तीर्थ-संख्या के परिगणन का वर्णन

श्लोक 1 (skanda.5.386.1)

श्रीसूत उवाच। तथैव तीर्थस्तबकान् वक्ष्येऽहमृषिसत्तमाः। यैस्तु तीर्थावलीगुम्फः पूर्वोक्तैरेकतः कृतः।

śrīsūta uvāca| tathaiva tīrthastabakān vakṣye'hamṛṣisattamāḥ| yaistu tīrthāvalīgumphaḥ pūrvoktairekataḥ kṛtaḥ||

श्री सूत बोले - हे श्रेष्ठ ऋषियो! मैं उसी प्रकार तीर्थों के गुच्छों (स्तबकों) को कहूँगा, जिनसे पहले कही गई तीर्थावली की माला एक साथ गूँथी गई थी।

श्लोक 2 (skanda.5.386.2)

विभक्तो भक्तलोकानामानन्दप्रथनः शुभः। मृकण्डतनयः पूर्वं प्राह पार्थाय पृच्छते।

vibhakto bhaktalokānāmānandaprathanaḥ śubhaḥ| mṛkaṇḍatanayaḥ pūrvaṁ prāha pārthāya pṛcchate||

विभक्त होने पर भी वह भक्तजनों के लिए आनन्द फैलाने वाली शुभ माला है; मृकण्डु के पुत्र ने पूर्वकाल में पूछते हुए पार्थ से यह कहा था।

श्लोक 3 (skanda.5.386.3)

यथा तथाहं वक्ष्यामि तीर्थानां स्तबकानिह। शिवाम्बुपानजा पुण्या रेवा कल्पलता किल।

yathā tathāhaṁ vakṣyāmi tīrthānāṁ stabakāniha| śivāmbupānajā puṇyā revā kalpalatā kila||

जैसा उन्होंने कहा था, वैसे ही मैं यहाँ तीर्थों के गुच्छों को कहूँगा। शिव के जल से उत्पन्न पुण्य रेवा मानो कल्पलता ही है।

श्लोक 4 (skanda.5.386.4)

तीरद्वयोद्भूततीर्थप्रसूनैः पुष्पिता शुभा। यत्पुण्यगन्धलक्ष्म्या वै त्रैलोक्यं सुरभीकृतम्।

tīradvayodbhūtatīrthaprasūnaiḥ puṣpitā śubhā| yatpuṇyagandhalakṣmyā vai trailokyaṁ surabhīkṛtam||

दोनों तटों पर उत्पन्न तीर्थ-रूपी पुष्पों से खिली हुई शुभ रेवा, जिसकी पुण्य सुगंध की शोभा से त्रैलोक्य सुवासित हो गया है।

श्लोक 5 (skanda.5.386.5)

तत्पुष्पमकरन्दस्य रसास्वादविदुत्तमः। भ्रमरः खलु मार्कण्डो मुनिर्मतिमतां वरः।

tatpuṣpamakarandasya rasāsvādaviduttamaḥ| bhramaraḥ khalu mārkaṇḍo munirmatimatāṁ varaḥ||

उन पुष्पों के मकरन्द रस का स्वाद जानने में सर्वश्रेष्ठ, बुद्धिमानों में श्रेष्ठ मुनि मार्कण्डेय ही मानो वह भ्रमर है।

श्लोक 6 (skanda.5.386.6)

तत्पुष्पमालां हृदये तीर्थस्तबकचित्रिताम्। दधाति सततं पुण्यां मुनिर्भृगुकुलोद्वहः। तस्याः स्तबकसंस्थानं वक्ष्येऽहमृषिसत्तमाः।

tatpuṣpamālāṁ hṛdaye tīrthastabakacitritām| dadhāti satataṁ puṇyāṁ munirbhṛgukulodvahaḥ| tasyāḥ stabakasaṁsthānaṁ vakṣye'hamṛṣisattamāḥ||

भृगुकुल के उस मुनि ने तीर्थ-गुच्छों से सुशोभित उस पुण्य पुष्पमाला को सदा अपने हृदय में धारण किया। हे श्रेष्ठ ऋषियो! अब मैं उसके गुच्छों की संरचना बताऊँगा।

श्लोक 7 (skanda.5.386.7)

ओङ्कारतीर्थमारभ्य यावत्पश्चिमसागरम्। संगमाः पञ्चत्रिंशद्वै नदीनां पापनाशनाः।

oṅkāratīrthamārabhya yāvatpaścimasāgaram| saṁgamāḥ pañcatriṁśadvai nadīnāṁ pāpanāśanāḥ||

ओंकार तीर्थ से आरम्भ कर पश्चिमी सागर तक, नदियों के पैंतीस पापनाशक संगम हैं।

श्लोक 8 (skanda.5.386.8)

दशैकमुत्तरे तीरे सत्रिविंशति दक्षिणे। पञ्चत्रिंशत्तमः श्रेष्ठो रेवासागरसङ्गमः।

daśaikamuttare tīre satriviṁśati dakṣiṇe| pañcatriṁśattamaḥ śreṣṭho revāsāgarasaṅgamaḥ||

उत्तर तट पर ग्यारह, दक्षिण तट पर तेईस, तथा पैंतीसवाँ और सर्वश्रेष्ठ रेवा-सागर का संगम है।

श्लोक 9 (skanda.5.386.9)

सङ्गमः सहितान्येवं रेवातीरद्वयेऽपि च। चतुःशतानि तीर्थानि प्रसिद्धानि द्विजोत्तमाः।

saṅgamaḥ sahitānyevaṁ revātīradvaye'pi ca| catuḥśatāni tīrthāni prasiddhāni dvijottamāḥ||

हे श्रेष्ठ द्विजो! इस प्रकार संगमों सहित, रेवा के दोनों तटों पर चार सौ तीर्थ प्रसिद्ध हैं।

श्लोक 10 (skanda.5.386.10)

त्रिशतं शिवतीर्थानि त्रयीस्त्रिंशत्समन्वितम्। तत्रापि व्यक्तितो वक्ष्ये शृणुध्वं तानि सत्तमाः।

triśataṁ śivatīrthāni trayīstriṁśatsamanvitam| tatrāpi vyaktito vakṣye śṛṇudhvaṁ tāni sattamāḥ||

उनमें तीन सौ तैंतीस शिव-तीर्थ हैं; हे श्रेष्ठजनो! मैं उन्हें भी विस्तार से कहूँगा, सुनो।

श्लोक 11 (skanda.5.386.11)

मार्कण्डेश्वरतीर्थानि दश तेषु मुनीश्वराः। दशादित्यभवान्यत्र नवैव कपिलेश्वराः।

mārkaṇḍeśvaratīrthāni daśa teṣu munīśvarāḥ| daśādityabhavānyatra navaiva kapileśvarāḥ||

हे मुनीश्वरो! उनमें दस मार्कण्डेश्वर तीर्थ हैं, दस सूर्य से उत्पन्न हैं, तथा नौ कपिलेश्वर हैं।

श्लोक 12 (skanda.5.386.12)

सोमसंस्थापितान्यष्टौ तावन्तो नर्मदेश्वराः। कोटितीर्थान्यथाष्टौ च सप्त सिद्धेश्वरास्तथा।

somasaṁsthāpitānyaṣṭau tāvanto narmadeśvarāḥ| koṭitīrthānyathāṣṭau ca sapta siddheśvarāstathā||

सोम द्वारा स्थापित आठ, उतने ही नर्मदेश्वर, फिर आठ कोटितीर्थ, तथा वैसे ही सात सिद्धेश्वर हैं।

श्लोक 13 (skanda.5.386.13)

नागेश्वराश्च सप्तैव रेवातीरद्वयेऽपि तु। सप्तैव वह्निविहितान्यथाप्यावर्तसप्तकम्।

nāgeśvarāśca saptaiva revātīradvaye'pi tu| saptaiva vahnivihitānyathāpyāvartasaptakam||

रेवा के दोनों तटों पर सात ही नागेश्वर हैं; वैसे ही अग्नि द्वारा स्थापित सात, तथा सात आवर्त-तीर्थों का समूह है।

श्लोक 14 (skanda.5.386.14)

केदारेश्वरतीर्थानि पञ्च पञ्चेन्द्रजानि च। वरुणेशाश्च पञ्चैव पञ्चैव धनदेश्वराः।

kedāreśvaratīrthāni pañca pañcendrajāni ca| varuṇeśāśca pañcaiva pañcaiva dhanadeśvarāḥ||

पाँच केदारेश्वर तीर्थ, तथा पाँच इन्द्र से उत्पन्न, पाँच ही वरुणेश, तथा पाँच ही धनदेश्वर हैं।

श्लोक 15 (skanda.5.386.15)

देवतीर्थानि पञ्चैव चत्वारो वै यमेश्वराः। वैद्यनाथाश्च चत्वारश्चत्वारो वानरेश्वराः।

devatīrthāni pañcaiva catvāro vai yameśvarāḥ| vaidyanāthāśca catvāraścatvāro vānareśvarāḥ||

पाँच देवतीर्थ, चार ही यमेश्वर, चार वैद्यनाथ, तथा चार वानरेश्वर हैं।

श्लोक 16 (skanda.5.386.16)

अङ्गारेश्वरतीर्थानि तावन्त्येव मुनीश्वराः। सारस्वतानि चत्वारि चत्वारो दारुकेश्वराः।

aṅgāreśvaratīrthāni tāvantyeva munīśvarāḥ| sārasvatāni catvāri catvāro dārukeśvarāḥ||

हे मुनीश्वरो! उतने ही (चार) अंगारेश्वर तीर्थ हैं, चार सारस्वत, तथा चार दारुकेश्वर हैं।

श्लोक 17 (skanda.5.386.17)

गौतमेश्वरतीर्थानि त्रीणि रामेश्वरास्त्रयः। कपालेश्वरतीर्थानि त्रीणि हंसकृतानि च।

gautameśvaratīrthāni trīṇi rāmeśvarāstrayaḥ| kapāleśvaratīrthāni trīṇi haṁsakṛtāni ca||

तीन गौतमेश्वर तीर्थ, तीन रामेश्वर, तीन कपालेश्वर तीर्थ, तथा तीन हंस द्वारा बनाए गए तीर्थ हैं।

श्लोक 18 (skanda.5.386.18)

त्रीण्येव मोक्षतीर्थानि त्रयो वै विमलेश्वराः। सहस्रयज्ञतीर्थानि त्रीण्येव मुनिरब्रवीत्।

trīṇyeva mokṣatīrthāni trayo vai vimaleśvarāḥ| sahasrayajñatīrthāni trīṇyeva munirabravīt||

तीन ही मोक्षतीर्थ, तीन ही विमलेश्वर, तथा तीन ही सहस्रयज्ञ तीर्थ हैं - ऐसा मुनि ने कहा।

श्लोक 19 (skanda.5.386.19)

भीमेश्वरास्त्रयः ख्याताः स्वर्णतीर्थानि त्रीणि च। धौतपापद्वयं प्रोक्तं करञ्जेशद्वयं तथा।

bhīmeśvarāstrayaḥ khyātāḥ svarṇatīrthāni trīṇi ca| dhautapāpadvayaṁ proktaṁ karañjeśadvayaṁ tathā||

तीन विख्यात भीमेश्वर, तथा तीन स्वर्णतीर्थ, दो धौतपाप कहे गए हैं, तथा वैसे ही दो करंजेश।

श्लोक 20 (skanda.5.386.20)

ऋणमोचनतीर्थे द्वे तथा स्कन्देश्वरद्वयम्। दशाश्वमेधतीर्थे द्वे नन्दीतीर्थद्वयं द्विजाः।

ṛṇamocanatīrthe dve tathā skandeśvaradvayam| daśāśvamedhatīrthe dve nandītīrthadvayaṁ dvijāḥ||

हे द्विजो! दो ऋणमोचन तीर्थ, वैसे ही दो स्कन्देश्वर, दो दशाश्वमेध तीर्थ, तथा दो नन्दी तीर्थ हैं।

श्लोक 21 (skanda.5.386.21)

मन्मथेशद्वयं चैव भृगुतीर्थद्वयं तथा। पराशरेश्वरौ द्वौ च अयोनीसंभवद्वयम्।

manmatheśadvayaṁ caiva bhṛgutīrthadvayaṁ tathā| parāśareśvarau dvau ca ayonīsaṁbhavadvayam||

दो मन्मथेश, वैसे ही दो भृगुतीर्थ, दो पराशरेश्वर, तथा दो अयोनि-उत्पन्न तीर्थ हैं।

श्लोक 22 (skanda.5.386.22)

व्यासेश्वरद्वयं प्रोक्तं पितृतीर्थद्वयं तथा। नन्दिकेश्वरतीर्थे द्वे द्वौ च गोपेश्वरौ स्मृतौ।

vyāseśvaradvayaṁ proktaṁ pitṛtīrthadvayaṁ tathā| nandikeśvaratīrthe dve dvau ca gopeśvarau smṛtau||

दो व्यासेश्वर कहे गए हैं, वैसे ही दो पितृतीर्थ, दो नन्दिकेश्वर तीर्थ, तथा दो गोपेश्वर स्मरण किए गए हैं।

श्लोक 23 (skanda.5.386.23)

मारुतेशद्वयं तद्वद्द्वौ च ज्वालेश्वरौ स्मृतौ। शुक्लतीर्थद्वयं पुण्यमप्सरेशद्वयं तथा।

māruteśadvayaṁ tadvaddvau ca jvāleśvarau smṛtau| śuklatīrthadvayaṁ puṇyamapsareśadvayaṁ tathā||

वैसे ही दो मारुतेश, तथा दो ज्वालेश्वर स्मरण किए गए हैं; दो पुण्य शुक्लतीर्थ, तथा वैसे ही दो अप्सरेश हैं।

श्लोक 24 (skanda.5.386.24)

पिप्पलेश्वरतीर्थे द्वे माण्डव्येश्वरसंज्ञिते। द्वीपेश्वरद्वयं चैव प्राह तद्वद्भृगूद्वहः। उत्तरेश्वरतीर्थे द्वे अशोकेशद्वयी तथा।

pippaleśvaratīrthe dve māṇḍavyeśvarasaṁjñite| dvīpeśvaradvayaṁ caiva prāha tadvadbhṛgūdvahaḥ| uttareśvaratīrthe dve aśokeśadvayī tathā||

दो पिप्पलेश्वर तीर्थ, दो मांडव्येश्वर नामक; तथा वैसे ही भृगुवंशी (मार्कण्डेय) ने दो द्वीपेश्वर कहे; दो उत्तरेश्वर तीर्थ, वैसे ही दो अशोकेश हैं।

श्लोक 25 (skanda.5.386.25)

द्वे योधनपुरे चैव रोहिणीतीर्थकद्वयम्। लुङ्केश्वरद्वयं ख्यातमाख्यानं मुनिना तथा।

dve yodhanapure caiva rohiṇītīrthakadvayam| luṅkeśvaradvayaṁ khyātamākhyānaṁ muninā tathā||

योधनपुर में दो, तथा दो रोहिणी तीर्थ; दो विख्यात लुंकेश्वर - ऐसा मुनि द्वारा आख्यान कहा गया।

श्लोक 26 (skanda.5.386.26)

सैकोनविंशतिशतं तीर्थान्येकैकशो द्विजाः। स्तबकेषु कृतं तीर्थं द्विशतं सचतुर्दशम्।

saikonaviṁśatiśataṁ tīrthānyekaikaśo dvijāḥ| stabakeṣu kṛtaṁ tīrthaṁ dviśataṁ sacaturdaśam||

हे द्विजो! एक सौ उन्नीस तीर्थ अलग-अलग एक-एक करके हैं, तथा गुच्छों में स्थित तीर्थ दो सौ चौदह हैं।

श्लोक 27 (skanda.5.386.27)

शैवान्येतानि तीर्थानि वैष्णवानि च सत्तमाः। शृणुध्वं प्रोच्यमानानि ब्राह्मशाक्तानि च क्रमात्।

śaivānyetāni tīrthāni vaiṣṇavāni ca sattamāḥ| śṛṇudhvaṁ procyamānāni brāhmaśāktāni ca kramāt||

हे श्रेष्ठजनो! ये शैव तीर्थ हैं; अब क्रमशः कहे जाने वाले वैष्णव, ब्राह्म तथा शाक्त तीर्थों को सुनो।

श्लोक 28 (skanda.5.386.28)

अष्टविंशतितीर्थानि वैष्णवान्यब्रवीन्मुनिः। तेषु वाराहतीर्थानि षडेव मुनिसत्तमाः।

aṣṭaviṁśatitīrthāni vaiṣṇavānyabravīnmuniḥ| teṣu vārāhatīrthāni ṣaḍeva munisattamāḥ||

मुनि ने अट्ठाईस वैष्णव तीर्थ कहे; हे श्रेष्ठ मुनियो! उनमें केवल छह वाराह तीर्थ हैं।

श्लोक 29 (skanda.5.386.29)

चत्वारि चक्रतीर्थानि शेषाण्यष्टादशैव हि। विष्णुनाधिष्ठितान्येव प्राह पूर्वं मृकण्डजः।

catvāri cakratīrthāni śeṣāṇyaṣṭādaśaiva hi| viṣṇunādhiṣṭhitānyeva prāha pūrvaṁ mṛkaṇḍajaḥ||

चार चक्रतीर्थ हैं, और शेष अठारह विष्णु द्वारा ही अधिष्ठित हैं - ऐसा मृकण्डु-पुत्र ने पहले कहा था।

श्लोक 30 (skanda.5.386.30)

तथैव ब्रह्मणा सिद्ध्यै सप्ततीर्थान्यवीवदत्। त्रिषु च ब्रह्मणः पूजा ब्रह्मेशाश्चतुरोऽपरे। अष्टाविंशन्मया ख्याता यथासङ्ख्यं यथाक्रमम्।

tathaiva brahmaṇā siddhyai saptatīrthānyavīvadat| triṣu ca brahmaṇaḥ pūjā brahmeśāścaturo'pare| aṣṭāviṁśanmayā khyātā yathāsaṅkhyaṁ yathākramam||

वैसे ही उन्होंने सिद्धि के लिए ब्रह्मा द्वारा स्थापित सात तीर्थ कहे; उनमें तीन में ब्रह्मा की पूजा होती है, तथा अन्य चार ब्रह्मेश कहलाते हैं; इस प्रकार मैंने यथासंख्य, यथाक्रम अट्ठाईस तीर्थ कह दिए।

श्लोक 31 (skanda.5.386.31)

एतत्पवित्रमतुलं ह्येतत्पापहरं परम्। नर्मदाचरितं पुण्यं माहात्म्यं मुनिभाषितम्।

etatpavitramatulaṁ hyetatpāpaharaṁ param| narmadācaritaṁ puṇyaṁ māhātmyaṁ munibhāṣitam||

यह अनुपम पवित्र तथा परम पापहारी नर्मदाचरित, मुनि द्वारा कही गई पुण्य महिमा है।

श्लोक 32 (skanda.5.386.32)

सूत उवाच। एवमुद्देशतः प्रोक्तो रेवातीर्थक्रमो मया। यथा पार्थाय संक्षेपान्मार्कण्डो मुनिरब्रवीत्।

sūta uvāca| evamuddeśataḥ prokto revātīrthakramo mayā| yathā pārthāya saṁkṣepānmārkaṇḍo munirabravīt||

सूत बोले - इस प्रकार मैंने संक्षेप में रेवा-तीर्थ-क्रम कह दिया, जैसा मार्कण्डेय मुनि ने पार्थ को संक्षेप में कहा था।

श्लोक 33 (skanda.5.386.33)

अवान्तराणि तीर्थानि तेषु गुप्तान्यनेकशः। यत्र यावत्प्रमाणानि तान्याकर्णयतानघाः।

avāntarāṇi tīrthāni teṣu guptānyanekaśaḥ| yatra yāvatpramāṇāni tānyākarṇayatānaghāḥ||

हे निष्पापो! उनमें अनेक गुप्त अवान्तर (उप) तीर्थ भी हैं; जिस-जिस स्थान पर जितने हैं, उन्हें सुनो।

श्लोक 34 (skanda.5.386.34)

ओङ्कारतीर्थपरितः पर्वतादमरकण्टात्। क्रोशद्वये सर्वदिक्षु सार्धकोटीत्रयी मता।

oṅkāratīrthaparitaḥ parvatādamarakaṇṭāt| krośadvaye sarvadikṣu sārdhakoṭītrayī matā||

ओंकार तीर्थ के चारों ओर, अमरकण्टक पर्वत से दो कोस तक, सभी दिशाओं में साढ़े तीन करोड़ तीर्थ माने गए हैं।

श्लोक 35 (skanda.5.386.35)

तीर्थानां संख्यया गुप्तप्रकटानां द्विजोत्तमाः। कोटिरेका तु तीर्थानां कपिलासङ्गमे पृथक्।

tīrthānāṁ saṁkhyayā guptaprakaṭānāṁ dvijottamāḥ| koṭirekā tu tīrthānāṁ kapilāsaṅgame pṛthak||

हे श्रेष्ठ द्विजो! यह गुप्त और प्रकट तीर्थों की संख्या है; तथा अलग से, कपिला के संगम में एक करोड़ तीर्थ हैं।

श्लोक 36 (skanda.5.386.36)

अशोकवनिकायाश्च तीर्थं लक्षं प्रतिष्ठितम्। शतमं गारगर्तायाः सङ्गमे मुनिसत्तमाः।

aśokavanikāyāśca tīrthaṁ lakṣaṁ pratiṣṭhitam| śatamaṁ gāragartāyāḥ saṅgame munisattamāḥ||

अशोकवनिका में एक लाख तीर्थ प्रतिष्ठित हैं; हे श्रेष्ठ मुनियो! अंगारगर्ता के संगम में एक सौ हैं।

श्लोक 37 (skanda.5.386.37)

तीर्थानामयुतं तद्वत्कुब्जायाः सङ्गमे स्थितम्। शतं हिरण्यगर्भायाः सङ्गमे समवस्थितम्।

tīrthānāmayutaṁ tadvatkubjāyāḥ saṅgame sthitam| śataṁ hiraṇyagarbhāyāḥ saṅgame samavasthitam||

वैसे ही कुब्जा के संगम में दस हजार तीर्थ स्थित हैं; हिरण्यगर्भा के संगम में एक सौ स्थित हैं।

श्लोक 38 (skanda.5.386.38)

तीर्थानामष्टषष्टिश्च विशोकासङ्गमे स्थिता। तथा सहस्रं तीर्थानां संस्थितं वागुसङ्गमे।

tīrthānāmaṣṭaṣaṣṭiśca viśokāsaṅgame sthitā| tathā sahasraṁ tīrthānāṁ saṁsthitaṁ vāgusaṅgame||

विशोका के संगम में अड़सठ तीर्थ स्थित हैं; तथा वागु के संगम में एक हजार तीर्थ स्थित हैं।

श्लोक 39 (skanda.5.386.39)

शतं सरस्वतीसङ्गे शुक्लतीर्थे शतद्वयम्। सहस्रं विष्णुतीर्थेषु महिष्मत्यामथायुतम्।

śataṁ sarasvatīsaṅge śuklatīrthe śatadvayam| sahasraṁ viṣṇutīrtheṣu mahiṣmatyāmathāyutam||

सरस्वती के संगम में एक सौ, शुक्लतीर्थ में दो सौ, विष्णु तीर्थों में एक हजार, तथा महिष्मती में दस हजार हैं।

श्लोक 40 (skanda.5.386.40)

शूलभेदे च तीर्थानां साग्रं लक्षं स्थितं द्विजाः। देवग्रामे सहस्रं च तीर्थानां मुनिरब्रवीत्।

śūlabhede ca tīrthānāṁ sāgraṁ lakṣaṁ sthitaṁ dvijāḥ| devagrāme sahasraṁ ca tīrthānāṁ munirabravīt||

हे द्विजो! शूलभेद में एक लाख से अधिक तीर्थ स्थित हैं - ऐसा मुनि ने कहा; देवग्राम में एक हजार हैं।

श्लोक 41 (skanda.5.386.41)

लुङ्केश्वरे च तीर्थानां साग्रा सप्तशती स्थिता। तीर्थान्यष्टोत्तरशतं मणिनद्याश्च सङ्गमे। वैद्यनाथे च तीर्थानां शतमष्टाधिकं विदुः।

luṅkeśvare ca tīrthānāṁ sāgrā saptaśatī sthitā| tīrthānyaṣṭottaraśataṁ maṇinadyāśca saṅgame| vaidyanāthe ca tīrthānāṁ śatamaṣṭādhikaṁ viduḥ||

लुंकेश्वर में सात सौ से अधिक तीर्थ स्थित हैं; मणिनदी के संगम में एक सौ आठ तीर्थ हैं; तथा वैद्यनाथ में एक सौ आठ तीर्थ जाने जाते हैं।

श्लोक 42 (skanda.5.386.42)

एवं तावत्प्रमाणानि तीर्थे कुम्भेश्वरे द्विजाः। साग्रं लक्षं च तीर्थानां स्थितं रेवोरसङ्गमे।

evaṁ tāvatpramāṇāni tīrthe kumbheśvare dvijāḥ| sāgraṁ lakṣaṁ ca tīrthānāṁ sthitaṁ revorasaṅgame||

हे द्विजो! इस प्रकार कुम्भेश्वर तीर्थ में इतना ही प्रमाण है; तथा रेवा-ओरि के संगम में एक लाख से अधिक तीर्थ स्थित हैं।

श्लोक 43 (skanda.5.386.43)

ततश्चाप्यधिकानि स्युरिति मार्कण्डभाषितम्। अष्टाशीतिसहस्राणि व्यासद्वीपाश्रितानि च।

tataścāpyadhikāni syuriti mārkaṇḍabhāṣitam| aṣṭāśītisahasrāṇi vyāsadvīpāśritāni ca||

इससे भी अधिक हो सकते हैं - ऐसा मार्कण्डेय ने कहा; व्यासद्वीप में अठासी हजार तीर्थ स्थित हैं।

श्लोक 44 (skanda.5.386.44)

सङ्गमे च करञ्जायाः स्थितमष्टोत्तरायुतम्। एरण्डीसङ्गमे तद्वत्तीर्थान्यष्टाधिकं शतम्।

saṅgame ca karañjāyāḥ sthitamaṣṭottarāyutam| eraṇḍīsaṅgame tadvattīrthānyaṣṭādhikaṁ śatam||

करंजा के संगम में दस हजार आठ स्थित हैं; वैसे ही एरण्डी के संगम में एक सौ आठ तीर्थ हैं।

श्लोक 45 (skanda.5.386.45)

धूतपापे च तीर्थानां षष्टिरष्टाधिका स्थिता। स्कन्दतीर्थे शतं पुण्यं तीर्थानां मुनिरुक्तवान्।

dhūtapāpe ca tīrthānāṁ ṣaṣṭiraṣṭādhikā sthitā| skandatīrthe śataṁ puṇyaṁ tīrthānāṁ muniruktavān||

धूतपाप में अड़सठ तीर्थ स्थित हैं; स्कन्द तीर्थ में एक सौ पुण्य तीर्थ हैं - ऐसा मुनि ने कहा।

श्लोक 46 (skanda.5.386.46)

कोहनेश च तीर्थानां षष्टिरष्टाधिका स्थिता। सार्धकोटी च तीर्थानां स्थिता वै कोरिलापुरे।

kohaneśa ca tīrthānāṁ ṣaṣṭiraṣṭādhikā sthitā| sārdhakoṭī ca tīrthānāṁ sthitā vai korilāpure||

कोहनेश में अड़सठ तीर्थ स्थित हैं; तथा कोरिलापुर में साढ़े तीन करोड़ तीर्थ स्थित हैं।

श्लोक 47 (skanda.5.386.47)

रामकेशवतीर्थे च सहस्रं साग्रमुक्तवान्। अस्माहके सहस्रं च तीर्थानि निवसन्ति हि।

rāmakeśavatīrthe ca sahasraṁ sāgramuktavān| asmāhake sahasraṁ ca tīrthāni nivasanti hi||

राम-केशव तीर्थ में एक हजार से अधिक कहे गए हैं; अस्माहक में भी एक हजार तीर्थ निवास करते हैं।

श्लोक 48 (skanda.5.386.48)

लक्षाष्टकं सहस्रे द्वे शुक्लतीर्थे द्विजोत्तमाः। तीर्थानि कथयामास पुरा पार्थाय भार्गवः।

lakṣāṣṭakaṁ sahasre dve śuklatīrthe dvijottamāḥ| tīrthāni kathayāmāsa purā pārthāya bhārgavaḥ||

हे श्रेष्ठ द्विजो! शुक्लतीर्थ में आठ लाख दो हजार तीर्थ हैं - यह भार्गव (मार्कण्डेय) ने पूर्वकाल में पार्थ को कहा था।

श्लोक 49 (skanda.5.386.49)

शतमष्टाधिकं प्राह प्रत्येकं सङ्गमेषु च। नदीनामवशिष्टानां कावेरीसङ्गमं विना।

śatamaṣṭādhikaṁ prāha pratyekaṁ saṅgameṣu ca| nadīnāmavaśiṣṭānāṁ kāverīsaṅgamaṁ vinā||

शेष सभी नदियों के प्रत्येक संगम में एक सौ आठ तीर्थ कहे गए हैं, कावेरी के संगम को छोड़कर।

श्लोक 50 (skanda.5.386.50)

कावेर्याः सङ्गमे विप्राः स्थिता पञ्चशती तथा। तीर्थानां पर्वसु तथा विशेषो मुनिनोदितः।

kāveryāḥ saṅgame viprāḥ sthitā pañcaśatī tathā| tīrthānāṁ parvasu tathā viśeṣo muninoditaḥ||

हे विप्रो! कावेरी के संगम में पाँच सौ तीर्थ स्थित हैं; तथा तीर्थों के पर्वों में विशेष महत्व मुनि द्वारा बताया गया।

श्लोक 51 (skanda.5.386.51)

मोक्षतीर्थं हि सत्प्राहुः पुराणपुरुषाश्रितम्। भृगोः क्षेत्रे च तीर्थानां कोटिरेका समाश्रिता।

mokṣatīrthaṁ hi satprāhuḥ purāṇapuruṣāśritam| bhṛgoḥ kṣetre ca tīrthānāṁ koṭirekā samāśritā||

मोक्षतीर्थ को सज्जन पुराणपुरुष का आश्रय कहते हैं; तथा भृगु के क्षेत्र में एक करोड़ तीर्थ आश्रित हैं।

श्लोक 52 (skanda.5.386.52)

साधिकानामृषिश्रेष्ठा वक्तुं शक्तो हि को भवेत्। सर्वामराश्रयं प्रोक्तं सर्वतीर्थाश्रयं तथा।

sādhikānāmṛṣiśreṣṭhā vaktuṁ śakto hi ko bhavet| sarvāmarāśrayaṁ proktaṁ sarvatīrthāśrayaṁ tathā||

हे श्रेष्ठ ऋषियो! इससे भी अधिक को कहने में कौन समर्थ हो सकता है? यह सभी देवताओं का आश्रय तथा सभी तीर्थों का आश्रय कहा गया है।

श्लोक 53 (skanda.5.386.53)

त्रिषु लोकेषु विख्यातं पूजितं सिद्धिसाधनम्। भारभूत्यां च तीर्थानां स्थितमष्टोत्तरं शतम्।

triṣu lokeṣu vikhyātaṁ pūjitaṁ siddhisādhanam| bhārabhūtyāṁ ca tīrthānāṁ sthitamaṣṭottaraṁ śatam||

तीनों लोकों में विख्यात, पूजित, सिद्धि का साधन; तथा भारभूति में एक सौ आठ तीर्थ स्थित हैं।

श्लोक 54 (skanda.5.386.54)

अक्रूरेश्वरतीर्थे च सार्धं तीर्थशतं स्थितम्। विमलेश्वरतीर्थे तु रेवासागरसङ्गमे। दशायुतानि तीर्थानां साधिकान्यब्रवीन्मुनिः।

akrūreśvaratīrthe ca sārdhaṁ tīrthaśataṁ sthitam| vimaleśvaratīrthe tu revāsāgarasaṅgame| daśāyutāni tīrthānāṁ sādhikānyabravīnmuniḥ||

अक्रूरेश्वर तीर्थ में डेढ़ सौ तीर्थ स्थित हैं; तथा रेवा-सागर के संगम में स्थित विमलेश्वर तीर्थ में मुनि ने एक लाख से अधिक तीर्थ बताए हैं।