माण्डव्य शूलारोपण वर्णन

श्लोक 1 (skanda.5.325.1)

कामप्रमोदिनीसख्यो नीयमानां च तेन तु। दृष्ट्वा ताश्चुक्रुशुः सर्वा निःसृत्य जलमध्यतः॥

kāmapramodinīsakhyo nīyamānāṁ ca tena tu| dṛṣṭvā tāścukruśuḥ sarvā niḥsṛtya jalamadhyataḥ||

श्रीमार्कण्डेय बोले - कामप्रमोदिनी को उसके द्वारा ले जाया जाता देखकर, उसकी सभी सखियाँ जल के बीच से निकलकर चिल्ला उठीं।

श्लोक 2 (skanda.5.325.2)

गता राजगृहे सर्वाः कथयन्ति सुदुःखिताः। कामप्रमोदिनी राजन्हृता श्येनेन पक्षिणा॥

gatā rājagṛhe sarvāḥ kathayanti suduḥkhitāḥ| kāmapramodinī rājanhṛtā śyenena pakṣiṇā||

वे सब अत्यन्त दुःखी होकर राजभवन गईं और कहने लगीं - "हे राजन्! कामप्रमोदिनी को श्येन पक्षी हर ले गया है,

श्लोक 3 (skanda.5.325.3)

क्रीडन्ती च जलस्थाने तडागे देवसन्निधौ। अन्वेष्या च त्वया राजंस्तस्य मार्गं विजानता॥

krīḍantī ca jalasthāne taḍāge devasannidhau| anveṣyā ca tvayā rājaṁstasya mārgaṁ vijānatā||

- जो जलाशय में, तालाब में, देवी के समीप क्रीड़ा कर रही थी। हे राजन्! उसका मार्ग जानकर तुम्हें उसकी खोज करनी चाहिए।"

श्लोक 4 (skanda.5.325.4)

तासां तद्वचनं श्रुत्वा देवपन्नः सुदुःखितः। हाहेत्युक्त्वा समुत्थाय रुदमानो वरासनात्॥

tāsāṁ tadvacanaṁ śrutvā devapannaḥ suduḥkhitaḥ| hāhetyuktvā samutthāya rudamāno varāsanāt||

उनका यह वचन सुनकर देवपन्न अत्यन्त दुःखी हो गया; "हाय!" कहकर, रोता हुआ, वह अपने श्रेष्ठ आसन से उठ खड़ा हुआ।

श्लोक 5 (skanda.5.325.5)

मन्त्रिभिः सहितस्तस्मिंस्तडागे जलसन्निधौ। न चिह्नं न च पन्थानं दृष्ट्वा दुःखान्मुमोह च॥

mantribhiḥ sahitastasmiṁstaḍāge jalasannidhau| na cihnaṁ na ca panthānaṁ dṛṣṭvā duḥkhānmumoha ca||

मंत्रियों सहित उस तालाब के जल के समीप जाकर, न कोई चिह्न, न कोई मार्ग देखकर, वह दुःख से मूर्च्छित हो गया।

श्लोक 6 (skanda.5.325.6)

तस्य राज्ञस्तु दुःखेन दुःखितो नागरो जनः। क्षणेनाश्वासितो राजा मन्त्रिभिः सपुरोहितैः॥

tasya rājñastu duḥkhena duḥkhito nāgaro janaḥ| kṣaṇenāśvāsito rājā mantribhiḥ sapurohitaiḥ||

उस राजा के दुःख से नगरवासी भी दुःखी हो गए। मंत्रियों और पुरोहितों ने क्षणभर में राजा को सान्त्वना दी।

श्लोक 7 (skanda.5.325.7)

किं कुर्म इत्युवाचेदमस्मिन्काले विधीयताम्। सर्वैस्तत्संविदं कृत्वा वाहिनीं चतुरङ्गिणीम्॥

kiṁ kurma ityuvācedamasminkāle vidhīyatām| sarvaistatsaṁvidaṁ kṛtvā vāhinīṁ caturaṅgiṇīm||

"अब हम क्या करें?" - ऐसा कहकर, इस समय जो विधान करना उचित हो वह किया जाए। सभी ने आपस में सहमति करके चतुरंगिणी सेना को -

श्लोक 8 (skanda.5.325.8)

प्रेषयामि दिशः सर्वा हस्त्यश्वरथसंकुला। वादित्राणि च वाद्यन्ते व्याकुलीभूतसंकुले॥

preṣayāmi diśaḥ sarvā hastyaśvarathasaṁkulā| vāditrāṇi ca vādyante vyākulībhūtasaṁkule||

- हाथी-घोड़े-रथों से भरी हुई, समस्त दिशाओं में भेजने का निश्चय किया। व्याकुल भीड़ में वाद्य बज उठे।

श्लोक 9 (skanda.5.325.9)

नाराचैस्तोमरैर्भल्लैः खड्गैः परश्वधादिभिः। राजा संनाहबद्धोऽभूद्गनं ग्रसते किल॥

nārācaistomarairbhallaiḥ khaḍgaiḥ paraśvadhādibhiḥ| rājā saṁnāhabaddho'bhūdganaṁ grasate kila||

नाराच, तोमर, भल्ल, तलवार तथा फरसे आदि शस्त्रों से युक्त होकर राजा कवच धारण कर बैठ गया, मानो आकाश को ही निगल जाना चाहता हो।

श्लोक 10 (skanda.5.325.10)

न देवो न च गन्धर्वो न दैत्यो न च राक्षसः। किं करिष्यति राजाद्य न जाने रोषनिष्कृतिम्॥

na devo na ca gandharvo na daityo na ca rākṣasaḥ| kiṁ kariṣyati rājādya na jāne roṣaniṣkṛtim||

"न कोई देव, न गन्धर्व, न दैत्य, न राक्षस बच पाएगा - राजा आज क्या करेगा, मैं इस क्रोध की निवृत्ति को नहीं जानता।"

श्लोक 11 (skanda.5.325.11)

नागरोऽपि जनस्तत्र दृष्ट्वा चकितमानसः। चतुर्दशसहस्राणि दन्तिनां सृणिधारिणाम्॥

nāgaro'pi janastatra dṛṣṭvā cakitamānasaḥ| caturdaśasahasrāṇi dantināṁ sṛṇidhāriṇām||

वहाँ नगरवासी जन भी यह देखकर चकित मन वाले हो गए। चौदह हज़ार अंकुशधारी हाथी,

श्लोक 12 (skanda.5.325.12)

अश्वारोहसहस्राणि ह्यशीतिः शस्त्रपाणिनाम्। रथानां त्रिसहस्राणि विंशतिर्भरतर्षभ॥

aśvārohasahasrāṇi hyaśītiḥ śastrapāṇinām| rathānāṁ trisahasrāṇi viṁśatirbharatarṣabha||

अस्सी हज़ार अश्वारोही शस्त्रधारी, तथा हे भरतर्षभ! तीन हज़ार बीस रथ तैयार किए गए।

श्लोक 13 (skanda.5.325.13)

सङ्ग्रामभेरीनिनदैः खुररेणुर्नभोगता। एतस्मिन्नन्तरे तात रक्षको नगरस्य हि॥

saṅgrāmabherīninadaiḥ khurareṇurnabhogatā| etasminnantare tāta rakṣako nagarasya hi||

युद्ध की भेरियों की गर्जना और घोड़ों के खुरों की धूल आकाश तक जा पहुँची। हे तात! इसी बीच नगर के रक्षक ने,

श्लोक 14 (skanda.5.325.14)

गृहीत्वाभरणं तस्यास्त्वङ्गप्रत्यङ्गिकं तथा। कुण्डलाङ्गदकेयूरहारनूपुरझल्लरीः॥

gṛhītvābharaṇaṁ tasyāstvaṅgapratyaṅgikaṁ tathā| kuṇḍalāṅgadakeyūrahāranūpurajhallarīḥ||

- उसके अंग-प्रत्यंगों के आभूषणों को, अर्थात् कुण्डल, अंगद, केयूर, हार, नूपुर, झांझर आदि को लेकर,

श्लोक 15 (skanda.5.325.15)

निवेद्याकथयद्राज्ञे मया दृष्टं त्ववेक्षणात्। तापसानामाश्रमे तु माण्डव्यो यत्र तिष्ठति॥

nivedyākathayadrājñe mayā dṛṣṭaṁ tvavekṣaṇāt| tāpasānāmāśrame tu māṇḍavyo yatra tiṣṭhati||

- राजा को अर्पित करके कहा - "मैंने देखने में इन्हें पाया, तापसों के आश्रम में, जहाँ माण्डव्य विराजमान हैं।

श्लोक 16 (skanda.5.325.16)

तापसैर्वेष्टितो यत्र ददृशे तत्र सन्निधौ। दण्डवासिवचः श्रुत्वा प्रत्यक्षाङ्गविभूषणम्॥

tāpasairveṣṭito yatra dadṛśe tatra sannidhau| daṇḍavāsivacaḥ śrutvā pratyakṣāṅgavibhūṣaṇam||

वहाँ तापसों से घिरे हुए माण्डव्य के समीप ही मैंने इन्हें देखा।" दण्डवासी के वचन सुनकर, तथा साक्षात् अंग-आभूषणों को देखकर,

श्लोक 17 (skanda.5.325.17)

स क्रोधरक्तनयनो मन्त्रिणो वीक्ष्य नैगमान्। ईदृग्भूतसमाचारो ब्राह्मणो नगरे मम॥

sa krodharaktanayano mantriṇo vīkṣya naigamān| īdṛgbhūtasamācāro brāhmaṇo nagare mama||

- राजा क्रोध से लाल नेत्रों वाला होकर, मंत्रियों और नगरवासियों की ओर देखकर, कहने लगा - "मेरे नगर में इस प्रकार के दुराचार वाला ब्राह्मण -

श्लोक 18 (skanda.5.325.18)

चौरचर्यां व्रतच्छन्नः परद्रव्यापहरकः। तेन कन्या हृता मेऽद्य तपस्विपापकर्मिणा॥

caurcaryāṁ vratacchannaḥ paradravyāpaharakaḥ| tena kanyā hṛtā me'dya tapasvipāpakarmiṇā||

- व्रत के आवरण में चोरी करने वाला, दूसरों के धन का अपहरण करने वाला! उस पापकर्मी तपस्वी ने ही आज मेरी कन्या का हरण किया है।

श्लोक 19 (skanda.5.325.19)

शाकुन्तं रूपमास्थाय जलस्थो गगनं ययौ। पाखण्डिनो विकर्मस्थान् बिडालव्रतिकाञ्छठान्॥

śākuntaṁ rūpamāsthāya jalastho gaganaṁ yayau| pākhaṇḍino vikarmasthān biḍālavratikāñchaṭhān||

- पक्षी का रूप धारण करके, जल में स्थित होकर वह आकाश में चला गया। पाखण्डियों को, दुष्कर्मरत लोगों को, बिडालव्रती धूर्तों को,

श्लोक 20 (skanda.5.325.20)

चाटुतस्करदुर्वृत्तान् हन्यान्नस्त्यस्य पातकम्। न द्रष्टव्यो मया पापः स्तेयी कन्यापहारकः॥

cāṭutaskaradurvṛttān hanyānnastyasya pātakam| na draṣṭavyo mayā pāpaḥ steyī kanyāpahārakaḥ||

- चापलूस, चोर, दुराचारियों को मार डालना चाहिए, इसमें कोई पाप नहीं है। उस पापी, चोर, कन्या-अपहारक को मुझे देखना भी उचित नहीं है।

श्लोक 21 (skanda.5.325.21)

शूलमारोप्यतां क्षिप्रं न विचारस्तु तस्य वै। स च वध्यो मया दुष्टो रक्षोरूपी तपोधनः॥

śūlamāropyatāṁ kṣipraṁ na vicārastu tasya vai| sa ca vadhyo mayā duṣṭo rakṣorūpī tapodhanaḥ||

उसे तुरन्त शूल पर चढ़ा दिया जाए, इसमें कोई विचार-विमर्श नहीं करना है। वह दुष्ट, राक्षस-रूपी तपस्वी मेरे द्वारा वध्य है।"

श्लोक 22 (skanda.5.325.22)

एवं ब्रुवंश्चलन्क्रोधादादिश्य दण्डवासिनम्। कार्याकार्यं न विज्ञाय शूलमारोपयद्द्विजम्॥

evaṁ bruvaṁścalankrodhādādiśya daṇḍavāsinam| kāryākāryaṁ na vijñāya śūlamāropayaddvijam||

इस प्रकार बोलता हुआ, क्रोध से काँपता हुआ, दण्डवासी को आदेश देकर, कार्य-अकार्य का विचार किए बिना, उसने उस द्विज को शूल पर चढ़वा दिया।

श्लोक 23 (skanda.5.325.23)

पौरा जानपदाः सर्वे अश्रुपूर्णमुखास्तदा। हाहेत्युक्त्वा रुदन्त्यन्ये वदन्ति च पृथक्पृथक्॥

paurā jānapadāḥ sarve aśrupūrṇamukhāstadā| hāhetyuktvā rudantyanye vadanti ca pṛthakpṛthak||

तब नगरवासी और देशवासी सभी अश्रुपूर्ण मुख वाले हो गए। "हाय!" कहकर कुछ रोने लगे, तथा अन्य पृथक्-पृथक् बोलने लगे -

श्लोक 24 (skanda.5.325.24)

कुत्सितं च कृतं कर्म राज्ञा चण्डालचारिणा। ब्राह्मणो नैव वध्यो हि विशेषेण तपोवृतः॥

kutsitaṁ ca kṛtaṁ karma rājñā caṇḍālacāriṇā| brāhmaṇo naiva vadhyo hi viśeṣeṇa tapovṛtaḥ||

"इस चाण्डाल-आचरण वाले राजा ने अत्यन्त निन्दनीय कार्य किया है। ब्राह्मण, विशेषतः तपस्वी ब्राह्मण, कदापि वध्य नहीं होता।

श्लोक 25 (skanda.5.325.25)

यदि रोषसमाचारो निर्वास्यो नगराद्बहिः। न जातु ब्राह्मणं हन्यात्सर्वपापेऽप्यवस्थितम्॥

yadi roṣasamācāro nirvāsyo nagarādbahiḥ| na jātu brāhmaṇaṁ hanyātsarvapāpe'pyavasthitam||

यदि क्रोधवश ऐसा आचरण हो भी, तो उसे नगर से बाहर निर्वासित करना चाहिए था। समस्त पापों में स्थित ब्राह्मण को भी कभी मारना नहीं चाहिए।

श्लोक 26 (skanda.5.325.26)

राष्ट्रादेनं बहिष्कुर्यात्समग्रधनमक्षतम्। नाश्नाति च गृहे राजन्नाग्निर्नगरवासिनाम्। सर्वेऽप्युद्विग्नमनसो गृहव्याप्तिविवर्जिताः॥

rāṣṭrādenaṁ bahiṣkuryātsamagradhanamakṣatam| nāśnāti ca gṛhe rājannāgnirnagaravāsinām| sarve'pyudvignamanaso gṛhavyāptivivarjitāḥ||

- उसे राज्य से बाहर कर दे, उसका समस्त धन अक्षत रहने दे।" हे राजन्! नगरवासियों के घरों में उस दिन अग्नि भी भोजन नहीं पका सकी; सभी उद्विग्न मन वाले होकर अपने घरेलू कार्यों से विरत हो गए।