तीर्थयात्रा आदि विधि-विशेष का कथन

श्लोक 1 (skanda.5.382.1)

मार्कण्डेय उवाच। एतानि तव संक्षेपात्प्राधान्यात्कथितानि च। न शक्तो विस्तराद्वक्तुं संख्यां तीर्थेषु पाण्डव।

mārkaṇḍeya uvāca| etāni tava saṁkṣepātprādhānyātkathitāni ca| na śakto vistarādvaktuṁ saṁkhyāṁ tīrtheṣu pāṇḍava||

मार्कण्डेय बोले - हे पाण्डव! ये तीर्थ तुम्हें संक्षेप में उनकी प्रधानता के अनुसार बताए गए हैं; मैं विस्तार से तीर्थों की संख्या कहने में समर्थ नहीं हूँ।

श्लोक 2 (skanda.5.382.2)

एषा पवित्रा विमला नदी त्रैलोक्यविश्रुता। नर्मदा सरितां श्रेष्ठा महादेवस्य वल्लभा।

eṣā pavitrā vimalā nadī trailokyaviśrutā| narmadā saritāṁ śreṣṭhā mahādevasya vallabhā||

यह पवित्र, निर्मल और त्रैलोक्य में विख्यात नदी नर्मदा नदियों में श्रेष्ठ तथा महादेव की प्रियतमा है।

श्लोक 3 (skanda.5.382.3)

मनसा संस्मरेद्यस्तु नर्मदां सततं नृप। चान्द्रायणशतस्याशु लभते फलमुत्तमम्।

manasā saṁsmaredyastu narmadāṁ satataṁ nṛpa| cāndrāyaṇaśatasyāśu labhate phalamuttamam||

हे राजन्! जो मन से सतत नर्मदा का स्मरण करता है, वह शीघ्र ही सौ चान्द्रायण व्रतों का उत्तम फल प्राप्त कर लेता है।

श्लोक 4 (skanda.5.382.4)

अश्रद्दधानाः पुरुषा नास्तिकाश्चात्र ये स्थिताः। पतन्ति नरके घोरे प्राहैवं परमेश्वरः।

aśraddadhānāḥ puruṣā nāstikāścātra ye sthitāḥ| patanti narake ghore prāhaivaṁ parameśvaraḥ||

जो श्रद्धाहीन तथा नास्तिक पुरुष इस विषय में स्थित हैं, वे घोर नरक में गिरते हैं - ऐसा स्वयं परमेश्वर ने कहा है।

श्लोक 5 (skanda.5.382.5)

नर्मदां सेवते नित्यं स्वयं देवो महेश्वरः। तेन पुण्या नदी ज्ञेया ब्रह्महत्यापहारिणी।

narmadāṁ sevate nityaṁ svayaṁ devo maheśvaraḥ| tena puṇyā nadī jñeyā brahmahatyāpahāriṇī||

स्वयं देव महेश्वर नित्य नर्मदा का सेवन करते हैं; इसीलिए इस नदी को ब्रह्महत्या को दूर करने वाली पुण्य नदी जानना चाहिए।

श्लोक 6 (skanda.5.382.6)

इयं माहेश्वरी गङ्गा महेश्वरतनूद्भवा। प्रोक्ता दक्षिणगङ्गेति भारतस्य युधिष्ठिर।

iyaṁ māheśvarī gaṅgā maheśvaratanūdbhavā| proktā dakṣiṇagaṅgeti bhāratasya yudhiṣṭhira||

यह महेश्वर के शरीर से उत्पन्न माहेश्वरी गंगा है। हे युधिष्ठिर! भारतवर्ष की यह 'दक्षिण गंगा' कही जाती है।

श्लोक 7 (skanda.5.382.7)

जाह्नवी वैष्णवी गङ्गा ब्राह्मी गङ्गा सरस्वती। इयं माहेश्वरी गङ्गा रेवा नास्त्यत्र संशयः।

jāhnavī vaiṣṇavī gaṅgā brāhmī gaṅgā sarasvatī| iyaṁ māheśvarī gaṅgā revā nāstyatra saṁśayaḥ||

जाह्नवी वैष्णवी गंगा है, सरस्वती ब्राह्मी गंगा है; यह रेवा माहेश्वरी गंगा है, इसमें कोई संशय नहीं है।

श्लोक 8 (skanda.5.382.8)

यथा हि पुरुषे देवस्त्रैमूर्तत्वमुपाश्रितः। ब्रह्मविष्णुमहेशाख्यं न भेदस्तत्र वै यथा। तथा सरित्त्रये पार्थ भेदं मनसि मा कृथाः।

yathā hi puruṣe devastraimūrtatvamupāśritaḥ| brahmaviṣṇumaheśākhyaṁ na bhedastatra vai yathā| tathā sarittraye pārtha bhedaṁ manasi mā kṛthāḥ||

जिस प्रकार पुरुष (परमात्मा) में स्थित देवत्व ब्रह्मा, विष्णु और महेश नामक त्रिमूर्ति के रूप में आश्रित है, और उनमें कोई भेद नहीं है, उसी प्रकार हे पार्थ! इन तीनों नदियों में भी मन में भेद मत करो।

श्लोक 9 (skanda.5.382.9)

कोटिशो ह्यत्र तीर्थानि लक्षशश्चापि भारत। तथा सहस्रशो रेवातीरद्वयगतानि तु।

koṭiśo hyatra tīrthāni lakṣaśaścāpi bhārata| tathā sahasraśo revātīradvayagatāni tu||

हे भारत! यहाँ करोड़ों तथा लाखों तीर्थ हैं, तथा नर्मदा के दोनों तटों पर हजारों तीर्थ स्थित हैं।

श्लोक 10 (skanda.5.382.10)

वृक्षान्तरिक्षसंस्थानि जलस्थलगतानि च। कः शक्तस्तानि निर्णेतुं वागीशो वा महेश्वरः।

vṛkṣāntarikṣasaṁsthāni jalasthalagatāni ca| kaḥ śaktastāni nirṇetuṁ vāgīśo vā maheśvaraḥ||

वृक्षों में, अन्तरिक्ष में, जल में और स्थल में स्थित उन तीर्थों का निर्णय करने में कौन समर्थ है - वाणी के स्वामी बृहस्पति भी अथवा स्वयं महेश्वर भी?

श्लोक 11 (skanda.5.382.11)

स्मरणाज्जन्मजनितं दर्शनाच्च त्रिजन्मजम्। सप्तजन्मकृतं नश्येत्पापं रेवावगाहनात्।

smaraṇājjanmajanitaṁ darśanācca trijanmajam| saptajanmakṛtaṁ naśyetpāpaṁ revāvagāhanāt||

स्मरण मात्र से इस जन्म का, दर्शन से तीन जन्मों का, तथा रेवा में अवगाहन से सात जन्मों में किया गया पाप नष्ट हो जाता है।

श्लोक 12 (skanda.5.382.12)

देवकार्यं कृतं तेन अग्नयो विधिवद्धुताः। वेदा अधीताश्चत्वारो येन रेवावगाहिता।

devakāryaṁ kṛtaṁ tena agnayo vidhivaddhutāḥ| vedā adhītāścatvāro yena revāvagāhitā||

जिसने रेवा में अवगाहन किया है, उसने मानो देवकार्य कर लिया, विधिपूर्वक अग्नियों में हवन कर लिया, तथा चारों वेदों का अध्ययन कर लिया।

श्लोक 13 (skanda.5.382.13)

प्राधान्याच्चापि संक्षेपात्तीर्थान्युक्तानि ते मया। न शक्यो विस्तरः पार्थ श्रोतुं वक्तुं च वै मया।

prādhānyāccāpi saṁkṣepāttīrthānyuktāni te mayā| na śakyo vistaraḥ pārtha śrotuṁ vaktuṁ ca vai mayā||

हे पार्थ! तीर्थों के विषय में मैंने प्रधानता से तथा संक्षेप में तुम्हें बता दिया है; इसका विस्तार न मुझसे सुना जा सकता है, न कहा जा सकता है।

श्लोक 14 (skanda.5.382.14)

युधिष्ठिर उवाच। विधानं च यमांश्चैव नियमांश्च वदस्व मे। प्रायश्चित्तार्थगमने को विधिस्तं वदस्व मे।

yudhiṣṭhira uvāca| vidhānaṁ ca yamāṁścaiva niyamāṁśca vadasva me| prāyaścittārthagamane ko vidhistaṁ vadasva me||

युधिष्ठिर बोले - मुझे विधान, यम तथा नियम बताइए। प्रायश्चित्त के लिए तीर्थ में जाने का जो विधान है, वह मुझे कहिए।

श्लोक 15 (skanda.5.382.15)

श्रीमार्कण्डेय उवाच। साधु पृष्टं महाराज यच्छ्रेयः पारलौकिकम्। शृणुष्वावहितो भूत्वा यथाज्ञानं वदामि ते।

śrīmārkaṇḍeya uvāca| sādhu pṛṣṭaṁ mahārāja yacchreyaḥ pāralaukikam| śṛṇuṣvāvahito bhūtvā yathājñānaṁ vadāmi te||

श्री मार्कण्डेय बोले - हे महाराज! तुमने पारलौकिक कल्याण के विषय में सुन्दर प्रश्न पूछा है। सावधान होकर सुनो, मैं यथाज्ञान तुम्हें बताता हूँ।

श्लोक 16 (skanda.5.382.16)

अध्रुवेण शरीरेण ध्रुवं कर्म समाचरेत्। अवश्यमेव यास्यन्ति प्राणाः प्राघूर्णिका इव।

adhruveṇa śarīreṇa dhruvaṁ karma samācaret| avaśyameva yāsyanti prāṇāḥ prāghūrṇikā iva||

इस अस्थिर शरीर के द्वारा स्थिर कर्म का आचरण करना चाहिए; प्राण अतिथियों के समान अवश्य ही चले जाएँगे।

श्लोक 17 (skanda.5.382.17)

दानं वित्तादृतं वाचः कीर्तिधर्मौ तथा ख्युषः। परोपकरणं कायादसारात्सारमुद्धरेत्।

dānaṁ vittādṛtaṁ vācaḥ kīrtidharmau tathā khyuṣaḥ| paropakaraṇaṁ kāyādasārātsāramuddharet||

धन से दान, वाणी से सत्य, तथा यश और धर्म - इन्हें और शरीर से परोपकार को, इस असार में से सार निकाल लेना चाहिए।

श्लोक 18 (skanda.5.382.18)

अस्मिन्महामोहमये कटाहे सूर्याग्निना रात्रिदिवेन्धनेन। मासर्तुदर्वीपरिघट्टनेन भूतानि कालः पचतीति वार्ता।

asminmahāmohamaye kaṭāhe sūryāgninā rātridivendhanena| māsartudarvīparighaṭṭanena bhūtāni kālaḥ pacatīti vārtā||

इस महामोहमय कड़ाहे में, सूर्यरूपी अग्नि से, रात-दिन रूपी ईंधन से, तथा मास और ऋतुरूपी करछुल के हिलाने से, काल समस्त प्राणियों को पकाता है - ऐसी बात है।

श्लोक 19 (skanda.5.382.19)

ज्ञात्वा शास्त्रविधानोक्तं कर्म कर्तुमिहार्हसि। नायं लोकोऽस्ति न परो न सुखं संशयात्मनः।

jñātvā śāstravidhānoktaṁ karma kartumihārhasi| nāyaṁ loko'sti na paro na sukhaṁ saṁśayātmanaḥ||

शास्त्र के विधान से कहे गए कर्म को जानकर, यहाँ उसी का आचरण करना चाहिए; संशयात्मा पुरुष के लिए न यह लोक है, न परलोक, न सुख।

श्लोक 20 (skanda.5.382.20)

मन्त्रे तीर्थे द्विजे देवे दैवज्ञे भेषजे गुरौ। यादृशी भावना यस्य सिद्धिर्भवति तादृशी।

mantre tīrthe dvije deve daivajñe bheṣaje gurau| yādṛśī bhāvanā yasya siddhirbhavati tādṛśī||

मन्त्र में, तीर्थ में, ब्राह्मण में, देवता में, ज्योतिषी में, औषधि में, तथा गुरु में - जिसकी जैसी भावना होती है, उसे वैसी ही सिद्धि प्राप्त होती है।

श्लोक 21 (skanda.5.382.21)

अश्रद्धया हुतं दत्तं तपस्तप्तं कृतं च यत्। असदित्युच्यते पार्थ न च तत्प्रेत्य नो इह।

aśraddhayā hutaṁ dattaṁ tapastaptaṁ kṛtaṁ ca yat| asadityucyate pārtha na ca tatpretya no iha||

हे पार्थ! जो हवन, दान अथवा तप श्रद्धारहित होकर किया गया हो, वह 'असत्' कहलाता है, और वह न इस लोक में फलित होता है, न परलोक में।

श्लोक 22 (skanda.5.382.22)

यः शास्त्रविधिमुत्सृज्य वर्तते कामकारतः। न स सिद्धिमवाप्नोति न सुखं न परां गतिम्।

yaḥ śāstravidhimutsṛjya vartate kāmakārataḥ| na sa siddhimavāpnoti na sukhaṁ na parāṁ gatim||

जो शास्त्र के विधान को त्यागकर अपनी इच्छा के अनुसार आचरण करता है, वह न सिद्धि प्राप्त करता है, न सुख, न परम गति।

श्लोक 23 (skanda.5.382.23)

सन्तीह विविधोपाया नृणां देहविशोधनाः। तीर्थसेवासमं नास्ति स्वशरीरस्य शोधनम्।

santīha vividhopāyā nṛṇāṁ dehaviśodhanāḥ| tīrthasevāsamaṁ nāsti svaśarīrasya śodhanam||

मनुष्यों के शरीर की शुद्धि के लिए यहाँ अनेक उपाय विद्यमान हैं, किन्तु तीर्थसेवा के समान अपने शरीर का शोधन करने वाला कोई साधन नहीं है।

श्लोक 24 (skanda.5.382.24)

कृच्छ्रचान्द्रायणाद्यैर्वा द्वितीयं तीर्थसेवया। यदा तीर्थं समुद्दिश्य प्रयाति पुरुषो नृप। तदा देवाश्च पितरस्तं व्रजन्त्यनु खेचराः।

kṛcchracāndrāyaṇādyairvā dvitīyaṁ tīrthasevayā| yadā tīrthaṁ samuddiśya prayāti puruṣo nṛpa| tadā devāśca pitarastaṁ vrajantyanu khecarāḥ||

अथवा कृच्छ्र, चान्द्रायण आदि व्रतों के समान दूसरा उपाय तीर्थसेवा है। हे राजन्! जब मनुष्य किसी तीर्थ का लक्ष्य बनाकर प्रस्थान करता है, तब देवता, पितर और आकाशचारी उसके पीछे-पीछे चलते हैं।

श्लोक 25 (skanda.5.382.25)

परमा मोदपूर्णास्ते प्रयान्त्यस्यानुयायिनः। कृत्वाभ्युदयिकं श्राद्धं समापृच्छय तु देवताम्।

paramā modapūrṇāste prayāntyasyānuyāyinaḥ| kṛtvābhyudayikaṁ śrāddhaṁ samāpṛcchaya tu devatām||

वे उसके अनुयायी परम आनन्द से भरकर उसके साथ चलते हैं। अभ्युदय-श्राद्ध करके तथा कुलदेवता से अनुमति लेकर,

श्लोक 26 (skanda.5.382.26)

इष्टबन्धूंश्च विष्णुं च शङ्करं सगणेश्वरम्। व्रजेद्द्विजाभ्यनुज्ञातो गृहीत्वा नियमानपि।

iṣṭabandhūṁśca viṣṇuṁ ca śaṅkaraṁ sagaṇeśvaram| vrajeddvijābhyanujñāto gṛhītvā niyamānapi||

प्रिय बन्धुओं से, विष्णु से, तथा गणेश्वर सहित शंकर से अनुमति लेकर, ब्राह्मणों से अनुज्ञा पाकर, नियमों को धारण करके यात्रा पर निकले।

श्लोक 27 (skanda.5.382.27)

एकाशनं ब्रह्मचर्यं भूशय्यां सत्यवादिताम्। वर्जनं च परान्नस्य प्रतिग्रहविवर्जनम्।

ekāśanaṁ brahmacaryaṁ bhūśayyāṁ satyavāditām| varjanaṁ ca parānnasya pratigrahavivarjanam||

एक समय भोजन, ब्रह्मचर्य, भूमि पर शयन, सत्यभाषण, दूसरे के अन्न का त्याग, तथा प्रतिग्रह (भेंट स्वीकार करने) का त्याग,

श्लोक 28 (skanda.5.382.28)

वर्जयित्वा तथा द्रोहवञ्चनादि नृपोत्तम। साधुवेषं समास्थाय विनयेन विभूषितः।

varjayitvā tathā drohavañcanādi nṛpottama| sādhuveṣaṁ samāsthāya vinayena vibhūṣitaḥ||

हे नृपोत्तम! तथा द्रोह और छल आदि का त्याग करके, साधु का वेष धारण कर विनय से विभूषित होकर,

श्लोक 29 (skanda.5.382.29)

दम्भाहङ्कारमुक्तो यः स तीर्थफलमश्नुते। यस्य हस्तौ च पादौ च मनश्चैव सुसंयतम्।

dambhāhaṅkāramukto yaḥ sa tīrthaphalamaśnute| yasya hastau ca pādau ca manaścaiva susaṁyatam||

जो दम्भ और अहंकार से मुक्त है, वही तीर्थ के फल का भोग करता है। जिसके हाथ, पैर तथा मन भलीभाँति संयत हैं,

श्लोक 30 (skanda.5.382.30)

विद्या तपश्च कीर्तिश्च स तीर्थफलमश्नुते। अक्रोधनश्च राजेन्द्र सत्यशीलो दृढव्रतः।

vidyā tapaśca kīrtiśca sa tīrthaphalamaśnute| akrodhanaśca rājendra satyaśīlo dṛḍhavrataḥ||

जिसमें विद्या, तप और कीर्ति है, वही तीर्थ के फल का भोग करता है। हे राजेन्द्र! जो क्रोधरहित, सत्यशील तथा दृढ़व्रती है,

श्लोक 31 (skanda.5.382.31)

आत्मोपमश्च भूतेषु स तीर्थफलमश्नुते। मुण्डनं चोपवासश्च सर्वतीर्थेष्वयं विधिः।

ātmopamaśca bhūteṣu sa tīrthaphalamaśnute| muṇḍanaṁ copavāsaśca sarvatīrtheṣvayaṁ vidhiḥ||

तथा जो सभी प्राणियों को अपने समान मानता है, वही तीर्थ के फल का भोग करता है। मुण्डन और उपवास - यह सभी तीर्थों में विधि है,

श्लोक 32 (skanda.5.382.32)

वर्जयित्वा कुरुक्षेत्रं विशालां विरजां गयाम्। स्नानं सुरार्चनं चैव श्राद्धे वै पिण्डपातनम्।

varjayitvā kurukṣetraṁ viśālāṁ virajāṁ gayām| snānaṁ surārcanaṁ caiva śrāddhe vai piṇḍapātanam||

कुरुक्षेत्र, विशाला, विरजा और गया को छोड़कर। स्नान, देवपूजा, तथा श्राद्ध में पिण्डदान,

श्लोक 33 (skanda.5.382.33)

विप्राणां भोजनं शक्त्या सर्वतीर्थेष्वयं विधिः। प्रायश्चित्तनिमित्तं च यो व्रजेद्यतमानसः।

viprāṇāṁ bhojanaṁ śaktyā sarvatīrtheṣvayaṁ vidhiḥ| prāyaścittanimittaṁ ca yo vrajedyatamānasaḥ||

तथा यथाशक्ति ब्राह्मणों को भोजन कराना - सभी तीर्थों में यही विधि है। और जो संयतचित्त होकर प्रायश्चित्त के निमित्त तीर्थयात्रा पर जाता है,

श्लोक 34 (skanda.5.382.34)

तस्यापि च विधिं वक्ष्ये शृणु पार्थ समाहितः। एकाशनं ब्रह्मचर्यमक्षारलवणाशनम्।

tasyāpi ca vidhiṁ vakṣye śṛṇu pārtha samāhitaḥ| ekāśanaṁ brahmacaryamakṣāralavaṇāśanam||

उसकी भी विधि मैं बताता हूँ, हे पार्थ! ध्यानपूर्वक सुनो: एक समय भोजन, ब्रह्मचर्य, बिना क्षार-लवण के भोजन,

श्लोक 35 (skanda.5.382.35)

स्नात्वा तीर्थाभिगमनं हविष्यैकान्नभोजनम्। वर्जयेत्पतितालापं बहुभाषणमेव च।

snātvā tīrthābhigamanaṁ haviṣyaikānnabhojanam| varjayetpatitālāpaṁ bahubhāṣaṇameva ca||

स्नान करके तीर्थ में जाना, हविष्य का एक बार भोजन करना; पतितों से बातचीत तथा अधिक बोलने का त्याग करे,

श्लोक 36 (skanda.5.382.36)

परीवादं परान्नं च नीचसङ्गं विवर्जयेत्। व्रजेच्च निरुपानत्को वसानो वाससी शुचिः।

parīvādaṁ parānnaṁ ca nīcasaṅgaṁ vivarjayet| vrajecca nirupānatko vasāno vāsasī śuciḥ||

निन्दा, दूसरे का अन्न, तथा नीच का संग त्याग दे; बिना जूतों के, दो शुद्ध वस्त्र पहनकर यात्रा करे।

श्लोक 37 (skanda.5.382.37)

संकल्पं मनसा कृत्वा ब्राह्मणानुज्ञया व्रजेत्। तीर्थे गत्वा तथा स्नात्वा कृत्वा चैव सुरार्चनम्।

saṁkalpaṁ manasā kṛtvā brāhmaṇānujñayā vrajet| tīrthe gatvā tathā snātvā kṛtvā caiva surārcanam||

मन से संकल्प करके, ब्राह्मणों की अनुमति से यात्रा करे; तीर्थ में जाकर, स्नान करके तथा देवपूजा करके,

श्लोक 38 (skanda.5.382.38)

दुष्कर्मतो विमुक्तः स्यादनुतापी भवेद्यदि। वेदे तीर्थे च देवे च दैवज्ञे चौषधे गुरौ।

duṣkarmato vimuktaḥ syādanutāpī bhavedyadi| vede tīrthe ca deve ca daivajñe cauṣadhe gurau||

यदि वह पश्चातापयुक्त हो, तो दुष्कर्म से मुक्त हो जाता है। वेद में, तीर्थ में, देवता में, ज्योतिषी में, औषधि में तथा गुरु में,

श्लोक 39 (skanda.5.382.39)

यादृशी भावना यस्य सिद्धिर्भवति तादृशी। उक्ततीर्थफलानां च पुराणेषु स्मृतिष्वपि।

yādṛśī bhāvanā yasya siddhirbhavati tādṛśī| uktatīrthaphalānāṁ ca purāṇeṣu smṛtiṣvapi||

जिसकी जैसी भावना है, उसे वैसी ही सिद्धि प्राप्त होती है। पुराणों तथा स्मृतियों में कहे गए तीर्थों के फलों के विषय में भी,

श्लोक 40 (skanda.5.382.40)

अर्थवादभवां शङ्कां विहाय भरतर्षभ। कृत्वा विचारं शास्त्रोक्तं परिकल्प्य यथोचितम्।

arthavādabhavāṁ śaṅkāṁ vihāya bharatarṣabha| kṛtvā vicāraṁ śāstroktaṁ parikalpya yathocitam||

हे भरतर्षभ! अर्थवाद से उत्पन्न शंका को त्यागकर, शास्त्रोक्त विचार करके तथा यथोचित निर्णय करके,

श्लोक 41 (skanda.5.382.41)

कायेन कृच्छ्रचरणे ह्यशक्तानां विशुद्धये। ज्ञात्वा तीर्थाविशेषं हि प्रायश्चित्तं समाचरेत्।

kāyena kṛcchracaraṇe hyaśaktānāṁ viśuddhaye| jñātvā tīrthāviśeṣaṁ hi prāyaścittaṁ samācaret||

शरीर से कृच्छ्र व्रतों का पालन करने में असमर्थ लोगों की शुद्धि के लिए, तीर्थ के विशेष फल को जानकर प्रायश्चित्त करना चाहिए।

श्लोक 42 (skanda.5.382.42)

तच्छृणुष्व महाराज नर्मदायां यथोचितम्। चतुर्विंशतिसंख्येभ्यो योजनेभ्यो व्रजेन्नरः।

tacchṛṇuṣva mahārāja narmadāyāṁ yathocitam| caturviṁśatisaṁkhyebhyo yojanebhyo vrajennaraḥ||

हे महाराज! वह सुनो, जो नर्मदा के विषय में उचित है: चौबीस योजन की दूरी से जो मनुष्य वहाँ जाता है,

श्लोक 43 (skanda.5.382.43)

चतुर्विंशतिकृच्छ्राणां फलमाप्नोति शोभनम्। अत ऊर्ध्वं योजनेषु पादकृच्छ्रमुदाहृतः।

caturviṁśatikṛcchrāṇāṁ phalamāpnoti śobhanam| ata ūrdhvaṁ yojaneṣu pādakṛcchramudāhṛtaḥ||

वह चौबीस कृच्छ्रों का सुन्दर फल प्राप्त करता है। इससे आगे के प्रत्येक योजन के लिए पादकृच्छ्र (चौथाई कृच्छ्र) कहा गया है।

श्लोक 44 (skanda.5.382.44)

तन्मध्ये च महाराज यो व्रजेच्छुद्धिकाङ्क्षया। योजने योजने तस्य प्रायश्चित्तं विदुर्बुधाः।

tanmadhye ca mahārāja yo vrajecchuddhikāṅkṣayā| yojane yojane tasya prāyaścittaṁ vidurbudhāḥ||

हे महाराज! और उस बीच में जो शुद्धि की इच्छा से यात्रा करता है, विद्वान लोग उसके लिए प्रत्येक योजन का प्रायश्चित्त जानते हैं।

श्लोक 45 (skanda.5.382.45)

प्रणवाख्ये महाराज तथा रेवोरिसंगमे। भृगुक्षेत्रे तथा गत्वा फलं तद्द्विगुणं स्मृतम्।

praṇavākhye mahārāja tathā revorisaṁgame| bhṛgukṣetre tathā gatvā phalaṁ taddviguṇaṁ smṛtam||

हे महाराज! प्रणव नामक स्थान पर तथा रेवा-ओरि के संगम पर, और भृगुक्षेत्र में जाने से दुगुना फल कहा गया है।

श्लोक 46 (skanda.5.382.46)

सङ्गमे देवनद्याश्च शूलभेदे नृपोत्तम। द्विगुणं पादहीनं स्यात्करजासंगमे तथा।

saṅgame devanadyāśca śūlabhede nṛpottama| dviguṇaṁ pādahīnaṁ syātkarajāsaṁgame tathā||

हे नृपोत्तम! देवनदी के संगम पर तथा शूलभेद में सवा दुगुना फल होता है, तथा करजा के संगम में भी वैसा ही।

श्लोक 47 (skanda.5.382.47)

एरण्डीसङ्गमे तद्वत्कपिलायाश्च संगमे। केचित्त्रिगुणितं प्राहुः कुब्जारेवोत्थसङ्गमे।

eraṇḍīsaṅgame tadvatkapilāyāśca saṁgame| kecittriguṇitaṁ prāhuḥ kubjārevotthasaṅgame||

एरण्डी के संगम में तथा कपिला के संगम में भी वैसा ही; कुछ लोग कुब्जा और रेवा के उद्गम-संगम में तिगुना फल कहते हैं।

श्लोक 48 (skanda.5.382.48)

ओंकारे च महाराज तदपि स्यात्समञ्जसम्। सङ्गमेषु तथान्यासां नदीनां रेवया सह।

oṁkāre ca mahārāja tadapi syātsamañjasam| saṅgameṣu tathānyāsāṁ nadīnāṁ revayā saha||

हे महाराज! ओंकार में भी वही उचित है; और रेवा के साथ अन्य नदियों के संगमों में भी,

श्लोक 49 (skanda.5.382.49)

प्राहुस्ते सार्धकृच्छ्रं वै फलं पूर्वं युधिष्ठिर। त्रिगुणं कृच्छ्रमाप्नोति रेवासागरसङ्गमे।

prāhuste sārdhakṛcchraṁ vai phalaṁ pūrvaṁ yudhiṣṭhira| triguṇaṁ kṛcchramāpnoti revāsāgarasaṅgame||

हे युधिष्ठिर! पहले वाला डेढ़ कृच्छ्र का फल कहा गया है। रेवा-सागर संगम में तिगुना कृच्छ्र-फल प्राप्त होता है।

श्लोक 50 (skanda.5.382.50)

कृच्छ्रं चतुर्गुणं प्रोक्तं शुक्लतीर्थे युधिष्ठिर। योजने योजने गत्वा चतुर्विंशतियोजनम्। तत्र तत्र वसेद्यस्तु सुचिरं नृवरोत्तम।

kṛcchraṁ caturguṇaṁ proktaṁ śuklatīrthe yudhiṣṭhira| yojane yojane gatvā caturviṁśatiyojanam| tatra tatra vasedyastu suciraṁ nṛvarottama||

हे युधिष्ठिर! शुक्ल तीर्थ में चौगुना कृच्छ्र कहा गया है। हे नृवरोत्तम! जो चौबीस योजन तक योजन-योजन जाकर प्रत्येक स्थान पर दीर्घ काल तक निवास करता है,

श्लोक 51 (skanda.5.382.51)

रेवासेवासमाचारः संयुक्तः शुद्धबुद्धिमान्। दम्भाहङ्काररहितः शुद्ध्यर्थं स विमुच्यते।

revāsevāsamācāraḥ saṁyuktaḥ śuddhabuddhimān| dambhāhaṅkārarahitaḥ śuddhyarthaṁ sa vimucyate||

रेवा की सेवा में सदा संलग्न, शुद्ध बुद्धि वाला, दम्भ और अहंकार से रहित - वह शुद्धि के लिए मुक्त हो जाता है।

श्लोक 52 (skanda.5.382.52)

इति ते कथितं पार्थ प्रायश्चित्तार्थलक्षणम्। रेवायात्राविधानं च गुह्यमेतद्युधिष्ठिर।

iti te kathitaṁ pārtha prāyaścittārthalakṣaṇam| revāyātrāvidhānaṁ ca guhyametadyudhiṣṭhira||

हे पार्थ! इस प्रकार प्रायश्चित्त के प्रयोजन का लक्षण तुम्हें बताया गया। हे युधिष्ठिर! यह रेवायात्रा का विधान गुह्य है।

श्लोक 53 (skanda.5.382.53)

युधिष्ठिर उवाच। योजनस्य प्रमाणं मे वद त्वं मुनिसत्तम। यज्ज्ञात्वा निश्चितं मे स्यान्मनःशुद्धेस्तु कारणम्।

yudhiṣṭhira uvāca| yojanasya pramāṇaṁ me vada tvaṁ munisattama| yajjñātvā niścitaṁ me syānmanaḥśuddhestu kāraṇam||

युधिष्ठिर बोले - हे मुनिश्रेष्ठ! मुझे योजन का प्रमाण बताइए, जिसे जानकर मेरे मन की शुद्धि का कारण निश्चित हो सके।

श्लोक 54 (skanda.5.382.54)

मार्कण्डेय उवाच। शृणु पाण्डव वक्ष्यामि प्रमाणं योजनस्य यत्। तथा यात्राविशेषेण विशेषं कृच्छ्रसम्भवम्।

mārkaṇḍeya uvāca| śṛṇu pāṇḍava vakṣyāmi pramāṇaṁ yojanasya yat| tathā yātrāviśeṣeṇa viśeṣaṁ kṛcchrasambhavam||

मार्कण्डेय बोले - हे पाण्डव! सुनो, मैं योजन का प्रमाण बताता हूँ, तथा यात्रा-विशेष के अनुसार कृच्छ्र से उत्पन्न विशेष फल भी।

श्लोक 55 (skanda.5.382.55)

तिर्यग्यवोदराण्यष्टावूर्ध्वा वा व्रीहयस्त्रयः। प्रमाणमङ्गुलस्याहुर्वितस्तिर्द्वादशांगुला।

tiryagyavodarāṇyaṣṭāvūrdhvā vā vrīhayastrayaḥ| pramāṇamaṅgulasyāhurvitastirdvādaśāṁgulā||

आठ जौ के दाने आड़े रखने पर, अथवा तीन धान के दाने खड़े रखने पर, एक अंगुल का प्रमाण कहा गया है; बारह अंगुल की एक वितस्ति होती है।

श्लोक 56 (skanda.5.382.56)

वितस्तिद्वितयं हस्तश्चतुर्हस्तं धनुः स्मृतम्। स एव दण्डो गदितो विशेषज्ञैर्युधिष्ठिर।

vitastidvitayaṁ hastaścaturhastaṁ dhanuḥ smṛtam| sa eva daṇḍo gadito viśeṣajñairyudhiṣṭhira||

दो वितस्ति का एक हस्त होता है, चार हस्त का एक धनुष कहा गया है; हे युधिष्ठिर! विशेषज्ञों ने उसी को दण्ड भी कहा है।

श्लोक 57 (skanda.5.382.57)

धनुःसहस्रे द्वे क्रोशश्चतुःक्रोशं च योजनम्। एतद्योजनमानं ते कथितं भरतर्षभ।

dhanuḥsahasre dve krośaścatuḥkrośaṁ ca yojanam| etadyojanamānaṁ te kathitaṁ bharatarṣabha||

दो हजार धनुष का एक क्रोश होता है, और चार क्रोश का एक योजन होता है। हे भरतर्षभ! यह तुम्हें योजन का प्रमाण बताया गया।

श्लोक 58 (skanda.5.382.58)

येन यात्रां व्रजन् वेत्ति फलमानं निजार्जितम्। उक्तं कृच्छ्रफलं तीर्थे जलरूपे नृपोत्तम।

yena yātrāṁ vrajan vetti phalamānaṁ nijārjitam| uktaṁ kṛcchraphalaṁ tīrthe jalarūpe nṛpottama||

इसे जानकर यात्रा करने वाला व्यक्ति अपने अर्जित फल का प्रमाण जान लेता है। हे नृपोत्तम! जलरूप तीर्थ में कृच्छ्र-फल कहा गया है,

श्लोक 59 (skanda.5.382.59)

यथाविशेषं ते वच्मि पूर्वोक्ते तत्र तत्र च। तन्मे शृणु महीपाल श्रद्दधानाय कथ्यते।

yathāviśeṣaṁ te vacmi pūrvokte tatra tatra ca| tanme śṛṇu mahīpāla śraddadhānāya kathyate||

उसकी विशेषता मैं पूर्वोक्त प्रत्येक स्थान के अनुसार तुम्हें बताता हूँ। हे महीपाल! श्रद्धावान के लिए ही यह कहा जाता है, इसे मुझसे सुनो।

श्लोक 60 (skanda.5.382.60)

यस्मिंस्तीर्थे हि यत्प्रोक्तं फलं कृच्छ्रादिकं नृप। तत्राप्युपोषणात्कृच्छ्रफलं प्राप्नोत्यथाधिकम्।

yasmiṁstīrthe hi yatproktaṁ phalaṁ kṛcchrādikaṁ nṛpa| tatrāpyupoṣaṇātkṛcchraphalaṁ prāpnotyathādhikam||

हे राजन्! जिस तीर्थ में जो कृच्छ्र आदि फल कहा गया है, वहाँ भी उपवास करने से उससे भी अधिक कृच्छ्र-फल प्राप्त होता है।

श्लोक 61 (skanda.5.382.61)

दिनजाप्याच्च लभते फलं कृच्छ्रस्य शक्तितः। तत्र विख्यातदेवेशं स्नात्वा दृष्ट्वाभिपूज्य च।

dinajāpyācca labhate phalaṁ kṛcchrasya śaktitaḥ| tatra vikhyātadeveśaṁ snātvā dṛṣṭvābhipūjya ca||

और दिनभर जप करने से भी यथाशक्ति कृच्छ्र का फल प्राप्त होता है। वहाँ प्रसिद्ध देवेश का स्नान, दर्शन और पूजन करके,

श्लोक 62 (skanda.5.382.62)

प्रणम्य लभते पार्थ फलं कृच्छ्रभवं सुधीः। तीर्थे मुख्यफलं स्नानाद्द्वितीयं चाप्युपोषणात्।

praṇamya labhate pārtha phalaṁ kṛcchrabhavaṁ sudhīḥ| tīrthe mukhyaphalaṁ snānāddvitīyaṁ cāpyupoṣaṇāt||

हे पार्थ! प्रणाम करके बुद्धिमान पुरुष कृच्छ्र से उत्पन्न फल प्राप्त करता है। तीर्थ में मुख्य फल स्नान से होता है, दूसरा उपवास से,

श्लोक 63 (skanda.5.382.63)

तृतीयं ख्यातदेवस्य दर्शनाभ्यर्चनादिभिः। चतुर्थं जाप्ययोगेन देहशक्त्या त्वहर्निशम्।

tṛtīyaṁ khyātadevasya darśanābhyarcanādibhiḥ| caturthaṁ jāpyayogena dehaśaktyā tvaharniśam||

तीसरा प्रसिद्ध देवता के दर्शन और अर्चन आदि से, चौथा शरीर की शक्ति के अनुसार दिन-रात जप करने से।

श्लोक 64 (skanda.5.382.64)

पञ्चमं सर्वतीर्थेषु कल्पनीयं हि दूरतः। तीरस्थो योजनादर्वाग्दशांशं लभते फलम्।

pañcamaṁ sarvatīrtheṣu kalpanīyaṁ hi dūrataḥ| tīrastho yojanādarvāgdaśāṁśaṁ labhate phalam||

पाँचवाँ फल दूर से ही सभी तीर्थों में कल्पित करने योग्य है। तट पर रहने वाला, एक योजन के भीतर, दसवाँ भाग फल प्राप्त करता है।

श्लोक 65 (skanda.5.382.65)

उक्ततीर्थफलात्पार्थ नात्र कार्या विचारणा।

uktatīrthaphalātpārtha nātra kāryā vicāraṇā||

हे पार्थ! तीर्थों के इस प्रकार कहे गए फल के विषय में यहाँ कोई विचार-विमर्श नहीं करना चाहिए।

श्लोक 66 (skanda.5.382.66)

उपवासेन सहितं महानद्यां हि मज्जनम्। अप्यर्वाग्योजनात्पार्थ दद्यात्कृच्छ्रफलं नृणाम्।

upavāsena sahitaṁ mahānadyāṁ hi majjanam| apyarvāgyojanātpārtha dadyātkṛcchraphalaṁ nṛṇām||

उपवास सहित महानदी में डुबकी लगाना - हे पार्थ! एक योजन के भीतर ही होने पर भी - मनुष्यों को कृच्छ्र का फल प्रदान करता है।

श्लोक 67 (skanda.5.382.67)

षड्योजनवहा कुल्य नद्योऽल्पा द्वादशैव च। चतुर्विंशतिगा नद्यो महानद्यस्ततोऽधिकाः।

ṣaḍyojanavahā kulya nadyo'lpā dvādaśaiva ca| caturviṁśatigā nadyo mahānadyastato'dhikāḥ||

छह योजन तक बहने वाली धाराएँ 'कुल्या' कहलाती हैं, बारह योजन तक बहने वाली छोटी नदियाँ कहलाती हैं, चौबीस योजन तक बहने वाली नदियाँ (सामान्य नदी) कहलाती हैं, और उससे अधिक बहने वाली महानदियाँ कहलाती हैं।