पद्मावती नाम कथा वर्णन

श्लोक 1 (skanda.5.44.1)

सनत्कुमार उवाच। अथातः संप्रवक्ष्यामि पद्मावती यथाऽभवत्। शृणुष्व चादृतो व्यास बहुपुण्यकृतां कथाम्॥

sanatkumāra uvāca| athātaḥ saṁpravakṣyāmi padmāvatī yathā'bhavat| śṛṇuṣva cādṛto vyāsa bahupuṇyakṛtāṁ kathām||

सनत्कुमार ने कहा—अब मैं बताता हूँ कि यह नगरी पद्मावती किस प्रकार बनी; हे व्यास, आदरपूर्वक इस अत्यंत पुण्यदायी कथा को सुनो।

श्लोक 2 (skanda.5.44.2)

एकदा सर्वरत्नानां हानिर्जाता दुरात्मभिः। धर्मग्लानिर्निरोधश्च जातो वै दुष्टदानवैः॥

ekadā sarvaratnānāṁ hānirjātā durātmabhiḥ| dharmaglānirnirodhaśca jāto vai duṣṭadānavaiḥ||

एक बार दुरात्माओं के कारण समस्त रत्नों की हानि हुई, तथा दुष्ट दानवों के द्वारा धर्म की ग्लानि और अवरोध उत्पन्न हो गया।

श्लोक 3 (skanda.5.44.3)

तदा सुरासुरैः सर्वैर्मिलित्वा मथितोंऽबुधिः। मेरुर्वंशोदधिः पात्रं रज्जुर्वासुकिपन्नगः॥

tadā surāsuraiḥ sarvairmilitvā mathitoṁ'budhiḥ| merurvaṁśodadhiḥ pātraṁ rajjurvāsukipannagaḥ||

तब सभी देवों और असुरों ने मिलकर समुद्र का मंथन किया; मेरु पर्वत मथानी बना, समुद्र पात्र बना, और सर्प वासुकि रस्सी बना।

श्लोक 4 (skanda.5.44.4)

कूर्मपृष्ठे विधिं कृत्वा रत्नानि दुदुहुस्तदा। आदौ लक्ष्मीर्विनिर्याता कृष्णाय प्रतिपादिता॥

kūrmapṛṣṭhe vidhiṁ kṛtvā ratnāni duduhustadā| ādau lakṣmīrviniryātā kṛṣṇāya pratipāditā||

कूर्म की पीठ पर विधिपूर्वक स्थापित करके उन्होंने तब रत्नों को निकाला; सबसे पहले लक्ष्मी प्रकट हुईं और कृष्ण (विष्णु) को समर्पित की गईं।

श्लोक 5 (skanda.5.44.5)

तेन कृत्वा विषादोऽभूद्देवदानवयोस्तदा। एतस्मिन्नंतरे प्राप्तो नारदो देवदर्शनः॥

tena kṛtvā viṣādo'bhūddevadānavayostadā| etasminnaṁtare prāpto nārado devadarśanaḥ||

इसके कारण देवों और दानवों के बीच विवाद उत्पन्न हो गया; इसी बीच देवताओं के दर्शन हेतु नारद वहाँ आ पहुँचे।

श्लोक 6 (skanda.5.44.6)

वारितः कलहस्तेन देवदैत्यसमुद्भवः। महाकालवने साऽस्तु पद्मा सिंधुसमुद्भवा॥

vāritaḥ kalahastena devadaityasamudbhavaḥ| mahākālavane sā'stu padmā siṁdhusamudbhavā||

उन्होंने देव-दैत्यों के बीच उत्पन्न उस कलह को शांत किया—'समुद्र से उत्पन्न वह पद्मा महाकालवन में निवास करें।'

श्लोक 7 (skanda.5.44.7)

सागरांते च रत्नानि तिष्ठंति विविधानि च। तानि सर्वाणि चादाय भवतां वै ददाम्यहम्॥

sāgarāṁte ca ratnāni tiṣṭhaṁti vividhāni ca| tāni sarvāṇi cādāya bhavatāṁ vai dadāmyaham||

'और समुद्र के तल में अभी भी अनेक प्रकार के रत्न शेष हैं; उन सबको लेकर मैं तुम्हें दूँगा।'

श्लोक 8 (skanda.5.44.8)

मथ्यतामुदधिः शीघ्रं नात्र कार्या विचारणा। पुनस्ते तूद्यमं चक्रुरमृतार्थं सुरासुराः॥

mathyatāmudadhiḥ śīghraṁ nātra kāryā vicāraṇā| punaste tūdyamaṁ cakruramṛtārthaṁ surāsurāḥ||

'शीघ्र समुद्र का पुनः मंथन किया जाए, इसमें विलम्ब न करो।' तब देव और असुरों ने अमृत की प्राप्ति हेतु पुनः प्रयत्न किया।

श्लोक 9 (skanda.5.44.9)

मथ्यमानेंऽबुधौ तेषां मणिः प्राप्तश्च कौस्तुभः। परिजाततरुः पश्चात्सुरा जाता ततः परम्॥

mathyamāneṁ'budhau teṣāṁ maṇiḥ prāptaśca kaustubhaḥ| parijātataruḥ paścātsurā jātā tataḥ param||

समुद्र के मंथन से उन्हें कौस्तुभ मणि प्राप्त हुई; उसके बाद पारिजात वृक्ष, और फिर सुरा (वारुणी देवी) उत्पन्न हुईं।

श्लोक 10 (skanda.5.44.10)

धन्वंतरिरथोत्पन्नश्चंद्रो जातोऽपि वै ततः। कामधेनुस्ततो जाता गजरत्नं ततः परम्॥

dhanvaṁtarirathotpannaścaṁdro jāto'pi vai tataḥ| kāmadhenustato jātā gajaratnaṁ tataḥ param||

फिर धन्वंतरि प्रकट हुए, तथा उनके बाद चंद्रमा भी उत्पन्न हुए; फिर कामधेनु प्रकट हुई, और उसके बाद गजरत्न।

श्लोक 11 (skanda.5.44.11)

उच्चैःश्रवा हयश्रेष्ठः सुधा रंभा ततस्ततः। ततः परं च सारंगं धनुः सर्वास्त्रसंभवम्॥

uccaiḥśravā hayaśreṣṭhaḥ sudhā raṁbhā tatastataḥ| tataḥ paraṁ ca sāraṁgaṁ dhanuḥ sarvāstrasaṁbhavam||

उच्चैःश्रवा नामक श्रेष्ठ अश्व, अमृत, तथा रंभा—ये क्रमशः उत्पन्न हुए; उसके बाद समस्त अस्त्रों के उद्गम सारंग धनुष प्रकट हुआ।

श्लोक 12 (skanda.5.44.12)

पांचजन्यस्तथा शंखः करे तिष्ठति मुरद्विषः। निधिरेष महापद्मो विषं हालाहलं ततः॥

pāṁcajanyastathā śaṁkhaḥ kare tiṣṭhati muradviṣaḥ| nidhireṣa mahāpadmo viṣaṁ hālāhalaṁ tataḥ||

फिर पांचजन्य शंख, जो मुर के शत्रु विष्णु के हाथ में सुशोभित है, तथा यह महापद्म निधि, और फिर हालाहल विष प्रकट हुआ।

श्लोक 13 (skanda.5.44.13)

चतुर्दशापि रत्नानि प्राप्तानि विविधानि च। समादाय गतास्तत्र यत्र माहेश्वरं वनम्॥

caturdaśāpi ratnāni prāptāni vividhāni ca| samādāya gatāstatra yatra māheśvaraṁ vanam||

इस प्रकार सभी चौदह विविध रत्न प्राप्त हुए; उन सबको लेकर वे वहाँ गए जहाँ महेश्वर का वन था।

श्लोक 14 (skanda.5.44.14)

गत्वा ते च समासीना मंत्रं चक्रुः परस्परम्। अहंपूर्वमहंपूर्वमिति ते समयंत्रिताः॥

gatvā te ca samāsīnā maṁtraṁ cakruḥ parasparam| ahaṁpūrvamahaṁpūrvamiti te samayaṁtritāḥ||

वहाँ जाकर वे सब बैठकर परस्पर मंत्रणा करने लगे; किन्तु स्पर्धा में बंधे हुए वे सब 'मैं पहले, मैं पहले' कहने लगे।

श्लोक 15 (skanda.5.44.15)

कोलाहलस्तथोत्पन्नो नारदः पुनरभ्यगात्। तेषां कलिमलं दृष्ट्वा विष्णुमाराधयत्ततः॥

kolāhalastathotpanno nāradaḥ punarabhyagāt| teṣāṁ kalimalaṁ dṛṣṭvā viṣṇumārādhayattataḥ||

इस प्रकार भारी कोलाहल उत्पन्न हो गया; नारद पुनः वहाँ आए, और उनके इस कलह-दोष को देखकर विष्णु की आराधना की।

श्लोक 16 (skanda.5.44.16)

मोहनीरूपमास्थाय नारीभूत्वाभ्यगाद्धरिः। अतिरूपवती तन्वी तामालोक्य महासुराः॥

mohanīrūpamāsthāya nārībhūtvābhyagāddhariḥ| atirūpavatī tanvī tāmālokya mahāsurāḥ||

मोहिनी का रूप धारण करके, स्त्री बनकर हरि वहाँ आए; अत्यंत रूपवती और कोमलांगी उस स्त्री को देखकर महासुर—

श्लोक 17 (skanda.5.44.17)

विह्वलांगाश्च ते सर्वे कामबाणवशंगताः। एतस्मिन्नंतरे तेषां सुरां प्रादात्सुरेश्वरः॥

vihvalāṁgāśca te sarve kāmabāṇavaśaṁgatāḥ| etasminnaṁtare teṣāṁ surāṁ prādātsureśvaraḥ||

—सभी अंगों से विह्वल होकर काम-बाण के वश में हो गए। इसी बीच सुरेश्वर ने उन्हें [नकली] सुरा बाँट दी,

श्लोक 18 (skanda.5.44.18)

हस्तलाघवयोगेन देवानाममृतं ददौ। एतस्मिन्नंतरे व्यास राहुस्तद्रूपधारकः॥

hastalāghavayogena devānāmamṛtaṁ dadau| etasminnaṁtare vyāsa rāhustadrūpadhārakaḥ||

और हस्तकौशल से देवताओं को अमृत पिलाया। इसी बीच, हे व्यास, राहु उनका रूप धारण करके,

श्लोक 19 (skanda.5.44.19)

तेषामंतरगो भूत्वा पपौ चामृतमुत्तमम्। तज्ज्ञात्वा च द्रुतं विष्णुः शिरश्चक्रेण चाच्छिनत्॥

teṣāmaṁtarago bhūtvā papau cāmṛtamuttamam| tajjñātvā ca drutaṁ viṣṇuḥ śiraścakreṇa cācchinat||

उनके बीच में घुसकर उत्तम अमृत पी गया। यह जानकर विष्णु ने तुरंत चक्र से उसका सिर काट डाला।

श्लोक 20 (skanda.5.44.20)

सुधास्पर्शप्रसंगेन न ममारासुरस्तदा। राहुः केतुरिति ख्यातौ क्षेत्रेऽस्मिन्मुनिसत्तम॥

sudhāsparśaprasaṁgena na mamārāsurastadā| rāhuḥ keturiti khyātau kṣetre'sminmunisattama||

अमृत का स्पर्श हो जाने के कारण वह असुर तब भी नहीं मरा; हे मुनिसत्तम, इसी क्षेत्र में वह राहु और केतु नाम से विख्यात हुआ।

श्लोक 21 (skanda.5.44.21)

राहुकायात्समुद्भूतं बहु सुस्राव शोणितम्। तस्मिन्क्षेत्रे महत्तीर्थं जातं तद्दोष नाशनम्॥

rāhukāyātsamudbhūtaṁ bahu susrāva śoṇitam| tasminkṣetre mahattīrthaṁ jātaṁ taddoṣa nāśanam||

राहु के शरीर से बहुत सा रक्त बहा; उस क्षेत्र में उस दोष का नाश करने वाला एक महान तीर्थ प्रकट हुआ।

श्लोक 22 (skanda.5.44.22)

तत्र स्नात्वा शुचिर्भूत्वा राहोर्दर्शनतत्पराः। न तेषां जायते किंचिद्राहुपीडा कदाचन॥

tatra snātvā śucirbhūtvā rāhordarśanatatparāḥ| na teṣāṁ jāyate kiṁcidrāhupīḍā kadācana||

वहाँ स्नान करके, पवित्र होकर, राहु के दर्शन में तत्पर रहने वालों को कभी भी राहु से कोई पीड़ा नहीं होती।

श्लोक 23 (skanda.5.44.23)

वांछितार्थमवाप्नोति गोसहस्रफलं भवेत्। ततस्तानि च रत्नानि महाकालवने सुराः॥

vāṁchitārthamavāpnoti gosahasraphalaṁ bhavet| tatastāni ca ratnāni mahākālavane surāḥ||

वे अपने अभीष्ट को प्राप्त करते हैं और सहस्र गोदान का फल पाते हैं। इसके पश्चात् महाकालवन में देवताओं ने उन रत्नों को—

श्लोक 24 (skanda.5.44.24)

विभज्य भागांस्ते सर्वे प्राप्य रत्नभुजोऽभवन्। मणिं पद्मां धनुः शंखं विष्णवे नारदो ददौ॥

vibhajya bhāgāṁste sarve prāpya ratnabhujo'bhavan| maṇiṁ padmāṁ dhanuḥ śaṁkhaṁ viṣṇave nārado dadau||

—आपस में भागों में बाँटकर, उन्हें प्राप्त करके रत्नभोगी हो गए; नारद ने मणि, पद्मा, धनुष और शंख विष्णु को अर्पित किए।

श्लोक 25 (skanda.5.44.25)

सूर्याय च ददौ ह्यश्वं सप्तास्यं चाब्धिसंभवम्। ऐरावतं गजश्रेष्ठं वासवाय समर्पयत्॥

sūryāya ca dadau hyaśvaṁ saptāsyaṁ cābdhisaṁbhavam| airāvataṁ gajaśreṣṭhaṁ vāsavāya samarpayat||

सूर्य को समुद्र से उत्पन्न सप्तमुखी अश्व दिया, तथा गजश्रेष्ठ ऐरावत वासव (इन्द्र) को समर्पित किया।

श्लोक 26 (skanda.5.44.26)

पीयूषं दिविषद्गणान्ददौ चंद्रं च शंभवे। पारिजातं तरुश्रेष्ठं रंभां चैव वरांगनाम्॥

pīyūṣaṁ diviṣadgaṇāndadau caṁdraṁ ca śaṁbhave| pārijātaṁ taruśreṣṭhaṁ raṁbhāṁ caiva varāṁganām||

अमृत स्वर्गवासियों को दिया, और चंद्रमा शंभु को दिया; श्रेष्ठ वृक्ष पारिजात तथा उत्तम वरांगना रंभा को—

श्लोक 27 (skanda.5.44.27)

इंद्रक्रीडावने रम्ये नंदने च समर्पयत्। ऋषीणां समदाद्धेनुं कामदोग्ध्रीं यज्ञसिद्धये॥

iṁdrakrīḍāvane ramye naṁdane ca samarpayat| ṛṣīṇāṁ samadāddhenuṁ kāmadogdhrīṁ yajñasiddhaye||

—इन्द्र के रमणीय क्रीड़ावन नंदन को समर्पित किया; ऋषियों को यज्ञसिद्धि के लिए कामधेनु गौ प्रदान की।

श्लोक 28 (skanda.5.44.28)

निधिरेष महापद्मः कुबेरभवनं गतः। यत्तद्धालाहलं प्रोक्तं विषं केनापि नादृतम्॥

nidhireṣa mahāpadmaḥ kuberabhavanaṁ gataḥ| yattaddhālāhalaṁ proktaṁ viṣaṁ kenāpi nādṛtam||

यह महापद्म निधि कुबेर के भवन को गई; और जो वह हालाहल नामक विष कहा गया, उसे किसी ने भी स्वीकार नहीं किया,

श्लोक 29 (skanda.5.44.29)

यतोयतः प्रसरति प्रलयं यांति जंतवः। दधार तद्विषं शंभुर्जगतां हितकाम्यया॥

yatoyataḥ prasarati pralayaṁ yāṁti jaṁtavaḥ| dadhāra tadviṣaṁ śaṁbhurjagatāṁ hitakāmyayā||

क्योंकि वह जहाँ-जहाँ फैलता, वहाँ प्राणी विनाश को प्राप्त होते थे; जगत् के हित की कामना से शंभु ने उस विष को धारण किया।

श्लोक 30 (skanda.5.44.30)

तदाप्रभृति महादेवो नीलकंठ इति स्मृतः। रत्नकुंडे नरः स्नात्वा नीलग्रीवं च पश्यति॥

tadāprabhṛti mahādevo nīlakaṁṭha iti smṛtaḥ| ratnakuṁḍe naraḥ snātvā nīlagrīvaṁ ca paśyati||

तभी से महादेव नीलकंठ नाम से स्मरण किए जाते हैं; रत्नकुण्ड में स्नान करके मनुष्य उस नीलग्रीव देव का दर्शन करता है।

श्लोक 31 (skanda.5.44.31)

मुक्त्वा स सर्वपापेभ्यः सर्वरत्नभुजो भवेत्। शताश्वमेधिकं पुण्यं लब्ध्वा शिवपुरं व्रजेत्॥

muktvā sa sarvapāpebhyaḥ sarvaratnabhujo bhavet| śatāśvamedhikaṁ puṇyaṁ labdhvā śivapuraṁ vrajet||

वह समस्त पापों से मुक्त होकर सब रत्नों का भोक्ता बनता है; सौ अश्वमेध यज्ञों का पुण्य प्राप्त कर शिवपुर को जाता है।

श्लोक 32 (skanda.5.44.32)

तदादाय सुराः सर्वे ब्रह्मविष्णुपुरोगमाः। ऊचुश्च ते तदा व्यास हर्षनिर्भरमानसाः॥

tadādāya surāḥ sarve brahmaviṣṇupurogamāḥ| ūcuśca te tadā vyāsa harṣanirbharamānasāḥ||

तब ब्रह्मा-विष्णु के नेतृत्व में सभी देवताओं ने यह पुण्य प्राप्त कर, हे व्यास, हर्षपूर्ण मन से यह कहा—

श्लोक 33 (skanda.5.44.33)

उज्जयिनीं समासाद्य जाता रत्नभुजो वयम्। पद्मायाश्च निवासेन यस्मात्सर्वसुखावहा॥

ujjayinīṁ samāsādya jātā ratnabhujo vayam| padmāyāśca nivāsena yasmātsarvasukhāvahā||

'उज्जयिनी को पाकर हम रत्नों के भोक्ता बन गए हैं; और चूँकि पद्मा के निवास से यह नगरी सर्वसुख देने वाली है,'

श्लोक 34 (skanda.5.44.34)

तस्मात्सर्वेषु कालेषु पद्मा वसतु निश्चला। अद्यप्रभृति पूरेषा पद्मावतीति च स्मृता॥

tasmātsarveṣu kāleṣu padmā vasatu niścalā| adyaprabhṛti pūreṣā padmāvatīti ca smṛtā||

'इसलिए पद्मा सदा-सर्वदा यहाँ अचल होकर निवास करें।' आज से यह नगरी पद्मावती नाम से स्मरण की जाने लगी।

श्लोक 35 (skanda.5.44.35)

य एतस्यां महाभागाः स्नानं दानं तथार्चनम्। तर्पणं चैव देवानां पितॄणां च विशेषतः॥

ya etasyāṁ mahābhāgāḥ snānaṁ dānaṁ tathārcanam| tarpaṇaṁ caiva devānāṁ pitṝṇāṁ ca viśeṣataḥ||

हे महाभाग, जो लोग यहाँ स्नान, दान, पूजा तथा देवताओं का और विशेष रूप से पितरों का तर्पण करते हैं,

श्लोक 36 (skanda.5.44.36)

न तेषां दुष्कृतं किंचिन्न दारिद्र्यं न दुर्गतिः। शतं कुलानि सर्वाणि तारयेन्निरयात्तदा॥

na teṣāṁ duṣkṛtaṁ kiṁcinna dāridryaṁ na durgatiḥ| śataṁ kulāni sarvāṇi tārayennirayāttadā||

उन्हें कोई दुष्कृत्य, दरिद्रता अथवा दुर्गति नहीं होती; वह अपने सौ कुलों को नरक से तार देता है।

श्लोक 37 (skanda.5.44.37)

धनार्थी चैव पुत्रार्थो विद्यार्थो बहुकामुकः। यत्रकुत्र स्थितो भूत्वा पद्मावतीति च स्मरेत्॥

dhanārthī caiva putrārtho vidyārtho bahukāmukaḥ| yatrakutra sthito bhūtvā padmāvatīti ca smaret||

धन का इच्छुक, पुत्र का इच्छुक, विद्या का इच्छुक अथवा अनेक कामनाओं वाला व्यक्ति, जहाँ कहीं भी स्थित होकर पद्मावती का स्मरण करे,

श्लोक 38 (skanda.5.44.38)

सर्वान्कामानवाप्नोति शिवः साक्षाद्भवेन्नरः। एतद्व्यास फलं नाम्नः किं चिरं सेवनेन वै॥

sarvānkāmānavāpnoti śivaḥ sākṣādbhavennaraḥ| etadvyāsa phalaṁ nāmnaḥ kiṁ ciraṁ sevanena vai||

तो वह समस्त कामनाओं को प्राप्त कर लेता है, और वह मनुष्य साक्षात् शिव-स्वरूप हो जाता है। हे व्यास, यह तो केवल नाम का फल है, दीर्घकाल की सेवा का फल तो और भी अधिक है।

श्लोक 39 (skanda.5.44.39)

ये शृण्वंति कथां पुण्यां ये श्रावयंति नित्यशः। न तेषां पातकं किंचिदश्वमेधफलं लभेत्॥

ye śṛṇvaṁti kathāṁ puṇyāṁ ye śrāvayaṁti nityaśaḥ| na teṣāṁ pātakaṁ kiṁcidaśvamedhaphalaṁ labhet||

जो इस पुण्यमयी कथा को सुनते हैं, अथवा जो सदा दूसरों को सुनाते हैं, उन्हें कोई पाप नहीं लगता, और वे अश्वमेध यज्ञ का फल प्राप्त करते हैं।