उज्जयिनी अभिधान कथन

श्लोक 1 (skanda.5.43.1)

सनत्कुमार उवाच। एकस्मिन्नंतरे व्यास यथोज्जयनी स्मृता पुरी। तथाहं संप्रवक्ष्यामि शृणुष्व त्वं समाहितः॥

sanatkumāra uvāca| ekasminnaṁtare vyāsa yathojjayanī smṛtā purī| tathāhaṁ saṁpravakṣyāmi śṛṇuṣva tvaṁ samāhitaḥ||

सनत्कुमार ने कहा—हे व्यास, अब मैं बताता हूँ कि यह नगरी उज्जयिनी नाम से किस प्रकार स्मरण की गई; तुम एकाग्रचित्त होकर सुनो।

श्लोक 2 (skanda.5.43.2)

त्रिपुराख्यो महादैत्यः सर्वदैत्यजनेश्वरः। तपस्तेपे सुदुर्धर्षं ब्रह्मणस्तुष्टिकारणात्॥

tripurākhyo mahādaityaḥ sarvadaityajaneśvaraḥ| tapastepe sudurdharṣaṁ brahmaṇastuṣṭikāraṇāt||

त्रिपुर नामक महादैत्य, जो सभी दैत्यजनों का स्वामी था, ब्रह्मा को प्रसन्न करने के लिए अत्यंत दुष्कर तप करने लगा।

श्लोक 3 (skanda.5.43.3)

आतपे चाग्निसेवां वै प्रावृषि मेघडंबरम्। दमयित्वा तदात्मानं शीतकाले जलाशये॥

ātape cāgnisevāṁ vai prāvṛṣi meghaḍaṁbaram| damayitvā tadātmānaṁ śītakāle jalāśaye||

ग्रीष्म में अग्नि की सेवा, वर्षा में बादलों की गर्जना के बीच खुले में तप, और शीतकाल में जलाशय में अपने शरीर को कष्ट देते हुए,

श्लोक 4 (skanda.5.43.4)

शीर्णपत्रजलाहारो वायुभक्षी निराश्रयः। गायत्रीव्रतमास्थाय त्यक्तसर्वपरिग्रहः॥

śīrṇapatrajalāhāro vāyubhakṣī nirāśrayaḥ| gāyatrīvratamāsthāya tyaktasarvaparigrahaḥ||

वह सूखे पत्तों और जल का आहार करता, केवल वायु ग्रहण करता, बिना किसी आश्रय के, गायत्री व्रत का पालन करते हुए, समस्त परिग्रह त्यागकर—

श्लोक 5 (skanda.5.43.5)

एवं वर्षसहस्रं तु तपस्तप्तं सुदुश्चरम्। पूर्णे वर्षसहस्रे तु ब्रह्मा प्रीततमोऽब्रवीत्॥

evaṁ varṣasahasraṁ tu tapastaptaṁ suduścaram| pūrṇe varṣasahasre tu brahmā prītatamo'bravīt||

इस प्रकार उसने एक हजार वर्ष तक अत्यंत दुष्कर तप किया। सहस्र वर्ष पूर्ण होने पर अत्यंत प्रसन्न ब्रह्मा ने कहा—

श्लोक 6 (skanda.5.43.6)

व्रियतां भोऽसुरश्रेष्ठ वरं मत्तोभिवांछितम्। तत्सर्वं सांप्रतं लोके वरं तुभ्यं ददामि वै॥

vriyatāṁ bho'suraśreṣṭha varaṁ mattobhivāṁchitam| tatsarvaṁ sāṁprataṁ loke varaṁ tubhyaṁ dadāmi vai||

'हे असुरश्रेष्ठ, मुझसे जो भी वर तुम चाहते हो, माँगो; लोक में जो भी अभीष्ट हो, वह वर मैं अभी तुम्हें प्रदान करता हूँ।'

श्लोक 7 (skanda.5.43.7)

एवमुक्तः स विधिना दैत्यस्त्रिपुरसंज्ञितः। उवाच वचनं सद्यो ब्रह्माणं संशितव्रतम्॥

evamuktaḥ sa vidhinā daityastripurasaṁjñitaḥ| uvāca vacanaṁ sadyo brahmāṇaṁ saṁśitavratam||

विधाता द्वारा ऐसा कहे जाने पर त्रिपुर नामक उस दैत्य ने तत्काल दृढ़-व्रत ब्रह्मा से यह वचन कहा।

श्लोक 8 (skanda.5.43.8)

त्रिपुर उवाच। यदि तुष्टमना ब्रह्मन्वरं मे दातुमिच्छसि। देवदानगंधर्वपिशाचोरगराक्षसैः। अवध्योऽहं सदा भूयां वरमेतद्वृणोम्यहम्॥

tripura uvāca| yadi tuṣṭamanā brahmanvaraṁ me dātumicchasi| devadānagaṁdharvapiśācoragarākṣasaiḥ| avadhyo'haṁ sadā bhūyāṁ varametadvṛṇomyaham||

त्रिपुर ने कहा—हे ब्रह्मन्, यदि आप प्रसन्न मन से मुझे वर देना चाहते हैं, तो मैं यह वर माँगता हूँ कि मैं देव, दानव, गन्धर्व, पिशाच, नाग और राक्षसों द्वारा सदा अवध्य रहूँ।

श्लोक 9 (skanda.5.43.9)

ब्रह्मोवाच। एवं भवतु भो वत्स विचरस्वाकुतोभयः। इत्युक्त्वा सहसा ब्रह्मा तत्रैवांतरधीयत॥

brahmovāca| evaṁ bhavatu bho vatsa vicarasvākutobhayaḥ| ityuktvā sahasā brahmā tatraivāṁtaradhīyata||

ब्रह्मा ने कहा—'हे वत्स, ऐसा ही हो; निर्भय होकर विचरण करो।' ऐसा कहकर ब्रह्मा उसी क्षण वहीं अंतर्धान हो गए।

श्लोक 10 (skanda.5.43.10)

तदारभ्य महादैत्यो देवानां कदनं महत्। चकार कोपपूर्णो वै पूर्ववैरमनुस्मरन्॥

tadārabhya mahādaityo devānāṁ kadanaṁ mahat| cakāra kopapūrṇo vai pūrvavairamanusmaran||

तभी से वह महादैत्य क्रोध से भरकर, पूर्व-वैर का स्मरण करते हुए, देवताओं का महान संहार करने लगा।

श्लोक 11 (skanda.5.43.11)

वासयित्वा यत्र तत्र त्रिपुराणि चराणि च। अत्र वासकृतः सर्वे वर्णाश्रमपरा जनाः॥

vāsayitvā yatra tatra tripurāṇi carāṇi ca| atra vāsakṛtaḥ sarve varṇāśramaparā janāḥ||

उसने यत्र-तत्र गतिशील तीन नगर बसाए, जिनमें वर्णाश्रम-धर्म का पालन करने वाले सभी जन निवास करते थे।

श्लोक 12 (skanda.5.43.12)

तेषां वै कदनं चक्रे नानोपायेन पापधीः। तस्मिन्पुरे दुष्टवासे ब्राह्मणा वेदपारगाः॥

teṣāṁ vai kadanaṁ cakre nānopāyena pāpadhīḥ| tasminpure duṣṭavāse brāhmaṇā vedapāragāḥ||

उस पापबुद्धि दैत्य ने अनेक उपायों से उनका विनाश किया; उस दुष्ट-निवास वाले नगर में वेदपारंगत ब्राह्मण भी—

श्लोक 13 (skanda.5.43.13)

न जुहुयुश्चाग्निहोत्रं सोमपानं न कर्हिचित्। कुतश्चित्सुकृतं कर्म जनाः कुर्वंति नो मुने॥

na juhuyuścāgnihotraṁ somapānaṁ na karhicit| kutaścitsukṛtaṁ karma janāḥ kurvaṁti no mune||

—अग्निहोत्र नहीं करते थे, सोमपान भी कभी नहीं करते थे; हे मुने, लोग कहीं से भी कोई सुकृत्य नहीं करते थे।

श्लोक 14 (skanda.5.43.14)

स्वाहाकारस्वधाकारवषट्कारविवर्जिताः। नोत्सवो दृश्यते गेहे कस्यचिद्भुवि विस्तृतः॥

svāhākārasvadhākāravaṣaṭkāravivarjitāḥ| notsavo dṛśyate gehe kasyacidbhuvi vistṛtaḥ||

स्वाहाकार, स्वधाकार और वषट्कार से रहित हो गए थे; उस भूमि पर किसी के भी घर में कोई विस्तृत उत्सव दिखाई नहीं देता था।

श्लोक 15 (skanda.5.43.15)

देवतायतनं नास्ति तथा नो शिवपूजनम्। नास्ति यज्ञो न दानानि न गोब्राह्मणपूजनम्॥

devatāyatanaṁ nāsti tathā no śivapūjanam| nāsti yajño na dānāni na gobrāhmaṇapūjanam||

न कोई देवालय था, न शिव-पूजन होता था; न यज्ञ था, न दान था, न गौ-ब्राह्मणों की पूजा होती थी।

श्लोक 16 (skanda.5.43.16)

सदाचारजनो नास्ति दया मानविवर्जिता। न दानी नोपकारी च तपस्वी नैव दृश्यते॥

sadācārajano nāsti dayā mānavivarjitā| na dānī nopakārī ca tapasvī naiva dṛśyate||

सदाचारी जन कोई नहीं था, दया और सम्मान का लोप हो गया था; न कोई दानी, न उपकारी, न ही कोई तपस्वी दिखाई देता था।

श्लोक 17 (skanda.5.43.17)

एवं व्यास पुरे तस्मिन्नष्टप्रायमिदं जगत्। प्रजानां ब्राह्मणा मूलं वेदमूला हि ब्राह्मणाः॥

evaṁ vyāsa pure tasminnaṣṭaprāyamidaṁ jagat| prajānāṁ brāhmaṇā mūlaṁ vedamūlā hi brāhmaṇāḥ||

हे व्यास, इस प्रकार उस नगर में यह सारा संसार नष्ट-प्राय हो गया। प्रजा का मूल ब्राह्मण हैं, और ब्राह्मणों का मूल वेद है।

श्लोक 18 (skanda.5.43.18)

वेदमूलपरा यज्ञा यज्ञमूला हि देवताः। तस्माद्व्यास हतं सर्वं कृतं तेन दुरात्मना॥

vedamūlaparā yajñā yajñamūlā hi devatāḥ| tasmādvyāsa hataṁ sarvaṁ kṛtaṁ tena durātmanā||

वेद ही यज्ञों का मूल है, और यज्ञ ही देवताओं का मूल है; इसलिए हे व्यास, उस दुरात्मा ने यह सब कुछ नष्ट कर दिया।

श्लोक 19 (skanda.5.43.19)

तेन देवगणाः सर्वे हतप्राया हतौजसः। विचरंति यथा मर्त्या भुवि तेन पराजिताः॥

tena devagaṇāḥ sarve hataprāyā hataujasaḥ| vicaraṁti yathā martyā bhuvi tena parājitāḥ||

उसके कारण समस्त देवगण मृतप्राय और तेजहीन होकर, उससे पराजित होकर, पृथ्वी पर मनुष्यों के समान विचरण करने लगे।

श्लोक 20 (skanda.5.43.20)

अन्योन्यकृतसंधाना मंत्रं कृत्वा समाहिताः। जग्मुस्ते तत्र यत्रास्ते प्रजापतिरकल्मषः॥

anyonyakṛtasaṁdhānā maṁtraṁ kṛtvā samāhitāḥ| jagmuste tatra yatrāste prajāpatirakalmaṣaḥ||

परस्पर संधि करके तथा एकाग्रचित्त होकर मंत्रणा करके, वे वहाँ गए जहाँ निष्कलंक प्रजापति ब्रह्मा विराजमान थे।

श्लोक 21 (skanda.5.43.21)

त्रिदशाः कथयामासुरात्मव्यसनकारणम्। तज्ज्ञात्वा सहसोत्थाय ब्रह्मा लोकपिता महः॥

tridaśāḥ kathayāmāsurātmavyasanakāraṇam| tajjñātvā sahasotthāya brahmā lokapitā mahaḥ||

देवताओं ने अपने संकट का कारण उन्हें बताया। इसे जानकर लोकपिता महान ब्रह्मा तुरंत उठ खड़े हुए,

श्लोक 22 (skanda.5.43.22)

जगाम त्रिदशैः सार्धं महाकालवनोत्तमम्। यत्रास्ते सततं देव उमया सहितः शिवः॥

jagāma tridaśaiḥ sārdhaṁ mahākālavanottamam| yatrāste satataṁ deva umayā sahitaḥ śivaḥ||

और देवताओं सहित उत्तम महाकालवन को गए, जहाँ उमा सहित शिव देव सदा निवास करते हैं।

श्लोक 23 (skanda.5.43.23)

यत्रावंती पुरी दिव्या सर्वतीर्थनिषेविता। तत्रागत्य सुरैः साकं स्वयंभूश्चतुराननः॥

yatrāvaṁtī purī divyā sarvatīrthaniṣevitā| tatrāgatya suraiḥ sākaṁ svayaṁbhūścaturānanaḥ||

जहाँ दिव्य अवन्ती नगरी समस्त तीर्थों से सेवित है, वहाँ आकर चतुरानन स्वयंभू ब्रह्मा ने देवताओं सहित,

श्लोक 24 (skanda.5.43.24)

स्नानं दानं जपं होमं कृत्वा रुद्रसरे तदा। पूजयित्वा महाकालं ब्रह्मा वचनमब्रवीत्॥

snānaṁ dānaṁ japaṁ homaṁ kṛtvā rudrasare tadā| pūjayitvā mahākālaṁ brahmā vacanamabravīt||

रुद्रसर में स्नान, दान, जप और हवन करके तथा महाकाल की पूजा करके ब्रह्मा ने यह वचन कहा।

श्लोक 25 (skanda.5.43.25)

ब्रह्मोवाच। देवदेव महादेव भक्तानामभयंकर। श्रूयतां भोः सुरश्रेष्ठ देवकार्यमनुत्तमम्॥

brahmovāca| devadeva mahādeva bhaktānāmabhayaṁkara| śrūyatāṁ bhoḥ suraśreṣṭha devakāryamanuttamam||

ब्रह्मा ने कहा—हे देवदेव महादेव, भक्तों को अभय देने वाले, हे देवश्रेष्ठ, सुनिए—देवताओं का यह अत्यंत महत्वपूर्ण कार्य है।

श्लोक 26 (skanda.5.43.26)

त्रिपुरोनाम दैत्येंद्रो देवानां कदनं महत्। करोति सततं दैत्यो देवब्राह्मणनिंदकः॥

tripuronāma daityeṁdro devānāṁ kadanaṁ mahat| karoti satataṁ daityo devabrāhmaṇaniṁdakaḥ||

त्रिपुर नामक दैत्यराज, जो देवताओं और ब्राह्मणों की निंदा करने वाला है, वह दैत्य निरंतर देवताओं का महासंहार कर रहा है।

श्लोक 27 (skanda.5.43.27)

वासयित्वा पुरस्तिस्रो विस्तीर्णा विचरत्यथ। तत्र स्थितानि भूतानि नाशं यांति दुरात्मना॥

vāsayitvā purastisro vistīrṇā vicaratyatha| tatra sthitāni bhūtāni nāśaṁ yāṁti durātmanā||

तीन विस्तीर्ण नगर बसाकर वह विचरण करता है; उनमें रहने वाले प्राणी उस दुरात्मा के कारण नष्ट होते जा रहे हैं।

श्लोक 28 (skanda.5.43.28)

एवं कृत्वा प्रजाः सर्वाः क्षयं नीताश्चराचराः। उद्वासितानि द्वीपानि ग्रामाश्च नगराणि च॥

evaṁ kṛtvā prajāḥ sarvāḥ kṣayaṁ nītāścarācarāḥ| udvāsitāni dvīpāni grāmāśca nagarāṇi ca||

इस प्रकार करते हुए उसने समस्त चराचर प्रजाओं को क्षय की ओर पहुँचा दिया है; द्वीप, गाँव और नगर सभी उजड़ गए हैं।

श्लोक 29 (skanda.5.43.29)

ऋषीणामाश्रमाः सर्वे यतीनामायतनानि च। एवं कृत्वा सुराः सर्वे भ्रष्टराज्याः पराजिताः॥

ṛṣīṇāmāśramāḥ sarve yatīnāmāyatanāni ca| evaṁ kṛtvā surāḥ sarve bhraṣṭarājyāḥ parājitāḥ||

ऋषियों के समस्त आश्रम और यतियों के भी स्थान उजड़ गए हैं। इस प्रकार समस्त देवगण अपने राज्य से भ्रष्ट होकर पराजित हो गए हैं।

श्लोक 30 (skanda.5.43.30)

विचरंति यथा मर्त्यास्त्रिपुरेण दुरात्मना। मत्तो लब्धवरो नित्यं व्रजत्येवाकुतोभयः॥

vicaraṁti yathā martyāstripureṇa durātmanā| matto labdhavaro nityaṁ vrajatyevākutobhayaḥ||

उस दुरात्मा त्रिपुर के कारण वे मनुष्यों के समान विचरण करते हैं; और वह मुझसे वर पाकर सदा निर्भय होकर विचरता है।

श्लोक 31 (skanda.5.43.31)

तस्मात्सर्वप्रयत्नेन वधस्तस्य विचिंत्यताम्॥

tasmātsarvaprayatnena vadhastasya viciṁtyatām||

इसलिए पूर्ण प्रयत्न से उसके वध का उपाय सोचा जाए।

श्लोक 32 (skanda.5.43.32)

इति श्रुत्वा वचस्तस्य ब्रह्मणः संशितात्मनः। चिरं ध्यात्वा महादेवो ब्रह्माणं तमुवाच ह॥

iti śrutvā vacastasya brahmaṇaḥ saṁśitātmanaḥ| ciraṁ dhyātvā mahādevo brahmāṇaṁ tamuvāca ha||

दृढ़-चित्त ब्रह्मा का यह वचन सुनकर महादेव ने चिरकाल तक ध्यान करके उन ब्रह्मा से यह कहा।

श्लोक 33 (skanda.5.43.33)

महादेव उवाच। श्रूयतां भोः सुरश्रेष्ठा ब्रह्मशक्रपुरोगमाः। जयोपायं करिष्यामि दैत्यस्यास्य दुरात्मनः॥

mahādeva uvāca| śrūyatāṁ bhoḥ suraśreṣṭhā brahmaśakrapurogamāḥ| jayopāyaṁ kariṣyāmi daityasyāsya durātmanaḥ||

महादेव ने कहा—हे ब्रह्मा और इन्द्र आदि श्रेष्ठ देवगण, सुनिए—मैं इस दुरात्मा दैत्य पर विजय का उपाय करूँगा।

श्लोक 34 (skanda.5.43.34)

तपश्चरत यूयं वा आत्मनो जयकांक्षिणः। अवंत्यां यद्धुतं दत्तं तत्सर्वं चाक्षयं भवेत्॥

tapaścarata yūyaṁ vā ātmano jayakāṁkṣiṇaḥ| avaṁtyāṁ yaddhutaṁ dattaṁ tatsarvaṁ cākṣayaṁ bhavet||

तुम सब भी अपनी विजय की इच्छा से तप करो; क्योंकि अवन्ती में जो कुछ भी हवन या दान किया जाता है, वह सब अक्षय हो जाता है।

श्लोक 35 (skanda.5.43.35)

इत्युक्त्वा सर्वदेवानां तत्रैवांतर्हितः शिवः। गत्वा स्मशाननिलये भूतप्रेतनिषेविते॥

ityuktvā sarvadevānāṁ tatraivāṁtarhitaḥ śivaḥ| gatvā smaśānanilaye bhūtapretaniṣevite||

ऐसा कहकर शिव समस्त देवताओं के समक्ष ही अंतर्धान हो गए, और भूत-प्रेतों से सेवित श्मशान-निवास में जाकर,

श्लोक 36 (skanda.5.43.36)

जयार्थं तस्य दैत्यस्य त्रिपुरस्य दुरात्मनः। उपासांचक्रिरे तत्र चामुण्डायाः सुरेश्वराः॥

jayārthaṁ tasya daityasya tripurasya durātmanaḥ| upāsāṁcakrire tatra cāmuṇḍāyāḥ sureśvarāḥ||

उस दुरात्मा दैत्य त्रिपुर पर विजय के लिए, देवेश्वरों ने वहाँ चामुण्डा की उपासना आरम्भ की।

श्लोक 37 (skanda.5.43.37)

महिषैश्च महामेध्यैः पशुपुष्पार्घतर्पणैः। बलिभिर्विविधैर्दानैर्धूपदीपाग्नितर्पणैः। पूजयित्वा तदा देवीं तामीडे वृषभध्वजः॥

mahiṣaiśca mahāmedhyaiḥ paśupuṣpārghatarpaṇaiḥ| balibhirvividhairdānairdhūpadīpāgnitarpaṇaiḥ| pūjayitvā tadā devīṁ tāmīḍe vṛṣabhadhvajaḥ||

महान पवित्र भैंसों, पशुओं, पुष्पों, अर्घ्य, तर्पण, विविध बलियों, दानों, धूप-दीप तथा अग्नि-तर्पण से उस देवी की पूजा करके, वृषभध्वज शिव ने उनकी स्तुति की।

श्लोक 38 (skanda.5.43.38)

दुर्गां भगवतीं भद्रां दुर्गसंसारतारणीम्। त्रिपुरांतकारिणीं कृत्यां चंडमुंडवधोद्यमाम्॥

durgāṁ bhagavatīṁ bhadrāṁ durgasaṁsāratāraṇīm| tripurāṁtakāriṇīṁ kṛtyāṁ caṁḍamuṁḍavadhodyamām||

दुर्गा भगवती भद्रा को, जो दुर्गम संसार से तारने वाली हैं, त्रिपुर का अंत करने वाली, चण्ड-मुण्ड के वध में उद्यत क्रियाशक्ति हैं,

श्लोक 39 (skanda.5.43.39)

दैत्यमेदोमदोन्मत्तां रक्ताख्यां रक्तदंतिकाम्। रक्तांबरधरां धीरां रक्तपुष्पावतीं सतीम्॥

daityamedomadonmattāṁ raktākhyāṁ raktadaṁtikām| raktāṁbaradharāṁ dhīrāṁ raktapuṣpāvatīṁ satīm||

जो दैत्यों की चर्बी और मद से उन्मत्त हैं, रक्त नाम वाली, रक्त-दंत वाली, रक्त-वस्त्र धारण करने वाली, धैर्यवती, रक्त-पुष्पों से युक्त सती,

श्लोक 40 (skanda.5.43.40)

महिषवाहिनीं श्यामां यक्षासनपरिग्रहाम्। द्वीपिचर्मपरीधानां शुष्कमांसातिभैरवाम्॥

mahiṣavāhinīṁ śyāmāṁ yakṣāsanaparigrahām| dvīpicarmaparīdhānāṁ śuṣkamāṁsātibhairavām||

जो महिष पर आरूढ़ होने वाली, श्यामवर्णा, यक्षासन पर विराजमान, चीते के चर्म से आच्छादित, शुष्क मांस के कारण अत्यंत भैरव रूप वाली हैं—

श्लोक 41 (skanda.5.43.41)

पूजयित्वा प्रसन्नात्मा ध्यानमास्थाय संस्थितः। तदा भगवती भद्रा ययेदं धार्यते जगत्। प्रसन्नवदना भूत्वा प्रत्यक्षं प्राह चंडिका॥

pūjayitvā prasannātmā dhyānamāsthāya saṁsthitaḥ| tadā bhagavatī bhadrā yayedaṁ dhāryate jagat| prasannavadanā bhūtvā pratyakṣaṁ prāha caṁḍikā||

इस प्रकार पूजा करके, प्रसन्न मन से ध्यान में स्थित हो गए। तब जिनके द्वारा यह सम्पूर्ण जगत् धारण किया जाता है, वह भगवती भद्रा चण्डिका प्रसन्नमुख होकर साक्षात् प्रकट होकर बोलीं।

श्लोक 42 (skanda.5.43.42)

देव्युवाच। व्रियतां भोः सुरश्रेष्ठ वरं मत्तोऽभिवांछितम्। सर्वं त्वयोक्तं यच्छामि जगतामुपकारकम्॥

devyuvāca| vriyatāṁ bhoḥ suraśreṣṭha varaṁ matto'bhivāṁchitam| sarvaṁ tvayoktaṁ yacchāmi jagatāmupakārakam||

देवी ने कहा—हे देवश्रेष्ठ, मुझसे जो भी वर चाहते हो, माँगो; तुमने जो भी जगत् के हित में कहा है, वह सब मैं तुम्हें प्रदान करती हूँ।

श्लोक 43 (skanda.5.43.43)

श्रीहर उवाच। यदि तुष्टासि वै देवि देहि मे वरमुत्तमम्। येन हन्मि महादैत्यं त्रिपुरं देवकंटकम्॥

śrīhara uvāca| yadi tuṣṭāsi vai devi dehi me varamuttamam| yena hanmi mahādaityaṁ tripuraṁ devakaṁṭakam||

श्रीहर ने कहा—हे देवी, यदि आप प्रसन्न हैं, तो मुझे वह उत्तम वर दीजिए, जिससे मैं देवताओं के लिए कंटक-स्वरूप महादैत्य त्रिपुर का वध कर सकूँ।

श्लोक 44 (skanda.5.43.44)

श्रीदेव्युवाच। जय ह्येनं महादेव गृहाण पाशुपतं परम्। मया दत्तं सुरश्रेष्ठ दैत्यनाशकरं परम्॥

śrīdevyuvāca| jaya hyenaṁ mahādeva gṛhāṇa pāśupataṁ param| mayā dattaṁ suraśreṣṭha daityanāśakaraṁ param||

श्रीदेवी ने कहा—हे महादेव, इसे जीत लीजिए; मेरे द्वारा दिया गया यह सर्वोत्तम पाशुपत अस्त्र ग्रहण कीजिए, हे देवश्रेष्ठ, जो दैत्यों के नाश में सर्वश्रेष्ठ है।

श्लोक 45 (skanda.5.43.45)

महापाशुपतं शस्त्रं करे कृत्वा च शंकरः॥

mahāpāśupataṁ śastraṁ kare kṛtvā ca śaṁkaraḥ||

महापाशुपत अस्त्र को हाथ में लेकर शंकर ने,

श्लोक 46 (skanda.5.43.46)

उज्जहार तदा शंभुर्दैत्यनाशाय सत्वरः। महाडंबरिको भूत्वा सर्वप्राणिभयंकरः॥

ujjahāra tadā śaṁbhurdaityanāśāya satvaraḥ| mahāḍaṁbariko bhūtvā sarvaprāṇibhayaṁkaraḥ||

उस दैत्य के नाश के लिए तत्परता से उसे उठाया; अत्यंत तुमुलनाद करते हुए, वे समस्त प्राणियों को भयभीत करने वाले हो गए।

श्लोक 47 (skanda.5.43.47)

स्तुतिं कृत्वा ययौ वाग्भिः पृष्ठतोऽनुययुः सुराः। शरेणैकेन वै रुद्रो जघान तं महासुरम्॥

stutiṁ kṛtvā yayau vāgbhiḥ pṛṣṭhato'nuyayuḥ surāḥ| śareṇaikena vai rudro jaghāna taṁ mahāsuram||

स्तुति करते हुए वे आगे बढ़े, देवगण पीछे-पीछे उनका अनुसरण करने लगे; रुद्र ने एक ही बाण से उस महासुर का वध कर दिया।

श्लोक 48 (skanda.5.43.48)

मायिनं तं त्रिधा भित्त्वा मायायुद्धेन शंकरः। पुनरागात्पुरीमेतामवंतीममरसेविताम्॥

māyinaṁ taṁ tridhā bhittvā māyāyuddhena śaṁkaraḥ| punarāgātpurīmetāmavaṁtīmamarasevitām||

उस मायावी को माया-युद्ध द्वारा तीन भागों में विदीर्ण करके शंकर पुनः इस अमर-सेवित अवन्ती नगरी में लौट आए।

श्लोक 49 (skanda.5.43.49)

जयाशिषा प्रयुंजाना ऋषयः सिद्धचारणाः। तुष्टुवुश्च तदा देवा जयशब्देन हर्षिताः॥

jayāśiṣā prayuṁjānā ṛṣayaḥ siddhacāraṇāḥ| tuṣṭuvuśca tadā devā jayaśabdena harṣitāḥ||

ऋषि, सिद्ध और चारण विजय के आशीर्वचन कहने लगे; और देवता विजय-घोष से हर्षित होकर उनकी स्तुति करने लगे।

श्लोक 50 (skanda.5.43.50)

अप्सरा ननृतुस्तत्र गंधर्वा ललितं जगुः। ववौ तदा पुण्यतमो वायुः सुखप्रदो नृणाम्॥

apsarā nanṛtustatra gaṁdharvā lalitaṁ jaguḥ| vavau tadā puṇyatamo vāyuḥ sukhaprado nṛṇām||

अप्सराएँ वहाँ नृत्य करने लगीं, गन्धर्वों ने मधुर गीत गाए; तब मनुष्यों को सुख देने वाली अत्यंत पवित्र वायु बहने लगी।

श्लोक 51 (skanda.5.43.51)

जयशब्दस्तदा जातः प्राणिनां च गृहेगृहे। जज्वलुश्चाग्नयः शांताः शांता दिग्जनितस्वनाः॥

jayaśabdastadā jātaḥ prāṇināṁ ca gṛhegṛhe| jajvaluścāgnayaḥ śāṁtāḥ śāṁtā digjanitasvanāḥ||

तब प्रत्येक प्राणी के घर-घर में विजय-घोष होने लगा; शांत अग्नियाँ प्रज्वलित हुईं, और दिशाओं से उठने वाले शब्द भी शांत हो गए।

श्लोक 52 (skanda.5.43.52)

प्रवर्तंते तदा यज्ञा महोत्सवसदक्षिणाः। देवाः प्रपेदिरे स्थानं स्वकीयं पुनरादृतम्॥

pravartaṁte tadā yajñā mahotsavasadakṣiṇāḥ| devāḥ prapedire sthānaṁ svakīyaṁ punarādṛtam||

तब महोत्सवपूर्वक दक्षिणा-सहित यज्ञ होने लगे; देवताओं ने पुनः सम्मानपूर्वक अपने-अपने स्थान प्राप्त कर लिए।

श्लोक 53 (skanda.5.43.53)

उज्जितो दानवो यस्मात्त्रैलोक्ये स्थापितं यशः। तस्मात्सर्वैः सुरश्रेष्ठैर्ऋषिभिः सनकादिभिः॥

ujjito dānavo yasmāttrailokye sthāpitaṁ yaśaḥ| tasmātsarvaiḥ suraśreṣṭhairṛṣibhiḥ sanakādibhiḥ||

चूँकि उस दानव पर विजय प्राप्त हुई और तीनों लोकों में यश स्थापित हुआ, इसलिए समस्त देवश्रेष्ठों तथा सनक आदि ऋषियों द्वारा,

श्लोक 54 (skanda.5.43.54)

कृतं नाम ह्यवंत्या वा उज्जयिनी पापनाशिनी। अवंती च पुरा प्रोक्ता सर्वकामवरप्रदा॥

kṛtaṁ nāma hyavaṁtyā vā ujjayinī pāpanāśinī| avaṁtī ca purā proktā sarvakāmavarapradā||

अवन्ती का ही एक नाम पापनाशिनी उज्जयिनी रखा गया; जो नगरी पूर्वकाल में अवन्ती कही जाती थी, सर्वकाम-वरप्रदा,

श्लोक 55 (skanda.5.43.55)

अद्यप्रभृति पुरी व्यास उज्जयिनी समाश्रिताः। येऽस्यां च स्नानदानादि भुवि कुर्वंति मानवाः॥

adyaprabhṛti purī vyāsa ujjayinī samāśritāḥ| ye'syāṁ ca snānadānādi bhuvi kurvaṁti mānavāḥ||

हे व्यास, आज से यह नगरी उज्जयिनी नाम से भी आश्रित हुई। इस भूमि पर जो मनुष्य स्नान, दान आदि करते हैं,

श्लोक 56 (skanda.5.43.56)

न तेषां दुष्कृतं किंचिद्देहे तिष्ठति पापजम्॥

na teṣāṁ duṣkṛtaṁ kiṁciddehe tiṣṭhati pāpajam||

उनके शरीर में पाप से उत्पन्न कोई भी दुष्कृत्य शेष नहीं रहता।

श्लोक 57 (skanda.5.43.57)

विद्यार्थी गिरीशं धनार्थी धनेशं सुतार्थी सुतेशं दिनेशं सुखार्थी। धियोर्थी गणेशं प्रियार्थी वसेद्वै गिरां ग्राह्यमानी जनश्चोज्जयिन्याम्॥

vidyārthī girīśaṁ dhanārthī dhaneśaṁ sutārthī suteśaṁ dineśaṁ sukhārthī| dhiyorthī gaṇeśaṁ priyārthī vasedvai girāṁ grāhyamānī janaścojjayinyām||

विद्या का इच्छुक गिरीश की, धन का इच्छुक धनेश की, पुत्र का इच्छुक सुतेश की, सुख का इच्छुक सूर्य की, बुद्धि का इच्छुक गणेश की आराधना करे; और प्रिय-प्राप्ति का इच्छुक व्यक्ति इन वचनों को ग्रहण करते हुए उज्जयिनी में निवास करे।

श्लोक 58 (skanda.5.43.58)

य एतस्यां महाभाग सदा वसति मानवः। भुक्त्वा कामान्मनोऽभीष्टान्मृतः शिवपुरं व्रजेत्॥

ya etasyāṁ mahābhāga sadā vasati mānavaḥ| bhuktvā kāmānmano'bhīṣṭānmṛtaḥ śivapuraṁ vrajet||

हे महाभाग, जो मनुष्य सदा यहाँ निवास करता है, वह अपनी मनोवांछित कामनाओं को भोगकर, मृत्यु के पश्चात् शिवपुर को जाता है।

श्लोक 59 (skanda.5.43.59)

तत्रैव वसते नित्यं कल्पकोटिशताधिकम्॥

tatraiva vasate nityaṁ kalpakoṭiśatādhikam||

वहीं वह सौ करोड़ कल्पों से भी अधिक समय तक सदा निवास करता है।

श्लोक 60 (skanda.5.43.60)

य एतां वै कथां पुण्यां पठते शृणुतेऽथ वा। मुच्यते सर्वपापेभ्यो गोसहस्रफलं लभेत्॥

ya etāṁ vai kathāṁ puṇyāṁ paṭhate śṛṇute'tha vā| mucyate sarvapāpebhyo gosahasraphalaṁ labhet||

जो इस पुण्यमयी कथा को पढ़ता है अथवा सुनता है, वह समस्त पापों से मुक्त होकर सहस्र गोदान का फल प्राप्त करता है।