महाकालवन माहात्म्य वर्णन

श्लोक 1 (skanda.5.39.1)

व्यास उवाच। भगवन्क्षेत्रमाहात्म्यं कथितं च यथातथम्। तीर्थानामुत्तमं तीर्थं पुण्यानां पुण्यवर्धनम्॥

vyāsa uvāca| bhagavankṣetramāhātmyaṁ kathitaṁ ca yathātatham| tīrthānāmuttamaṁ tīrthaṁ puṇyānāṁ puṇyavardhanam||

व्यास ने कहा—हे भगवन्, आपने इस क्षेत्र का माहात्म्य यथार्थ रूप से कह दिया—जो तीर्थों में उत्तम तीर्थ है और पुण्यों में पुण्य को बढ़ाने वाला है।

श्लोक 2 (skanda.5.39.2)

कति संत्यत्र तीर्थानि लिंगानि च तथा कति। कथयस्व प्रसादेन पृच्छतो मम सांप्रतम्॥

kati saṁtyatra tīrthāni liṁgāni ca tathā kati| kathayasva prasādena pṛcchato mama sāṁpratam||

यहाँ कितने तीर्थ हैं और कितने लिंग हैं? कृपा करके पूछते हुए मुझे अभी बताइए।

श्लोक 3 (skanda.5.39.3)

सनत्कुमार उवाच। षष्टिकोटिसहस्राणि षष्टिकोटिशतानि च। महाकालवने व्यास लिंगसंख्या न विद्यते॥

sanatkumāra uvāca| ṣaṣṭikoṭisahasrāṇi ṣaṣṭikoṭiśatāni ca| mahākālavane vyāsa liṁgasaṁkhyā na vidyate||

सनत्कुमार ने कहा—हे व्यास, महाकालवन में लिंगों की संख्या साठ हजार करोड़ और साठ सौ करोड़ भी है, अर्थात् उसकी गणना ही संभव नहीं है।

श्लोक 4 (skanda.5.39.4)

अकामो वा सकामो वा जायते योऽत्र मानवः। महाकालवने रम्ये शिवलोके महीयते॥

akāmo vā sakāmo vā jāyate yo'tra mānavaḥ| mahākālavane ramye śivaloke mahīyate||

इस रमणीय महाकालवन में जो भी मनुष्य जन्म लेता है, चाहे वह कामनारहित हो या कामनासहित, वह शिवलोक में पूजित होता है।

श्लोक 5 (skanda.5.39.5)

कृतकामानि तीर्थानि प्रासादायतनानि च। तेषु स्नात्वा शुचिर्भूत्वा शिवलोके महीयते॥

kṛtakāmāni tīrthāni prāsādāyatanāni ca| teṣu snātvā śucirbhūtvā śivaloke mahīyate||

यहाँ के तीर्थ तथा मंदिर-आयतन सभी कामनाओं को पूर्ण करने वाले हैं; उनमें स्नान करके, पवित्र होकर मनुष्य शिवलोक में पूजित होता है।

श्लोक 6 (skanda.5.39.6)

पुण्यानि सर्वतीर्थानि सिद्धिक्षेत्राणि सर्वतः। तेषां मुख्यतमं विद्धि क्षेत्रं तीर्थं तथोत्तमम्॥

puṇyāni sarvatīrthāni siddhikṣetrāṇi sarvataḥ| teṣāṁ mukhyatamaṁ viddhi kṣetraṁ tīrthaṁ tathottamam||

सभी तीर्थ पुण्यकारी हैं, सर्वत्र के क्षेत्र सिद्धि प्रदान करने वाले हैं; किंतु इन सबमें इस क्षेत्र और तीर्थ को ही सर्वप्रमुख तथा सर्वोत्तम जानो।

श्लोक 7 (skanda.5.39.7)

यः शृणोति महाभक्त्या स याति परमां गतिम्॥

yaḥ śṛṇoti mahābhaktyā sa yāti paramāṁ gatim||

जो इसे महान भक्ति से सुनता है, वह परम गति को प्राप्त होता है।