क्षातासंगम तीर्थ की महिमा

श्लोक 1 (skanda.5.56.1)

सनत्कुमार उवाच। तीर्थमन्यतरं व्यास क्षातासंगमसंभवम्। यत्र तु स्नानमात्रेण महापापैः प्रमुच्यते

sanatkumāra uvāca| tīrthamanyataraṁ vyāsa kṣātāsaṁgamasaṁbhavam| yatra tu snānamātreṇa mahāpāpaiḥ pramucyate

सनत्कुमार बोले — हे व्यास! सुनो, अब मैं एक अन्य तीर्थ के विषय में बताता हूँ जो क्षाता के संगम से उत्पन्न हुआ है, जहाँ केवल स्नान मात्र से मनुष्य महापापों से मुक्त हो जाता है।

श्लोक 2 (skanda.5.56.2)

अमा वै शनिवारेण यदायाति समाहितः। पितॄनुद्दिश्य यः कुर्याच्छ्राद्धं चैव तिलोदकम्

amā vai śanivāreṇa yadāyāti samāhitaḥ| pitṝnuddiśya yaḥ kuryācchrāddhaṁ caiva tilodakam

जब अमावस्या शनिवार के साथ संयोगवश आती है, तब जो कोई पितरों के उद्देश्य से श्राद्ध और तिलोदक करता है...

श्लोक 3 (skanda.5.56.3)

पश्येच्छनैश्चरं देवं स्थावरं लिंगमुत्तमम्। तस्य शानैश्चरी पीडा न भवेत्तु कदाचन

paśyecchanaiścaraṁ devaṁ sthāvaraṁ liṁgamuttamam| tasya śānaiścarī pīḍā na bhavettu kadācana

...तथा स्थावर लिंग में साक्षात् शनिदेव के दर्शन करता है, उसे शनि की पीड़ा कभी नहीं होती।

श्लोक 4 (skanda.5.56.4)

व्यास उवाच। महातीर्थं समाख्यातं महाकालवने शुभे। भूयस्तु श्रोतुमिच्छामि विस्तरेण तपोधन

vyāsa uvāca| mahātīrthaṁ samākhyātaṁ mahākālavane śubhe| bhūyastu śrotumicchāmi vistareṇa tapodhana

व्यास बोले — हे तपोधन! महाकालवन के इस महातीर्थ का वर्णन आपने किया; अब मैं इसे विस्तार से और सुनना चाहता हूँ।

श्लोक 5 (skanda.5.56.5)

सनत्कुमार उवाच। श्रूयतां भो द्विजश्रेष्ठ कथा पौराणिकी शुभा। यस्याः श्रवणमात्रेण महापापक्षयो भवेत्

sanatkumāra uvāca| śrūyatāṁ bho dvijaśreṣṭha kathā paurāṇikī śubhā| yasyāḥ śravaṇamātreṇa mahāpāpakṣayo bhavet

सनत्कुमार बोले — हे द्विजश्रेष्ठ! सुनो यह पुण्यमयी पौराणिक कथा, जिसके श्रवण मात्र से महापाप का नाश हो जाता है।

श्लोक 6 (skanda.5.56.6)

रेवा चर्मण्वती क्षाता तिस्रो नद्यः पुराऽनघ। जातास्त्रैलोक्यपावन्यो भुवि चामरकंटकात्

revā carmaṇvatī kṣātā tisro nadyaḥ purā'nagha| jātāstrailokyapāvanyo bhuvi cāmarakaṁṭakāt

हे निष्पाप! प्राचीन काल में रेवा, चर्मण्वती और क्षाता — ये तीन नदियाँ अमरकंटक से पृथ्वी पर प्रकट हुईं, तीनों लोकों को पवित्र करने वाली।

श्लोक 7 (skanda.5.56.7)

पुण्याः पुण्यजला रम्याः पवित्राः पापहारकाः। पुनंत्यः सर्वलोकानां स्नानात्पानात्तथापगाः

puṇyāḥ puṇyajalā ramyāḥ pavitrāḥ pāpahārakāḥ| punaṁtyaḥ sarvalokānāṁ snānātpānāttathāpagāḥ

पुण्यमयी, पवित्र जलवाली, रमणीय, पवित्र और पाप हरने वाली — ये नदियाँ स्नान और पान से समस्त लोकों को पवित्र करती हैं।

श्लोक 8 (skanda.5.56.8)

एकदोपवने रम्ये मांधातृक्षेत्र उत्तमे। मिथो रमंति संहृष्टाः परस्परजिगीषया

ekadopavane ramye māṁdhātṛkṣetra uttame| mitho ramaṁti saṁhṛṣṭāḥ parasparajigīṣayā

एक बार माँधाता के उत्तम क्षेत्र में सुंदर उपवन में वे परस्पर हर्षित होकर एक-दूसरे को जीतने की इच्छा से क्रीड़ा करने लगीं।

श्लोक 9 (skanda.5.56.9)

किंचिद्दोषप्रसंगेन मिथो भेदो ह्यजायत। रेवासंगं परित्यक्ता भित्त्वा विंध्यगिरिं वरम्

kiṁciddoṣaprasaṁgena mitho bhedo hyajāyata| revāsaṁgaṁ parityaktā bhittvā viṁdhyagiriṁ varam

किसी छोटे से मतभेद के कारण उनमें परस्पर फूट पड़ गई; तब क्षाता, रेवा का साथ छोड़कर, विंध्य पर्वत को भेदकर...

श्लोक 10 (skanda.5.56.10)

महाकालवने रम्ये समा याता सरिद्वरा। यत्र शिप्रा महापुण्या पुरी ह्येषाऽमरावती

mahākālavane ramye samā yātā saridvarā| yatra śiprā mahāpuṇyā purī hyeṣā'marāvatī

...समान गति से रमणीय महाकालवन में आ गई, जहाँ अत्यंत पुण्यमयी शिप्रा नदी है और यह नगरी मानो साक्षात् अमरावती ही है।

श्लोक 11 (skanda.5.56.11)

सर्वतीर्थवरं श्रेष्ठं नामा रुद्रसरः स्मृतम्। भुक्तिमुक्तिप्रदं नित्यं सिद्धर्षिगणसेवितम्

sarvatīrthavaraṁ śreṣṭhaṁ nāmā rudrasaraḥ smṛtam| bhuktimuktipradaṁ nityaṁ siddharṣigaṇasevitam

वहाँ समस्त तीर्थों में श्रेष्ठ 'रुद्रसर' नामक तीर्थ स्मरण किया जाता है, जो सदा भुक्ति और मुक्ति देने वाला तथा सिद्धों-ऋषियों के समूह से सेवित है।

श्लोक 12 (skanda.5.56.12)

तत्रागत्य पुरा क्षाता शिप्रासंगं समाश्रिता। तत्र तीर्थं परं जातं क्षातासंगमसंज्ञितम्। यत्र धूतरजा जातः सद्यः प्रोक्तो विभावसुः

tatrāgatya purā kṣātā śiprāsaṁgaṁ samāśritā| tatra tīrthaṁ paraṁ jātaṁ kṣātāsaṁgamasaṁjñitam| yatra dhūtarajā jātaḥ sadyaḥ prokto vibhāvasuḥ

प्राचीन काल में क्षाता वहाँ आकर शिप्रा के संगम में समाहित हो गई; वहाँ 'क्षातासंगम' नामक श्रेष्ठ तीर्थ उत्पन्न हुआ, जहाँ कहा जाता है कि सूर्य (विवस्वान्) रज (मलिनता) से मुक्त होकर तत्क्षण विरज हो गये थे।

श्लोक 13 (skanda.5.56.13)

व्यास उवाच। कथं सूर्यस्त्वया प्रोक्तो विरजो ह्यभवत्पुरा। एतद्वेदितुमिच्छामि त्वत्तो ब्रह्मविदां वर

vyāsa uvāca| kathaṁ sūryastvayā prokto virajo hyabhavatpurā| etadveditumicchāmi tvatto brahmavidāṁ vara

व्यास बोले — आपने कैसे कहा कि सूर्य प्राचीन काल में विरज (निर्मल) हो गये थे? हे ब्रह्मवेत्ताओं में श्रेष्ठ! यह मैं आपसे विस्तार से जानना चाहता हूँ।

श्लोक 14 (skanda.5.56.14)

सनत्कुमार उवाच। पुरानुसूर्यां सावित्रीं त्वष्टा स्वतनयां ददौ

sanatkumāra uvāca| purānusūryāṁ sāvitrīṁ tvaṣṭā svatanayāṁ dadau

सनत्कुमार बोले — प्राचीन काल में त्वष्टा ने अपनी पुत्री सावित्री, जो अनुसूर्या (सूर्य के अनुरूप) कहलाती थी, सूर्य को विवाह में दी।

श्लोक 15 (skanda.5.56.15)

पतिधर्मरता नित्यं सिषेवे लोकचक्षुषे। तस्यां वै मिथुनं जज्ञे लोकसाक्षिविभावसोः

patidharmaratā nityaṁ siṣeve lokacakṣuṣe| tasyāṁ vai mithunaṁ jajñe lokasākṣivibhāvasoḥ

सदा पतिधर्म में रत रहकर उसने लोक के नेत्र स्वरूप सूर्य की सेवा की; उससे लोकसाक्षी विवस्वान् को एक युगल संतान उत्पन्न हुई।

श्लोक 16 (skanda.5.56.16)

यमो वैवस्वतो जातो यमुना लोकपावनी। ततस्त्वष्टाऽब्रवीच्छायां स्वकीयां सूनृतां गिरम्

yamo vaivasvato jāto yamunā lokapāvanī| tatastvaṣṭā'bravīcchāyāṁ svakīyāṁ sūnṛtāṁ giram

वैवस्वत यम तथा लोकपावनी यमुना उत्पन्न हुए; तब त्वष्टा ने अपनी छाया से मधुर सत्यवचन कहे।

श्लोक 17 (skanda.5.56.17)

मिथुनं मे तवोत्संगे धृतं त्वं परिपालय। तावदेवमिह च्छाये यावत्पितुर्गृहेचरी

mithunaṁ me tavotsaṁge dhṛtaṁ tvaṁ paripālaya| tāvadevamiha cchāye yāvatpiturgṛhecarī

'यह मेरा युगल, तुम्हारी गोद में सौंपा गया है, इसका पालन करो; तब तक ही, हे छाये! यहाँ रहो, जब तक कि सावित्री अपने पिता के घर में विचरण करती है।'

श्लोक 18 (skanda.5.56.18)

रविभक्तिरता नित्यं चर त्वं मम वेश्मनि। नो वाच्याहं कदा च्छाये पितुर्वेश्मगता रवेः

ravibhaktiratā nityaṁ cara tvaṁ mama veśmani| no vācyāhaṁ kadā cchāye piturveśmagatā raveḥ

'सदा सूर्यभक्ति में रत रहकर तुम मेरे घर में रहो; परंतु हे छाये! सूर्य को यह कभी नहीं बताना कि वह अपने पिता के घर गई है।'

श्लोक 19 (skanda.5.56.19)

एवं सा समयं कृत्वा सावित्री ह्यगमत्तदा। पितुर्वेश्मगता बाला सवितुर्भयविह्वला

evaṁ sā samayaṁ kṛtvā sāvitrī hyagamattadā| piturveśmagatā bālā saviturbhayavihvalā

इस प्रकार वचन देकर सावित्री तब चली गई; भयविह्वल वह बाला अपने पिता के घर पहुँची।

श्लोक 20 (skanda.5.56.20)

पित्रा निवारिता सद्यो वडवारूपधारिणी। विचचार वने रम्ये बहुलोदकशाड्वले

pitrā nivāritā sadyo vaḍavārūpadhāriṇī| vicacāra vane ramye bahulodakaśāḍvale

पिता द्वारा तुरंत रोक दिए जाने पर, वह वडवा (घोड़ी) का रूप धारण कर, जल से भरे रमणीय वन में विचरण करने लगी।

श्लोक 21 (skanda.5.56.21)

एकदा याचिता तेन वैवस्वतेन बुभुक्षता। नोदनं वै तया दत्तं याचमानाय तत्क्षणात्

ekadā yācitā tena vaivasvatena bubhukṣatā| nodanaṁ vai tayā dattaṁ yācamānāya tatkṣaṇāt

एक बार भूख से पीड़ित वैवस्वत (यम) ने उससे भोजन माँगा; परंतु माँगने पर उसने तत्क्षण भोजन नहीं दिया।

श्लोक 22 (skanda.5.56.22)

तदा पदाहता तेन च्छाया तं च शशाप ह। यतस्त्वं मे पदाघातं कृतवान्बालभावनात्

tadā padāhatā tena cchāyā taṁ ca śaśāpa ha| yatastvaṁ me padāghātaṁ kṛtavānbālabhāvanāt

तब उसके द्वारा पैर से मारी गई छाया ने उसे शाप दे दिया — 'चूँकि तुमने बालसुलभ भाव से मुझे पैर से मारा है...'

श्लोक 23 (skanda.5.56.23)

तस्मात्त्वं च पदा खंजो भविष्यसि न संशयः। एवं शप्तो रुजाक्रांतो विललाप शुचार्दितः

tasmāttvaṁ ca padā khaṁjo bhaviṣyasi na saṁśayaḥ| evaṁ śapto rujākrāṁto vilalāpa śucārditaḥ

'...इसलिए तुम निःसंदेह पैर से लंगड़े हो जाओगे।' इस प्रकार शापित होकर वह पीड़ा से आक्रांत, दुःख से व्याकुल होकर विलाप करने लगा।

श्लोक 24 (skanda.5.56.24)

एतस्मिन्नंतरे व्यास परिभूय वसुंधराम्। भावयन्सकलाँल्लोकान्ग्रहचारी विभावसुः

etasminnaṁtare vyāsa paribhūya vasuṁdharām| bhāvayansakalāṁllokāngrahacārī vibhāvasuḥ

इसी बीच, हे व्यास! ग्रहचारी विवस्वान्, समस्त लोकों को प्रकाशित करते हुए वहाँ पहुँचे।

श्लोक 25 (skanda.5.56.25)

दृष्ट्वा च तनयं पंगुमित्युवाच विभावसुः। किमिदं वत्स ते कष्टं कुतः प्राप्तं त्वयाऽनघ

dṛṣṭvā ca tanayaṁ paṁgumityuvāca vibhāvasuḥ| kimidaṁ vatsa te kaṣṭaṁ kutaḥ prāptaṁ tvayā'nagha

पुत्र को लंगड़ा देखकर विवस्वान् बोले — 'हे वत्स! हे निष्पाप! तुम्हें यह कष्ट कैसे और कहाँ से प्राप्त हुआ?'

श्लोक 26 (skanda.5.56.26)

इति पृष्टो यदा तेन सवित्रा लोकभास्वता। उवाच गद्गदां वाचं यमः संयमिनीपतिः

iti pṛṣṭo yadā tena savitrā lokabhāsvatā| uvāca gadgadāṁ vācaṁ yamaḥ saṁyaminīpatiḥ

लोक को प्रकाशित करने वाले सविता द्वारा इस प्रकार पूछे जाने पर, संयमिनी के स्वामी यम ने गद्गद वाणी में कहा।

श्लोक 27 (skanda.5.56.27)

प्रातराशाय मे नाथ याचितं मातुरंतिकात्। नो दत्तं भोजनं क्षिप्रं बालभावेन ताडिता

prātarāśāya me nātha yācitaṁ māturaṁtikāt| no dattaṁ bhojanaṁ kṣipraṁ bālabhāvena tāḍitā

'हे नाथ! मैंने माता से प्रातःकालीन भोजन माँगा था; शीघ्र भोजन न मिलने पर मैंने बालसुलभ भाव से उसे मार दिया।'

श्लोक 28 (skanda.5.56.28)

पादौ मे गलितौ सद्यो मातुः शापपराभवौ। तच्छ्रुत्वा मोहमापन्नो रविर्ध्यानपरायणः

pādau me galitau sadyo mātuḥ śāpaparābhavau| tacchrutvā mohamāpanno ravirdhyānaparāyaṇaḥ

'मेरे दोनों पैर माता के शाप से तत्क्षण गल गये।' यह सुनकर सूर्य मोहग्रस्त हो ध्यानपरायण हो गये।

श्लोक 29 (skanda.5.56.29)

विचित्रमिदमाख्यातं मातुः शापस्य कारणम्। एवं ध्यात्वा चिरं कालं ज्ञातवान्रविरंशुमान्

vicitramidamākhyātaṁ mātuḥ śāpasya kāraṇam| evaṁ dhyātvā ciraṁ kālaṁ jñātavānraviraṁśumān

'माता के शाप का यह कारण तो विचित्र ही बताया गया है' — ऐसा सोचकर, दीर्घकाल तक ध्यान करने पर तेजस्वी सूर्य को सत्य ज्ञात हो गया।

श्लोक 30 (skanda.5.56.30)

नेयं सा रुचिरापांगी त्वाष्ट्री लोकस्य पावनी। केयं वा कुत आयाता कासि त्वं च शुचिस्मिते

neyaṁ sā rucirāpāṁgī tvāṣṭrī lokasya pāvanī| keyaṁ vā kuta āyātā kāsi tvaṁ ca śucismite

'यह वह मनोहर-नेत्रा त्वष्टापुत्री, लोक की पावनी नहीं है। यह कौन है, कहाँ से आई है, हे शुचिस्मिते! तुम कौन हो?'

श्लोक 31 (skanda.5.56.31)

छायोवाच। नानुसूर्या महाराज छाया तस्याः स्वसंभवा। गता वै सा पितुर्गेहे वारिताहं तयाऽनघ

chāyovāca| nānusūryā mahārāja chāyā tasyāḥ svasaṁbhavā| gatā vai sā piturgehe vāritāhaṁ tayā'nagha

छाया बोली — 'हे महाराज! मैं अनुसूर्या नहीं हूँ, मैं उसी की छाया हूँ, उसी से उत्पन्न। वह अपने पिता के घर चली गई है, हे निष्पाप! और मुझे उसने यह बताने से रोका है।'

श्लोक 32 (skanda.5.56.32)

सवित्रे नैव वक्तव्यं छाये किंचित्कथंचन। एष मे समयो नाथ तेनाहं मौनमास्थिता

savitre naiva vaktavyaṁ chāye kiṁcitkathaṁcana| eṣa me samayo nātha tenāhaṁ maunamāsthitā

'सूर्य को कुछ भी किसी प्रकार नहीं कहना है, हे छाये' — यही मेरी प्रतिज्ञा है, हे नाथ! इसीलिए मैंने मौन धारण किया है।

श्लोक 33 (skanda.5.56.33)

तच्छ्रुत्वा भगवांस्त्वष्टुः समीपं रोषमास्थितः। जगाम सहसा भानुर्बहुरोषसमन्वितः

tacchrutvā bhagavāṁstvaṣṭuḥ samīpaṁ roṣamāsthitaḥ| jagāma sahasā bhānurbahuroṣasamanvitaḥ

यह सुनकर भगवान् सूर्य त्वष्टा के समीप अत्यंत क्रोधित होकर तत्काल गए, रोष से भरे हुए।

श्लोक 34 (skanda.5.56.34)

तं दृष्ट्वा सहसोत्थाय त्वष्टा लोकपितामहः। पाद्यार्घ्याचमनीयं च मधुपर्कैरपूजयत्

taṁ dṛṣṭvā sahasotthāya tvaṣṭā lokapitāmahaḥ| pādyārghyācamanīyaṁ ca madhuparkairapūjayat

उन्हें देखकर लोकपितामह त्वष्टा तुरंत उठे और पाद्य, अर्घ्य, आचमनीय तथा मधुपर्क से उनकी पूजा की।

श्लोक 35 (skanda.5.56.35)

नत्वा पादौ परिक्रम्य बहुमानपुरःसरम्। उवाच मधुरया वाचा प्रियं ते करवाम किम्

natvā pādau parikramya bahumānapuraḥsaram| uvāca madhurayā vācā priyaṁ te karavāma kim

चरणों में प्रणाम कर, बड़े सम्मान से प्रदक्षिणा करके, उन्होंने मधुर वाणी में कहा — 'तुम्हारा क्या प्रिय कार्य करूँ?'

श्लोक 36 (skanda.5.56.36)

रविरुवाच। क्व सानुसूर्या सावित्री ममानुप्रियकारिणी। आगता ते गृहं तात मम मार्गानुमोदिनी

raviruvāca| kva sānusūryā sāvitrī mamānupriyakāriṇī| āgatā te gṛhaṁ tāta mama mārgānumodinī

सूर्य बोले — 'वह अनुसूर्या सावित्री, जो सदा मेरे अनुकूल रहती है, कहाँ है? हे तात! क्या वह, जो मेरे मार्ग में सदा अनुमोदन करती है, तुम्हारे घर आई है?'

श्लोक 37 (skanda.5.56.37)

त्वष्टोवाच। न जानीमो वयं तात प्रिया मे क्व गता सुता। इत्युक्ते वचने त्वष्ट्रा रविर्दुश्चिंतमानसः

tvaṣṭovāca| na jānīmo vayaṁ tāta priyā me kva gatā sutā| ityukte vacane tvaṣṭrā ravirduściṁtamānasaḥ

त्वष्टा बोले — 'हे तात! हमें ज्ञात नहीं कि मेरी प्रिय पुत्री कहाँ गई है।' त्वष्टा के यह वचन सुनकर सूर्य का मन अत्यंत चिंतित हो गया।

श्लोक 38 (skanda.5.56.38)

किं करोमि क्व गच्छामि क्व च प्रियतरा मम। इति संभाषमाणे तु त्वष्टा वाक्यमथाब्रवीत्

kiṁ karomi kva gacchāmi kva ca priyatarā mama| iti saṁbhāṣamāṇe tu tvaṣṭā vākyamathābravīt

'मैं क्या करूँ, कहाँ जाऊँ, मेरी अतिप्रिया कहाँ है?' इस प्रकार वार्तालाप करते हुए त्वष्टा ने तब यह वचन कहा।

श्लोक 39 (skanda.5.56.39)

तव तेजः परिभ्रष्टा भग्ना क्वापि गताबला। यदि ते वल्लभा भार्या तेजस्त्वं परिशामय

tava tejaḥ paribhraṣṭā bhagnā kvāpi gatābalā| yadi te vallabhā bhāryā tejastvaṁ pariśāmaya

'तुम्हारे तेज से पीड़ित होकर वह दुर्बला भग्न होकर कहीं चली गई है; यदि वह तुम्हारी प्रिय पत्नी है, तो अपने तेज को कम करो।'

श्लोक 40 (skanda.5.56.40)

सूर्य उवाच। यद्येवं दुस्सहं तेजो मम पूर्वपितामह। तदा ते रोचते सम्यग्यथा स्याद्वै तथा कुरु

sūrya uvāca| yadyevaṁ dussahaṁ tejo mama pūrvapitāmaha| tadā te rocate samyagyathā syādvai tathā kuru

सूर्य बोले — 'हे पूर्वपितामह! यदि मेरा तेज इतना असह्य है, तो जो आपको उचित लगे, वैसा ही करें।'

श्लोक 41 (skanda.5.56.41)

इति सूर्यवचः श्रुत्वा शाणं कृत्वा सुदर्शनम्। घृष्टितः क्षुरधारेण लघीयान्निर्मलोऽभवत्

iti sūryavacaḥ śrutvā śāṇaṁ kṛtvā sudarśanam| ghṛṣṭitaḥ kṣuradhāreṇa laghīyānnirmalo'bhavat

सूर्य के इस वचन को सुनकर त्वष्टा ने उन्हें सुदर्शन नामक शाण पर चढ़ाया; छुरे की धार से घिसे जाने पर वे हल्के और निर्मल हो गए।

श्लोक 42 (skanda.5.56.42)

तस्य घृष्टितमात्रेण त्वष्टा चक्रे विवस्वतः। शाणं सुदर्शनं चक्रं सैकता मणिजातयः

tasya ghṛṣṭitamātreṇa tvaṣṭā cakre vivasvataḥ| śāṇaṁ sudarśanaṁ cakraṁ saikatā maṇijātayaḥ

उनके उस घिसाव मात्र से त्वष्टा ने विवस्वान् का सुदर्शन चक्र बनाया, तथा उसके रज-कणों से विभिन्न प्रकार के रत्न बने।

श्लोक 43 (skanda.5.56.43)

तदा त्वष्टाऽब्रवीद्वाक्यं मधुरं सूर्यसंनिधौ। महाकालवने रम्ये वडवारूपधारिणी

tadā tvaṣṭā'bravīdvākyaṁ madhuraṁ sūryasaṁnidhau| mahākālavane ramye vaḍavārūpadhāriṇī

तब त्वष्टा ने सूर्य के समीप मधुर वचन कहे — 'रमणीय महाकालवन में वह वडवारूपधारिणी है...'

श्लोक 44 (skanda.5.56.44)

गृह्यतां भोः सुरश्रेष्ठ शीघ्रं गच्छतु शाड्वले। यत्र शिप्रा सरिच्छ्रेष्ठा यत्र क्षाता समागता

gṛhyatāṁ bhoḥ suraśreṣṭha śīghraṁ gacchatu śāḍvale| yatra śiprā saricchreṣṭhā yatra kṣātā samāgatā

'...हे सुरश्रेष्ठ! शीघ्र जाकर उस शाड्वल में उसे ग्रहण करो, जहाँ श्रेष्ठ नदी शिप्रा तथा क्षाता का संगम है।'

श्लोक 45 (skanda.5.56.45)

उभयोः संगमो यत्र तत्र मुक्तिर्न संशयः। तत्र तां सुभगां पत्नीं प्राप्स्यसि त्वं न संशयः

ubhayoḥ saṁgamo yatra tatra muktirna saṁśayaḥ| tatra tāṁ subhagāṁ patnīṁ prāpsyasi tvaṁ na saṁśayaḥ

'जहाँ दोनों का संगम है, वहाँ निःसंदेह मुक्ति है; वहीं तुम्हें अपनी वह सौभाग्यशाली पत्नी निःसंदेह प्राप्त होगी।'

श्लोक 46 (skanda.5.56.46)

इति तस्य वचः श्रुत्वा सविता सर्वतापनः। तत्रागमद्वनं यत्र महाकालस्य पावनम्

iti tasya vacaḥ śrutvā savitā sarvatāpanaḥ| tatrāgamadvanaṁ yatra mahākālasya pāvanam

उनके इन वचनों को सुनकर, समस्त लोक को तपाने वाले सविता वहाँ महाकाल के उस पवित्र वन में गए।

श्लोक 47 (skanda.5.56.47)

क्षातासंगमसंयुक्ता यत्र शिप्रा पयस्विनी। तत्र भुक्तिश्च मुक्तिश्च धनधान्यसमागमः

kṣātāsaṁgamasaṁyuktā yatra śiprā payasvinī| tatra bhuktiśca muktiśca dhanadhānyasamāgamaḥ

जहाँ क्षातासंगम से युक्त जलवती शिप्रा बहती है; वहाँ भुक्ति और मुक्ति दोनों प्राप्त होती हैं, साथ ही धन-धान्य की प्राप्ति भी।

श्लोक 48 (skanda.5.56.48)

तत्रागत्य प्रियां भार्यां वडवारूपधारिणीम्। ददर्श तां पुनः श्यामां हरिरूपधरो हरिः

tatrāgatya priyāṁ bhāryāṁ vaḍavārūpadhāriṇīm| dadarśa tāṁ punaḥ śyāmāṁ harirūpadharo hariḥ

वहाँ आकर, हरि-रूप धारण किये हरि (सूर्य) ने वडवारूपधारिणी अपनी प्रिय पत्नी को पुनः श्यामवर्णा रूप में देखा।

श्लोक 49 (skanda.5.56.49)

नासिकाघ्राणमात्रेण यत्र जातौ सुतावुभौ। दर्शनीयौ सुनृम्णांगौ भिषजौ तौ दिवौकसाम्

nāsikāghrāṇamātreṇa yatra jātau sutāvubhau| darśanīyau sunṛmṇāṁgau bhiṣajau tau divaukasām

वहाँ केवल नासिका से सूँघने मात्र से दो पुत्र उत्पन्न हुए, दोनों दर्शनीय, सुंदर अंगों वाले, देवताओं के वैद्य।

श्लोक 50 (skanda.5.56.50)

छाया च सुषुवे तत्र मिथुनं द्विजसत्तम। तापीं शनैश्चरं चैव सर्वलोकप्रतापनम्

chāyā ca suṣuve tatra mithunaṁ dvijasattama| tāpīṁ śanaiścaraṁ caiva sarvalokapratāpanam

छाया ने भी वहाँ, हे द्विजसत्तम! एक युगल को जन्म दिया — नदी तापी तथा समस्त लोकों को संतप्त करने वाले शनैश्चर को।

श्लोक 51 (skanda.5.56.51)

शनियोगे यदामा वै जायते सर्वकामदा। तदा स्नानं च दानं च श्राद्धं चैव तु कारयेत्

śaniyoge yadāmā vai jāyate sarvakāmadā| tadā snānaṁ ca dānaṁ ca śrāddhaṁ caiva tu kārayet

जब अमावस्या शनियोग में आती है, तो वह समस्त कामनाएँ पूर्ण करने वाली हो जाती है; तब स्नान, दान और श्राद्ध अवश्य करना चाहिए।

श्लोक 52 (skanda.5.56.52)

तस्य हस्तगता लक्ष्मीर्जायते सर्वदा भुवि। क्षातासंगमे नरः स्नात्वा दानं दत्त्वा च शक्तितः

tasya hastagatā lakṣmīrjāyate sarvadā bhuvi| kṣātāsaṁgame naraḥ snātvā dānaṁ dattvā ca śaktitaḥ

उसके हाथ में सदा लक्ष्मी विराजमान रहती है; जो मनुष्य क्षातासंगम में स्नान कर, यथाशक्ति दान देकर...

श्लोक 53 (skanda.5.56.53)

स्थावरेशं समभ्यर्च्य तस्य पापक्षयो भवेत्। सौरिः शनैश्चरो मंदः कृष्णोऽनंतोऽन्तको यमः

sthāvareśaṁ samabhyarcya tasya pāpakṣayo bhavet| sauriḥ śanaiścaro maṁdaḥ kṛṣṇo'naṁto'ntako yamaḥ

...स्थावरेश की पूजा करता है, उसके पाप नष्ट हो जाते हैं। सौरि, शनैश्चर, मंद, कृष्ण, अनंत, अंतक, यम...

श्लोक 54 (skanda.5.56.54)

पिंगश्छायासुतो बभ्रुः स्थावरः पिप्पलायनः। एतानि शनिनामानि प्रातःकाले पठेन्नरः

piṁgaśchāyāsuto babhruḥ sthāvaraḥ pippalāyanaḥ| etāni śanināmāni prātaḥkāle paṭhennaraḥ

...पिंग, छायासुत, बभ्रु, स्थावर, पिप्पलायन — ये शनि के नाम प्रातःकाल जो मनुष्य पढ़ता है...

श्लोक 55 (skanda.5.56.55)

तस्य शानैश्चरी पीडा न भवेत्तु कदाचन। यमधर्मोऽपि चात्रैव तपस्तेपे सुदुस्तरम्

tasya śānaiścarī pīḍā na bhavettu kadācana| yamadharmo'pi cātraiva tapastepe sudustaram

...उसे शनि की पीड़ा कभी नहीं होती। यमधर्म ने भी यहीं अत्यंत दुष्कर तपस्या की थी।

श्लोक 56 (skanda.5.56.56)

यज्ञकुण्डोत्तरे भागे यत्र तिष्ठति मारुतिः। धर्मसरेति विख्यातं नाम्ना तत्तीर्थमुत्तमम्

yajñakuṇḍottare bhāge yatra tiṣṭhati mārutiḥ| dharmasareti vikhyātaṁ nāmnā tattīrthamuttamam

यज्ञकुंड के उत्तर भाग में, जहाँ मारुति (हनुमान) विराजमान हैं, वह उत्तम तीर्थ 'धर्मसर' नाम से विख्यात है।

श्लोक 57 (skanda.5.56.57)

यत्र सिद्धिं परां प्राप्तस्तपसा पवनात्मजः। तस्मिंस्तीर्थे नरः स्नात्वा दत्त्वा वै कांस्यभाजनम्

yatra siddhiṁ parāṁ prāptastapasā pavanātmajaḥ| tasmiṁstīrthe naraḥ snātvā dattvā vai kāṁsyabhājanam

जहाँ पवनपुत्र ने तपस्या से परम सिद्धि प्राप्त की। उस तीर्थ में स्नान कर, कांस्य पात्र दान देकर...

श्लोक 58 (skanda.5.56.58)

सवासो मणिमुक्ताभिः कांचनालंकृतं वरम्। ब्राह्मणेभ्यः स्वलंकृत्य वेदविद्भ्यश्च सादरम्

savāso maṇimuktābhiḥ kāṁcanālaṁkṛtaṁ varam| brāhmaṇebhyaḥ svalaṁkṛtya vedavidbhyaśca sādaram

...वस्त्र सहित, मणि-मुक्ता तथा स्वर्ण से अलंकृत श्रेष्ठ पात्र, वेदविद् ब्राह्मणों को सादर सुसज्जित करके अर्पित कर...

श्लोक 59 (skanda.5.56.59)

मातृलोकं समुत्तीर्णो ब्रह्मलोके महीयते। श्रावणे मास्युभे पक्षे एकादश्यां तु यो नरः

mātṛlokaṁ samuttīrṇo brahmaloke mahīyate| śrāvaṇe māsyubhe pakṣe ekādaśyāṁ tu yo naraḥ

...मातृलोक को पार कर मनुष्य ब्रह्मलोक में महिमान्वित होता है। श्रावण मास के दोनों पक्षों की एकादशी को जो मनुष्य...

श्लोक 60 (skanda.5.56.60)

धर्मतीर्थे सदाचारी स्नानदानादिकाः क्रियाः। करोति सततं तस्य विष्णुलोकः सनातनः

dharmatīrthe sadācārī snānadānādikāḥ kriyāḥ| karoti satataṁ tasya viṣṇulokaḥ sanātanaḥ

...धर्मतीर्थ में सदाचारपूर्वक स्नान-दान आदि क्रियाएँ करता है, उसे सदा सनातन विष्णुलोक प्राप्त होता है।

श्लोक 61 (skanda.5.56.61)

च्यवनाश्रमे नरः स्नात्वा च्यवनेश्वरं विलोकयेत्। यत्र सिद्धिं गतौ पुण्यावश्विनौ भिषजां वरौ

cyavanāśrame naraḥ snātvā cyavaneśvaraṁ vilokayet| yatra siddhiṁ gatau puṇyāvaśvinau bhiṣajāṁ varau

च्यवन आश्रम में स्नान कर मनुष्य को च्यवनेश्वर के दर्शन करने चाहिए; जहाँ वैद्यों में श्रेष्ठ पुण्यशाली अश्विनीकुमारों ने सिद्धि प्राप्त की थी।

श्लोक 62 (skanda.5.56.62)

च्यवनस्य प्रसादेन देवपंक्तिमवापतुः। च्यवनेन पुरा दृष्टिः प्राप्ता वै देवभेषजात्

cyavanasya prasādena devapaṁktimavāpatuḥ| cyavanena purā dṛṣṭiḥ prāptā vai devabheṣajāt

च्यवन के प्रसाद से उन दोनों को देवताओं की श्रेणी प्राप्त हुई; तथा च्यवन को प्राचीनकाल में देवभेषज से नेत्रज्योति प्राप्त हुई थी।

श्लोक 63 (skanda.5.56.63)

तस्मिंस्तीर्थे द्विजश्रेष्ठ दिव्यदृष्टिर्भवेन्नरः। अत्रैव प्राप्तवान्सूर्यः साग्निहोत्राश्रमं परम्

tasmiṁstīrthe dvijaśreṣṭha divyadṛṣṭirbhavennaraḥ| atraiva prāptavānsūryaḥ sāgnihotrāśramaṁ param

उस तीर्थ में, हे द्विजश्रेष्ठ! मनुष्य को दिव्य दृष्टि प्राप्त होती है। यहीं सूर्य ने अग्निहोत्र सहित उत्तम आश्रम प्राप्त किया था।

श्लोक 64 (skanda.5.56.64)

अनुसूर्यां महाभागां सावित्रीं लोकविश्रुताम्। सूर्यलोकं समासाद्य बुभुजे विपुलां श्रियम्

anusūryāṁ mahābhāgāṁ sāvitrīṁ lokaviśrutām| sūryalokaṁ samāsādya bubhuje vipulāṁ śriyam

लोकविख्यात महाभागा अनुसूर्या सावित्री को पुनः प्राप्त कर, सूर्यलोक को प्राप्त कर उन्होंने विपुल ऐश्वर्य का भोग किया।

श्लोक 65 (skanda.5.56.65)

तस्माद्व्यास परं तीर्थं क्षातासंगमसंज्ञितम्। सर्वपापहरं पुण्यं सर्वकामवरप्रदम्

tasmādvyāsa paraṁ tīrthaṁ kṣātāsaṁgamasaṁjñitam| sarvapāpaharaṁ puṇyaṁ sarvakāmavarapradam

इसलिए, हे व्यास! यह क्षातासंगम नामक श्रेष्ठ तीर्थ समस्त पापों को हरने वाला, पुण्यमय तथा समस्त इच्छित वर देने वाला है।

श्लोक 66 (skanda.5.56.66)

य एतां तु कथां पुण्यां शृणोति भुवि भक्तितः। पठेद्वा प्रातरुत्थाय तस्य पुण्यफलं शृणु

ya etāṁ tu kathāṁ puṇyāṁ śṛṇoti bhuvi bhaktitaḥ| paṭhedvā prātarutthāya tasya puṇyaphalaṁ śṛṇu

जो कोई भी इस पुण्यमयी कथा को पृथ्वी पर भक्तिपूर्वक सुनता है, अथवा प्रातःकाल उठकर पढ़ता है, उसके पुण्यफल को सुनो।

श्लोक 67 (skanda.5.56.67)

कपिलागोसहस्रेण फलं भवति पर्वणि। तत्फलं समवाप्नोति नात्र कार्या विचारणा

kapilāgosahasreṇa phalaṁ bhavati parvaṇi| tatphalaṁ samavāpnoti nātra kāryā vicāraṇā

पर्व के दिन एक हजार कपिला गौओं के दान से जो फल प्राप्त होता है, वही फल उसे प्राप्त होता है — इसमें कोई संशय नहीं करना चाहिए।