आश्विन तीर्थ की महिमा

श्लोक 1 (skanda.5.354.1)

श्रीमार्कण्डेय उवाच। तस्यैवानन्तरं राजन्नाश्विनं तीर्थमुत्तमम्। कामिकं सर्वतीर्थानां प्राणिनां सिद्धिदायकम्

śrīmārkaṇḍeya uvāca| tasyaivānantaraṁ rājannāśvinaṁ tīrthamuttamam| kāmikaṁ sarvatīrthānāṁ prāṇināṁ siddhidāyakam

श्री मार्कण्डेय ने कहा — हे राजन्! उसके ठीक बाद वह उत्तम आश्विन तीर्थ है, जो समस्त तीर्थों में कामनाओं को पूर्ण करने वाला तथा प्राणियों को सिद्धि प्रदान करने वाला है।

श्लोक 2 (skanda.5.354.2)

तत्र तीर्थेऽश्विनौ देवौ सुरूपौ भिषजां वरौ। तपः कृत्वा सुविपुलं संजातौ यज्ञभागिनौ

tatra tīrthe'śvinau devau surūpau bhiṣajāṁ varau| tapaḥ kṛtvā suvipulaṁ saṁjātau yajñabhāginau

उस तीर्थ में अश्विनीकुमार देव, जो सुरूप और वैद्यों में श्रेष्ठ हैं, विशाल तपस्या करके यज्ञ-भाग के अधिकारी बने।

श्लोक 3 (skanda.5.354.3)

संमतौ सर्वदेवानामादित्यतनयावुभौ। नासत्यौ सत्त्वसंपन्नौ सर्वदुःखघ्नसत्तमौ

sammatau sarvadevānāmādityatanayāvubhau| nāsatyau sattvasampannau sarvaduḥkhaghnasattamau

समस्त देवताओं द्वारा सम्मानित, आदित्य-पुत्र, नासत्य नामक दोनों देव, सत्त्वगुण-सम्पन्न तथा समस्त दुःखों के नाशक श्रेष्ठ हैं।

श्लोक 4 (skanda.5.354.4)

युधिष्ठिर उवाच। आदित्यस्य सुतौ तात नासत्यौ येन हेतुना। संजातौ श्रोतुमिच्छामि निर्णयं परमं द्विज

yudhiṣṭhira uvāca| ādityasya sutau tāta nāsatyau yena hetunā| saṁjātau śrotumicchāmi nirṇayaṁ paramaṁ dvija

युधिष्ठिर ने कहा — हे तात! सूर्य के पुत्र नासत्य किस कारण उत्पन्न हुए, यह मैं सुनना चाहता हूँ। हे द्विज! इसका परम निर्णय बताइए।

श्लोक 5 (skanda.5.354.5)

मार्कण्डेय उवाच। पुराणे भास्करे तात एतद्विस्तरतो मया। संश्रुतं देवदेवस्य मार्तण्डस्य महात्मनः

mārkaṇḍeya uvāca| purāṇe bhāskare tāta etadvistarato mayā| saṁśrutaṁ devadevasya mārtaṇḍasya mahātmanaḥ

मार्कण्डेय ने कहा — हे तात! यह मैंने भास्कर-पुराण में विस्तार से सुना था, महात्मा देवदेव मार्तण्ड के विषय में।

श्लोक 6 (skanda.5.354.6)

तत्ते संक्षेपतः सर्वं भक्तियुक्तस्य भारत। कथयामि न सन्देहो वृद्धभावेन कर्शितः

tatte saṁkṣepataḥ sarvaṁ bhaktiyuktasya bhārata| kathayāmi na sandeho vṛddhabhāvena karśitaḥ

हे भारत! भक्तियुक्त तुम्हें मैं वह सब संक्षेप में कहता हूँ, इसमें कोई संदेह नहीं, यद्यपि वृद्धावस्था से मैं क्षीण हूँ।

श्लोक 7 (skanda.5.354.7)

अतितेजोरवेर्दृष्ट्वा राज्ञी देवी नरोत्तम। चचार मेरुकान्तारे वडवा तप उल्बणम्

atitejoraverdṛṣṭvā rājñī devī narottama| cacāra merukāntāre vaḍavā tapa ulbaṇam

हे नरोत्तम! सूर्य के अत्यधिक तेज को देखकर उनकी रानी देवी घोड़ी का रूप धारण कर मेरु के वन में अत्यंत उग्र तपस्या करने लगीं।

श्लोक 8 (skanda.5.354.8)

ततः कतिपयाहस्य कालस्य भगवान्रविः। दृष्ट्वा तु रूपमुत्सृज्य परमं तेज उज्ज्वलम्

tataḥ katipayāhasya kālasya bhagavānraviḥ| dṛṣṭvā tu rūpamutsṛjya paramaṁ teja ujjvalam

फिर कुछ काल बीतने पर भगवान् सूर्य ने उसे देखकर अपने उज्ज्वल परम तेज को त्यागकर।

श्लोक 9 (skanda.5.354.9)

मनोभववशीभूतो हयो भूत्वा लघुक्रमः। विस्फुरन्ती यथाप्राणं धावमाना इतस्ततः

manobhavavaśībhūto hayo bhūtvā laghukramaḥ| visphurantī yathāprāṇaṁ dhāvamānā itastataḥ

कामवश होकर, तीव्र गति वाले घोड़े का रूप धारण कर, वे — जो प्राणपण से इधर-उधर दौड़ती हुई कंपायमान थी —

श्लोक 10 (skanda.5.354.10)

हेषमाणः स्वरेणासौ मैथुनायोपचक्रमे। सम्मुखी तु ततो देवी निवृत्ता लघुविक्रमा

heṣamāṇaḥ svareṇāsau maithunāyopacakrame| sammukhī tu tato devī nivṛttā laghuvikramā

हिनहिनाते हुए स्वर में वे मैथुन के लिए अग्रसर हुए; तब वह स्वल्प-वेगवाली देवी सम्मुख होकर पीछे हट गई।

श्लोक 11 (skanda.5.354.11)

यथा तथा नासिकायां प्रविष्टं बीजमुत्तमम्। ततो नासागते बीजे संजातो गर्भ उत्तमः

yathā tathā nāsikāyāṁ praviṣṭaṁ bījamuttamam| tato nāsāgate bīje saṁjāto garbha uttamaḥ

किसी प्रकार वह उत्तम बीज उसकी नासिका में प्रविष्ट हो गया। तब नासिका में स्थित उस बीज से एक उत्तम गर्भ उत्पन्न हुआ।

श्लोक 12 (skanda.5.354.12)

जातौ यतः सुतौ पार्थ नासत्यौ विश्रुतौ ततः। सुसमौ सुविभक्ताङ्गौ बिम्बाद्बिम्बमिवोद्यतौ

jātau yataḥ sutau pārtha nāsatyau viśrutau tataḥ| susamau suvibhaktāṅgau bimbādbimbamivodyatau

हे पार्थ! चूँकि दोनों पुत्र नासिका से जन्मे, इसलिए वे नासत्य नाम से विख्यात हुए — दोनों सुसम, सुविभक्त अंगों वाले, मानो एक ही प्रतिबिम्ब से दूसरा प्रतिबिम्ब उत्पन्न हुआ हो।

श्लोक 13 (skanda.5.354.13)

अधिकौ सर्वदेवानां रूपैश्चर्यसमन्वितौ। नर्मदातटमाश्रित्य भृगुकच्छे गतावुभौ। परां सिद्धिमनुप्राप्तौ तपः कृत्वा सुदुश्चरम्

adhikau sarvadevānāṁ rūpaiścaryasamanvitau| narmadātaṭamāśritya bhṛgukacche gatāvubhau| parāṁ siddhimanuprāptau tapaḥ kṛtvā suduścaram

वे दोनों समस्त देवताओं से अधिक सुरूप और ऐश्वर्य से सम्पन्न थे। नर्मदा के तट का आश्रय लेकर दोनों भृगुकच्छ गए, और अत्यंत दुष्कर तपस्या करके परम सिद्धि को प्राप्त हुए।

श्लोक 14 (skanda.5.354.14)

तत्र तीर्थे तु यः स्नात्वा तर्पयेत्पितृदेवताः। सुरूपः सुभगः पार्थ जायते यत्र तत्र च

tatra tīrthe tu yaḥ snātvā tarpayetpitṛdevatāḥ| surūpaḥ subhagaḥ pārtha jāyate yatra tatra ca

उस तीर्थ में जो स्नान कर पितरों और देवताओं का तर्पण करता है, हे पार्थ! वह जहाँ कहीं भी जन्म ले, सुरूप और सौभाग्यशाली होता है।