मार्कण्डेय-युधिष्ठिर संवाद में रेवाखण्ड के पठन-श्रवण-दान आदि के फल का वर्णन

श्लोक 1 (skanda.5.384.1)

श्रीमार्कण्डेय उवाच। एवं ते कथितं राजन्पुराणं धर्मसंहितम्। शिवप्रीत्या यथा प्रोक्तं वायुना देवसंसदि।

śrīmārkaṇḍeya uvāca| evaṁ te kathitaṁ rājanpurāṇaṁ dharmasaṁhitam| śivaprītyā yathā proktaṁ vāyunā devasaṁsadi||

श्री मार्कण्डेय बोले - हे राजन्! इस प्रकार यह धर्मसंहिता पुराण तुम्हें बताया गया, जैसा शिव की प्रीति से वायु ने देवसभा में कहा था।

श्लोक 2 (skanda.5.384.2)

षष्टितीर्थसहस्राणि षष्टिकोटिस्तथैव च। आदिमध्यावसानेषु नर्मदायां पदे पदे।

ṣaṣṭitīrthasahasrāṇi ṣaṣṭikoṭistathaiva ca| ādimadhyāvasāneṣu narmadāyāṁ pade pade||

साठ हजार तथा साठ करोड़ तीर्थ आदि, मध्य और अन्त में, नर्मदा के प्रत्येक स्थान पर स्थित हैं।

श्लोक 3 (skanda.5.384.3)

मया द्वादशसाहस्री संहिता या श्रुता पुरा। देवदेवस्य गदतः साम्प्रतं कथिता तव।

mayā dvādaśasāhasrī saṁhitā yā śrutā purā| devadevasya gadataḥ sāmprataṁ kathitā tava||

जो बारह हजार श्लोकों की संहिता मैंने पूर्वकाल में देवाधिदेव के मुख से सुनी थी, वह अब तुम्हें बता दी गई है।

श्लोक 4 (skanda.5.384.4)

पृष्टस्त्वयाहं भूपाल पर्वतेऽमरकण्टके। स्थितः संक्षेपतः सर्वं मया तत्कथितं तव।

pṛṣṭastvayāhaṁ bhūpāla parvate'marakaṇṭake| sthitaḥ saṁkṣepataḥ sarvaṁ mayā tatkathitaṁ tava||

हे भूपाल! तुम्हारे द्वारा अमरकण्टक पर्वत पर स्थित मुझसे पूछे जाने पर, मैंने वह सब संक्षेप में तुम्हें बता दिया।

श्लोक 5 (skanda.5.384.5)

नर्मदाचरितं पुण्यं शृणु तस्यास्ति यत्फलम्। यत्फलं सर्ववेदैः स्यात्सषडङ्गपदक्रमैः।

narmadācaritaṁ puṇyaṁ śṛṇu tasyāsti yatphalam| yatphalaṁ sarvavedaiḥ syātsaṣaḍaṅgapadakramaiḥ||

अब इस पुण्य नर्मदाचरित के फल को सुनो। सभी वेदों को छह अंगों और पद-क्रम आदि पाठ-विधियों सहित,

श्लोक 6 (skanda.5.384.6)

पठितैश्च श्रुतैर्वापि तस्माद्बहुतरं भवेत्। सत्रयाजी फलं यत्र लभते द्वादशाब्दिकम्।

paṭhitaiśca śrutairvāpi tasmādbahutaraṁ bhavet| satrayājī phalaṁ yatra labhate dvādaśābdikam||

पढ़ने अथवा सुनने से जो फल प्राप्त होता है, उससे भी अधिक फल इससे प्राप्त होता है। बारह वर्षों तक सत्र-यज्ञ करने वाला जो फल प्राप्त करता है,

श्लोक 7 (skanda.5.384.7)

चरिते तु श्रुते देव्या लभते तादृशं फलम्। सर्वतीर्थेषु यत्पुण्यं स्नात्वा सागरमादितः।

carite tu śrute devyā labhate tādṛśaṁ phalam| sarvatīrtheṣu yatpuṇyaṁ snātvā sāgaramāditaḥ||

वही फल देवी (नर्मदा) के चरित को सुनने से प्राप्त होता है। सभी तीर्थों में स्नान करने का जो पुण्य सागर से आरम्भ कर प्राप्त होता है,

श्लोक 8 (skanda.5.384.8)

सकृत्स्नात्वा तथा श्रुत्वा नर्मदायां फलं हि तत्। आदिमध्यावसानेन नर्मदाचरितं शुभम्।

sakṛtsnātvā tathā śrutvā narmadāyāṁ phalaṁ hi tat| ādimadhyāvasānena narmadācaritaṁ śubham||

वही फल नर्मदा में एक बार स्नान करने से अथवा उसे सुनने से भी प्राप्त होता है। इस शुभ नर्मदाचरित को आदि, मध्य और अन्त में,

श्लोक 9 (skanda.5.384.9)

यः शृणोति नरो भक्त्या तस्य पुण्यफलं शृणु। स प्राप्य शिवसंस्थानं रुद्रकन्यासमावृतः।

yaḥ śṛṇoti naro bhaktyā tasya puṇyaphalaṁ śṛṇu| sa prāpya śivasaṁsthānaṁ rudrakanyāsamāvṛtaḥ||

जो मनुष्य भक्तिपूर्वक सुनता है, उसका पुण्यफल सुनो: वह शिव के धाम को प्राप्त कर, रुद्र की कन्याओं से घिरा हुआ,

श्लोक 10 (skanda.5.384.10)

रुद्रस्यानुचरो भूत्वा तेनैव सह मोदते। एतद्धर्ममुपाख्यानं सर्वशास्त्रेषु सत्तमम्।

rudrasyānucaro bhūtvā tenaiva saha modate| etaddharmamupākhyānaṁ sarvaśāstreṣu sattamam||

रुद्र का अनुचर बनकर उन्हीं के साथ आनन्दित होता है। यह धर्म-उपाख्यान सभी शास्त्रों में सर्वश्रेष्ठ है।

श्लोक 11 (skanda.5.384.11)

देशे वा मण्डले वापि वा ग्रामे नगरेऽपि वा। गृहे वा तिष्ठते यस्य चातुर्वर्ण्यस्य भारत।

deśe vā maṇḍale vāpi vā grāme nagare'pi vā| gṛhe vā tiṣṭhate yasya cāturvarṇyasya bhārata||

हे भारत! जिस भी देश, मण्डल, गाँव, नगर अथवा घर में चारों वर्णों में से किसी के पास यह ग्रन्थ रहता है,

श्लोक 12 (skanda.5.384.12)

स ब्रह्मा स शिवः साक्षात्स च देवो जनार्दनः। त्रिविधं कारणं लोके धर्मपन्थानमुत्तमम्।

sa brahmā sa śivaḥ sākṣātsa ca devo janārdanaḥ| trividhaṁ kāraṇaṁ loke dharmapanthānamuttamam||

वह साक्षात ब्रह्मा है, वह शिव है, और वह देव जनार्दन भी है। संसार में धर्म के उत्तम मार्ग का त्रिविध कारण,

श्लोक 13 (skanda.5.384.13)

देवतानां गुरुं शास्त्रं परमं सिद्धिकारणम्। श्रुत्वेश्वरमुखात्पार्थ मयापि तव कीर्तितम्।

devatānāṁ guruṁ śāstraṁ paramaṁ siddhikāraṇam| śrutveśvaramukhātpārtha mayāpi tava kīrtitam||

देवताओं का गुरु, सिद्धि का परम कारण यह शास्त्र - हे पार्थ! ईश्वर के मुख से सुनकर मैंने भी तुम्हें कह सुनाया है।

श्लोक 14 (skanda.5.384.14)

दक्षिणे चोत्तरे कूले यानि तीर्थानि कानिचित्। प्रधानतः सुपुण्यानि कथितानि विशेषतः।

dakṣiṇe cottare kūle yāni tīrthāni kānicit| pradhānataḥ supuṇyāni kathitāni viśeṣataḥ||

दक्षिण और उत्तर तट पर जो भी तीर्थ हैं, उनमें से प्रधानतः अत्यन्त पुण्य तीर्थों को विशेष रूप से बताया गया है।

श्लोक 15 (skanda.5.384.15)

स्पर्शनाद्दर्शनात्तेषां कीर्तनाच्छ्रवणात्तथा। मुच्यते सर्वपापेभ्यो रुद्रलोकं स गच्छति।

sparśanāddarśanātteṣāṁ kīrtanācchravaṇāttathā| mucyate sarvapāpebhyo rudralokaṁ sa gacchati||

उनके स्पर्श से, दर्शन से, कीर्तन से तथा श्रवण से भी मनुष्य सभी पापों से मुक्त होकर रुद्रलोक को जाता है।

श्लोक 16 (skanda.5.384.16)

इदं यः शृणुयान्नित्यं पुराणं शिवभाषितम्। ब्राह्मणो वेदविद्यावान् क्षत्रियो विजयी भवेत्।

idaṁ yaḥ śṛṇuyānnityaṁ purāṇaṁ śivabhāṣitam| brāhmaṇo vedavidyāvān kṣatriyo vijayī bhavet||

शिव द्वारा कहे गए इस पुराण को जो नित्य सुनता है - ब्राह्मण वेदविद्या से सम्पन्न होता है, क्षत्रिय विजयी होता है,

श्लोक 17 (skanda.5.384.17)

धनभागी भवेद्वैश्यः शूद्रो वै धर्मभाग्भवेत्। सौभाग्यं सन्ततिं स्वर्गं नारी श्रुत्वाप्नुयाद्धनम्।

dhanabhāgī bhavedvaiśyaḥ śūdro vai dharmabhāgbhavet| saubhāgyaṁ santatiṁ svargaṁ nārī śrutvāpnuyāddhanam||

वैश्य धन से सम्पन्न होता है, शूद्र धर्म से सम्पन्न होता है; स्त्री सुनकर सौभाग्य, सन्तान, स्वर्ग और धन प्राप्त करती है।

श्लोक 18 (skanda.5.384.18)

ब्रह्मघ्नश्च सुरापश्च स्तेयी च गुरुतल्पगः। माहात्म्यं नर्मदायास्तु श्रुत्वा पापबहिष्कृताः।

brahmaghnaśca surāpaśca steyī ca gurutalpagaḥ| māhātmyaṁ narmadāyāstu śrutvā pāpabahiṣkṛtāḥ||

ब्रह्महत्यारा, मद्यपायी, चोर तथा गुरुपत्नीगामी - ये सभी नर्मदा की महिमा को सुनकर पाप से मुक्त हो जाते हैं।

श्लोक 19 (skanda.5.384.19)

पापभेदी कृतघ्नश्च स्वामिविश्वासघातकः। गोघ्नश्च गरदश्चैव कन्याविक्रयकारकः।

pāpabhedī kṛtaghnaśca svāmiviśvāsaghātakaḥ| goghnaśca garadaścaiva kanyāvikrayakārakaḥ||

पाप में प्रवृत्त कराने वाला, कृतघ्न, स्वामी के विश्वास का घात करने वाला, गोहत्यारा, विषदाता, तथा कन्या को बेचने वाला -

श्लोक 20 (skanda.5.384.20)

एते श्रुत्वैव पापेभ्यो मुच्यन्ते नात्र संशयः। ये पुनर्भावितात्मानः शृण्वन्ति सततं नृप।

ete śrutvaiva pāpebhyo mucyante nātra saṁśayaḥ| ye punarbhāvitātmānaḥ śṛṇvanti satataṁ nṛpa||

ये सभी इसे सुनकर ही पापों से मुक्त हो जाते हैं, इसमें कोई संशय नहीं। हे राजन्! और जो शुद्ध अन्तःकरण वाले सदा इसे सुनते हैं,

श्लोक 21 (skanda.5.384.21)

पूजयन्त इदं देवाः पूजिता गुरवश्च तैः। नर्मदा पूजिता तेन भगवांश्च महेश्वरः।

pūjayanta idaṁ devāḥ pūjitā guravaśca taiḥ| narmadā pūjitā tena bhagavāṁśca maheśvaraḥ||

इसका पूजन करने वाले - उनके द्वारा देवता पूजित होते हैं और उनके गुरु भी पूजित होते हैं; उसी से नर्मदा पूजित होती है और भगवान महेश्वर भी।

श्लोक 22 (skanda.5.384.22)

तस्मात्सर्वप्रयत्नेन गन्धपुष्पविभूषणैः। पूजितं परया भक्त्या शास्त्रमेतत्फलप्रदम्।

tasmātsarvaprayatnena gandhapuṣpavibhūṣaṇaiḥ| pūjitaṁ parayā bhaktyā śāstrametatphalapradam||

इसलिए, सभी प्रयत्नों से, गन्ध, पुष्प और आभूषणों के साथ, परम भक्ति से पूजित यह शास्त्र फल प्रदान करने वाला है।

श्लोक 23 (skanda.5.384.23)

लेखापयित्वा सकलं नर्मदाचरितं शुभम्। उत्तमं सर्वशास्त्रेभ्यो यो ददाति द्विजन्मने।

lekhāpayitvā sakalaṁ narmadācaritaṁ śubham| uttamaṁ sarvaśāstrebhyo yo dadāti dvijanmane||

जो सम्पूर्ण शुभ नर्मदाचरित को, जो सभी शास्त्रों में सर्वश्रेष्ठ है, लिखवाकर किसी द्विजन्मा को दान करता है,

श्लोक 24 (skanda.5.384.24)

नर्मदासर्वतीर्थेषु स्नाने दाने च यत्फलम्। तत्फलं समवाप्नोति स नरो नात्र संशयः।

narmadāsarvatīrtheṣu snāne dāne ca yatphalam| tatphalaṁ samavāpnoti sa naro nātra saṁśayaḥ||

उसे वही फल प्राप्त होता है जो नर्मदा के सभी तीर्थों में स्नान और दान करने से प्राप्त होता है, इसमें कोई संशय नहीं है।

श्लोक 25 (skanda.5.384.25)

एतत्पुराणं रुद्रोक्तं महापुण्यफलप्रदम्। स्वर्गदं पुत्रदं धन्यं यशस्यं कीर्तिवर्धनम्।

etatpurāṇaṁ rudroktaṁ mahāpuṇyaphalapradam| svargadaṁ putradaṁ dhanyaṁ yaśasyaṁ kīrtivardhanam||

रुद्र द्वारा कहा गया यह पुराण महान पुण्यफल प्रदान करने वाला है; यह स्वर्ग देने वाला, पुत्र देने वाला, धन्य, यशस्वी और कीर्ति बढ़ाने वाला है।

श्लोक 26 (skanda.5.384.26)

सर्वपापहरं पार्थ दुःखदुःस्वप्ननाशनम्। पठतां शृण्वतां राजन् सर्वकामार्थसिद्धिदम्।

sarvapāpaharaṁ pārtha duḥkhaduḥsvapnanāśanam| paṭhatāṁ śṛṇvatāṁ rājan sarvakāmārthasiddhidam||

हे पार्थ! यह सभी पापों को हरने वाला तथा दुःख और दुःस्वप्न का नाश करने वाला है। हे राजन्! पढ़ने और सुनने वालों के लिए यह सभी कामनाओं और अर्थों की सिद्धि देने वाला है।

श्लोक 27 (skanda.5.384.27)

शान्तिरस्तु शिवं चास्तु लोकाः सन्तु निरामयाः। गोब्राह्मणेभ्यः स्वस्त्यस्तु धर्मं धर्मात्मजाश्रयः।

śāntirastu śivaṁ cāstu lokāḥ santu nirāmayāḥ| gobrāhmaṇebhyaḥ svastyastu dharmaṁ dharmātmajāśrayaḥ||

शान्ति हो, कल्याण हो, संसार रोगरहित हों; गो और ब्राह्मणों का कल्याण हो; धर्म धर्मात्माओं के पुत्रों का आश्रय हो।

श्लोक 28 (skanda.5.384.28)

नरकान्तकरी रेवा सतीर्था विश्वपावनी। नर्मदा धर्मदा चास्तु शर्मदा पार्थ ते सदा।

narakāntakarī revā satīrthā viśvapāvanī| narmadā dharmadā cāstu śarmadā pārtha te sadā||

नरक का अन्त करने वाली, तीर्थों सहित, विश्व को पवित्र करने वाली यह रेवा - यह नर्मदा हे पार्थ! तुम्हारे लिए सदा धर्म और सुख प्रदान करने वाली हो।