सुन्दरकुण्ड-पिशाचमोचन तीर्थ माहात्म्य वर्णन

श्लोक 1 (skanda.5.53.1)

सनत्कुमार उवाच। पृथिव्यां यानि तीर्थानि तानि सर्वाणि सुव्रत। अवंत्यां सुन्दरे तीर्थे तिष्ठंति सर्वदा भुवि॥

sanatkumāra uvāca| pṛthivyāṁ yāni tīrthāni tāni sarvāṇi suvrata| avaṁtyāṁ sundare tīrthe tiṣṭhaṁti sarvadā bhuvi||

सनत्कुमार ने कहा—हे सुव्रत, पृथ्वी पर जितने भी तीर्थ हैं, वे सभी अवन्ती के सुन्दर तीर्थ में सदा इस पृथ्वी पर विद्यमान रहते हैं।

श्लोक 2 (skanda.5.53.2)

व्यास उवाच। किमिदं सुन्दरं कुण्डं कदाकालेऽभवत्क्षितौ। निर्मितं केन को देवः किं वा तस्य फलं स्मृतम्॥

vyāsa uvāca| kimidaṁ sundaraṁ kuṇḍaṁ kadākāle'bhavatkṣitau| nirmitaṁ kena ko devaḥ kiṁ vā tasya phalaṁ smṛtam||

व्यास ने कहा—यह सुन्दर कुंड क्या है, किस काल में यह पृथ्वी पर उत्पन्न हुआ? किसने इसे बनाया, कौन-सा देव है, तथा इसका क्या फल कहा गया है?

श्लोक 3 (skanda.5.53.3)

सनत्कुमार उवाच। शृणु पुण्यतमे क्षेत्रे सुन्दराख्यं यदाऽभवत्। सर्वपापप्रशमनं वांछितार्थफलप्रदम्॥

sanatkumāra uvāca| śṛṇu puṇyatame kṣetre sundarākhyaṁ yadā'bhavat| sarvapāpapraśamanaṁ vāṁchitārthaphalapradam||

सनत्कुमार ने कहा—सुनो, उस परम पुण्यमय क्षेत्र में सुन्दर नामक कुंड कैसे उत्पन्न हुआ, जो समस्त पापों को शांत करने वाला तथा अभीष्ट फल देने वाला है,

श्लोक 4 (skanda.5.53.4)

यस्य श्रवणमात्रेण ब्रह्महत्या व्यपोहति। अश्वमेधादिकं पुण्यं वाजपेयशताधिकम्॥

yasya śravaṇamātreṇa brahmahatyā vyapohati| aśvamedhādikaṁ puṇyaṁ vājapeyaśatādhikam||

जिसके श्रवण मात्र से ब्रह्महत्या का पाप भी दूर हो जाता है, तथा अश्वमेध आदि का पुण्य और सौ से अधिक वाजपेय यज्ञों का फल प्राप्त होता है।

श्लोक 5 (skanda.5.53.5)

पुरा कल्पक्षये व्यास नष्टकल्पा च मेदिनी। प्रचण्डवातवर्षाभ्यां चूर्णितो मेरुपर्वतः॥

purā kalpakṣaye vyāsa naṣṭakalpā ca medinī| pracaṇḍavātavarṣābhyāṁ cūrṇito meruparvataḥ||

हे व्यास, पूर्वकाल में कल्प के अंत में, कल्प के नष्ट हो जाने पर, प्रचंड वायु और वर्षा से मेरु पर्वत चूर्ण-चूर्ण हो गया।

श्लोक 6 (skanda.5.53.6)

तदात्र पतितं व्यास वैकुण्ठशिखरोत्तमम्। महाकालवने घोरे गुह्ये चाव्ययके ध्रुवे॥

tadātra patitaṁ vyāsa vaikuṇṭhaśikharottamam| mahākālavane ghore guhye cāvyayake dhruve||

हे व्यास, तब वैकुण्ठ का उत्तम शिखर उस घोर, गुह्य, अविनाशी, ध्रुव महाकालवन में यहीं आ गिरा।

श्लोक 7 (skanda.5.53.7)

तत्क्षणात्पतिते शृंगे कुण्डं जातं सुनिश्चितम्। रत्नसोपानमच्छोदं मुक्तासैकतपूरितम्॥

tatkṣaṇātpatite śṛṁge kuṇḍaṁ jātaṁ suniścitam| ratnasopānamacchodaṁ muktāsaikatapūritam||

उस शिखर के गिरते ही उसी क्षण एक कुंड निश्चित रूप से प्रकट हुआ, जिसकी सीढ़ियाँ रत्नों की, जल स्वच्छ, तथा मोतियों के बालू से भरा हुआ था।

श्लोक 8 (skanda.5.53.8)

जांबूनदकरारोहं हेमपद्मविराजितम्। कल्पद्रुमकृतच्छायं चिंतामणिसमुच्छ्रितम्॥

jāṁbūnadakarārohaṁ hemapadmavirājitam| kalpadrumakṛtacchāyaṁ ciṁtāmaṇisamucchritam||

जिसके तट स्वर्ण के थे, जो स्वर्ण-कमलों से सुशोभित था, कल्पवृक्षों की छाया से युक्त, चिंतामणि से उन्नत।

श्लोक 9 (skanda.5.53.9)

हंसकारंडवाकीर्णं चक्रवाकोपशोभितम्। बीजौषधिगणाकीर्णं सर्वतत्त्वाभिसंयुतम्॥

haṁsakāraṁḍavākīrṇaṁ cakravākopaśobhitam| bījauṣadhigaṇākīrṇaṁ sarvatattvābhisaṁyutam||

हंस-कारंडवों से भरा, चक्रवाक पक्षियों से सुशोभित, बीज और औषधियों से परिपूर्ण, समस्त तत्त्वों से युक्त था।

श्लोक 10 (skanda.5.53.10)

कल्पक्षये न क्षीयंते यानि तत्त्वानि सर्वशः। तानि तत्र प्रतिष्ठंति मूर्तिमंति पराणि च॥

kalpakṣaye na kṣīyaṁte yāni tattvāni sarvaśaḥ| tāni tatra pratiṣṭhaṁti mūrtimaṁti parāṇi ca||

जो तत्त्व कल्प के क्षय होने पर भी सर्वथा नष्ट नहीं होते, वे सभी परम तत्त्व वहाँ मूर्तिमान होकर प्रतिष्ठित हैं।

श्लोक 11 (skanda.5.53.11)

वेदशास्त्रपुराणानि गाथागीतिक्षराक्षराः। ॐकारश्च वषट्कारो गायत्री त्रिपदा परा॥

vedaśāstrapurāṇāni gāthāgītikṣarākṣarāḥ| oṁkāraśca vaṣaṭkāro gāyatrī tripadā parā||

वेद, शास्त्र, पुराण, गाथाएँ, गीत, क्षर-अक्षर, ॐकार, वषट्कार, तथा परम त्रिपदा गायत्री—

श्लोक 12 (skanda.5.53.12)

कलाः काष्ठा मुहूर्ताश्च लवत्रुटिपलं घटिः। अहर्निशश्च यामाश्च पक्षमासावृतुस्तथा॥

kalāḥ kāṣṭhā muhūrtāśca lavatruṭipalaṁ ghaṭiḥ| aharniśaśca yāmāśca pakṣamāsāvṛtustathā||

कला, काष्ठा, मुहूर्त, लव, त्रुटि, पल, घटी, दिन-रात, प्रहर, पक्ष, मास, तथा ऋतु—

श्लोक 13 (skanda.5.53.13)

संवत्सरयुगाश्चैव कुण्डे तिष्ठंति मूर्तितः। देवा यक्षाश्च नागाश्च गुह्यकाः किन्नरास्तथा॥

saṁvatsarayugāścaiva kuṇḍe tiṣṭhaṁti mūrtitaḥ| devā yakṣāśca nāgāśca guhyakāḥ kinnarāstathā||

संवत्सर और युग—ये सब उस कुंड में मूर्तिमान होकर स्थित रहते हैं; देव, यक्ष, नाग, गुह्यक तथा किन्नर भी,

श्लोक 14 (skanda.5.53.14)

गंधर्वाप्सरसो यक्षाः सिद्धाः किंपुरुषास्तथा। उपासांचक्रिरे तस्य कल्पदोषभयातुराः॥

gaṁdharvāpsaraso yakṣāḥ siddhāḥ kiṁpuruṣāstathā| upāsāṁcakrire tasya kalpadoṣabhayāturāḥ||

गंधर्व, अप्सराएँ, यक्ष, सिद्ध तथा किंपुरुष—कल्प-दोष के भय से व्याकुल होकर वे सब उसकी उपासना करने लगे।

श्लोक 15 (skanda.5.53.15)

ब्रह्मा रुद्रश्च कालश्च लोकपाला महौजसः। केचिद्ध्यानपराः सिद्धास्तापसाः शंसितव्रताः॥

brahmā rudraśca kālaśca lokapālā mahaujasaḥ| keciddhyānaparāḥ siddhāstāpasāḥ śaṁsitavratāḥ||

ब्रह्मा, रुद्र, काल तथा महातेजस्वी लोकपाल—कुछ तो ध्यानरत हो गए, कुछ सिद्ध, कुछ दृढ़-व्रती तपस्वी भी वहीं,

श्लोक 16 (skanda.5.53.16)

तिष्ठंति बहुयुग व्यास यावत्कल्पः समाप्यते। सुदर्शनसमाकारं पूरितं चामृतांबुभिः॥

tiṣṭhaṁti bahuyuga vyāsa yāvatkalpaḥ samāpyate| sudarśanasamākāraṁ pūritaṁ cāmṛtāṁbubhiḥ||

हे व्यास, अनेक युगों तक वहाँ स्थित रहते हैं, जब तक कल्प समाप्त नहीं होता। वह कुंड देखने में सुंदर, अमृत-जल से भरा हुआ था,

श्लोक 17 (skanda.5.53.17)

दिव्यपादपसंयुक्तं पारिजातगुणान्वितम्। दिव्यस्त्रीस्नानगंधोदैर्वासितोद्गारिसौरभम्॥

divyapādapasaṁyuktaṁ pārijātaguṇānvitam| divyastrīsnānagaṁdhodairvāsitodgārisaurabham||

दिव्य वृक्षों से युक्त, पारिजात के गुणों से संपन्न, दिव्य स्त्रियों के स्नान से सुगंधित जल की महक से वासित था।

श्लोक 18 (skanda.5.53.18)

क्वचिन्मयूरा नृत्यंति क्वचित्कूजंति कोकिलाः। क्वचित्केकारवाः क्वापि मेघघोषसमाकुलम्॥

kvacinmayūrā nṛtyaṁti kvacitkūjaṁti kokilāḥ| kvacitkekāravāḥ kvāpi meghaghoṣasamākulam||

कहीं मोर नृत्य करते थे, कहीं कोयलें कूजती थीं; कहीं मोरों की केका सुनाई देती, कहीं मेघ-गर्जना से भरा वातावरण था।

श्लोक 19 (skanda.5.53.19)

सुन्दरं सुन्दराकारं सुन्दरं तेन चोच्यते। बहुपुण्यकरं व्यास सर्वपापहरं परम्॥

sundaraṁ sundarākāraṁ sundaraṁ tena cocyate| bahupuṇyakaraṁ vyāsa sarvapāpaharaṁ param||

वह सुंदर, सुंदर आकार वाला था, इसीलिए 'सुन्दर' कहलाया; हे व्यास, वह अत्यंत पुण्यकारी तथा समस्त पापों का सर्वोत्तम विनाशक है,

श्लोक 20 (skanda.5.53.20)

यत्र संनिहितो विष्णुः शिवः शक्त्या युतो वशी। उपासांचक्रिरे शश्वत्सर्वकालेषु सर्वदा॥

yatra saṁnihito viṣṇuḥ śivaḥ śaktyā yuto vaśī| upāsāṁcakrire śaśvatsarvakāleṣu sarvadā||

जहाँ विष्णु सदा उपस्थित रहते हैं, तथा शक्ति सहित संयमी शिव भी; इसकी सदा, सभी कालों में सर्वदा उपासना की जाती रही है।

श्लोक 21 (skanda.5.53.21)

पक्षार्धं पक्षमेकं च सुन्दरकुण्डे नरो वसेत्। वैकुण्ठे नियतं वासो यावत्कल्पशतं भवेत्॥

pakṣārdhaṁ pakṣamekaṁ ca sundarakuṇḍe naro vaset| vaikuṇṭhe niyataṁ vāso yāvatkalpaśataṁ bhavet||

यदि कोई मनुष्य सुन्दरकुंड में आधा पक्ष अथवा एक पूरा पक्ष निवास करे, तो सौ कल्पों तक उसका वैकुण्ठ में निश्चित निवास होता है।

श्लोक 22 (skanda.5.53.22)

पक्षिकीटपतंगाश्च मृता यांति शिवालयम्। किं पुनर्मानवा लोके स्नानपूताश्च तत्र वै॥

pakṣikīṭapataṁgāśca mṛtā yāṁti śivālayam| kiṁ punarmānavā loke snānapūtāśca tatra vai||

पक्षी, कीट और पतंग भी मरकर शिवलोक को जाते हैं; फिर संसार में स्नान से पवित्र हुए मनुष्यों की तो बात ही क्या।

श्लोक 23 (skanda.5.53.23)

ये ददति तिलान्धेनुं गजवाजिरथावनीः। दासीर्दासान्सुवर्णं च रत्नानि विविधानि च॥

ye dadati tilāndhenuṁ gajavājirathāvanīḥ| dāsīrdāsānsuvarṇaṁ ca ratnāni vividhāni ca||

जो लोग वहाँ तिल, गौ, हाथी, घोड़ा, रथ, भूमि, दासी, दास, स्वर्ण तथा नाना रत्नों का दान करते हैं,

श्लोक 24 (skanda.5.53.24)

शय्यादानविमानानि दानानि विविधानि च। न तेषां दानजं वेद्मि कीदृग्व्यास फलं भवेत्॥

śayyādānavimānāni dānāni vividhāni ca| na teṣāṁ dānajaṁ vedmi kīdṛgvyāsa phalaṁ bhavet||

शय्या-दान, विमान तथा नाना प्रकार के अन्य दान भी करते हैं—हे व्यास, उनके इस दान का कैसा फल होता है, यह मैं भी नहीं जानता।

श्लोक 25 (skanda.5.53.25)

भूयः शृणु परं व्यास सुन्दरकुण्डफलं स्मृतम्। एकदा बहुपापेन पतितः पापयोनिषु॥

bhūyaḥ śṛṇu paraṁ vyāsa sundarakuṇḍaphalaṁ smṛtam| ekadā bahupāpena patitaḥ pāpayoniṣu||

हे व्यास, सुन्दरकुंड का स्मरणीय परम फल पुनः सुनो। एक बार महापाप के कारण पापयोनियों में पड़ा हुआ,

श्लोक 26 (skanda.5.53.26)

पिशाचो मोक्षमापन्नः शिवरूपधरो गतः। पिशाचमोचने स्नात्वा दृष्ट्वा देवं महेश्वरम्॥

piśāco mokṣamāpannaḥ śivarūpadharo gataḥ| piśācamocane snātvā dṛṣṭvā devaṁ maheśvaram||

एक पिशाच मोक्ष को प्राप्त होकर शिव-रूप धारण करके चला गया; पिशाचमोचन में स्नान करके तथा देव महेश्वर का दर्शन करके,

श्लोक 27 (skanda.5.53.27)

मुच्यते सर्वपापेभ्यो यद्यपि ब्रह्महा भवेत्॥

mucyate sarvapāpebhyo yadyapi brahmahā bhavet||

मनुष्य समस्त पापों से मुक्त हो जाता है, भले ही वह ब्रह्महत्या का पापी क्यों न हो।

श्लोक 28 (skanda.5.53.28)

व्यास उवाच। कोऽसौ पिशाच इति ख्यातः किं तेन दुष्कृतं कृतम्। येन पापप्रसंगेन पिशाचत्वमुपागतः॥

vyāsa uvāca| ko'sau piśāca iti khyātaḥ kiṁ tena duṣkṛtaṁ kṛtam| yena pāpaprasaṁgena piśācatvamupāgataḥ||

व्यास ने कहा—वह पिशाच नाम से विख्यात कौन था? उसने कौन-सा दुष्कर्म किया था, जिस पाप के प्रसंग से वह पिशाचत्व को प्राप्त हुआ?

श्लोक 29 (skanda.5.53.29)

कथं तीर्थप्रसंगोऽस्य जातो वै द्विजसत्तम। एतद्वेदितुमिच्छामि त्वत्तो ब्रह्मविदांवर॥

kathaṁ tīrthaprasaṁgo'sya jāto vai dvijasattama| etadveditumicchāmi tvatto brahmavidāṁvara||

हे द्विजसत्तम, उसका इस तीर्थ से संबंध कैसे हुआ? हे ब्रह्मवेत्ताओं में श्रेष्ठ, मैं यह आपसे जानना चाहता हूँ।

श्लोक 30 (skanda.5.53.30)

सनत्कुमार उवाच। शृणु व्यास महाख्यानं तीर्थमाहात्म्यमुत्तमम्। यस्य श्रवणमात्रेण सर्वपापक्षयो भवेत्॥

sanatkumāra uvāca| śṛṇu vyāsa mahākhyānaṁ tīrthamāhātmyamuttamam| yasya śravaṇamātreṇa sarvapāpakṣayo bhavet||

सनत्कुमार ने कहा—हे व्यास, इस तीर्थ के उत्तम माहात्म्य की महान कथा सुनो, जिसके श्रवण मात्र से समस्त पापों का क्षय हो जाता है।

श्लोक 31 (skanda.5.53.31)

ब्राह्मणो देवलो नाम दाक्षिणात्यो द्विजाधमः। सदा पापरतो लोभी कूटसाक्षी च लंपटः॥

brāhmaṇo devalo nāma dākṣiṇātyo dvijādhamaḥ| sadā pāparato lobhī kūṭasākṣī ca laṁpaṭaḥ||

देवल नामक एक दाक्षिणात्य ब्राह्मण था, जो द्विजों में अधम, सदा पाप में रत, लोभी, झूठा साक्षी देने वाला तथा व्यभिचारी था।

श्लोक 32 (skanda.5.53.32)

गुरुद्रोही कितवो धूर्तो गुरुहा गुरुतल्पगः। हेमहारी सुरापी च ब्रह्महा स्वामिद्रोहकः॥

gurudrohī kitavo dhūrto guruhā gurutalpagaḥ| hemahārī surāpī ca brahmahā svāmidrohakaḥ||

वह गुरुद्रोही, जुआरी, धूर्त, गुरु का घातक, गुरु-पत्नीगामी, स्वर्ण-चोर, मद्यपायी, ब्रह्महत्यारा तथा स्वामी का द्रोही था।

श्लोक 33 (skanda.5.53.33)

अभक्ष्यभक्षकश्चैव वेदशास्त्रविवर्जितः। अनेकजन्मार्जितपापी सर्वधर्मबहिष्कृतः॥

abhakṣyabhakṣakaścaiva vedaśāstravivarjitaḥ| anekajanmārjitapāpī sarvadharmabahiṣkṛtaḥ||

वह अखाद्य भक्षण करने वाला, वेद-शास्त्र से रहित, अनेक जन्मों से अर्जित पापी तथा समस्त धर्म से बहिष्कृत था।

श्लोक 34 (skanda.5.53.34)

विश्वासघातको मानी चोरसंगरतः खलः। देशांतरगतो मंदश्चौरकार्यार्थसाधकः॥

viśvāsaghātako mānī corasaṁgarataḥ khalaḥ| deśāṁtaragato maṁdaścaurakāryārthasādhakaḥ||

विश्वासघाती, अभिमानी, चोरों की संगति में रमने वाला वह दुष्ट, दूसरे देश जाकर चोरी के कार्य सिद्ध करने वाला मंदबुद्धि था।

श्लोक 35 (skanda.5.53.35)

बहवो निहता मार्गे पापाचारेण जंतवः। मगधे स गतो दुष्टः प्रसंगात्पापकारिणाम्॥

bahavo nihatā mārge pāpācāreṇa jaṁtavaḥ| magadhe sa gato duṣṭaḥ prasaṁgātpāpakāriṇām||

उसने पापाचार से मार्ग में अनेक प्राणियों को मार डाला; वह दुष्ट पापकारियों की संगति में मगध देश गया।

श्लोक 36 (skanda.5.53.36)

तत्रैको ब्राह्मणो दांतो वेदवेदांगपारगः। साग्निकः शुद्धसत्त्वस्थो ब्रह्मकर्मरतः सदा॥

tatraiko brāhmaṇo dāṁto vedavedāṁgapāragaḥ| sāgnikaḥ śuddhasattvastho brahmakarmarataḥ sadā||

वहाँ एक संयमी ब्राह्मण था, जो वेद-वेदांगों में पारंगत, अग्निहोत्री, शुद्ध सत्त्व में स्थित, तथा सदा ब्राह्मण-कर्म में रत रहता था।

श्लोक 37 (skanda.5.53.37)

श्वशुरगृहे स्थिता भार्या तामादाय यशस्विनीम्। चलितो यानमारुह्य तेन पापेन घातितः॥

śvaśuragṛhe sthitā bhāryā tāmādāya yaśasvinīm| calito yānamāruhya tena pāpena ghātitaḥ||

उसकी यशस्विनी पत्नी अपने पिता के घर रह रही थी; उसे साथ लेकर वह वाहन पर सवार होकर चल पड़ा, किंतु उस पापी द्वारा मार डाला गया।

श्लोक 38 (skanda.5.53.38)

तस्य स्त्री च वरारोहा रूपलावण्यशालिनी। पतिव्रता महाभागा दृढचित्ता शुचिस्मिता॥

tasya strī ca varārohā rūpalāvaṇyaśālinī| pativratā mahābhāgā dṛḍhacittā śucismitā||

उसकी सुंदर, रूप-लावण्य से सुशोभित, पतिव्रता, महाभाग, दृढ़चित्त तथा पवित्र मुस्कान वाली पत्नी,

श्लोक 39 (skanda.5.53.39)

हते भर्तरि दुःखार्ता पतिविरहकातरा। वने घोरे परिभ्रष्टा काष्ठान्यादाय भामिनी॥

hate bhartari duḥkhārtā pativirahakātarā| vane ghore paribhraṣṭā kāṣṭhānyādāya bhāminī||

पति के मारे जाने पर दुःखार्त और पति-वियोग से व्याकुल होकर, उस भयंकर वन में असहाय होकर काष्ठ एकत्र करके,

श्लोक 40 (skanda.5.53.40)

आरुरोह चितां दीप्तां पतिना हृष्टमानसा। स च दुष्टतरः सर्वं तस्य विप्रस्य जीवनम्॥

āruroha citāṁ dīptāṁ patinā hṛṣṭamānasā| sa ca duṣṭataraḥ sarvaṁ tasya viprasya jīvanam||

प्रसन्न मन से अपने पति के साथ जलती चिता पर चढ़ गई। और वह अत्यंत दुष्ट उस ब्राह्मण के सम्पूर्ण धन को,

श्लोक 41 (skanda.5.53.41)

गृहीत्वा चलितो मार्गे गृहीतो राजकिंकरैः। बंधयित्वा च तैः सर्वैस्तेन वित्तेन वै सह। नीतोऽसौ राजभवनं निवेदितो राजसंनिधौ॥

gṛhītvā calito mārge gṛhīto rājakiṁkaraiḥ| baṁdhayitvā ca taiḥ sarvaistena vittena vai saha| nīto'sau rājabhavanaṁ nivedito rājasaṁnidhau||

लेकर मार्ग में चल पड़ा, किंतु राजा के सेवकों द्वारा पकड़ लिया गया। उन सबने उसे उस धन सहित बाँधकर राजभवन ले जाकर राजा के समक्ष प्रस्तुत किया।

श्लोक 42 (skanda.5.53.42)

पातितो वै गले बद्ध्वा रज्जुना वृक्षकोटरे। चांडालैर्घृष्टितो भूमावितस्ततः श्वपाकिभिः॥

pātito vai gale baddhvā rajjunā vṛkṣakoṭare| cāṁḍālairghṛṣṭito bhūmāvitastataḥ śvapākibhiḥ||

उसे गले में रस्सी बाँधकर एक वृक्ष के कोटर में लटका दिया गया; चांडालों तथा श्वपाकों द्वारा भूमि पर इधर-उधर घसीटा गया।

श्लोक 43 (skanda.5.53.43)

तेन कर्मविपाकेन रौरवं नरकं गतः। षष्टिवर्षसहस्राणि विष्ठायां कृमितां गतः॥

tena karmavipākena rauravaṁ narakaṁ gataḥ| ṣaṣṭivarṣasahasrāṇi viṣṭhāyāṁ kṛmitāṁ gataḥ||

उसी कर्म के परिपाक से वह रौरव नरक को गया; साठ हजार वर्षों तक वह विष्ठा में कीड़ा बनकर रहा।

श्लोक 44 (skanda.5.53.44)

ततोऽन्यं नरकं प्राप्तो यमशासनकारकैः। असिपत्रवनं घोरमायसं तप्तसायकम्॥

tato'nyaṁ narakaṁ prāpto yamaśāsanakārakaiḥ| asipatravanaṁ ghoramāyasaṁ taptasāyakam||

फिर यम के आज्ञाकारियों द्वारा उसे एक अन्य नरक प्राप्त हुआ—लोहे का, तपे हुए बाणों वाला भयंकर असिपत्रवन।

श्लोक 45 (skanda.5.53.45)

मुद्गरैस्ताड्यमानो हि शृंखलाभिश्च किंकरैः। कुंभीपाकगतौ रौति वैतरण्यां सुपीडितः॥

mudgaraistāḍyamāno hi śṛṁkhalābhiśca kiṁkaraiḥ| kuṁbhīpākagatau rauti vaitaraṇyāṁ supīḍitaḥ||

मुद्गरों और शृंखलाओं से यमदूतों द्वारा पीटा जाता हुआ, वह कुम्भीपाक में पहुँचकर चिल्लाता था, तथा वैतरणी में अत्यंत पीड़ित हुआ।

श्लोक 46 (skanda.5.53.46)

एवं बहुविधान्कुण्डान्भुक्त्वा पापी नवान्नवान्। ततः प्रेतत्वमापन्नो युगानां पंचसप्ततिम्॥

evaṁ bahuvidhānkuṇḍānbhuktvā pāpī navānnavān| tataḥ pretatvamāpanno yugānāṁ paṁcasaptatim||

इस प्रकार वह पापी एक के बाद एक अनेक प्रकार के नरक-कुंडों को भोगकर, फिर पचहत्तर युगों तक प्रेत-योनि को प्राप्त हुआ।

श्लोक 47 (skanda.5.53.47)

महाकायो महारावो महोदरः सूचीमुखः। क्षुत्तृड्भ्यां च पराक्रांतो मरुदेशं समाश्रितः॥

mahākāyo mahārāvo mahodaraḥ sūcīmukhaḥ| kṣuttṛḍbhyāṁ ca parākrāṁto marudeśaṁ samāśritaḥ||

विशाल शरीर वाला, भयंकर चीत्कार करने वाला, बड़े पेट वाला, सुई के समान मुख वाला, भूख-प्यास से पीड़ित वह मरुभूमि में जा बसा।

श्लोक 48 (skanda.5.53.48)

ततः कष्टतरां प्राप्य पैशाचीं तनुमाश्रितः। कुटिलो दुष्टभावश्च दुष्टचारी दिगंबरः॥

tataḥ kaṣṭatarāṁ prāpya paiśācīṁ tanumāśritaḥ| kuṭilo duṣṭabhāvaśca duṣṭacārī digaṁbaraḥ||

फिर और भी कष्टकर पिशाच-देह को प्राप्त करके, कुटिल, दुष्ट-स्वभावी, दुराचारी, दिगंबर होकर,

श्लोक 49 (skanda.5.53.49)

विण्मूत्रदूषितोच्छिष्टपूतिपर्युष्टभोजनः। श्मशानोच्छिष्टभोजी च कृत्तिवासा विलोचनः॥

viṇmūtradūṣitocchiṣṭapūtiparyuṣṭabhojanaḥ| śmaśānocchiṣṭabhojī ca kṛttivāsā vilocanaḥ||

मल-मूत्र से दूषित, बासी-सड़े-गले एँठे हुए भोजन को खाता था, श्मशान के जूठे भोजन को खाने वाला, चर्म वस्त्र धारण किए, विकृत नेत्रों वाला था।

श्लोक 50 (skanda.5.53.50)

भग्नवापीतडागे च शुष्कवृक्षे निरूदके। प्राकारपरिखागारे शून्यागारे नदीतटे॥

bhagnavāpītaḍāge ca śuṣkavṛkṣe nirūdake| prākāraparikhāgāre śūnyāgāre nadītaṭe||

टूटी बावड़ियों और तालाबों में, सूखे-जलहीन वृक्षों में, किले की खाई के गड्ढों में, वीरान घरों में, नदी-तटों पर—

श्लोक 51 (skanda.5.53.51)

निवासो रोचते तस्य सर्वदा सर्वसंधिषु। एवं बहुयुगे याते महाकालवने गतः॥

nivāso rocate tasya sarvadā sarvasaṁdhiṣu| evaṁ bahuyuge yāte mahākālavane gataḥ||

—ऐसे सभी संधि-स्थानों में उसे सदा निवास प्रिय था। इस प्रकार अनेक युग बीत जाने पर वह महाकालवन में जा पहुँचा,

श्लोक 52 (skanda.5.53.52)

यत्र माहेश्वरं लिंगं सुन्दरं कुंडमुत्तमम्। तत्रोषितत्वमात्रेण सिंहेन विनिपातितः॥

yatra māheśvaraṁ liṁgaṁ sundaraṁ kuṁḍamuttamam| tatroṣitatvamātreṇa siṁhena vinipātitaḥ||

जहाँ माहेश्वर लिंग तथा उत्तम सुन्दर कुंड है; वहाँ रहने मात्र से ही वह एक सिंह द्वारा मार डाला गया।

श्लोक 53 (skanda.5.53.53)

घातयित्वा च तं पापं जलार्थी कुंडमाविशत्। दंष्ट्रांतरगतं चास्थ्यपतत्तस्य मुखाज्जले॥

ghātayitvā ca taṁ pāpaṁ jalārthī kuṁḍamāviśat| daṁṣṭrāṁtaragataṁ cāsthyapatattasya mukhājjale||

उस पापी को मारकर, जल की इच्छा से वह सिंह कुंड में गया; उसकी दाढ़ों के बीच फँसी हुई एक हड्डी उसके मुख से जल में गिर पड़ी।

श्लोक 54 (skanda.5.53.54)

तेन पुण्यप्रभावेन सर्वपापं क्षयं गतम्। मृतमात्रे च लिंगं तन्नेत्रांतरगतं तदा॥

tena puṇyaprabhāvena sarvapāpaṁ kṣayaṁ gatam| mṛtamātre ca liṁgaṁ tannetrāṁtaragataṁ tadā||

उसी पुण्य के प्रभाव से उसका समस्त पाप क्षय को प्राप्त हुआ; और मरते ही वह लिंग उसकी दृष्टि के भीतर आ गया।

श्लोक 55 (skanda.5.53.55)

हित्वा पैशाचकं देहं ज्योतिस्तल्लिंगमाविशत्। तदारभ्य परं व्यास तीर्थं पैशाचमोचनम्॥

hitvā paiśācakaṁ dehaṁ jyotistalliṁgamāviśat| tadārabhya paraṁ vyāsa tīrthaṁ paiśācamocanam||

पिशाच-शरीर को त्यागकर एक ज्योति उस लिंग में प्रविष्ट हो गई। हे व्यास, तभी से यह श्रेष्ठ तीर्थ पिशाचमोचन कहलाया।

श्लोक 56 (skanda.5.53.56)

पिशाचमोचनेशेति देवः ख्यातिं ततो गतः। तावद्गर्जंति पापानि मदोन्मत्तगजा यथा॥

piśācamocaneśeti devaḥ khyātiṁ tato gataḥ| tāvadgarjaṁti pāpāni madonmattagajā yathā||

वह देव तभी से पिशाचमोचनेश नाम से विख्यात हुए। पाप उतने ही समय तक मदोन्मत्त गजों के समान गरजते रहते हैं,

श्लोक 57 (skanda.5.53.57)

यावन्नायाति शिप्रायास्तीर्थे पैशाचमोचने। पिशाचमोचने स्नात्वा शुचिर्भूत्वा समाहितः॥

yāvannāyāti śiprāyāstīrthe paiśācamocane| piśācamocane snātvā śucirbhūtvā samāhitaḥ||

जब तक मनुष्य शिप्रा के पिशाचमोचन तीर्थ में नहीं आता। पिशाचमोचन में स्नान करके, पवित्र होकर, एकाग्रचित्त होकर,

श्लोक 58 (skanda.5.53.58)

पिशाचमोचनं देवं पूजयित्वा यथाविधि। सर्वपापविशुद्धात्मा जायते नात्र संशयः॥

piśācamocanaṁ devaṁ pūjayitvā yathāvidhi| sarvapāpaviśuddhātmā jāyate nātra saṁśayaḥ||

तथा विधिपूर्वक देव पिशाचमोचन की पूजा करके मनुष्य का हृदय समस्त पापों से पूर्णतः शुद्ध हो जाता है, इसमें कोई संदेह नहीं।

श्लोक 59 (skanda.5.53.59)

पिशाचमोचने व्यास महादानानि कारयेत्। न तस्य पुनरावृत्तिः शिवलोकात्कदाचन॥

piśācamocane vyāsa mahādānāni kārayet| na tasya punarāvṛttiḥ śivalokātkadācana||

हे व्यास, पिशाचमोचन में महादान करने चाहिए; ऐसा करने वाले का शिवलोक से कभी भी पुनरागमन नहीं होता।

श्लोक 60 (skanda.5.53.60)

पिशाचमोचनकथां पवित्रां पापहारिणीम्। यः पठेच्छृणुयाच्चैव हयमेधफलं लभेत्॥

piśācamocanakathāṁ pavitrāṁ pāpahāriṇīm| yaḥ paṭhecchṛṇuyāccaiva hayamedhaphalaṁ labhet||

जो इस पवित्र, पापहारिणी पिशाचमोचन-कथा को पढ़ता अथवा सुनता है, वह अश्वमेध यज्ञ का फल प्राप्त करता है।