रेवाखण्ड की समाप्ति और रेवाखण्ड-पुस्तक-दान आदि की महिमा

श्लोक 1 (skanda.5.387.1)

सूत उवाच। इति वः कथितं विप्रा रेवामाहात्म्यमुत्तमम्। यथोपदिष्टं पार्थाय मार्कण्डेयेन वै पुरा।

sūta uvāca| iti vaḥ kathitaṁ viprā revāmāhātmyamuttamam| yathopadiṣṭaṁ pārthāya mārkaṇḍeyena vai purā||

सूत बोले - हे विप्रो! इस प्रकार तुम्हें रेवा की उत्तम महिमा कह दी गई, जैसा पूर्वकाल में मार्कण्डेय द्वारा पार्थ को उपदेश दिया गया था।

श्लोक 2 (skanda.5.387.2)

तथा तीर्थकदम्बाश्च तेषु तीर्थविशेषतः। प्राधान्येन मया ख्याता यथासङ्ख्यं यथाक्रमम्।

tathā tīrthakadambāśca teṣu tīrthaviśeṣataḥ| prādhānyena mayā khyātā yathāsaṅkhyaṁ yathākramam||

वैसे ही तीर्थ-समूहों को, तथा उनमें विशेष तीर्थों को, मैंने प्रधानता से, यथासंख्य और यथाक्रम बताया।

श्लोक 3 (skanda.5.387.3)

एतत्पवित्रमतुलं ह्येतत्पापहरं परम्। नर्मदाचरितं पुण्यं माहात्म्यं मुनिभाषितम्।

etatpavitramatulaṁ hyetatpāpaharaṁ param| narmadācaritaṁ puṇyaṁ māhātmyaṁ munibhāṣitam||

यह अनुपम पवित्र तथा परम पापहारी नर्मदाचरित, मुनि द्वारा कही गई पुण्य महिमा है।

श्लोक 4 (skanda.5.387.4)

सप्तकल्पानुगो विप्रो नर्मदायां मुनीश्वराः। मृकण्डतनयो धीमान्परमार्थविदुत्तमः।

saptakalpānugo vipro narmadāyāṁ munīśvarāḥ| mṛkaṇḍatanayo dhīmānparamārthaviduttamaḥ||

हे मुनीश्वरो! सात कल्पों तक जीवित रहने वाले, परमार्थ के श्रेष्ठ ज्ञाता, मृकण्डु के बुद्धिमान पुत्र विप्र ने,

श्लोक 5 (skanda.5.387.5)

संसेव्य सर्वतीर्थानि नदीः सर्वाश्च वै पुरा। बहुकल्पस्मरां रेवामालक्ष्य शिवदेहजाम्।

saṁsevya sarvatīrthāni nadīḥ sarvāśca vai purā| bahukalpasmarāṁ revāmālakṣya śivadehajām||

पूर्वकाल में सभी तीर्थों तथा सभी नदियों का सेवन कर, शिव के शरीर से उत्पन्न, अनेक कल्पों को स्मरण रखने वाली रेवा को देखकर,

श्लोक 6 (skanda.5.387.6)

मे कलेति च शर्वोक्तां शरणं शर्वजां ययौ। अजराममरां देवीं दैत्यध्वंसकरीं पराम्।

me kaleti ca śarvoktāṁ śaraṇaṁ śarvajāṁ yayau| ajarāmamarāṁ devīṁ daityadhvaṁsakarīṁ parām||

तथा शिव द्वारा 'मेरी कला' कहलाई गई शर्व-पुत्री की शरण में गए - जरा और मृत्यु से रहित, दैत्यों का नाश करने वाली परम देवी की,

श्लोक 7 (skanda.5.387.7)

महाविभवसंयुक्तां भवघ्नीं भवजाह्नवीम्। तस्यामाबध्य सत्प्रेम जातः सोऽप्यजरामरः।

mahāvibhavasaṁyuktāṁ bhavaghnīṁ bhavajāhnavīm| tasyāmābadhya satprema jātaḥ so'pyajarāmaraḥ||

महान ऐश्वर्य से युक्त, संसार-बन्धन को नष्ट करने वाली, शिव से उत्पन्न गंगा की; उसमें सच्चा प्रेम बाँधकर वे भी जरा-मृत्यु से रहित हो गए।

श्लोक 8 (skanda.5.387.8)

षष्टितीर्थसहस्राणि षष्टिकोट्यश्च सत्तमाः। व्यवस्थितानि रेवायास्तीरयुग्मे पदे पदे।

ṣaṣṭitīrthasahasrāṇi ṣaṣṭikoṭyaśca sattamāḥ| vyavasthitāni revāyāstīrayugme pade pade||

हे श्रेष्ठजनो! रेवा के दोनों तटों पर प्रत्येक स्थान पर साठ हजार तथा साठ करोड़ तीर्थ स्थित हैं।

श्लोक 9 (skanda.5.387.9)

सारितः परितः सन्ति सतीर्थास्तु सहस्रशः। न तुलां यान्ति रेवायास्ताश्च मन्ये मुनीश्वराः।

sāritaḥ paritaḥ santi satīrthāstu sahasraśaḥ| na tulāṁ yānti revāyāstāśca manye munīśvarāḥ||

हे मुनीश्वरो! चारों ओर हजारों नदियाँ अपने-अपने तीर्थों सहित हैं, किन्तु मेरा मानना है कि वे रेवा की तुलना में नहीं आतीं।

श्लोक 10 (skanda.5.387.10)

एतद्वः कथितं सर्वं यत्पृष्टमखिलं द्विजाः। यन्महेशमुखाच्छ्रुत्वा वायुराह ऋषीन्प्रति।

etadvaḥ kathitaṁ sarvaṁ yatpṛṣṭamakhilaṁ dvijāḥ| yanmaheśamukhācchrutvā vāyurāha ṛṣīnprati||

हे द्विजो! जो कुछ भी पूछा गया था, वह सब तुम्हें बता दिया गया - जो महेश के मुख से सुनकर वायु ने ऋषियों से कहा था।

श्लोक 11 (skanda.5.387.11)

तद्वन्मृकण्डतनयोऽप्यनुभूयाखिलां नदीम्। सतीर्थां पदशः प्राह पाण्डुपुत्राय पावनीम्।

tadvanmṛkaṇḍatanayo'pyanubhūyākhilāṁ nadīm| satīrthāṁ padaśaḥ prāha pāṇḍuputrāya pāvanīm||

वैसे ही मृकण्डु-पुत्र ने भी उस सम्पूर्ण, तीर्थों सहित पावन नदी का अनुभव कर, उसे स्थान-स्थान पर पाण्डु-पुत्र को कह सुनाया।

श्लोक 12 (skanda.5.387.12)

एतच्च कथितं सर्वं संक्षेपेण द्विजोत्तमाः। नर्मदाचरितं पुण्यं त्रिषु लोकेषु दुर्लभम्।

etacca kathitaṁ sarvaṁ saṁkṣepeṇa dvijottamāḥ| narmadācaritaṁ puṇyaṁ triṣu lokeṣu durlabham||

हे श्रेष्ठ द्विजो! यह सब संक्षेप में कह दिया गया - यह पुण्य नर्मदाचरित तीनों लोकों में दुर्लभ है।

श्लोक 13 (skanda.5.387.13)

किमन्यैः सरितां तोयैः सेवितैस्तु सहस्रशः। यदि संसेव्यते तोयं रेवायाः पापनाशनम्।

kimanyaiḥ saritāṁ toyaiḥ sevitaistu sahasraśaḥ| yadi saṁsevyate toyaṁ revāyāḥ pāpanāśanam||

हजारों बार सेवित दूसरी नदियों के जल से क्या लाभ, यदि पापनाशक रेवा के जल का सेवन किया जा सकता है?

श्लोक 14 (skanda.5.387.14)

मेकलाजलसंसेवी मुक्तिमाप्नोति शाश्वतीम्।

mekalājalasaṁsevī muktimāpnoti śāśvatīm||

मेकला के जल का सेवन करने वाला शाश्वत मुक्ति प्राप्त करता है।

श्लोक 15 (skanda.5.387.15)

यथा यथा भजेन्मर्त्यो यद्यदिच्छति तीर्थगः। तत्तदाप्नोति नियतं श्रद्धयाश्रद्धयापि च।

yathā yathā bhajenmartyo yadyadicchati tīrthagaḥ| tattadāpnoti niyataṁ śraddhayāśraddhayāpi ca||

तीर्थ में गया हुआ मनुष्य जिस-जिस प्रकार भजन करता है, जो-जो चाहता है, वह निश्चय ही उसे प्राप्त हो जाता है - चाहे श्रद्धा से हो अथवा अश्रद्धा से भी।

श्लोक 16 (skanda.5.387.16)

इदं ब्रह्मा हरिरिदमिदं साक्षात्परो हरः। इदं ब्रह्म निराकारं कैवल्यं नर्मदाजलम्।

idaṁ brahmā hariridamidaṁ sākṣātparo haraḥ| idaṁ brahma nirākāraṁ kaivalyaṁ narmadājalam||

यह जल ब्रह्मा है, यह हरि है, यह साक्षात परम हर है; यह नर्मदा का जल निराकार ब्रह्म तथा कैवल्य है।

श्लोक 17 (skanda.5.387.17)

तावद्गर्जन्ति तीर्थानि नद्यो हृदयफलप्रदाः। यावन्न स्मर्यते रेवा सेवाहेवा कलौ नरैः।

tāvadgarjanti tīrthāni nadyo hṛdayaphalapradāḥ| yāvanna smaryate revā sevāhevā kalau naraiḥ||

जब तक कलियुग में मनुष्यों के द्वारा सेवा के योग्य रेवा का स्मरण नहीं किया जाता, तब तक ही हृदय की इच्छा पूर्ण करने वाले अन्य तीर्थ और नदियाँ गर्व करते रहते हैं।

श्लोक 18 (skanda.5.387.18)

ध्रुवं लोके हितार्थाय शिवेन स्वशरीरतः। शक्तिः कापि सरिद्रूपा रेवेयमवतारिता।

dhruvaṁ loke hitārthāya śivena svaśarīrataḥ| śaktiḥ kāpi saridrūpā reveyamavatāritā||

निश्चय ही संसार के हित के लिए शिव ने अपने ही शरीर से कोई शक्ति नदी के रूप में उतारी है - यही रेवा है।

श्लोक 19 (skanda.5.387.19)

तावद्गर्जन्ति यज्ञाश्च वनक्षेत्रादयो भृशम्। यावन्न नर्मदानामकीर्तनं क्रियते कलौ।

tāvadgarjanti yajñāśca vanakṣetrādayo bhṛśam| yāvanna narmadānāmakīrtanaṁ kriyate kalau||

जब तक कलियुग में नर्मदा के नाम का कीर्तन नहीं किया जाता, तब तक ही यज्ञ, वन, क्षेत्र आदि अत्यन्त गर्व करते रहते हैं।

श्लोक 20 (skanda.5.387.20)

गरिमा गाण्यते तावत्तपोदानव्रतादिषु। नरैर्वा प्राप्यते यावद्भुवि भर्गभवा धुनी।

garimā gāṇyate tāvattapodānavratādiṣu| narairvā prāpyate yāvadbhuvi bhargabhavā dhunī||

जब तक मनुष्य भूतल पर शिव से उत्पन्न इस नदी को प्राप्त नहीं करते, तब तक ही तप, दान, व्रत आदि की महिमा गाई जाती रहती है।

श्लोक 21 (skanda.5.387.21)

ये वसन्त्युत्तरे कूले रुद्रस्यानुचरा हि ते। वसन्ति याम्यतीरे ये लोकं ते यान्ति वैष्णवम्।

ye vasantyuttare kūle rudrasyānucarā hi te| vasanti yāmyatīre ye lokaṁ te yānti vaiṣṇavam||

जो उत्तर तट पर निवास करते हैं, वे रुद्र के अनुचर होते हैं; जो दक्षिण तट पर निवास करते हैं, वे विष्णु के लोक को जाते हैं।

श्लोक 22 (skanda.5.387.22)

धन्यास्ते देशवर्यास्ते येषु देशेषु नर्मदा। नरकान्तकरी शश्वत्संश्रिता शर्वनिर्मिता।

dhanyāste deśavaryāste yeṣu deśeṣu narmadā| narakāntakarī śaśvatsaṁśritā śarvanirmitā||

धन्य हैं वे देश तथा श्रेष्ठ हैं वे प्रदेश, जिनमें नरक का अन्त करने वाली, शिव द्वारा रची गई नर्मदा सदा वास करती है।

श्लोक 23 (skanda.5.387.23)

कृतपुण्याश्च ते लोकाः शोकाय न भवन्ति ते। ये पिबन्ति जलं पुण्यं पार्वतीपतिसिन्धुजम्।

kṛtapuṇyāśca te lokāḥ śokāya na bhavanti te| ye pibanti jalaṁ puṇyaṁ pārvatīpatisindhujam||

वे लोग पुण्यकर्मा हैं और शोक के भागी नहीं होते, जो पार्वतीपति की नदी से उत्पन्न पुण्य जल पीते हैं।

श्लोक 24 (skanda.5.387.24)

इदं पवित्रमतुलं रेवायाश्चरितं द्विजाः। शृणोति यः कीर्तयते मुच्यते सर्वपातकः।

idaṁ pavitramatulaṁ revāyāścaritaṁ dvijāḥ| śṛṇoti yaḥ kīrtayate mucyate sarvapātakaḥ||

हे द्विजो! रेवा का यह अनुपम पवित्र चरित जो सुनता है अथवा कीर्तन करता है, वह सभी पापों से मुक्त हो जाता है।

श्लोक 25 (skanda.5.387.25)

यत्फलं सर्ववेदैश्च सषडङ्गपदक्रमैः। श्रुतैश्च पठितैस्तस्मात्फलमष्टगुणं भवेत्।

yatphalaṁ sarvavedaiśca saṣaḍaṅgapadakramaiḥ| śrutaiśca paṭhitaistasmātphalamaṣṭaguṇaṁ bhavet||

छह अंगों तथा पद-क्रम सहित सभी वेदों के सुनने अथवा पढ़ने से जो फल मिलता है, उससे आठ गुना अधिक फल इससे प्राप्त होता है।

श्लोक 26 (skanda.5.387.26)

सत्रयाजी फलं यच्च लभते द्वादशाब्दिकम्। श्रुत्वा सकृच्च रेवायाश्चरितं तत्फलं लभेत्।

satrayājī phalaṁ yacca labhate dvādaśābdikam| śrutvā sakṛcca revāyāścaritaṁ tatphalaṁ labhet||

बारह वर्षों तक सत्र-यज्ञ करने वाला जो फल प्राप्त करता है, वही फल रेवा के चरित को एक बार सुनकर प्राप्त हो जाता है।

श्लोक 27 (skanda.5.387.27)

सर्वतीर्थावगाहाच्च यत्फलं सागरादिषु। सकृच्छ्रुत्वा च माहात्म्यं रेवायास्तत्फलं लभेत्।

sarvatīrthāvagāhācca yatphalaṁ sāgarādiṣu| sakṛcchrutvā ca māhātmyaṁ revāyāstatphalaṁ labhet||

सागर आदि सभी तीर्थों में अवगाहन करने से जो फल मिलता है, वही फल रेवा की महिमा को एक बार सुनने से प्राप्त होता है।

श्लोक 28 (skanda.5.387.28)

एतद्धर्म्यमुपाख्यानं सर्वशास्त्रेष्वनुत्तमम्। देशे वा मण्डले वापि नगरे ग्राममध्यतः।

etaddharmyamupākhyānaṁ sarvaśāstreṣvanuttamam| deśe vā maṇḍale vāpi nagare grāmamadhyataḥ||

यह धर्मयुक्त उपाख्यान सभी शास्त्रों में सर्वोत्तम है। जिस भी देश, मण्डल, नगर अथवा गाँव के मध्य में,

श्लोक 29 (skanda.5.387.29)

गृहे वा तिष्ठते यस्य लिखितं सार्ववार्णिकम्। स ब्रह्मा स शिवः साक्षात्स च देवो जनार्दनः।

gṛhe vā tiṣṭhate yasya likhitaṁ sārvavārṇikam| sa brahmā sa śivaḥ sākṣātsa ca devo janārdanaḥ||

अथवा घर में इसकी लिखित प्रति सभी वर्णों के लिए सुलभ होकर रहती है, वह व्यक्ति साक्षात ब्रह्मा है, वह शिव है, और वह देव जनार्दन भी है।

श्लोक 30 (skanda.5.387.30)

धर्मार्थकाममोक्षाणां मार्गेऽयं देवसेवितः। गुरूणां च गुरुः शास्त्रं परमं सिद्धिकारणम्।

dharmārthakāmamokṣāṇāṁ mārge'yaṁ devasevitaḥ| gurūṇāṁ ca guruḥ śāstraṁ paramaṁ siddhikāraṇam||

धर्म, अर्थ, काम और मोक्ष के मार्ग में देवताओं द्वारा सेवित यह ग्रन्थ गुरुओं का भी गुरु है, सिद्धि का परम कारण है।

श्लोक 31 (skanda.5.387.31)

यश्चेदं शृणुयान्नित्यं पुराणं देवभाषितम्। ब्राह्मणो वेदवान्भूयात्क्षत्रियो विजयी भवेत्।

yaścedaṁ śṛṇuyānnityaṁ purāṇaṁ devabhāṣitam| brāhmaṇo vedavānbhūyātkṣatriyo vijayī bhavet||

देवता द्वारा कहे गए इस पुराण को जो नित्य सुनता है - ब्राह्मण वेदवान होता है, क्षत्रिय विजयी होता है,

श्लोक 32 (skanda.5.387.32)

धनाढ्यो जायते वैश्यः शूद्रो वै धर्मभाग्भवेत्।

dhanāḍhyo jāyate vaiśyaḥ śūdro vai dharmabhāgbhavet||

वैश्य धनाढ्य होता है, तथा शूद्र धर्म से सम्पन्न होता है।

श्लोक 33 (skanda.5.387.33)

सौभाग्यसन्ततिं नारी श्रुत्वैतत्समवाप्नुयात्। श्रियं सौख्यं स्वर्गवासं जन्म चैवोत्तमे कुले।

saubhāgyasantatiṁ nārī śrutvaitatsamavāpnuyāt| śriyaṁ saukhyaṁ svargavāsaṁ janma caivottame kule||

स्त्री इसे सुनकर सौभाग्य और सन्तान प्राप्त करती है, साथ ही लक्ष्मी, सुख, स्वर्गवास तथा उत्तम कुल में जन्म भी प्राप्त करती है।

श्लोक 34 (skanda.5.387.34)

रसभेदी कृतघ्नश्च स्वामिध्रुङ्मित्रवञ्चकः। गोघ्नश्च गरदश्चैव कन्याविक्रयकारकः।

rasabhedī kṛtaghnaśca svāmidhruṅmitravañcakaḥ| goghnaśca garadaścaiva kanyāvikrayakārakaḥ||

दूसरों के रस में भेद डालने वाला, कृतघ्न, स्वामी का द्रोही, मित्रों को ठगने वाला, गोहत्यारा, विषदाता, तथा कन्या को बेचने वाला,

श्लोक 35 (skanda.5.387.35)

ब्रह्मघ्नश्च सुरापी च स्तेयी च गुरुतल्पगः। नर्मदाचरितं शृण्वंस्तामब्दं योऽभिषेवते।

brahmaghnaśca surāpī ca steyī ca gurutalpagaḥ| narmadācaritaṁ śṛṇvaṁstāmabdaṁ yo'bhiṣevate||

ब्रह्महत्यारा, मद्यपायी, चोर तथा गुरुपत्नीगामी - जो भी नर्मदाचरित को सुनते हुए एक वर्ष तक इसकी सेवा करता है,

श्लोक 36 (skanda.5.387.36)

सर्वपापविनिर्मुक्तो जायते नात्र संशयः। पाकभेदी वृथापाकी देवब्राह्मणनिन्दकः।

sarvapāpavinirmukto jāyate nātra saṁśayaḥ| pākabhedī vṛthāpākī devabrāhmaṇanindakaḥ||

वह सभी पापों से मुक्त हो जाता है, इसमें संशय नहीं। भोजन में भेद डालने वाला, व्यर्थ पकाने वाला, देवता और ब्राह्मणों की निन्दा करने वाला,

श्लोक 37 (skanda.5.387.37)

परीवादी गुरोः पित्रोः साधूनां नृपतेस्तथा। तेऽपि श्रुत्वा च पापेभ्यो मुच्यन्ते नात्र संशयः।

parīvādī guroḥ pitroḥ sādhūnāṁ nṛpatestathā| te'pi śrutvā ca pāpebhyo mucyante nātra saṁśayaḥ||

गुरु, माता-पिता, साधुजनों तथा राजा की निन्दा करने वाला - ये भी इसे सुनकर ही पापों से मुक्त हो जाते हैं, इसमें संशय नहीं।

श्लोक 38 (skanda.5.387.38)

ये पुनर्भावितात्मानः शास्त्रं शृण्वन्ति नित्यशः। पूजयन्ति च तच्छास्त्रं नार्मदं वस्त्रभूषणैः।

ye punarbhāvitātmānaḥ śāstraṁ śṛṇvanti nityaśaḥ| pūjayanti ca tacchāstraṁ nārmadaṁ vastrabhūṣaṇaiḥ||

और जो शुद्ध अन्तःकरण वाले सदा इस शास्त्र को सुनते हैं, तथा इस नर्मदा-शास्त्र को वस्त्र और आभूषणों से पूजते हैं,

श्लोक 39 (skanda.5.387.39)

पुष्पैः फलैश्चन्दनाद्यैर्भोजनैर्विविधैरपि। शास्त्रेऽस्मिन्पूजिते देवाः पूजिता गुरवस्तथा।

puṣpaiḥ phalaiścandanādyairbhojanairvividhairapi| śāstre'sminpūjite devāḥ pūjitā guravastathā||

पुष्पों, फलों, चन्दन आदि से तथा विविध भोजनों से भी - इस शास्त्र के पूजित होने पर देवता भी पूजित होते हैं, और गुरुजन भी पूजित होते हैं।

श्लोक 40 (skanda.5.387.40)

इह लोके परे चैव नात्र कार्या विचारणा। तस्मात्सर्वप्रयत्नेन गन्धवस्त्रादिभूषणैः।

iha loke pare caiva nātra kāryā vicāraṇā| tasmātsarvaprayatnena gandhavastrādibhūṣaṇaiḥ||

इस लोक में तथा परलोक में भी - इसमें कोई विचार-विमर्श नहीं करना चाहिए। इसलिए सभी प्रयत्नों से, गन्ध, वस्त्र आदि आभूषणों से,

श्लोक 41 (skanda.5.387.41)

पूजयेत्परया भक्त्या वाचकं शास्त्रमेव च। वेदपाठैश्च यत्पुण्यमग्निहोत्रैश्च पालितैः।

pūjayetparayā bhaktyā vācakaṁ śāstrameva ca| vedapāṭhaiśca yatpuṇyamagnihotraiśca pālitaiḥ||

परम भक्ति से वाचक (पाठ करने वाले) की तथा शास्त्र की भी पूजा करनी चाहिए। वेदपाठ से तथा नियमपूर्वक पालित अग्निहोत्रों से जो पुण्य प्राप्त होता है,

श्लोक 42 (skanda.5.387.42)

तत्फलं समवाप्नोति नर्मदाचरिते शुभे। कुरुक्षेत्रे च यत्पुण्यं प्रभासे पुष्करे तथा।

tatphalaṁ samavāpnoti narmadācarite śubhe| kurukṣetre ca yatpuṇyaṁ prabhāse puṣkare tathā||

वही फल इस शुभ नर्मदाचरित से प्राप्त हो जाता है। कुरुक्षेत्र में, प्रभास में, वैसे ही पुष्कर में जो पुण्य है,

श्लोक 43 (skanda.5.387.43)

रुद्रावर्ते गयायां च वाराणस्यां विशेषतः। गङ्गाद्वारे प्रयागे च गङ्गासागरसङ्गमे।

rudrāvarte gayāyāṁ ca vārāṇasyāṁ viśeṣataḥ| gaṅgādvāre prayāge ca gaṅgāsāgarasaṅgame||

रुद्रावर्त में, गया में, तथा विशेष रूप से वाराणसी में, गंगाद्वार में, प्रयाग में, तथा गंगासागर के संगम में,

श्लोक 44 (skanda.5.387.44)

एवमादिषु तीर्थेषु यत्पुण्यं जायते नृणाम्। नर्मदाचरितं श्रुत्वा तत्पुण्यं सकलं लभेत्।

evamādiṣu tīrtheṣu yatpuṇyaṁ jāyate nṛṇām| narmadācaritaṁ śrutvā tatpuṇyaṁ sakalaṁ labhet||

इन आदि तीर्थों में मनुष्यों को जो पुण्य प्राप्त होता है, वह सम्पूर्ण पुण्य नर्मदाचरित को सुनकर प्राप्त हो जाता है।

श्लोक 45 (skanda.5.387.45)

आदिमध्यावसानेषु नर्मदाचरितं शुभम्। यः शृणोति नरो भक्त्या शृणुध्वं तत्फलं महत्।

ādimadhyāvasāneṣu narmadācaritaṁ śubham| yaḥ śṛṇoti naro bhaktyā śṛṇudhvaṁ tatphalaṁ mahat||

जो मनुष्य आदि, मध्य और अन्त में इस शुभ नर्मदाचरित को भक्तिपूर्वक सुनता है, उसका महान फल सुनो।

श्लोक 46 (skanda.5.387.46)

समाप्य शिवसंस्थानं देवकन्यासमावृतः। रुद्रस्यानुचरो भूत्वा शिवेन सह मोदते।

samāpya śivasaṁsthānaṁ devakanyāsamāvṛtaḥ| rudrasyānucaro bhūtvā śivena saha modate||

वह शिव के धाम को प्राप्त कर, देवकन्याओं से घिरा हुआ, रुद्र का अनुचर बनकर शिव के साथ आनन्दित होता है।

श्लोक 47 (skanda.5.387.47)

धर्माख्यानमिदं पुण्यं सर्वाख्यानेष्वनुत्तमम्। गृहेऽपि पठ्यते यस्य चतुर्वर्णस्य सत्तमाः।

dharmākhyānamidaṁ puṇyaṁ sarvākhyāneṣvanuttamam| gṛhe'pi paṭhyate yasya caturvarṇasya sattamāḥ||

हे श्रेष्ठजनो! यह धर्म-उपाख्यान सभी उपाख्यानों में अनुपम है; चारों वर्णों में से जिस किसी के भी घर में यह पढ़ा जाता है,

श्लोक 48 (skanda.5.387.48)

धन्यं तस्य गृहं मन्ये गृहस्थं चापि तत्कुलम्। पुस्तकं पूजयेद्यस्तु नर्मदाचरितस्य तु।

dhanyaṁ tasya gṛhaṁ manye gṛhasthaṁ cāpi tatkulam| pustakaṁ pūjayedyastu narmadācaritasya tu||

मैं उसके घर को धन्य मानता हूँ, तथा उसके गृहस्थ कुल को भी। और जो नर्मदाचरित की पुस्तक की पूजा करता है,

श्लोक 49 (skanda.5.387.49)

नर्मदा पूजिता तेन भगवांश्च महेश्वरः। वाचके पूजिते तद्वद्देवाश्च ऋषयोऽर्चिताः।

narmadā pūjitā tena bhagavāṁśca maheśvaraḥ| vācake pūjite tadvaddevāśca ṛṣayo'rcitāḥ||

उसके द्वारा नर्मदा पूजित होती है और भगवान महेश्वर भी; तथा वाचक के पूजित होने पर वैसे ही देवता और ऋषि भी पूजित होते हैं।

श्लोक 50 (skanda.5.387.50)

लेखयित्वा च सकलं रेवाचरितमुत्तमम्। भूषणं सर्वशास्त्राणां यो ददाति द्विजन्मने।

lekhayitvā ca sakalaṁ revācaritamuttamam| bhūṣaṇaṁ sarvaśāstrāṇāṁ yo dadāti dvijanmane||

जो सम्पूर्ण उत्तम रेवाचरित को, जो सभी शास्त्रों का भूषण है, लिखवाकर किसी द्विजन्मा को देता है,

श्लोक 51 (skanda.5.387.51)

नर्मदासर्वतीर्थेषु स्नानदानेन यत्फलम्। तत्फलं समवाप्नोति स नरो नात्र संशयः।

narmadāsarvatīrtheṣu snānadānena yatphalam| tatphalaṁ samavāpnoti sa naro nātra saṁśayaḥ||

उसे नर्मदा के सभी तीर्थों में स्नान और दान करने से जो फल मिलता है, वही फल प्राप्त होता है, इसमें संशय नहीं है।

श्लोक 52 (skanda.5.387.52)

एतत्पुराणं रुद्रोक्तं महापुण्यफलप्रदम्। स्वर्गदं पुत्रदं धन्यं यशस्यं कीर्त्तिवर्धनम्।

etatpurāṇaṁ rudroktaṁ mahāpuṇyaphalapradam| svargadaṁ putradaṁ dhanyaṁ yaśasyaṁ kīrttivardhanam||

रुद्र द्वारा कहा गया यह पुराण महान पुण्यफल प्रदान करने वाला है; यह स्वर्ग देने वाला, पुत्र देने वाला, धन्य, यशस्वी और कीर्ति बढ़ाने वाला है।

श्लोक 53 (skanda.5.387.53)

धर्म्यमायुष्यमतुलं दुःखदुःस्वप्ननाशनम्। पठतां शृण्वतां चापि सर्वकामार्थसिद्धिदम्।

dharmyamāyuṣyamatulaṁ duḥkhaduḥsvapnanāśanam| paṭhatāṁ śṛṇvatāṁ cāpi sarvakāmārthasiddhidam||

यह धर्मयुक्त, अनुपम आयुष्यकारी, दुःख और दुःस्वप्न का नाश करने वाला है; पढ़ने और सुनने वालों को यह सभी कामनाओं और अर्थों की सिद्धि देता है।

श्लोक 54 (skanda.5.387.54)

यत्प्रदत्तमिदं पुण्यं पुराणं वाच्यते द्विजैः। शिवलोके स्थितिस्तस्य पुराणाक्षरवत्सरी।

yatpradattamidaṁ puṇyaṁ purāṇaṁ vācyate dvijaiḥ| śivaloke sthitistasya purāṇākṣaravatsarī||

इस पुण्य पुराण को द्विजों से पढ़वाकर जो पुण्य प्राप्त होता है, उसके द्वारा मनुष्य पुराण के अक्षरों जितने वर्षों तक शिवलोक में स्थित रहता है।

श्लोक 55 (skanda.5.387.55)

इति निगदितमेतन्नर्मदायाश्चरित्रं पवनगदितमग्र्यं शर्ववक्त्रादवाप्य। त्रिभुवनजनवन्द्यं त्वेतदादौ मुनीनां कुलपतिपुरतस्तत्सूतमुख्येन साधु।

iti nigaditametannarmadāyāścaritraṁ pavanagaditamagryaṁ śarvavaktrādavāpya| tribhuvanajanavandyaṁ tvetadādau munīnāṁ kulapatipuratastatsūtamukhyena sādhu||

इस प्रकार यह नर्मदा का चरित्र कहा गया - यह श्रेष्ठ चरित्र, वायु द्वारा कहा गया, साक्षात शर्व (शिव) के मुख से प्राप्त कर, त्रिभुवन के लोगों द्वारा वन्दनीय है; और यह, आरम्भ में ही, मुनियों के कुलपति (शौनक) के समक्ष सूतों में श्रेष्ठ (सूतजी) द्वारा भलीभाँति कहा गया था।