गया तीर्थ की महिमा

श्लोक 1 (skanda.5.57.1)

सनत्कुमार उवाच। शृणु व्यास प्रवक्ष्यामि तीर्थमेकमतः परम्। तीर्थानामुत्तमं तीर्थं गयानामेति नामतः

sanatkumāra uvāca| śṛṇu vyāsa pravakṣyāmi tīrthamekamataḥ param| tīrthānāmuttamaṁ tīrthaṁ gayānāmeti nāmataḥ

सनत्कुमार बोले — हे व्यास! सुनो, अब मैं एक और श्रेष्ठ तीर्थ का वर्णन करता हूँ; समस्त तीर्थों में यह उत्तम तीर्थ 'गया' नाम से जाना जाता है।

श्लोक 2 (skanda.5.57.2)

तत्र स्नात्वा नरो नित्यं मुच्यते च ऋणत्रयात्। देवान्पितॄन्समभ्यर्च्य विष्णुलोकं स गच्छति

tatra snātvā naro nityaṁ mucyate ca ṛṇatrayāt| devānpitṝnsamabhyarcya viṣṇulokaṁ sa gacchati

वहाँ स्नान कर मनुष्य सदा तीनों ऋणों से मुक्त हो जाता है; देवताओं और पितरों का पूजन कर वह विष्णुलोक को प्राप्त होता है।

श्लोक 3 (skanda.5.57.3)

व्यास उवाच। कीकटेषु गया पुण्या नदी पुण्या पुनः पुना। च्यवनस्याश्रमः पुण्यः पुण्यो राजगिरिस्तथा

vyāsa uvāca| kīkaṭeṣu gayā puṇyā nadī puṇyā punaḥ punā| cyavanasyāśramaḥ puṇyaḥ puṇyo rājagiristathā

व्यास बोले — कीकट देश में गया पुण्यमयी है, नदी (फल्गु) बार-बार पुण्यमयी है; च्यवन का आश्रम पुण्यमय है, और राजगिरि भी वैसे ही पुण्यमय है।

श्लोक 4 (skanda.5.57.4)

स कथं विदितो देशे महाकालवने शुभे। एतद्वेदितुमिच्छामि विस्तरेण तपोधन

sa kathaṁ vidito deśe mahākālavane śubhe| etadveditumicchāmi vistareṇa tapodhana

यह किस प्रकार इस रमणीय महाकालवन में भी विदित हुआ? हे तपोधन! यह मैं विस्तार से जानना चाहता हूँ।

श्लोक 5 (skanda.5.57.5)

सनत्कुमार उवाच। शृणु व्यास कथां पुण्यां पवित्रां पापहारिणीम्। यस्याः श्रवणमात्रेण पितरो यांति सद्गतिम्

sanatkumāra uvāca| śṛṇu vyāsa kathāṁ puṇyāṁ pavitrāṁ pāpahāriṇīm| yasyāḥ śravaṇamātreṇa pitaro yāṁti sadgatim

सनत्कुमार बोले — हे व्यास! सुनो यह पुण्यमयी, पवित्र, पापहारिणी कथा, जिसके श्रवण मात्र से पितर सद्गति को प्राप्त होते हैं।

श्लोक 6 (skanda.5.57.6)

पुरा कृतयुगे पुण्ये युगादिदेवनामतः। राजासीत्स तु धर्मात्मा पुण्यश्रवणकीर्तनः

purā kṛtayuge puṇye yugādidevanāmataḥ| rājāsītsa tu dharmātmā puṇyaśravaṇakīrtanaḥ

प्राचीन काल में पुण्यमय कृतयुग में युगादिदेव के नाम से एक राजा था, जो धर्मात्मा तथा पुण्यकीर्तिवान् था।

श्लोक 7 (skanda.5.57.7)

तस्य पालयतः सम्यक्प्रजाः पुत्रानिवौरसान्। बभूवुः सर्वसंपन्ना वर्धमानाः समंततः

tasya pālayataḥ samyakprajāḥ putrānivaurasān| babhūvuḥ sarvasaṁpannā vardhamānāḥ samaṁtataḥ

उसके सम्यक् शासन में प्रजा उसके अपने पुत्रों के समान सर्वसंपन्न होकर चारों ओर बढ़ती गई।

श्लोक 8 (skanda.5.57.8)

धर्मश्चतुष्पदो नित्यं यस्मिन्राज्ञि प्रशासति। कालवर्षी च पर्जन्य ऋतवः स्वांगचारिणः

dharmaścatuṣpado nityaṁ yasminrājñi praśāsati| kālavarṣī ca parjanya ṛtavaḥ svāṁgacāriṇaḥ

जब वह राजा शासन करता था, तब धर्म सदा चारों पैरों पर स्थिर रहता था; मेघ समय पर वर्षा करता था और ऋतुएँ अपने-अपने क्रम में चलती थीं।

श्लोक 9 (skanda.5.57.9)

बहुसस्यफला पृथ्वी गावश्च बहुदुग्धदाः। वेदवादरता विप्राः क्षत्त्रिया बाहुशालिनः

bahusasyaphalā pṛthvī gāvaśca bahudugdhadāḥ| vedavādaratā viprāḥ kṣattriyā bāhuśālinaḥ

पृथ्वी बहुफलदायी अन्न से भरी थी, गौएँ प्रचुर दूध देने वाली थीं; ब्राह्मण वेदवाद में रत थे, क्षत्रिय बाहुबली थे।

श्लोक 10 (skanda.5.57.10)

वैश्या धनपरा नित्यं शूद्राः शुश्रूषणे रताः। वर्णाश्रमरताः सर्वे सर्वे धर्मोपदेशकाः

vaiśyā dhanaparā nityaṁ śūdrāḥ śuśrūṣaṇe ratāḥ| varṇāśramaratāḥ sarve sarve dharmopadeśakāḥ

वैश्य सदा धनार्जन में तत्पर थे, शूद्र सेवा में रत थे; सभी वर्णाश्रम धर्म में रत थे, सभी धर्मोपदेशक थे।

श्लोक 11 (skanda.5.57.11)

श्रुतिस्मृतिपरो धर्मो हृष्टपुष्टजनाकरः। नाधिव्याध्यभिभूतश्च लक्ष्यते कोऽपि मानवः

śrutismṛtiparo dharmo hṛṣṭapuṣṭajanākaraḥ| nādhivyādhyabhibhūtaśca lakṣyate ko'pi mānavaḥ

धर्म श्रुति-स्मृति पर आधारित था, प्रजा हृष्ट-पुष्ट थी; कोई भी मनुष्य रोग या पीड़ा से ग्रस्त नहीं दिखाई देता था।

श्लोक 12 (skanda.5.57.12)

दुःशीला दुर्भगा नारी विधवा नैव लक्ष्यते। बहुपुत्राऽल्पपुत्रा च मृतपुत्रा न वंध्यका

duḥśīlā durbhagā nārī vidhavā naiva lakṣyate| bahuputrā'lpaputrā ca mṛtaputrā na vaṁdhyakā

कोई दुःशीला, दुर्भागिनी अथवा विधवा स्त्री दिखाई नहीं देती थी; न कोई बहुपुत्रा या अल्पपुत्रा थी, न कोई मृतपुत्रा या वंध्या थी।

श्लोक 13 (skanda.5.57.13)

रूपशीलगुणोपेता पतिव्रतपरायणा। नो मार्गः कंटसंकीर्णो दस्युदोषैश्च दूषितः

rūpaśīlaguṇopetā pativrataparāyaṇā| no mārgaḥ kaṁṭasaṁkīrṇo dasyudoṣaiśca dūṣitaḥ

सभी स्त्रियाँ रूप, शील और गुणों से युक्त, पतिव्रता थीं; कोई मार्ग कांटों से भरा या डाकुओं के दोष से दूषित नहीं था।

श्लोक 14 (skanda.5.57.14)

हूयतां भुज्यतां शश्वद्दीयतां च गृहेगृहे। दयादानतपोहोमजपयज्ञक्रियापराः

hūyatāṁ bhujyatāṁ śaśvaddīyatāṁ ca gṛhegṛhe| dayādānatapohomajapayajñakriyāparāḥ

प्रत्येक घर में सदा हवन होता था, भोजन कराया जाता था, दान दिया जाता था; लोग दया, दान, तप, हवन, जप और यज्ञ की क्रियाओं में तत्पर रहते थे।

श्लोक 15 (skanda.5.57.15)

जनाः सर्वत्र दृश्यंते सर्वधर्मपरायणाः। चतुष्पादचरो धर्मो ह्यधर्मोऽपादविग्रहः

janāḥ sarvatra dṛśyaṁte sarvadharmaparāyaṇāḥ| catuṣpādacaro dharmo hyadharmo'pādavigrahaḥ

लोग सर्वत्र सर्वधर्मपरायण दिखाई देते थे; धर्म चारों पैरों पर चलता था, और अधर्म बिना पैरों के खड़ा रहता था।

श्लोक 16 (skanda.5.57.16)

एवं राजा स धर्मात्मा युगादिदेवसंज्ञितः। येनेयं पालिता पृथ्वी धर्मेण वर्धिताः प्रजाः

evaṁ rājā sa dharmātmā yugādidevasaṁjñitaḥ| yeneyaṁ pālitā pṛthvī dharmeṇa vardhitāḥ prajāḥ

इस प्रकार वह युगादिदेव नामक धर्मात्मा राजा था, जिसके द्वारा यह पृथ्वी पालित हुई और प्रजा धर्म से समृद्ध हुई।

श्लोक 17 (skanda.5.57.17)

अवंत्यां च पुरा व्यास यज्ञकोटिं समाचरत्। तस्मिन्काले तिविक्रांतस्तुहंडो नाम दानवः

avaṁtyāṁ ca purā vyāsa yajñakoṭiṁ samācarat| tasminkāle tivikrāṁtastuhaṁḍo nāma dānavaḥ

और हे व्यास! प्राचीन काल में उसने अवंती में करोड़ों यज्ञ किए; उस काल में तुहंड नामक अत्यंत पराक्रमी दानव था।

श्लोक 18 (skanda.5.57.18)

तेन सर्वं वशं नीतं चराचरमिदं जगत्। घोरं तप्त्वा तपः पुण्यं ब्रह्मलब्धवरः खलः

tena sarvaṁ vaśaṁ nītaṁ carācaramidaṁ jagat| ghoraṁ taptvā tapaḥ puṇyaṁ brahmalabdhavaraḥ khalaḥ

उसने इस चराचर जगत् को अपने वश में कर लिया था; उस दुष्ट ने घोर तपस्या करके ब्रह्मा से वर प्राप्त किया था।

श्लोक 19 (skanda.5.57.19)

नैव देवा न यज्ञाश्च वेदमार्गविवर्जिताः। देवतापूजनं नास्ति स्वधा स्वाहा न दृश्यते

naiva devā na yajñāśca vedamārgavivarjitāḥ| devatāpūjanaṁ nāsti svadhā svāhā na dṛśyate

न कोई देवता रहे, न यज्ञ, सब वेदमार्ग से विहीन हो गए; देवताओं का पूजन नहीं होता था, स्वधा और स्वाहा दिखाई नहीं देते थे।

श्लोक 20 (skanda.5.57.20)

उत्सन्नो धर्ममार्गोऽयं शाश्वतो वै दुरात्मना। नष्टप्रायाः सुरास्तेन कृताः सर्वे द्विजोत्तमाः

utsanno dharmamārgo'yaṁ śāśvato vai durātmanā| naṣṭaprāyāḥ surāstena kṛtāḥ sarve dvijottamāḥ

इस दुरात्मा ने सनातन धर्ममार्ग का उच्छेद कर दिया; उसने प्रायः सभी देवताओं तथा श्रेष्ठ द्विजों को नष्टप्राय कर दिया।

श्लोक 21 (skanda.5.57.21)

ब्रह्माणं शरणं जग्मुः पितृभिः सह साधुभिः। किं कुर्मो वा क्व गच्छाम तुहंडेन पराजिताः

brahmāṇaṁ śaraṇaṁ jagmuḥ pitṛbhiḥ saha sādhubhiḥ| kiṁ kurmo vā kva gacchāma tuhaṁḍena parājitāḥ

वे पितरों और साधुजनों सहित ब्रह्मा की शरण में गए — 'हम क्या करें, कहाँ जाएँ, तुहंड से पराजित होकर?'

श्लोक 22 (skanda.5.57.22)

इति श्रुत्वा वचस्तेषां ब्रह्मा लोकपितामहः। समुत्थाय ततः सर्वैर्विष्णुलोकं जगाम ह

iti śrutvā vacasteṣāṁ brahmā lokapitāmahaḥ| samutthāya tataḥ sarvairviṣṇulokaṁ jagāma ha

उनकी यह बात सुनकर लोकपितामह ब्रह्मा तब उठकर, सबके साथ विष्णुलोक को गए।

श्लोक 23 (skanda.5.57.23)

तत्र गत्वा समाराध्य विष्णुं देवगणैः सह। स्तुतिं पुरुषसूक्तेन विष्णोरतुलतेजसः

tatra gatvā samārādhya viṣṇuṁ devagaṇaiḥ saha| stutiṁ puruṣasūktena viṣṇoratulatejasaḥ

वहाँ जाकर, समस्त देवगणों सहित, अतुल तेजस्वी विष्णु की पुरुषसूक्त द्वारा स्तुति करते हुए उन्होंने उनकी आराधना की।

श्लोक 24 (skanda.5.57.24)

प्रचक्रुः सर्व एवैते ह्यात्मनोऽभ्युदयाय च। तदा तेषां शमिच्छन्ती वागुवाचाशरीरिणी

pracakruḥ sarva evaite hyātmano'bhyudayāya ca| tadā teṣāṁ śamicchantī vāguvācāśarīriṇī

इन सबने अपने कल्याण के लिए यह किया; तब उनके शमन की इच्छा करती हुई एक आकाशवाणी हुई।

श्लोक 25 (skanda.5.57.25)

श्रूयतां भोः सुरश्रेष्ठा भवतां श्रेय उत्तमम्। यूयं यात क्षितौ क्षिप्रं महाकालवनं प्रति

śrūyatāṁ bhoḥ suraśreṣṭhā bhavatāṁ śreya uttamam| yūyaṁ yāta kṣitau kṣipraṁ mahākālavanaṁ prati

'हे सुरश्रेष्ठो! सुनो अपना परम कल्याण — तुम शीघ्र पृथ्वी पर महाकालवन की ओर जाओ।

श्लोक 26 (skanda.5.57.26)

गुह्याद्गुह्यतरं पुण्यं पवित्रं पापनाशनम्। नो यत्र मायिनां माया प्रकाशयति भूतले

guhyādguhyataraṁ puṇyaṁ pavitraṁ pāpanāśanam| no yatra māyināṁ māyā prakāśayati bhūtale

वहाँ रहस्य से भी अधिक गोपनीय, पवित्र, पापनाशक स्थान है, जहाँ मायावियों की माया पृथ्वी पर प्रकट नहीं हो पाती।

श्लोक 27 (skanda.5.57.27)

सर्वतीर्थमयं तीर्थं कोटितीर्थवरप्रदम्। यत्र शिप्रा सरिच्छ्रेष्ठा सर्वकामफलप्रदा

sarvatīrthamayaṁ tīrthaṁ koṭitīrthavarapradam| yatra śiprā saricchreṣṭhā sarvakāmaphalapradā

यह तीर्थ समस्त तीर्थों से युक्त है, करोड़ों तीर्थों का श्रेष्ठ फल देने वाला है; जहाँ श्रेष्ठ नदी शिप्रा समस्त कामनाओं का फल देने वाली है।

श्लोक 28 (skanda.5.57.28)

दैत्यांतकारिणी दिव्या महाकाली कुलेश्वरी। कोटिकोटिगणाकीर्णा मातॄणां शक्तिवर्धिनी

daityāṁtakāriṇī divyā mahākālī kuleśvarī| koṭikoṭigaṇākīrṇā mātṝṇāṁ śaktivardhinī

वहाँ दैत्यों का नाश करने वाली दिव्य महाकाली, कुलेश्वरी, करोड़ों-करोड़ों गणों से भरी हुई, मातृगणों की शक्ति बढ़ाने वाली विराजमान हैं।

श्लोक 29 (skanda.5.57.29)

यत्र गया महापुण्या फल्गुश्चैव महानदी। पुरुषोत्तमगिरिश्रेष्ठो यत्र बुद्धगया स्मृता

yatra gayā mahāpuṇyā phalguścaiva mahānadī| puruṣottamagiriśreṣṭho yatra buddhagayā smṛtā

वहाँ अत्यंत पुण्यमयी गया है, तथा महानदी फल्गु भी है; पुरुषोत्तम पर्वत के श्रेष्ठ स्थान पर वहाँ बुद्धगया स्मरण की जाती है।

श्लोक 30 (skanda.5.57.30)

तथैवाद्यगया ख्याता त्रिषु लोकेषु विश्रुता। विष्णोः षोडशपदीतीर्थं गदाधरविनिर्मितम्

tathaivādyagayā khyātā triṣu lokeṣu viśrutā| viṣṇoḥ ṣoḍaśapadītīrthaṁ gadādharavinirmitam

वैसे ही आद्यगया भी वहाँ विख्यात है, तीनों लोकों में प्रसिद्ध; गदाधर (विष्णु) द्वारा निर्मित विष्णु का षोडशपदी तीर्थ भी वहीं है।

श्लोक 31 (skanda.5.57.31)

सर्वपापहरा पुण्या यत्र प्राची सरस्वती। महासुरनदी प्रोक्ता यत्र तिष्ठति पुण्यदा

sarvapāpaharā puṇyā yatra prācī sarasvatī| mahāsuranadī proktā yatra tiṣṭhati puṇyadā

वहाँ समस्त पापों को हरने वाली पुण्यमयी प्राची सरस्वती है; तथा वहीं महासुरा नामक पुण्यदायिनी नदी बताई गई है।

श्लोक 32 (skanda.5.57.32)

न्यग्रोधश्चाक्षयो नित्यः पुरा प्रोक्तो महर्षिणा। तत्रैव सा शिला प्रोक्ता प्रेतमोक्षकरी शुभा

nyagrodhaścākṣayo nityaḥ purā prokto maharṣiṇā| tatraiva sā śilā proktā pretamokṣakarī śubhā

प्राचीन काल में महर्षि द्वारा बताया गया अक्षय नित्य न्यग्रोध (वट वृक्ष) भी वहीं है; और वहीं वह शुभ शिला भी बताई गई है, जो प्रेतों को मोक्ष देने वाली है।

श्लोक 33 (skanda.5.57.33)

तत्रैव संति ताः सर्वा देवताः पितृकल्पजाः। सर्वाक्षरमयोंकारः सर्वदेवमयो हरिः

tatraiva saṁti tāḥ sarvā devatāḥ pitṛkalpajāḥ| sarvākṣaramayoṁkāraḥ sarvadevamayo hariḥ

वहीं पितृकल्प से उत्पन्न वे समस्त देवता विराजमान हैं; समस्त अक्षरों से युक्त ओंकार तथा समस्त देवताओं से युक्त हरि भी वहीं हैं।

श्लोक 34 (skanda.5.57.34)

सर्वतीर्थमया देवा गयातीर्थमनुत्तमम्। शीघ्रं गच्छत तत्रैव परां सिद्धिमवाप्स्यथ

sarvatīrthamayā devā gayātīrthamanuttamam| śīghraṁ gacchata tatraiva parāṁ siddhimavāpsyatha

समस्त तीर्थों से युक्त देवगण इस अनुपम गयातीर्थ में हैं; तुम शीघ्र वहीं जाओ, वहाँ तुम्हें परम सिद्धि प्राप्त होगी।

श्लोक 35 (skanda.5.57.35)

यत्र प्रविष्टमात्रेण पितरो निरयस्थिताः। ते सर्वे स्वर्गमायांति ब्रह्मभूयाय कल्पते

yatra praviṣṭamātreṇa pitaro nirayasthitāḥ| te sarve svargamāyāṁti brahmabhūyāya kalpate

जहाँ केवल प्रवेश मात्र से नरक में स्थित पितर भी सभी स्वर्ग को प्राप्त हो जाते हैं — यह ब्रह्मभाव की प्राप्ति के लिए समर्थ है।