प्रतिकल्पा अभिधान कथन

श्लोक 1 (skanda.5.48.1)

सनत्कुमार उवाच। शृणुष्वावहितो व्यास स्थितिमेकाग्रमानसः। मया व्यासमुखात्प्राप्ता कल्पभेदे कथा शुभा॥

sanatkumāra uvāca| śṛṇuṣvāvahito vyāsa sthitimekāgramānasaḥ| mayā vyāsamukhātprāptā kalpabhede kathā śubhā||

सनत्कुमार ने कहा—हे व्यास, एकाग्रचित्त होकर ध्यानपूर्वक इसकी स्थिति सुनो; मैंने व्यास के मुख से कल्प-भेद विषयक यह मंगलमयी कथा प्राप्त की है।

श्लोक 2 (skanda.5.48.2)

गुह्याद्गुह्यतरा श्रेष्ठा न देया यस्य कस्यचित्। नास्तिकाय कृतघ्नाय नाशिष्याय कदाचन॥

guhyādguhyatarā śreṣṭhā na deyā yasya kasyacit| nāstikāya kṛtaghnāya nāśiṣyāya kadācana||

यह गुह्य से भी अधिक गुह्य, श्रेष्ठ कथा किसी को भी नहीं दी जानी चाहिए—न नास्तिक को, न कृतघ्न को, और न ही किसी अशिष्य को कभी।

श्लोक 3 (skanda.5.48.3)

एषा पुण्यतमा व्यास कथा पापहरा परा। यस्याः श्रवणमात्रेण कल्पदोषो न बाधते॥

eṣā puṇyatamā vyāsa kathā pāpaharā parā| yasyāḥ śravaṇamātreṇa kalpadoṣo na bādhate||

हे व्यास, यह अत्यंत पुण्यमयी, परम पापहारिणी कथा है; जिसके श्रवण मात्र से कल्प का दोष भी बाधा नहीं पहुँचाता।

श्लोक 4 (skanda.5.48.4)

प्रमाणं कल्पपर्यंतं ब्रह्मणः परमेष्ठिनः। मन्वंतरेषु सर्वेषु कल्पकल्पांतरेषु च॥

pramāṇaṁ kalpaparyaṁtaṁ brahmaṇaḥ parameṣṭhinaḥ| manvaṁtareṣu sarveṣu kalpakalpāṁtareṣu ca||

मैं परमेष्ठी ब्रह्मा के कल्प-पर्यंत काल-प्रमाण को, समस्त मन्वंतरों तथा कल्प-कल्पांतरों में बताता हूँ।

श्लोक 5 (skanda.5.48.5)

यावत्संख्या परिमिता तावती शृणु सत्तम। अहोरात्रं च भजते सूर्यो मानुषदैवतम्॥

yāvatsaṁkhyā parimitā tāvatī śṛṇu sattama| ahorātraṁ ca bhajate sūryo mānuṣadaivatam||

हे सत्तम, जो संख्या निर्धारित है, उसे सुनो; सूर्य मनुष्यों के देवता के रूप में दिन-रात का विभाजन करता है।

श्लोक 6 (skanda.5.48.6)

तामुपादाय गणनां शृणु संख्या द्विजोत्तम। निमेषैः पंचदशभिः काष्ठा त्रिंशत्तु ताः कला॥

tāmupādāya gaṇanāṁ śṛṇu saṁkhyā dvijottama| nimeṣaiḥ paṁcadaśabhiḥ kāṣṭhā triṁśattu tāḥ kalā||

हे द्विजोत्तम, उसी गणना को लेकर संख्या सुनो—पंद्रह निमेषों की एक काष्ठा होती है, और तीस काष्ठाओं की एक कला।

श्लोक 7 (skanda.5.48.7)

त्रिंशत्कला मुहूर्तस्तु त्रिंशता तैर्मनीषिणः। अहोरात्रमिति प्राहुश्चंद्रादित्यगतिस्तदा॥

triṁśatkalā muhūrtastu triṁśatā tairmanīṣiṇaḥ| ahorātramiti prāhuścaṁdrādityagatistadā||

तीस कलाओं का एक मुहूर्त होता है; और उन तीस मुहूर्तों से मनीषी जन एक अहोरात्र (दिन-रात) कहते हैं, जो चंद्र-सूर्य की गति से निर्धारित होता है।

श्लोक 8 (skanda.5.48.8)

रविर्गतिविशेषेण सन्ध्यायां याति नित्यशः। तदहस्तु मनुष्याणां रात्रिश्चैव तु तादृशी॥

ravirgativiśeṣeṇa sandhyāyāṁ yāti nityaśaḥ| tadahastu manuṣyāṇāṁ rātriścaiva tu tādṛśī||

सूर्य अपनी विशेष गति से नित्य संध्या में जाता है; वह मनुष्यों का दिन है, और रात्रि भी उसी प्रकार की होती है।

श्लोक 9 (skanda.5.48.9)

पक्षौ मासा ऋतुश्चाब्दमयने च प्रकीर्तिते। पितॄणां चैव देवानां ब्रह्मणश्च यथातथम्॥

pakṣau māsā ṛtuścābdamayane ca prakīrtite| pitṝṇāṁ caiva devānāṁ brahmaṇaśca yathātatham||

पक्ष, मास, ऋतु, वर्ष तथा अयन—ये सब पितरों, देवताओं तथा ब्रह्मा के लिए यथावत् कहे गए हैं।

श्लोक 10 (skanda.5.48.10)

यावत्संख्या समाख्याता आयुरंतश्च तादृशः। अहोरात्राः पंचदश पक्ष इत्यभिशब्दितः॥

yāvatsaṁkhyā samākhyātā āyuraṁtaśca tādṛśaḥ| ahorātrāḥ paṁcadaśa pakṣa ityabhiśabditaḥ||

जितनी संख्या बताई गई है, उतनी ही आयु की सीमा भी होती है; पंद्रह अहोरात्रों को पक्ष कहा जाता है।

श्लोक 11 (skanda.5.48.11)

पक्षौ द्वौ तौ कृतौ मासौ मासौ द्वावृतुरुच्यते। अयनं चर्तुभिस्त्रिभिरब्दं द्वे अयने स्मृतम्॥

pakṣau dvau tau kṛtau māsau māsau dvāvṛturucyate| ayanaṁ cartubhistribhirabdaṁ dve ayane smṛtam||

उन दो पक्षों से एक मास बनता है, दो मासों को ऋतु कहा जाता है; तीन ऋतुओं से एक अयन, और दो अयनों से एक वर्ष स्मरण किया जाता है।

श्लोक 12 (skanda.5.48.12)

दक्षिणं चोत्तरं चैव संख्यातत्त्वविशारदैः। मानेनानेन यो मासः पक्षद्वयसमन्वितः॥

dakṣiṇaṁ cottaraṁ caiva saṁkhyātattvaviśāradaiḥ| mānenānena yo māsaḥ pakṣadvayasamanvitaḥ||

गणना के तत्त्व में निपुण विद्वानों ने इन्हें दक्षिण और उत्तर अयन कहा है। इस माप से जो मास दो पक्षों से युक्त है,

श्लोक 13 (skanda.5.48.13)

पितॄणां तदहोरात्रमिति कालविदो विदुः। शुक्लपक्षस्त्वहस्तेषां कृष्णपक्षस्तु शर्वरी॥

pitṝṇāṁ tadahorātramiti kālavido viduḥ| śuklapakṣastvahasteṣāṁ kṛṣṇapakṣastu śarvarī||

—वह पितरों का एक अहोरात्र है, ऐसा काल के ज्ञाता कहते हैं। उनके लिए शुक्लपक्ष दिन है और कृष्णपक्ष रात्रि है।

श्लोक 14 (skanda.5.48.14)

कृष्णपक्षे त्विह श्राद्धं पितॄणां वर्तते द्विज। मानुषेण तु मानेन यो वै संवत्सरः स्मृतः॥

kṛṣṇapakṣe tviha śrāddhaṁ pitṝṇāṁ vartate dvija| mānuṣeṇa tu mānena yo vai saṁvatsaraḥ smṛtaḥ||

हे द्विज, इसीलिए कृष्णपक्ष में पितरों का श्राद्ध किया जाता है। और मानव-मान से जो एक संवत्सर स्मरण किया जाता है,

श्लोक 15 (skanda.5.48.15)

देवानां तदहोरात्रं दिवा चैवोत्तरायणम्। दक्षिणायनं स्मृता रात्रिः प्राज्ञैस्तत्त्वार्थकोविदैः॥

devānāṁ tadahorātraṁ divā caivottarāyaṇam| dakṣiṇāyanaṁ smṛtā rātriḥ prājñaistattvārthakovidaiḥ||

—वह देवताओं का एक अहोरात्र है; तत्त्वज्ञ विद्वानों के अनुसार उत्तरायण उनका दिन है और दक्षिणायन उनकी रात्रि मानी गई है।

श्लोक 16 (skanda.5.48.16)

दिव्यमब्दं शतगुणं दिव्यमब्दसहस्रकम्। मुनिभिश्चैव तत्त्वज्ञैरहोरात्रं मनोः स्मृतम्॥

divyamabdaṁ śataguṇaṁ divyamabdasahasrakam| munibhiścaiva tattvajñairahorātraṁ manoḥ smṛtam||

दिव्य वर्ष सौ गुना होता है; और तत्त्वज्ञ मुनियों ने सहस्र दिव्य वर्षों को मनु का एक अहोरात्र माना है।

श्लोक 17 (skanda.5.48.17)

अहोरात्रं दशगुणं मानवः पक्ष उच्यते। पक्षाद्दशगुणो मासो मासा द्वादशभिर्गुणैः॥

ahorātraṁ daśaguṇaṁ mānavaḥ pakṣa ucyate| pakṣāddaśaguṇo māso māsā dvādaśabhirguṇaiḥ||

उस अहोरात्र का दस गुना मानव पक्ष कहा जाता है; पक्ष से दस गुना मास होता है, और मास को बारह से गुणा करने पर,

श्लोक 18 (skanda.5.48.18)

ऋतुर्मनूनां संप्रोक्तः प्राज्ञैस्तत्त्वार्थदर्शिभिः। षड्भिस्तैर्वर्षं संप्रोक्तं तेन संख्या निबध्यते॥

ṛturmanūnāṁ saṁproktaḥ prājñaistattvārthadarśibhiḥ| ṣaḍbhistairvarṣaṁ saṁproktaṁ tena saṁkhyā nibadhyate||

—तत्त्वदर्शी विद्वानों द्वारा मनुओं की ऋतु कही गई है; ऐसी छह ऋतुओं से वर्ष कहा गया है, और इसी से संख्या बँधी है।

श्लोक 19 (skanda.5.48.19)

चत्वार्येव सहस्राणि वर्षाणां तु कृतं युगम्। तावती तु भवेत्संध्या संध्यांशश्च तथाविधः॥

catvāryeva sahasrāṇi varṣāṇāṁ tu kṛtaṁ yugam| tāvatī tu bhavetsaṁdhyā saṁdhyāṁśaśca tathāvidhaḥ||

चार हजार वर्षों का ही कृतयुग होता है; उतनी ही उसकी संध्या होती है, और संध्यांश भी उसी प्रकार का होता है।

श्लोक 20 (skanda.5.48.20)

त्रीणि वर्षसहस्राणि त्रेता तत्परिमाणतः। तस्याश्च त्रिशती संध्या संध्यांशश्च तथा परः॥

trīṇi varṣasahasrāṇi tretā tatparimāṇataḥ| tasyāśca triśatī saṁdhyā saṁdhyāṁśaśca tathā paraḥ||

उसी परिमाण से तीन हजार वर्षों का त्रेतायुग होता है; उसकी संध्या तीन सौ की तथा संध्यांश भी वैसा ही होता है।

श्लोक 21 (skanda.5.48.21)

तथा वर्षसहस्रे द्वे द्वापरं परिकीर्तितम्। तस्य च द्विशती संध्या संध्यांशश्च तथा परः॥

tathā varṣasahasre dve dvāparaṁ parikīrtitam| tasya ca dviśatī saṁdhyā saṁdhyāṁśaśca tathā paraḥ||

वैसे ही दो हजार वर्षों का द्वापरयुग कहा गया है; उसकी संध्या दो सौ की तथा संध्यांश भी वैसा ही है।

श्लोक 22 (skanda.5.48.22)

कलिर्वर्षसहस्रं तु संख्या चोक्ता मनीषिभिः। तस्य चैकशती संध्या संध्यांशश्च तथाविधः॥

kalirvarṣasahasraṁ tu saṁkhyā coktā manīṣibhiḥ| tasya caikaśatī saṁdhyā saṁdhyāṁśaśca tathāvidhaḥ||

कलियुग एक हजार वर्षों का है, ऐसी संख्या मनीषियों ने कही है; उसकी संध्या एक सौ की तथा संध्यांश भी उसी प्रकार का है।

श्लोक 23 (skanda.5.48.23)

एषा द्वादशसाहस्री युगसंख्या प्रकीर्तिता। दिव्येनानेन मानेन युगसंख्यां निबोध मे॥

eṣā dvādaśasāhasrī yugasaṁkhyā prakīrtitā| divyenānena mānena yugasaṁkhyāṁ nibodha me||

यह बारह हजार वर्षों की युग-संख्या कही गई है; इसी दिव्य माप से मुझसे युग-संख्या को समझो।

श्लोक 24 (skanda.5.48.24)

ससर्ज स पुनस्तात जगत्सर्वमिदं ततः। कृतं त्रेता द्वापरं च कलिश्चैव चतुर्युगम्॥

sasarja sa punastāta jagatsarvamidaṁ tataḥ| kṛtaṁ tretā dvāparaṁ ca kaliścaiva caturyugam||

हे तात, उसके पश्चात् उन्होंने पुनः यह सारा जगत् रचा; कृत, त्रेता, द्वापर तथा कलि—ये चार युग कहलाते हैं।

श्लोक 25 (skanda.5.48.25)

युगं तदेकसप्तत्या गुणितं द्विजसत्तम। मन्वंतरमिति प्रोक्तं संख्यानार्थविशारदैः॥

yugaṁ tadekasaptatyā guṇitaṁ dvijasattama| manvaṁtaramiti proktaṁ saṁkhyānārthaviśāradaiḥ||

हे द्विजसत्तम, उस युग को इकहत्तर से गुणा करने पर, गणना-शास्त्र में निपुण विद्वानों ने उसे मन्वंतर कहा है।

श्लोक 26 (skanda.5.48.26)

अयनं चापि तत्प्रोक्तं द्वेऽयने दक्षिणोत्तरे। मनुः प्रलीयते ह्यत्र संप्राप्ते जगतः प्रभौ॥

ayanaṁ cāpi tatproktaṁ dve'yane dakṣiṇottare| manuḥ pralīyate hyatra saṁprāpte jagataḥ prabhau||

वह भी अयन के रूप में—दक्षिण और उत्तर, दोनों अयनों में—कहा गया है। जब जगत् के स्वामी का काल पूर्ण हो जाता है, तब मनु का लय हो जाता है।

श्लोक 27 (skanda.5.48.27)

ततोऽपरो मनुः कालमेतावन्तं भवेत्पुनः। समतीते तु राजेंद्र प्रोक्तः संवत्सरस्य वै॥

tato'paro manuḥ kālametāvantaṁ bhavetpunaḥ| samatīte tu rājeṁdra proktaḥ saṁvatsarasya vai||

तब उतने ही काल तक फिर एक अन्य मनु होते हैं। हे राजेन्द्र, वह काल पूर्ण हो जाने पर संवत्सर का जो प्रमाण कहा गया है,

श्लोक 28 (skanda.5.48.28)

तदैव चायनं प्रोक्तं मुनिना तत्त्वदर्शिना। ब्रह्मणस्तदहः प्रोक्तं कल्पश्चेति स उच्यते॥

tadaiva cāyanaṁ proktaṁ muninā tattvadarśinā| brahmaṇastadahaḥ proktaṁ kalpaśceti sa ucyate||

—वही तत्त्वदर्शी मुनि द्वारा अयन के रूप में भी कहा गया है। ब्रह्मा का वह दिन कहा गया है, और वही कल्प कहलाता है।

श्लोक 29 (skanda.5.48.29)

सहस्रयुगपर्यंतं सा निशा प्रोच्यते बुधैः। निमज्जत्यत्र चोर्वी सा सशैलवनकानना॥

sahasrayugaparyaṁtaṁ sā niśā procyate budhaiḥ| nimajjatyatra corvī sā saśailavanakānanā||

सहस्र युगों तक चलने वाली उस अवधि को विद्वानों ने रात्रि कहा है; इसमें पर्वतों, वनों और कानन सहित यह पृथ्वी डूब जाती है।

श्लोक 30 (skanda.5.48.30)

तस्मिन्युगसहस्रे तु पूर्णे वै द्विजसत्तम। ब्राह्मे दिवसपर्यंते कल्पो निःशेष उच्यते॥

tasminyugasahasre tu pūrṇe vai dvijasattama| brāhme divasaparyaṁte kalpo niḥśeṣa ucyate||

हे द्विजसत्तम, उस सहस्र-युग के पूर्ण होने पर, ब्रह्मा के दिन के अंत में, कल्प का पूर्ण समापन कहलाता है।

श्लोक 31 (skanda.5.48.31)

युगानि सप्ततिं तानि साग्राणि कथितानि ते। कृतत्रेतादियुक्तानि मनोरंतर मुच्यते॥

yugāni saptatiṁ tāni sāgrāṇi kathitāni te| kṛtatretādiyuktāni manoraṁtara mucyate||

इकहत्तर युग, कृत-त्रेता आदि से युक्त कुछ अधिक संख्या में, तुम्हें बताए गए हैं; इसे ही एक मनु का अंतर (मन्वंतर) कहा जाता है।

श्लोक 32 (skanda.5.48.32)

चतुर्दशैते मनवः कथिताः कीर्तिवर्धनाः। वेदेषु सपुराणेषु सर्वेषु प्रभविष्णवः॥

caturdaśaite manavaḥ kathitāḥ kīrtivardhanāḥ| vedeṣu sapurāṇeṣu sarveṣu prabhaviṣṇavaḥ||

ये चौदह मनु, कीर्ति बढ़ाने वाले, वेदों तथा पुराणों में सर्वत्र समर्थ बताए गए हैं।

श्लोक 33 (skanda.5.48.33)

प्रजानां पतयो व्यास धन्यमेषां प्रकीर्तनम्॥

prajānāṁ patayo vyāsa dhanyameṣāṁ prakīrtanam||

हे व्यास, वे प्रजा के स्वामी हैं; उनका कीर्तन ही धन्य है।

श्लोक 34 (skanda.5.48.34)

मन्वंतरेषु संहाराः संहारांतेषु संभवाः। न शक्यमंतस्तेषां वै वक्तुं वर्षशतैरपि॥

manvaṁtareṣu saṁhārāḥ saṁhārāṁteṣu saṁbhavāḥ| na śakyamaṁtasteṣāṁ vai vaktuṁ varṣaśatairapi||

मन्वंतरों में संहार होते हैं, और संहारों के अंत में सृष्टियाँ होती हैं; उनका अंत सैकड़ों वर्षों में भी कहा जाना संभव नहीं है।

श्लोक 35 (skanda.5.48.35)

विसर्गश्च प्रजानां वै संहारस्य च भारत। मन्वंतरेषु संहारः श्रूयते भरतर्षभ॥

visargaśca prajānāṁ vai saṁhārasya ca bhārata| manvaṁtareṣu saṁhāraḥ śrūyate bharatarṣabha||

हे भारत, प्रजाओं की उत्पत्ति और संहार की बात, तथा मन्वंतरों के भीतर होने वाला संहार भी, हे भरतश्रेष्ठ, सुना जाता है।

श्लोक 36 (skanda.5.48.36)

यत्र तिष्ठंति वै देवाः सर्वे सप्तर्षिभिः सह। तपसा ब्रह्मचर्येण श्रुतेन च समन्विताः॥

yatra tiṣṭhaṁti vai devāḥ sarve saptarṣibhiḥ saha| tapasā brahmacaryeṇa śrutena ca samanvitāḥ||

जहाँ समस्त देवगण सप्तर्षियों सहित, तप, ब्रह्मचर्य तथा शास्त्रज्ञान से युक्त होकर निवास करते हैं,

श्लोक 37 (skanda.5.48.37)

पूर्णे युगसहस्रे तु कल्पो निःशेष उच्यते। तत्र सर्वाणि भूतानि दग्धान्यादित्यरश्मिभिः॥

pūrṇe yugasahasre tu kalpo niḥśeṣa ucyate| tatra sarvāṇi bhūtāni dagdhānyādityaraśmibhiḥ||

—सहस्र युगों के पूर्ण होने पर कल्प का समापन कहलाता है; तब समस्त प्राणी सूर्य की किरणों से दग्ध हो जाते हैं,

श्लोक 38 (skanda.5.48.38)

ब्रह्माणमग्रतः कृत्वा सहादित्यैर्गणैर्द्विज। प्रविशंति सुरश्रेष्ठं हरिं नारायणं प्रभुम्॥

brahmāṇamagrataḥ kṛtvā sahādityairgaṇairdvija| praviśaṁti suraśreṣṭhaṁ hariṁ nārāyaṇaṁ prabhum||

हे द्विज, ब्रह्मा को आगे करके, आदित्य-गणों सहित सब देवश्रेष्ठ प्रभु हरि नारायण में प्रवेश करते हैं।

श्लोक 39 (skanda.5.48.39)

स स्रष्टा सर्वभूतानां कल्पांते तु पुनःपुनः। अव्यक्तः शाश्वतो देवस्तस्य सर्वमिदं जगत्॥

sa sraṣṭā sarvabhūtānāṁ kalpāṁte tu punaḥpunaḥ| avyaktaḥ śāśvato devastasya sarvamidaṁ jagat||

वे ही प्रत्येक कल्प के अंत में बार-बार समस्त प्राणियों के स्रष्टा हैं; वे अव्यक्त, शाश्वत देव हैं, और यह सारा जगत् उन्हीं का है।

श्लोक 40 (skanda.5.48.40)

स एव विद्यते व्यास महेशा सह संयुतः। महाकालवने वासं चकार जगदीश्वरः॥

sa eva vidyate vyāsa maheśā saha saṁyutaḥ| mahākālavane vāsaṁ cakāra jagadīśvaraḥ||

हे व्यास, वे ही महेश के साथ संयुक्त होकर विद्यमान हैं; उन जगदीश्वर ने महाकालवन में निवास किया।

श्लोक 41 (skanda.5.48.41)

प्रलयो न बाधते व्यास महाकालवनोत्तमे। कल्पे कल्पे च वै रम्या पुरी ह्येषा कुशस्थली॥

pralayo na bādhate vyāsa mahākālavanottame| kalpe kalpe ca vai ramyā purī hyeṣā kuśasthalī||

हे व्यास, प्रलय भी उस उत्तम महाकालवन को बाधित नहीं करता; प्रत्येक कल्प में यह रमणीय कुशस्थली नगरी बनी रहती है।

श्लोक 42 (skanda.5.48.42)

निरामया निरातंका निर्विकारा युगेयुगे। मार्कण्डेयोपदिष्टानि कल्पानि संभवंति च॥

nirāmayā nirātaṁkā nirvikārā yugeyuge| mārkaṇḍeyopadiṣṭāni kalpāni saṁbhavaṁti ca||

युग-युग में रोगरहित, भयरहित तथा अविकारी बनी रहती है; मार्कण्डेय द्वारा उपदिष्ट कल्प भी वहीं उत्पन्न होते हैं।

श्लोक 43 (skanda.5.48.43)

अत्रैव च वने रम्ये ब्रह्मा लोकपितामहः। प्रजानां पतयो ये ते दक्षः प्राचेतसस्तथा॥

atraiva ca vane ramye brahmā lokapitāmahaḥ| prajānāṁ patayo ye te dakṣaḥ prācetasastathā||

इसी रमणीय वन में लोकपितामह ब्रह्मा, तथा प्रजा के स्वामी प्राचेतस दक्ष आदि भी विराजते हैं,

श्लोक 44 (skanda.5.48.44)

मरीचिः कश्यपो रुद्रो येऽन्ये भृग्वादयस्तथा। कल्पादौ ससृजे लोकांश्चराचरान्यथा तथा॥

marīciḥ kaśyapo rudro ye'nye bhṛgvādayastathā| kalpādau sasṛje lokāṁścarācarānyathā tathā||

मरीचि, कश्यप, रुद्र तथा भृगु आदि अन्य ऋषियों ने भी कल्प के आरम्भ में पूर्ववत् चराचर लोकों की रचना की।

श्लोक 45 (skanda.5.48.45)

एवमादौ पुरा व्यास कल्पं कल्पायते तदा। वाराहवामनविष्णुपितॄणां वै तथैव च॥

evamādau purā vyāsa kalpaṁ kalpāyate tadā| vārāhavāmanaviṣṇupitṝṇāṁ vai tathaiva ca||

हे व्यास, इस प्रकार पूर्वकाल से ही कल्प की रचना होती रही है; वाराह, वामन, विष्णु तथा पितृ-कल्पों की भी वैसे ही रचना होती है।

श्लोक 46 (skanda.5.48.46)

कल्पभेदाः समाख्याता महाकालवने शुभे। चतुराशीतिकल्पानि संजातानि द्विजोत्तम॥

kalpabhedāḥ samākhyātā mahākālavane śubhe| caturāśītikalpāni saṁjātāni dvijottama||

मंगलमय महाकालवन में विभिन्न कल्पों का यह वर्णन किया गया है; हे द्विजोत्तम, वहाँ चौरासी कल्प उत्पन्न हुए हैं।

श्लोक 47 (skanda.5.48.47)

तावंति योगलिंगानि वने तिष्ठन्ति सत्तम। पुनर्जाता पुनर्नष्टा महीसागरपर्वताः॥

tāvaṁti yogaliṁgāni vane tiṣṭhanti sattama| punarjātā punarnaṣṭā mahīsāgaraparvatāḥ||

हे सत्तम, उतने ही योग-लिंग उस वन में स्थित हैं; पृथ्वी, समुद्र और पर्वत बार-बार उत्पन्न होकर बार-बार नष्ट होते हैं,

श्लोक 48 (skanda.5.48.48)

पुनःपुनर्भविष्यंति पुरी ह्येषाऽचला स्मृता। तस्मात्सर्वेषु कालेषु सर्वलोकेषु गीयते॥

punaḥpunarbhaviṣyaṁti purī hyeṣā'calā smṛtā| tasmātsarveṣu kāleṣu sarvalokeṣu gīyate||

और बार-बार होते रहेंगे; किन्तु यह नगरी अचल स्मरण की गई है। इसीलिए यह सभी कालों में समस्त लोकों में गाई जाती है।

श्लोक 49 (skanda.5.48.49)

प्रतिकल्पेति विख्याता भुवि व्यास भविष्यति। येऽस्यां वै मानवा दांताः स्नानदानादिकं तथा॥

pratikalpeti vikhyātā bhuvi vyāsa bhaviṣyati| ye'syāṁ vai mānavā dāṁtāḥ snānadānādikaṁ tathā||

हे व्यास, यह पृथ्वी पर 'प्रतिकल्पा' नाम से विख्यात होगी। यहाँ जो संयमी मनुष्य स्नान, दान आदि,

श्लोक 50 (skanda.5.48.50)

जपं होमं तथा श्राद्धं पितॄनुद्दिश्य देवताः। न तेषां पुनरावृत्तिः कोटिकल्पशतैरपि॥

japaṁ homaṁ tathā śrāddhaṁ pitṝnuddiśya devatāḥ| na teṣāṁ punarāvṛttiḥ koṭikalpaśatairapi||

जप, हवन तथा देवताओं एवं पितरों को उद्दिष्ट श्राद्ध करते हैं, उनके लिए सैकड़ों करोड़ कल्पों में भी पुनर्जन्म नहीं होता।

श्लोक 51 (skanda.5.48.51)

प्रतिकल्पामनुप्राप्य दृष्ट्वा देवं महेश्वरम्। वैशाखे पौर्णमास्यां वै स्नापयंत्येकवासरम्॥

pratikalpāmanuprāpya dṛṣṭvā devaṁ maheśvaram| vaiśākhe paurṇamāsyāṁ vai snāpayaṁtyekavāsaram||

प्रतिकल्पा को प्राप्त कर तथा देव महेश्वर का दर्शन कर, जो वैशाख की पूर्णिमा को एक दिन उनका स्नान कराते हैं,

श्लोक 52 (skanda.5.48.52)

प्रसंगतो रजः क्लांतः शिप्रांभसि च मानवाः। न तेषां दुष्कृतं किंचिद्विष्णुलोके वसंति ते॥

prasaṁgato rajaḥ klāṁtaḥ śiprāṁbhasi ca mānavāḥ| na teṣāṁ duṣkṛtaṁ kiṁcidviṣṇuloke vasaṁti te||

अथवा जो मनुष्य सांसारिक धूल से थककर किसी प्रसंगवश शिप्रा के जल में स्नान करते हैं, उन्हें कोई दुष्कृत्य नहीं लगता; वे विष्णुलोक में निवास करते हैं।

श्लोक 53 (skanda.5.48.53)

मन्वंतरसहस्रेषु काशिवासेषु यत्फलम्। तत्फलं प्राप्नुयाज्जंतुः प्रतिकल्पं क्षणादपि॥

manvaṁtarasahasreṣu kāśivāseṣu yatphalam| tatphalaṁ prāpnuyājjaṁtuḥ pratikalpaṁ kṣaṇādapi||

सहस्र मन्वंतरों तक काशी में निवास करने से जो फल मिलता है, वही फल प्राणी को प्रतिकल्पा में एक क्षण मात्र से प्राप्त हो जाता है।

श्लोक 54 (skanda.5.48.54)

प्रतिकल्पे च कल्पांते सैवासीच्च पुरी शुभा। तस्मात्सर्वजनैः ख्याता प्रतिकल्पा द्विजोत्तम॥

pratikalpe ca kalpāṁte saivāsīcca purī śubhā| tasmātsarvajanaiḥ khyātā pratikalpā dvijottama||

हे द्विजोत्तम, प्रतिकल्पा में और प्रत्येक कल्प के अंत में वही मंगलमयी नगरी बनी रहती है; इसीलिए यह समस्त जनों द्वारा प्रतिकल्पा के नाम से प्रसिद्ध है।

श्लोक 55 (skanda.5.48.55)

ये चैतस्य महाभागाः प्रीतिं कुर्वंति मानवाः। न तेषां कल्पभेदोऽयं स्वप्नवज्जायते क्षणात्॥

ye caitasya mahābhāgāḥ prītiṁ kurvaṁti mānavāḥ| na teṣāṁ kalpabhedo'yaṁ svapnavajjāyate kṣaṇāt||

हे महाभागो, जो मनुष्य इससे प्रेम करते हैं, उनके लिए यह कल्प-भेद क्षण भर में स्वप्न के समान हो जाता है।

श्लोक 56 (skanda.5.48.56)

यः शृणोति कथां पुण्यां प्रतिकल्पोद्भवां शुभाम्। श्रावयेद्वा प्रयत्नेन ब्रह्महत्यां व्यपोहति॥

yaḥ śṛṇoti kathāṁ puṇyāṁ pratikalpodbhavāṁ śubhām| śrāvayedvā prayatnena brahmahatyāṁ vyapohati||

जो इस पुण्यमयी, मंगलमयी प्रतिकल्पा की उत्पत्ति-कथा को सुनता है, अथवा प्रयत्नपूर्वक दूसरों को सुनाता है, वह ब्रह्महत्या के पाप को भी दूर कर देता है।