शिप्रा माहात्म्य वर्णन

श्लोक 1 (skanda.5.52.1)

सनत्कुमार उवाच। भूयः शृणु महाभाग शिप्रामाहात्म्यमुत्तमम्। यस्य श्रवणमात्रेण हयमेधफलं भवेत्॥

sanatkumāra uvāca| bhūyaḥ śṛṇu mahābhāga śiprāmāhātmyamuttamam| yasya śravaṇamātreṇa hayamedhaphalaṁ bhavet||

सनत्कुमार ने कहा—हे महाभाग, शिप्रा के उत्तम माहात्म्य को पुनः सुनो, जिसके श्रवण मात्र से अश्वमेध यज्ञ का फल मिल जाता है।

श्लोक 2 (skanda.5.52.2)

शिप्रा च सर्वतः पुण्या पवित्रा पापहारिणी। अवंत्यां च विशेषेण शिप्रा चोत्तरवाहिनी॥

śiprā ca sarvataḥ puṇyā pavitrā pāpahāriṇī| avaṁtyāṁ ca viśeṣeṇa śiprā cottaravāhinī||

शिप्रा सर्वत्र पुण्यमयी, पवित्र तथा पापों का नाश करने वाली है; विशेष रूप से अवन्ती में शिप्रा उत्तर की ओर बहती है।

श्लोक 3 (skanda.5.52.3)

तथापि तत्समुत्पत्तिं विस्तराद्गदतो मम। यथा वाराहतनया विष्णुदेहोद्भवा शिवा। शृणु व्यास महापुण्यां कथां पौराणिकीं शुभाम्॥

tathāpi tatsamutpattiṁ vistarādgadato mama| yathā vārāhatanayā viṣṇudehodbhavā śivā| śṛṇu vyāsa mahāpuṇyāṁ kathāṁ paurāṇikīṁ śubhām||

फिर भी उसकी उत्पत्ति को विस्तार से बताते हुए मुझसे सुनो—किस प्रकार वह वाराह की पुत्री, विष्णु के शरीर से उत्पन्न, मंगलमयी है; हे व्यास, यह अत्यंत पुण्यमयी पौराणिक कथा सुनो।

श्लोक 4 (skanda.5.52.4)

पुरा महासुरो जातो हिरण्याक्षो महाबलः॥

purā mahāsuro jāto hiraṇyākṣo mahābalaḥ||

पूर्वकाल में हिरण्याक्ष नामक एक महाबली महासुर उत्पन्न हुआ।

श्लोक 5 (skanda.5.52.5)

स चेमां सकलां पृथ्वीं वशीकृत्वा चकार ह। राज्यं च सार्वभौमानां दानवैश्च दुरात्मभिः॥

sa cemāṁ sakalāṁ pṛthvīṁ vaśīkṛtvā cakāra ha| rājyaṁ ca sārvabhaumānāṁ dānavaiśca durātmabhiḥ||

उसने इस सम्पूर्ण पृथ्वी को वश में करके, दुष्ट दानवों के साथ मिलकर सार्वभौम राज्य स्थापित किया।

श्लोक 6 (skanda.5.52.6)

जित्वा च सकलाँल्लोकान्सुरानिंद्रपुरोगमान्। दिक्पालान्वसुपालांश्च तिरस्कृत्यसुराधिपः॥

jitvā ca sakalā~llokānsurāniṁdrapurogamān| dikpālānvasupālāṁśca tiraskṛtyasurādhipaḥ||

समस्त लोकों को, इन्द्र आदि देवताओं को जीतकर, दिक्पालों और वसुपालों का तिरस्कार करके वह असुराधिप,

श्लोक 7 (skanda.5.52.7)

स सर्वान्सर्वलोकेभ्यः स्वयमेवाधितिष्ठति। स्वर्गान्निराकृताः सर्वे तेन देवगणा भुवि॥

sa sarvānsarvalokebhyaḥ svayamevādhitiṣṭhati| svargānnirākṛtāḥ sarve tena devagaṇā bhuvi||

वह स्वयं ही समस्त लोकों के सबका शासक बन बैठा; उसके द्वारा स्वर्ग से निकाले गए समस्त देवगण पृथ्वी पर,

श्लोक 8 (skanda.5.52.8)

विचरंति यथा मर्त्या भ्रष्टराज्याः पराजिताः। अलब्धशरणाः सर्वे ब्रह्माणं शरणं ययुः॥

vicaraṁti yathā martyā bhraṣṭarājyāḥ parājitāḥ| alabdhaśaraṇāḥ sarve brahmāṇaṁ śaraṇaṁ yayuḥ||

मनुष्यों के समान विचरण करने लगे, अपने राज्य से भ्रष्ट, पराजित; कहीं शरण न पाकर वे सब ब्रह्मा की शरण में गए।

श्लोक 9 (skanda.5.52.9)

तत्र गत्वा नमस्कृत्य दैत्यकृत्यं न्यवेदयन्। भगवन्किमिदं कार्यं भवता परमेष्ठिना॥

tatra gatvā namaskṛtya daityakṛtyaṁ nyavedayan| bhagavankimidaṁ kāryaṁ bhavatā parameṣṭhinā||

वहाँ जाकर, नमस्कार करके उन्होंने दैत्य के कृत्य निवेदित किए—'हे भगवन्, हे परमेष्ठी, इसका क्या उपाय हो?

श्लोक 10 (skanda.5.52.10)

येन देवगणाः सर्वे नष्टप्रायाश्च तत्क्षणात्। हिरण्याक्षेण दैत्येन हृतं स्वर्गमकण्टकम्॥

yena devagaṇāḥ sarve naṣṭaprāyāśca tatkṣaṇāt| hiraṇyākṣeṇa daityena hṛtaṁ svargamakaṇṭakam||

उसके कारण समस्त देवगण तत्काल मृतप्राय हो गए हैं; दैत्य हिरण्याक्ष ने कंटकरहित स्वर्ग को हर लिया है।

श्लोक 11 (skanda.5.52.11)

यज्ञभागांश्च वै सर्वानुपाश्नाति पृथक्पृथक्। केनोपायेन जीवाम कथं तिष्ठाम भूतले॥

yajñabhāgāṁśca vai sarvānupāśnāti pṛthakpṛthak| kenopāyena jīvāma kathaṁ tiṣṭhāma bhūtale||

वह यज्ञों के समस्त भागों को अलग-अलग खा जाता है; हम किस उपाय से जीएँ, इस पृथ्वी पर कैसे टिकें?'

श्लोक 12 (skanda.5.52.12)

इति विक्लवितं तेषां देवानां स पितामहः। उवाच वचनं रम्यं तत्कालसमयोचितम्॥

iti viklavitaṁ teṣāṁ devānāṁ sa pitāmahaḥ| uvāca vacanaṁ ramyaṁ tatkālasamayocitam||

देवताओं का यह विलाप सुनकर पितामह ब्रह्मा ने उस समय के अनुकूल एक रमणीय वचन कहा।

श्लोक 13 (skanda.5.52.13)

ब्रह्मोवाच। शृणुध्वं भोः सुरश्रेष्ठा यूयं सर्वे समाहिताः। पुरायं पार्षदश्रेष्ठो द्वारपालः समाहितः॥

brahmovāca| śṛṇudhvaṁ bhoḥ suraśreṣṭhā yūyaṁ sarve samāhitāḥ| purāyaṁ pārṣadaśreṣṭho dvārapālaḥ samāhitaḥ||

ब्रह्मा ने कहा—हे देवश्रेष्ठो, सब लोग एकाग्रचित्त होकर सुनो; पूर्वकाल में यह श्रेष्ठ पार्षद संयत द्वारपाल था,

श्लोक 14 (skanda.5.52.14)

वैकुण्ठभवने रम्ये विष्णोरतुलतेजसः। जयोनाम महाबाहुर्विजयेन समन्वितः॥

vaikuṇṭhabhavane ramye viṣṇoratulatejasaḥ| jayonāma mahābāhurvijayena samanvitaḥ||

अतुल तेजस्वी विष्णु के रमणीय वैकुण्ठ-भवन में—जय नामक महाबाहु, विजय के साथ,

श्लोक 15 (skanda.5.52.15)

द्वावेव सचिवौ दांतौ विष्णुवेषधरावुभौ। आत्तयष्टी च विक्रांतौ द्वारे संतिष्ठतः सदा॥

dvāveva sacivau dāṁtau viṣṇuveṣadharāvubhau| āttayaṣṭī ca vikrāṁtau dvāre saṁtiṣṭhataḥ sadā||

दोनों संयमी सचिव, दोनों विष्णु के समान वेषधारी, हाथ में डंडा लिए हुए, पराक्रमी, सदा द्वार पर खड़े रहते थे।

श्लोक 16 (skanda.5.52.16)

एकदा वै मुनिश्रेष्ठ ब्रह्मणो मानसात्मजाः। स्वैरं चरंतो लोकानां विष्णोर्भवनमागताः॥

ekadā vai muniśreṣṭha brahmaṇo mānasātmajāḥ| svairaṁ caraṁto lokānāṁ viṣṇorbhavanamāgatāḥ||

एक बार, हे मुनिश्रेष्ठ, ब्रह्मा के मानस-पुत्र लोकों में स्वच्छंद विचरण करते हुए विष्णु के भवन में आए,

श्लोक 17 (skanda.5.52.17)

सनकादयो महाभागा भगवद्दर्शनलालसाः। ताभ्यां निवारिताः सर्वे पेतुर्वै धरणीतले॥

sanakādayo mahābhāgā bhagavaddarśanalālasāḥ| tābhyāṁ nivāritāḥ sarve peturvai dharaṇītale||

सनक आदि महाभाग भगवान के दर्शन के लिए लालायित थे; उन दोनों द्वारपालों द्वारा रोके जाने पर वे सब पृथ्वी पर गिर पड़े।

श्लोक 18 (skanda.5.52.18)

मुमुहुश्च तदा व्यास कुमारा भृशदुःखिताः। ततोऽगात्स महाबाहुर्भगवान्कमलेक्षणः॥

mumuhuśca tadā vyāsa kumārā bhṛśaduḥkhitāḥ| tato'gātsa mahābāhurbhagavānkamalekṣaṇaḥ||

हे व्यास, तब वे कुमार अत्यंत दुःखी होकर मूर्च्छित हो गए; तब वे महाबाहु, कमल-नयन भगवान वहाँ गए।

श्लोक 19 (skanda.5.52.19)

ददर्श सहसा विष्णुः कुमारान्भुवि दुःखितान्। उत्थाप्यांकं समारोप्य सस्वजे मधुसूदनः॥

dadarśa sahasā viṣṇuḥ kumārānbhuvi duḥkhitān| utthāpyāṁkaṁ samāropya sasvaje madhusūdanaḥ||

विष्णु ने सहसा भूमि पर पड़े दुःखी कुमारों को देखा; उन्हें उठाकर, गोद में बिठाकर मधुसूदन ने उन्हें गले लगाया।

श्लोक 20 (skanda.5.52.20)

मूर्ध्नि चाघ्राय बाहुभ्यां परिष्वज्य ह्युवाच ह। कस्माद्वः कश्मलमिदं केनापि दुःखिता भृशम्॥

mūrdhni cāghrāya bāhubhyāṁ pariṣvajya hyuvāca ha| kasmādvaḥ kaśmalamidaṁ kenāpi duḥkhitā bhṛśam||

उनके मस्तक को सूँघकर, दोनों भुजाओं से आलिंगन करके उन्होंने कहा—'तुम्हें यह विषाद किस कारण है? किसने तुम्हें इतना दुःखी किया है?

श्लोक 21 (skanda.5.52.21)

सर्वं तत्कारणं बाला ब्रूत नो धर्मवित्तमाः॥

sarvaṁ tatkāraṇaṁ bālā brūta no dharmavittamāḥ||

हे धर्मज्ञों में श्रेष्ठ बालको, इसका सम्पूर्ण कारण मुझे बताओ।'

श्लोक 22 (skanda.5.52.22)

कुमारा ऊचुः। श्रूयतां भो महाराज अस्माकं दुःखमीदृशम्। येन प्राप्ता वयं ब्रह्मन्दशामेतां शृणुष्व ह॥

kumārā ūcuḥ| śrūyatāṁ bho mahārāja asmākaṁ duḥkhamīdṛśam| yena prāptā vayaṁ brahmandaśāmetāṁ śṛṇuṣva ha||

कुमारों ने कहा—हे महाराज, हमारा यह दुःख सुनिए; हे ब्रह्मन्, हम किस कारण से इस दशा को प्राप्त हुए, वह सुनिए।

श्लोक 23 (skanda.5.52.23)

आयाता भ्रातरो ह्येते चत्वारो लोकपर्यटाः। दर्शनार्थं रमानाथ साभिलाषाः शुचार्दिताः॥

āyātā bhrātaro hyete catvāro lokaparyaṭāḥ| darśanārthaṁ ramānātha sābhilāṣāḥ śucārditāḥ||

हे रमानाथ, हम ये चारों भाई, लोकों में विचरण करने वाले, आपके दर्शन की अभिलाषा से यहाँ आए हैं, और अब शोक से पीड़ित हैं।

श्लोक 24 (skanda.5.52.24)

निवारिताश्च सहसा ताभ्यां वै द्वारपालनात्। तेनैवेयं दशा प्राप्ता भवता परिपालिताः॥

nivāritāśca sahasā tābhyāṁ vai dvārapālanāt| tenaiveyaṁ daśā prāptā bhavatā paripālitāḥ||

उन दोनों द्वारपालों ने द्वार-रक्षा के कारण हमें सहसा रोक दिया; इसी कारण, आपके अपने माने जाने वाले हम, इस दशा को प्राप्त हुए हैं।

श्लोक 25 (skanda.5.52.25)

भगवानुवाच। अतः प्रभृति स्थानेस्मिन्स्थितिर्नास्ति च शाश्वती। एतयोरासुरी योनिः प्राप्स्यते यन्ममाहितौ॥

bhagavānuvāca| ataḥ prabhṛti sthānesminsthitirnāsti ca śāśvatī| etayorāsurī yoniḥ prāpsyate yanmamāhitau||

भगवान ने कहा—अब से इस स्थान में इन दोनों का स्थायी निवास नहीं रहेगा; चूँकि इन्होंने मेरा अहित किया है, इसलिए इन्हें आसुरी योनि प्राप्त होगी।

श्लोक 26 (skanda.5.52.26)

सद्यः प्राप्तौ तदा व्यास आसुरीं योनिमेव तौ। जयविजयनामाख्यौ दुष्टभावसमाश्रितौ॥

sadyaḥ prāptau tadā vyāsa āsurīṁ yonimeva tau| jayavijayanāmākhyau duṣṭabhāvasamāśritau||

हे व्यास, तत्काल दुष्ट भाव को प्राप्त वे जय और विजय नामक दोनों आसुरी योनि को प्राप्त हुए।

श्लोक 27 (skanda.5.52.27)

जन्मांतरसहस्रेण तपोदानसमाधिभिः। नराणां क्षीणपापानां कृष्णे भक्तिः प्रजायते॥

janmāṁtarasahasreṇa tapodānasamādhibhiḥ| narāṇāṁ kṣīṇapāpānāṁ kṛṣṇe bhaktiḥ prajāyate||

मनुष्यों के पाप क्षीण हो जाने पर, सहस्र जन्मों के तप, दान और समाधि से कहीं कृष्ण में भक्ति उत्पन्न होती है।

श्लोक 28 (skanda.5.52.28)

दुष्टभावेन सद्यो वै जन्मभिर्जायते त्रिभिः। भविष्यति च तस्माद्वो विष्णुभक्तिः परा स्मृता॥

duṣṭabhāvena sadyo vai janmabhirjāyate tribhiḥ| bhaviṣyati ca tasmādvo viṣṇubhaktiḥ parā smṛtā||

किन्तु दुष्ट भाव से भी वह तीन जन्मों में ही शीघ्र प्राप्त हो जाती है; इसलिए तुम दोनों को भी अंततः परम विष्णु-भक्ति प्राप्त होगी।

श्लोक 29 (skanda.5.52.29)

जन्मजन्मांतरे जातौ तामसीं योनिमुद्धतौ। हिरण्यकशिपुश्चैव हिरण्याक्षो महाबलः॥

janmajanmāṁtare jātau tāmasīṁ yonimuddhatau| hiraṇyakaśipuścaiva hiraṇyākṣo mahābalaḥ||

जन्म-जन्मांतर में उद्धत होकर तामसी योनि में उत्पन्न वे दोनों हिरण्यकशिपु तथा महाबली हिरण्याक्ष हुए,

श्लोक 30 (skanda.5.52.30)

तथैव कुंभकर्णाख्यो रावणो लोकरावणः। दंतवक्त्रः शिशुपालश्च जन्मत्रयमिति स्मृतम्॥

tathaiva kuṁbhakarṇākhyo rāvaṇo lokarāvaṇaḥ| daṁtavaktraḥ śiśupālaśca janmatrayamiti smṛtam||

फिर कुंभकर्ण तथा लोक को रुलाने वाला रावण, फिर दन्तवक्त्र और शिशुपाल—इस प्रकार उनके तीन जन्म स्मरण किए गए हैं।

श्लोक 31 (skanda.5.52.31)

योऽसौ महाबली दैत्यो हिरण्याक्ष इति स्मृतः। दुष्टभावसमापन्नो देवब्राह्मणनिंदकः॥

yo'sau mahābalī daityo hiraṇyākṣa iti smṛtaḥ| duṣṭabhāvasamāpanno devabrāhmaṇaniṁdakaḥ||

जो यह महाबली दैत्य हिरण्याक्ष नाम से स्मरण किया गया, वह दुष्ट भाव से युक्त, देव-ब्राह्मणों की निंदा करने वाला था,

श्लोक 32 (skanda.5.52.32)

जित्वा च सकलान्देवान्स्वयमेवाधितिष्ठति॥

jitvā ca sakalāndevānsvayamevādhitiṣṭhati||

जिसने समस्त देवताओं को जीतकर स्वयं ही उन पर शासन किया।

श्लोक 33 (skanda.5.52.33)

स्वर्गान्निराकृताः सर्वे भ्रष्टराज्याः पराजिताः। विचरंति यथा मर्त्यास्तेन देवगणा भुवि॥

svargānnirākṛtāḥ sarve bhraṣṭarājyāḥ parājitāḥ| vicaraṁti yathā martyāstena devagaṇā bhuvi||

उसके कारण स्वर्ग से निकाले गए, राज्य से भ्रष्ट, पराजित समस्त देवगण मनुष्यों के समान पृथ्वी पर विचरण करने लगे।

श्लोक 34 (skanda.5.52.34)

स्वधाकारो वषट्कारः स्वाहाकारो न दृश्यते। देवपूजार्चनं नास्ति ब्राह्मणानां विशेषतः॥

svadhākāro vaṣaṭkāraḥ svāhākāro na dṛśyate| devapūjārcanaṁ nāsti brāhmaṇānāṁ viśeṣataḥ||

स्वधाकार, वषट्कार तथा स्वाहाकार दिखाई नहीं देते थे; विशेष रूप से ब्राह्मणों द्वारा देव-पूजा भी नहीं होती थी।

श्लोक 35 (skanda.5.52.35)

नैव तीर्थं प्रकाशेत पुण्यान्यायतनानि च। आश्रमेषु च सर्वेषु ऋषीणां च महात्मनाम्॥

naiva tīrthaṁ prakāśeta puṇyānyāyatanāni ca| āśrameṣu ca sarveṣu ṛṣīṇāṁ ca mahātmanām||

न तो कोई तीर्थ प्रकाशित होता था, न पुण्य-स्थान; महात्मा ऋषियों के समस्त आश्रमों में भी,

श्लोक 36 (skanda.5.52.36)

उद्वृत्तं च प्रकुर्वंति दुष्टदैत्याः प्रहारिणः। वर्णाश्रमवतां धर्माः स्त्रीणां चैव सुशीलता॥

udvṛttaṁ ca prakurvaṁti duṣṭadaityāḥ prahāriṇaḥ| varṇāśramavatāṁ dharmāḥ strīṇāṁ caiva suśīlatā||

प्रहार करने वाले दुष्ट दैत्य उत्पात मचाते थे; वर्णाश्रम-धर्मियों के धर्म तथा स्त्रियों की सुशीलता भी,

श्लोक 37 (skanda.5.52.37)

उच्छिन्ना हि तदा जातास्तस्मिन्राज्ञि दुरात्मनि। दुष्टाचारा दुरात्मानो मायिनो बहुमानिनः॥

ucchinnā hi tadā jātāstasminrājñi durātmani| duṣṭācārā durātmāno māyino bahumāninaḥ||

उस दुरात्मा राजा के राज्य में सर्वथा नष्ट हो गए थे; दुराचारी, दुरात्मा, मायावी तथा अभिमानी लोग,

श्लोक 38 (skanda.5.52.38)

पाखंडिनोऽपराक्रांताः सर्वे धर्मबहिर्मुखाः। पशुधर्मरताः सर्वे सर्वे ब्रह्मेतिशंसिनः॥

pākhaṁḍino'parākrāṁtāḥ sarve dharmabahirmukhāḥ| paśudharmaratāḥ sarve sarve brahmetiśaṁsinaḥ||

पाखंडी, शक्तिहीन, समस्त धर्म से विमुख हो गए थे; सभी पशु-धर्म में रमने वाले, फिर भी अपने आपको ब्राह्मण कहने वाले हो गए थे।

श्लोक 39 (skanda.5.52.39)

बहुम्लेच्छा बहुक्लेशा बह्वाबाधावनी कृता। को वेदः का स्मृतिः को यज्ञः का च दक्षिणा॥

bahumlecchā bahukleśā bahvābādhāvanī kṛtā| ko vedaḥ kā smṛtiḥ ko yajñaḥ kā ca dakṣiṇā||

पृथ्वी अनेक म्लेच्छों, अनेक क्लेशों तथा अनेक बाधाओं से भर गई थी—'वेद क्या है, स्मृति क्या है, यज्ञ क्या है, दक्षिणा क्या है'—ऐसा ही भाव सर्वत्र था।

श्लोक 40 (skanda.5.52.40)

तमीभूतं जगत्सर्वं दृश्यते वसुधातले। एवं व्यास यदा जातं दुष्टं सर्वं जगत्त्रयम्॥

tamībhūtaṁ jagatsarvaṁ dṛśyate vasudhātale| evaṁ vyāsa yadā jātaṁ duṣṭaṁ sarvaṁ jagattrayam||

सारा जगत् पृथ्वी पर अंधकारमय दिखाई देने लगा। हे व्यास, इस प्रकार जब सम्पूर्ण त्रिलोक दुष्ट हो गया,

श्लोक 41 (skanda.5.52.41)

यदा यदा हि धर्मस्य ग्लानिर्भवति भारत। अभ्युत्थानमधर्मस्य तदात्मानं सृजाम्यहम्॥

yadā yadā hi dharmasya glānirbhavati bhārata| abhyutthānamadharmasya tadātmānaṁ sṛjāmyaham||

'हे भारत, जब-जब धर्म की हानि होती है और अधर्म का उत्थान होता है, तब-तब मैं स्वयं को प्रकट करता हूँ।'

श्लोक 42 (skanda.5.52.42)

इति ज्ञात्वा महाविष्णुर्वाराहं वपुरात्मवान्। दधार लीलया दिव्यं श्वेतद्वीपोपमं शुभम्॥

iti jñātvā mahāviṣṇurvārāhaṁ vapurātmavān| dadhāra līlayā divyaṁ śvetadvīpopamaṁ śubham||

यह जानकर आत्मवान महाविष्णु ने लीला से श्वेतद्वीप के समान दिव्य, मंगलमय वराह शरीर धारण किया,

श्लोक 43 (skanda.5.52.43)

यूपदंष्ट्रो हविर्गंधो बीजौषधितनूरुहः। वेदपादः शुचिर्दंडी जिह्वाग्निस्तालुकाहुतिः॥

yūpadaṁṣṭro havirgaṁdho bījauṣadhitanūruhaḥ| vedapādaḥ śucirdaṁḍī jihvāgnistālukāhutiḥ||

यज्ञस्तंभ को दाढ़ बनाकर, हवि की गंध से युक्त, बीज-औषधियों को रोम बनाकर, वेदों को चरण, पवित्र, दंडधारी, अग्नि को जिह्वा, आहुति को तालु बनाकर,

श्लोक 44 (skanda.5.52.44)

अंतरास्यरुचादार्ढो यज्ञकायः सुदक्षिणः। उद्गानघुर्घुरोन्नादो विहार ऋत्विजाकृतिः॥

aṁtarāsyarucādārḍho yajñakāyaḥ sudakṣiṇaḥ| udgānaghurghuronnādo vihāra ṛtvijākṛtiḥ||

मुख के भीतर की कांति से दृढ़, यज्ञ को शरीर बनाकर, उदार दक्षिणा वाले, उद्गीथ को अपनी घुरघुराहट बनाकर, विहार को ऋत्विजों का रूप बनाकर,

श्लोक 45 (skanda.5.52.45)

हौत्रश्वासपरो दक्षसदस्यावयवः स्मृतः। पुच्छ कर्माशनो नित्यं यजमानसुमानदः॥

hautraśvāsaparo dakṣasadasyāvayavaḥ smṛtaḥ| puccha karmāśano nityaṁ yajamānasumānadaḥ||

श्वास को होत्र-पाठ बनाकर, अंगों को दक्ष सभा का रूप स्मरण किया गया, पूँछ को कर्म-भक्षक बनाकर, सदा यजमान को सम्मान देने वाले,

श्लोक 46 (skanda.5.52.46)

वेदिपल्वलसंस्तारो ब्रह्माध्वर्युर्वनाकरः। लोककल्पो लोकसाक्षी परावरवहः शुचिः॥

vedipalvalasaṁstāro brahmādhvaryurvanākaraḥ| lokakalpo lokasākṣī parāvaravahaḥ śuciḥ||

वेदी को कुश-बिछी हुई भूमि बनाकर, ब्रह्मा को अध्वर्यु बनाकर, वनों की खान, लोकों के समान, लोक-साक्षी, उच्च-नीच सबके वाहक, पवित्र,

श्लोक 47 (skanda.5.52.47)

आद्यः पुरुष ईशानः पुरुहूतः पुरुष्टुतः। तेनासौ निहतो दैत्यो हिरण्याक्षो दुरासदः॥

ādyaḥ puruṣa īśānaḥ puruhūtaḥ puruṣṭutaḥ| tenāsau nihato daityo hiraṇyākṣo durāsadaḥ||

आद्य पुरुष, ईशान, अनेकों द्वारा आहूत, अनेकों द्वारा स्तुत—उन्होंने ही दुर्दम्य दैत्य हिरण्याक्ष का वध किया।

श्लोक 48 (skanda.5.52.48)

संग्रामान्सुबहून्कृत्वा बहुकष्टेन विष्णुना। दैत्येन पीडिता पृथ्वी रसातलतलंगता॥

saṁgrāmānsubahūnkṛtvā bahukaṣṭena viṣṇunā| daityena pīḍitā pṛthvī rasātalatalaṁgatā||

विष्णु ने अनेक युद्धों के बाद अत्यंत कष्ट से उस दैत्य को मारा; दैत्य द्वारा पीड़ित होकर रसातल के तल में डूबी हुई पृथ्वी को,

श्लोक 49 (skanda.5.52.49)

उद्धृता च वराहेण दंष्ट्रया चंद्ररेखया। हतास्ते दानवाः सर्वे शेषाः पातालमाययुः॥

uddhṛtā ca varāheṇa daṁṣṭrayā caṁdrarekhayā| hatāste dānavāḥ sarve śeṣāḥ pātālamāyayuḥ||

वराह ने अपनी चंद्र-रेखा के समान दाढ़ से ऊपर उठाया; उन समस्त दानवों को मारा गया, और शेष दानव पाताल को चले गए।

श्लोक 50 (skanda.5.52.50)

ववुः पुण्यास्तथा वाताः सुप्रभोऽभूद्दिवाकरः। जज्वलुश्चाग्नयः शांताः शांता दिग्जनितस्वनाः॥

vavuḥ puṇyāstathā vātāḥ suprabho'bhūddivākaraḥ| jajvaluścāgnayaḥ śāṁtāḥ śāṁtā digjanitasvanāḥ||

तब पुण्यमय वायु बहने लगी, सूर्य अत्यंत प्रकाशमान हो गया, अग्नियाँ शांतिपूर्वक प्रज्वलित हुईं, और दिशाओं से उठने वाले शब्द भी शांत हो गए।

श्लोक 51 (skanda.5.52.51)

सरितो मार्गवाहिन्यः सागराः प्रकृतिं गतः। दृष्ट्वा देवोऽखिलं व्यास प्रसन्नात्मा बभूव ह॥

sarito mārgavāhinyaḥ sāgarāḥ prakṛtiṁ gataḥ| dṛṣṭvā devo'khilaṁ vyāsa prasannātmā babhūva ha||

नदियाँ अपने मार्ग में बहने लगीं, समुद्र अपनी प्रकृति को प्राप्त हुए। हे व्यास, यह सब देखकर देव का हृदय प्रसन्न हो गया।

श्लोक 52 (skanda.5.52.52)

वाराहमूर्तिर्भगवान्सर्वकामफलप्रदः। आनंदनिर्भरो देवो हतदैत्यो वरप्रदः॥

vārāhamūrtirbhagavānsarvakāmaphalapradaḥ| ānaṁdanirbharo devo hatadaityo varapradaḥ||

वराह-रूप भगवान, जो समस्त कामनाओं के फल प्रदान करने वाले हैं, आनंद से परिपूर्ण, दैत्य को मारकर वर देने वाले वे देव,

श्लोक 53 (skanda.5.52.53)

तस्यापि हृदयाज्जाता नदी ह्येषा सनातनी। आनंदजलसंपूर्णा सर्वानंदवरप्रदा॥

tasyāpi hṛdayājjātā nadī hyeṣā sanātanī| ānaṁdajalasaṁpūrṇā sarvānaṁdavarapradā||

—उनके ही हृदय से यह सनातन नदी उत्पन्न हुई, जो आनंद के जल से परिपूर्ण, समस्त आनंद का वर प्रदान करने वाली है।

श्लोक 54 (skanda.5.52.54)

बहुयोजनविस्तारा बहुला कामचारिणी। पद्माकरसमाकीर्णा हंसकारण्डसंकुला॥

bahuyojanavistārā bahulā kāmacāriṇī| padmākarasamākīrṇā haṁsakāraṇḍasaṁkulā||

अनेक योजनों में फैली हुई, विस्तृत, स्वच्छंद बहने वाली, कमल-समूहों से भरी, हंस-कारंडवों से युक्त,

श्लोक 55 (skanda.5.52.55)

सरला तरलच्छाया यक्षगंधर्वसेविता। किन्नरीगीयमाना च गीयमाना खगालिभिः॥

saralā taralacchāyā yakṣagaṁdharvasevitā| kinnarīgīyamānā ca gīyamānā khagālibhiḥ||

सरल गति वाली, चंचल छाया वाली, यक्ष-गन्धर्वों से सेवित, किन्नरियों द्वारा गाई जाने वाली, तथा पक्षियों के समूहों द्वारा भी गाई जाने वाली,

श्लोक 56 (skanda.5.52.56)

अप्सरोभिर्नृत्यमाना स्तूयमाना महर्षिभिः। हूयमाना हुताग्निभी राजर्षिभिः समाश्रिता॥

apsarobhirnṛtyamānā stūyamānā maharṣibhiḥ| hūyamānā hutāgnibhī rājarṣibhiḥ samāśritā||

अप्सराओं द्वारा नृत्य से सुशोभित, महर्षियों द्वारा स्तुत, अग्नि-होत्री जनों द्वारा हवन-प्राप्त, राजर्षियों द्वारा आश्रय ली गई,

श्लोक 57 (skanda.5.52.57)

तुंगस्तनभराक्रांतयोषिद्भिः क्रीडितान्तरा। क्वचित्कीरवरांदोलैः रम्यमाणा विराजिता॥

tuṁgastanabharākrāṁtayoṣidbhiḥ krīḍitāntarā| kvacitkīravarāṁdolaiḥ ramyamāṇā virājitā||

उन्नत वक्षस्थलों वाली स्त्रियों द्वारा जिसके भीतर क्रीड़ा की जाती है, कहीं श्रेष्ठ शुकों के झूलने से रमणीय, देदीप्यमान,

श्लोक 58 (skanda.5.52.58)

वेदविद्भिर्द्विजैः सेव्या ऋषिभिस्संशितात्मभिः। सर्वदा सर्वकाले च सिद्धैः सिद्धिप्रदा नृणाम्॥

vedavidbhirdvijaiḥ sevyā ṛṣibhissaṁśitātmabhiḥ| sarvadā sarvakāle ca siddhaiḥ siddhipradā nṛṇām||

वेदज्ञ द्विजों तथा दृढ़-आत्मा ऋषियों द्वारा सेवित, सदा सर्वकाल में सिद्धों के द्वारा मनुष्यों को सिद्धि प्रदान करने वाली—

श्लोक 59 (skanda.5.52.59)

महाकालवने रम्ये रम्या पद्मावती पुरी। सुन्दरं कुण्डमपरं रम्यं प्राचीनकं शुभम्॥

mahākālavane ramye ramyā padmāvatī purī| sundaraṁ kuṇḍamaparaṁ ramyaṁ prācīnakaṁ śubham||

—रमणीय महाकालवन में, रमणीय पद्मावती नगरी में; वहाँ एक और सुंदर, रमणीय, प्राचीन, मंगलमय कुंड है,

श्लोक 60 (skanda.5.52.60)

यत्र स्नात्वा नरा यांति शिवलोकं सनातनम्। यत्र नीला परा व्यास शिप्रा वै लोकपावनी॥

yatra snātvā narā yāṁti śivalokaṁ sanātanam| yatra nīlā parā vyāsa śiprā vai lokapāvanī||

जिसमें स्नान करके मनुष्य सनातन शिवलोक को जाते हैं; हे व्यास, वहीं वह परम नीला शिप्रा, लोकपावनी नदी बहती है।

श्लोक 61 (skanda.5.52.61)

वाराहेण कृतं सर्वं दुष्टदैत्यनिबर्हणम्। तेन देवा निरातंकाः कृता वाराहमूर्तिना॥

vārāheṇa kṛtaṁ sarvaṁ duṣṭadaityanibarhaṇam| tena devā nirātaṁkāḥ kṛtā vārāhamūrtinā||

वराह द्वारा ही दुष्ट दैत्य का यह सम्पूर्ण संहार किया गया; उस वराह-मूर्ति द्वारा ही देवता निर्भय किए गए।

श्लोक 62 (skanda.5.52.62)

कृतप्रांजलयः सर्वे देवा इंद्रपुरोगमाः। स्तुतिं कृत्वा महाविष्णोः सततं पुरतः स्थिताः॥

kṛtaprāṁjalayaḥ sarve devā iṁdrapurogamāḥ| stutiṁ kṛtvā mahāviṣṇoḥ satataṁ purataḥ sthitāḥ||

इन्द्र आदि समस्त देवगण हाथ जोड़कर, महाविष्णु की स्तुति करके निरंतर उनके सम्मुख खड़े रहे।

श्लोक 63 (skanda.5.52.63)

देवदेव जगन्नाथ पुण्यश्रवणकीर्तन। किं दानं किं तपः पुण्यं किं तीर्थं का च देवता॥

devadeva jagannātha puṇyaśravaṇakīrtana| kiṁ dānaṁ kiṁ tapaḥ puṇyaṁ kiṁ tīrthaṁ kā ca devatā||

'हे देवदेव, हे जगन्नाथ, जिनका श्रवण और कीर्तन ही पुण्यकारी है—कौन-सा दान, कौन-सा पुण्यमय तप, कौन-सा तीर्थ, कौन-सी देवता,

श्लोक 64 (skanda.5.52.64)

येन पुण्यप्रभावेन पुनः स्वर्गो ह्यवाप्स्यते। एतन्निश्चित्य नो ब्रूहि सर्वं गुह्यतरं विभो॥

yena puṇyaprabhāvena punaḥ svargo hyavāpsyate| etanniścitya no brūhi sarvaṁ guhyataraṁ vibho||

—किस पुण्य के प्रभाव से हम पुनः स्वर्ग प्राप्त कर सकेंगे? हे विभो, यह सब निश्चय करके, चाहे कितना ही गुह्य हो, हमें बताइए।'

श्लोक 65 (skanda.5.52.65)

विष्णुरुवाच। शृणुध्वं भोः सुराः सर्वे युष्माकं सिद्धिकारणम्। गुह्याद्गुह्यतरं पुण्यं महाकालवनं शुभम्॥

viṣṇuruvāca| śṛṇudhvaṁ bhoḥ surāḥ sarve yuṣmākaṁ siddhikāraṇam| guhyādguhyataraṁ puṇyaṁ mahākālavanaṁ śubham||

विष्णु ने कहा—हे देवगण, सुनो तुम्हारी सिद्धि का कारण; गुह्य से भी अधिक गुह्य, पुण्यमय, मंगल महाकालवन है।

श्लोक 66 (skanda.5.52.66)

मम देहोद्भवा शिप्रा यत्र लीना पयस्विनी। नीलगंगा सरिच्छ्रेष्ठा यत्र प्राची सरस्वती॥

mama dehodbhavā śiprā yatra līnā payasvinī| nīlagaṁgā saricchreṣṭhā yatra prācī sarasvatī||

वहाँ मेरे ही शरीर से उत्पन्न, दूध जैसे जल वाली शिप्रा लीन है; वहीं सरिताओं में श्रेष्ठ नीलगंगा है, वहीं पूर्वमुखी सरस्वती है।

श्लोक 67 (skanda.5.52.67)

पुष्करं च गयातीर्थं पुरुषोत्तमसरः शुभम्। तत्रैव गच्छत क्षिप्र पुनर्लोकानवाप्स्यथ॥

puṣkaraṁ ca gayātīrthaṁ puruṣottamasaraḥ śubham| tatraiva gacchata kṣipra punarlokānavāpsyatha||

वहीं पुष्कर और गया-तीर्थ हैं, वहीं मंगलमय पुरुषोत्तम-सरोवर है; वहीं शीघ्र जाओ, तुम पुनः अपने लोकों को प्राप्त कर लोगे।

श्लोक 68 (skanda.5.52.68)

इति श्रुत्वा परं वाक्यं देवदेवजगद्गुरोः। तत्र देवगणाः सर्वे ब्रह्मशक्रपुरोगमाः॥

iti śrutvā paraṁ vākyaṁ devadevajagadguroḥ| tatra devagaṇāḥ sarve brahmaśakrapurogamāḥ||

देवदेव जगद्गुरु का यह श्रेष्ठ वचन सुनकर, ब्रह्मा और इन्द्र के नेतृत्व में समस्त देवगण वहाँ गए,

श्लोक 69 (skanda.5.52.69)

महाकालवने रम्ये यत्र शिप्रा सरिद्वरा। स्नानदानादिकं कृत्वा श्राद्धं कृत्वा यथोचितम्॥

mahākālavane ramye yatra śiprā saridvarā| snānadānādikaṁ kṛtvā śrāddhaṁ kṛtvā yathocitam||

उस रमणीय महाकालवन में, जहाँ श्रेष्ठ शिप्रा नदी है; वहाँ स्नान-दान आदि करके तथा यथोचित श्राद्ध करके,

श्लोक 70 (skanda.5.52.70)

तेन पुण्यप्रभावेन स्वकाँल्लोकान्गताः सुराः। एवं व्यास समाख्याता शिप्रा वै लोकपावनी॥

tena puṇyaprabhāvena svakā~llokāngatāḥ surāḥ| evaṁ vyāsa samākhyātā śiprā vai lokapāvanī||

उसी पुण्य के प्रभाव से देवता अपने-अपने लोकों को चले गए। हे व्यास, इस प्रकार शिप्रा को लोकपावनी बताया गया है,

श्लोक 71 (skanda.5.52.71)

जातं सरो वराहस्य विष्णोरतुलतेजसः। यस्य दर्शनमात्रेण ब्रह्महत्यां व्यपोहति॥

jātaṁ saro varāhasya viṣṇoratulatejasaḥ| yasya darśanamātreṇa brahmahatyāṁ vyapohati||

तथा अतुल तेजस्वी विष्णु के वराह-रूप से उत्पन्न वह सरोवर भी, जिसके दर्शन मात्र से ब्रह्महत्या का पाप भी दूर हो जाता है।

श्लोक 72 (skanda.5.52.72)

अत्र स्नात्वा पयः पीत्वा श्राद्धं कृत्वा यथोचितम्। पयस्विनीं च गां दत्त्वा विष्णुलोके महीयते॥

atra snātvā payaḥ pītvā śrāddhaṁ kṛtvā yathocitam| payasvinīṁ ca gāṁ dattvā viṣṇuloke mahīyate||

यहाँ स्नान करके, जल पीकर, यथोचित श्राद्ध करके, तथा दुधारू गाय का दान देकर मनुष्य विष्णुलोक में पूजित होता है।