अंगारकी चतुर्थी व्रत माहात्म्य वर्णन

श्लोक 1 (skanda.5.37.1)

सनत्कुमार उवाच। भिन्नेऽन्धके त्रिशूलेन ध्वनी रुद्रस्य निर्गतः। तत्रोङ्कारः समुत्पन्नो देवदेवो महेश्वरः॥

sanatkumāra uvāca| bhinne'ndhake triśūlena dhvanī rudrasya nirgataḥ| tatroṅkāraḥ samutpanno devadevo maheśvaraḥ||

सनत्कुमार ने कहा—जब त्रिशूल से अन्धकासुर विदीर्ण हुआ, तब रुद्र से एक ध्वनि निकली; वहाँ देवों के देव महेश्वर ओंकार के रूप में प्रकट हुए।

श्लोक 2 (skanda.5.37.2)

तत्र स्नात्वा शुचिर्भूत्वा समाधिनियमेन च। दृष्ट्वोङ्कारं महादेवं मुच्यते सर्वपातकैः॥

tatra snātvā śucirbhūtvā samādhiniyamena ca| dṛṣṭvoṅkāraṁ mahādevaṁ mucyate sarvapātakaiḥ||

वहाँ स्नान करके, पवित्र होकर तथा समाधि के नियम से महादेव ओंकार का दर्शन करने वाला सभी पापों से मुक्त हो जाता है।

श्लोक 3 (skanda.5.37.3)

हत्वान्धकं त्रिशूलश्च भोगवत्या जले ययौ। दृष्ट्वा शूलं सुतेजस्कं हाटको विस्मयं गतः। पप्रच्छ केन कार्येण भवानिह समागतः॥

hatvāndhakaṁ triśūlaśca bhogavatyā jale yayau| dṛṣṭvā śūlaṁ sutejaskaṁ hāṭako vismayaṁ gataḥ| papraccha kena kāryeṇa bhavāniha samāgataḥ||

अन्धकासुर का वध करके त्रिशूल भोगवती नदी के जल में चला गया; उस तेजस्वी त्रिशूल को देखकर हाटक विस्मित हुआ और पूछने लगा—'आप किस कार्य से यहाँ पधारे हैं?'

श्लोक 4 (skanda.5.37.4)

कथयामास शूलोसौ शंकरेणाहमीरितः। अंधकस्य वधार्थाय पापवृत्तेः सुदुर्मतेः॥

kathayāmāsa śūlosau śaṁkareṇāhamīritaḥ| aṁdhakasya vadhārthāya pāpavṛtteḥ sudurmateḥ||

त्रिशूल ने कहा—'मुझे शंकर ने पापाचारी और दुर्बुद्धि अन्धकासुर के वध के लिए भेजा है।'

श्लोक 5 (skanda.5.37.5)

भित्त्वा तमहमायातो भोगवत्या जले शुभे। गमिष्यामि पुनस्तत्र यत्र तिष्ठति शंकरः॥

bhittvā tamahamāyāto bhogavatyā jale śubhe| gamiṣyāmi punastatra yatra tiṣṭhati śaṁkaraḥ||

'उसे विदीर्ण करके मैं भोगवती के शुभ जल में आया हूँ; अब पुनः वहीं जाऊँगा जहाँ शंकर विराजमान हैं।'

श्लोक 6 (skanda.5.37.6)

शूलोक्तं वचनं श्रुत्वा परमेशदिदृक्षया। हाटकः शूलमार्गेण निर्जगाम जवेन सः। बहुवक्त्रसमाकीर्णं सुप्रभं सुमनोरमम्॥

śūloktaṁ vacanaṁ śrutvā parameśadidṛkṣayā| hāṭakaḥ śūlamārgeṇa nirjagāma javena saḥ| bahuvaktrasamākīrṇaṁ suprabhaṁ sumanoramam||

त्रिशूल के वचन सुनकर परमेश्वर के दर्शन की इच्छा से हाटक वेगपूर्वक त्रिशूल के मार्ग से निकला और अनेक मुखों से सुशोभित, अत्यंत तेजस्वी एवं मनोहर स्थान पर पहुँचा।

श्लोक 7 (skanda.5.37.7)

तं दृष्ट्वा त्रिदशाः सर्वे शूलेशं हाटकेश्वरम्। प्रणम्य हृष्टरोमाणो यथा प्रोत्फुल्लपंकजम्॥

taṁ dṛṣṭvā tridaśāḥ sarve śūleśaṁ hāṭakeśvaram| praṇamya hṛṣṭaromāṇo yathā protphullapaṁkajam||

उसे शूलेश्वर हाटकेश्वर के रूप में देखकर सभी देवगण प्रफुल्लित कमल के समान रोमांचित होकर उन्हें प्रणाम करने लगे।

श्लोक 8 (skanda.5.37.8)

तुष्टुवुर्विविधैः स्तोत्रैर्ब्रह्मविष्णुपुरोगमाः। हाटकेश्वरनामासीत्पाताले यो व्यवस्थितः॥

tuṣṭuvurvividhaiḥ stotrairbrahmaviṣṇupurogamāḥ| hāṭakeśvaranāmāsītpātāle yo vyavasthitaḥ||

ब्रह्मा और विष्णु के नेतृत्व में सबने विविध स्तोत्रों से उनकी स्तुति की; इस प्रकार पाताल में स्थित वह देव हाटकेश्वर नाम से प्रसिद्ध हुआ।

श्लोक 9 (skanda.5.37.9)

निर्गतः शूलमार्गेण तेन शूलेश्वरः स्मृतः। धूतपापं च यत्तीर्थं देवदेवस्य चोत्तरे॥

nirgataḥ śūlamārgeṇa tena śūleśvaraḥ smṛtaḥ| dhūtapāpaṁ ca yattīrthaṁ devadevasya cottare||

त्रिशूल के मार्ग से निकलने के कारण वह शूलेश्वर कहलाया; और देवदेव के उत्तर में जो तीर्थ है, वह धूतपाप कहलाता है।

श्लोक 10 (skanda.5.37.10)

तत्र पापः स दैत्येंद्रो धूतः शूलेन वीर्यवान्। तेन तीर्थमिदं व्यास धूतपापं निगद्यते॥

tatra pāpaḥ sa daityeṁdro dhūtaḥ śūlena vīryavān| tena tīrthamidaṁ vyāsa dhūtapāpaṁ nigadyate||

वहाँ वह पापी, बलशाली दैत्यराज त्रिशूल द्वारा धुल गया; इसीलिए हे व्यास, यह तीर्थ धूतपाप कहलाता है।

श्लोक 11 (skanda.5.37.11)

अष्टम्यां वा पौर्णमास्यां चतुर्दश्यां शनौ तथा। उपोष्य रजनीमेकां शिवभक्तो जितेंद्रियः॥

aṣṭamyāṁ vā paurṇamāsyāṁ caturdaśyāṁ śanau tathā| upoṣya rajanīmekāṁ śivabhakto jiteṁdriyaḥ||

अष्टमी, पूर्णिमा, चतुर्दशी अथवा शनिवार को शिवभक्त जितेन्द्रिय पुरुष एक रात्रि उपवास करके,

श्लोक 12 (skanda.5.37.12)

धूतपापं तु यः पश्येद्देवदेवं महेश्वरम्। विमुक्तः सर्वपापैः स सप्तजन्मकृतैरपि॥

dhūtapāpaṁ tu yaḥ paśyeddevadevaṁ maheśvaram| vimuktaḥ sarvapāpaiḥ sa saptajanmakṛtairapi||

धूतपाप में देवदेव महेश्वर का दर्शन करने वाला सात जन्मों के किए पापों से भी मुक्त हो जाता है।

श्लोक 13 (skanda.5.37.13)

कुलानां शतमुद्धृत्य शिवलोकं च गच्छति। कृताभिषेकं यः पश्येत्पौषे मासि स वै नरः॥

kulānāṁ śatamuddhṛtya śivalokaṁ ca gacchati| kṛtābhiṣekaṁ yaḥ paśyetpauṣe māsi sa vai naraḥ||

वह अपने सौ कुलों का उद्धार करके शिवलोक को जाता है; और जो मनुष्य पौष मास में उनका किया गया अभिषेक देखता है,

श्लोक 14 (skanda.5.37.14)

शूलेश्वरप्रभावेन मुच्यते ब्रह्महत्यया। विमानानां सहस्रेण मृतो याति परं पदम्॥

śūleśvaraprabhāvena mucyate brahmahatyayā| vimānānāṁ sahasreṇa mṛto yāti paraṁ padam||

वह शूलेश्वर के प्रभाव से ब्रह्महत्या के पाप से भी मुक्त हो जाता है और मरणोपरांत सहस्र विमानों के साथ परमपद को प्राप्त करता है।

श्लोक 15 (skanda.5.37.15)

इति चांधकशूलोयं यावद्भोगवतीं गतः। तावत्समुत्थिता घोरा असुरा रुधिरोद्भवाः॥

iti cāṁdhakaśūloyaṁ yāvadbhogavatīṁ gataḥ| tāvatsamutthitā ghorā asurā rudhirodbhavāḥ||

इस प्रकार जब तक अन्धकासुर का यह त्रिशूल भोगवती में गया था, तब तक उसके रक्त से उत्पन्न भयंकर असुर उठ खड़े हुए।

श्लोक 16 (skanda.5.37.16)

खड्गहस्ता महावीर्या अनेकशतसंख्यया। चतुर्दिक्षु स्थितैर्घोरैर्हन्यमानो महेश्वरः। सिंहनादं मुमोचाथ पीडितस्तैर्दुरात्मभिः॥

khaḍgahastā mahāvīryā anekaśatasaṁkhyayā| caturdikṣu sthitairghorairhanyamāno maheśvaraḥ| siṁhanādaṁ mumocātha pīḍitastairdurātmabhiḥ||

हाथों में खड्ग लिए वे महाबली असुर सैकड़ों की संख्या में चारों ओर से घेरकर महेश्वर पर प्रहार करने लगे; उन दुरात्माओं से पीड़ित होकर महेश्वर ने सिंहनाद किया।

श्लोक 17 (skanda.5.37.17)

सिंहनादेन ते पापा मूर्छिताः पतिता भुवि। पुनः समुत्थिता जग्मुर्देवदेवं महेश्वरम्। वित्रस्ताश्च ततो देवा ब्रह्मविष्णुपुरोगमाः॥

siṁhanādena te pāpā mūrchitāḥ patitā bhuvi| punaḥ samutthitā jagmurdevadevaṁ maheśvaram| vitrastāśca tato devā brahmaviṣṇupurogamāḥ||

उस सिंहनाद से वे पापी मूर्छित होकर भूमि पर गिर पड़े; फिर उठकर देवदेव महेश्वर की ओर बढ़े, जिससे ब्रह्मा-विष्णु आदि देवगण भयभीत हो गए।

श्लोक 18 (skanda.5.37.18)

असाध्यांस्तांस्तथा मत्वा मंत्रं कृत्वा हितैषिणः। ततो देवा विचार्याथ स्त्रीं सृजाम इति स्वयम्॥

asādhyāṁstāṁstathā matvā maṁtraṁ kṛtvā hitaiṣiṇaḥ| tato devā vicāryātha strīṁ sṛjāma iti svayam||

उन्हें असाध्य जानकर हितैषी देवताओं ने परस्पर मंत्रणा की और विचार करके निश्चय किया—'हम स्वयं एक स्त्री-शक्ति की सृष्टि करें।'

श्लोक 19 (skanda.5.37.19)

इत्युक्त्वोत्पादयामास ब्रह्मा हंसासनां शुभाम्। चतुर्वक्त्रां चतुर्हस्तां ब्रह्माणीं रूपधारिणीम्॥

ityuktvotpādayāmāsa brahmā haṁsāsanāṁ śubhām| caturvaktrāṁ caturhastāṁ brahmāṇīṁ rūpadhāriṇīm||

ऐसा कहकर ब्रह्मा ने हंस पर आसीन, चार मुखों और चार भुजाओं वाली शुभ ब्रह्माणी को प्रकट किया।

श्लोक 20 (skanda.5.37.20)

कुमारश्चैव कौमारीं मयूरवरवाहनाम्। रक्तमाल्याम्बरधरां शक्तिकुक्कुटधारिणीम्॥

kumāraścaiva kaumārīṁ mayūravaravāhanām| raktamālyāmbaradharāṁ śaktikukkuṭadhāriṇīm||

कुमार ने श्रेष्ठ मयूर पर सवार, लाल माला और वस्त्र धारण किए हुए, शक्ति और मुर्गा धारण करने वाली कौमारी को प्रकट किया।

श्लोक 21 (skanda.5.37.21)

पुनः कुमारः कौमारीं पक्षींद्रवरवाहनाम्। कृष्णां करालदशनां धर्मराजस्य वाहनीम्॥

punaḥ kumāraḥ kaumārīṁ pakṣīṁdravaravāhanām| kṛṣṇāṁ karāladaśanāṁ dharmarājasya vāhanīm||

फिर श्रेष्ठ पक्षिराज पर सवार, श्याम वर्ण, विकराल दाढ़ों वाली तथा धर्मराज के वाहन पर आरूढ़ एक और शक्ति प्रकट हुई।

श्लोक 22 (skanda.5.37.22)

दैत्यदेहप्रमथनीं दंडमुद्गरधारिणीम्। ललाटलोचनां नीलां कपालकरभूषिताम्॥

daityadehapramathanīṁ daṁḍamudgaradhāriṇīm| lalāṭalocanāṁ nīlāṁ kapālakarabhūṣitām||

दैत्यों के शरीर का मंथन करने वाली, दंड और मुद्गर धारण करने वाली, ललाट पर नेत्र वाली, नीलवर्णा तथा हाथ में कपाल धारण करने वाली शक्ति प्रकट हुई।

श्लोक 23 (skanda.5.37.23)

सिंहाजिनधरां कृष्णां सर्वभूषणभूषिताम्। कर्त्रीहस्तां खड्गहस्तां खेटखट्वांगधारिणीम्। चर्मास्थिकेशवपुषं चामुण्डाममृजत्प्रभुः॥

siṁhājinadharāṁ kṛṣṇāṁ sarvabhūṣaṇabhūṣitām| kartrīhastāṁ khaḍgahastāṁ kheṭakhaṭvāṁgadhāriṇīm| carmāsthikeśavapuṣaṁ cāmuṇḍāmamṛjatprabhuḥ||

सिंहचर्म धारण किए, श्यामवर्णा, समस्त आभूषणों से भूषित, हाथ में कर्तरी, खड्ग, ढाल और खट्वांग धारण किए, चर्म-अस्थि-केश के शरीर वाली चामुण्डा को प्रभु ने रचा।

श्लोक 24 (skanda.5.37.24)

वटस्य निकटे पूर्वं निर्मिता लोकमातरः। ततो लोके सुविख्याताः प्रत्यक्षा वटमातरः॥

vaṭasya nikaṭe pūrvaṁ nirmitā lokamātaraḥ| tato loke suvikhyātāḥ pratyakṣā vaṭamātaraḥ||

ये लोकमाताएँ पहले वटवृक्ष के समीप रची गईं; तभी से लोक में वे साक्षात् वटमाता के नाम से विख्यात हुईं।

श्लोक 25 (skanda.5.37.25)

तत्र स्नात्वा शुचिर्भूत्वा मातॄः पश्यति यो नरः। स मुक्तः सर्वपापेभ्यो मातृलोके महीयते॥

tatra snātvā śucirbhūtvā mātṝḥ paśyati yo naraḥ| sa muktaḥ sarvapāpebhyo mātṛloke mahīyate||

जो मनुष्य वहाँ स्नान करके पवित्र होकर इन माताओं का दर्शन करता है, वह सब पापों से मुक्त होकर मातृलोक में पूजित होता है।

श्लोक 26 (skanda.5.37.26)

सिंहनादोऽपि देवेन कृतो यत्र महामुने। तत्र सिंहेश्वरो देवः सर्वदुष्कृतनाशनः॥

siṁhanādo'pi devena kṛto yatra mahāmune| tatra siṁheśvaro devaḥ sarvaduṣkṛtanāśanaḥ||

हे महामुने, जहाँ देव ने सिंहनाद किया था, वहाँ सिंहेश्वर देव विराजमान हैं, जो सब दुष्कृत्यों का नाश करने वाले हैं।

श्लोक 27 (skanda.5.37.27)

दर्शनात्तस्य देवस्य सिंहवत्स बली भवेत्। सिंहनादे कृते यत्र जातं कण्टकितं वपुः॥

darśanāttasya devasya siṁhavatsa balī bhavet| siṁhanāde kṛte yatra jātaṁ kaṇṭakitaṁ vapuḥ||

उस देव के दर्शन से मनुष्य सिंह के समान बलवान होता है; और जहाँ उस सिंहनाद के समय शरीर रोमांचित हो उठा,

श्लोक 28 (skanda.5.37.28)

तत्र कण्टेश्वरो देवो भक्तानां सर्वदः सदा। तत्र तीर्थे नरः स्नात्वा दृष्ट्वा कण्टेश्वरं शिवम्॥

tatra kaṇṭeśvaro devo bhaktānāṁ sarvadaḥ sadā| tatra tīrthe naraḥ snātvā dṛṣṭvā kaṇṭeśvaraṁ śivam||

वहाँ कण्टेश्वर देव सदैव भक्तों को सब कुछ प्रदान करने वाले हैं; उस तीर्थ में स्नान करके तथा शिव कण्टेश्वर का दर्शन करके,

श्लोक 29 (skanda.5.37.29)

ग्रहभूतपिशाचेभ्यो न भयं प्राप्नुयात्क्वचित्। ततस्ता मातरः सर्वा आदिष्टास्तु हरेण वै॥

grahabhūtapiśācebhyo na bhayaṁ prāpnuyātkvacit| tatastā mātaraḥ sarvā ādiṣṭāstu hareṇa vai||

मनुष्य को ग्रह, भूत, पिशाच आदि से कभी भय प्राप्त नहीं होता। तदनन्तर हर ने उन समस्त माताओं को आदेश दिया—

श्लोक 30 (skanda.5.37.30)

अन्धासुरस्य रौद्रस्य पिबध्वं रुधिरं द्रुतम्। एतस्मिन्नन्तरे व्यास प्रज्वलज्ज्वलनोपमः॥

andhāsurasya raudrasya pibadhvaṁ rudhiraṁ drutam| etasminnantare vyāsa prajvalajjvalanopamaḥ||

'भयंकर अन्धकासुर के रक्त को शीघ्र पी जाओ।' इसी बीच, हे व्यास, अग्नि के समान प्रज्वलित शंकर के पास इन्द्र पहुँचा।

श्लोक 31 (skanda.5.37.31)

अभयं शक्र मा भैस्त्वं यत्रोवाचेति शंकरः। तत्र लिंगं समुद्भूतमभयेश्वरमुत्तमम्॥

abhayaṁ śakra mā bhaistvaṁ yatrovāceti śaṁkaraḥ| tatra liṁgaṁ samudbhūtamabhayeśvaramuttamam||

जहाँ शंकर ने कहा—'हे शक्र, भयभीत मत हो, तुम्हें अभय है'—वहाँ श्रेष्ठ अभयेश्वर लिंग प्रकट हुआ।

श्लोक 32 (skanda.5.37.32)

वंदितं देवगंधर्वैः सिद्धविद्याधरोरगैः। तत्र स्नात्वा शुचिर्भूत्वा सोपवासो जितेन्द्रियः॥

vaṁditaṁ devagaṁdharvaiḥ siddhavidyādharoragaiḥ| tatra snātvā śucirbhūtvā sopavāso jitendriyaḥ||

यह लिंग देवों, गन्धर्वों, सिद्धों, विद्याधरों और नागों द्वारा वंदित है; वहाँ स्नान करके, पवित्र होकर, उपवासपूर्वक जितेन्द्रिय होकर,

श्लोक 33 (skanda.5.37.33)

अर्चये द्देवदेवेशमश्वमेधफलं लभेत्। भूतप्रेतपिशाचेभ्यो भयं तस्य न विद्यते॥

arcaye ddevadeveśamaśvamedhaphalaṁ labhet| bhūtapretapiśācebhyo bhayaṁ tasya na vidyate||

देवदेवेश की पूजा करता है, वह अश्वमेध यज्ञ का फल पाता है; उसे भूत, प्रेत, पिशाचों से कोई भय नहीं रहता।

श्लोक 34 (skanda.5.37.34)

सिंहयुक्तेन यानेन शिवलोकं स गच्छति। अन्धकस्य तु या माया रक्तासुरसमुद्भवा॥

siṁhayuktena yānena śivalokaṁ sa gacchati| andhakasya tu yā māyā raktāsurasamudbhavā||

वह सिंहों से युक्त रथ पर बैठकर शिवलोक जाता है। अन्धकासुर की जो माया रक्त की बूँदों से असुरों को उत्पन्न करती थी,

श्लोक 35 (skanda.5.37.35)

मातृभिर्युध्यमानाभिः क्षयमाशु जगाम सा। देव्यः पिबन्त्यो रक्तौघं दैतेयतनुतश्च्युतम्॥

mātṛbhiryudhyamānābhiḥ kṣayamāśu jagāma sā| devyaḥ pibantyo raktaughaṁ daiteyatanutaścyutam||

वह माताओं के साथ युद्ध करते हुए शीघ्र ही नष्ट हो गई; देवियाँ उस दैत्य के शरीर से गिरते रक्त-प्रवाह को पीने लगीं।

श्लोक 36 (skanda.5.37.36)

षट्तृप्तिं परमा जग्मुर्न तु तृप्ता ललाटजा। हतमायः शिष्टकस्तु भिन्नशूलतनुच्छदः॥

ṣaṭtṛptiṁ paramā jagmurna tu tṛptā lalāṭajā| hatamāyaḥ śiṣṭakastu bhinnaśūlatanucchadaḥ||

उनमें से छह देवियाँ पूर्ण तृप्त हो गईं, किंतु ललाट से उत्पन्न देवी तृप्त न हुई; इस बीच माया नष्ट हो जाने पर त्रिशूल से बिंधे शरीर वाला अन्धक शेष रह गया।

श्लोक 37 (skanda.5.37.37)

उत्तराभिमुखं शूलमंधकोऽकर्षयद्बली। संनिरुद्धो महादेहो वारितो गणपेन सः॥

uttarābhimukhaṁ śūlamaṁdhako'karṣayadbalī| saṁniruddho mahādeho vārito gaṇapena saḥ||

बलवान अन्धक ने उत्तरमुखी त्रिशूल को खींचा, किन्तु उसका विशाल शरीर गणप (गणेश) द्वारा रोक दिया गया।

श्लोक 38 (skanda.5.37.38)

महाविनायकः ख्यातस्तस्माल्लोकेऽभवन्मुने। दर्शनात्तस्य देवस्य न विघ्नैः पीड्यते नरः॥

mahāvināyakaḥ khyātastasmālloke'bhavanmune| darśanāttasya devasya na vighnaiḥ pīḍyate naraḥ||

हे मुने, तभी से वे लोक में महाविनायक के नाम से विख्यात हुए; उस देव के दर्शन से मनुष्य विघ्नों से पीड़ित नहीं होता।

श्लोक 39 (skanda.5.37.39)

मासेमासे चतुर्थ्यां यो गणेशं पूजयेद्द्विज। न तस्य विघ्नं जायेत इह लोके परत्र च॥

māsemāse caturthyāṁ yo gaṇeśaṁ pūjayeddvija| na tasya vighnaṁ jāyeta iha loke paratra ca||

हे द्विज, जो प्रत्येक मास की चतुर्थी को गणेश की पूजा करता है, उसे इस लोक में और परलोक में भी कोई विघ्न नहीं होता।

श्लोक 40 (skanda.5.37.40)

स्वेदबिंदुरथो तस्य ललाटादपतद्भुवि। तस्मादंगारको जातो रक्तमाल्यानुलेपनः॥

svedabiṁduratho tasya lalāṭādapatadbhuvi| tasmādaṁgārako jāto raktamālyānulepanaḥ||

तत्पश्चात् उनके ललाट से पसीने की एक बूँद पृथ्वी पर गिरी; उससे लाल माला और अनुलेपन धारण करने वाले अंगारक (मंगल) उत्पन्न हुए।

श्लोक 41 (skanda.5.37.41)

आवन्त्ये विषये जातो लोहितांगो धरासुतः। अंगारकस्तु रक्ताक्षो महादेवसुतस्तथा॥

āvantye viṣaye jāto lohitāṁgo dharāsutaḥ| aṁgārakastu raktākṣo mahādevasutastathā||

वे अवन्ती देश में उत्पन्न हुए, लोहित अंगों वाले, धरती के पुत्र; इस प्रकार रक्तनेत्र अंगारक महादेव के पुत्र बने।

श्लोक 42 (skanda.5.37.42)

नामभिर्ब्रह्मणा स्तुत्वा ग्रहमध्येऽधिरोपितः। तत्र तीर्थमथोत्पन्नमंगारेश्वरमुत्तमम्॥

nāmabhirbrahmaṇā stutvā grahamadhye'dhiropitaḥ| tatra tīrthamathotpannamaṁgāreśvaramuttamam||

ब्रह्मा ने उनके नामों से स्तुति करके उन्हें ग्रहों के मध्य प्रतिष्ठित किया; और वहाँ श्रेष्ठ अंगारेश्वर तीर्थ प्रकट हुआ।

श्लोक 43 (skanda.5.37.43)

ब्रह्मणा स्थापितं लिंगं गणगंधर्वसेवितम्। शुचिस्तत्र च यः स्नाति नरो ह्यंगारवासरे॥

brahmaṇā sthāpitaṁ liṁgaṁ gaṇagaṁdharvasevitam| śucistatra ca yaḥ snāti naro hyaṁgāravāsare||

यह लिंग ब्रह्मा द्वारा स्थापित है और गणों तथा गन्धर्वों द्वारा सेवित है; जो मनुष्य पवित्र होकर मंगलवार को वहाँ स्नान करता है,

श्लोक 44 (skanda.5.37.44)

दृष्ट्वांगारेश्वरं सोथ मुच्यते सर्वपातकैः। चतुर्थ्यां मंगलदिने नक्ते चार्घ्यं निवेदयेत्॥

dṛṣṭvāṁgāreśvaraṁ sotha mucyate sarvapātakaiḥ| caturthyāṁ maṁgaladine nakte cārghyaṁ nivedayet||

और अंगारेश्वर का दर्शन करता है, वह सब पापों से मुक्त हो जाता है। मंगलवार को पड़ने वाली चतुर्थी की रात्रि में अर्घ्य निवेदित करना चाहिए।

श्लोक 45 (skanda.5.37.45)

यावत्पूर्णाश्चतस्रः स्युस्तावत्कार्याः प्रयत्नतः। पञ्च वै करकाः कार्यास्ताम्रपात्रेण संयुताः॥

yāvatpūrṇāścatasraḥ syustāvatkāryāḥ prayatnataḥ| pañca vai karakāḥ kāryāstāmrapātreṇa saṁyutāḥ||

यह चार बार पूर्ण होने तक प्रयत्नपूर्वक करना चाहिए; ताम्रपात्र सहित पाँच घड़े बनाने चाहिए।

श्लोक 46 (skanda.5.37.46)

गुडपीठमयाः कार्या रक्तवस्त्रसमन्विताः। रक्तचंदनसंयुक्ता रक्तपुष्पैश्च पूजिताः॥

guḍapīṭhamayāḥ kāryā raktavastrasamanvitāḥ| raktacaṁdanasaṁyuktā raktapuṣpaiśca pūjitāḥ||

वे गुड़ के पीठ पर रखे जाएँ, लाल वस्त्र से युक्त हों, लाल चंदन से लिप्त हों तथा लाल पुष्पों से पूजित हों।

श्लोक 47 (skanda.5.37.47)

तिलतण्डुलसंपूर्णमेकं तत्रैव कारयेत्। द्वितीयं लड्डुकैश्चैव तृतीयं पयसा तथा॥

tilataṇḍulasaṁpūrṇamekaṁ tatraiva kārayet| dvitīyaṁ laḍḍukaiścaiva tṛtīyaṁ payasā tathā||

उनमें एक घड़ा तिल और चावल से भरा जाए, दूसरा लड्डुओं से, तीसरा दूध से भरा जाए।

श्लोक 48 (skanda.5.37.48)

उत्तरीभिश्चतुर्थं च पञ्चमं मूलकैस्तथा। कृत्वा ह्येवं विधानेन मंत्रेणार्घ्यं निवेदयेत्॥

uttarībhiścaturthaṁ ca pañcamaṁ mūlakaistathā| kṛtvā hyevaṁ vidhānena maṁtreṇārghyaṁ nivedayet||

चौथा उत्तरीय वस्त्रों से तथा पाँचवाँ मूलक (मूली) से भरा जाए; इस विधि से करके मंत्रपूर्वक अर्घ्य निवेदित करे।

श्लोक 49 (skanda.5.37.49)

कुजाय लोहितांगाय ग्रहमध्यस्थिताय च। कार्तिकेयानुरूपाय सुरूपाय नमो नमः॥

kujāya lohitāṁgāya grahamadhyasthitāya ca| kārtikeyānurūpāya surūpāya namo namaḥ||

'कुज को, लोहितांग को, ग्रहों के मध्य स्थित, कार्तिकेय के समान सुंदर रूप वाले को बार-बार नमस्कार है।'

श्लोक 50 (skanda.5.37.50)

शिवललाटसंभूत धरणीगर्भसंभव। रूपार्थं त्वां प्रपन्नोस्मि गृहाणार्घ्यं नमोऽस्तु ते॥

śivalalāṭasaṁbhūta dharaṇīgarbhasaṁbhava| rūpārthaṁ tvāṁ prapannosmi gṛhāṇārghyaṁ namo'stu te||

'हे शिव के ललाट से उत्पन्न, पृथ्वी के गर्भ से उत्पन्न देव, सौंदर्य की कामना से मैं आपकी शरण में आया हूँ; इस अर्घ्य को स्वीकार करें, आपको नमस्कार है।'

श्लोक 51 (skanda.5.37.51)

ज्वलितांगारवर्णाभ स्निग्धविद्रुमभा सुर। पुत्रार्थी त्वां प्रपन्नोस्मि गृहाणार्घ्यं धरात्मज॥

jvalitāṁgāravarṇābha snigdhavidrumabhā sura| putrārthī tvāṁ prapannosmi gṛhāṇārghyaṁ dharātmaja||

'हे प्रज्वलित अंगार के समान वर्ण वाले, स्निग्ध मूँगे के समान कांतिमान देव, पुत्र की कामना से मैं आपकी शरण में आया हूँ; हे धरापुत्र, इस अर्घ्य को स्वीकार करें।'

श्लोक 52 (skanda.5.37.52)

आवन्त्यमण्डले जातो धरण्यां च शिवेन वै। पुत्रं देहि धनं देहि यशो देहि नमोऽस्तु ते॥

āvantyamaṇḍale jāto dharaṇyāṁ ca śivena vai| putraṁ dehi dhanaṁ dehi yaśo dehi namo'stu te||

'अवन्ती मण्डल में पृथ्वी से और शिव के द्वारा उत्पन्न हुए हे देव, मुझे पुत्र दें, धन दें, यश दें; आपको नमस्कार है।'

श्लोक 53 (skanda.5.37.53)

एवं संपूजितो भौमश्चतुर्थ्यां मुनिसत्तम। भुक्त्वा भोगांस्तथा पुत्रान्प्राप्य वै क्षितिमंडले॥

evaṁ saṁpūjito bhaumaścaturthyāṁ munisattama| bhuktvā bhogāṁstathā putrānprāpya vai kṣitimaṁḍale||

हे मुनिश्रेष्ठ, इस प्रकार चतुर्थी को पूजित भौम (मंगल) मनुष्य को इस पृथ्वी पर भोग और पुत्र प्राप्त कराकर,

श्लोक 54 (skanda.5.37.54)

मृतः स्वर्गमवाप्नोति यावदिन्द्राश्चतुर्दश॥

mṛtaḥ svargamavāpnoti yāvadindrāścaturdaśa||

मृत्यु के पश्चात् उसे स्वर्ग की प्राप्ति चौदह इन्द्रों के काल तक कराते हैं।