कुशस्थली नाम हेतु कथा वर्णन

श्लोक 1 (skanda.5.41.1)

सनत्कुमार उवाच। शृणु व्यास यथेयं तु प्रोच्यते हि कुशस्थली। कल्पे तत्पुरुषे पूर्वं वेदविद्भिर्मनीषिभिः॥

sanatkumāra uvāca| śṛṇu vyāsa yatheyaṁ tu procyate hi kuśasthalī| kalpe tatpuruṣe pūrvaṁ vedavidbhirmanīṣibhiḥ||

सनत्कुमार ने कहा—हे व्यास, सुनो कि पूर्व तत्पुरुष कल्प में वेदज्ञ मनीषियों द्वारा यह नगरी किस प्रकार कुशस्थली कही जाती है।

श्लोक 2 (skanda.5.41.2)

वेधसा सृजितं विश्वं दैत्यदानवराक्षसम्। अन्योन्यमदसंमत्तमन्योन्यद्वेषि वै रणे॥

vedhasā sṛjitaṁ viśvaṁ daityadānavarākṣasam| anyonyamadasaṁmattamanyonyadveṣi vai raṇe||

विधाता द्वारा रचा गया यह विश्व दैत्यों, दानवों और राक्षसों से युक्त था, जो परस्पर मद से उन्मत्त होकर युद्ध में एक-दूसरे से द्वेष रखते थे।

श्लोक 3 (skanda.5.41.3)

देवाश्च दानवाः संख्ये नित्यं स्पर्धासमन्विताः। मनुष्या मनुजैः सार्धं सिद्धविद्याधरैः सह॥

devāśca dānavāḥ saṁkhye nityaṁ spardhāsamanvitāḥ| manuṣyā manujaiḥ sārdhaṁ siddhavidyādharaiḥ saha||

देवता और दानव युद्ध में नित्य स्पर्धा से युक्त रहते थे; मनुष्य मनुष्यों के साथ, सिद्धों और विद्याधरों के साथ लड़ते थे।

श्लोक 4 (skanda.5.41.4)

चारणाः किंनरैः सार्धमेवं ते द्वेषतत्पराः। युद्धं कुर्वंति सततमविस्पष्टार्थया गिरा॥

cāraṇāḥ kiṁnaraiḥ sārdhamevaṁ te dveṣatatparāḥ| yuddhaṁ kurvaṁti satatamavispaṣṭārthayā girā||

चारण किन्नरों के साथ लड़ते थे; इस प्रकार द्वेष में तत्पर वे निरंतर अस्पष्ट और निरर्थक वाणी से युद्ध करते रहते थे।

श्लोक 5 (skanda.5.41.5)

सर्वे चैव च बलिनो दुर्बलैर्मनुजैः सह। पशवः पशुभिः सार्धं पक्षिणः सह पक्षिभिः॥

sarve caiva ca balino durbalairmanujaiḥ saha| paśavaḥ paśubhiḥ sārdhaṁ pakṣiṇaḥ saha pakṣibhiḥ||

सभी बलवान दुर्बल मनुष्यों से लड़ते थे; पशु पशुओं से तथा पक्षी पक्षियों से युद्ध करते थे।

श्लोक 6 (skanda.5.41.6)

एवमन्योन्यमन्यैश्च निर्मर्यादमिदं जगत्। दृष्ट्वा विश्वस्य कर्तारं विष्णुं विश्वेश्वरं परम्॥

evamanyonyamanyaiśca nirmaryādamidaṁ jagat| dṛṣṭvā viśvasya kartāraṁ viṣṇuṁ viśveśvaraṁ param||

इस प्रकार परस्पर एक-दूसरे से लड़ता हुआ यह मर्यादाहीन जगत् देखकर, ब्रह्मा ने विश्व के कर्ता, परम विश्वेश्वर विष्णु को देखा,

श्लोक 7 (skanda.5.41.7)

व्रजामि शरणं देवं शरणार्त्तिहरं हरिम्। एवं मनसि संधाय दध्यौ ध्यानेन माधवम्॥

vrajāmi śaraṇaṁ devaṁ śaraṇārttiharaṁ harim| evaṁ manasi saṁdhāya dadhyau dhyānena mādhavam||

और सोचा—'मैं शरणागतों की पीड़ा हरने वाले उन देव हरि की शरण में जाता हूँ।' ऐसा मन में निश्चय करके उसने ध्यानपूर्वक माधव का चिंतन किया।

श्लोक 8 (skanda.5.41.8)

ततो ध्यातो महायोगी विश्वरूपधरो हरिः। लोहदण्डधरः श्रीमानिदमाह पितामहम्॥

tato dhyāto mahāyogī viśvarūpadharo hariḥ| lohadaṇḍadharaḥ śrīmānidamāha pitāmaham||

तब इस प्रकार ध्यान किए जाने पर विश्वरूपधारी महायोगी, लोहदण्डधारी, श्रीमान् हरि ने पितामह से यह कहा—

श्लोक 9 (skanda.5.41.9)

ब्रह्मन्ध्यातस्त्वया सम्यग्ध्यानयोगेन पश्य माम्। समायांतं तथा ध्यातं जगतां पातुमुद्यतम्॥

brahmandhyātastvayā samyagdhyānayogena paśya mām| samāyāṁtaṁ tathā dhyātaṁ jagatāṁ pātumudyatam||

'हे ब्रह्मन्, तुमने ध्यानयोग द्वारा सम्यक् रूप से मेरा चिंतन किया है; मुझे देखो—जैसा ध्यान किया, वैसा ही, जगत् की रक्षा हेतु उद्यत होकर आया हूँ।'

श्लोक 10 (skanda.5.41.10)

ततो धाता निशम्यैतत्त्यक्त्वा ध्यानमवेक्ष्य तम्। समुत्थायैकमनसा नमश्चक्रेऽर्चयत्पुनः॥

tato dhātā niśamyaitattyaktvā dhyānamavekṣya tam| samutthāyaikamanasā namaścakre'rcayatpunaḥ||

यह सुनकर धाता ने ध्यान त्यागकर उन्हें देखा, और एकाग्रचित्त होकर उठकर उन्हें नमस्कार किया तथा पुनः उनकी पूजा की।

श्लोक 11 (skanda.5.41.11)

पाद्येनाचमनीयेन मधुपर्केण केशवम्। पूजयित्वा पुनर्वाक्यमुवाचाच्युतमब्जजः॥

pādyenācamanīyena madhuparkeṇa keśavam| pūjayitvā punarvākyamuvācācyutamabjajaḥ||

पाद्य, आचमनीय और मधुपर्क से केशव की पूजा करके कमल से उत्पन्न ब्रह्मा ने पुनः अच्युत से यह वचन कहा।

श्लोक 12 (skanda.5.41.12)

ब्रह्मोवाच। देवदेव जगन्नाथ जगत्सृष्टमिदं त्वया। ऋते त्वया जगद्विष्णो नैवावस्थातु मर्हति॥

brahmovāca| devadeva jagannātha jagatsṛṣṭamidaṁ tvayā| ṛte tvayā jagadviṣṇo naivāvasthātu marhati||

ब्रह्मा ने कहा—हे देवदेव, हे जगन्नाथ, यह जगत् आपके द्वारा ही रचा गया है। हे विष्णु, आपके बिना यह जगत् टिक नहीं सकता।

श्लोक 13 (skanda.5.41.13)

शास्ता त्वमस्य विश्वस्य विशुद्धस्य च नापरः। त्वत्तोस्तीदं जगत्सर्वं तस्मात्त्वमनुशासय॥

śāstā tvamasya viśvasya viśuddhasya ca nāparaḥ| tvattostīdaṁ jagatsarvaṁ tasmāttvamanuśāsaya||

'आप ही इस विशुद्ध विश्व के शासक हैं, अन्य कोई नहीं। यह समस्त जगत् आपसे ही अस्तित्व में है; अतः आप ही इसका शासन करें।'

श्लोक 14 (skanda.5.41.14)

देवदानवगंधर्वाः सयक्षोरगराक्षसाः। त्वामृते पुण्डरीकाक्षं व्यापिताशेषविग्रहाः। परस्परं विनिघ्नंति तांश्च त्वं रक्षितुं क्षमः॥

devadānavagaṁdharvāḥ sayakṣoragarākṣasāḥ| tvāmṛte puṇḍarīkākṣaṁ vyāpitāśeṣavigrahāḥ| parasparaṁ vinighnaṁti tāṁśca tvaṁ rakṣituṁ kṣamaḥ||

'देव, दानव, गन्धर्व, यक्ष, नाग तथा राक्षस—हे पुण्डरीकाक्ष, आपके बिना सर्वत्र संघर्ष में लगे हुए ये सब परस्पर एक-दूसरे का नाश कर रहे हैं; आप ही उनकी रक्षा करने में समर्थ हैं।'

श्लोक 15 (skanda.5.41.15)

त्वमस्य विश्वस्य चराचरस्य स्थितेः सदा प्राणभृदात्मरूपिणी॥

tvamasya viśvasya carācarasya sthiteḥ sadā prāṇabhṛdātmarūpiṇī||

'आप ही इस चराचर विश्व की स्थिति के लिए सदा प्राणस्वरूप आत्मा हैं।'

श्लोक 16 (skanda.5.41.16)

त्वया धृतं सर्वमिदं जगद्वै यतस्ततोऽसि त्वमुपेन्द्रसंज्ञः। प्रवेशनं व्याप्तमिदं स्वधाम यत्त्वमुच्यसे विष्णुरतो मुनींद्रैः॥

tvayā dhṛtaṁ sarvamidaṁ jagadvai yatastato'si tvamupendrasaṁjñaḥ| praveśanaṁ vyāptamidaṁ svadhāma yattvamucyase viṣṇurato munīṁdraiḥ||

'चूँकि यह सम्पूर्ण जगत् आपके द्वारा धारण किया गया है, इसलिए आप उपेन्द्र नाम से जाने जाते हैं; और चूँकि आपने इसमें अपने ही धाम के रूप में प्रवेश करके इसे व्याप्त किया है, इसलिए मुनीन्द्रगण आपको विष्णु कहते हैं।'

श्लोक 17 (skanda.5.41.17)

निवासितं विश्वमिदं त्वयाद्य वासश्च धातोरिति वासुदेवः। तवानुगं विश्वमिदं विभुस्त्वमशेषविश्वस्य विभासि राजा॥

nivāsitaṁ viśvamidaṁ tvayādya vāsaśca dhātoriti vāsudevaḥ| tavānugaṁ viśvamidaṁ vibhustvamaśeṣaviśvasya vibhāsi rājā||

'आज आपने इस विश्व को अपना निवासस्थान बनाया है, और आप ही धाता के भी निवास हैं, इसलिए आप वासुदेव कहलाते हैं; हे विभु, यह सम्पूर्ण विश्व आपके ही अनुगामी है, और आप ही सम्पूर्ण विश्व के राजा के रूप में देदीप्यमान हैं।'

श्लोक 18 (skanda.5.41.18)

सेनानुरूपं जगदेव यस्मादतः स्मृतस्त्वं किल विश्वसेनः। विलेखनादस्य चराचरस्य कृतेश्च धातोस्त्वमतोऽसि कृष्णः॥

senānurūpaṁ jagadeva yasmādataḥ smṛtastvaṁ kila viśvasenaḥ| vilekhanādasya carācarasya kṛteśca dhātostvamato'si kṛṣṇaḥ||

'चूँकि यह जगत् ही आपकी सेना के अनुरूप है, इसलिए आप विश्वसेन कहलाते हैं; और धाता द्वारा रचे गए इस चराचर जगत् के अंकन के कारण आप कृष्ण कहलाते हैं।'

श्लोक 19 (skanda.5.41.19)

जितं त्वया देव जगत्त्रयं यज्जितेश्च धातोस्त्वमतोऽसि जिष्णुः। तस्मात्समस्तग्रहलोकपालं जगद्विभो पालय सर्वकालम्॥

jitaṁ tvayā deva jagattrayaṁ yajjiteśca dhātostvamato'si jiṣṇuḥ| tasmātsamastagrahalokapālaṁ jagadvibho pālaya sarvakālam||

'हे देव, आपने तीनों लोकों को जीत लिया है, और धाता द्वारा प्रतिष्ठित विजयी होने के कारण आप जिष्णु कहलाते हैं। इसलिए हे विभु, ग्रहों और लोकपालों सहित इस सम्पूर्ण जगत् की सदैव रक्षा कीजिए।'

श्लोक 20 (skanda.5.41.20)

त्वमस्य सर्वस्य भवादिराजस्तवास्तु भद्रासनमद्वितीयम्। प्रदक्षिणावर्तनकस्तु शंखः करस्थितः शोभति पूरुषस्य॥

tvamasya sarvasya bhavādirājastavāstu bhadrāsanamadvitīyam| pradakṣiṇāvartanakastu śaṁkhaḥ karasthitaḥ śobhati pūruṣasya||

'आप सृष्टि के आदि से ही इस सबके राजा हैं; आपका आसन अद्वितीय भद्रासन हो। हे पुरुष, दाहिनी ओर घूमने वाला शंख आपके हाथ में सुशोभित है।'

श्लोक 21 (skanda.5.41.21)

सुदर्शनं नाम तवास्ति चक्रमतो हि गीतः कविभिस्तु चक्री। ध्वजोऽस्ति ते देव सुपर्णसेवितस्तथासुपर्णश्च तवास्ति वाहनम्॥

sudarśanaṁ nāma tavāsti cakramato hi gītaḥ kavibhistu cakrī| dhvajo'sti te deva suparṇasevitastathāsuparṇaśca tavāsti vāhanam||

'आपका चक्र सुदर्शन नाम से जाना जाता है, इसीलिए कवि आपको चक्री कहकर गाते हैं। हे देव, आपकी ध्वजा सुपर्ण से सेवित है, और सुपर्ण (गरुड़) ही आपका वाहन है।'

श्लोक 22 (skanda.5.41.22)

तुरंगमाः संतु तवारिसंहरे तथा हृषीकेश सुदन्तदन्तिनः। किरीटनिष्कांगदकर्णपूरकेयूरहारोत्तमहेमसूत्रैः॥

turaṁgamāḥ saṁtu tavārisaṁhare tathā hṛṣīkeśa sudantadantinaḥ| kirīṭaniṣkāṁgadakarṇapūrakeyūrahārottamahemasūtraiḥ||

'हे हृषीकेश, शत्रुओं के संहार के लिए आपके पास अश्व हों, तथा सुंदर दाँतों वाले गजराज हों; मुकुट, हार, अंगद, कर्णफूल, केयूर तथा उत्तम स्वर्णसूत्रों से—

श्लोक 23 (skanda.5.41.23)

विचित्रवस्त्रोत्तमरक्तमाल्यैर्विभूषितस्त्वं भव भीमसेनः। श्रिया कदाचिच्च न मुच्यते भवान्भवंति ते नित्यमनंतसंपदः॥

vicitravastrottamaraktamālyairvibhūṣitastvaṁ bhava bhīmasenaḥ| śriyā kadācicca na mucyate bhavānbhavaṁti te nityamanaṁtasaṁpadaḥ||

—विचित्र वस्त्रों और उत्तम लाल मालाओं से विभूषित होकर आप भीमसेन बनें। आप कभी भी लक्ष्मी से रहित नहीं होते; आपकी सम्पदाएँ सदा अनंत रहती हैं।'

श्लोक 24 (skanda.5.41.24)

तवानुगा भक्तिरिहास्तु वै सती मुकुन्द भक्ते त्वमतः प्रसीद मे॥

tavānugā bhaktirihāstu vai satī mukunda bhakte tvamataḥ prasīda me||

'हे मुकुन्द, इस लोक में मेरी सच्ची भक्ति सदा आपके अनुगामी बनी रहे; अतः अपने इस भक्त पर प्रसन्न हों।'

श्लोक 25 (skanda.5.41.25)

सनत्कुमार उवाच। स एवमुक्तस्तु पुरो दिवौकसां विभुः प्रसन्नस्त्विदमब्रवीद्धरः। विरिंच मे दर्शय तस्य मंडलं त्वया विमुक्तं च सदाशिवं विभो॥

sanatkumāra uvāca| sa evamuktastu puro divaukasāṁ vibhuḥ prasannastvidamabravīddharaḥ| viriṁca me darśaya tasya maṁḍalaṁ tvayā vimuktaṁ ca sadāśivaṁ vibho||

सनत्कुमार ने कहा—इस प्रकार स्तुति किए जाने पर, देवताओं के समक्ष प्रसन्न हुए प्रभु हरि ने यह कहा—'हे विरिंचि, मुझे वह मंडल दिखाइए, जिसे आपने सदाशिव के लिए मुक्त किया है, हे विभो।'

श्लोक 26 (skanda.5.41.26)

स्थिरं स्थि यत्र जगत्करोम्यहं ततो विरंचिः कुशमुष्टिमाददे। पवित्रदेशस्य निदर्शनाय जगाम पुण्यं च्यवनाश्रमं तदा॥

sthiraṁ sthi yatra jagatkaromyahaṁ tato viraṁciḥ kuśamuṣṭimādade| pavitradeśasya nidarśanāya jagāma puṇyaṁ cyavanāśramaṁ tadā||

'जहाँ मैं जगत् को स्थिरतापूर्वक स्थापित करूँ।' तब विरिंचि ने कुश की एक मुट्ठी ली, और उस पवित्र प्रदेश को दिखाने के लिए पुण्यमय च्यवन-आश्रम की ओर गए।

श्लोक 27 (skanda.5.41.27)

ततः स्थलीमुच्चतरामवाप्य पितामहः केशवमाह चादरात्। त्वदुद्भवं चात्र पवित्रमंडलं त्वया विमुक्तं च सदा शिवं विभो॥

tataḥ sthalīmuccatarāmavāpya pitāmahaḥ keśavamāha cādarāt| tvadudbhavaṁ cātra pavitramaṁḍalaṁ tvayā vimuktaṁ ca sadā śivaṁ vibho||

फिर एक ऊँचे स्थल पर पहुँचकर पितामह ने आदरपूर्वक केशव से कहा—'हे विभो, यहाँ आपसे ही उत्पन्न यह पवित्र मंडल है, जिसे आपने सदा के लिए मंगलमय बनाकर मुक्त किया है।'

श्लोक 28 (skanda.5.41.28)

त्वमेव विष्णुर्विबुधार्चितः सदा स्मृतो मुनींद्रैः स च विष्टरश्रवाः। निषीद विश्वेश कुशस्थलं यदा तदाश्रितो माधवमासरूपवान्॥

tvameva viṣṇurvibudhārcitaḥ sadā smṛto munīṁdraiḥ sa ca viṣṭaraśravāḥ| niṣīda viśveśa kuśasthalaṁ yadā tadāśrito mādhavamāsarūpavān||

'आप ही विष्णु हैं, सदा देवताओं द्वारा पूजित, महर्षियों द्वारा स्मरण किए जाने वाले, विष्टरश्रवा भी आप ही हैं। हे विश्वेश, इस कुशस्थल में विराजिए।' जब वे वहाँ आसीन हुए, तब माधव ने वहीं वास करने योग्य रूप धारण किया।

श्लोक 29 (skanda.5.41.29)

कुशस्थलीं संस्थित एव देव इत्थं विधात्रा पुरुषोत्तमः स्तुतः। स्थलीं कुशैरास्तरितामुपाविशत्कुशस्थलीं देवमुनीन्द्रसेविताम्॥

kuśasthalīṁ saṁsthita eva deva itthaṁ vidhātrā puruṣottamaḥ stutaḥ| sthalīṁ kuśairāstaritāmupāviśatkuśasthalīṁ devamunīndrasevitām||

इस प्रकार कुशस्थली में स्थित उस देव पुरुषोत्तम की विधाता ने स्तुति की, और वे कुश से बिछी हुई, देवताओं तथा महर्षियों से सेवित उस कुशस्थली-भूमि पर विराजमान हुए।

श्लोक 30 (skanda.5.41.30)

समंततो योजनसंख्ययावृतां ततो विधाता पुरुषोत्तमस्तथा। कुशस्थलीति प्रथितं जगत्त्रये प्रचक्रतुर्नाम च तावुभावपि॥

samaṁtato yojanasaṁkhyayāvṛtāṁ tato vidhātā puruṣottamastathā| kuśasthalīti prathitaṁ jagattraye pracakraturnāma ca tāvubhāvapi||

चारों ओर एक योजन के परिमाण से घिरी हुई उस भूमि का, विधाता और पुरुषोत्तम दोनों ने मिलकर, तीनों लोकों में विख्यात कुशस्थली नाम रखा।

श्लोक 31 (skanda.5.41.31)

तत्र विश्वपतिः श्रीमान्विश्वेशो विश्वकृद्विभुः। विश्वं शशास विश्वात्मा सर्वविश्वस्य नायकः॥

tatra viśvapatiḥ śrīmānviśveśo viśvakṛdvibhuḥ| viśvaṁ śaśāsa viśvātmā sarvaviśvasya nāyakaḥ||

वहाँ विश्व के स्वामी, श्रीमान् विश्वेश, विश्व के रचयिता, विभु, विश्वात्मा, सम्पूर्ण विश्व के नायक ने विश्व का शासन किया।

श्लोक 32 (skanda.5.41.32)

एवं कुशस्थली ख्याता हेमशृङ्गेति या पुरा। स्तीर्णा कुशैर्यतो धात्रा कुशस्थली ततः स्मृता॥

evaṁ kuśasthalī khyātā hemaśṛṅgeti yā purā| stīrṇā kuśairyato dhātrā kuśasthalī tataḥ smṛtā||

इस प्रकार जो नगरी पहले हेमशृंग नाम से जानी जाती थी, वह कुशस्थली नाम से विख्यात हुई; और चूँकि विधाता ने उसे कुशों से बिछाया था, इसीलिए वह कुशस्थली कहलाई।