जलशायी (चक्रतीर्थ) माहात्म्य

श्लोक 1 (skanda.5.245.1)

श्रीमार्कण्डेय उवाच - रेवाया उत्तरे कूले वैष्णवं तीर्थमुत्तमम्। जलशायीति वै नाम विख्यातं वसुधातले

śrīmārkaṇḍeya uvāca - revāyā uttare kūle vaiṣṇavaṁ tīrthamuttamam| jalaśāyīti vai nāma vikhyātaṁ vasudhātale

श्रीमार्कण्डेय बोले — रेवा के उत्तरी तट पर एक उत्तम वैष्णव तीर्थ है, जो जलशायी नाम से पृथ्वीतल पर विख्यात है।

श्लोक 2 (skanda.5.245.2)

दानवानां वधं कृत्वा सुप्तस्तत्र जनार्दनः। चक्रं प्रक्षालितं तत्र देवदेवेन चक्रिणा। सुदर्शनं च निष्पापं रेवाजलसमाश्रयात्

dānavānāṁ vadhaṁ kṛtvā suptastatra janārdanaḥ| cakraṁ prakṣālitaṁ tatra devadevena cakriṇā| sudarśanaṁ ca niṣpāpaṁ revājalasamāśrayāt

दानवों का वध करके जनार्दन वहाँ सो गए; वहाँ देवदेव चक्रधारी ने अपने चक्र को धोया, और रेवा के जल का आश्रय लेने से सुदर्शन चक्र निष्पाप हो गया।

श्लोक 3 (skanda.5.245.3)

युधिष्ठिर उवाच - चक्रतीर्थं समाचक्ष्व मुनिसंघैश्च वन्दितम्। विष्णोः प्रभावमतुलं रेवायाश्चैव यत्फलम्

yudhiṣṭhira uvāca - cakratīrthaṁ samācakṣva munisaṁghaiśca vanditam| viṣṇoḥ prabhāvamatulaṁ revāyāścaiva yatphalam

युधिष्ठिर बोले — मुनिसंघों द्वारा वन्दित चक्रतीर्थ के बारे में बताइए, तथा विष्णु के अनुपम प्रभाव और रेवा के उस फल के विषय में भी।

श्लोक 4 (skanda.5.245.4)

श्रीमार्कण्डेय उवाच - साधु साधु महाप्राज्ञ विरक्तस्त्वं युधिष्ठिर। गुह्याद्गुह्यतरं तीर्थं निर्मितं चक्रिणा स्वयम्

śrīmārkaṇḍeya uvāca - sādhu sādhu mahāprājña viraktastvaṁ yudhiṣṭhira| guhyādguhyataraṁ tīrthaṁ nirmitaṁ cakriṇā svayam

श्रीमार्कण्डेय बोले — साधु, साधु, हे महाप्राज्ञ युधिष्ठिर, तुम सचमुच विरक्त हो; यह तीर्थ गुह्य से भी अधिक गुह्य है, जिसे स्वयं चक्रधारी ने बनाया।

श्लोक 5 (skanda.5.245.5)

तत्तेऽहं सम्प्रवक्ष्यामि कथां पापप्रणाशिनीम्। आसीत्पुरा महादैत्यस्तालमेघ इति श्रुतः

tatte'haṁ sampravakṣyāmi kathāṁ pāpapraṇāśinīm| āsītpurā mahādaityastālamegha iti śrutaḥ

अब मैं तुम्हें वह कथा सुनाता हूँ जो पाप का नाश करने वाली है: पूर्वकाल में तालमेघ नामक एक महादैत्य था।

श्लोक 6 (skanda.5.245.6)

तेन देवा जिताः सर्वे हृतराज्या नराधिप। यज्ञभागान् स्वयं भुङ्क्ते अहं विष्णुर्न संशयः

tena devā jitāḥ sarve hṛtarājyā narādhipa| yajñabhāgān svayaṁ bhuṅkte ahaṁ viṣṇurna saṁśayaḥ

उसके द्वारा सभी देवता पराजित कर दिए गए, हे नराधिप, और उनका राज्य छीन लिया गया; वह स्वयं यज्ञभागों को भोगता था और कहता था 'मैं ही विष्णु हूँ, इसमें संशय नहीं।'

श्लोक 7 (skanda.5.245.7)

धनदस्य हृतं चित्तं हृतः शक्रस्य वारणः। इन्द्राणीं वाञ्छते पापो हयरत्नं रवेरपि

dhanadasya hṛtaṁ cittaṁ hṛtaḥ śakrasya vāraṇaḥ| indrāṇīṁ vāñchate pāpo hayaratnaṁ raverapi

कुबेर का चित्त हर लिया गया, इन्द्र का ऐरावत छीन लिया गया; वह पापी इन्द्राणी की तथा सूर्य के रत्न-अश्व की भी कामना करने लगा।

श्लोक 8 (skanda.5.245.8)

तालमेघभयात्पार्थ रविरुद्राः सवासवाः। यमः स्कन्दो जलेशोऽग्निर्वायुर्देवो धनेश्वरः

tālameghabhayātpārtha ravirudrāḥ savāsavāḥ| yamaḥ skando jaleśo'gnirvāyurdevo dhaneśvaraḥ

हे पार्थ, तालमेघ के भय से सूर्य, रुद्रगण वासव सहित, यम, स्कन्द, जलेश, अग्नि, वायुदेव, और धनेश्वर,

श्लोक 9 (skanda.5.245.9)

सवाक्पतिमहेशाश्च नष्टचित्ताः पितामहम्। गता देवा ब्रह्मलोकं तत्र दृष्ट्वा पितामहम्

savākpatimaheśāśca naṣṭacittāḥ pitāmaham| gatā devā brahmalokaṁ tatra dṛṣṭvā pitāmaham

...वाचस्पति और महेश सहित, चित्त से भ्रष्ट होकर पितामह के पास गए; देवता ब्रह्मलोक गए और वहाँ पितामह को देखकर,

श्लोक 10 (skanda.5.245.10)

तुष्टुवुर्विविधैः स्तोत्रैर्वागीशप्रमुखाः सुराः। गुणत्रयविभागाय पश्चाद्भेदमुपेयुषे

tuṣṭuvurvividhaiḥ stotrairvāgīśapramukhāḥ surāḥ| guṇatrayavibhāgāya paścādbhedamupeyuṣe

...वागीश आदि देवताओं ने विविध स्तोत्रों से उनकी स्तुति की — उन ब्रह्मा की, जिन्होंने त्रिगुण के विभाजन के लिए बाद में भेद को प्राप्त किया था।

श्लोक 11 (skanda.5.245.11)

दृष्ट्वा देवान्निरुत्साहान् विवर्णानवनीपते। प्रसादाभिमुखो देवः प्रत्युवाच दिवौकसः

dṛṣṭvā devānnirutsāhān vivarṇānavanīpate| prasādābhimukho devaḥ pratyuvāca divaukasaḥ

हे अवनीपते, देवताओं को उत्साहरहित और विवर्ण देखकर, प्रसन्नतापूर्वक उन देव (ब्रह्मा) ने आकाशवासी देवताओं को उत्तर दिया।

श्लोक 12 (skanda.5.245.12)

ब्रह्मोवाच - स्वागतं सुरसङ्घस्य कान्तिर्नष्टा पुरातनी। हिमक्लिष्टप्रभावेण ज्योतींषीव मुखानि वः

brahmovāca - svāgataṁ surasaṅghasya kāntirnaṣṭā purātanī| himakliṣṭaprabhāveṇa jyotīṁṣīva mukhāni vaḥ

ब्रह्मा बोले — देवगण का स्वागत है। तुम्हारी प्राचीन कान्ति नष्ट हो गई है; हिम से पीड़ित प्रभाव के कारण तुम्हारे मुख ज्योतियों के समान धूमिल दिख रहे हैं।

श्लोक 13 (skanda.5.245.13)

प्रशमादर्चिषामेतदनुद्गीर्णं सुरायुधम्। वृत्रस्य हन्तुः कुलिशं कुण्ठितश्रीव लक्ष्यते

praśamādarciṣāmetadanudgīrṇaṁ surāyudham| vṛtrasya hantuḥ kuliśaṁ kuṇṭhitaśrīva lakṣyate

इसकी ज्वालाओं के शमन के कारण देवताओं का यह अस्त्र उठाया नहीं जा रहा; वृत्रहन्ता का वज्र मानो कुण्ठित श्रीवाला दिखाई देता है।

श्लोक 14 (skanda.5.245.14)

किं चायमरिदुर्वारः पाणौ पाशः प्रचेतसः। मन्त्रेण हतवीर्यस्य फणिनो दैन्यमाश्रितः

kiṁ cāyamaridurvāraḥ pāṇau pāśaḥ pracetasaḥ| mantreṇa hatavīryasya phaṇino dainyamāśritaḥ

और यह प्रचेता (वरुण) के हाथ में शत्रुओं के लिए अजेय पाश भी, मानो मन्त्र से जिसका बल हर लिया गया हो ऐसे सर्प के समान, दीनता को प्राप्त हुआ दिखता है।

श्लोक 15 (skanda.5.245.15)

कुबेरस्य मनःशल्यं शंसतीव पराभवम्। अपविद्धगतो वायुर्भग्नशाख इव द्रुमः

kuberasya manaḥśalyaṁ śaṁsatīva parābhavam| apaviddhagato vāyurbhagnaśākha iva drumaḥ

मानो यह कुबेर के मन के शल्य और उसकी पराजय की घोषणा कर रहा हो; वायुदेव विचलित होकर, टूटी शाखाओं वाले वृक्ष के समान प्रतीत होते हैं।

श्लोक 16 (skanda.5.245.16)

यमोऽपि विलिखन्भूमिं दण्डेनास्तमितत्विषा। कुरुतेऽस्मिन्नमोघोऽपि निर्वाणालातलाघवम्

yamo'pi vilikhanbhūmiṁ daṇḍenāstamitatviṣā| kurute'sminnamogho'pi nirvāṇālātalāghavam

अपनी अस्त हुई कान्ति के साथ यम भी अपने दण्ड से भूमि को कुरेदते हुए, अमोघ होते हुए भी, बुझी हुई अलात की सी हल्कापन दिखा रहे हैं।

श्लोक 17 (skanda.5.245.17)

अमी च कथमादित्याः प्रतापक्षतिशीतलाः। चित्रन्यस्ता इव गताः प्रकामालोकनीयताम्

amī ca kathamādityāḥ pratāpakṣatiśītalāḥ| citranyastā iva gatāḥ prakāmālokanīyatām

और ये आदित्यगण, जिनका प्रताप क्षीण होकर शीतल हो गया है, कैसे मानो चित्र में अंकित प्रतिमाओं के समान, यथेच्छ देखे जाने योग्य हो गए हैं?

श्लोक 18 (skanda.5.245.18)

तद्ब्रूत वत्साः किमितः प्रार्थयध्वं समागताः। किमागमनकृत्यं वो ब्रूत निःसंशयं सुराः

tadbrūta vatsāḥ kimitaḥ prārthayadhvaṁ samāgatāḥ| kimāgamanakṛtyaṁ vo brūta niḥsaṁśayaṁ surāḥ

तो बताओ, हे वत्सो, यहाँ आकर तुम क्या प्रार्थना करते हो? हे देवगण, निःसंकोच बताओ कि तुम्हारे आगमन का प्रयोजन क्या है?

श्लोक 19 (skanda.5.245.19)

मयि सृष्टिर्हि लोकानां रक्षा युष्मास्ववस्थिता। ततो मन्दानिलोद्भूतकमलाकरशोभिना

mayi sṛṣṭirhi lokānāṁ rakṣā yuṣmāsvavasthitā| tato mandānilodbhūtakamalākaraśobhinā

लोकों की सृष्टि तो मुझमें स्थित है, किन्तु उनकी रक्षा तुममें स्थित है। तब मन्द वायु से हिलते हुए कमल-सरोवर के समान सुशोभित बृहस्पति,

श्लोक 20 (skanda.5.245.20)

गुरुं नेत्रसहस्रेण प्रेरयामास वृत्रहा। स द्विनेत्रं हरेश्चक्षुः सहस्रनयनाधिकम्

guruṁ netrasahasreṇa prerayāmāsa vṛtrahā| sa dvinetraṁ hareścakṣuḥ sahasranayanādhikam

वृत्रहा (इन्द्र) ने अपनी सहस्र आँखों से गुरु (बृहस्पति) को प्रेरित किया; वे द्विनेत्र होते हुए भी हरि के नेत्र के समान, सहस्रनेत्र (इन्द्र) से भी अधिक तेजस्वी हो गए।

श्लोक 21 (skanda.5.245.21)

वाचस्पतिरुवाचेदं प्राञ्जलिर्जलजासनम्। युष्मद्वंशोद्भवस्तात तालमेघो महाबलः

vācaspatiruvācedaṁ prāñjalirjalajāsanam| yuṣmadvaṁśodbhavastāta tālamegho mahābalaḥ

वाचस्पति ने हाथ जोड़कर कमलासन (ब्रह्मा) से यह कहा — 'हे तात, आपके ही वंश में उत्पन्न महाबली तालमेघ,

श्लोक 22 (skanda.5.245.22)

उपतापयते देवान्धूमकेतुरिवोच्छ्रितः। तेन देवगणाः सर्वे दुःखिता दानवेन च

upatāpayate devāndhūmaketurivocchritaḥ| tena devagaṇāḥ sarve duḥkhitā dānavena ca

...देवताओं को संतप्त कर रहा है, धूमकेतु के समान उठकर। उस दानव से सभी देवगण दुःखी हो गए हैं।

श्लोक 23 (skanda.5.245.23)

तालमेघो दैत्यपतिः सर्वान्नो बाधते बली। तस्मात्त्वां शरणं प्राप्ताः शरणं नो विधे भव

tālamegho daityapatiḥ sarvānno bādhate balī| tasmāttvāṁ śaraṇaṁ prāptāḥ śaraṇaṁ no vidhe bhava

दैत्यराज तालमेघ, वह बलवान्, हम सबको पीड़ित कर रहा है। इसलिए हम आपकी शरण में आए हैं; हे विधे, आप हमारी शरण बनिए।'

श्लोक 24 (skanda.5.245.24)

ततः प्रसन्नो भगवान् वेधास्तानब्रवीद्वचः

tataḥ prasanno bhagavān vedhāstānabravīdvacaḥ

तब प्रसन्न होकर भगवान् वेधा (ब्रह्मा) ने उनसे यह वचन कहा —

श्लोक 25 (skanda.5.245.25)

ब्रह्मोवाच - तालमेघेन वो मध्ये बली तेन समः सुराः। विना माधवदेवेन साध्यो मे नैव दानवः

brahmovāca - tālameghena vo madhye balī tena samaḥ surāḥ| vinā mādhavadevena sādhyo me naiva dānavaḥ

ब्रह्मा बोले — हे देवगण, क्या तुम में से कोई तालमेघ के समान बलवान् है? माधव देव (विष्णु) के बिना यह दानव मुझसे भी वश में नहीं किया जा सकता।

श्लोक 26 (skanda.5.245.26)

ततः सुरगणाः सर्वे विरिञ्चिप्रमुखा नृप। क्षीरोदं प्रस्थिताः सर्वे दुःखितास्तेन वैरिणा

tataḥ suragaṇāḥ sarve viriñcipramukhā nṛpa| kṣīrodaṁ prasthitāḥ sarve duḥkhitāstena vairiṇā

तब हे राजन्, विरिञ्चि (ब्रह्मा) के नेतृत्व में सभी देवगण, उस शत्रु से दुःखी होकर, सब क्षीरसागर की ओर चल पड़े।

श्लोक 27 (skanda.5.245.27)

त्वरिताः प्रस्थिता देवाः केशवं द्रष्टुकाम्यया। क्षीरोदं सागरं गत्वास्तुवंस्ते जलशायिनम्

tvaritāḥ prasthitā devāḥ keśavaṁ draṣṭukāmyayā| kṣīrodaṁ sāgaraṁ gatvāstuvaṁste jalaśāyinam

देवगण केशव को देखने की इच्छा से शीघ्रता से चल पड़े; क्षीरसागर में जाकर उन्होंने जलशायी की स्तुति की।

श्लोक 28 (skanda.5.245.28)

देवा ऊचुः। जगदादिरनादिस्त्वं जगदन्तोऽप्यनन्तकः। जगन्मूर्तिरमूर्तिस्त्वं जय गीर्वाणपूजित

devā ūcuḥ| jagadādiranādistvaṁ jagadanto'pyanantakaḥ| jaganmūrtiramūrtistvaṁ jaya gīrvāṇapūjita

देवता बोले — आप जगत् के आदि हैं, फिर भी अनादि हैं; आप जगत् के अन्त हैं, फिर भी अनन्त हैं। आप जगत् की मूर्ति हैं, फिर भी अमूर्त हैं। हे देवपूजित, आपकी जय हो!

श्लोक 29 (skanda.5.245.29)

जय क्षीरोदशयन जय लक्ष्म्या सदा वृत। जय दानवनाशाय जय देवकिनन्दन

jaya kṣīrodaśayana jaya lakṣmyā sadā vṛta| jaya dānavanāśāya jaya devakinandana

हे क्षीरोदशायी, आपकी जय हो! हे लक्ष्मी से सदा युक्त, आपकी जय हो! हे दानवनाशक, आपकी जय हो! हे देवकीनन्दन, आपकी जय हो!

श्लोक 30 (skanda.5.245.30)

जय शङ्खगदापाणे जय चक्रधर प्रभो। इति देवस्तुतिं श्रुत्वा प्रबुद्धो जलशाय्यथ

jaya śaṅkhagadāpāṇe jaya cakradhara prabho| iti devastutiṁ śrutvā prabuddho jalaśāyyatha

हे शंख-गदाधारी, आपकी जय हो! हे चक्रधर प्रभो, आपकी जय हो! देवताओं की यह स्तुति सुनकर जलशायी जाग उठे।

श्लोक 31 (skanda.5.245.31)

उवाच मधुरां वाणीं मेघगम्भीरनिस्वनाम्। किमर्थं बोधितो ब्रह्मन् समर्थैर्वः सुरासुरैः

uvāca madhurāṁ vāṇīṁ meghagambhīranisvanām| kimarthaṁ bodhito brahman samarthairvaḥ surāsuraiḥ

उन्होंने मेघ के समान गम्भीर स्वरवाली मधुर वाणी में कहा — 'हे ब्रह्मन्, समर्थ देवताओं द्वारा मुझे किसलिए जगाया गया है?'

श्लोक 32 (skanda.5.245.32)

ब्रह्मोवाच - तालमेघभयात्कृष्ण सम्प्राप्तास्तव मन्दिरम्। न वध्यः कस्यचित्पापस्तालमेघो जनार्दन

brahmovāca - tālameghabhayātkṛṣṇa samprāptāstava mandiram| na vadhyaḥ kasyacitpāpastālamegho janārdana

ब्रह्मा बोले — हे कृष्ण, तालमेघ के भय से हम आपके धाम में आए हैं। हे जनार्दन, यह पापी तालमेघ किसी के द्वारा वध्य नहीं है।

श्लोक 33 (skanda.5.245.33)

त्वमेव जहि तं दुष्टं मृत्युं यास्यति नान्यथा

tvameva jahi taṁ duṣṭaṁ mṛtyuṁ yāsyati nānyathā

आप ही उस दुष्ट का वध कर सकते हैं; अन्यथा उसकी मृत्यु सम्भव नहीं है।

श्लोक 34 (skanda.5.245.34)

श्रीकृष्ण उवाच - स्वस्थानं गम्यतां देवाः स्वकीयां लभत प्रजाम्। दुष्टात्मानं हनिष्यामि तालमेघं महाबलम्

śrīkṛṣṇa uvāca - svasthānaṁ gamyatāṁ devāḥ svakīyāṁ labhata prajām| duṣṭātmānaṁ haniṣyāmi tālameghaṁ mahābalam

श्रीकृष्ण बोले — हे देवगण, अपने-अपने स्थान को जाओ और अपनी-अपनी प्रजा को पुनः प्राप्त करो; मैं दुष्टात्मा महाबली तालमेघ का वध करूँगा।

श्लोक 35 (skanda.5.245.35)

स्थानं ब्रुवन्तु मे देवा वसेद्यत्र स दानवः

sthānaṁ bruvantu me devā vasedyatra sa dānavaḥ

देवगण मुझे वह स्थान बताएँ जहाँ वह दानव निवास करता है।

श्लोक 36 (skanda.5.245.36)

देवा ऊचुः। हिमाचलगुहायां स वसते दानवेश्वरः। चतुर्विंशतिसाहस्रैः कन्याभिः परिवारितः

devā ūcuḥ| himācalaguhāyāṁ sa vasate dānaveśvaraḥ| caturviṁśatisāhasraiḥ kanyābhiḥ parivāritaḥ

देवता बोले — वह दानवेश्वर हिमाचल की गुफा में निवास करता है, चौबीस हजार कन्याओं से घिरा हुआ।

श्लोक 37 (skanda.5.245.37)

तुरङ्गैः स्यन्दनैः कृष्ण संख्या तस्य न विद्यते। नटा नानाविधास्तत्र असंख्यातगुणा हरे

turaṅgaiḥ syandanaiḥ kṛṣṇa saṁkhyā tasya na vidyate| naṭā nānāvidhāstatra asaṁkhyātaguṇā hare

हे कृष्ण, उसके घोड़ों और रथों की कोई गणना नहीं है; हे हरे, वहाँ नाना प्रकार के असंख्य नर्तक हैं।

श्लोक 38 (skanda.5.245.38)

द्विरदाः पर्वताकारा हयाश्च द्विरदोपमाः। महाबलो वसेत्तत्र गीर्वाणभयदायकः

dviradāḥ parvatākārā hayāśca dviradopamāḥ| mahābalo vasettatra gīrvāṇabhayadāyakaḥ

उसके हाथी पर्वत के समान विशाल हैं और घोड़े हाथियों के समान हैं; वह देवताओं को भयभीत करने वाला महाबली वहीं निवास करता है।

श्लोक 39 (skanda.5.245.39)

श्रुत्वा देवो वचस्तेषां देवानामातुरात्मनाम्। अचिन्तयद्गरुत्मन्तं शत्रुसङ्घविनाशनम्

śrutvā devo vacasteṣāṁ devānāmāturātmanām| acintayadgarutmantaṁ śatrusaṅghavināśanam

उन व्याकुल देवताओं के वचन सुनकर, भगवान् ने शत्रुसंघ के विनाशक गरुड़ का स्मरण किया।

श्लोक 40 (skanda.5.245.40)

चक्रं करेण संगृह्य गदाचक्रधरः प्रभुः। शार्ङ्गं च मुशलं सीरं करैर्गृह्य जनार्दनः

cakraṁ kareṇa saṁgṛhya gadācakradharaḥ prabhuḥ| śārṅgaṁ ca muśalaṁ sīraṁ karairgṛhya janārdanaḥ

चक्र को हाथ में लेकर गदा-चक्रधारी प्रभु ने, तथा शार्ङ्ग धनुष, मुसल और हल को हाथों में लेकर जनार्दन ने,

श्लोक 41 (skanda.5.245.41)

आरूढः पक्षिराजेन्द्रं वधार्थं दानवस्य च। दानवस्य पुरे पेतुरुत्पाता घोररूपिणः

ārūḍhaḥ pakṣirājendraṁ vadhārthaṁ dānavasya ca| dānavasya pure peturutpātā ghorarūpiṇaḥ

...पक्षिराज (गरुड़) पर आरूढ़ होकर दानव के वध के लिए चल पड़े। दानव की नगरी में भयंकर रूप वाले उत्पात होने लगे।

श्लोक 42 (skanda.5.245.42)

गोमायुर्गृध्रमध्ये तु कपोतैः सममाविशत्। विना वातेन तस्यैव ध्वजदण्डः पपात ह

gomāyurgṛdhramadhye tu kapotaiḥ samamāviśat| vinā vātena tasyaiva dhvajadaṇḍaḥ papāta ha

गीधों के बीच सियार कबूतरों के साथ घुस आया; बिना वायु के ही उसका ध्वजदण्ड गिर पड़ा।

श्लोक 43 (skanda.5.245.43)

सर्पसूषकयोर्युद्धं तथा केसरिनागयोः। उन्मार्गाः सरितस्तत्रावहन्रक्तविमिश्रिताः। अकालतरुपुष्पाणि दृश्यन्ते स्म समन्ततः

sarpasūṣakayoryuddhaṁ tathā kesarināgayoḥ| unmārgāḥ saritastatrāvahanraktavimiśritāḥ| akālatarupuṣpāṇi dṛśyante sma samantataḥ

सर्प और नेवले में युद्ध हुआ, तथा सिंह और हाथी में भी; नदियाँ अपने मार्ग से हटकर रक्तमिश्रित होकर बहने लगीं; असमय में वृक्षों के पुष्प सर्वत्र दिखाई देने लगे।

श्लोक 44 (skanda.5.245.44)

ततः प्राप्तो जगन्नाथो हिमवन्तं नगेश्वरम्। पाञ्चजन्यश्वसहसा पूरितः पुरसन्निधौ

tataḥ prāpto jagannātho himavantaṁ nageśvaram| pāñcajanyaśvasahasā pūritaḥ purasannidhau

तब जगन्नाथ हिमवान् पर्वतराज के पास पहुँचे; नगर के समीप पाञ्चजन्य शंख की ध्वनि से सहसा सब कुछ भर गया।

श्लोक 45 (skanda.5.245.45)

तेन शब्देन महता ह्यारूढो दानवेश्वरः। उवाच च तदा वाक्यं तालमेघो महाबलः

tena śabdena mahatā hyārūḍho dānaveśvaraḥ| uvāca ca tadā vākyaṁ tālamegho mahābalaḥ

उस महान् शब्द से दानवेश्वर आरूढ़ हो गया, और तब महाबली तालमेघ ने यह वचन कहा —

श्लोक 46 (skanda.5.245.46)

तालमेघ उवाच - कोऽयं मृत्युवशं प्राप्तो ह्यज्ञात्वा मम विक्रमम्। धुन्धुमाराज्ञया ह्याशु स्वसैन्यपरिवारितः

tālamegha uvāca - ko'yaṁ mṛtyuvaśaṁ prāpto hyajñātvā mama vikramam| dhundhumārājñayā hyāśu svasainyaparivāritaḥ

तालमेघ बोला — यह कौन है जो मेरे पराक्रम को न जानकर मृत्यु के वश में आ गया है? हे धुन्धुमार, मेरी आज्ञा से शीघ्र ही अपनी सेना से घिरकर,

श्लोक 47 (skanda.5.245.47)

बलादानय तं बद्ध्वा ममाग्रे बहुशालिनम्

balādānaya taṁ baddhvā mamāgre bahuśālinam

...उस अत्यन्त शक्तिशाली को बलपूर्वक बाँधकर मेरे सामने ले आओ।

श्लोक 48 (skanda.5.245.48)

धुन्धुमार उवाच - आनयामि न सन्देहः सुरो यक्षोऽथ किन्नरः। स्यन्दनौघैः समायुक्तो गजवाजिभटैः सह

dhundhumāra uvāca - ānayāmi na sandehaḥ suro yakṣo'tha kinnaraḥ| syandanaughaiḥ samāyukto gajavājibhaṭaiḥ saha

धुन्धुमार बोला — मैं उसे अवश्य ले आऊँगा, चाहे वह देव हो, यक्ष हो या किन्नर हो — रथों के समूह से, हाथी, घोड़ों और पैदल सैनिकों सहित।

श्लोक 49 (skanda.5.245.49)

हृष्टस्ततो जगद्योनिः सुपर्णस्थो महाबलः। गृह्यतां गृह्यतामेष इत्युक्तास्तेन किंकराः

hṛṣṭastato jagadyoniḥ suparṇastho mahābalaḥ| gṛhyatāṁ gṛhyatāmeṣa ityuktāstena kiṁkarāḥ

तब सुपर्ण पर आरूढ़ महाबली जगत्कारण (कृष्ण) प्रसन्न हुए। 'इसे पकड़ो, इसे पकड़ो' — ऐसा उसके सेवकों को आदेश दिया गया।

श्लोक 50 (skanda.5.245.50)

चतुर्दिक्षु प्रधावन्त इतश्चेतश्च सर्वतः। सुपर्णेनाग्निरूपेण दग्धास्ते शलभा यथा

caturdikṣu pradhāvanta itaścetaśca sarvataḥ| suparṇenāgnirūpeṇa dagdhāste śalabhā yathā

वे चारों दिशाओं में, इधर-उधर, सब ओर दौड़े; परन्तु अग्निरूप सुपर्ण द्वारा वे पतंगों के समान जलकर भस्म हो गए।

श्लोक 51 (skanda.5.245.51)

धुन्धुमारोऽपि कृष्णेन शरघातेन ताडितः। हतो वक्षःस्थले पापो मृतावस्थो रथोपरि

dhundhumāro'pi kṛṣṇena śaraghātena tāḍitaḥ| hato vakṣaḥsthale pāpo mṛtāvastho rathopari

धुन्धुमार भी कृष्ण द्वारा बाण के प्रहार से आहत हुआ; वह पापी वक्षस्थल पर आहत होकर रथ पर ही मृतावस्था में गिर गया।

श्लोक 52 (skanda.5.245.52)

हाहाकारं ततः सर्वे दानवाश्चक्रुरातुराः। तालमेघस्ततः क्रुद्धो रथारूढो विनिर्गतः। ददृशे केशवं पार्थ शङ्खचक्रगदाधरम्

hāhākāraṁ tataḥ sarve dānavāścakrurāturāḥ| tālameghastataḥ kruddho rathārūḍho vinirgataḥ| dadṛśe keśavaṁ pārtha śaṅkhacakragadādharam

तब सभी दानव व्याकुल होकर हाहाकार करने लगे। तब क्रुद्ध होकर तालमेघ रथ पर आरूढ़ होकर निकला; हे पार्थ, उसने शंख-चक्र-गदाधारी केशव को देखा।

श्लोक 53 (skanda.5.245.53)

तालमेघ उवाच - अन्ये ते दानवाः कृष्ण ये हताः समरे त्वया। हिरण्यकशिपुप्रख्यानपुमांसो हि तेऽच्युत

tālamegha uvāca - anye te dānavāḥ kṛṣṇa ye hatāḥ samare tvayā| hiraṇyakaśipuprakhyānapumāṁso hi te'cyuta

तालमेघ बोला — हे कृष्ण, वे अन्य दानव थे जिन्हें आपने युद्ध में मारा — हे अच्युत, वे तो हिरण्यकशिपु के समान मात्र नामधारी पुरुष थे।

श्लोक 54 (skanda.5.245.54)

इत्युक्त्वा दानवः पार्थ वर्षयामास सायकैः। दानवस्य शरान्मुक्तान् छेदयामास केशवः

ityuktvā dānavaḥ pārtha varṣayāmāsa sāyakaiḥ| dānavasya śarānmuktān chedayāmāsa keśavaḥ

हे पार्थ, यह कहकर दानव ने बाणों की वर्षा की; केशव ने दानव द्वारा छोड़े गए बाणों को काट डाला।

श्लोक 55 (skanda.5.245.55)

गरुत्मानवधीत्सैन्यमवध्यं यत्सुरासुरैः। कृष्णेन द्विगुणास्तस्य प्रेषिताः स्वशिलीमुखाः

garutmānavadhītsainyamavadhyaṁ yatsurāsuraiḥ| kṛṣṇena dviguṇāstasya preṣitāḥ svaśilīmukhāḥ

गरुड़ ने उस सेना का वध किया जो देवताओं और असुरों दोनों के लिए अवध्य थी; कृष्ण द्वारा उसके दुगुने अपने तीक्ष्ण बाण भेजे गए।

श्लोक 56 (skanda.5.245.56)

द्विगुणं द्विगुणीकृत्य प्रेषयामास दानवः। तानप्यष्टगुणैः कृष्णश्छादयामास सायकैः

dviguṇaṁ dviguṇīkṛtya preṣayāmāsa dānavaḥ| tānapyaṣṭaguṇaiḥ kṛṣṇaśchādayāmāsa sāyakaiḥ

दानव ने उस दुगुने को भी दुगुना करके भेजा; उन्हें भी कृष्ण ने आठ गुने बाणों से ढक दिया।

श्लोक 57 (skanda.5.245.57)

ततः क्रुद्धेन दैत्येन ह्याग्नेयं बाणमुत्तमम्

tataḥ kruddhena daityena hyāgneyaṁ bāṇamuttamam

तब क्रुद्ध हुए दैत्य ने उत्तम आग्नेय बाण छोड़ा।

श्लोक 58 (skanda.5.245.58)

वारुणं प्रेषयामास त्वाग्नेयं शमितं ततः। वारुणेनैव वायव्यं तालमेघो व्यसर्जयत्

vāruṇaṁ preṣayāmāsa tvāgneyaṁ śamitaṁ tataḥ| vāruṇenaiva vāyavyaṁ tālamegho vyasarjayat

[कृष्ण ने] वारुण अस्त्र भेजा, जिससे आग्नेय अस्त्र शान्त हो गया; तब वारुण के उत्तर में तालमेघ ने वायव्य अस्त्र छोड़ा।

श्लोक 59 (skanda.5.245.59)

सार्पं चैव हृषीकेशो वायव्यस्य प्रशान्तये। नारसिंहं नृसिंहोऽपि प्रेषयामास पाण्डव

sārpaṁ caiva hṛṣīkeśo vāyavyasya praśāntaye| nārasiṁhaṁ nṛsiṁho'pi preṣayāmāsa pāṇḍava

हृषीकेश ने वायव्य अस्त्र को शान्त करने के लिए सार्प अस्त्र भेजा; और हे पाण्डव, नृसिंहरूप कृष्ण ने तब नारसिंह अस्त्र भेजा।

श्लोक 60 (skanda.5.245.60)

नारसिंहं ततो दृष्ट्वा तालमेघो महाबलः। उत्तीर्य स्यन्दनाच्छीघ्रं गृहीत्वा खड्गचर्मणी

nārasiṁhaṁ tato dṛṣṭvā tālamegho mahābalaḥ| uttīrya syandanācchīghraṁ gṛhītvā khaḍgacarmaṇī

नारसिंह अस्त्र को देखकर महाबली तालमेघ शीघ्र ही अपने रथ से उतर पड़ा और तलवार-ढाल लेकर,

श्लोक 61 (skanda.5.245.61)

कृष्ण त्वां प्रेषयिष्यामि यममार्गं सुदारुणम्। इत्युक्त्वा दानवः पार्थ आगतः केशवं प्रति

kṛṣṇa tvāṁ preṣayiṣyāmi yamamārgaṁ sudāruṇam| ityuktvā dānavaḥ pārtha āgataḥ keśavaṁ prati

'हे कृष्ण, मैं तुम्हें अत्यन्त भयंकर यममार्ग पर भेज दूँगा' — यह कहकर, हे पार्थ, दानव केशव की ओर बढ़ा।

श्लोक 62 (skanda.5.245.62)

खड्गेनाताडयद्दैत्यो गदापाणिं जनार्दनम्। मण्डलाग्रं ततो गृह्य केशवो हृष्टमानसः

khaḍgenātāḍayaddaityo gadāpāṇiṁ janārdanam| maṇḍalāgraṁ tato gṛhya keśavo hṛṣṭamānasaḥ

दैत्य ने गदाधारी जनार्दन पर तलवार से प्रहार किया। तब केशव ने ढाल का किनारा पकड़कर, प्रसन्न मन से,

श्लोक 63 (skanda.5.245.63)

जघनोरःस्थले पार्थ तालमेघं महाहवे। जनार्दनस्तदा दैत्यं दैत्यो हरिमहन्मृधे

jaghanoraḥsthale pārtha tālameghaṁ mahāhave| janārdanastadā daityaṁ daityo harimahanmṛdhe

...हे पार्थ, उस महासंग्राम में तालमेघ के जघन और वक्षस्थल पर प्रहार किया; तब जनार्दन ने दैत्य को और दैत्य ने हरि को उस युद्ध में मारा।

श्लोक 64 (skanda.5.245.64)

जनार्दनस्ततः क्रुद्धस्तालमेघाय भारत। अमोघं चक्रमादाय मुक्तं तस्य च मूर्धनि

janārdanastataḥ kruddhastālameghāya bhārata| amoghaṁ cakramādāya muktaṁ tasya ca mūrdhani

तब हे भारत, क्रुद्ध जनार्दन ने अपना अमोघ चक्र उठाया और उसे तालमेघ के मस्तक पर छोड़ दिया।

श्लोक 65 (skanda.5.245.65)

निपपात शिरस्तस्य पर्वताश्च चकम्पिरे। समुद्राः क्षुभिताः पार्थ नद्य उन्मार्गगामिनीः

nipapāta śirastasya parvatāśca cakampire| samudrāḥ kṣubhitāḥ pārtha nadya unmārgagāminīḥ

उसका सिर गिर पड़ा; पर्वत काँप उठे; हे पार्थ, समुद्र क्षुब्ध हो गए और नदियाँ अपने मार्ग से भटक गईं।

श्लोक 66 (skanda.5.245.66)

पुष्पवृष्टिं ततो देवा मुमुचुः केशवोपरि। अवध्यः सुरसङ्घानां सूदितः केशव त्वया

puṣpavṛṣṭiṁ tato devā mumucuḥ keśavopari| avadhyaḥ surasaṅghānāṁ sūditaḥ keśava tvayā

तब देवताओं ने केशव पर पुष्पवृष्टि की: 'हे केशव, जो देवसंघों के लिए अवध्य था, उसे आपने मार डाला।'

श्लोक 67 (skanda.5.245.67)

स्वस्थाश्चैव ततो देवास्तालमेघे निपातिते। जनार्दनोऽपि कौन्तेय नर्मदातटमाश्रितः

svasthāścaiva tato devāstālameghe nipātite| janārdano'pi kaunteya narmadātaṭamāśritaḥ

तालमेघ के गिर जाने पर देवगण निश्चिन्त हो गए; और हे कौन्तेय, जनार्दन भी नर्मदा के तट पर विराजमान हो गए।

श्लोक 68 (skanda.5.245.68)

क्षीरोदां नर्मदां मत्वा अनन्तभुजगोपरि। लक्ष्म्या समन्वितः कृष्णो निलीनश्चोत्तरे तटे

kṣīrodāṁ narmadāṁ matvā anantabhujagopari| lakṣmyā samanvitaḥ kṛṣṇo nilīnaścottare taṭe

नर्मदा को क्षीरसागर मानकर, लक्ष्मी सहित कृष्ण अनन्त नाग के ऊपर उत्तरी तट पर लीन हो गए।

श्लोक 69 (skanda.5.245.69)

चक्रं विभीषणं मर्त्ये ज्वालामालासमन्वितम्। पतितं नर्मदातोये जलशायिसमीपतः

cakraṁ vibhīṣaṇaṁ martye jvālāmālāsamanvitam| patitaṁ narmadātoye jalaśāyisamīpataḥ

मनुष्यों के लिए भयानक, ज्वालामाला से युक्त वह चक्र जलशायी के समीप नर्मदा के जल में गिर पड़ा।

श्लोक 70 (skanda.5.245.70)

निर्धूतकल्मषं जातं नर्मदातोययोगतः। तालमेघवधोत्पन्नं यत्पापं नृपनन्दन

nirdhūtakalmaṣaṁ jātaṁ narmadātoyayogataḥ| tālameghavadhotpannaṁ yatpāpaṁ nṛpanandana

नर्मदा के जल के सम्पर्क से वह कल्मषरहित हो गया — हे नृपनन्दन, तालमेघ के वध से उत्पन्न जो पाप था, वह धुल गया।

श्लोक 71 (skanda.5.245.71)

तत्स्रवं क्षालितं सद्यो नर्मदांभसि भारत। तदाप्रभृति लोकेऽस्मिञ्जलशायी महीपते

tatsravaṁ kṣālitaṁ sadyo narmadāṁbhasi bhārata| tadāprabhṛti loke'smiñjalaśāyī mahīpate

हे भारत, वह मलिनता नर्मदा के जल में तुरन्त धुल गई; तभी से, हे महीपते, इस लोक में यह स्थान जलशायी के नाम से जाना जाता है।

श्लोक 72 (skanda.5.245.72)

चक्रतीर्थं वदन्त्यन्ये केचित्कालाघनाशनम्। विख्यातं भारते वर्षे नर्मदायां महीपते

cakratīrthaṁ vadantyanye kecitkālāghanāśanam| vikhyātaṁ bhārate varṣe narmadāyāṁ mahīpate

कुछ अन्य लोग इसे चक्रतीर्थ कहते हैं, जो काल के पाप का नाशक है; हे महीपते, यह भारतवर्ष में नर्मदा पर विख्यात है।

श्लोक 73 (skanda.5.245.73)

तत्तीर्थस्य प्रभावोऽयं श्रूयतामवनीपते। यथाऽनन्तो हि नागानां देवानां च जनार्दनः

tattīrthasya prabhāvo'yaṁ śrūyatāmavanīpate| yathā'nanto hi nāgānāṁ devānāṁ ca janārdanaḥ

हे अवनीपते, अब उस तीर्थ की यह महिमा सुनिए: जैसे नागों में अनन्त और देवताओं में जनार्दन श्रेष्ठ हैं,

श्लोक 74 (skanda.5.245.74)

मासानां मार्गशीर्षोऽस्ति नदीनां नर्मदा यथा। मासि मार्गशिरे पार्थ ह्येकादश्यां सितेऽहनि

māsānāṁ mārgaśīrṣo'sti nadīnāṁ narmadā yathā| māsi mārgaśire pārtha hyekādaśyāṁ site'hani

...जैसे महीनों में मार्गशीर्ष और नदियों में नर्मदा श्रेष्ठ है — उसी प्रकार हे पार्थ, मार्गशीर्ष मास में, शुक्ल पक्ष की एकादशी के दिन,

श्लोक 75 (skanda.5.245.75)

गत्वा यो मनुजो भक्त्या कामक्रोधविवर्जितः। वैष्णवीं भावनां कृत्वा जलेशं तु व्रजेत वै

gatvā yo manujo bhaktyā kāmakrodhavivarjitaḥ| vaiṣṇavīṁ bhāvanāṁ kṛtvā jaleśaṁ tu vrajeta vai

...जो मनुष्य काम-क्रोध से रहित होकर भक्तिपूर्वक वहाँ जाकर, वैष्णवी भावना करके जलेश के पास जाता है,

श्लोक 76 (skanda.5.245.76)

एकभुक्तं च नक्तं च तथैवायाचितं नृप। उपवासं तथा दानं ब्राह्मणानां च भोजनम्

ekabhuktaṁ ca naktaṁ ca tathaivāyācitaṁ nṛpa| upavāsaṁ tathā dānaṁ brāhmaṇānāṁ ca bhojanam

...और एकभक्त व्रत, नक्त व्रत, तथा अयाचित व्रत भी करता है, हे राजन्, तथा उपवास, दान और ब्राह्मणों को भोजन कराता है —

श्लोक 77 (skanda.5.245.77)

करोति च कुरुश्रेष्ठ न स याति यमालयम्। यमलोकभयाद्भीता ये लोकाः पाण्डुनन्दन

karoti ca kuruśreṣṭha na sa yāti yamālayam| yamalokabhayādbhītā ye lokāḥ pāṇḍunandana

...करता है, हे कुरुश्रेष्ठ, वह यमलोक को नहीं जाता। हे पाण्डुनन्दन, यमलोक के भय से डरे हुए जो प्राणी हैं,

श्लोक 78 (skanda.5.245.78)

ते पश्यन्तु श्रियः कान्तं नागपर्यङ्कशायिनम्। गोपीजनसमावृत्तं योगनिद्रां समाश्रितम्। विश्वरूपं जगन्नाथं संसारभयनाशनम्

te paśyantu śriyaḥ kāntaṁ nāgaparyaṅkaśāyinam| gopījanasamāvṛttaṁ yoganidrāṁ samāśritam| viśvarūpaṁ jagannāthaṁ saṁsārabhayanāśanam

...वे श्री के प्रियतम, नागशय्या पर लेटे हुए, गोपीजनों से घिरे, योगनिद्रा में लीन, विश्वरूप जगन्नाथ को देखें, जो संसार के भय का नाश करने वाले हैं।

श्लोक 79 (skanda.5.245.79)

स्नापयेत्परया भक्त्या क्षौद्रक्षीरेण सर्पिषा। खण्डेन तोयमिश्रेण जगद्योनिं जनार्दनम्

snāpayetparayā bhaktyā kṣaudrakṣīreṇa sarpiṣā| khaṇḍena toyamiśreṇa jagadyoniṁ janārdanam

परम भक्ति के साथ मधु, दूध और घृत से, तथा जल मिश्रित शर्करा से जगत्कारण जनार्दन को स्नान कराना चाहिए।

श्लोक 80 (skanda.5.245.80)

स्नाप्यमानं च पश्यन्ति ये लोका गतमत्सराः। ते यान्ति परमं लोकं सुरासुरनमस्कृतम्

snāpyamānaṁ ca paśyanti ye lokā gatamatsarāḥ| te yānti paramaṁ lokaṁ surāsuranamaskṛtam

जो लोग ईर्ष्यारहित होकर उन्हें स्नान कराते हुए देखते हैं, वे देवताओं और असुरों द्वारा पूजित परम लोक को प्राप्त होते हैं।

श्लोक 81 (skanda.5.245.81)

घृतेन बोधयेद्दीपमथवा तैलपूरितम्। रात्रौ जागरणं कृत्वा दैवस्याग्रे विमत्सराः

ghṛtena bodhayeddīpamathavā tailapūritam| rātrau jāgaraṇaṁ kṛtvā daivasyāgre vimatsarāḥ

घृत से अथवा तेल से भरा दीपक जलाना चाहिए, और ईर्ष्यारहित होकर रात्रि में देवता के समक्ष जागरण करना चाहिए।

श्लोक 82 (skanda.5.245.82)

ये कथां वैष्णवीं भक्त्या शृण्वन्ति च नृपोत्तम। ब्रह्महत्यादिपापानि नश्यन्ते नात्र संशयः

ye kathāṁ vaiṣṇavīṁ bhaktyā śṛṇvanti ca nṛpottama| brahmahatyādipāpāni naśyante nātra saṁśayaḥ

हे नृपोत्तम, जो लोग भक्तिपूर्वक इस वैष्णवी कथा को सुनते हैं, उनके ब्रह्महत्या आदि पाप नष्ट हो जाते हैं, इसमें संशय नहीं।

श्लोक 83 (skanda.5.245.83)

प्रदक्षिणन्ति ये मर्त्या जलशायिजगद्गुरुम्। प्रदक्षिणीकृता तैस्तु सप्तद्वीपा वसुंधरा

pradakṣiṇanti ye martyā jalaśāyijagadgurum| pradakṣiṇīkṛtā taistu saptadvīpā vasuṁdharā

जो मनुष्य जगद्गुरु जलशायी की प्रदक्षिणा करते हैं, उनके द्वारा सप्तद्वीपा पृथ्वी की प्रदक्षिणा हो जाती है।

श्लोक 84 (skanda.5.245.84)

ततः प्रभाते विमले पितॄन् संतर्पयेज्जलैः। श्राद्धं च ब्राह्मणैस्तत्र योग्यैः पाण्डव मानवाः

tataḥ prabhāte vimale pitṝn saṁtarpayejjalaiḥ| śrāddhaṁ ca brāhmaṇaistatra yogyaiḥ pāṇḍava mānavāḥ

तत्पश्चात् निर्मल प्रातःकाल में जल से पितरों का तर्पण करना चाहिए; और हे पाण्डव, मनुष्यों को वहाँ योग्य ब्राह्मणों के साथ श्राद्ध करना चाहिए —

श्लोक 85 (skanda.5.245.85)

स्वदारनिरतैः शान्तैः परदारविवर्जकैः। वेदाभ्यसनशीलैश्च स्वकर्मनिरतैः शुभैः

svadāranirataiḥ śāntaiḥ paradāravivarjakaiḥ| vedābhyasanaśīlaiśca svakarmanirataiḥ śubhaiḥ

...जो अपनी ही पत्नी में रत, शान्त, परस्त्री का त्याग करने वाले, वेदाभ्यासशील और अपने कर्म में निरत शुभ ब्राह्मण हों —

श्लोक 86 (skanda.5.245.86)

नित्यं यजनशीलैश्च त्रिसन्ध्यापरिपालकैः। श्रद्धया कारयेच्छ्राद्धं यदीच्छेच्छ्रेय आत्मनः

nityaṁ yajanaśīlaiśca trisandhyāparipālakaiḥ| śraddhayā kārayecchrāddhaṁ yadīcchecchreya ātmanaḥ

...जो नित्य यज्ञशील और त्रिसन्ध्या का पालन करने वाले हों — यदि अपना कल्याण चाहता हो तो श्रद्धापूर्वक श्राद्ध कराना चाहिए।

श्लोक 87 (skanda.5.245.87)

ते धन्या मानुषे लोके वन्द्या हि भुवि मानवाः। ये वसन्ति सदाकालं पादपद्माश्रया हरेः

te dhanyā mānuṣe loke vandyā hi bhuvi mānavāḥ| ye vasanti sadākālaṁ pādapadmāśrayā hareḥ

वे मनुष्य धन्य हैं इस मनुष्यलोक में, और पृथ्वी पर वन्दनीय हैं, जो सदैव हरि के चरणकमलों की शरण में निवास करते हैं,

श्लोक 88 (skanda.5.245.88)

जलशायं प्रपश्यन्ति प्रत्यक्षं सुरनायकम्। पक्षोपवासं पाराकं व्रतं चान्द्रायणं शुभम्

jalaśāyaṁ prapaśyanti pratyakṣaṁ suranāyakam| pakṣopavāsaṁ pārākaṁ vrataṁ cāndrāyaṇaṁ śubham

...जो प्रत्यक्ष सुरनायक जलशायी का दर्शन करते हैं। पक्षोपवास, पाराक व्रत, शुभ चान्द्रायण व्रत —

श्लोक 89 (skanda.5.245.89)

मासोपवासमुग्रं च षष्ठान्नं पञ्चमं व्रतम्। तत्र तीर्थे तु यः कुर्यात्सोऽक्षयां गतिमाप्नुयात्

māsopavāsamugraṁ ca ṣaṣṭhānnaṁ pañcamaṁ vratam| tatra tīrthe tu yaḥ kuryātso'kṣayāṁ gatimāpnuyāt

...उग्र मासोपवास, तथा षष्ठान्न (पाँचवाँ) व्रत — जो इस तीर्थ में इन्हें करता है, वह अक्षय गति को प्राप्त करता है।

श्लोक 90 (skanda.5.245.90)

श्रीमार्कण्डेय उवाच - अतः परं प्रवक्ष्यामि तिलधेनोश्च यत्फलम्। यथा यस्मिन्यदा देया दाने तस्याः शुभं फलम्

śrīmārkaṇḍeya uvāca - ataḥ paraṁ pravakṣyāmi tiladhenośca yatphalam| yathā yasminyadā deyā dāne tasyāḥ śubhaṁ phalam

श्रीमार्कण्डेय बोले — अब इससे आगे मैं तिलधेनु के फल के विषय में बताऊँगा — किस प्रकार, किसको, कब देनी चाहिए, और उसके दान का शुभ फल क्या है।

श्लोक 91 (skanda.5.245.91)

एतत्कथान्तरं पुण्यमृषेर्द्वैपायनात्पुरा। श्रुतं हि नैमिषे पुण्ये नारदाद्यैरनेकधा

etatkathāntaraṁ puṇyamṛṣerdvaipāyanātpurā| śrutaṁ hi naimiṣe puṇye nāradādyairanekadhā

यह पुण्य उपाख्यान पूर्वकाल में ऋषि द्वैपायन से पुण्य नैमिष वन में नारद आदि के द्वारा अनेक बार सुना गया था।

श्लोक 92 (skanda.5.245.92)

इदं परममायुष्यं मङ्गल्यं कीर्तिवर्धनम्। विप्राणां श्रावयन्विद्वान्फलानन्त्यंसमश्नुते

idaṁ paramamāyuṣyaṁ maṅgalyaṁ kīrtivardhanam| viprāṇāṁ śrāvayanvidvānphalānantyaṁsamaśnute

यह अत्यन्त आयुवर्धक, मंगलकारी और कीर्तिवर्धक है। जो विद्वान् इसे ब्राह्मणों को सुनाता है, वह अनन्त फल प्राप्त करता है।

श्लोक 93 (skanda.5.245.93)

बहुभ्यो न प्रदेयानि गौर्गृहं शयनं स्त्रियः। विभक्तदक्षिणा ह्येता दातारं नाप्नुवन्ति च

bahubhyo na pradeyāni gaurgṛhaṁ śayanaṁ striyaḥ| vibhaktadakṣiṇā hyetā dātāraṁ nāpnuvanti ca

गाय, घर, शय्या और स्त्री — ये अनेक लोगों को संयुक्त रूप से नहीं देनी चाहिए; विभाजित दक्षिणा के रूप में दी गई ये वस्तुएँ दाता को पूर्ण फल नहीं पहुँचातीं।

श्लोक 94 (skanda.5.245.94)

एकमेतत्प्रदातव्यं न बहूनां युधिष्ठिर। सा च विक्रयमापन्ना दहत्यासप्तमं कुलम्

ekametatpradātavyaṁ na bahūnāṁ yudhiṣṭhira| sā ca vikrayamāpannā dahatyāsaptamaṁ kulam

हे युधिष्ठिर, यह एक ही व्यक्ति को देनी चाहिए, अनेक को नहीं। और यदि वह गाय विक्रय की वस्तु बन जाए, तो वह सातवीं पीढ़ी तक कुल को जला डालती है।

श्लोक 95 (skanda.5.245.95)

यथालाभा तु सर्वेषां चतुर्द्रोणा तु गौः स्मृता। द्रोणस्य वत्सकः कार्यो बहूनां वापि कामतः

yathālābhā tu sarveṣāṁ caturdroṇā tu gauḥ smṛtā| droṇasya vatsakaḥ kāryo bahūnāṁ vāpi kāmataḥ

जिसकी जैसी सामर्थ्य हो: गाय चार द्रोण तिल की मानी गई है; एक द्रोण का बछड़ा बनाना चाहिए, अथवा कम सामर्थ्य वालों के लिए इच्छानुसार अनुपात में।

श्लोक 96 (skanda.5.245.96)

यस्मिन्देशे तु यन्मानं विषये वा विचारितम्। तेन मानेन तां कुर्वन्नक्षयं फलमश्नुते

yasmindeśe tu yanmānaṁ viṣaye vā vicāritam| tena mānena tāṁ kurvannakṣayaṁ phalamaśnute

जिस देश या प्रदेश में जो मान प्रचलित हो, उसी मान से उसे बनाकर मनुष्य अक्षय फल प्राप्त करता है।

श्लोक 97 (skanda.5.245.97)

सुखपूर्वं शुचौ भूमौ पुष्पधूपाक्षतैस्तथा। कर्णाभ्यां रत्ने दातव्ये दीपौ नेत्रद्वये तथा

sukhapūrvaṁ śucau bhūmau puṣpadhūpākṣataistathā| karṇābhyāṁ ratne dātavye dīpau netradvaye tathā

सुखपूर्वक, पवित्र भूमि पर, पुष्प, धूप और अक्षत के साथ; दोनों कानों के स्थान पर रत्न देने चाहिए, तथा दोनों नेत्रों के स्थान पर दो दीपक।

श्लोक 98 (skanda.5.245.98)

श्रीखण्डमुरसि स्थाप्यं ताभ्यां चैव तु काञ्चनम्। ऊर्ध्वे मधु घृतं देयं कुर्यात्सर्षपरोमकम्

śrīkhaṇḍamurasi sthāpyaṁ tābhyāṁ caiva tu kāñcanam| ūrdhve madhu ghṛtaṁ deyaṁ kuryātsarṣaparomakam

वक्षस्थल पर चन्दन रखना चाहिए, तथा उन कान-नेत्र के साथ स्वर्ण भी; पीठ पर मधु और घृत देना चाहिए, तथा सरसों से रोम बनाने चाहिए।

श्लोक 99 (skanda.5.245.99)

कम्बले कम्बलं दद्याच्छ्रोण्यां मधु घृतं तथा। यवसं पायसं दद्याद्घृतं क्षौद्रसमन्वितम्

kambale kambalaṁ dadyācchroṇyāṁ madhu ghṛtaṁ tathā| yavasaṁ pāyasaṁ dadyādghṛtaṁ kṣaudrasamanvitam

कम्बल पर कम्बल देना चाहिए, कटिभाग पर मधु और घृत भी; चारा और खीर देनी चाहिए, तथा मधुयुक्त घृत भी।

श्लोक 100 (skanda.5.245.100)

स्वर्णशृङ्गी रूप्यशिफारुक्मलाङ्गूलसंयुता। रत्नपृष्ठी तु दातव्या कांस्यपात्रावदोहिनी

svarṇaśṛṅgī rūpyaśiphārukmalāṅgūlasaṁyutā| ratnapṛṣṭhī tu dātavyā kāṁsyapātrāvadohinī

स्वर्ण के सींगों वाली, रजत के खुरों वाली, स्वर्ण की पूँछवाली और रत्नजड़ित पीठवाली वह तिलधेनु कांस्यपात्र में दुहे जाने योग्य बनाकर देनी चाहिए।

श्लोक 101 (skanda.5.245.101)

यत्स्याद्बाल्यकृतं पापं यद्वा कृतमजानता। वाचा कृतं कर्मकृतं मनसा यद्विचिन्तितम्

yatsyādbālyakṛtaṁ pāpaṁ yadvā kṛtamajānatā| vācā kṛtaṁ karmakṛtaṁ manasā yadvicintitam

बचपन में किया गया जो पाप हो, या अनजाने में किया गया हो, वाणी से किया गया, कर्म से किया गया, या मन से जो चिन्तन किया गया हो —

श्लोक 102 (skanda.5.245.102)

जले निष्ठीवितं चैव मुशलं वापि लङ्घितम्। वृषलीगमनं चैव गुरुदारनिषेवणम्

jale niṣṭhīvitaṁ caiva muśalaṁ vāpi laṅghitam| vṛṣalīgamanaṁ caiva gurudāraniṣevaṇam

...जल में थूकना, या मूसल को लाँघना, शूद्र स्त्री के पास जाना, अथवा गुरुपत्नी का सेवन करना —

श्लोक 103 (skanda.5.245.103)

कन्याया गमनं चैव सुवर्णस्तेयमेव च। सुरापानं तथा चान्यत्तिलधेनुः पुनाति हि

kanyāyā gamanaṁ caiva suvarṇasteyameva ca| surāpānaṁ tathā cānyattiladhenuḥ punāti hi

...कन्या के साथ गमन, स्वर्ण की चोरी, तथा सुरापान, और अन्य ऐसे पाप — इन सबको तिलधेनु शुद्ध कर देती है।

श्लोक 104 (skanda.5.245.104)

अहोरात्रोपवासेन विधिवत्तां विसर्जयेत्। या सा यमपुरे घोरे नदी वैतरणी स्मृता

ahorātropavāsena vidhivattāṁ visarjayet| yā sā yamapure ghore nadī vaitaraṇī smṛtā

एक दिन-रात उपवास करके विधिपूर्वक उसे दान कर देना चाहिए; यम के भयंकर पुर में स्थित उस वैतरणी नदी को, जो स्मरण की जाती है,

श्लोक 105 (skanda.5.245.105)

वालुकायोऽश्मस्थला च पच्यते यत्र दुष्कृती। अवीचिर्नरको यत्र यत्र यामलपर्वतौ

vālukāyo'śmasthalā ca pacyate yatra duṣkṛtī| avīcirnarako yatra yatra yāmalaparvatau

...तथा उस बालुका-नरक और अश्मस्थल को भी, जहाँ पापी पकाया जाता है; अवीचि नरक को, तथा यमल पर्वतों को भी —

श्लोक 106 (skanda.5.245.106)

यत्र लोहमुखाः काका यत्र श्वानो भयंकराः। असिपत्त्रवनं चैव यत्र सा कूटशाल्मली

yatra lohamukhāḥ kākā yatra śvāno bhayaṁkarāḥ| asipattravanaṁ caiva yatra sā kūṭaśālmalī

...जहाँ लोहमुख कौवे हैं, जहाँ भयंकर कुत्ते हैं, असिपत्रवन, तथा वह कूट-शाल्मली वृक्ष —

श्लोक 107 (skanda.5.245.107)

तान्सुखेन व्यतिक्रम्य धर्मराजालयं व्रजेत्। धर्मराजस्तु तं दृष्ट्वा सूनृतं वक्ति भारत

tānsukhena vyatikramya dharmarājālayaṁ vrajet| dharmarājastu taṁ dṛṣṭvā sūnṛtaṁ vakti bhārata

इन सबको सुखपूर्वक पार करके वह धर्मराज के धाम को जाता है; और हे भारत, धर्मराज उसे देखकर सत्य और मधुर वचन कहते हैं —

श्लोक 108 (skanda.5.245.108)

विमानमुत्तमं योग्यं मणिरत्नविभूषितम्। अत्रारुह्य नरश्रेष्ठ प्रयाहि परमां गतिम्

vimānamuttamaṁ yogyaṁ maṇiratnavibhūṣitam| atrāruhya naraśreṣṭha prayāhi paramāṁ gatim

'यह उत्तम और योग्य विमान है, मणि-रत्नों से विभूषित; हे नरश्रेष्ठ, इस पर चढ़कर परम गति को प्राप्त हो।'

श्लोक 109 (skanda.5.245.109)

मा च चाटु भटे देहि मैव देहि पुरोहिते। मा च काणे विरूपे च न्यूनाङ्गे न च देवले

mā ca cāṭu bhaṭe dehi maiva dehi purohite| mā ca kāṇe virūpe ca nyūnāṅge na ca devale

गाय के दान के विषय में: इसे खुशामदी को, सैनिक को न दें; पुरोहित को भी न दें; न काने को, न विरूप को, न अंगहीन को, न देवल को दें,

श्लोक 110 (skanda.5.245.110)

अवेदविदुषे नैव ब्राह्मणे सर्वविक्रये। मित्रघ्ने च कृतघ्ने च मन्त्रहीने तथैव च

avedaviduṣe naiva brāhmaṇe sarvavikraye| mitraghne ca kṛtaghne ca mantrahīne tathaiva ca

...न वेद से अनभिज्ञ ब्राह्मण को, न सब कुछ बेचने वाले को दें; न मित्रघाती को, न कृतघ्न को, न मन्त्रहीन को दें —

श्लोक 111 (skanda.5.245.111)

वेदान्तगाय दातव्या श्रोत्रियाय कुटुम्बिने। वेदान्तगसुते देया श्रोत्रिये गृहपालके

vedāntagāya dātavyā śrotriyāya kuṭumbine| vedāntagasute deyā śrotriye gṛhapālake

यह वेदान्तज्ञ को, गृहस्थ श्रोत्रिय को देनी चाहिए; वेदान्तज्ञ के पुत्र को, गृहरक्षक श्रोत्रिय को देनी चाहिए —

श्लोक 112 (skanda.5.245.112)

सर्वाङ्गरुचिरे विप्रे सद्वृत्ते च प्रियंवदे। पूर्णिमायां तु माघस्य कार्त्तिक्यामथ भारत

sarvāṅgarucire vipre sadvṛtte ca priyaṁvade| pūrṇimāyāṁ tu māghasya kārttikyāmatha bhārata

...सर्वांगसुन्दर, सद्वृत्त और प्रियवचन बोलने वाले ब्राह्मण को देनी चाहिए। हे भारत, माघ की पूर्णिमा को, अथवा कार्तिकी पूर्णिमा को,

श्लोक 113 (skanda.5.245.113)

वैशाख्यां मार्गशीर्ष्यां वाषाढ्यां चैत्र्यामथापि वा। अयने विषुवे चैव व्यतीपाते च सर्वदा

vaiśākhyāṁ mārgaśīrṣyāṁ vāṣāḍhyāṁ caitryāmathāpi vā| ayane viṣuve caiva vyatīpāte ca sarvadā

...अथवा वैशाखी, मार्गशीर्षी, आषाढ़ी, या चैत्री पूर्णिमा को भी; अयन में, विषुव में, तथा सदैव व्यतीपात में,

श्लोक 114 (skanda.5.245.114)

षडशीतिमुखे पुण्ये छायायां कुंजरस्य वा। एष ते कथितः कल्पस्तिलधेनोर्मयानघ

ṣaḍaśītimukhe puṇye chāyāyāṁ kuṁjarasya vā| eṣa te kathitaḥ kalpastiladhenormayānagha

...पुण्य षडशीतिमुख में, अथवा गजच्छाया में — हे अनघ, यह मैंने तुम्हें तिलधेनु की विधि बताई।

श्लोक 115 (skanda.5.245.115)

व्रजन्ति वैष्णवं लोकं दत्त्वा पादं यमोपरि। प्राणत्यागात्परं लोकं वैष्णवं नात्र संशयः। भित्त्वाशु भास्करं यान्ति नात्र कार्या विचारणा

vrajanti vaiṣṇavaṁ lokaṁ dattvā pādaṁ yamopari| prāṇatyāgātparaṁ lokaṁ vaiṣṇavaṁ nātra saṁśayaḥ| bhittvāśu bhāskaraṁ yānti nātra kāryā vicāraṇā

यम के ऊपर पैर रखकर वे वैष्णव लोक को जाते हैं; और वहाँ प्राणत्याग करने से वे परम वैष्णव लोक को जाते हैं — इसमें संशय नहीं; वे शीघ्र ही सूर्यमण्डल को भेदकर जाते हैं — इसमें विचार करने की आवश्यकता नहीं।

श्लोक 116 (skanda.5.245.116)

एतत्ते सर्वमाख्यातं चक्रतीर्थफलं नृप। यच्छ्रुत्वा मानवो भक्त्या सर्वपापैः प्रमुच्यते

etatte sarvamākhyātaṁ cakratīrthaphalaṁ nṛpa| yacchrutvā mānavo bhaktyā sarvapāpaiḥ pramucyate

हे राजन्, यह चक्रतीर्थ का सम्पूर्ण फल तुम्हें बताया गया; जिसे भक्तिपूर्वक सुनकर मनुष्य समस्त पापों से मुक्त हो जाता है।