ब्रह्मणः प्रायश्चित्त-वर्णन

श्लोक 1 (skanda.5.3.1)

सनत्कुमार उवाच। छिन्ने वक्त्रे ततो ब्रह्मा क्रोधेन तमसा वृतः। ललाटे स्वदमुत्पन्नं गृहीत्वाऽताडयद्भुवि

sanatkumāra uvāca| chinne vaktre tato brahmā krodhena tamasā vṛtaḥ| lalāṭe svadamutpannaṁ gṛhītvā'tāḍayadbhuvi

सनत्कुमार ने कहा—मुख कट जाने पर ब्रह्मा क्रोध और तम से आवृत हो गए; उन्होंने ललाट पर उत्पन्न स्वेद को लेकर पृथ्वी पर पटक दिया।

श्लोक 2 (skanda.5.3.2)

तत्स्वेदात्कुंडली जज्ञे सधनुः समहेषुधिः। सहस्रकवचो वीरः किं करोमीत्युवाच ह

tatsvedātkuṁḍalī jajñe sadhanuḥ samaheṣudhiḥ| sahasrakavaco vīraḥ kiṁ karomītyuvāca ha

उस स्वेद से कुण्डलधारी, धनुष और तूणीर सहित, सहस्रकवचधारी एक वीर उत्पन्न हुआ, जिसने कहा—'मैं क्या करूँ?'

श्लोक 3 (skanda.5.3.3)

तमुवाच विरंचिस्तु दर्शयन्रुद्रमोजसा। वध्यतामेष दुर्बुद्धिर्जायते न यथा पुनः

tamuvāca viraṁcistu darśayanrudramojasā| vadhyatāmeṣa durbuddhirjāyate na yathā punaḥ

विरंचि ने ओजपूर्वक रुद्र को दिखाते हुए उससे कहा—'इस दुर्बुद्धि का वध करो, जिससे यह पुनः जन्म न ले सके।'

श्लोक 4 (skanda.5.3.4)

ब्रह्मणो वचनं श्रुत्वा धनुरुद्यम्य पृष्ठतः। स प्रतस्थे महेशस्य बाणहस्तोऽतिरोषभृत्

brahmaṇo vacanaṁ śrutvā dhanurudyamya pṛṣṭhataḥ| sa pratasthe maheśasya bāṇahasto'tiroṣabhṛt

ब्रह्मा का वचन सुनकर, धनुष उठाकर पीठ पर धारण कर, बाण हाथ में लिए वह अत्यन्त क्रोधयुक्त होकर महेश की ओर चल पड़ा।

श्लोक 5 (skanda.5.3.5)

स दृष्ट्वा पुरुषं चोग्रमगमद्विस्मितो भवः। दिव्यबाणधनुर्हस्तं वेगविक्रांतगामिनम्

sa dṛṣṭvā puruṣaṁ cogramagamadvismito bhavaḥ| divyabāṇadhanurhastaṁ vegavikrāṁtagāminam

उस उग्र पुरुष को देखकर भव आश्चर्यचकित होकर वहाँ गए, जो दिव्य बाण-धनुष हाथ में लिए वेगपूर्वक आगे बढ़ रहा था।

श्लोक 6 (skanda.5.3.6)

मया न वध्योऽतिबलः सखा विष्णोर्भविष्यति। अनुग्राह्यो ह्यहं तेन सख्यार्थं तपसि स्थितः

mayā na vadhyo'tibalaḥ sakhā viṣṇorbhaviṣyati| anugrāhyo hyahaṁ tena sakhyārthaṁ tapasi sthitaḥ

'यह अत्यन्त बलवान् मेरे द्वारा वध्य नहीं है; यह विष्णु का सखा बनेगा। सख्यभाव के लिए यह मेरे अनुग्रह का पात्र है, जो तपस्या में स्थित है।'

श्लोक 7 (skanda.5.3.7)

चिंतयन्नित्थमीशोऽपि विष्णोराश्रममभ्यगात्। हुंकारध्वनिना ब्रह्मन्मोहयित्वा ततो नरम्

ciṁtayannitthamīśo'pi viṣṇorāśramamabhyagāt| huṁkāradhvaninā brahmanmohayitvā tato naram

ऐसा विचार करते हुए ईश्वर विष्णु के आश्रम में गए; और हे ब्राह्मण, हुंकार-ध्वनि से उस पुरुष को मोहित करके...

श्लोक 8 (skanda.5.3.8)

प्रपात्य च तदा हृष्टः क्रीडां कुर्वञ्जगत्स्थितौ। यत्र नारायणः श्रीमांस्तपस्तेपे प्रतापवान्

prapātya ca tadā hṛṣṭaḥ krīḍāṁ kurvañjagatsthitau| yatra nārāyaṇaḥ śrīmāṁstapastepe pratāpavān

...उसे गिराकर, प्रसन्न होकर, संसार की स्थिरता में क्रीड़ा करते हुए वे वहाँ पहुँचे जहाँ श्रीमान् प्रतापी नारायण तपस्या कर रहे थे।

श्लोक 9 (skanda.5.3.9)

अदृश्यः सर्वभूतानां विश्वात्मा विश्वसृग्विभुः। तत्र प्राप्तो विरूपाक्षो ददर्श मधुसूदनम्

adṛśyaḥ sarvabhūtānāṁ viśvātmā viśvasṛgvibhuḥ| tatra prāpto virūpākṣo dadarśa madhusūdanam

समस्त प्राणियों के लिए अदृश्य, विश्वात्मा, विश्व के स्रष्टा, सर्वव्यापी विरूपाक्ष वहाँ पहुँचकर मधुसूदन को देखने लगे।

श्लोक 10 (skanda.5.3.10)

एकांगुष्ठस्थितं भूमौ तपोऽत्यंतमनातुरम्। युगांतार्कसहस्रस्य तेजसा वृतमद्भुतम्

ekāṁguṣṭhasthitaṁ bhūmau tapo'tyaṁtamanāturam| yugāṁtārkasahasrasya tejasā vṛtamadbhutam

वे भूमि पर एक अंगूठे के बल खड़े होकर अत्यन्त उग्र किन्तु अव्याकुल तपस्या कर रहे थे, और युगान्त के सहस्र सूर्यों के तेज से अद्भुत रूप से आवृत थे।

श्लोक 11 (skanda.5.3.11)

पुण्या धारसमायुक्तं पुराणपुरुषोत्तमम्। दृष्ट्वा नारायणं देवं भिक्षां देहीत्युवाच ह

puṇyā dhārasamāyuktaṁ purāṇapuruṣottamam| dṛṣṭvā nārāyaṇaṁ devaṁ bhikṣāṁ dehītyuvāca ha

पुण्यमय तेजोधारा से युक्त, पुराणपुरुषोत्तम भगवान् नारायण को देखकर उन्होंने कहा—'मुझे भिक्षा दो!'

श्लोक 12 (skanda.5.3.12)

कपालं दर्शयित्वाग्रे ज्वलज्ज्वलनसोत्कटम्। कपालपाणिं संप्रेक्ष्य रुद्रं विष्णुरचिंतयत्

kapālaṁ darśayitvāgre jvalajjvalanasotkaṭam| kapālapāṇiṁ saṁprekṣya rudraṁ viṣṇuraciṁtayat

पहले ज्वलंत अग्नि के समान भयंकर कपाल दिखाकर, कपालपाणि रुद्र को देखकर विष्णु ने विचार किया।

श्लोक 13 (skanda.5.3.13)

कोऽन्यो योग्यो भवेद्भिक्षुर्भिक्षादानस्य सांप्रतम्। योग्योऽयमिति संकल्प्य दक्षिणं भुजमर्पयत्

ko'nyo yogyo bhavedbhikṣurbhikṣādānasya sāṁpratam| yogyo'yamiti saṁkalpya dakṣiṇaṁ bhujamarpayat

'अब भिक्षादान के लिए इसके सिवा और कौन योग्य पात्र होगा?' ऐसा संकल्प कर उन्होंने अपनी दाहिनी भुजा अर्पित कर दी।

श्लोक 14 (skanda.5.3.14)

तं बिभेदांतर्गतज्ञः शूलेन शशिशेखरः। ततः प्रवाह उत्पन्नः शोणितस्य विभोर्भुजात्

taṁ bibhedāṁtargatajñaḥ śūlena śaśiśekharaḥ| tataḥ pravāha utpannaḥ śoṇitasya vibhorbhujāt

उनके अन्तर्भाव को जानते हुए शशिशेखर ने त्रिशूल से उसे बींध डाला; तब उस विभु की भुजा से रक्त की धारा प्रवाहित होने लगी।

श्लोक 15 (skanda.5.3.15)

जांबूनदरसाकारा वह्निज्वालेव निर्मला। निष्पपात कपालांते शंभुना संप्रतीच्छिता

jāṁbūnadarasākārā vahnijvāleva nirmalā| niṣpapāta kapālāṁte śaṁbhunā saṁpratīcchitā

स्वर्णरस के समान वर्णवाली, अग्निज्वाला के समान निर्मल वह धारा कपाल के किनारे गिरी, जिसे शम्भु ने ग्रहण किया।

श्लोक 16 (skanda.5.3.16)

ऋज्वी वेगवती शिप्रा दीधितीवांबरे रवेः। पंचाशद्योजना दीर्घा विस्तारे दशयोजना

ṛjvī vegavatī śiprā dīdhitīvāṁbare raveḥ| paṁcāśadyojanā dīrghā vistāre daśayojanā

वह सीधी, वेगवती और उज्ज्वल थी, मानो आकाश में सूर्य की किरण हो; लम्बाई में पचास योजन तथा चौड़ाई में दस योजन थी।

श्लोक 17 (skanda.5.3.17)

दिव्यं वर्षसहस्रं सा समुवाह हरेर्भुजात्। कियंतं कालमीशो हि भिक्षां जग्राह भावितः

divyaṁ varṣasahasraṁ sā samuvāha harerbhujāt| kiyaṁtaṁ kālamīśo hi bhikṣāṁ jagrāha bhāvitaḥ

वह सहस्र दिव्य वर्षों तक हरि की भुजा से बहती रही; इतने ही समय तक भावपूर्ण ईश्वर भिक्षा ग्रहण करते रहे।

श्लोक 18 (skanda.5.3.18)

दत्तां नारायणेनाथ सत्पात्रे पात्र उत्तमे। ततो नारायणः प्राह हरं परमिदं वचः

dattāṁ nārāyaṇenātha satpātre pātra uttame| tato nārāyaṇaḥ prāha haraṁ paramidaṁ vacaḥ

नारायण द्वारा सत्पात्र, उस उत्तम पात्र में दी गई उस भिक्षा के पश्चात्, नारायण ने हर से यह श्रेष्ठ वचन कहा।

श्लोक 19 (skanda.5.3.19)

संपूर्णं तव पात्रं हि ततो वै परमेश्वरः। सतोयांबुदनिर्घोषं श्रुत्वा वाक्यं हरेर्हरः

saṁpūrṇaṁ tava pātraṁ hi tato vai parameśvaraḥ| satoyāṁbudanirghoṣaṁ śrutvā vākyaṁ harerharaḥ

'अब तुम्हारा पात्र पूर्ण हो गया है।' तब परमेश्वर, हरि के इस जलधर-निर्घोष सदृश वचन को सुनकर...

श्लोक 20 (skanda.5.3.20)

शशिसूर्याग्नि नयनः शशिशेखरशोभितः। कपाले दृष्टिमावेश्य त्रिनेत्रैश्च जनार्दनम्

śaśisūryāgni nayanaḥ śaśiśekharaśobhitaḥ| kapāle dṛṣṭimāveśya trinetraiśca janārdanam

...चन्द्र-सूर्य-अग्निनेत्रधारी, शशिशेखर से सुशोभित, अपने तीनों नेत्रों की दृष्टि कपाल में तथा जनार्दन पर स्थिर करते हुए...

श्लोक 21 (skanda.5.3.21)

अंगुल्या घटयन्प्राह कपालं चातिपूरितम्। श्रुत्वा हरिरिदं वाक्यं रक्तधारां समाहरत्

aṁgulyā ghaṭayanprāha kapālaṁ cātipūritam| śrutvā hariridaṁ vākyaṁ raktadhārāṁ samāharat

...अंगुलियों को जोड़कर उन्होंने कहा कि कपाल अत्यधिक भर गया है; यह वचन सुनकर हरि ने रक्तधारा को समेट लिया।

श्लोक 22 (skanda.5.3.22)

पार्श्वतोथ हरेरीशः स्वांगुल्या रुधिरं तदा। दिव्यं वर्षसहस्रं च दृष्टिपातं ममंथ वै

pārśvatotha harerīśaḥ svāṁgulyā rudhiraṁ tadā| divyaṁ varṣasahasraṁ ca dṛṣṭipātaṁ mamaṁtha vai

तब हरि के पार्श्व में ईश्वर ने अपनी ही अंगुली से उस रक्त को, अपनी दृष्टिपात के साथ, सहस्र दिव्य वर्षों तक मथा।

श्लोक 23 (skanda.5.3.23)

मथ्यमाने ततो रक्ते कललं बुद्बुदं क्रमात्। बभूव च ततः पश्चात्किरीटी सशरासनः

mathyamāne tato rakte kalalaṁ budbudaṁ kramāt| babhūva ca tataḥ paścātkirīṭī saśarāsanaḥ

मथे जाने पर वह रक्त क्रमशः कलल और फिर बुद्बुद बन गया; और तत्पश्चात् धनुषधारी तथा मुकुटधारी एक पुरुष प्रकट हुआ।

श्लोक 24 (skanda.5.3.24)

सहस्रबाहू रक्ताक्षो धनुर्ज्यां संस्पृशन्मुहुः। बभूव तूणीरगलो वृषस्कंधोंऽगुलित्रवान्

sahasrabāhū raktākṣo dhanurjyāṁ saṁspṛśanmuhuḥ| babhūva tūṇīragalo vṛṣaskaṁdhoṁ'gulitravān

सहस्रबाहु, लाल नेत्रों वाला, बार-बार धनुष की प्रत्यंचा का स्पर्श करता हुआ; तूणीर कण्ठ में धारण किए, वृषभ के समान कन्धों वाला, अंगुलित्राणयुक्त।

श्लोक 25 (skanda.5.3.25)

पुरुषोऽर्जुनसंकाशः कपाले संप्रकाशयन्। तं दृष्ट्वा भगवान्विष्णुः प्राह रुद्रमिदं वचः

puruṣo'rjunasaṁkāśaḥ kapāle saṁprakāśayan| taṁ dṛṣṭvā bhagavānviṣṇuḥ prāha rudramidaṁ vacaḥ

अर्जुन के सदृश वह पुरुष कपाल में प्रकाशमान हुआ; उसे देखकर भगवान् विष्णु ने रुद्र से यह वचन कहा।

श्लोक 26 (skanda.5.3.26)

कपाले भगवन्कोऽयं प्रादुर्भूतोऽभवन्नरः। उक्तिं श्रुत्वा हरेरीशस्तमुवाच हरे शृणु

kapāle bhagavanko'yaṁ prādurbhūto'bhavannaraḥ| uktiṁ śrutvā harerīśastamuvāca hare śṛṇu

'हे भगवन्, कपाल में प्रकट हुआ यह कौन पुरुष है?' हरि की यह बात सुनकर ईश्वर ने उनसे कहा—'हे हरे, सुनो।'

श्लोक 27 (skanda.5.3.27)

नरो नामेति पुरुषः परमास्त्रविदांवरः। यस्त्वयोक्तो नर इति नरस्तस्माद्भविष्यति

naro nāmeti puruṣaḥ paramāstravidāṁvaraḥ| yastvayokto nara iti narastasmādbhaviṣyati

'यह "नर" नामक पुरुष है, परम अस्त्रविदों में श्रेष्ठ; चूँकि तुमने इसे "नर" कहा, इसलिए यह "नर" ही कहलाएगा।'

श्लोक 28 (skanda.5.3.28)

नरनारायणौ चोभौ युगे ख्यातौ भविष्यतः। संग्रामे देवकार्येषु लोकानां परिपालने

naranārāyaṇau cobhau yuge khyātau bhaviṣyataḥ| saṁgrāme devakāryeṣu lokānāṁ paripālane

'नर और नारायण दोनों युग-युग में विख्यात होंगे, संग्राम में, देवकार्यों में तथा लोकों के परिपालन में।'

श्लोक 29 (skanda.5.3.29)

एष नारायण सखा नरस्तव भविष्यति। तव एकाकिनः संख्ये तपसश्च महामुनिः

eṣa nārāyaṇa sakhā narastava bhaviṣyati| tava ekākinaḥ saṁkhye tapasaśca mahāmuniḥ

'हे नारायण, यह नर तुम्हारा सखा बनेगा, अकेले संग्राम में तुम्हारी तपस्या का महामुनि साथी।'

श्लोक 30 (skanda.5.3.30)

विज्ञानस्य परीक्षायै तेजो लोके भविष्यति। तेजोधिकमिदं दिव्यं ब्रह्मणः पंचमं शिरः

vijñānasya parīkṣāyai tejo loke bhaviṣyati| tejodhikamidaṁ divyaṁ brahmaṇaḥ paṁcamaṁ śiraḥ

'ज्ञान की परीक्षा के लिए लोक में एक तेज प्रकट होगा: ब्रह्मा का यह अत्यन्त तेजस्वी दिव्य पंचम शिर...'

श्लोक 31 (skanda.5.3.31)

तेजसा ब्रह्मणो दीप्तो भुजस्य तव शोणितात्। मम दृष्टिनिपाताच्च त्रीणि तेजांसि यान्यतः

tejasā brahmaṇo dīpto bhujasya tava śoṇitāt| mama dṛṣṭinipātācca trīṇi tejāṁsi yānyataḥ

'...ब्रह्मा के तेज से, तुम्हारी भुजा के रक्त से, तथा मेरी दृष्टिपात से—इन तीन तेजों से जो...'

श्लोक 32 (skanda.5.3.32)

तत्संयोगात्समुत्पन्नः शत्रूनुद्वेजयिष्यति। अवध्या ये भविष्यंति दुर्जयास्तव चापरे

tatsaṁyogātsamutpannaḥ śatrūnudvejayiṣyati| avadhyā ye bhaviṣyaṁti durjayāstava cāpare

'...इनके संयोग से उत्पन्न होगा, वह शत्रुओं को व्याकुल करेगा; तुम्हारे लिए भी कुछ अवध्य और दुर्जय अन्य शत्रु होंगे।'

श्लोक 33 (skanda.5.3.33)

शक्रस्य चामरारीणां तेषामेव भयंकरः। एवमुक्तवतः शंभोर्विस्मितस्तस्य तेजसा

śakrasya cāmarārīṇāṁ teṣāmeva bhayaṁkaraḥ| evamuktavataḥ śaṁbhorvismitastasya tejasā

'यह इन्द्र तथा देवताओं के शत्रुओं—दोनों के लिए भयंकर होगा।' शम्भु के इस प्रकार कहने पर, उनके तेज से विस्मित होकर...

श्लोक 34 (skanda.5.3.34)

हरिरपि स तत्रैव तुष्टाव हरकेशवौ। नमो हर हरे तुभ्यं नमः शंकर विष्णवे

harirapi sa tatraiva tuṣṭāva harakeśavau| namo hara hare tubhyaṁ namaḥ śaṁkara viṣṇave

...हरि ने भी वहीं संयुक्त हर-केशव स्वरूप की स्तुति की—'हे हर-हरि, आपको नमस्कार; हे शंकर-विष्णु, आपको नमस्कार।'

श्लोक 35 (skanda.5.3.35)

नमस्ते शूलहस्ताय नमस्ते खङ्गपाणये। नमोनमस्ते मेध्याय हृषीकेश नमोऽस्तु ते

namaste śūlahastāya namaste khaṅgapāṇaye| namonamaste medhyāya hṛṣīkeśa namo'stu te

'हे शूलहस्त, आपको नमस्कार; हे खड्गपाणि, आपको नमस्कार; हे मेध्य, बारम्बार नमस्कार; हे हृषीकेश, आपको नमस्कार हो।'

श्लोक 36 (skanda.5.3.36)

नमोऽस्तु वाचां पतये श्रीधराय नमोनमः। एवं स्तुवन्तं तं भक्त्या कृतांजलिपुटं नरम्

namo'stu vācāṁ pataye śrīdharāya namonamaḥ| evaṁ stuvantaṁ taṁ bhaktyā kṛtāṁjalipuṭaṁ naram

'वाणी के स्वामी को नमस्कार, श्रीधर को बारम्बार नमस्कार।' इस प्रकार भक्तिपूर्वक अंजलिबद्ध होकर स्तुति करते हुए उस पुरुष के...

श्लोक 37 (skanda.5.3.37)

तथैवांजलिसंबद्धं गृहीत्वाशु करद्वयम्। उद्धृत्याथ कपालात्तु पुनर्वचनमब्रवीत्

tathaivāṁjalisaṁbaddhaṁ gṛhītvāśu karadvayam| uddhṛtyātha kapālāttu punarvacanamabravīt

...अंजलिबद्ध दोनों हाथों को भी शीघ्र पकड़कर, कपाल से उसे उठाकर उन्होंने पुनः वचन कहा।

श्लोक 38 (skanda.5.3.38)

य एव पुरुषो रौद्रो ब्रह्मणः स्वेदसं भवः। मम हुंकारशब्देन मोहनिद्रामुपागतः

ya eva puruṣo raudro brahmaṇaḥ svedasaṁ bhavaḥ| mama huṁkāraśabdena mohanidrāmupāgataḥ

'यह जो रौद्र पुरुष ब्रह्मा के स्वेद से उत्पन्न हुआ है, वह मेरी हुंकार-ध्वनि से मोहनिद्रा में पड़ गया है।'

श्लोक 39 (skanda.5.3.39)

निबोध तं च त्वरितमित्युक्त्वांतर्हितो हरः। नारायणस्य प्रत्यक्षं बोधयित्वा द्रुतं हि तम्

nibodha taṁ ca tvaritamityuktvāṁtarhito haraḥ| nārāyaṇasya pratyakṣaṁ bodhayitvā drutaṁ hi tam

'उसे पहचानो और शीघ्र जगाओ'—ऐसा कहकर हर अन्तर्धान हो गए; और नारायण के समक्ष उसे शीघ्र जगाकर...

श्लोक 40 (skanda.5.3.40)

वामपादेन हत्वा च समुत्तस्थौ नरो रुषा। तयोर्युद्धं समभवत्स्वेदरक्तजयोर्महत्

vāmapādena hatvā ca samuttasthau naro ruṣā| tayoryuddhaṁ samabhavatsvedaraktajayormahat

नर ने उसे बाएँ पैर से मारकर क्रोधपूर्वक खड़ा किया; तब स्वेदज और रक्तज दोनों के बीच महान युद्ध हुआ।

श्लोक 41 (skanda.5.3.41)

विस्फारितधनुःशब्दैर्नादिताशेषभूतलम्। कवचं स्वेदजस्यैकं रक्तजस्य तथा भुजौ

visphāritadhanuḥśabdairnāditāśeṣabhūtalam| kavacaṁ svedajasyaikaṁ raktajasya tathā bhujau

खींचे गए धनुषों की टंकार-ध्वनि से सम्पूर्ण जगत् गुंजायमान हो उठा; स्वेदज के पास एक कवच था, तो रक्तज की भुजाओं में कवच था।

श्लोक 42 (skanda.5.3.42)

एवं समेन वै युद्धं दिव्यं जातं तु भूतले। त्रिवर्षोनानि वर्षाणां शतानि दश सुद्विज

evaṁ samena vai yuddhaṁ divyaṁ jātaṁ tu bhūtale| trivarṣonāni varṣāṇāṁ śatāni daśa sudvija

इस प्रकार भूतल पर दोनों में समान दिव्य युद्ध हुआ; हे सुद्विज, वह युद्ध तीन वर्ष कम एक सहस्र वर्षों तक चलता रहा।

श्लोक 43 (skanda.5.3.43)

युध्यतो समतीतानि स्वेदरक्तजयोर्मुने। रक्तजो द्विभुजो दृष्ट्वा कवचैकेन स्वेदजम्

yudhyato samatītāni svedaraktajayormune| raktajo dvibhujo dṛṣṭvā kavacaikena svedajam

हे मुने, इस प्रकार स्वेदज और रक्तज युद्ध करते रहे; तब द्विभुज रक्तज ने एक कवचधारी स्वेदज को देखकर...

श्लोक 44 (skanda.5.3.44)

बिभेद बाणवेगेन ब्रह्मणस्तं नरं परम्। ससंभ्रममु वाचेदं ब्रह्माणं मधुसूदनः

bibheda bāṇavegena brahmaṇastaṁ naraṁ param| sasaṁbhramamu vācedaṁ brahmāṇaṁ madhusūdanaḥ

...बाण के वेग से ब्रह्मा के उस श्रेष्ठ पुरुष को बींध डाला। तब मधुसूदन ने व्याकुल होकर ब्रह्मा से कहा।

श्लोक 45 (skanda.5.3.45)

मन्नरेणोच्छ्रितो ब्रह्मंस्त्वदीयो विनिपातितः। श्रुत्वा तदाकुलो ब्रह्मा बभाषे मधुसूदनम्

mannareṇocchrito brahmaṁstvadīyo vinipātitaḥ| śrutvā tadākulo brahmā babhāṣe madhusūdanam

'हे ब्रह्मन्, तुम्हारा वह पुरुष मेरे नर के द्वारा घायल कर गिरा दिया गया है।' यह सुनकर व्याकुल हुए ब्रह्मा ने मधुसूदन से कहा।

श्लोक 46 (skanda.5.3.46)

हरेऽन्यजन्मनि नरो मदीयो यदि हीयते। तेन तुष्टेन संप्रोक्तं हरिणैवं भविष्यति

hare'nyajanmani naro madīyo yadi hīyate| tena tuṣṭena saṁproktaṁ hariṇaivaṁ bhaviṣyati

'हे हरे, यदि मेरा पुरुष इस जन्म में नष्ट होता है, तो दूसरे जन्म में उसकी प्रतिष्ठा हो' — इस पर प्रसन्न होकर हरि ने कहा—'ऐसा ही होगा।'

श्लोक 47 (skanda.5.3.47)

कृत्वा तयो रणमपि निवार्य तावुवाच ह। अथान्यजन्मनि नरो मदीयो भविता कलौ

kṛtvā tayo raṇamapi nivārya tāvuvāca ha| athānyajanmani naro madīyo bhavitā kalau

उन दोनों के युद्ध को भी रोककर उन्होंने कहा—'दूसरे जन्म में, कलियुग में, यह मेरा ही होगा।'

श्लोक 48 (skanda.5.3.48)

ततो महारणे जाते तत्राहं योजयामि तम्। विष्णुनाथ समाहूय महेश्वरसुरेश्वरौ

tato mahāraṇe jāte tatrāhaṁ yojayāmi tam| viṣṇunātha samāhūya maheśvarasureśvarau

'तब जब महायुद्ध होगा, उसमें मैं उसे नियुक्त करूँगा' — तत्पश्चात् महेश्वर और सुरेश्वर [इन्द्र] को बुलाकर...

श्लोक 49 (skanda.5.3.49)

उक्ताविमौ नरौ रुद्रौ पालनीयौ स्वशक्तितः। स्वेदजातासृग्जातौ तु स्वकीयांशौ धरातले। स्वांशभूतौ द्वापरांते नियोज्यौ भूतले त्वया

uktāvimau narau rudrau pālanīyau svaśaktitaḥ| svedajātāsṛgjātau tu svakīyāṁśau dharātale| svāṁśabhūtau dvāparāṁte niyojyau bhūtale tvayā

यह कहा गया—'ये दोनों पुरुष, रुद्ररूप, अपनी-अपनी शक्ति के अनुसार पालनीय हैं; स्वेद से उत्पन्न और रक्त से उत्पन्न ये तुम्हारे ही अंश पृथ्वी पर हैं। द्वापर के अन्त में इन अपने अंशभूत पुरुषों को तुम्हें ही पृथ्वी पर नियुक्त करना है।'

श्लोक 50 (skanda.5.3.50)

ततोऽब्रवीत्तदा विष्णुं सुरेशो दुःखितं वचः

tato'bravīttadā viṣṇuṁ sureśo duḥkhitaṁ vacaḥ

तब सुरेश [इन्द्र] ने विष्णु से दुःखित वचन कहे।

श्लोक 51 (skanda.5.3.51)

अस्मिन्मन्वंतरे देव त्रेतायुगं तदा यदा। त्वद्रूपेणेह महता सूर्यपुत्रहितार्थिना। वालीनाम महाबाहुः सुग्रीवार्थे निपातितः

asminmanvaṁtare deva tretāyugaṁ tadā yadā| tvadrūpeṇeha mahatā sūryaputrahitārthinā| vālīnāma mahābāhuḥ sugrīvārthe nipātitaḥ

'हे देव, इस मन्वन्तर में, त्रेतायुग आने पर, तुम्हारे इस महान् रूप द्वारा, सूर्यपुत्र सुग्रीव के हित हेतु, महाबाहु वाली नामक को सुग्रीव के लिए मार गिराया जाएगा।'

श्लोक 52 (skanda.5.3.52)

तेन दुःखेन तप्तोऽहं नाहं गृह्णामि ते नरम्। अगृह्णमानं देवेशं कारणांतरवादिनम्

tena duḥkhena tapto'haṁ nāhaṁ gṛhṇāmi te naram| agṛhṇamānaṁ deveśaṁ kāraṇāṁtaravādinam

'उस दुःख से संतप्त होकर मैं तुम्हारे पुरुष को स्वीकार नहीं करूँगा।' देवेश को इस प्रकार इनकार करते और अन्य कारण बताते देखकर...

श्लोक 53 (skanda.5.3.53)

विष्णुः प्रोवाच मघवन्भुवो भारावतारणे। अवतारं करिष्यामि मर्त्यलोकेऽप्यहं विभो

viṣṇuḥ provāca maghavanbhuvo bhārāvatāraṇe| avatāraṁ kariṣyāmi martyaloke'pyahaṁ vibho

विष्णु ने कहा—'हे मघवन्, पृथ्वी के भार को उतारने के लिए, हे विभो, मैं स्वयं मृत्युलोक में अवतार लूँगा।'

श्लोक 54 (skanda.5.3.54)

ततो हृष्टोऽभवच्छक्रो विष्णुवाक्येन तेन वै। प्रतिगृह्य नरं हृष्टः सत्यमस्तु वचस्तव

tato hṛṣṭo'bhavacchakro viṣṇuvākyena tena vai| pratigṛhya naraṁ hṛṣṭaḥ satyamastu vacastava

तब विष्णु के उस वचन से शक्र प्रसन्न हो गए; हर्षपूर्वक उस पुरुष को स्वीकार करते हुए उन्होंने कहा—'तुम्हारा वचन सत्य हो।'

श्लोक 55 (skanda.5.3.55)

इत्युक्त्वा तु रवीन्द्रौ स प्रेषयित्वा च तौ पुनः। गत्वा च पुण्डरीकाक्षो ब्रह्माणं ब्रह्मवेश्मनि

ityuktvā tu ravīndrau sa preṣayitvā ca tau punaḥ| gatvā ca puṇḍarīkākṣo brahmāṇaṁ brahmaveśmani

इस प्रकार कहकर उन दोनों पुरुषों को पुनः विदा करके, पुण्डरीकाक्ष विष्णु ब्रह्मलोक में ब्रह्मा के पास गए।

श्लोक 56 (skanda.5.3.56)

कृतं जुगुप्सितं कर्म ब्रह्मन्नीशं जिघांसता। यत्त्वया देवदेवेश पुमान्कोपेन भाषितः

kṛtaṁ jugupsitaṁ karma brahmannīśaṁ jighāṁsatā| yattvayā devadeveśa pumānkopena bhāṣitaḥ

'हे ब्रह्मन्, ईश्वर का वध चाहते हुए तुमने यह निन्दनीय कर्म किया; हे देवदेवेश, तुमने क्रोधवश उस पुरुष के विषय में ऐसा कहा।'

श्लोक 57 (skanda.5.3.57)

शुद्ध्यर्थमस्य पापस्य प्रायश्चित्तं परं कुरु। गृह्णन्वह्नित्रयं ब्रह्मन्नग्नि होत्रमुपास्व ह

śuddhyarthamasya pāpasya prāyaścittaṁ paraṁ kuru| gṛhṇanvahnitrayaṁ brahmannagni hotramupāsva ha

'इस पाप की शुद्धि के लिए परम प्रायश्चित्त करो; हे ब्राह्मण, तीनों अग्नियों को धारण कर अग्निहोत्र की उपासना करो।'

श्लोक 58 (skanda.5.3.58)

एको वै गार्हपत्योऽस्तु द्वितीयाहवनीयकः। दक्षिणाग्निस्तृतीयस्तु त्रिकुण्डेषु प्रकल्पय

eko vai gārhapatyo'stu dvitīyāhavanīyakaḥ| dakṣiṇāgnistṛtīyastu trikuṇḍeṣu prakalpaya

'एक अग्नि गार्हपत्य हो, दूसरी आहवनीय, तीसरी दक्षिणाग्नि—इन तीनों को तीन कुण्डों में स्थापित करो।'

श्लोक 59 (skanda.5.3.59)

वर्तुले तर्पयात्मानं मामथो धनुषाकृतौ। चतुष्कोणे हरं देवमृग्यजुःसामनामभिः

vartule tarpayātmānaṁ māmatho dhanuṣākṛtau| catuṣkoṇe haraṁ devamṛgyajuḥsāmanāmabhiḥ

'गोल कुण्ड में स्वयं को तृप्त करो, फिर धनुषाकार कुण्ड में मुझे; चतुष्कोण कुण्ड में ऋक्, यजुः और साम के नामों द्वारा देव हर को तृप्त करो।'

श्लोक 60 (skanda.5.3.60)

हुत्वा त्वग्निं च तपसा हरमेवार्च्य तत्क्षणात्। दिव्यं वर्षसहस्रं तु हुत्वाग्निं सिद्धिमाप्स्यसि

hutvā tvagniṁ ca tapasā haramevārcya tatkṣaṇāt| divyaṁ varṣasahasraṁ tu hutvāgniṁ siddhimāpsyasi

'अग्नि में हवन कर, तथा तपस्या द्वारा उसी क्षण हर की आराधना कर; सहस्र दिव्य वर्षों तक अग्नि में हवन करते हुए तुम सिद्धि प्राप्त करोगे।'

श्लोक 61 (skanda.5.3.61)

प्रायश्चित्तविशुद्धात्मा प्रतिपद्य महेश्वरम्। ततो निष्कल्मषो भूत्वा विषादस्ते गमिष्यति

prāyaścittaviśuddhātmā pratipadya maheśvaram| tato niṣkalmaṣo bhūtvā viṣādaste gamiṣyati

'उस प्रायश्चित्त से विशुद्ध आत्मा होकर महेश्वर को प्राप्त कर, तब निष्पाप होकर तुम्हारा विषाद दूर हो जाएगा।'

श्लोक 62 (skanda.5.3.62)

इत्येवमुक्त्वा हरिरुग्रतेजा गतः स्वकीयं निलयं महात्मा। ब्रह्मापि चित्तं तपसे निधाय समादधे सर्वमथाच्युतोक्तम्

ityevamuktvā harirugratejā gataḥ svakīyaṁ nilayaṁ mahātmā| brahmāpi cittaṁ tapase nidhāya samādadhe sarvamathācyutoktam

इस प्रकार कहकर उग्रतेजस्वी महात्मा हरि अपने निवासस्थान को चले गए; और ब्रह्मा ने भी अपना चित्त तपस्या में लगाकर अच्युत के कहे हुए सम्पूर्ण वचन को धारण किया।