहित हो गया हूँ।

श्लोक 4 (skanda.5.240.4)

श्रीमार्कण्डेय उवाच। साधु साधु महाबाहो सोमवंशविभूषण। पृष्टोऽस्मि दुर्लभं तीर्थं गुह्याद्गुह्यतरं परम्

śrīmārkaṇḍeya uvāca| sādhu sādhu mahābāho somavaṁśavibhūṣaṇa| pṛṣṭo'smi durlabhaṁ tīrthaṁ guhyādguhyataraṁ param

श्री मार्कण्डेय ने कहा — साधु, साधु, हे महाबाहो! हे सोमवंश के भूषण! तुमने मुझसे एक अत्यन्त दुर्लभ तीर्थ के विषय में पूछा है, जो रहस्यों में भी परम गुह्यतर है।

श्लोक 5 (skanda.5.240.5)

आदौ पितामहस्तावत्समस्तजगतः प्रभुः। मनसा तस्य संजाता दशैव ऋषिपुंगवाः

ādau pitāmahastāvatsamastajagataḥ prabhuḥ| manasā tasya saṁjātā daśaiva ṛṣipuṁgavāḥ

सृष्टि के आरंभ में, समस्त जगत् के स्वामी पितामह के मन से दस श्रेष्ठ ऋषि उत्पन्न हुए।

श्लोक 6 (skanda.5.240.6)

मरीचिमत्र्यङ्गिरसौ पुलस्त्यं पुलहं क्रतुम्। प्रचेतसं वसिष्ठं च भृगुं नारदमेव च

marīcimatryaṅgirasau pulastyaṁ pulahaṁ kratum| pracetasaṁ vasiṣṭhaṁ ca bhṛguṁ nāradameva ca

मरीचि, अत्रि, अंगिरा, पुलस्त्य, पुलह, क्रतु, प्रचेता, वसिष्ठ, भृगु, तथा नारद —

श्लोक 7 (skanda.5.240.7)

जज्ञे प्राचेतसं दक्षं महातेजाः प्रजापतिः। दक्षस्यापि तथा जाताः पञ्चाशद्दुहिताः किल

jajñe prācetasaṁ dakṣaṁ mahātejāḥ prajāpatiḥ| dakṣasyāpi tathā jātāḥ pañcāśadduhitāḥ kila

उन्हीं की परम्परा में महातेजस्वी प्रजापति प्राचेतस दक्ष उत्पन्न हुए; दक्ष के भी पचास पुत्रियाँ उत्पन्न हुईं।

श्लोक 8 (skanda.5.240.8)

ददौ स दश धर्माय कश्यपाय त्रयोदश। तथैव स महाभागः सप्तविंशतिमिन्दवे

dadau sa daśa dharmāya kaśyapāya trayodaśa| tathaiva sa mahābhāgaḥ saptaviṁśatimindave

उसने दस पुत्रियाँ धर्म को, तेरह पुत्रियाँ कश्यप को दीं, और उसी प्रकार उस महाभाग्यशाली ने सत्ताईस पुत्रियाँ चन्द्रमा को दीं।

श्लोक 9 (skanda.5.240.9)

रोहिणी नाम या तासामभीष्टा साभवद्विधोः। शेषासु करुणां कृत्वा शप्तो दक्षेण चन्द्रमाः

rohiṇī nāma yā tāsāmabhīṣṭā sābhavadvidhoḥ| śeṣāsu karuṇāṁ kṛtvā śapto dakṣeṇa candramāḥ

उनमें से रोहिणी नामक जो प्रिय थी, वह चन्द्रमा को अत्यन्त प्रिय हुई; शेष पत्नियों की उपेक्षा करने पर दक्ष ने चन्द्रमा को शाप दे दिया।

श्लोक 10 (skanda.5.240.10)

क्षयरोग्यभवच्चन्द्रो दक्षस्यायं प्रजापतेः। स च शापप्रभावेण निस्तेजाः शर्वरीपतिः

kṣayarogyabhavaccandro dakṣasyāyaṁ prajāpateḥ| sa ca śāpaprabhāveṇa nistejāḥ śarvarīpatiḥ

दक्ष प्रजापति के इस शाप से चन्द्रमा क्षयरोगी हो गया; और शाप के प्रभाव से वह शर्वरीपति निस्तेज हो गया।

श्लोक 11 (skanda.5.240.11)

गतः पितामहं सोमो वेपमानोऽमृतांशुमान्। पद्मयोने नमस्तुभ्यं वेदगर्भ नमोऽस्तु ते। शरणं त्वां प्रसन्नोऽस्मि पाहि मां कमलासन

gataḥ pitāmahaṁ somo vepamāno'mṛtāṁśumān| padmayone namastubhyaṁ vedagarbha namo'stu te| śaraṇaṁ tvāṁ prasanno'smi pāhi māṁ kamalāsana

कांपते हुए, अमृतरश्मि सोम पितामह के पास गया — "हे पद्मयोने! तुम्हें नमस्कार हो; हे वेदगर्भ! तुम्हें नमस्कार हो। मैं तुम्हारी शरण में हूँ, प्रसन्न हो; हे कमलासन! मेरी रक्षा करो।"

श्लोक 12 (skanda.5.240.12)

ब्रह्मोवाच। निस्तेजाः शर्वरीनाथ कलाहीनश्च दृश्यसे। उद्विग्नमानसस्तात संजातः केन हेतुना

brahmovāca| nistejāḥ śarvarīnātha kalāhīnaśca dṛśyase| udvignamānasastāta saṁjātaḥ kena hetunā

ब्रह्मा ने कहा — "हे शर्वरीनाथ! तुम निस्तेज तथा कलाहीन दिखाई देते हो; हे तात! तुम्हारा मन किस कारण से उद्विग्न हो उठा है?"

श्लोक 13 (skanda.5.240.13)

सोम उवाच। दक्षशापेन मे ब्रह्मन्निस्तेजस्त्वं जगत्पते। निर्हारश्चास्य शापस्य कथ्यतां मे पितामह

soma uvāca| dakṣaśāpena me brahmannistejastvaṁ jagatpate| nirhāraścāsya śāpasya kathyatāṁ me pitāmaha

सोम ने कहा — "हे ब्रह्मन्! हे जगत्पते! दक्ष के शाप से मैं निस्तेज हो गया हूँ। हे पितामह! इस शाप का निवारण मुझे बताइए।"

श्लोक 14 (skanda.5.240.14)

ब्रह्मोवाच। सर्वत्र सुलभा रेवा त्रिषु स्थानेषु दुर्लभा। ओङ्कारेऽथ भृगुक्षेत्रे तथा चैवौर्वसंगमे

brahmovāca| sarvatra sulabhā revā triṣu sthāneṣu durlabhā| oṅkāre'tha bhṛgukṣetre tathā caivaurvasaṅgame

ब्रह्मा ने कहा — "रेवा सर्वत्र सुलभ है, किन्तु तीन स्थानों में वह दुर्लभ है — ओंकार में, भृगुक्षेत्र में, तथा उर्वी के संगम में।"

श्लोक 15 (skanda.5.240.15)

तत्र गच्छ क्षपानाथ यत्र रेवान्तरं तटम्। त्वरितोऽसौ गतस्तत्र यत्र रेवौर्विसंगमः

tatra gaccha kṣapānātha yatra revāntaraṁ taṭam| tvarito'sau gatastatra yatra revaurvisaṅgamaḥ

"हे क्षपानाथ! उस तट पर जाओ, जहाँ रेवा का अन्तरंग स्थान है।" वह शीघ्रता से वहाँ गया, जहाँ रेवा और उर्वी का संगम है।

श्लोक 16 (skanda.5.240.16)

काष्ठावस्थः स्थितः सोमो दध्यौ त्रिपुरवैरिणम्। यावद्वर्षशतं पूर्णं तावत्तुष्टो महेश्वरः

kāṣṭhāvasthaḥ sthitaḥ somo dadhyau tripuravairiṇam| yāvadvarṣaśataṁ pūrṇaṁ tāvattuṣṭo maheśvaraḥ

काष्ठ के समान स्थिर होकर सोम ने त्रिपुरवैरी शिव का ध्यान किया; जब सौ वर्ष पूर्ण हो गए, तब महेश्वर संतुष्ट हुए।

श्लोक 17 (skanda.5.240.17)

प्रत्यक्षः सोमराजस्य वृषासन उमापतिः। साष्टाङ्गं प्रणिपत्योच्चैर्जय शम्भो नमोऽस्तु ते

pratyakṣaḥ somarājasya vṛṣāsana umāpatiḥ| sāṣṭāṅgaṁ praṇipatyoccairjaya śambho namo'stu te

बैल के आसन पर विराजमान उमापति सोमराज के समक्ष साक्षात् प्रकट हुए; सोम ने साष्टांग प्रणाम करके ऊँचे स्वर में कहा — "जय शम्भो! तुम्हें नमस्कार हो!"

श्लोक 18 (skanda.5.240.18)

जय शङ्कर पापहराय नमो जय ईश्वर ते जगदीश नमः। जय वासुकिभूषणधार नमो जय शूलकपालधराय नमः

jaya śaṅkara pāpaharāya namo jaya īśvara te jagadīśa namaḥ| jaya vāsukibhūṣaṇadhāra namo jaya śūlakapāladharāya namaḥ

"जय हो शंकर, पाप हरने वाले को नमस्कार! जय हो ईश्वर, हे जगदीश! तुम्हें नमस्कार! जय हो, वासुकि को आभूषण रूप में धारण करने वाले को नमस्कार! जय हो, त्रिशूल और कपाल धारण करने वाले को नमस्कार!"

श्लोक 19 (skanda.5.240.19)

जय अन्धकदेहविनाश नमो जय दानववृन्दवधाय नमः। जय निष्कलरूप सकलाय नमो जय काल कामदहाय नमः

jaya andhakadehavināśa namo jaya dānavavṛndavadhāya namaḥ| jaya niṣkalarūpa sakalāya namo jaya kāla kāmadahāya namaḥ

"जय हो, अन्धकासुर के शरीर के विनाशक को नमस्कार! जय हो, दानव-समूहों के वधकर्ता को नमस्कार! जय हो, निष्कल तथा सकल रूप को नमस्कार! जय हो, काल तथा कामदाहक को नमस्कार!"

श्लोक 20 (skanda.5.240.20)

जय मेचककण्ठधराय नमो जय सूक्ष्मनिरञ्जनशब्द नमः। जय आदिरनादिरनन्त नमो जय शङ्कर किंकरमीश भज

jaya mecakakaṇṭhadharāya namo jaya sūkṣmanirañjanaśabda namaḥ| jaya ādiranādiranant namo jaya śaṅkara kiṅkaramīśa bhaja

"जय हो, नीलकण्ठधारी को नमस्कार! जय हो, सूक्ष्म, निरञ्जन तथा अनाहत नाद-स्वरूप को नमस्कार! जय हो, आदि, अनादि तथा अनन्त को नमस्कार! हे शंकर! हे ईश! अपने इस सेवक पर कृपा करो।"

श्लोक 21 (skanda.5.240.21)

एवं स्तुतो महादेवः सोमराजेन पाण्डव। तुष्टस्तस्य नृपश्रेष्ठ शिवया शङ्करोऽब्रवीत्

evaṁ stuto mahādevaḥ somarājena pāṇḍava| tuṣṭastasya nṛpaśreṣṭha śivayā śaṅkaro'bravīt

हे पाण्डव! इस प्रकार सोमराज द्वारा स्तुति किए जाने पर, हे नृपश्रेष्ठ! शिवा सहित संतुष्ट होकर शंकर ने कहा —

श्लोक 22 (skanda.5.240.22)

ईश्वर उवाच। वरं प्रार्थय मे भद्र यत्ते मनसि वर्तते। साधु साधु महासत्त्व तुष्टोऽहं तपसा तव

īśvara uvāca| varaṁ prārthaya me bhadra yatte manasi vartate| sādhu sādhu mahāsattva tuṣṭo'haṁ tapasā tava

ईश्वर ने कहा — "हे भद्र! जो तुम्हारे मन में हो, वह वर मुझसे मांगो। साधु, साधु, हे महासत्त्व! तुम्हारे तप से मैं संतुष्ट हूँ।"

श्लोक 23 (skanda.5.240.23)

सोम उवाच। दक्षशापेन दग्धोऽहं क्षीणसत्त्वो महेश्वर। शापस्योपशमं देव कुरु शर्म मम प्रभो

soma uvāca| dakṣaśāpena dagdho'haṁ kṣīṇasattvo maheśvara| śāpasyopaśamaṁ deva kuru śarma mama prabho

सोम ने कहा — "हे महेश्वर! दक्ष के शाप से मैं दग्ध, क्षीण-सत्त्व हो गया हूँ। हे देव! हे प्रभो! इस शाप को शान्त करके मुझे कल्याण दो।"

श्लोक 24 (skanda.5.240.24)

ईश्वर उवाच। तव भक्तिगृहीतोऽहमुमया सह तोषितः। निष्पापः सोमनाथस्त्वं संजातस्तीर्थसेवनात्

īśvara uvāca| tava bhaktigṛhīto'humayā saha toṣitaḥ| niṣpāpaḥ somanāthastvaṁ saṁjātastīrthasevanāt

ईश्वर ने कहा — "मैं तुम्हारी भक्ति से वशीभूत हूँ, उमा सहित संतुष्ट हूँ। तीर्थ-सेवा से तुम निष्पाप सोमनाथ बन गए हो।"

श्लोक 25 (skanda.5.240.25)

इत्यूचे देवदेवेशः क्षणं ध्यात्वेन्दुना ततः। स्थापितं परमं लिङ्गं कामदं प्राणिनां भुवि। सर्वदुःखहरं तत्तु ब्रह्महत्याविनाशनम्

ityūce devadeveśaḥ kṣaṇaṁ dhyātvendunā tataḥ| sthāpitaṁ paramaṁ liṅgaṁ kāmadaṁ prāṇināṁ bhuvi| sarvaduḥkhaharaṁ tattu brahmahatyāvināśanam

यह कहकर देवदेवेश ने क्षणभर ध्यान किया; तब सोम द्वारा भूतल पर एक परम लिंग स्थापित किया गया, जो प्राणियों की कामनाओं को पूर्ण करने वाला, सब दुःखों को हरने वाला, तथा ब्रह्महत्या का विनाश करने वाला है।

श्लोक 26 (skanda.5.240.26)

युधिष्ठिर उवाच। सोमनाथप्रभावं मे संक्षेपात्कथय प्रभो। दुःखार्णवनिमग्नानां त्राता प्राप्तो द्विजोत्तम

yudhiṣṭhira uvāca| somanāthaprabhāvaṁ me saṁkṣepātkathaya prabho| duḥkhārṇavanimagnānāṁ trātā prāpto dvijottama

युधिष्ठिर ने कहा — हे प्रभो! सोमनाथ के प्रभाव को मुझे संक्षेप में बताइए। हे द्विजोत्तम! दुःख-सागर में डूबे हुओं के लिए आप त्राता के रूप में प्राप्त हुए हैं।

श्लोक 27 (skanda.5.240.27)

श्रीमार्कण्डेय उवाच। शृणु तीर्थप्रभावं ते संक्षेपात्कथयाम्यहम्। यद्वृत्तमुत्तरे कूले रेवाया उरिसंगमे

śrīmārkaṇḍeya uvāca| śṛṇu tīrthaprabhāvaṁ te saṁkṣepātkathayāmyaham| yadvṛttamuttare kūle revāyā urisaṅgame

श्री मार्कण्डेय ने कहा — इस तीर्थ के प्रभाव को सुनो, मैं संक्षेप में कहता हूँ, जो कुछ रेवा के उत्तरी तट पर उर्वी के संगम में घटित हुआ था।

श्लोक 28 (skanda.5.240.28)

शम्बरो नाम राजाभूत्तस्य पुत्रस्त्रिलोचनः। त्रिलोचनसुतः कण्वः स पापर्द्धिपरोऽभवत्

śambaro nāma rājābhūttasya putrastrilocanaḥ| trilocanasutaḥ kaṇvaḥ sa pāparddhiparo'bhavat

शम्बर नामक एक राजा था; उसका पुत्र त्रिलोचन था। त्रिलोचन का पुत्र कण्व था, जो पाप-वृद्धि में लीन था।

श्लोक 29 (skanda.5.240.29)

वने नित्यं भ्रमन्सोऽथ मृगयूथं ददर्श ह। मृगयूथं हतं तत्तु त्रिलोचनसुतेन च

vane nityaṁ bhramanso'tha mṛgayūthaṁ dadarśa ha| mṛgayūthaṁ hataṁ tattu trilocanasutena ca

वन में सदा घूमते हुए उसने एक मृगों के झुंड को देखा; उस मृगयूथ को त्रिलोचनसुत ने मार डाला।

श्लोक 30 (skanda.5.240.30)

मृगरूपी द्विजो मध्ये चरते निर्जने वने। स हतस्तेन सङ्गेन कण्वेन मुनिसत्तम

mṛgarūpī dvijo madhye carate nirjane vane| sa hatastena saṅgena kaṇvena munisattama

हे मुनिसत्तम! उस निर्जन वन में मृगों के मध्य मृगरूपधारी एक ब्राह्मण भी विचरण कर रहा था; उसी झुंड के साथ रहने के कारण वह भी कण्व द्वारा मार डाला गया।

श्लोक 31 (skanda.5.240.31)

ब्रह्महत्यान्वितः कण्वो निस्तेजा व्यचरन्महीम्। व्यचरंश्चैव सम्प्राप्तो नर्मदामुरिसंगमे

brahmahatyānvitaḥ kaṇvo nistejā vyacaranmahīm| vyacaraṁścaiva samprāpto narmadāmurisaṅgame

ब्रह्महत्या से युक्त होकर, निस्तेज हुआ कण्व पृथ्वी पर विचरण करने लगा; विचरण करते हुए वह नर्मदा के उर्वी-संगम में पहुँचा।

श्लोक 32 (skanda.5.240.32)

किंशुकाशोकबहले जम्बीरपनसाकुले। कदम्बपाटलाकीर्णे बिल्वनारङ्गशोभिते

kiṁśukāśokabahale jambīrapanasākule| kadambapāṭalākīrṇe bilvanāraṅgaśobhite

वह वन किंशुक और अशोक के वृक्षों से घना, जामीर और कटहल के वृक्षों से भरा, कदम्ब और पाटल से आकीर्ण, तथा बेल और नारंगी से सुशोभित था।

श्लोक 33 (skanda.5.240.33)

चिञ्चिणीचम्पकोपेते ह्यगस्तितरुछादिते। प्रभूतभूतसंयुक्तं वनं सर्वत्र शोभितम्

ciñciṇīcampakopete hyagastitaruchādite| prabhūtabhūtasaṁyuktaṁ vanaṁ sarvatra śobhitam

वह इमली और चम्पा के वृक्षों से युक्त, अगस्त्य के वृक्षों से आच्छादित, प्रचुर जीव-जन्तुओं से युक्त, तथा सर्वत्र शोभायमान था।

श्लोक 34 (skanda.5.240.34)

चित्रकैर्मृगमार्जारैर्हिंस्रैः शम्बरशूकरैः। शशैर्गवयसंयुक्तैः शिखण्डिखरमण्डितम्

citrakairmṛgamārjāraiḥ hiṁsraiḥ śambaraśūkaraiḥ| śaśairgavayasaṁyuktaiḥ śikhaṇḍikharamaṇḍitam

वह चीतों, हिंसक जंगली बिल्लियों, शम्बर हिरणों तथा शूकरों से, खरगोशों और गवयों से युक्त, और मयूरों तथा गधों से सुसज्जित था।

श्लोक 35 (skanda.5.240.35)

प्रविष्टस्तु वने कण्वस्तृषार्तः श्रमपीडितः। स्नातो रेवाजले पुण्ये सङ्गमे पापनाशने

praviṣṭastu vane kaṇvastṛṣārtaḥ śramapīḍitaḥ| snāto revājale puṇye saṅgame pāpanāśane

उस वन में प्रवेश करते हुए कण्व प्यास से पीड़ित तथा थकान से आर्त था; उसने रेवा के उस पवित्र, पाप-नाशक संगम-जल में स्नान किया।

श्लोक 36 (skanda.5.240.36)

अर्चितः परया भक्त्या सोमनाथो युधिष्ठिर। पपौ सुविमलं तोयं सर्वपापक्षयंकरम्

arcitaḥ parayā bhaktyā somanātho yudhiṣṭhira| papau suvimalaṁ toyaṁ sarvapāpakṣayaṁkaram

हे युधिष्ठिर! उसने परम भक्ति से सोमनाथ की पूजा की, और सब पापों का क्षय करने वाला वह अत्यन्त निर्मल जल पिया।

श्लोक 37 (skanda.5.240.37)

फलानि च विचित्राणि चखाद सह किंकरैः। सुप्तः पादपच्छायायां श्रान्तो मृगवधेन च

phalāni ca vicitrāṇi cakhāda saha kiṅkaraiḥ| suptaḥ pādapacchāyāyāṁ śrānto mṛgavadhena ca

उसने अपने सेवकों सहित विविध फल भी खाए; और मृगों के वध से थका हुआ वह वृक्ष की छाया में सो गया।

श्लोक 38 (skanda.5.240.38)

तावत्तीर्थवरं विप्रः स्नानार्थं सङ्गमं गतः। मार्गगो ब्राह्मणो हर्षोद्युक्तस्तद्गतमानसः

tāvattīrthavaraṁ vipraḥ snānārthaṁ saṅgamaṁ gataḥ| mārgago brāhmaṇo harṣodyuktastadgatamānasaḥ

उसी समय एक ब्राह्मण स्नान के लिए उस श्रेष्ठ तीर्थ-संगम पर गया; वह मार्ग पर चलने वाला ब्राह्मण हर्षोल्लास में, अपने ही विचार में लीन था।

श्लोक 39 (skanda.5.240.39)

अबला तमुवाचेदं तिष्ठ तिष्ठ द्विजोत्तम। त्रस्तो निरीक्षते यावद्दिशः सर्वा नरेश्वर

abalā tamuvācedaṁ tiṣṭha tiṣṭha dvijottama| trasto nirīkṣate yāvaddiśaḥ sarvā nareśvara

एक स्त्री ने उससे कहा — "ठहरो, ठहरो, हे द्विजोत्तम!" हे नरेश्वर! भयभीत होकर वह सभी दिशाओं में देखने लगा।

श्लोक 40 (skanda.5.240.40)

तावद्वृक्षसमारूढां स्त्रियं रक्ताम्बरावृताम्। रक्तमाल्यां तदा बालां रक्तचन्दनचर्चिताम्। रक्ताभरणशोभाढ्यां पाशहस्तां ददर्श ह

tāvadvṛkṣasamārūḍhāṁ striyaṁ raktāmbarāvṛtām| raktamālyāṁ tadā bālāṁ raktacandanacarcitām| raktābharaṇaśobhāḍhyāṁ pāśahastāṁ dadarśa ha

तभी उसने एक वृक्ष पर चढ़ी हुई स्त्री को देखा, जो लाल वस्त्र से आच्छादित, लाल माला धारण किए हुए उस बाला को, लाल चन्दन से लिप्त, लाल आभूषणों से सुशोभित, और हाथ में पाश लिए हुए देखा।

श्लोक 41 (skanda.5.240.41)

स्त्र्युवाच। संदेशं श्रूयतां विप्र यदि गच्छसि सङ्गमे। मद्भर्ता तिष्ठते तत्र शीघ्रमेव विसर्जय

stryuvāca| sandeśaṁ śrūyatāṁ vipra yadi gacchasi saṅgame| madbhartā tiṣṭhate tatra śīghrameva visarjaya

स्त्री ने कहा — "हे विप्र! यदि तुम संगम पर जा रहे हो, तो एक सन्देश सुनो — मेरा पति वहाँ है, उसे शीघ्र ही मुक्त कर देना।"

श्लोक 42 (skanda.5.240.42)

एकाकिनी च ते भार्या तिष्ठते वनमध्यगा। इत्याकर्ण्य गतो विप्रः सङ्गमं सुरदुर्लभे

ekākinī ca te bhāryā tiṣṭhate vanamadhyagā| ityākarṇya gato vipraḥ saṅgamaṁ suradurlabhe

"और तुम्हारी पत्नी अकेली वन के मध्य में रह रही है।" यह सुनकर वह ब्राह्मण देवताओं के लिए भी दुर्लभ उस संगम की ओर चला गया।

श्लोक 43 (skanda.5.240.43)

वृक्षच्छायान्वितः कण्वो ब्राह्मणेनावलोकितः। उवाच तं प्रति तदा वचनं ब्राह्मणोत्तमः

vṛkṣacchāyānvitaḥ kaṇvo brāhmaṇenāvalokitaḥ| uvāca taṁ prati tadā vacanaṁ brāhmaṇottamaḥ

वृक्ष की छाया में लेटे हुए कण्व को उस ब्राह्मण ने देख लिया; तब उस उत्तम ब्राह्मण ने उसकी ओर वचन कहा —

श्लोक 44 (skanda.5.240.44)

ब्राह्मण उवाच। वनान्तरे मया दृष्टा बाला कमललोचना। रक्ताम्बरधरा तन्वी रक्तचन्दनचर्चिता

brāhmaṇa uvāca| vanāntare mayā dṛṣṭā bālā kamalalocanā| raktāmbaradharā tanvī raktacandanacarcitā

ब्राह्मण ने कहा — "वन के भीतर मैंने कमल-नयनी एक बाला देखी, जो लाल वस्त्र धारण किए, कृशांगी, तथा लाल चन्दन से लिप्त थी।"

श्लोक 45 (skanda.5.240.45)

रक्तमाल्या सुशोभाढ्या पाशहस्ता मृगेक्षणा। वृक्षारूढावदद्वाक्यं मद्भर्ता प्रेष्यतामिति

raktamālyā suśobhāḍhyā pāśahastā mṛgekṣaṇā| vṛkṣārūḍhāvadadvākyaṁ madbhartā preṣyatāmiti

"लाल माला से सुशोभित, हाथ में पाश लिए, मृगनयनी वह वृक्ष पर चढ़ी हुई थी; उसने कहा — 'मेरे पति को भेज दिया जाए।'"

श्लोक 46 (skanda.5.240.46)

कण्व उवाच। कस्मिन्स्थाने तु विप्रेन्द्र विद्यते मृगलोचना। कस्य सा केन कार्येण सर्वमेतद्वदाशु मे

kaṇva uvāca| kasminsthāne tu viprendra vidyate mṛgalocanā| kasya sā kena kāryeṇa sarvametadvadāśu me

कण्व ने कहा — "हे विप्रेन्द्र! वह मृगनयना किस स्थान पर है? वह किसकी है, किस कार्य के लिए आई है? यह सब मुझे शीघ्र बताओ।"

श्लोक 47 (skanda.5.240.47)

ब्राह्मण उवाच। सङ्गमादर्धक्रोशे सा उद्यानान्ते हि विद्यते। वचनाद्ब्रह्मणस्यैषा न ज्ञाता पार्थिवेन तु

brāhmaṇa uvāca| saṅgamādardhakrośe sā udyānānte hi vidyate| vacanādbrahmaṇasyaiṣā na jñātā pārthivena tu

ब्राह्मण ने कहा — "वह संगम से आधे कोस पर, उद्यान के अंत में है। इस ब्राह्मण के वचन के अनुसार वह वहाँ है, किन्तु उस राजा को इसका ज्ञान नहीं था।"

श्लोक 48 (skanda.5.240.48)

तदा स कण्वभूपालः स्वकं दूतं समादिशत्। कण्व उवाच। गच्छ त्वं पृच्छतां तां क्वागता क्वच गमिष्यसि। प्रेषितस्त्वरितो दूतो गतो नारीसमीपतः

tadā sa kaṇvabhūpālaḥ svakaṁ dūtaṁ samādiśat| kaṇva uvāca| gaccha tvaṁ pṛcchatāṁ tāṁ kvāgatā kvaca gamiṣyasi| preṣitastvarito dūto gato nārīsamīpataḥ

तब राजा कण्व ने अपने दूत को आज्ञा दी। कण्व ने कहा — "जाओ, उस स्त्री से पूछो कि वह कहाँ से आई है, और कहाँ जाएगी।" भेजा गया दूत शीघ्रता से उस स्त्री के समीप गया।

श्लोक 49 (skanda.5.240.49)

वृक्षस्थां ददृशो बालामुवाच नृपसत्तम। मन्नाथः पृच्छति त्वां तु कासि त्वं क्व गमिष्यसि

vṛkṣasthāṁ dadṛśo bālāmuvāca nṛpasattama| mannāthaḥ pṛcchati tvāṁ tu kāsi tvaṁ kva gamiṣyasi

वृक्ष पर स्थित उस बाला को देखकर, हे नृपसत्तम! उसने कहा — "मेरे स्वामी तुमसे पूछते हैं — तुम कौन हो, और कहाँ जाओगी?"

श्लोक 50 (skanda.5.240.50)

कन्योवाच। गुरुरात्मवतां शास्ता राजा शास्ता दुरात्मनाम्। इह प्रच्छन्न पापानां शास्ता वैवस्वतो यमः

kanyovāca| gururātmavatāṁ śāstā rājā śāstā durātmanām| iha pracchanna pāpānāṁ śāstā vaivasvato yamaḥ

कन्या ने कहा — "गुरु आत्मवानों का शासक है, राजा दुरात्माओं का शासक है; और यहाँ छिपे हुए पापियों का शासक वैवस्वत यम है।"

श्लोक 51 (skanda.5.240.51)

ब्रह्महत्या च संजाता मृगरूपधरद्विजात्। मया युक्तोऽपि ते राजा मुक्तस्तीर्थप्रभावतः

brahmahatyā ca saṁjātā mṛgarūpadharadvijāt| mayā yukto'pi te rājā muktastīrthaprabhāvataḥ

"मृगरूपधारी ब्राह्मण के कारण जो ब्रह्महत्या उत्पन्न हुई थी, उससे युक्त होते हुए भी तुम्हारा राजा तीर्थ के प्रभाव से मुक्त हो गया है।"

श्लोक 52 (skanda.5.240.52)

अर्धक्रोशान्तरान्मध्ये ब्रह्महत्या न संविशेत्। सोमनाथप्रभावोऽयं वाराणस्याः समः स्मृतः

ardhakrośāntarānmadhye brahmahatyā na saṁviśet| somanāthaprabhāvo'yaṁ vārāṇasyāḥ samaḥ smṛtaḥ

"आधे कोस के अन्तर के भीतर ब्रह्महत्या प्रवेश नहीं कर पाती — यह सोमनाथ का प्रभाव है, जो वाराणसी के समान माना गया है।"

श्लोक 53 (skanda.5.240.53)

गच्छ त्वं प्रेष्यतां राजा शीघ्रमत्र न संशयः। गतो भृत्यस्ततः शीघ्रं वेपमानः सुविह्वलः

gaccha tvaṁ preṣyatāṁ rājā śīghramatra na saṁśayaḥ| gato bhṛtyastataḥ śīghraṁ vepamānaḥ suvihvalaḥ

"जाओ, राजा को शीघ्र यहाँ भेजो, इसमें कोई संदेह नहीं।" तब वह सेवक तुरन्त कांपता हुआ, अत्यन्त विह्वल होकर, वहाँ से गया।

श्लोक 54 (skanda.5.240.54)

समस्तं कथयामास यद्वृत्तं हि पुरातनम्। तस्य वाक्यादसौ राजा पतितो धरणीतले

samastaṁ kathayāmāsa yadvṛttaṁ hi purātanam| tasya vākyādasau rājā patito dharaṇītale

उसने वह सारा पुरातन वृत्तान्त सुनाया; उसके वचन को सुनकर वह राजा पृथ्वी पर गिर पड़ा।

श्लोक 55 (skanda.5.240.55)

भृत्य उवाच। कस्मात्त्वं शोचसे नाथ पूर्वोपात्तं शुभाशुभम्। इत्याकर्ण्य वचस्तस्य राजा वचनमब्रवीत्

bhṛtya uvāca| kasmāttvaṁ śocase nātha pūrvopāttaṁ śubhāśubham| ityākarṇya vacastasya rājā vacanamabravīt

भृत्य ने कहा — "हे नाथ! आप पूर्वकृत शुभ-अशुभ के लिए क्यों शोक करते हैं?" उसका यह वचन सुनकर राजा ने कहा —

श्लोक 56 (skanda.5.240.56)

प्राणत्यागं करिष्यामि सोमनाथसमीपतः। शीघ्रमानीयतां वह्निरिन्धनानि बहूनि च

prāṇatyāgaṁ kariṣyāmi somanāthasamīpataḥ| śīghramānīyatāṁ vahnirindhanāni bahūni ca

"मैं सोमनाथ के समीप प्राणत्याग करूँगा। शीघ्र अग्नि तथा बहुत सारी लकड़ियाँ लाई जाएं।"

श्लोक 57 (skanda.5.240.57)

आनीतं तत्क्षणात्सर्वं भृत्यैस्तद्वशवर्तिभिः। स्नानं कृत्वा शुभे तोये सङ्गमे पापनाशने

ānītaṁ tatkṣaṇātsarvaṁ bhṛtyaistadvaśavartibhiḥ| snānaṁ kṛtvā śubhe toye saṅgame pāpanāśane

उसके आज्ञाकारी सेवकों ने तुरन्त सब कुछ ला दिया। उसने शुभ, पाप-नाशक संगम-जल में स्नान किया,

श्लोक 58 (skanda.5.240.58)

अर्चितः परया भक्त्या सोमनाथो महीभृता। त्रिःप्रदक्षिणतः कृत्वा ज्वलन्तं जातवेदसम्

arcitaḥ parayā bhaktyā somanātho mahībhṛtā| triḥpradakṣiṇataḥ kṛtvā jvalantaṁ jātavedasam

उस राजा ने परम भक्ति से सोमनाथ की पूजा की; जलती हुई अग्नि की तीन बार प्रदक्षिणा की,

श्लोक 59 (skanda.5.240.59)

प्रविष्टः कण्वराजासौ हृदि ध्यात्वा जनार्दनम्। पीताम्बरधरं देवं जटामुकुटधारिणम्

praviṣṭaḥ kaṇvarājāsau hṛdi dhyātvā janārdanam| pītāmbaradharaṁ devaṁ jaṭāmukuṭadhāriṇam

और उस राजा कण्व ने, हृदय में जनार्दन का ध्यान करते हुए, पीले वस्त्र धारण करने वाले, जटामुकुट धारण करने वाले देव को स्मरण करते हुए,

श्लोक 60 (skanda.5.240.60)

श्रिया युक्तं सुपर्णस्थं शङ्खचक्रगदाधरम्। सुरारिसूदनं दध्यौ सुगतिर्मे भवत्विति

śriyā yuktaṁ suparṇasthaṁ śaṅkhacakragadādharam| surārisūdanaṁ dadhyau sugatirme bhavatviti

श्री सहित, गरुड़ पर आरूढ़, शंख-चक्र-गदा धारण करने वाले, तथा असुरों के शत्रुओं के संहारक विष्णु का ध्यान किया — "मेरी सद्गति हो," ऐसा सोचते हुए।

श्लोक 61 (skanda.5.240.61)

पपात पुष्पवृष्टिस्तु साधु साधु नृपात्मज। आश्चर्यमतुलं दृष्ट्वा निरीक्ष्य च परस्परम्

papāta puṣpavṛṣṭistu sādhu sādhu nṛpātmaja| āścaryamatulaṁ dṛṣṭvā nirīkṣya ca parasparam

उसी क्षण पुष्पों की वर्षा हुई — "साधु, साधु, हे राजकुमार!" की ध्वनि सुनाई दी। उस अनुपम आश्चर्य को देखकर सब एक-दूसरे को देखने लगे।

श्लोक 62 (skanda.5.240.62)

मृतं तैः पावके भृत्यैर्हृदि ध्यात्वा गदाधरम्। विमानस्थास्ततः सर्वे संजाताः पाण्डुनन्दन

mṛtaṁ taiḥ pāvake bhṛtyairhṛdi dhyātvā gadādharam| vimānasthāstataḥ sarve saṁjātāḥ pāṇḍunandana

वे सेवक भी, गदाधर का हृदय में ध्यान करते हुए, अग्नि में मरे; और हे पाण्डुनन्दन! तत्पश्चात् वे सभी विमान में बैठे हुए दिव्य रूप में प्रकट हुए।

श्लोक 63 (skanda.5.240.63)

निष्पापास्ते दिवं याताः सोमनाथप्रभावतः। ब्राह्मणे सङ्गमे तत्र ध्यायमाने वृषध्वजम्

niṣpāpāste divaṁ yātāḥ somanāthaprabhāvataḥ| brāhmaṇe saṅgame tatra dhyāyamāne vṛṣadhvajam

वे सब निष्पाप होकर सोमनाथ के प्रभाव से स्वर्ग को गए, उस ब्राह्मण के साथ, उस संगम में, वृषभध्वज शिव का ध्यान करते हुए।

श्लोक 64 (skanda.5.240.64)

श्रीमार्कण्डेय उवाच। सोमनाथप्रभावोऽयं शृणुष्वैकमना विधिम्। अष्टम्यां वा चतुर्दश्यां सर्वकालं रवेर्दिने

śrīmārkaṇḍeya uvāca| somanāthaprabhāvo'yaṁ śṛṇuṣvaikamanā vidhim| aṣṭamyāṁ vā caturdaśyāṁ sarvakālaṁ raverdine

श्री मार्कण्डेय ने कहा — यह सोमनाथ का प्रभाव है; अब एकाग्रचित्त होकर विधि सुनो। अष्टमी अथवा चतुर्दशी को, सदा सूर्यवार को,

श्लोक 65 (skanda.5.240.65)

विशेषाच्छुक्लपक्षे चेत्सूर्यवारेण सप्तमी। उपोष्य यो नरो भक्त्या रात्रौ कुर्वीत जागरम्

viśeṣācchuklapakṣe cetsūryavāreṇa saptamī| upoṣya yo naro bhaktyā rātrau kurvīta jāgaram

और विशेष रूप से शुक्ल पक्ष में यदि रविवार को सप्तमी हो, तो जो मनुष्य भक्तिपूर्वक उपवास करके रात्रि में जागरण करता है,

श्लोक 66 (skanda.5.240.66)

पञ्चामृतेन गव्येन स्नापयेत्परमेश्वरम्। श्रीखण्डेन ततो गुण्ठ्य पुष्पधूपादिकं ददेत्

pañcāmṛtena gavyena snāpayetparameśvaram| śrīkhaṇḍena tato guṇṭhya puṣpadhūpādikaṁ dadet

पंचामृत तथा गोरस से परमेश्वर का अभिषेक करे; फिर श्रीखण्ड से लेपन करके पुष्प-धूप आदि अर्पित करे।

श्लोक 67 (skanda.5.240.67)

घृतेन बोधयेद्दीपं नृत्यं गीतं च कारयेत्। सोमवारे तथाष्टम्यां प्रभाते पूजयेद्द्विजान्

ghṛtena bodhayeddīpaṁ nṛtyaṁ gītaṁ ca kārayet| somavāre tathāṣṭamyāṁ prabhāte pūjayeddvijān

घृत से दीप जलाए, तथा नृत्य-गीत भी कराए; सोमवार को और अष्टमी को प्रभात में ब्राह्मणों की पूजा करे,

श्लोक 68 (skanda.5.240.68)

जितक्रोधानात्मवतः परनिन्दाविवर्जितान्। सर्वाङ्गरुचिराञ्छस्तान् स्वदारपरिपालकान्

jitakrodhānātmavataḥ paranindāvivarjitān| sarvāṅgarucirāñchastān svadāraparipālakān

जो क्रोधविजयी, आत्मसंयमी, परनिन्दा से रहित, सर्वांग सुन्दर, प्रशंसनीय, तथा अपनी पत्नी की रक्षा करने वाले हों,

श्लोक 69 (skanda.5.240.69)

गायत्रीपाठमात्रांश्च विकर्मविरतान् सदा। पुनर्भूवृषलीशूद्री चरेयुर्यस्य मन्दिरे

gāyatrīpāṭhamātrāṁśca vikarmaviratān sadā| punarbhūvṛṣalīśūdrī careyuryasya mandire

जो केवल गायत्री-पाठ करने वाले, तथा सदा निषिद्ध कर्मों से विरत हों। जिसके घर में पुनर्विवाहिता, वृषली अथवा शूद्रा स्त्री रहती हो,

श्लोक 70 (skanda.5.240.70)

दूरतोऽसौ द्विजस्त्याज्य आत्मनः श्रेय इच्छता। हीनाङ्गानतिरिक्ताङ्गान् येषां पूर्वापरं न हि

dūrato'sau dvijastyājya ātmanaḥ śreya icchatā| hīnāṅgānatiriktāṅgān yeṣāṁ pūrvāparaṁ na hi

ऐसे ब्राह्मण को, अपने कल्याण की कामना करने वाले को, दूर से ही त्याग देना चाहिए। जो अंगहीन हों, अथवा अतिरिक्त अंगों वाले हों, जिनका आगा-पीछा ज्ञात न हो,

श्लोक 71 (skanda.5.240.71)

व्रते श्राद्धे तथा दाने दूरतस्तान् विवर्जयेत्। आयसी तरुणी तुल्या द्विजाः स्वाध्यायवर्जिताः

vrate śrāddhe tathā dāne dūratastān vivarjayet| āyasī taruṇī tulyā dvijāḥ svādhyāyavarjitāḥ

व्रत, श्राद्ध तथा दान में उनको दूर से ही त्याग देना चाहिए। स्वाध्याय से रहित ब्राह्मण लोहे की युवती के समान हैं,

श्लोक 72 (skanda.5.240.72)

आत्मानं सह याज्येन पातयन्ति न संशयः। शाल्मलीनावतुल्याः स्युः षट्कर्मनिरता द्विजाः

ātmānaṁ saha yājyena pātayanti na saṁśayaḥ| śālmalīnāvatulyāḥ syuḥ ṣaṭkarmaniratā dvijāḥ

वे स्वयं को और अपने यजमान को गिराते हैं, इसमें कोई संदेह नहीं। षट्कर्मों में निरत ब्राह्मण शाल्मली की नाव के समान हैं —

श्लोक 73 (skanda.5.240.73)

दातारं च तथात्मानं तारयन्ति तरन्ति च। श्राद्धं सोमेश्वरे पार्थ यः कुर्याद्गतमत्सरः

dātāraṁ ca tathātmānaṁ tārayanti taranti ca| śrāddhaṁ someśvare pārtha yaḥ kuryādgatamatsaraḥ

वे दाता को और स्वयं को भी पार करा देते हैं, तथा स्वयं भी पार हो जाते हैं। हे पार्थ! जो ईर्ष्यारहित होकर सोमेश्वर में श्राद्ध करता है,

श्लोक 74 (skanda.5.240.74)

प्रेतास्तस्य हि सुप्रीता यावदाभूतसम्प्लवम्। अन्नं वस्त्रं हिरण्यं च यो दद्यादग्रजन्मने

pretāstasya hi suprītā yāvadābhūtasamplavam| annaṁ vastraṁ hiraṇyaṁ ca yo dadyādagrajanmane

उसके प्रेत प्राणियों के प्रलय होने तक अत्यन्त प्रसन्न रहते हैं। जो अन्न, वस्त्र तथा सुवर्ण ब्राह्मण को देता है,

श्लोक 75 (skanda.5.240.75)

स याति शाङ्करे लोक इति मे सत्यभाषितम्। हयं यो यच्छते तत्र सम्पूर्णं तरुणं सितम्

sa yāti śāṅkare loka iti me satyabhāṣitam| hayaṁ yo yacchate tatra sampūrṇaṁ taruṇaṁ sitam

वह शिवलोक को जाता है — यह मेरा सत्य कथन है। जो वहाँ पूर्ण अंगों वाला, तरुण, श्वेत अश्व दान करता है,

श्लोक 76 (skanda.5.240.76)

रक्तं वा पीतवर्णं वा सर्वलक्षणसंयुतम्। कुङ्कुमेन विलिप्ताङ्गावग्रजन्महयावपि

raktaṁ vā pītavarṇaṁ vā sarvalakṣaṇasaṁyutam| kuṅkumena viliptāṅgāvagrajanmahayāvapi

अथवा लाल या पीले रंग का, सर्वलक्षणों से युक्त अश्व — कुंकुम से लिप्त अंगों वाले ब्राह्मण और उसके अश्व दोनों को,

श्लोक 77 (skanda.5.240.77)

स्रग्दामभूषितौ कार्यौ सितवस्त्रावगुण्ठितौ। अङ्घ्रिः प्रदीयतां स्कन्धे मदीये हयमारुह

sragdāmabhūṣitau kāryau sitavastrāvaguṇṭhitau| aṅghriḥ pradīyatāṁ skandhe madīye hayamāruha

दोनों को माला से सुसज्जित तथा श्वेत वस्त्र से आच्छादित करे। "मेरे कंधे पर पैर रखो, अश्व पर आरूढ़ हो जाओ" — ऐसा कहते हुए ब्राह्मण को अश्वारूढ़ कराए।

श्लोक 78 (skanda.5.240.78)

आरूढे ब्राह्मणे ब्रूयाद्भास्करः प्रीयतामिति। स याति शांकरं लोकं सर्वपापविवर्जितः

ārūḍhe brāhmaṇe brūyādbhāskaraḥ prīyatāmiti| sa yāti śāṅkaraṁ lokaṁ sarvapāpavivarjitaḥ

ब्राह्मण के आरूढ़ हो जाने पर कहे — "सूर्य प्रसन्न हों।" ऐसा करने वाला सब पापों से रहित होकर शिवलोक को प्राप्त होता है।

श्लोक 79 (skanda.5.240.79)

उपरागे तु सोमस्य तीर्थं गत्वा जितेन्द्रियः। सत्यलोकाच्च्युतश्चापि राजा भवति धार्मिकः

uparāge tu somasya tīrthaṁ gatvā jitendriyaḥ| satyalokāccyutaścāpi rājā bhavati dhārmikaḥ

चन्द्रग्रहण के अवसर पर उस तीर्थ में जाकर, जितेन्द्रिय होकर, जो वहाँ मरता है, वह सत्यलोक से च्युत होकर भी धर्मात्मा राजा बनता है।

श्लोक 80 (skanda.5.240.80)

तस्य वासः सदा राजन्न नश्यति कदाचन। दीर्घायुर्जायते पुत्रो भार्या च वशवर्तिनी

tasya vāsaḥ sadā rājanna naśyati kadācana| dīrghāyurjāyate putro bhāryā ca vaśavartinī

हे राजन्! उसका निवास कभी नष्ट नहीं होता; उसका पुत्र दीर्घायु होता है, और उसकी पत्नी वशवर्तिनी होती है।

श्लोक 81 (skanda.5.240.81)

जीवेद्वर्षशतं साग्रं सर्वदुःखविवर्जितः। सोपवासो जितक्रोधो धेनुं दद्याद्द्विजन्मने

jīvedvarṣaśataṁ sāgraṁ sarvaduḥkhavivarjitaḥ| sopavāso jitakrodho dhenuṁ dadyāddvijanmane

वह सौ वर्षों से अधिक जीवित रहता है, सब दुःखों से रहित होकर। उपवास सहित, क्रोध पर विजय पाकर, वह ब्राह्मण को गाय दान करे,

श्लोक 82 (skanda.5.240.82)

सवत्सां क्षीरसंयुक्तां श्वेतवस्त्रावलोकिताम्। शबलां पीतवर्णां च धूम्रां वा नीलकर्बुराम्

savatsāṁ kṣīrasaṁyuktāṁ śvetavastrāvalokitām| śabalāṁ pītavarṇāṁ ca dhūmrāṁ vā nīlakarburām

बछड़े सहित, दूधवाली, श्वेत वस्त्र से आच्छादित; या चितकबरी, पीले रंग की, धूम्र वर्ण की, अथवा नीले-भूरे रंग की,

श्लोक 83 (skanda.5.240.83)

कपिलां वा सवत्सां च घण्टाभरणभूषिताम्। रूप्यखुरां कांस्यदोहां स्वर्णशृङ्गीं नरेश्वर

kapilāṁ vā savatsāṁ ca ghaṇṭābharaṇabhūṣitām| rūpyakhurāṁ kāṁsyadohāṁ svarṇaśṛṅgīṁ nareśvara

अथवा कपिला वर्ण की, बछड़े सहित, घंटियों के आभूषणों से सुसज्जित, चांदी के खुरों वाली, कांसे के दोहन-पात्र वाली, तथा हे नरेश्वर! स्वर्ण-सींगों वाली गाय,

श्लोक 84 (skanda.5.240.84)

श्वेतया वर्धते वंशो रक्ता सौभाग्यवर्धिनी। शबला पीतवर्णा च दुःखघ्न्यौ संप्रकीर्तिते

śvetayā vardhate vaṁśo raktā saubhāgyavardhinī| śabalā pītavarṇā ca duḥkhaghnyau saṁprakīrtite

श्वेत गाय से वंश की वृद्धि होती है, लाल गाय सौभाग्य को बढ़ाती है; चितकबरी और पीली गाय — ये दोनों दुःखनाशक कही गई हैं।

श्लोक 85 (skanda.5.240.85)

कपिला नाशयेत्पापं सप्तजन्मसमुद्भवम्। सत्यलोकमवाप्नोति गोप्रदायी नरेश्वर

kapilā nāśayetpāpaṁ saptajanmasamudbhavam| satyalokamavāpnoti gopradāyī nareśvara

हे नरेश्वर! कपिला गाय सात जन्मों में उत्पन्न पाप का नाश कर देती है; गोदान करने वाला सत्यलोक को प्राप्त होता है।

श्लोक 86 (skanda.5.240.86)

पक्षान्तेऽथ व्यतीपाते वै धृतौ रविसंक्रमे। दिनक्षये गजच्छायां ग्रहणे भास्करस्य च

pakṣānte'tha vyatīpāte vai dhṛtau ravisaṅkrame| dinakṣaye gajacchāyāṁ grahaṇe bhāskarasya ca

पक्ष के अन्त में, व्यतीपात योग में, धृति योग में, सूर्य-संक्रान्ति में, दिन के क्षय होने पर, गजच्छाया-काल में, तथा सूर्यग्रहण के समय,

श्लोक 87 (skanda.5.240.87)

ये व्रजन्ति महात्मानः सङ्गमे सुरदुर्लभे। मृदावगुण्ठयित्वा तु चात्मानं सङ्गमे विशेत्

ye vrajanti mahātmānaḥ saṅgame suradurlabhe| mṛdāvaguṇṭhayitvā tu cātmānaṁ saṅgame viśet

जो महात्मा उस देवताओं के लिए भी दुर्लभ संगम में जाते हैं, वे मिट्टी से अपने शरीर का लेपन करके संगम में प्रवेश करें।

श्लोक 88 (skanda.5.240.88)

हृदयान्तर्जले जाप्या प्राणायामोऽथवा नृप। गायत्री वैष्णवी चैव सौरी शैवी यदृच्छया। तेऽपि पापैः प्रमुच्यन्त इत्येवं शङ्करोऽब्रवीत्

hṛdayāntarjale jāpyā prāṇāyāmo'thavā nṛpa| gāyatrī vaiṣṇavī caiva saurī śaivī yadṛcchayā| te'pi pāpaiḥ pramucyanta ityevaṁ śaṅkaro'bravīt

हे राजन्! जल में हृदय तक डूबकर जप करना चाहिए, अथवा प्राणायाम करना चाहिए — गायत्री, वैष्णवी, सौरी, अथवा शैवी मंत्र का, इच्छानुसार। वे भी पापों से मुक्त हो जाते हैं — ऐसा शंकर ने कहा।

श्लोक 89 (skanda.5.240.89)

जगतीं सोमनाथस्य यस्तु कुर्यात्प्रदक्षिणाम्। प्रदक्षिणीकृता तेन सप्तद्वीपा वसुंधरा

jagatīṁ somanāthasya yastu kuryātpradakṣiṇām| pradakṣiṇīkṛtā tena saptadvīpā vasundharā

जो सोमनाथ की भूमि की प्रदक्षिणा करता है, उसके द्वारा सप्तद्वीपा पृथ्वी की भी प्रदक्षिणा हो जाती है।

श्लोक 90 (skanda.5.240.90)

ब्रह्महत्या सुरापानं गुरुदारनिषेवणम्। भ्रूणहा स्वर्णहर्ता च मुच्यन्ते नात्र संशयः

brahmahatyā surāpānaṁ gurudāraniṣevaṇam| bhrūṇahā svarṇahartā ca mucyante nātra saṁśayaḥ

ब्रह्महत्या, मद्यपान, गुरु-पत्नी-गमन, भ्रूणहत्या तथा सुवर्ण-चोरी के दोषी भी यहाँ मुक्त हो जाते हैं, इसमें कोई संदेह नहीं।

श्लोक 91 (skanda.5.240.91)

तीर्थाख्यानमिदं पुण्यं यः शृणोति जितेन्द्रियः। व्याधितो मुच्यते रोगी चारोगी सुखमाप्नुयात्

tīrthākhyānamidaṁ puṇyaṁ yaḥ śṛṇoti jitendriyaḥ| vyādhito mucyate rogī cārogī sukhamāpnuyāt

जो जितेन्द्रिय होकर इस पुण्य तीर्थ-कथा को सुनता है, रोगी हो तो रोग से मुक्त हो जाता है, और नीरोग हो तो सुख प्राप्त करता है।

श्लोक 92 (skanda.5.240.92)

यत्ते संदह्यते चेतः शृणु तन्मे युधिष्ठिर। नैकापि नृप लोकेऽस्मिन् भ्रूणहत्या सुदुस्त्यजा

yatte saṁdahyate cetaḥ śṛṇu tanme yudhiṣṭhira| naikāpi nṛpa loke'smin bhrūṇahatyā sudustyajā

हे युधिष्ठिर! जिस विषय से तुम्हारा मन जल रहा है, उसे मुझसे सुनो। हे राजन्! इस लोक में भ्रूणहत्या एक ऐसा पाप है, जो अत्यन्त त्यागने योग्य नहीं, अर्थात् जिसका निवारण अत्यन्त कठिन है।

श्लोक 93 (skanda.5.240.93)

किमु षड्विंशतिं पार्थ प्राप याः क्षणदाकरः। सोऽपि तीर्थमिदं प्राप्य तपस्तप्त्वा सुदुश्चरम्

kimu ṣaḍviṁśatiṁ pārtha prāpa yāḥ kṣaṇadākaraḥ| so'pi tīrthamidaṁ prāpya tapastaptvā suduścaram

हे पार्थ! जिसने चन्द्रमा की छब्बीस कलाओं को क्षय के रूप में प्राप्त किया, वह चन्द्रमा भी इस तीर्थ को पाकर, अत्यन्त दुष्कर तप करके,

श्लोक 94 (skanda.5.240.94)

विमुक्तः सर्वपापेभ्यः शीतरश्मिरभूत्सुखी। श्रूयते नृप पौराणी गाथा गीता महर्षिभिः

vimuktaḥ sarvapāpebhyaḥ śītaraśmirabhūtsukhī| śrūyate nṛpa paurāṇī gāthā gītā maharṣibhiḥ

सब पापों से मुक्त होकर शीतरश्मि सुखी हो गया। हे राजन्! यह पुरातन गाथा महर्षियों द्वारा गाई गई सुनी जाती है।

श्लोक 95 (skanda.5.240.95)

लिङ्गं प्रतिष्ठितं ह्येकं दशभ्रूणहनं भवेत्। अतो लिङ्गत्रयं सोमः स्थापयामास भारत

liṅgaṁ pratiṣṭhitaṁ hyekaṁ daśabhrūṇahanaṁ bhavet| ato liṅgatrayaṁ somaḥ sthāpayāmāsa bhārata

एक लिंग की स्थापना दस भ्रूणहत्याओं के पाप के समान होती है; इसलिए, हे भारत! सोम ने तीन लिंगों की स्थापना की।

श्लोक 96 (skanda.5.240.96)

रेवौरिसंगमे ह्याद्यं द्वितीयं भृगुकच्छके। ततः सिद्धिं परां प्राप्य प्रभासे तु तृतीयकम्

revaurisaṅgame hyādyaṁ dvitīyaṁ bhṛgukacchake| tataḥ siddhiṁ parāṁ prāpya prabhāse tu tṛtīyakam

पहला रेवा-उर्वी संगम में, दूसरा भृगुकच्छ में; तत्पश्चात्, परम सिद्धि प्राप्त करके, तीसरा प्रभास में।

श्लोक 97 (skanda.5.240.97)

इति ते कथितं सर्वं तीर्थमाहात्म्यमुत्तमम्। धर्म्यं यशस्यमायुष्यं स्वर्ग्यं संशुद्धिकृन्नृणाम्

iti te kathitaṁ sarvaṁ tīrthamāhātmyamuttamam| dharmyaṁ yaśasyamāyuṣyaṁ svargyaṁ saṁśuddhikṛnnṛṇām

इस प्रकार यह सब उत्तम तीर्थ-माहात्म्य तुम्हें बताया — जो धर्ममय, यशकारी, आयुवर्धक, स्वर्गप्रद, तथा मनुष्यों को शुद्ध करने वाला है।

श्लोक 98 (skanda.5.240.98)

पुत्रार्थी लभते पुत्रान्निष्कामः स्वर्गमाप्नुयात्। मुच्यते सर्वपापेभ्यस्तीर्थं कृत्वा परं नृप

putrārthī labhate putrānniṣkāmaḥ svargamāpnuyāt| mucyate sarvapāpebhyastīrthaṁ kṛtvā paraṁ nṛpa

पुत्रार्थी पुत्रों को प्राप्त करता है, निष्काम व्यक्ति स्वर्ग को प्राप्त होता है; हे राजन्! इस परम तीर्थ में स्नान करने से मनुष्य सब पापों से मुक्त हो जाता है।

श्लोक 99 (skanda.5.240.99)

एतत्ते सर्वमाख्यातं सोमनाथस्य यत्फलम्। श्रुत्वा पुत्रमवाप्नोति स्नात्वा चाष्टौ न संशयः

etatte sarvamākhyātaṁ somanāthasya yatphalam| śrutvā putramavāpnoti snātvā cāṣṭau na saṁśayaḥ

यह सब मैंने तुम्हें बताया, सोमनाथ का जो फल है। इसे सुनने से पुत्र प्राप्त होता है, तथा उसमें स्नान करने से आठ पीढ़ियों का उद्धार होता है — इसमें कोई संदेह नहीं।