विमलेश्वर तीर्थ की महिमा

श्लोक 1 (skanda.5.381.1)

मार्कण्डेय उवाच। ततः क्रोशान्तरे पुण्यं तीर्थं तद्विमलेश्वरम्। यत्र स्नानेन दानेन जपहोमार्चनादिभिः।

mārkaṇḍeya uvāca| tataḥ krośāntare puṇyaṁ tīrthaṁ tadvimaleśvaram| yatra snānena dānena japahomārcanādibhiḥ||

मार्कण्डेय बोले - इसके पश्चात एक कोस की दूरी पर वह पुण्य तीर्थ विमलेश्वर है, जहाँ स्नान, दान, जप, होम, अर्चन आदि के द्वारा,

श्लोक 2 (skanda.5.381.2)

विमलेश्वरमाराध्य यो यदिच्छेत्स तल्लभेत्। स्वर्गलाभादिकं वापि पार्थिवं वा यथेप्सितम्।

vimaleśvaramārādhya yo yadicchetsa tallabhet| svargalābhādikaṁ vāpi pārthivaṁ vā yathepsitam||

विमलेश्वर की आराधना करने से जो जो जिस वस्तु की इच्छा करता है, वह उसे प्राप्त हो जाती है - चाहे वह स्वर्गलाभ हो अथवा पार्थिव वस्तु, जैसी भी अभिलाषा हो।

श्लोक 3 (skanda.5.381.3)

पुरा त्रिशिरसं हत्वा त्वष्टुः पुत्रं शतक्रतुः। यस्य तीर्थस्य माहात्म्याद्वैमल्यं परमं गतः।

purā triśirasaṁ hatvā tvaṣṭuḥ putraṁ śatakratuḥ| yasya tīrthasya māhātmyādvaimalyaṁ paramaṁ gataḥ||

पूर्वकाल में त्वष्टा के पुत्र त्रिशिरा का वध करने से शतक्रतु (इन्द्र) पाप से लिप्त हो गए थे; इसी तीर्थ की महिमा से वे परम निर्मलता को प्राप्त हुए।

श्लोक 4 (skanda.5.381.4)

यत्र वेदनिधिर्विप्रो महत्तप्त्वा तपः पुरा। नानाकर्ममलैः क्षीणैर्विमलोऽभवदर्कवत्।

yatra vedanidhirvipro mahattaptvā tapaḥ purā| nānākarmamalaiḥ kṣīṇairvimalo'bhavadarkavat||

जहाँ वेदनिधि नामक विप्र ने पूर्वकाल में महान तप करके, नाना कर्मों के मलों के क्षीण हो जाने से सूर्य के समान निर्मल हो गया था,

श्लोक 5 (skanda.5.381.5)

महादेवप्रसादेन सोमवत्प्रियदर्शनः। पुरा भानुमतीं भानुः सुतां स्मरशरार्दितः।

mahādevaprasādena somavatpriyadarśanaḥ| purā bhānumatīṁ bhānuḥ sutāṁ smaraśarārditaḥ||

और महादेव की कृपा से चन्द्रमा के समान प्रियदर्शन हो गया। पूर्वकाल में सूर्य कामबाणों से पीड़ित होकर अपनी पुत्री भानुमती के प्रति,

श्लोक 6 (skanda.5.381.6)

चकमे तेन दोषेण कुष्ठरोगार्दितोऽभवत्। स चाप्यत्र तपस्तप्त्वा विमलत्वमुपागतः।

cakame tena doṣeṇa kuṣṭharogārdito'bhavat| sa cāpyatra tapastaptvā vimalatvamupāgataḥ||

आसक्त हो गए थे; उस दोष से वे कुष्ठ रोग से पीड़ित हो गए। उन्होंने भी यहाँ तप करके निर्मलता प्राप्त की,

श्लोक 7 (skanda.5.381.7)

महादेवेन तुष्टेन स्वस्थानं मुदितोऽभजत्। तथैव च पुरा पार्थ विभाण्डकसुतो मुनिः।

mahādevena tuṣṭena svasthānaṁ mudito'bhajat| tathaiva ca purā pārtha vibhāṇḍakasuto muniḥ||

और महादेव के प्रसन्न होने पर आनन्दपूर्वक अपने स्थान को प्राप्त हुए। हे पार्थ! उसी प्रकार पूर्वकाल में विभाण्डक के पुत्र मुनि (ऋष्यशृंग) भी,

श्लोक 8 (skanda.5.381.8)

योगिसङ्गं वने प्राप्य पुरे च नृपतेस्तथा। राजसंसर्गदोषाद्वै मालिन्यं परमात्मनः।

yogisaṅgaṁ vane prāpya pure ca nṛpatestathā| rājasaṁsargadoṣādvai mālinyaṁ paramātmanaḥ||

वन में योगियों का संग तथा नगर में राजा का संग पाकर, राजा के संसर्ग के दोष से अपनी परमात्मा की मलिनता को,

श्लोक 9 (skanda.5.381.9)

विचारयन्नभ्युपेत्य रेवासागरसङ्गमम्। शान्तया भार्यया सार्द्धं तप्त्वा द्वादशवत्सरान्।

vicārayannabhyupetya revāsāgarasaṅgamam| śāntayā bhāryayā sārddhaṁ taptvā dvādaśavatsarān||

विचार कर, रेवासागर के संगम में आकर, शान्ता नामक अपनी पत्नी के साथ बारह वर्षों तक तप करते हुए,

श्लोक 10 (skanda.5.381.10)

कृच्छ्रचान्द्रायणैर्देवं तोषयंस्त्र्यम्बकं मुनिः। महादेवेन तुष्टेन सोऽपि वैमल्यमाप्तवान्।

kṛcchracāndrāyaṇairdevaṁ toṣayaṁstryambakaṁ muniḥ| mahādevena tuṣṭena so'pi vaimalyamāptavān||

कृच्छ्र और चान्द्रायण व्रतों से त्रिनेत्र देव को संतुष्ट करने वाले उस मुनि ने भी, महादेव के प्रसन्न होने पर, निर्मलता प्राप्त कर ली।

श्लोक 11 (skanda.5.381.11)

शर्वाण्या प्रेरितः शर्वः पुरा दारुवने नृप। मोहनान्मुनिपत्नीनां स्वं दीक्ष्य विमलं किल।

śarvāṇyā preritaḥ śarvaḥ purā dāruvane nṛpa| mohanānmunipatnīnāṁ svaṁ dīkṣya vimalaṁ kila||

हे राजन्! पूर्वकाल में शर्वाणी (पार्वती) द्वारा प्रेरित शर्व (शिव) ने, दारुवन में मुनि-पत्नियों के मोहग्रस्त होने के कारण, स्वयं को 'विमल' के रूप में दीक्षित करके,

श्लोक 12 (skanda.5.381.12)

विचार्य परमस्थानं नर्मदोदधिसङ्गमम्। तत्र स्थित्वा महाराज तपस्तप्त्वा सहोमया।

vicārya paramasthānaṁ narmadodadhisaṅgamam| tatra sthitvā mahārāja tapastaptvā sahomayā||

नर्मदा और समुद्र के संगम रूपी परम स्थान का विचार कर, हे महाराज! वहीं स्थित होकर उमा के साथ तपस्या करते हुए,

श्लोक 13 (skanda.5.381.13)

विमलोऽसौ यतो जातस्तेनासौ विमलेश्वरः। तेन नाम्ना स्वयं तस्थौ लोकानां हितकाम्यया।

vimalo'sau yato jātastenāsau vimaleśvaraḥ| tena nāmnā svayaṁ tasthau lokānāṁ hitakāmyayā||

जहाँ से वे निर्मल हुए, इसी कारण वे विमलेश्वर कहलाए; उसी नाम से वे स्वयं लोगों के हित की कामना से वहाँ ठहर गए।

श्लोक 14 (skanda.5.381.14)

ततस्तिलोत्तमां सृष्ट्वा ब्रह्मा लोकपितामहः। प्रजानाथोऽपि तां सृष्ट्वा दृष्ट्वाग्रे सुमनोहराम्।

tatastilottamāṁ sṛṣṭvā brahmā lokapitāmahaḥ| prajānātho'pi tāṁ sṛṣṭvā dṛṣṭvāgre sumanoharām||

तत्पश्चात लोकपितामह ब्रह्मा ने तिलोत्तमा को उत्पन्न किया; प्रजापति ने उसे रचकर, उसे अत्यन्त मनोहर देखकर,

श्लोक 15 (skanda.5.381.15)

भावियोगबलाक्रान्तः स तस्यामभिकोऽभवत्। तेन वीक्ष्य सदोषत्वं रेवातीरद्वयं श्रितः।

bhāviyogabalākrāntaḥ sa tasyāmabhiko'bhavat| tena vīkṣya sadoṣatvaṁ revātīradvayaṁ śritaḥ||

भावी योग के बल से आक्रान्त होकर उसके प्रति आसक्त हो गए। इससे अपनी दोषयुक्तता देखकर, वे नर्मदा के दोनों तटों का आश्रय लेकर,

श्लोक 16 (skanda.5.381.16)

तीर्थान्यनुसरन्मौनी त्रिस्नायी संस्मरञ्छिवम्। रेवार्णवसमायोगे स्नात्वा सम्पूज्य शङ्करम्। कालेनाल्पेन राजर्षे ब्रह्माप्यमलतां गतः।

tīrthānyanusaranmaunī trisnāyī saṁsmarañchivam| revārṇavasamāyoge snātvā sampūjya śaṅkaram| kālenālpena rājarṣe brahmāpyamalatāṁ gataḥ||

तीर्थों का अनुसरण करते हुए, मौन रहकर, तीन बार स्नान करते हुए, शिव का स्मरण करते हुए, रेवा और समुद्र के संगम में स्नान कर शंकर की पूजा करके, हे राजर्षे! अल्प काल में ही ब्रह्मा भी निर्मलता को प्राप्त हो गए।

श्लोक 17 (skanda.5.381.17)

एवमन्येऽपि बहुशो देवर्षिनृपसत्तमाः। त्यक्त्वा दोषमलं तत्र विमला बहवोऽभवन्।

evamanye'pi bahuśo devarṣinṛpasattamāḥ| tyaktvā doṣamalaṁ tatra vimalā bahavo'bhavan||

इसी प्रकार अन्य भी अनेक देवता, ऋषि और श्रेष्ठ राजा वहाँ दोष के मैल को त्यागकर बहुत संख्या में निर्मल हो गए।

श्लोक 18 (skanda.5.381.18)

तथा त्वमपि राजेन्द्र तत्र स्नात्वा शिवार्चनात्। अमलोऽपि विशेषेण वैमल्यं प्राप्स्यसे परम्।

tathā tvamapi rājendra tatra snātvā śivārcanāt| amalo'pi viśeṣeṇa vaimalyaṁ prāpsyase param||

हे राजेन्द्र! उसी प्रकार आप भी वहाँ स्नान करके और शिवार्चन से, यद्यपि पहले से ही निर्मल हैं, तथापि विशेष रूप से परम निर्मलता को प्राप्त करेंगे।

श्लोक 19 (skanda.5.381.19)

तत्र स्नात्वा नरो नारी पूजयित्वा महेश्वरम्। पापदोषविनिर्मुक्तो ब्रह्मलोके महीयते।

tatra snātvā naro nārī pūjayitvā maheśvaram| pāpadoṣavinirmukto brahmaloke mahīyate||

वहाँ स्नान करके, महेश्वर की पूजा करके, स्त्री अथवा पुरुष पाप-दोष से मुक्त होकर ब्रह्मलोक में महिमान्वित होता है।

श्लोक 20 (skanda.5.381.20)

तत्रोपवासं यः कृत्वा पश्येत विमलेश्वरम्। अष्टम्यां च चतुर्दश्यां सर्वपर्वसु पार्थिव।

tatropavāsaṁ yaḥ kṛtvā paśyeta vimaleśvaram| aṣṭamyāṁ ca caturdaśyāṁ sarvaparvasu pārthiva||

हे राजन्! वहाँ जो उपवास करके अष्टमी, चतुर्दशी तथा सभी पर्वों में विमलेश्वर का दर्शन करता है,

श्लोक 21 (skanda.5.381.21)

सप्तजन्मकृतं पापं हित्वा याति शिवालयम्। श्राद्धं कृत्वा विधानेन पितॄणामनृणी भवेत्। ब्राह्मणान् भोजयेच्छक्त्या तेभ्यो दद्याच्च दक्षिणाम्।

saptajanmakṛtaṁ pāpaṁ hitvā yāti śivālayam| śrāddhaṁ kṛtvā vidhānena pitṝṇāmanṛṇī bhavet| brāhmaṇān bhojayecchaktyā tebhyo dadyācca dakṣiṇām||

वह सात जन्मों के किए हुए पाप को त्यागकर शिवलोक को जाता है। विधिपूर्वक श्राद्ध करके मनुष्य पितरों से ऋणमुक्त होता है; यथाशक्ति ब्राह्मणों को भोजन कराए और उन्हें दक्षिणा दे।

श्लोक 22 (skanda.5.381.22)

यद्यदिष्टतमं लोके यच्चैवात्महितं गृहे। तत्तद्गुणवते देयं तत्रैवाक्षयमिच्छता। स्वर्णधान्यानि वासांसि छत्रोपानत्कमण्डलुम्।

yadyadiṣṭatamaṁ loke yaccaivātmahitaṁ gṛhe| tattadguṇavate deyaṁ tatraivākṣayamicchatā| svarṇadhānyāni vāsāṁsi chatropānatkamaṇḍalum||

इस लोक में जो भी सर्वाधिक प्रिय वस्तु हो, तथा घर में जो अपने लिए हितकर हो, अक्षय फल चाहने वाले को वह गुणवान व्यक्ति को वहीं देना चाहिए - सोना, अन्न, वस्त्र, छत्र, जूते, कमण्डलु,

श्लोक 23 (skanda.5.381.23)

गृहं देवस्य वै शक्त्या कृत्वा स्याद्भुवि भूपतिः। गीतनृत्यकथाभिश्च तोषयेत्परमेश्वरम्।

gṛhaṁ devasya vai śaktyā kṛtvā syādbhuvi bhūpatiḥ| gītanṛtyakathābhiśca toṣayetparameśvaram||

तथा यथाशक्ति देवता का मन्दिर बनवाकर मनुष्य पृथ्वी पर राजा होता है, और गीत, नृत्य तथा कथा से परमेश्वर को संतुष्ट करे।