सत्यनारायण व्रत की उत्पत्ति

श्लोक 1 (skanda.5.388.1)

व्यास उवाच। एकदा नैमिषारण्ये ऋषयः शौनकादयः। पप्रच्छुर्मुनयः सर्वे सूतं पौराणिकं खलु॥

vyāsa uvāca| ekadā naimiṣāraṇye ṛṣayaḥ śaunakādayaḥ| papracchurmunayaḥ sarve sūtaṁ paurāṇikaṁ khalu||

व्यास जी बोले - एक बार नैमिषारण्य में शौनक आदि ऋषियों ने पुराणों के ज्ञाता सूतजी से पूछा।

श्लोक 2 (skanda.5.388.2)

ऋषय ऊचुः। व्रतेन तपसा किं वा प्राप्यते वाञ्छितं फलम्। तत्सर्वं श्रोतुमिच्छामः कथयस्व महामुने॥

ṛṣaya ūcuḥ| vratena tapasā kiṁ vā prāpyate vāñchitaṁ phalam| tatsarvaṁ śrotumicchāmaḥ kathayasva mahāmune||

ऋषियों ने कहा - व्रत और तप से जो इच्छित फल प्राप्त होता है, वह सब हम सुनना चाहते हैं; हे महामुने, हमें बताइए।

श्लोक 3 (skanda.5.388.3)

सूत उवाच। नारदेनैव सम्पृष्टो भगवान् कमलापतिः। सुरर्षये यथैवाह तच्छृणुध्वं समाहिताः॥

sūta uvāca| nāradenaiva sampṛṣṭo bhagavān kamalāpatiḥ| surarṣaye yathaivāha tacchṛṇudhvaṁ samāhitāḥ||

सूत जी बोले - भगवान कमलापति (विष्णु) से नारद ने जो पूछा था, और देवर्षि नारद को उन्होंने जैसा कहा था, वह एकाग्र होकर सुनिए।

श्लोक 4 (skanda.5.388.4)

एकदा नारदो योगी परानुग्रहकाङ्क्षया। पर्यटन् विविधाँल्लोकान् मर्त्यलोकमुपागतः॥

ekadā nārado yogī parānugrahakāṅkṣayā| paryaṭan vividhā~llokān martyalokamupāgataḥ||

एक बार योगी नारद दूसरों पर अनुग्रह करने की इच्छा से विभिन्न लोकों में विचरण करते हुए मृत्युलोक में आए।

श्लोक 5 (skanda.5.388.5)

ततो दृष्ट्वा जनान्सर्वान्नानाक्लेशसमन्वितान्। नानायोनिसमुत्पन्नान्क्लिश्यमानान् स्वकर्मभिः॥

tato dṛṣṭvā janānsarvānnānākleśasamanvitān| nānāyonisamutpannānkliśyamānān svakarmabhiḥ||

वहाँ उन्होंने सभी लोगों को नाना प्रकार के क्लेशों से युक्त, नाना योनियों में उत्पन्न और अपने ही कर्मों से पीड़ित देखा।

श्लोक 6 (skanda.5.388.6)

केनोपायेन चैतेषां दुःखनाशो भवेद्ध्रुवम्। इति सञ्चिन्त्य मनसा विष्णुलोकं गतस्तदा॥

kenopāyena caiteṣāṁ duḥkhanāśo bhaveddhruvam| iti sañcintya manasā viṣṇulokaṁ gatastadā||

इनका दुःख किस उपाय से निश्चय ही दूर हो, ऐसा मन में विचार कर वे उसी क्षण विष्णुलोक गए।

श्लोक 7 (skanda.5.388.7)

तत्र नारायणं देवं शुक्लवर्णं चतुर्भुजम्। शङ्खचक्रगदापद्मवनमालाविभूषितम्॥

tatra nārāyaṇaṁ devaṁ śuklavarṇaṁ caturbhujam| śaṅkhacakragadāpadmavanamālāvibhūṣitam||

वहाँ उन्होंने श्वेत वर्ण, चार भुजाओं वाले, शंख-चक्र-गदा-पद्म और वनमाला से विभूषित भगवान नारायण को देखा।

श्लोक 8 (skanda.5.388.8)

दृष्ट्वा तं देवदेवेशं स्तोतुं समुपचक्रमे। नारद उवाच। नमो वाङ्मनसातीतरूपायानन्तशक्तये॥

dṛṣṭvā taṁ devadeveśaṁ stotuṁ samupacakrame| nārada uvāca| namo vāṅmanasātītarūpāyānantaśaktaye||

उन देवाधिदेव को देखकर वे स्तुति करने लगे - नारद बोले - मन और वाणी से परे स्वरूप वाले, अनन्त शक्तिशाली आपको नमस्कार है।

श्लोक 9 (skanda.5.388.9)

आदिमध्यान्तहीनाय निर्गुणाय गुणात्मने। सर्वेषामादिभूताय भक्तानामार्तिनाशिने॥

ādimadhyāntahīnāya nirguṇāya guṇātmane| sarveṣāmādibhūtāya bhaktānāmārtināśine||

आदि, मध्य और अन्त से रहित, निर्गुण होते हुए भी गुणस्वरूप, सबके आदिकारण तथा भक्तों की पीड़ा नष्ट करने वाले आपको नमस्कार है।

श्लोक 10 (skanda.5.388.10)

श्रुत्वा स्तोत्रं ततो विष्णुर्नारदं प्रत्यभाषत। श्रीभगवानुवाच। किमर्थमागतोऽसि त्वं किं ते मनसि वर्तते॥

śrutvā stotraṁ tato viṣṇurnāradaṁ pratyabhāṣata| śrībhagavānuvāca| kimarthamāgato'si tvaṁ kiṁ te manasi vartate||

स्तुति सुनकर विष्णु ने नारद से कहा - श्रीभगवान बोले - तुम किसलिए आए हो, तुम्हारे मन में क्या है?

श्लोक 11 (skanda.5.388.11)

कथयस्व महाभाग तत्सर्वं कथयामि ते। नारद उवाच। मर्त्यलोके जनाः सर्वे नानाक्लेशसमन्विताः। नानायोनिसमुत्पन्नाः पच्यन्ते पापकर्मभिः॥

kathayasva mahābhāga tatsarvaṁ kathayāmi te| nārada uvāca| martyaloke janāḥ sarve nānākleśasamanvitāḥ| nānāyonisamutpannāḥ pacyante pāpakarmabhiḥ||

"कहो हे महाभाग, मैं तुम्हें वह सब बताऊँगा" - नारद बोले - मृत्युलोक में सभी लोग नाना प्रकार के क्लेशों से युक्त हैं, नाना योनियों में उत्पन्न होकर अपने पापकर्मों से संतप्त हो रहे हैं।

श्लोक 12 (skanda.5.388.12)

तत्कथं शमयेन्नाथ लघूपायेन तद्वद। श्रोतुमिच्छामि तत्सर्वं कृपास्ति यदि ते मयि॥

tatkathaṁ śamayennātha laghūpāyena tadvada| śrotumicchāmi tatsarvaṁ kṛpāsti yadi te mayi||

हे नाथ, वह दुःख किस लघु उपाय से शांत हो, वह विधि बताइए; यदि मुझ पर आपकी कृपा है तो मैं वह सब सुनना चाहता हूँ।

श्लोक 13 (skanda.5.388.13)

श्रीभगवानुवाच। साधु पृष्टं त्वया वत्स लोकानुग्रहकाङ्क्षया। यत्कृत्वा मुच्यते मोहात्तच्छृणुष्व वदामि ते॥

śrībhagavānuvāca| sādhu pṛṣṭaṁ tvayā vatsa lokānugrahakāṅkṣayā| yatkṛtvā mucyate mohāttacchṛṇuṣva vadāmi te||

श्रीभगवान बोले - हे वत्स, लोगों पर अनुग्रह करने की इच्छा से तुमने अच्छा प्रश्न किया है; जिसे करने से मनुष्य मोह से मुक्त हो जाता है, वह मैं तुम्हें बताता हूँ।

श्लोक 14 (skanda.5.388.14)

व्रतमस्ति महत्पुण्यं स्वर्गे मर्त्ये च दुर्लभम्। तव स्नेहान्मया वत्स प्रकाशः क्रियतेऽधुना॥

vratamasti mahatpuṇyaṁ svarge martye ca durlabham| tava snehānmayā vatsa prakāśaḥ kriyate'dhunā||

यह एक महान पुण्यकारी व्रत है, जो स्वर्ग और मृत्युलोक दोनों में दुर्लभ है; हे वत्स, तुम्हारे स्नेहवश अब मैं इसे प्रकट करता हूँ।

श्लोक 15 (skanda.5.388.15)

सत्यनारायणस्यैव व्रतं सम्यग्विधानतः। कृत्वा सद्यः सुखं भुक्त्वा परत्र मोक्षमाप्नुयात्॥

satyanārāyaṇasyaiva vrataṁ samyagvidhānataḥ| kṛtvā sadyaḥ sukhaṁ bhuktvā paratra mokṣamāpnuyāt||

सत्यनारायण के इस व्रत को विधिपूर्वक करके मनुष्य शीघ्र ही सुख भोगकर परलोक में मोक्ष प्राप्त करता है।

श्लोक 16 (skanda.5.388.16)

तच्छ्रुत्वा भगवद्वाक्यं नारदो मुनिरब्रवीत्। नारद उवाच। किं फलं किं विधानं च कृतं केनैव तद्व्रतम्॥

tacchrutvā bhagavadvākyaṁ nārado munirabravīt| nārada uvāca| kiṁ phalaṁ kiṁ vidhānaṁ ca kṛtaṁ kenaiva tadvratam||

भगवान का यह वचन सुनकर नारद मुनि बोले - नारद बोले - इस व्रत का फल क्या है, इसकी विधि क्या है, और यह किसने किया है?

श्लोक 17 (skanda.5.388.17)

तत्सर्वं विस्तराद् ब्रूहि कदा कार्यं हि तद्व्रतम्। दुःखशोकादिशमनं धनधान्यप्रवर्धनम्॥

tatsarvaṁ vistarād brūhi kadā kāryaṁ hi tadvratam| duḥkhaśokādiśamanaṁ dhanadhānyapravardhanam||

वह सब विस्तार से कहिए, तथा यह व्रत कब किया जाना चाहिए; यह दुःख-शोक आदि का नाश करने वाला और धन-धान्य की वृद्धि करने वाला है।

श्लोक 18 (skanda.5.388.18)

सौभाग्यसन्ततिकरं सर्वत्र विजयप्रदम्। यस्मिन् कस्मिन् दिने मर्त्यो भक्तिश्रद्धासमन्वितः॥

saubhāgyasantatikaraṁ sarvatra vijayapradam| yasmin kasmin dine martyo bhaktiśraddhāsamanvitaḥ||

यह सौभाग्य और संतान देने वाला तथा सर्वत्र विजय दिलाने वाला है; किसी भी दिन जो मनुष्य भक्ति-श्रद्धा से युक्त होकर,

श्लोक 19 (skanda.5.388.19)

सत्यनारायणं देवं यजेच्चैव निशामुखे। ब्राह्मणैर्बान्धवैश्चैव सहितो धर्मतत्परः॥

satyanārāyaṇaṁ devaṁ yajeccaiva niśāmukhe| brāhmaṇairbāndhavaiścaiva sahito dharmatatparaḥ||

रात्रि के प्रारम्भ में ब्राह्मणों और बन्धुजनों के साथ धर्मपरायण होकर भगवान सत्यनारायण का पूजन करे,

श्लोक 20 (skanda.5.388.20)

नैवेद्यं भक्तितो दद्यात्सपादं भक्तिसंयुतम्। रम्भाफलं घृतं क्षीरं गोधूमस्य च चूर्णकम्॥

naivedyaṁ bhaktito dadyātsapādaṁ bhaktisaṁyutam| rambhāphalaṁ ghṛtaṁ kṣīraṁ godhūmasya ca cūrṇakam||

भक्तिपूर्वक सवाया (सपाद-परिमाण) नैवेद्य अर्पित करे - केले का फल, घी, दूध और गेहूँ के आटे से बना हुआ।

श्लोक 21 (skanda.5.388.21)

अभावे शालिचूर्णं वा शर्करा च गुडस्तथा। सपादं सर्वभक्ष्याणि चैकीकृत्य निवेदयेत्॥

abhāve śālicūrṇaṁ vā śarkarā ca guḍastathā| sapādaṁ sarvabhakṣyāṇi caikīkṛtya nivedayet||

यदि गेहूँ का आटा उपलब्ध न हो तो चावल का आटा तथा शक्कर के स्थान पर गुड़ भी लिया जा सकता है; इन सबको मिलाकर सवाया नैवेद्य अर्पित करे।

श्लोक 22 (skanda.5.388.22)

विप्राय दक्षिणां दद्यात्कथां श्रुत्वा जनैः सह। ततश्च बन्धुभिः सार्धं विप्रांश्च प्रतिभोजयेत्॥

viprāya dakṣiṇāṁ dadyātkathāṁ śrutvā janaiḥ saha| tataśca bandhubhiḥ sārdhaṁ viprāṁśca pratibhojayet||

कथा सुनने के बाद लोगों के साथ ब्राह्मण को दक्षिणा दे, और फिर बन्धुजनों के साथ ब्राह्मणों को भोजन कराए।

श्लोक 23 (skanda.5.388.23)

प्रसादं भक्षयेद्भक्त्या नृत्यगीतादिकं चरेत्। ततश्च स्वगृहं गच्छेत्सत्यनारायणं स्मरन्॥

prasādaṁ bhakṣayedbhaktyā nṛtyagītādikaṁ caret| tataśca svagṛhaṁ gacchetsatyanārāyaṇaṁ smaran||

भक्तिपूर्वक प्रसाद ग्रहण करे और नृत्य-गीत आदि करे; फिर सत्यनारायण का स्मरण करते हुए अपने घर जाए।

श्लोक 24 (skanda.5.388.24)

एवं कृते मनुष्याणां वाञ्छासिद्धिर्भवेद्ध्रुवम्। विशेषतः कलियुगे लघूपायोऽस्ति भूतले॥

evaṁ kṛte manuṣyāṇāṁ vāñchāsiddhirbhaveddhruvam| viśeṣataḥ kaliyuge laghūpāyo'sti bhūtale||

ऐसा करने से मनुष्यों की मनोकामना निश्चय ही सिद्ध होती है; विशेषतः कलियुग में यह पृथ्वी पर एक सुगम और सरल उपाय है।