शिप्रा माहात्म्य

श्लोक 1 (skanda.5.50.1)

सनत्कुमार उवाच। पापनाशिनी विख्याता यथा शिप्रा पयस्विनी। तथाहं संप्रवक्ष्यामि समासेन परंतप॥

sanatkumāra uvāca| pāpanāśinī vikhyātā yathā śiprā payasvinī| tathāhaṁ saṁpravakṣyāmi samāsena paraṁtapa||

सनत्कुमार ने कहा—हे परंतप, अब मैं संक्षेप में बताता हूँ कि दूधों से भरी शिप्रा किस प्रकार पापनाशिनी के रूप में विख्यात हुई।

श्लोक 2 (skanda.5.50.2)

पुरा कृतयुगे व्यास दमनोनाम वै नृपः। कीकटेषु समाख्यातो राजा परमकोपनः॥

purā kṛtayuge vyāsa damanonāma vai nṛpaḥ| kīkaṭeṣu samākhyāto rājā paramakopanaḥ||

हे व्यास, पूर्वकाल में कृतयुग में कीकट देश में दमन नामक एक अत्यंत क्रोधी राजा प्रसिद्ध था।

श्लोक 3 (skanda.5.50.3)

उत्पथी सर्वधर्माणां गोब्राह्मणविनिंदकः। सुरापी हेमहारी मत्सरी गुरुतल्पगः॥

utpathī sarvadharmāṇāṁ gobrāhmaṇaviniṁdakaḥ| surāpī hemahārī matsarī gurutalpagaḥ||

जो समस्त धर्मों से विमुख था, गौ-ब्राह्मणों की निंदा करने वाला, मद्यपायी, स्वर्ण-चोर, ईर्ष्यालु और गुरु-पत्नीगामी था।

श्लोक 4 (skanda.5.50.4)

प्रजासर्वस्वहर्ता च परदाराभिमर्शकः। धूर्तको धूर्तंसंगी च पिशुनस्तस्कराकृतिः॥

prajāsarvasvahartā ca paradārābhimarśakaḥ| dhūrtako dhūrtaṁsaṁgī ca piśunastaskarākṛtiḥ||

प्रजा का सर्वस्व हरने वाला, पराई स्त्रियों का स्पर्श करने वाला, धूर्त, धूर्तों का साथी, चुगलखोर तथा चोर के समान आकृति वाला था।

श्लोक 5 (skanda.5.50.5)

गोग्रहः पुरभेदी च बंदी बंदिजनप्रियः। कुत्सितः कोपपूर्णश्च वेदशास्त्रविवर्जितः॥

gograhaḥ purabhedī ca baṁdī baṁdijanapriyaḥ| kutsitaḥ kopapūrṇaśca vedaśāstravivarjitaḥ||

गौओं को हरने वाला, नगरों को भंग करने वाला, बंदीगृह बनाने में लीन तथा बंदी बनाने में प्रिय, निंदनीय, क्रोध से भरा और वेद-शास्त्र से रहित था।

श्लोक 6 (skanda.5.50.6)

साधुसंगपरित्यागी दुष्टो दुष्टजनप्रियः। कुलांगनापरित्यागी पण्यस्त्रीवृषलीपतिः॥

sādhusaṁgaparityāgī duṣṭo duṣṭajanapriyaḥ| kulāṁganāparityāgī paṇyastrīvṛṣalīpatiḥ||

साधुओं की संगति त्यागने वाला, दुष्ट, दुष्टजनों का प्रिय, कुलांगनाओं का त्याग करने वाला, वेश्याओं और नीच स्त्रियों का पति था।

श्लोक 7 (skanda.5.50.7)

धर्मनिंदाकरो नित्यमधर्मे रमते मतिः। न हूयंते न पूज्यंते न श्रूयंते कथा बुधैः॥

dharmaniṁdākaro nityamadharme ramate matiḥ| na hūyaṁte na pūjyaṁte na śrūyaṁte kathā budhaiḥ||

वह सदा धर्म की निंदा करने वाला, अधर्म में रमण करने वाली बुद्धि वाला था; उसके राज्य में न हवन होता था, न पूजा, और न ही विद्वानों द्वारा कथाएँ सुनी जाती थीं।

श्लोक 8 (skanda.5.50.8)

वेदा यज्ञाश्च देवानां मूर्तिः पद्भ्यां च ताड्यते। एवं दुष्टतरो राजा न भूतो न भविष्यति॥

vedā yajñāśca devānāṁ mūrtiḥ padbhyāṁ ca tāḍyate| evaṁ duṣṭataro rājā na bhūto na bhaviṣyati||

वेद और यज्ञ लुप्त हो गए थे, तथा देवताओं की मूर्तियाँ पैरों से ठुकराई जाती थीं; ऐसा दुष्ट राजा न कभी हुआ है, न कभी होगा।

श्लोक 9 (skanda.5.50.9)

स एकदा वने घोरे मृगयावनगोचरः। इतस्ततो भ्रममाणो व्याधैः परिवृतः खलः॥

sa ekadā vane ghore mṛgayāvanagocaraḥ| itastato bhramamāṇo vyādhaiḥ parivṛtaḥ khalaḥ||

वह एक बार भयंकर वन में शिकार खेलते हुए, यहाँ-वहाँ भटकते, व्याधों से घिरा हुआ,

श्लोक 10 (skanda.5.50.10)

न लब्ध्वा खेटकं किंचित्क्षुधार्तस्तृषितः खलः। एकाकी विगतोऽसंगो महाकालवनांतिके॥

na labdhvā kheṭakaṁ kiṁcitkṣudhārtastṛṣitaḥ khalaḥ| ekākī vigato'saṁgo mahākālavanāṁtike||

कोई भी शिकार न पाकर, भूख और प्यास से पीड़ित वह दुष्ट, अकेला, साथीहीन होकर महाकालवन के समीप पहुँच गया।

श्लोक 11 (skanda.5.50.11)

रात्रिः समागता तत्र घोरा घोरनिषेविता। वृक्षमूलमुपावृत्य शयनार्थी क्षुधार्दितः॥

rātriḥ samāgatā tatra ghorā ghoraniṣevitā| vṛkṣamūlamupāvṛtya śayanārthī kṣudhārditaḥ||

वहाँ भयंकर प्राणियों से सेवित घोर रात्रि आ गई; भूख से पीड़ित होकर वह सोने के लिए एक वृक्ष के तने का सहारा लेकर बैठ गया।

श्लोक 12 (skanda.5.50.12)

तत्राश्वं विटपे बद्ध्वा स्वयमेव न्यषीदत। तदैव काले वृक्षाद्वै सर्पः पपात मस्तके॥

tatrāśvaṁ viṭape baddhvā svayameva nyaṣīdata| tadaiva kāle vṛkṣādvai sarpaḥ papāta mastake||

वहाँ अपने घोड़े को एक शाखा से बाँधकर वह स्वयं बैठ गया। उसी समय वृक्ष से एक सर्प उसके सिर पर गिर पड़ा।

श्लोक 13 (skanda.5.50.13)

किमिदं कुत आश्चर्यं कृत्वा हस्तेन वारितः। तेन वारयिता राजा दष्टोंऽगुष्ठे तदाऽहिना॥

kimidaṁ kuta āścaryaṁ kṛtvā hastena vāritaḥ| tena vārayitā rājā daṣṭoṁ'guṣṭhe tadā'hinā||

'यह क्या है, यह कैसा आश्चर्य है'—यह कहते हुए उसने हाथ से उसे हटाया, किन्तु ऐसा करते हुए उस सर्प ने राजा के अंगूठे को डस लिया।

श्लोक 14 (skanda.5.50.14)

दष्टमात्रे च नृपतिर्व्यथितः क्षितिमागतः। कियत्काले व्यथाविष्टो मुमोह क्षीणमंगलः॥

daṣṭamātre ca nṛpatirvyathitaḥ kṣitimāgataḥ| kiyatkāle vyathāviṣṭo mumoha kṣīṇamaṁgalaḥ||

डसते ही राजा पीड़ा से भूमि पर गिर पड़ा; कुछ समय तक पीड़ा से व्याकुल रहकर, सौभाग्य क्षीण होने से वह मूर्च्छित हो गया।

श्लोक 15 (skanda.5.50.15)

एतत्क्षणात्प्रेतभूतो घोरे नरकसंचये। यमदूतैस्ताड्यमानो विविधास्त्रैः स्वकर्मजैः॥

etatkṣaṇātpretabhūto ghore narakasaṁcaye| yamadūtaistāḍyamāno vividhāstraiḥ svakarmajaiḥ||

उसी क्षण वह प्रेत बनकर घोर नरकों के समूह में जा पड़ा, जहाँ यमदूत उसे उसके अपने कर्मों से उत्पन्न विविध अस्त्रों से पीटने लगे।

श्लोक 16 (skanda.5.50.16)

हर्षिताश्च गणाः सर्वे यमराजस्य किंकराः। बद्ध्वा पाशैश्च तं निन्युः पापिष्ठं यममंदिरे॥

harṣitāśca gaṇāḥ sarve yamarājasya kiṁkarāḥ| baddhvā pāśaiśca taṁ ninyuḥ pāpiṣṭhaṁ yamamaṁdire||

यमराज के समस्त सेवक-गण हर्षित हुए; उस अत्यंत पापी को पाशों से बाँधकर वे यम के भवन को ले गए।

श्लोक 17 (skanda.5.50.17)

एतस्मिन्नंतरे व्यास क्रव्यादैः खादितं शवम्। किंचिच्छेषतरं प्रातर्वायसेनाभिलक्षितम्॥

etasminnaṁtare vyāsa kravyādaiḥ khāditaṁ śavam| kiṁciccheṣataraṁ prātarvāyasenābhilakṣitam||

इसी बीच, हे व्यास, मांसाहारी प्राणियों द्वारा खाया गया वह शव, जो कुछ थोड़ा शेष रह गया था, प्रातःकाल एक कौए द्वारा देखा गया।

श्लोक 18 (skanda.5.50.18)

तत्र गत्वानयन्मांसं तुंडेन वियदुद्गतः। ततोऽन्यैर्वायसैर्भग्नो भ्राम्यमाण इतस्ततः॥

tatra gatvānayanmāṁsaṁ tuṁḍena viyadudgataḥ| tato'nyairvāyasairbhagno bhrāmyamāṇa itastataḥ||

वहाँ जाकर मांस को अपनी चोंच में लेकर वह कौआ आकाश में उड़ गया; फिर अन्य कौओं द्वारा खदेड़े जाने पर वह इधर-उधर भटकने लगा।

श्लोक 19 (skanda.5.50.19)

तत्राटतो हि यत्रास्ते दिव्या शिप्रा पयस्विनी। किंचित्कर्मविपाकेन वायसास्यगतं पलम्॥

tatrāṭato hi yatrāste divyā śiprā payasvinī| kiṁcitkarmavipākena vāyasāsyagataṁ palam||

भटकते हुए वह वहाँ जा पहुँचा जहाँ दिव्य, दूधों से भरी शिप्रा बहती थी; किसी कर्म के परिपाक से कौए के मुख में स्थित वह मांस-खंड,

श्लोक 20 (skanda.5.50.20)

पतितं वै जले तस्याः शिप्रायास्तस्य कायजम्। तेन पुण्यप्रभावेन शिवोऽजायत तत्क्षणात्॥

patitaṁ vai jale tasyāḥ śiprāyāstasya kāyajam| tena puṇyaprabhāvena śivo'jāyata tatkṣaṇāt||

—राजा के शरीर से उत्पन्न वह मांस—शिप्रा के जल में गिर पड़ा। उस पुण्य के प्रभाव से उसी क्षण शिव प्रकट हुए,

श्लोक 21 (skanda.5.50.21)

त्रिनेत्रोथ जटाजृटी व्याघ्रांबरपरीवृतः। शूलहस्तो वृषारूढो भालचंद्रो ह्युमापतिः॥

trinetrotha jaṭājṛṭī vyāghrāṁbaraparīvṛtaḥ| śūlahasto vṛṣārūḍho bhālacaṁdro hyumāpatiḥ||

त्रिनेत्र, जटाधारी, व्याघ्रचर्म धारण किए, हाथ में त्रिशूल लिए, वृषभ पर आरूढ़, ललाट पर चंद्रमा धारण करने वाले उमापति के रूप में।

श्लोक 22 (skanda.5.50.22)

इत्याश्चर्यमयं रूपं दृष्ट्वा दूताश्च धर्षिताः। तद्गणैस्ताडिता भग्ना धर्मराज्ञे शशंसिरे॥

ityāścaryamayaṁ rūpaṁ dṛṣṭvā dūtāśca dharṣitāḥ| tadgaṇaistāḍitā bhagnā dharmarājñe śaśaṁsire||

इस आश्चर्यमय रूप को देखकर दूत भयभीत हो गए; उनके गणों द्वारा मारे जाकर, पराजित होकर वे धर्मराज के पास गए और यह वृत्तांत सुनाया।

श्लोक 23 (skanda.5.50.23)

श्रूयतां भो महाराज धर्मराज नमोस्तु ते। दूतानां यद्वचो रम्यं बह्वाश्चर्यमयं परम्॥

śrūyatāṁ bho mahārāja dharmarāja namostu te| dūtānāṁ yadvaco ramyaṁ bahvāścaryamayaṁ param||

'हे महाराज धर्मराज, सुनिए, आपको नमस्कार है'—इस प्रकार दूतों का यह अत्यंत विचित्र, आश्चर्यमय वचन था।

श्लोक 24 (skanda.5.50.24)

कीकटाधिमतिर्मंदः पापिष्ठो वृषलीपतिः। दमनो नाम राजाभूत्समस्ते क्षितिमंडले॥

kīkaṭādhimatirmaṁdaḥ pāpiṣṭho vṛṣalīpatiḥ| damano nāma rājābhūtsamaste kṣitimaṁḍale||

'कीकट देश का स्वामी, मूर्ख, अत्यंत पापी, नीच स्त्रियों का पति, दमन नामक राजा सम्पूर्ण पृथ्वी पर विख्यात था।'

श्लोक 25 (skanda.5.50.25)

यानि कानि च पापानि ब्रह्महत्यासमानि च। तानि सर्वाणि तेनापि कृतानि भुवि सत्तम॥

yāni kāni ca pāpāni brahmahatyāsamāni ca| tāni sarvāṇi tenāpi kṛtāni bhuvi sattama||

'हे सत्तम, ब्रह्महत्या के समान जितने भी पाप हो सकते हैं, वे सभी उसके द्वारा पृथ्वी पर किए गए थे।'

श्लोक 26 (skanda.5.50.26)

मर्यादाभेदको मूढो वर्णाश्रमसुधर्मिणाम्। कुसंगी द्यूतकोन्मादी बहुव्यंगभरः खलः॥

maryādābhedako mūḍho varṇāśramasudharmiṇām| kusaṁgī dyūtakonmādī bahuvyaṁgabharaḥ khalaḥ||

'वह वर्णाश्रम-धर्मियों की मर्यादा तोड़ने वाला मूर्ख, कुसंगी, जुए का उन्मादी, अनेक दोषों से भरा दुष्ट था।'

श्लोक 27 (skanda.5.50.27)

यमदंडपरः पापी अस्माकं हर्षवर्धनः। स कथं शिवरूपी स्यात्किमाश्चर्यमतः परम्॥

yamadaṁḍaparaḥ pāpī asmākaṁ harṣavardhanaḥ| sa kathaṁ śivarūpī syātkimāścaryamataḥ param||

'—यमदंड के योग्य वह पापी हमारे हर्ष को बढ़ाने वाला था; वह शिव-रूप कैसे हो सकता है? इससे बड़ा आश्चर्य और क्या होगा?'

श्लोक 28 (skanda.5.50.28)

यावंतः पतिताः पूर्वे पापिनः सर्व एव हि। कृष्णेन तारिताः सर्वे ब्रह्मपुत्रार्थिना तदा॥

yāvaṁtaḥ patitāḥ pūrve pāpinaḥ sarva eva hi| kṛṣṇena tāritāḥ sarve brahmaputrārthinā tadā||

'पहले जितने भी पापी पतित हुए थे, वे सभी उस समय ब्राह्मण-पुत्र की खोज करते हुए कृष्ण द्वारा तार दिए गए थे।'

श्लोक 29 (skanda.5.50.29)

तदाप्रभृति सर्वाणि कुंडानि नरकस्य वै। शुष्काणि चैव दृश्यंते ग्रीष्मांते वै ह्रदा यथा॥

tadāprabhṛti sarvāṇi kuṁḍāni narakasya vai| śuṣkāṇi caiva dṛśyaṁte grīṣmāṁte vai hradā yathā||

'तभी से नरक के समस्त कुंड ग्रीष्म ऋतु के अंत के सरोवरों के समान सूखे दिखाई देने लगे हैं।'

श्लोक 30 (skanda.5.50.30)

न चैवार्तरवं किंचिच्छ्रूयते तव मंदिरे। अस्माकं जीवनं नास्ति किमुपायं वदस्व नः॥

na caivārtaravaṁ kiṁcicchrūyate tava maṁdire| asmākaṁ jīvanaṁ nāsti kimupāyaṁ vadasva naḥ||

'अब आपके भवन में पीड़ा की कोई पुकार सुनाई नहीं देती; हमारी जीविका नहीं रही, हमें बताइए कि हमारे लिए क्या उपाय है?'

श्लोक 31 (skanda.5.50.31)

एक एवागतो लोके वृत्तिदो नो यमाधिप। सोऽपि शिवत्वमापन्नः कस्मान्नो जीव्यते कथम्॥

eka evāgato loke vṛttido no yamādhipa| so'pi śivatvamāpannaḥ kasmānno jīvyate katham||

'हे यमाधिप, संसार में केवल यही एक हमें जीविका देने वाला आया था, और वह भी शिवत्व को प्राप्त हो गया; अब हम किस प्रकार जीवित रहें?'

श्लोक 32 (skanda.5.50.32)

धर्मराजस्तदाश्रुत्य किंकराणां परं वचः। चिरं ध्यात्वा स्वकानूचे देशकालोचितं वचः॥

dharmarājastadāśrutya kiṁkarāṇāṁ paraṁ vacaḥ| ciraṁ dhyātvā svakānūce deśakālocitaṁ vacaḥ||

धर्मराज ने अपने सेवकों का यह अत्यंत विस्मयकारी वचन सुनकर, चिरकाल तक चिंतन करके देश-काल के अनुरूप वचन कहा।

श्लोक 33 (skanda.5.50.33)

धर्मराज उवाच। श्रूयतां भो गणाः सर्वैः श्रुतिरेकाग्रमानसैः। येन पुण्यप्रभावेन पापिष्ठः शिवतां गतः॥

dharmarāja uvāca| śrūyatāṁ bho gaṇāḥ sarvaiḥ śrutirekāgramānasaiḥ| yena puṇyaprabhāvena pāpiṣṭhaḥ śivatāṁ gataḥ||

धर्मराज ने कहा—हे सब गणो, एकाग्रचित्त होकर सुनो, किस पुण्य के प्रभाव से यह महापापी शिवत्व को प्राप्त हुआ।

श्लोक 34 (skanda.5.50.34)

भुवि पुण्यतमे देशे महाकालवने शुभे। शिप्रानाम सरिच्छ्रेष्ठा सर्वपापहरा परा॥

bhuvi puṇyatame deśe mahākālavane śubhe| śiprānāma saricchreṣṭhā sarvapāpaharā parā||

पृथ्वी पर परम पुण्यमय प्रदेश, मंगलमय महाकालवन में, शिप्रा नामक सरिताओं में श्रेष्ठ, सर्वपापहारिणी परम नदी है।

श्लोक 35 (skanda.5.50.35)

येषां शिप्रोदकस्पर्शो जायते भुवि किंकराः। न तेषां पातकं किंचिन्मृतः शिवपुरं व्रजेत्॥

yeṣāṁ śiprodakasparśo jāyate bhuvi kiṁkarāḥ| na teṣāṁ pātakaṁ kiṁcinmṛtaḥ śivapuraṁ vrajet||

हे किंकरो, इस पृथ्वी पर जिस किसी को भी शिप्रा के जल का स्पर्श होता है, उसका कोई भी पाप शेष नहीं रहता; वह मरकर शिवलोक को जाता है।

श्लोक 36 (skanda.5.50.36)

मनसा वपुषा वाचा पापानि विविधानि च। तत्क्षणात्प्रलयं यांति शिप्रासरिन्निषेवणात्॥

manasā vapuṣā vācā pāpāni vividhāni ca| tatkṣaṇātpralayaṁ yāṁti śiprāsarinniṣevaṇāt||

मन, शरीर और वाणी से किए गए नाना पाप शिप्रा नदी की सेवा से उसी क्षण नष्ट हो जाते हैं।

श्लोक 37 (skanda.5.50.37)

शिप्राशिप्रेति यो ब्रूते यत्र कुत्रापि मानवः। स एव शिवतां याति न जाने स्नानजं फलम्॥

śiprāśipreti yo brūte yatra kutrāpi mānavaḥ| sa eva śivatāṁ yāti na jāne snānajaṁ phalam||

जो मनुष्य कहीं भी 'शिप्रा-शिप्रा' कहता है, वह भी शिवत्व को प्राप्त करता है; उसमें स्नान करने से उत्पन्न फल को तो मैं जान भी नहीं सकता।

श्लोक 38 (skanda.5.50.38)

यत्र कीटपतंगाश्च शिप्रावारिचराश्च ये। मृताः शिवपुरं यान्ति शिप्रानीरनिषेवणात्॥

yatra kīṭapataṁgāśca śiprāvāricarāśca ye| mṛtāḥ śivapuraṁ yānti śiprānīraniṣevaṇāt||

जहाँ कीट-पतंग तथा शिप्रा के जल में विचरने वाले जीव भी, शिप्रा के जल की सेवा से मरकर शिवलोक को जाते हैं।

श्लोक 39 (skanda.5.50.39)

कृत्वान्यत्र महापापं येऽन्ते शिप्रातटं श्रिताः। महापातकिनोऽप्येते मृता यांति शिवालयम्॥

kṛtvānyatra mahāpāpaṁ ye'nte śiprātaṭaṁ śritāḥ| mahāpātakino'pyete mṛtā yāṁti śivālayam||

जिन्होंने अन्यत्र महापाप किए हों, किन्तु अंत में शिप्रा के तट का आश्रय लिया, वे महापापी भी मरकर शिवलोक को जाते हैं।

श्लोक 40 (skanda.5.50.40)

माधवे मासि संप्राप्ते निमज्जंति नरोत्तमाः। न तेषां निरयं किंचिच्छिवरूपाश्चरंति ते॥

mādhave māsi saṁprāpte nimajjaṁti narottamāḥ| na teṣāṁ nirayaṁ kiṁcicchivarūpāścaraṁti te||

माधव (वैशाख) मास आने पर जो श्रेष्ठ मनुष्य उसमें डुबकी लगाते हैं, उनके लिए कोई नरक नहीं है; वे शिव-स्वरूप होकर विचरण करते हैं।

श्लोक 41 (skanda.5.50.41)

वायसेनाहृतं मांसं तस्य राज्ञः कृतागसः। शिप्रागाधजले क्षिप्तं का तत्र परिदेवना॥

vāyasenāhṛtaṁ māṁsaṁ tasya rājñaḥ kṛtāgasaḥ| śiprāgādhajale kṣiptaṁ kā tatra paridevanā||

उस अपराधी राजा का जो मांस कौए द्वारा ले जाया गया और शिप्रा के अथाह जल में गिराया गया, उस [परिणाम] में क्या आश्चर्य है?

श्लोक 42 (skanda.5.50.42)

वापीकूपतडागादि अधिकाधिकसत्फलम्। तस्माद्दशगुणं पुण्यं नदीषु उपजायते॥

vāpīkūpataḍāgādi adhikādhikasatphalam| tasmāddaśaguṇaṁ puṇyaṁ nadīṣu upajāyate||

बावड़ी, कुआँ, तालाब आदि उत्तरोत्तर अधिक फल देने वाले हैं; उनसे भी दस गुना पुण्य नदियों में उत्पन्न होता है।

श्लोक 43 (skanda.5.50.43)

तस्माद्दशगुणा तापी गोदा पुण्या ततोधिका। तस्माद्दशगुणा रेवा गंगा पुण्या ततोऽधिका। तस्माद्दशगुणा शिप्रा पवित्रा पापनाशिनी॥

tasmāddaśaguṇā tāpī godā puṇyā tatodhikā| tasmāddaśaguṇā revā gaṁgā puṇyā tato'dhikā| tasmāddaśaguṇā śiprā pavitrā pāpanāśinī||

उससे दस गुना ताप्ती नदी है, गोदावरी उससे भी अधिक पुण्यमयी है; उससे दस गुना रेवा (नर्मदा), गंगा उससे भी अधिक पुण्यमयी है; और उससे दस गुना पवित्र, पापनाशिनी शिप्रा है।

श्लोक 44 (skanda.5.50.44)

दमनस्य शरीरस्य मांसं शिप्रासमागतम्। तेन पुण्यप्रभावेन शिवरूपधरोऽभवत्॥

damanasya śarīrasya māṁsaṁ śiprāsamāgatam| tena puṇyaprabhāvena śivarūpadharo'bhavat||

दमन के शरीर का मांस शिप्रा में जा पहुँचा; उसी पुण्य के प्रभाव से वह शिव-स्वरूप को धारण कर सका।

श्लोक 45 (skanda.5.50.45)

ईदृशा च नदी रम्या अवन्त्यां भुवि वर्तते। वांछंति देवताः सर्वास्तस्या दुर्लभदर्शनम्॥

īdṛśā ca nadī ramyā avantyāṁ bhuvi vartate| vāṁchaṁti devatāḥ sarvāstasyā durlabhadarśanam||

ऐसी रमणीय नदी पृथ्वी पर अवन्ती में विद्यमान है; समस्त देवता भी उसके दुर्लभ दर्शन की कामना करते हैं।

श्लोक 46 (skanda.5.50.46)

धर्मराजवचः श्रुत्वा गणा विस्मयमागताः। मनसा च निरातंकाः शिप्रां शरणमागताः॥

dharmarājavacaḥ śrutvā gaṇā vismayamāgatāḥ| manasā ca nirātaṁkāḥ śiprāṁ śaraṇamāgatāḥ||

धर्मराज का यह वचन सुनकर गणगण विस्मित हो गए; मन से निर्भय होकर वे शिप्रा की शरण में गए।

श्लोक 47 (skanda.5.50.47)

सनत्कुमार उवाच। तदाप्रभृति विख्याता शिप्रेयं पापनाशिनी। गीयते च पुराणेषु यस्या माहात्म्यमुत्तमम्॥

sanatkumāra uvāca| tadāprabhṛti vikhyātā śipreyaṁ pāpanāśinī| gīyate ca purāṇeṣu yasyā māhātmyamuttamam||

सनत्कुमार ने कहा—तभी से यह शिप्रा पापनाशिनी के रूप में विख्यात हुई; पुराणों में उसका उत्तम माहात्म्य गाया जाता है।

श्लोक 48 (skanda.5.50.48)

दमनस्य च निर्मुक्तिः शिप्रामाहात्म्यमुत्तमम्। यमदूतानां संवादं श्रुत्वा मुक्तिर्न संशयः॥

damanasya ca nirmuktiḥ śiprāmāhātmyamuttamam| yamadūtānāṁ saṁvādaṁ śrutvā muktirna saṁśayaḥ||

दमन की मुक्ति ही शिप्रा के उत्तम माहात्म्य का प्रमाण है; यमदूतों के इस संवाद को सुनकर भी निःसंदेह मुक्ति प्राप्त होती है।