माण्डव्यतीर्थ माहात्म्य वर्णन

श्लोक 1 (skanda.5.327.1)

श्रीमार्कण्डेय उवाच। अथ ते ऋषयः सर्वे देवाश्चेन्द्रपुरोगमाः । माण्डव्यस्याश्रमे पुण्ये समीयुर्नर्मदातटे ॥ १ ॥

śrīmārkaṇḍeya uvāca| atha te ṛṣayaḥ sarve devāścendrapurogamāḥ | māṇḍavyasyāśrame puṇye samīyurnarmadātaṭe || 1 ||

श्री मार्कण्डेय जी ने कहा - तदनन्तर वे सभी ऋषिगण और इन्द्र आदि देवता, नर्मदा के तट पर स्थित माण्डव्य के पुण्य आश्रम में एकत्र हुए।

श्लोक 2 (skanda.5.327.2)

शङ्खदुन्दुभिनादेन दीपिकाज्वलनेन च । अप्सरोगीतनादेन नृत्यन्त्यो वारयोषितः ॥ २ ॥

śaṅkhadundubhinādena dīpikājvalanena ca | apsarogītanādena nṛtyantyo vārayoṣitaḥ || 2 ||

शंख और दुन्दुभियों की ध्वनि के साथ, दीपकों के प्रज्वलित होने के साथ, तथा अप्सराओं के गायन-स्वर के साथ, वारांगनाएँ नृत्य करने लगीं।

श्लोक 3 (skanda.5.327.3)

कथानकैः स्तुवत्यन्ये तस्य शूलाग्रधारिणः । अष्टाशीतिसहस्राणि स्नातकानां तपस्विनाम् ॥ ३ ॥

kathānakaiḥ stuvatyanye tasya śūlāgradhāriṇaḥ | aṣṭāśītisahasrāṇi snātakānāṁ tapasvinām || 3 ||

अन्य लोग उस शूलाग्रधारी माण्डव्य की कथाओं द्वारा स्तुति करने लगे। अठासी हजार स्नातक तपस्वी -

श्लोक 4 (skanda.5.327.4)

समाजे त्रिदशैः सार्द्धं तत्र ते च दिदृक्षया । ब्रह्मविष्णुमहेशानास्तत्र हर्षात्समागताः ॥ ४ ॥

samāje tridaśaiḥ sārddhaṁ tatra te ca didṛkṣayā | brahmaviṣṇumaheśānāstatra harṣātsamāgatāḥ || 4 ||

- देवताओं के साथ उसे देखने की इच्छा से वहाँ एकत्र हुए; और ब्रह्मा, विष्णु तथा महेश भी वहाँ हर्षपूर्वक पधारे।

श्लोक 5 (skanda.5.327.5)

मातरो मल्लिकाद्याश्च क्षेत्रपाला विनायकाः । दिक्पाला लोकपालाश्च गङ्गाद्याश्च सरिद्वराः ॥ ५ ॥

mātaro mallikādyāśca kṣetrapālā vināyakāḥ | dikpālā lokapālāśca gaṅgādyāśca saridvarāḥ || 5 ||

मल्लिका आदि मातृगण, क्षेत्रपाल, विनायकगण, दिक्पाल, लोकपाल तथा गंगा आदि श्रेष्ठ नदियाँ -

श्लोक 6 (skanda.5.327.6)

ऋषिदेवसमाजे तु नित्यं हर्षप्रमोदने । तत्र राजा समायातः पौरजानपदैः सह ॥ ६ ॥

ṛṣidevasamāje tu nityaṁ harṣapramodane | tatra rājā samāyātaḥ paurajānapadaiḥ saha || 6 ||

- सभी ऋषियों और देवताओं की उस सदा हर्षोल्लासपूर्ण सभा में उपस्थित हुए। वहाँ राजा भी नगर और जनपद के लोगों के साथ आ पहुँचा।

श्लोक 7 (skanda.5.327.7)

दृष्ट्वा कौतूहलं तत्र व्याकुलीकृतमानसम् । वित्रस्तमनसो भूत्वा भयात्सर्वे समास्थिताः ॥ ७ ॥

dṛṣṭvā kautūhalaṁ tatra vyākulīkṛtamānasam | vitrastamanaso bhūtvā bhayātsarve samāsthitāḥ || 7 ||

वहाँ के कौतूहल को देखकर उनके मन व्याकुल हो उठे; भयभीत मन से सभी भय के कारण वहीं ठिठककर खड़े रह गए।

श्लोक 8 (skanda.5.327.8)

तस्मिन्समागमे दिव्ये ब्रह्मविष्ण्वीशमब्रुवन् । भो माण्डव्य महासत्त्व वरदास्तेऽमरैः सह ॥ ८ ॥

tasminsamāgame divye brahmaviṣṇvīśamabruvan | bho māṇḍavya mahāsattva varadāste'maraiḥ saha || 8 ||

उस दिव्य सभा में ब्रह्मा, विष्णु और शिव ने [माण्डव्य से] कहा - 'हे महासत्त्व माण्डव्य! हम अमरगणों सहित तुम्हें वर देने आए हैं।

श्लोक 9 (skanda.5.327.9)

अनेककष्टतपसा तव सिद्धिर्भविष्यति । प्रार्थयस्व यथाकामं यस्ते मनसि रोचते ॥ ९ ॥

anekakaṣṭatapasā tava siddhirbhaviṣyati | prārthayasva yathākāmaṁ yaste manasi rocate || 9 ||

तुम्हारी अनेक कष्टसाध्य तपस्या से तुम्हें सिद्धि प्राप्त होगी। जो कुछ तुम्हारे मन को भाए, वह इच्छानुसार माँग लो।'

श्लोक 10 (skanda.5.327.10)

अनादित्यमयं लोकं निर्वषट्कारमाकुलम् । नष्टधर्मं विजानीहि प्रकृतिस्थं कुरुष्व च । अनुग्रहं तु शाण्डिल्याः प्रार्थयाम द्विजोत्तम ॥ १० ॥

anādityamayaṁ lokaṁ nirvaṣaṭkāramākulam | naṣṭadharmaṁ vijānīhi prakṛtisthaṁ kuruṣva ca | anugrahaṁ tu śāṇḍilyāḥ prārthayāma dvijottama || 10 ||

'जान लो कि यह लोक अभी सूर्यरहित, वषट्कारहीन, व्याकुल तथा नष्टधर्म हो चुका है - इसे पुनः अपनी स्वाभाविक स्थिति में ले आओ। हे द्विजोत्तम! हम शाण्डिली पर तुम्हारी कृपा-दृष्टि की प्रार्थना करते हैं।'

श्लोक 11 (skanda.5.327.11)

एष ते कष्टदो राजा समायातस्तवाग्रतः । संभूषयस्व विप्रर्षे जनं देवासुरं गणम् ॥ ११ ॥

eṣa te kaṣṭado rājā samāyātastavāgrataḥ | sambhūṣayasva viprarṣe janaṁ devāsuraṁ gaṇam || 11 ||

यह वही राजा है जिसने तुम्हें यह कष्ट दिया था, वह तुम्हारे समक्ष उपस्थित है। हे विप्रर्षे! इस देव, असुर तथा मनुष्यों के समुदाय को अनुगृहीत करो।'

श्लोक 12 (skanda.5.327.12)

माण्डव्य उवाच। यदि प्रसन्ना मे देवाः समायाताः सुरैः सह । त्रिकालमत्र तीर्थे च स्थातव्यमृषिभिः सह ॥ १२ ॥

māṇḍavya uvāca| yadi prasannā me devāḥ samāyātāḥ suraiḥ saha | trikālamatra tīrthe ca sthātavyamṛṣibhiḥ saha || 12 ||

माण्डव्य ने कहा - 'यदि देवगण मुझसे प्रसन्न होकर सुरों सहित यहाँ पधारे हैं, तो ऋषियों सहित इस तीर्थ में त्रिकाल निवास करने की व्यवस्था करें।

श्लोक 13 (skanda.5.327.13)

भवतां तु प्रसादेन रुजा मे शाम्यतां सदा । एवमस्त्विति देवेशा यावज्जल्पन्ति पाण्डव ॥ १३ ॥

bhavatāṁ tu prasādena rujā me śāmyatāṁ sadā | evamastviti deveśā yāvajjalpanti pāṇḍava || 13 ||

और आपकी कृपा से मेरे भाई की व्याधि सदा के लिए शान्त हो जाए।' हे पाण्डव! देवेश्वरगण जब तक 'एवमस्तु' कह ही रहे थे -

श्लोक 14 (skanda.5.327.14)

तावद्रक्षो गृहीत्वाऽग्रे कन्यां कामप्रमोदिनीम् । उवाच भगवञ्छापं पुरा दत्त्वोर्वशी मम ॥ १४ ॥

tāvadrakṣo gṛhītvā'gre kanyāṁ kāmapramodinīm | uvāca bhagavañchāpaṁ purā dattvorvaśī mama || 14 ||

- तभी एक राक्षस, काम को प्रमुदित करने वाली एक कन्या को आगे लेकर उपस्थित हुआ और बोला - 'हे भगवन्! पूर्वकाल में उर्वशी ने मुझे शाप दिया था -

श्लोक 15 (skanda.5.327.15)

यदा कन्यां हरे रक्षःशापान्तस्ते भविष्यति । तेन मे गर्हितं कर्म शापेनाकृतबुद्धिना ॥ १५ ॥

yadā kanyāṁ hare rakṣaḥśāpāntaste bhaviṣyati | tena me garhitaṁ karma śāpenākṛtabuddhinā || 15 ||

- 'हे राक्षस! जब तू किसी कन्या का हरण करेगा, तभी तेरे शाप का अन्त होगा।' उसी शाप के कारण, बुद्धि के वश में न होने से, मैंने यह निन्दनीय कर्म कर डाला।

श्लोक 16 (skanda.5.327.16)

क्षन्तव्यमिति चोक्त्वा च गतश्चादर्शनं पुनः । गते चैव तु सा कन्या दृष्ट्वा पद्मदलेक्षणा ॥ १६ ॥

kṣantavyamiti coktvā ca gataścādarśanaṁ punaḥ | gate caiva tu sā kanyā dṛṣṭvā padmadalekṣaṇā || 16 ||

'मुझे क्षमा करें' - ऐसा कहकर वह पुनः अदृश्य हो गया। उसके चले जाने पर, कमलदलनयनी उस कन्या को देखकर -

श्लोक 17 (skanda.5.327.17)

मन्त्रयित्वा सुरैः सर्वैर्दत्ता माण्डव्यधीमते । तां वज्रशूलिकां प्लाव्य पवित्रैर्नर्मदोदकैः ॥ १७ ॥

mantrayitvā suraiḥ sarvairdattā māṇḍavyadhīmate | tāṁ vajraśūlikāṁ plāvya pavitrairnarmadodakaiḥ || 17 ||

- सब देवताओं ने परस्पर विचार करके उसे बुद्धिमान माण्डव्य को समर्पित कर दिया। फिर वज्र के समान कठोर उस शूल को नर्मदा के पवित्र जल से प्रक्षालित करके,

श्लोक 18 (skanda.5.327.18)

माण्डव्यमृषिमुत्तार्य जयशब्दादिमङ्गलैः । विवाहयित्वा तां कन्यां माण्डव्यर्षिपुंगवः ॥ १८ ॥

māṇḍavyamṛṣimuttārya jayaśabdādimaṅgalaiḥ | vivāhayitvā tāṁ kanyāṁ māṇḍavyarṣipuṅgavaḥ || 18 ||

शुभ जयघोष आदि मंगल ध्वनियों के साथ ऋषि माण्डव्य को उतारा गया। तत्पश्चात् उस श्रेष्ठ ऋषि माण्डव्य ने उस कन्या के साथ विवाह किया।

श्लोक 19 (skanda.5.327.19)

अभिवाद्य च तान् सर्वान् दानसन्मानगौरवैः । अथ राजा समीपस्थो रत्नैश्च विविधैरपि ॥ १९ ॥

abhivādya ca tān sarvān dānasanmānagauravaiḥ | atha rājā samīpastho ratnaiśca vividhairapi || 19 ||

उसने उन सबका दान, सम्मान और आदर के साथ अभिवादन किया। तब समीप खड़े राजा ने भी विविध रत्नों से -

श्लोक 20 (skanda.5.327.20)

धिग्वादैर्निन्दितः सर्वैस्तैर्जनैर्भूषितः पुनः । राज्ञा च ब्राह्मणाः सर्वे भूषणाच्छादनाशनैः ॥ २० ॥

dhigvādairninditaḥ sarvaistairjanairbhūṣitaḥ punaḥ | rājñā ca brāhmaṇāḥ sarve bhūṣaṇācchādanāśanaiḥ || 20 ||

- यद्यपि पहले सभी लोगों ने धिक्कार के वचनों से उसकी निन्दा की थी, फिर भी उन्हीं लोगों ने उसे पुनः सम्मानित किया। तत्पश्चात् राजा ने समस्त ब्राह्मणों को आभूषण, वस्त्र और भोजन से -

श्लोक 21 (skanda.5.327.21)

सुवर्णकोटिदानेन तुष्टान्कृत्वा क्षमापिताः । वृत्ते विवाह आहूय शाण्डिलीं तामथाब्रवीत् ॥ २१ ॥

suvarṇakoṭidānena tuṣṭānkṛtvā kṣamāpitāḥ | vṛtte vivāha āhūya śāṇḍilīṁ tāmathābravīt || 21 ||

तथा करोड़ों स्वर्णमुद्राओं के दान से सन्तुष्ट करके उनसे क्षमा प्राप्त की। विवाह सम्पन्न होने पर [माण्डव्य ने] शाण्डिली को बुलाकर कहा -

श्लोक 22 (skanda.5.327.22)

मानयस्व इमान् विप्रान्मोचयस्व दिवाकरम् । अपहृत्य तमो येन कृपा सद्यः प्रवर्तते ॥ २२ ॥

mānayasva imān viprānmocayasva divākaram | apahṛtya tamo yena kṛpā sadyaḥ pravartate || 22 ||

'इन ब्राह्मणों का सम्मान करो और सूर्य को मुक्त कर दो, जिससे अन्धकार दूर होकर तत्काल कृपा-वृष्टि हो सके।'

श्लोक 23 (skanda.5.327.23)

ऋषीणां वचनं श्रुत्वा शाण्डिली दुःखिताब्रवीत् । उदितेऽर्के तु मे भर्ता मृत्युं यास्यति भो द्विजाः ॥ २३ ॥

ṛṣīṇāṁ vacanaṁ śrutvā śāṇḍilī duḥkhitābravīt | udite'rke tu me bhartā mṛtyuṁ yāsyati bho dvijāḥ || 23 ||

ऋषियों की बात सुनकर शाण्डिली दुःखी होकर बोली - 'हे ब्राह्मणो! सूर्योदय होते ही मेरे पति की मृत्यु हो जाएगी।

श्लोक 24 (skanda.5.327.24)

तं कथं मोचयामीह ह्यात्मनोऽनिष्टसिद्धये । क्रियाप्रवर्तनाच्चाद्य किं कार्यं मे महर्षयः ॥ २४ ॥

taṁ kathaṁ mocayāmīha hyātmano'niṣṭasiddhaye | kriyāpravartanāccādya kiṁ kāryaṁ me maharṣayaḥ || 24 ||

तो मैं उसे कैसे मुक्त करूँ, जिससे मेरा ही अनिष्ट सिद्ध हो? हे महर्षियो! संसार के कर्मकाण्डों के पुनः चालू होने से मुझे क्या लाभ होगा?

श्लोक 25 (skanda.5.327.25)

निःपुंसी स्त्री ह्यनाथाहं भवामि भवतो मतम् । तिष्ठ त्वमन्धकारे तु नेच्छामि रविणोदयम् ॥ २५ ॥

niḥpuṁsī strī hyanāthāhaṁ bhavāmi bhavato matam | tiṣṭha tvamandhakāre tu necchāmi raviṇodayam || 25 ||

मैं पतिहीन, अनाथ स्त्री बन जाऊँगी - क्या यही आप लोगों को अभीष्ट है? तुम अन्धकार में ही रहो - मुझे सूर्योदय नहीं चाहिए!'

श्लोक 26 (skanda.5.327.26)

तेन वाक्येन ते सर्वे देवासुरमहर्षयः । शिरःसंचालनाः सर्वे साधु साध्विति चाब्रुवन् ॥ २६ ॥

tena vākyena te sarve devāsuramaharṣayaḥ | śiraḥsaṁcālanāḥ sarve sādhu sādhviti cābruvan || 26 ||

उसके इस वचन को सुनकर वे सभी देवता, असुर और महर्षिगण सिर हिलाते हुए बोले - 'साधु! साधु!'

श्लोक 27 (skanda.5.327.27)

पतिव्रते महाभागे शृणु वाक्यं तपोधने । मन्यसे यदि नः सर्वान्कुरुष्व वचनं च यत् ॥ २७ ॥

pativrate mahābhāge śṛṇu vākyaṁ tapodhane | manyase yadi naḥ sarvānkuruṣva vacanaṁ ca yat || 27 ||

'हे महाभागे पतिव्रते! हे तपोधने! हमारी बात सुनो। यदि तुम हम सबका मान रखती हो, तो जो हम कहें वह करो -'

श्लोक 28 (skanda.5.327.28)

शाण्डिल्युवाच। येन मे न मरेद्भर्ता येन सत्यं मुनेर्वचः । तत्कुरुध्वं विचार्याशु येन संवर्धते सुखम् ॥ २८ ॥

śāṇḍilyuvāca| yena me na maredbhartā yena satyaṁ munervacaḥ | tatkurudhvaṁ vicāryāśu yena saṁvardhate sukham || 28 ||

शाण्डिली ने कहा - 'जिस उपाय से मेरे पति की मृत्यु न हो और मुनि का वचन भी सत्य बना रहे, वही उपाय शीघ्र विचार कर करें, जिससे सुख की वृद्धि हो।'

श्लोक 29 (skanda.5.327.29)

तस्यास्तद्वचनं श्रुत्वा स्वप्नावस्थाकृतो हृषिः । अन्तर्हितो मुहूर्तं च शाण्डिल्याश्च प्रपश्य ताम् ॥ २९ ॥

tasyāstadvacanaṁ śrutvā svapnāvasthākṛto hṛṣiḥ | antarhito muhūrtaṁ ca śāṇḍilyāśca prapaśya tām || 29 ||

उसकी यह बात सुनकर वह ऋषि क्षणभर के लिए स्वप्नावस्था-सी दशा में पहुँचा दिया गया और शाण्डिली के देखते-देखते ही एक मुहूर्त के लिए अन्तर्धान हो गया।

श्लोक 30 (skanda.5.327.30)

पुनरादाय ते सर्वे कृत्वा निर्व्रणसत्तनुं स्नापितो नर्मदातोये शाण्डिल्यायै समर्पितः ॥ ३० ॥

punarādāya te sarve kṛtvā nirvraṇasattanuṁ snāpito narmadātoye śāṇḍilyāyai samarpitaḥ || 30 ||

तत्पश्चात् उन सबने मिलकर उसे पुनः प्राप्त किया, उसकी देह को क्षतरहित बना दिया, नर्मदा जल में स्नान कराया और शाण्डिली को सौंप दिया।

श्लोक 31 (skanda.5.327.31)

ततः सा हृष्टमनसा पतिं दृष्ट्वा तु तैजसम् । प्रणम्य तानृषीन् देवान् विमलार्कं जगत्कृतम् ॥ ३१ ॥

tataḥ sā hṛṣṭamanasā patiṁ dṛṣṭvā tu taijasam | praṇamya tānṛṣīn devān vimalārkaṁ jagatkṛtam || 31 ||

तदनन्तर अपने पति को तेजस्वी तथा स्वस्थ देखकर वह हर्षित हृदय से उन ऋषियों और देवताओं को प्रणाम कर, निर्मल सूर्य को पुनः उदित कर, जगत् को यथावत् कर दिया।

श्लोक 32 (skanda.5.327.32)

क्रियाप्रवर्तिताः सर्वे देवगन्धर्वमानुषाः । हृष्टतुष्टा गताः सर्वे स्वमाश्रमपदं महत् ॥ ३२ ॥

kriyāpravartitāḥ sarve devagandharvamānuṣāḥ | hṛṣṭatuṣṭā gatāḥ sarve svamāśramapadaṁ mahat || 32 ||

सम्पूर्ण कर्मकाण्ड पुनः प्रचलित हो उठे; और समस्त देवता, गन्धर्व तथा मनुष्यगण प्रसन्न एवं सन्तुष्ट होकर अपने-अपने महान् आश्रम-स्थान को चले गए।

श्लोक 33 (skanda.5.327.33)

पतिव्रता स्वभर्त्रा सा मासमेवाश्रमे स्थिता । माण्डव्येनाप्यनुज्ञाता ययौ नत्वा स्वमाश्रमम् ॥ ३३ ॥

pativratā svabhartrā sā māsamevāśrame sthitā | māṇḍavyenāpyanujñātā yayau natvā svamāśramam || 33 ||

वह पतिव्रता शाण्डिली अपने पति के साथ एक महीने तक उसी आश्रम में रही; तत्पश्चात् माण्डव्य से भी अनुमति प्राप्त कर, प्रणाम करके अपने आश्रम को चली गई।

श्लोक 34 (skanda.5.327.34)

गतेषु तेषु सर्वेषु स्थापयामास चाच्युतम् । माण्डव्येश्वरनामानं नारायण इति स्मृतम् ॥ ३४ ॥

gateṣu teṣu sarveṣu sthāpayāmāsa cācyutam | māṇḍavyeśvaranāmānaṁ nārāyaṇa iti smṛtam || 34 ||

उन सबके चले जाने पर, माण्डव्य ने अच्युत (शिवलिंग) की स्थापना की, जो माण्डवेश्वर नाम से तथा नारायण नाम से स्मरण किया जाता है।

श्लोक 35 (skanda.5.327.35)

दिव्यं वर्षसहस्रं तु पूजयामास भारत । गतोऽसावृषिसङ्घैश्च सहितोऽमरपर्वतम् ॥ ३५ ॥

divyaṁ varṣasahasraṁ tu pūjayāmāsa bhārata | gato'sāvṛṣisaṅghaiśca sahito'maraparvatam || 35 ||

हे भारत! एक सहस्र दिव्य वर्षों तक उसने वहाँ पूजा की; तत्पश्चात् वह ऋषिसंघों सहित देवपर्वत (अमरपर्वत) को चला गया।

श्लोक 36 (skanda.5.327.36)

तपस्तपन्तौ तौ तत्र ह्यद्यापि किल भारत । भ्रातरौ संयतात्मानौ ध्यायतः परमं पदम् ॥ ३६ ॥

tapastapantau tau tatra hyadyāpi kila bhārata | bhrātarau saṁyatātmānau dhyāyataḥ paramaṁ padam || 36 ||

हे भारत! वे दोनों संयतचित्त भ्राता आज भी वहीं तपस्या करते हुए परम पद का ध्यान करते रहते हैं, ऐसा कहा जाता है।

श्लोक 37 (skanda.5.327.37)

तत्र तीर्थे तु यः स्नात्वा तर्पयेत्पितृदेवताः । पितरस्तस्य तृप्यन्ति पिण्डदानाद्दशाब्दिकम् ॥ ३७ ॥

tatra tīrthe tu yaḥ snātvā tarpayetpitṛdevatāḥ | pitarastasya tṛpyanti piṇḍadānāddaśābdikam || 37 ||

जो व्यक्ति उस तीर्थ में स्नान कर पितृदेवताओं को तर्पण करता है, उसके पितर दस वर्षों तक के पिण्डदान के समान तृप्त हो जाते हैं।

श्लोक 38 (skanda.5.327.38)

देवगृहे तु पक्षादौ यः करोति विलेपनम् । गोदानशतसाहस्रे दत्ते भवति यत्फलम् ॥ ३८ ॥

devagṛhe tu pakṣādau yaḥ karoti vilepanam | godānaśatasāhasre datte bhavati yatphalam || 38 ||

जो व्यक्ति पक्ष के प्रारम्भ में देवमन्दिर में लेप (पुताई) करता है, उसे लाख गौओं के दान के बराबर फल प्राप्त होता है।

श्लोक 39 (skanda.5.327.39)

उपलेपनेन द्विगुणमर्चने तु चतुर्गुणम् । दीपप्रज्वलने पुण्यमष्टधा परिकीर्तितम् ॥ ३९ ॥

upalepanena dviguṇamarcane tu caturguṇam | dīpaprajvalane puṇyamaṣṭadhā parikīrtitam || 39 ||

भूमि-लेपन से यह पुण्य दुगुना हो जाता है, पूजा-अर्चना से चौगुना, और दीप जलाने से यह पुण्य आठगुना कहा गया है।

श्लोक 40 (skanda.5.327.40)

दिव्यनेत्रधरो भूत्वा त्रैलोक्ये सचराचरे । दध्ना मधुघृतैर्देवं पयसा नर्मदोदकैः ॥ ४० ॥

divyanetradharo bhūtvā trailokye sacarācare | dadhnā madhughṛtairdevaṁ payasā narmadodakaiḥ || 40 ||

ऐसा उपासक चराचर सहित त्रिलोक में दिव्यदृष्टि से सम्पन्न हो जाता है। जो दही, मधु, घृत, दूध और नर्मदाजल से देव का अभिषेक करते हैं -

श्लोक 41 (skanda.5.327.41)

स्नपनं ये प्रकुर्वन्ति पुष्पमालाविलेपनैः । येऽर्चयन्ति विरूपाक्षं देवं नारायणं हरिम् ॥ ४१ ॥

snapanaṁ ye prakurvanti puṣpamālāvilepanaiḥ | ye'rcayanti virūpākṣaṁ devaṁ nārāyaṇaṁ harim || 41 ||

- तथा पुष्पमाला और चन्दन-विलेपन से जो स्नपन-कार्य करते हैं, जो विरूपाक्ष देव तथा नारायण हरि की पूजा करते हैं,

श्लोक 42 (skanda.5.327.42)

तेऽपि दिव्यविमानेन क्रीडन्ते कल्पसंख्यया । दीपाष्टकं तु यः कुर्यादष्टमीं च चतुर्दशीम् ॥ ४२ ॥

te'pi divyavimānena krīḍante kalpasaṅkhyayā | dīpāṣṭakaṁ tu yaḥ kuryādaṣṭamīṁ ca caturdaśīm || 42 ||

- वे भी दिव्य विमान में कल्पपर्यन्त क्रीड़ा करते हैं। जो अष्टमी और चतुर्दशी के दिन अष्ट दीप जलाता है,

श्लोक 43 (skanda.5.327.43)

एकादश्यां तु कृष्णस्य न पश्यन्ति यमं तु ते । फलैर्नानाविधैः शुभ्रैर्यः कुर्याल्लिङ्गपूरणम् ॥ ४३ ॥

ekādaśyāṁ tu kṛṣṇasya na paśyanti yamaṁ tu te | phalairnānāvidhaiḥ śubhrairyaḥ kuryāllliṅgapūraṇam || 43 ||

और कृष्ण पक्ष की एकादशी को [व्रत करता है], वह यमराज का दर्शन नहीं करता। जो नाना प्रकार के शुभ्र फलों से लिंग को आच्छादित करता है,

श्लोक 44 (skanda.5.327.44)

तेऽपि यान्ति विमानेन सिद्धचारणसेविताः । घण्टा चैव पताका च विमाने पुष्पमालिका ॥ ४४ ॥

te'pi yānti vimānena siddhacāraṇasevitāḥ | ghaṇṭā caiva patākā ca vimāne puṣpamālikā || 44 ||

वह भी सिद्ध और चारणों द्वारा सेवित विमान में यात्रा करता है, जिस विमान में घण्टे, पताकाएँ और पुष्पमालाएँ सुशोभित रहती हैं।

श्लोक 45 (skanda.5.327.45)

वादित्राणि यथार्हाणि प्रान्ते च गच्छते शिवम् । देवालयं तु यः कुर्याद्वैष्णवं माण्डवेश्वरम् ॥ ४५ ॥

vāditrāṇi yathārhāṇi prānte ca gacchate śivam | devālayaṁ tu yaḥ kuryādvaiṣṇavaṁ māṇḍaveśvaram || 45 ||

उचित वाद्यों के साथ अन्त में वह शिवधाम को प्राप्त होता है। जो वैष्णव देवालय अथवा माण्डवेश्वर का देवालय बनवाता है,

श्लोक 46 (skanda.5.327.46)

स्वर्गे वसति धर्मात्मा यावदाभूतसम्प्लवम् । माण्डव्यनारायणाख्ये विप्रान् भोजयतेऽग्रतः ॥ ४६ ॥

svarge vasati dharmātmā yāvadābhūtasamplavam | māṇḍavyanārāyaṇākhye viprān bhojayate'grataḥ || 46 ||

- वह धर्मात्मा प्रलयकाल तक स्वर्ग में निवास करता है। जो माण्डव्य-नारायण के समक्ष ब्राह्मणों को भोजन कराता है,

श्लोक 47 (skanda.5.327.47)

एकस्मिन् भोजिते विप्रे कोटिर्भवति भोजिता । आश्विने मासि सम्प्राप्ते शुक्लपक्षे चतुर्दशीम् ॥ ४७ ॥

ekasmin bhojite vipre koṭirbhavati bhojitā | āśvine māsi samprāpte śuklapakṣe caturdaśīm || 47 ||

- एक ब्राह्मण को भोजन कराने पर करोड़ ब्राह्मणों को भोजन कराने के समान फल मिलता है। आश्विन मास में शुक्लपक्ष की चतुर्दशी आने पर -

श्लोक 48 (skanda.5.327.48)

कृतोपवासनियमो रात्रौ जागरणेन च । दीपमालां चतुर्दिक्षु पूजां कृत्वा तु शक्तितः ॥ ४८ ॥

kṛtopavāsaniyamo rātrau jāgaraṇena ca | dīpamālāṁ caturdikṣu pūjāṁ kṛtvā tu śaktitaḥ || 48 ||

- उपवास का नियम धारण करके तथा रात्रि में जागरण करते हुए, चारों दिशाओं में दीपमाला सजाकर तथा यथाशक्ति पूजा करके,

श्लोक 49 (skanda.5.327.49)

नारी वा पुरुषो वापि नृत्यगीतप्रवादनैः । प्रभाते विमले सूर्ये स्नानादिकविधिं नृप ॥ ४९ ॥

nārī vā puruṣo vāpi nṛtyagītapravādanaiḥ | prabhāte vimale sūrye snānādikavidhiṁ nṛpa || 49 ||

- स्त्री हो या पुरुष, नृत्य-गीत-वादन के साथ - हे राजन्! प्रातःकाल निर्मल सूर्योदय होने पर स्नानादि विधि -

श्लोक 50 (skanda.5.327.50)

अभिनिर्वर्त्य मौनेन पश्यते देवमीदृशम् । सर्वपापविनिर्मुक्तो रुद्रलोके महीयते ॥ ५० ॥

abhinirvartya maunena paśyate devamīdṛśam | sarvapāpavinirmukto rudraloke mahīyate || 50 ||

- सम्पन्न करके मौनपूर्वक इस देव का दर्शन करता है, वह समस्त पापों से मुक्त होकर रुद्रलोक में महिमामण्डित होता है।

श्लोक 51 (skanda.5.327.51)

अथवा मार्गशीर्षे च चैत्रवैशाखयोरपि । श्रावणे वा महाराज सर्वकालेऽथवापि च ॥ ५१ ॥

athavā mārgaśīrṣe ca caitravaiśākhayorapi | śrāvaṇe vā mahārāja sarvakāle'thavāpi ca || 51 ||

अथवा मार्गशीर्ष मास में, या चैत्र-वैशाख में, अथवा श्रावण में, हे महाराज, या फिर किसी भी काल में -

श्लोक 52 (skanda.5.327.52)

शिवरात्रिसमं पुण्यमित्येवं शिवभाषितम् । वाजपेयाश्वमेधाभ्यां फलं भवति नान्यथा ॥ ५२ ॥

śivarātrisamaṁ puṇyamityevaṁ śivabhāṣitam | vājapeyāśvamedhābhyāṁ phalaṁ bhavati nānyathā || 52 ||

- इसका पुण्य शिवरात्रि के समान ही होता है, ऐसा स्वयं शिव ने कहा है। इसका फल वाजपेय और अश्वमेध यज्ञों के फल के समान ही होता है, अन्यथा नहीं।

श्लोक 53 (skanda.5.327.53)

दुर्भगा दुःखिता वन्ध्या दरिद्रा च मृतप्रजा । स्नाति रुद्रघटैर्या स्त्री सर्वान्कामानवाप्नुयात् ॥ ५३ ॥

durbhagā duḥkhitā vandhyā daridrā ca mṛtaprajā | snāti rudraghaṭairyā strī sarvānkāmānavāpnuyāt || 53 ||

अभागिनी, दुःखिनी, बाँझ, दरिद्र अथवा जिसकी संतान मर चुकी हो, ऐसी स्त्री यदि रुद्र-घटों के जल से स्नान करे, तो वह अपनी समस्त कामनाओं को प्राप्त कर लेती है।

श्लोक 54 (skanda.5.327.54)

कृमिकीटपतङ्गाश्च तस्मिंस्तीर्थे तु ये मृताः । स्वर्गं प्रयान्ति ते सर्वे दिव्यरूपधरा नृप ॥ ५४ ॥

kṛmikīṭapataṅgāśca tasmiṁstīrthe tu ye mṛtāḥ | svargaṁ prayānti te sarve divyarūpadharā nṛpa || 54 ||

हे राजन्! उस तीर्थ में मरने वाले कीड़े-मकोड़े और पतंगे भी सभी दिव्य रूप धारण कर स्वर्ग को प्राप्त होते हैं।

श्लोक 55 (skanda.5.327.55)

अनाशके जलेऽग्नौ तु ये मृता व्याधिपीडिताः । अनिवर्तिका गतिस्तेषां रुद्रलोके ह्यसंशयम् ॥ ५५ ॥

anāśake jale'gnau tu ye mṛtā vyādhipīḍitāḥ | anivartikā gatisteṣāṁ rudraloke hyasaṁśayam || 55 ||

जो अनशन से, जल में, अग्नि में अथवा रोगपीड़ित होकर वहाँ मरते हैं, उनकी गति निश्चय ही अनिवर्तनीय होकर रुद्रलोक में होती है।

श्लोक 56 (skanda.5.327.56)

नित्यं नमति यो राज शिवनारायणावुभौ । गोदानफलमाप्नोति तस्य तीर्थप्रभावतः ॥ ५६ ॥

nityaṁ namati yo rāja śivanārāyaṇāvubhau | godānaphalamāpnoti tasya tīrthaprabhāvataḥ || 56 ||

हे राजन्! जो नित्य दोनों - शिव और नारायण - को प्रणाम करता है, उसे इस तीर्थ के प्रभाव से गोदान का फल प्राप्त होता है।

श्लोक 57 (skanda.5.327.57)

देवालये तु राजेन्द्र यश्च कुर्यात्प्रदक्षिणाम् । प्रदक्षिणीकृता तेन ससागरधरा धरा ॥ ५७ ॥

devālaye tu rājendra yaśca kuryātpradakṣiṇām | pradakṣiṇīkṛtā tena sasāgaradharā dharā || 57 ||

हे राजेन्द्र! जो व्यक्ति यहाँ देवालय की प्रदक्षिणा करता है, उसने मानो सागर और पर्वतों सहित सम्पूर्ण पृथ्वी की ही प्रदक्षिणा कर ली है।

श्लोक 58 (skanda.5.327.58)

सार्द्धं शतं च तीर्थानि मल्लिकाभवनाद्बहिः । तस्य तीर्थप्रमाणं तु विस्तरं राजसत्तम ॥ ५८ ॥

sārddhaṁ śataṁ ca tīrthāni mallikābhavanādbahiḥ | tasya tīrthapramāṇaṁ tu vistaraṁ rājasattama || 58 ||

मल्लिका-भवन के बाहर डेढ़ सौ तीर्थ स्थित हैं। हे राजसत्तम! इस तीर्थ के विस्तार का प्रमाण -

श्लोक 59 (skanda.5.327.59)

सूत्रेण वेष्टयेत्क्षेत्रमथवा शिवमन्दिरम् । अथवा शिवलिङ्गं च तस्य पुण्यफलं शृणु ॥ ५९ ॥

sūtreṇa veṣṭayetkṣetramathavā śivamandiram | athavā śivaliṅgaṁ ca tasya puṇyaphalaṁ śṛṇu || 59 ||

- [अथवा] जो कोई सूत्र से इस क्षेत्र को, या शिवमन्दिर को, अथवा शिवलिंग को लपेट देता है, उसका पुण्यफल सुनो।

श्लोक 60 (skanda.5.327.60)

जम्बूद्वीपश्च कृतस्नश्च शाल्मली कुशक्रौञ्चकौ । शाकपुष्करगोमेदैः सप्तद्वीपा वसुंधरा ॥ ६० ॥

jambūdvīpaśca kṛtasnaśca śālmalī kuśakrauñcakau | śākapuṣkaragomedaiḥ saptadvīpā vasuṁdharā || 60 ||

जम्बूद्वीप, कृतस्न, शाल्मलीद्वीप, कुश और क्रौञ्च द्वीप, तथा शाक, पुष्कर और गोमेद द्वीप सहित सप्तद्वीपा पृथ्वी -

श्लोक 61 (skanda.5.327.61)

भूषिता तेन राजेन्द्र सशैलवनकानना । रेवायां दक्षिणे भागे शिवक्षेत्रात्समीपतः ॥ ६१ ॥

bhūṣitā tena rājendra saśailavanakānanā | revāyāṁ dakṣiṇe bhāge śivakṣetrātsamīpataḥ || 61 ||

- हे राजेन्द्र! पर्वत, वन और कानन सहित वह समस्त पृथ्वी सुशोभित हो जाती है। रेवा के दक्षिण भाग में, इस शिवक्षेत्र के समीप ही -

श्लोक 62 (skanda.5.327.62)

देवखातं महापुण्यं निर्मितं त्रिदशैरपि । तस्मिन् यः कुरुते स्नानं मुच्यते सर्वपातकैः ॥ ६२ ॥

devakhātaṁ mahāpuṇyaṁ nirmitaṁ tridaśairapi | tasmin yaḥ kurute snānaṁ mucyate sarvapātakaiḥ || 62 ||

- देवताओं द्वारा ही निर्मित परम पुण्य 'देवखात' (देवकुण्ड) स्थित है। जो कोई उसमें स्नान करता है, वह समस्त पापों से मुक्त हो जाता है।

श्लोक 63 (skanda.5.327.63)

पूर्णिमायाममावस्यां व्यतीपातेऽर्कसंक्रमे । श्राद्धं च संग्रहे कुर्यात्स गच्छेत्परमां गतिम् ॥ ६३ ॥

pūrṇimāyāmamāvasyāṁ vyatīpāte'rkasaṅkrame | śrāddhaṁ ca saṅgrahe kuryātsa gacchetparamāṁ gatim || 63 ||

पूर्णिमा को, अमावस्या को, व्यतीपात योग में अथवा सूर्य-संक्रान्ति के समय जो वहाँ सावधानी से श्राद्ध करता है, वह परम गति को प्राप्त होता है।

श्लोक 64 (skanda.5.327.64)

देवखाते त्रयो देवा ब्रह्मविष्णुमहेश्वराः । तिष्ठन्ति ऋषिभिः सार्द्धं पितृदेवगणैः सह ॥ ६४ ॥

devakhāte trayo devā brahmaviṣṇumaheśvarāḥ | tiṣṭhanti ṛṣibhiḥ sārddhaṁ pitṛdevagaṇaiḥ saha || 64 ||

देवखात में ब्रह्मा, विष्णु और महेश्वर - ये तीनों देवता ऋषियों तथा पितृदेवगणों सहित निवास करते हैं।

श्लोक 65 (skanda.5.327.65)

तत्र तीर्थेऽश्विने मासि चतुर्दश्यां विशेषतः । वायुमार्गे स्थितः शक्रस्तिष्ठते दैवतैः सह ॥ ६५ ॥

tatra tīrthe'śvine māsi caturdaśyāṁ viśeṣataḥ | vāyumārge sthitaḥ śakrastiṣṭhate daivataiḥ saha || 65 ||

उस तीर्थ में विशेषतः आश्विन मास की चतुर्दशी को इन्द्र देवताओं सहित आकाशमार्ग में स्थित रहते हैं।

श्लोक 66 (skanda.5.327.66)

पृथिव्यां यानि तीर्थानि सरितः सागरास्तथा । विंशति तानि सर्वाणि देवखाते दिनद्वयम् ॥ ६६ ॥

pṛthivyāṁ yāni tīrthāni saritaḥ sāgarāstathā | viṁśati tāni sarvāṇi devakhāte dinadvayam || 66 ||

पृथ्वी पर जितने भी तीर्थ, नदियाँ और सागर हैं, वे सभी दो दिनों तक देवखात में आकर उपस्थित हो जाते हैं।

श्लोक 67 (skanda.5.327.67)

गयाशिरे च यत्पुण्यं प्रयागे मकरकण्टके । प्रयागे सोमतीर्थे च तत्पुण्यं माण्डवेश्वरे ॥ ६७ ॥

gayāśire ca yatpuṇyaṁ prayāge makarakaṇṭake | prayāge somatīrthe ca tatpuṇyaṁ māṇḍaveśvare || 67 ||

गयाशिर में, प्रयाग के मकरकण्टक तीर्थ में तथा प्रयाग के सोमतीर्थ में जो पुण्य है, वही पुण्य माण्डवेश्वर में भी प्राप्त होता है।

श्लोक 68 (skanda.5.327.68)

पट्टबन्धेन यत्पुण्यं मात्रायां लकुलेश्वरे । आश्विन्यामश्विनीयोगे तत्पुण्यं माण्डवेश्वरे ॥ ६८ ॥

paṭṭabandhena yatpuṇyaṁ mātrāyāṁ lakuleśvare | āśvinyāmaśvinīyoge tatpuṇyaṁ māṇḍaveśvare || 68 ||

मथुरा में लकुलेश्वर में पट्टबन्ध के द्वारा जो पुण्य प्राप्त होता है, वही पुण्य आश्विन मास में अश्विनी-योग के समय माण्डवेश्वर में प्राप्त होता है।

श्लोक 69 (skanda.5.327.69)

उज्जयिन्यां महाकाले वाराणस्यां त्रिपुष्करे । संनिहत्यां रविग्रस्ते माण्डव्याख्ये सनातनम् ॥ ६९ ॥

ujjayinyāṁ mahākāle vārāṇasyāṁ tripuṣkare | sannihatyāṁ ravigraste māṇḍavyākhye sanātanam || 69 ||

उज्जयिनी के महाकाल में, वाराणसी में, त्रिपुष्कर में तथा सूर्यग्रहण के समय सन्निहत्य तीर्थ में जो पुण्य प्राप्त होता है, वही सनातन पुण्य माण्डव्य नामक तीर्थ में भी प्राप्त होता है।

श्लोक 70 (skanda.5.327.70)

इति ज्ञात्वा महाराज सर्वतीर्थेषु चोत्तमम् । पित्ॄन्देवान् समभ्यर्च्य स्नानदानादिपूजनैः ॥ ७० ॥

iti jñātvā mahārāja sarvatīrtheṣu cottamam | pitṝndevān samabhyarcya snānadānādipūjanaiḥ || 70 ||

हे महाराज! यह जानकर कि यह समस्त तीर्थों में उत्तम है, स्नान-दान आदि पूजनों से पितरों और देवताओं का सम्यक् पूजन करके,

श्लोक 71 (skanda.5.327.71)

चतुर्दश्यां निराहारः स्थितो भूत्वा शुचिव्रतः । पूजयेत्परया भक्त्या रात्रौ जागरणे शिवम् ॥ ७१ ॥

caturdaśyāṁ nirāhāraḥ sthito bhūtvā śucivrataḥ | pūjayetparayā bhaktyā rātrau jāgaraṇe śivam || 71 ||

चतुर्दशी को निराहार रहकर, पवित्रता का व्रत धारण करके, रात्रि-जागरण में परम भक्ति से शिव की पूजा करनी चाहिए,

श्लोक 72 (skanda.5.327.72)

स्नानैश्च विविधैर्देवं पुष्पागरुविलेपनैः । प्रभाते पौर्णमास्यां तु स्नानादिविधितर्पणैः ॥ ७२ ॥

snānaiśca vividhairdevaṁ puṣpāgaruvilepanaiḥ | prabhāte paurṇamāsyāṁ tu snānādividhitarpaṇaiḥ || 72 ||

- विविध स्नानों से, पुष्प तथा अगरु-विलेपन से देव का पूजन करके, और पूर्णिमा के प्रातःकाल विधिपूर्वक स्नानादि तथा तर्पण से,

श्लोक 73 (skanda.5.327.73)

श्राद्धेन हव्यकव्येन शिवपूजार्चनेन च । अग्निष्टोमादियज्ञैश्च विधिवच्चाप्तदक्षिणैः ॥ ७३ ॥

śrāddhena havyakavyena śivapūjārcanena ca | agniṣṭomādiyajñaiśca vidhivaccāptadakṣiṇaiḥ || 73 ||

- श्राद्ध से, हव्य-कव्य अर्पण से तथा शिवपूजा-अर्चना से, और विधिपूर्वक समुचित दक्षिणा सहित अग्निष्टोम आदि यज्ञों से -

श्लोक 74 (skanda.5.327.74)

धौतपापो विशुद्धात्मा फलते फलमुत्तमम् । गोसहस्रप्रदानेन दत्तं भवति भारत ॥ ७४ ॥

dhautapāpo viśuddhātmā phalate phalamuttamam | gosahasrapradānena dattaṁ bhavati bhārata || 74 ||

- पाप धुल जाते हैं, आत्मा विशुद्ध हो जाती है और उत्तम फल की प्राप्ति होती है। हे भारत! यह फल सहस्र गौओं के दान के बराबर हो जाता है।

श्लोक 75 (skanda.5.327.75)

स्नानाद्यैर्विधिवत्तत्र तद्दिने शिवसन्निधौ । हिरण्यं वृषभं धेनुं भूमिं गोमिथुनं हयम् ॥ ७५ ॥

snānādyairvidhivattatra taddine śivasannidhau | hiraṇyaṁ vṛṣabhaṁ dhenuṁ bhūmiṁ gomithunaṁ hayam || 75 ||

उस दिन शिव के समीप स्नानादि विधिपूर्वक सम्पन्न करके, स्वर्ण, वृषभ, गाय, भूमि, गोमिथुन (बैल-गाय जोड़ी), अश्व,

श्लोक 76 (skanda.5.327.76)

शिवमुद्दिश्य वै वस्त्रयुग्मे दद्यात्सुरूपिणे । पादुकोपानहौ छत्रं भाजनं रक्तवाससी ॥ ७६ ॥

śivamuddiśya vai vastrayugme dadyātsurūpiṇe | pādukopānahau chatraṁ bhājanaṁ raktavāsasī || 76 ||

- शिव को उद्देश्य बनाकर तथा सुरूपवान् ब्राह्मण को वस्त्रयुगल, पादुका-उपानह, छत्र, पात्र तथा रक्तवस्त्र-युगल का दान करना चाहिए।

श्लोक 77 (skanda.5.327.77)

होमं जाप्यं तथा दानमक्षयं सर्वमेव तत् । ऋचमेकां तु ऋग्वेदे यजुर्वेदे यजुस्तथा ॥ ७७ ॥

homaṁ jāpyaṁ tathā dānamakṣayaṁ sarvameva tat | ṛcamekāṁ tu ṛgvede yajurvede yajustathā || 77 ||

वहाँ किया गया होम, जप तथा दान - सब कुछ अक्षय हो जाता है। यदि कोई ऋग्वेद की एक ऋचा, अथवा यजुर्वेद का एक यजुः,

श्लोक 78 (skanda.5.327.78)

सामैकं सामवेदे तु जपेद्देवाग्रसंस्थितः । सम्यग्वेदफलं तस्य भवेद्वै नात्र संशयः ॥ ७८ ॥

sāmaikaṁ sāmavede tu japeddevāgrasaṁsthitaḥ | samyagvedaphalaṁ tasya bhavedvai nātra saṁśayaḥ || 78 ||

अथवा सामवेद का एक साम मन्त्र देव के समक्ष खड़े होकर जपे, तो उसे सम्पूर्ण वेद के जप का फल प्राप्त होता है - इसमें कोई सन्देह नहीं।

श्लोक 79 (skanda.5.327.79)

गायत्रीजाप्यमात्रस्तु वेदत्रयफलं लभेत् । कुलकोटिशतं साग्रं लभते तु शिवार्चनात् ॥ ७९ ॥

gāyatrījāpyamātrastu vedatrayaphalaṁ labhet | kulakoṭiśataṁ sāgraṁ labhate tu śivārcanāt || 79 ||

केवल गायत्री-जप मात्र से त्रिवेद-जप का फल प्राप्त होता है। शिवार्चन से मनुष्य अपने सौ करोड़ से भी अधिक कुल को तार देता है।

श्लोक 80 (skanda.5.327.80)

स्नाने दाने तथा श्राद्धे जागरे गीतवादिते । अनिवर्तिका गतिस्तस्य शिवलोकात्कदाचन ॥ ८० ॥

snāne dāne tathā śrāddhe jāgare gītavādite | anivartikā gatistasya śivalokātkadācana || 80 ||

वहाँ किए गए स्नान, दान, श्राद्ध, जागरण, गीत-वादन से - उसकी गति शिवलोक से कभी लौटने वाली नहीं होती।

श्लोक 81 (skanda.5.327.81)

कालेन महताविष्टो मर्त्यलोके समाविशेत् । राजा भवति मेधावी सर्वव्याधिविवर्जितः ॥ ८१ ॥

kālena mahatāviṣṭo martyaloke samāviśet | rājā bhavati medhāvī sarvavyādhivivarjitaḥ || 81 ||

अत्यन्त दीर्घकाल के पश्चात् यदि वह पुनः मर्त्यलोक में जन्म ले, तो वह मेधावी राजा बनता है, समस्त व्याधियों से रहित।

श्लोक 82 (skanda.5.327.82)

जीवेद्वर्षशतं साग्रं पुत्रपौत्रधनान्वितः । तच्च तीर्थं पुनः स्मृत्वा लीयमानो महेश्वरे ॥ ८२ ॥

jīvedvarṣaśataṁ sāgraṁ putrapautradhanānvitaḥ | tacca tīrthaṁ punaḥ smṛtvā līyamāno maheśvare || 82 ||

वह पूरे सौ वर्षों से अधिक तक पुत्र-पौत्र और धन से सम्पन्न होकर जीवित रहता है; और अन्त में उस तीर्थ का पुनः स्मरण करते हुए महेश्वर में लीन हो जाता है।

श्लोक 83 (skanda.5.327.83)

उपास्ते यस्तु वै सन्ध्यां तस्मिंस्तीर्थे च पर्वणि । साङ्गोपाङ्गैश्चतुर्वेदैर्लभते फलमुत्तमम् ॥ ८३ ॥

upāste yastu vai sandhyāṁ tasmiṁstīrthe ca parvaṇi | sāṅgopāṅgaiścaturvedairlabhate phalamuttamam || 83 ||

जो उस तीर्थ में पर्व के दिन संध्योपासना करता है, उसे साङ्ग-उपाङ्ग चारों वेदों के अध्ययन के समान उत्तम फल प्राप्त होता है।

श्लोक 84 (skanda.5.327.84)

तत्र सर्वं शिवक्षेत्राच्छरपातं समन्ततः । न संचरेद्भयोद्विग्ना ब्रह्महत्या नराधिप ॥ ८४ ॥

tatra sarvaṁ śivakṣetrācchara pātaṁ samantataḥ | na saṁcaredbhayodvignā brahmahatyā narādhipa || 84 ||

हे नराधिप! उस शिवक्षेत्र से सब ओर एक बाण की दूरी तक ब्रह्महत्या का पाप भी भयभीत होकर प्रवेश नहीं कर सकता।

श्लोक 85 (skanda.5.327.85)

यत्र तत्र स्थितो वृक्षान् पश्यते तीर्थतत्परः । विविधैः पातकैर्मुक्तो मुच्यते नात्र संशयः ॥ ८५ ॥

yatra tatra sthito vṛkṣān paśyate tīrthatatparaḥ | vividhaiḥ pātakairmukto mucyate nātra saṁśayaḥ || 85 ||

तीर्थ में तत्पर व्यक्ति जहाँ कहीं भी खड़ा होकर वहाँ के वृक्षों को देख ले, वह विविध पापों से मुक्त हो जाता है - इसमें कोई सन्देह नहीं।

श्लोक 86 (skanda.5.327.86)

श्वभ्री तत्र महाराज जलमध्ये प्रदृश्यते । कथानिका पुराणोक्ता वानरी तीर्थसेवनात् ॥ ८६ ॥

śvabhrī tatra mahārāja jalamadhye pradṛśyate | kathānikā purāṇoktā vānarī tīrthasevanāt || 86 ||

हे महाराज! वहाँ जल के मध्य एक असाधारण दृश्य दिखाई देता है - पुराण में एक वानरी की कथा वर्णित है, जो इस तीर्थ की सेवा से [मुक्त हुई]।

श्लोक 87 (skanda.5.327.87)

तत्र कूपो महाराज तिष्ठते देवनिर्मितः । शिवस्य पश्चिमे भागे शिवक्षेत्रमनुत्तमम् ॥ ८७ ॥

tatra kūpo mahārāja tiṣṭhate devanirmitaḥ | śivasya paścime bhāge śivakṣetramanuttamam || 87 ||

हे महाराज! वहाँ शिव के पश्चिम भाग में देवताओं द्वारा निर्मित एक कूप स्थित है - यह शिवक्षेत्र सर्वोत्तम है।

श्लोक 88 (skanda.5.327.88)

वृषोत्सर्गं तु यः कुर्यात्तस्मिंस्तीर्थे नराधिप । क्रीडन्ति पितरस्तस्य स्वर्गलोके यदृच्छया ॥ ८८ ॥

vṛṣotsargaṁ tu yaḥ kuryāttasmiṁstīrthe narādhipa | krīḍanti pitarastasya svargaloke yadṛcchayā || 88 ||

हे नराधिप! जो उस तीर्थ में वृषोत्सर्ग करता है, उसके पितर स्वर्गलोक में स्वच्छन्द विहार करते हैं।

श्लोक 89 (skanda.5.327.89)

अगम्यागमने पापमयाज्ययाजने कृते । स्तेयाच्च ब्रह्मगोहत्यागुरुघाताच्च पातकम् । तत्सर्वं नश्यते पापं वृषोत्सर्गे कृते तु वै ॥ ८९ ॥

agamyāgamane pāpamayājyayājane kṛte | steyācca brahmagohatyāgurughātācca pātakam | tatsarvaṁ naśyate pāpaṁ vṛṣotsarge kṛte tu vai || 89 ||

अगम्यागमन का पाप, अयाज्ययाजन का पाप, चोरी का पाप, ब्रह्महत्या-गोहत्या का पाप तथा गुरुघात का पाप - वह सब पाप वृषोत्सर्ग करने पर नष्ट हो जाता है।

श्लोक 90 (skanda.5.327.90)

माण्डव्यतीर्थमाहात्म्यं यः शृणोति समाधिना । मुच्यते सर्वपापेभ्यो नात्र कार्या विचारणा ॥ ९० ॥

māṇḍavyatīrthamāhātmyaṁ yaḥ śṛṇoti samādhinā | mucyate sarvapāpebhyo nātra kāryā vicāraṇā || 90 ||

जो कोई इस माण्डव्य-तीर्थ-माहात्म्य को एकाग्रचित्त होकर सुनता है, वह समस्त पापों से मुक्त हो जाता है - इसमें कोई विचार करने योग्य बात नहीं है।