वासवेश्वर तीर्थ की महिमा

श्लोक 1 (skanda.5.378.1)

मार्कण्डेय उवाच। ततः क्रोशान्तरे पार्थ वासवं तीर्थमुत्तमम्। वसुभिः स्थापितं तत्र स्थित्वा वै द्वादशाब्दकम्।

mārkaṇḍeya uvāca| tataḥ krośāntare pārtha vāsavaṁ tīrthamuttamam| vasubhiḥ sthāpitaṁ tatra sthitvā vai dvādaśābdakam||

मार्कण्डेय बोले - हे पार्थ! इसके पश्चात एक कोस की दूरी पर परम उत्तम वासव नामक तीर्थ है, जिसे वसुओं ने स्थापित किया था और जहाँ वे बारह वर्षों तक ठहरे थे।

श्लोक 2 (skanda.5.378.2)

धरो ध्रुवश्च सोमश्च आपश्चैवानिलोऽनलः। प्रत्यूषश्च प्रभासश्च वसवोऽष्टाविमे पुरा।

dharo dhruvaśca somaśca āpaścaivānilo'nalaḥ| pratyūṣaśca prabhāsaśca vasavo'ṣṭāvime purā||

धर, ध्रुव, सोम, आप, तथा अनिल और अनल, प्रत्यूष और प्रभास - ये पूर्वकाल के आठ वसु हैं।

श्लोक 3 (skanda.5.378.3)

पितृशापपरिक्लिष्टा गर्भवासाय भारत। नार्मदं तीर्थमासाद्य तपश्चक्रुर्यतेन्द्रियाः।

pitṛśāpaparikliṣṭā garbhavāsāya bhārata| nārmadaṁ tīrthamāsādya tapaścakruryatendriyāḥ||

हे भारत! पिता के शाप से पीड़ित होकर तथा गर्भवास के लिए बाध्य होकर, वे नर्मदा के तीर्थ में पहुँचकर जितेन्द्रिय हो तपस्या करने लगे।

श्लोक 4 (skanda.5.378.4)

आराधयन्तः परमं भवानीपतिमव्यम्। द्वादशाब्दानि राजेन्द्र ततस्तुष्टो महेश्वरः।

ārādhayantaḥ paramaṁ bhavānīpatimavyam| dvādaśābdāni rājendra tatastuṣṭo maheśvaraḥ||

हे राजेन्द्र! वे बारह वर्षों तक परम अविनाशी भवानीपति की आराधना करते रहे, तब महेश्वर प्रसन्न हो गए।

श्लोक 5 (skanda.5.378.5)

प्रत्यक्षः प्रददौ तेभ्यस्त्वभीष्टं वरमुत्तमम्। ततः स्वनाम्ना संस्थाप्य वसवस्तं महेश्वरम्। जग्मुराकाशमाविश्य प्रसन्ने सति शङ्करे।

pratyakṣaḥ pradadau tebhyastvabhīṣṭaṁ varamuttamam| tataḥ svanāmnā saṁsthāpya vasavastaṁ maheśvaram| jagmurākāśamāviśya prasanne sati śaṅkare||

उन्होंने प्रत्यक्ष प्रकट होकर उन्हें अभीष्ट उत्तम वर प्रदान किया। तब वसुओं ने अपने ही नाम से उस महेश्वर को स्थापित कर, शंकर के प्रसन्न होने पर आकाश में प्रवेश कर वहाँ चले गए।

श्लोक 6 (skanda.5.378.6)

ततः प्रभृति विख्यातं तीर्थं तद्वासवाह्वयम्। तस्मिंस्तीर्थे महाराज यो भक्त्या पूजयेच्छिवम्। यथालब्धोपहारैश्च दीपं दद्यात्प्रयत्नतः।

tataḥ prabhṛti vikhyātaṁ tīrthaṁ tadvāsavāhvayam| tasmiṁstīrthe mahārāja yo bhaktyā pūjayecchivam| yathālabdhopahāraiśca dīpaṁ dadyātprayatnataḥ||

तभी से वह तीर्थ 'वासव' नाम से विख्यात हुआ। हे महाराज! उस तीर्थ में जो भक्तिपूर्वक शिव की पूजा करता है, यथालब्ध उपहारों से यत्नपूर्वक दीप अर्पित करता है,

श्लोक 7 (skanda.5.378.7)

शुक्लपक्षे तदाष्टम्यां प्रत्यहं वापि शक्तितः। अष्टौ वर्षसहस्राणि स वसेच्छिवसंनिधौ।

śuklapakṣe tadāṣṭamyāṁ pratyahaṁ vāpi śaktitaḥ| aṣṭau varṣasahasrāṇi sa vasecchivasaṁnidhau||

शुक्ल पक्ष की अष्टमी को अथवा प्रतिदिन ही यथाशक्ति ऐसा करता है, वह आठ हजार वर्षों तक शिव के समीप निवास करता है।

श्लोक 8 (skanda.5.378.8)

ततः शिवालयं याति गर्भवासं न पश्यति। पुष्पैर्वा पल्लवैर्वापि फलैर्धान्यैस्तथापि वा।

tataḥ śivālayaṁ yāti garbhavāsaṁ na paśyati| puṣpairvā pallavairvāpi phalairdhānyaistathāpi vā||

उसके पश्चात वह शिवलोक को जाता है और फिर गर्भवास नहीं देखता। जो पुष्पों से, अथवा पल्लवों से, अथवा फलों और अन्न से भी,

श्लोक 9 (skanda.5.378.9)

पूजयेद्देवमीशानं स दैन्यं नाप्नुयात्क्वचित्। सर्वशोकविनिर्मुक्तः स्वर्गलोके महीयते।

pūjayeddevamīśānaṁ sa dainyaṁ nāpnuyātkvacit| sarvaśokavinirmuktaḥ svargaloke mahīyate||

भगवान ईशान की पूजा करता है, वह कभी दीनता को प्राप्त नहीं होता; समस्त शोक से मुक्त होकर वह स्वर्गलोक में महिमान्वित होता है।

श्लोक 10 (skanda.5.378.10)

एकाहमपि कौन्तेय यो वसेद्वासवेश्वरे। पापराशिं विनिर्धूय भानुवद्दिवि मोदते।

ekāhamapi kaunteya yo vasedvāsaveśvare| pāparāśiṁ vinirdhūya bhānuvaddivi modate||

हे कौन्तेय! जो एक दिन भी वासवेश्वर में निवास करता है, वह पापों की राशि को झाड़कर सूर्य के समान स्वर्ग में आनन्दित होता है।

श्लोक 11 (skanda.5.378.11)

विप्रांश्च भोजयेद्भक्त्या दद्याद्वासांसि दक्षिणाम्।

viprāṁśca bhojayedbhaktyā dadyādvāsāṁsi dakṣiṇām||

और वह भक्तिपूर्वक ब्राह्मणों को भोजन कराए तथा दक्षिणा में वस्त्र प्रदान करे।