गया में श्राद्ध-विधि का वर्णन

श्लोक 1 (skanda.5.58.1)

व्यास उवाच। विचित्रमिदमाख्यातं गयामाहात्म्यमुत्तमम्। भगवन्भवता सर्वं विदितं विश्वमूर्तिना

vyāsa uvāca| vicitramidamākhyātaṁ gayāmāhātmyamuttamam| bhagavanbhavatā sarvaṁ viditaṁ viśvamūrtinā

व्यास बोले — हे भगवन्! आपने गया की यह अद्भुत महिमा बताई; विश्वमूर्ति होने के कारण आपको सब कुछ ज्ञात है।

श्लोक 2 (skanda.5.58.2)

तत्सर्वं श्रोतुमिच्छामि श्राद्धस्य फलमुत्तमम्। क्षेत्रस्य च द्विजश्रेष्ठ विस्तरेण तपोधन

tatsarvaṁ śrotumicchāmi śrāddhasya phalamuttamam| kṣetrasya ca dvijaśreṣṭha vistareṇa tapodhana

हे द्विजश्रेष्ठ, तपोधन! मैं श्राद्ध के उत्तम फल तथा इस क्षेत्र के विषय में विस्तार से सब कुछ सुनना चाहता हूँ।

श्लोक 3 (skanda.5.58.3)

कियंतः पितरो नित्यं तृप्ता यांति सुरालयम्। केषां के पितरः प्रोक्ताः किमुद्देश्याः पुराऽनघ

kiyaṁtaḥ pitaro nityaṁ tṛptā yāṁti surālayam| keṣāṁ ke pitaraḥ proktāḥ kimuddeśyāḥ purā'nagha

कितने पितर तृप्त होकर सदा देवलोक को जाते हैं? हे निष्पाप! प्राचीन काल में किसके कौन पितर कहे गए, और किस उद्देश्य से?

श्लोक 4 (skanda.5.58.4)

सनत्कुमार उवाच। धन्योऽसि कृतकृत्योऽसि यस्य ते नैष्ठिकी मतिः। तथापि शृणु वै वत्स श्राद्धस्य विधिमुत्तमम्

sanatkumāra uvāca| dhanyo'si kṛtakṛtyo'si yasya te naiṣṭhikī matiḥ| tathāpi śṛṇu vai vatsa śrāddhasya vidhimuttamam

सनत्कुमार बोले — तुम धन्य हो, कृतकृत्य हो, जिसकी ऐसी निष्ठामयी बुद्धि है; फिर भी हे वत्स! श्राद्ध की उत्तम विधि सुनो।

श्लोक 5 (skanda.5.58.5)

श्राद्धे प्रकल्पिता लोकाः श्राद्धे धर्मः प्रतिष्ठितः। श्राद्धे यज्ञा हि तिष्ठंति सर्वकर्मफलप्रदाः

śrāddhe prakalpitā lokāḥ śrāddhe dharmaḥ pratiṣṭhitaḥ| śrāddhe yajñā hi tiṣṭhaṁti sarvakarmaphalapradāḥ

श्राद्ध में लोकों की स्थापना है, श्राद्ध में धर्म प्रतिष्ठित है; श्राद्ध में ही यज्ञ स्थित हैं, जो समस्त कर्मों का फल देने वाले हैं।

श्लोक 6 (skanda.5.58.6)

श्रद्धया दीयते किंचिद्दैवं ब्रह्माग्नितर्पणम्। श्राद्धं तु तद्विजानीयात्पुरा प्रोक्तं महर्षिणा

śraddhayā dīyate kiṁciddaivaṁ brahmāgnitarpaṇam| śrāddhaṁ tu tadvijānīyātpurā proktaṁ maharṣiṇā

श्रद्धा से जो कुछ दिया जाता है — दैव, ब्रह्म और अग्नि को तर्पण — उसे ही श्राद्ध जानना चाहिए, ऐसा प्राचीन काल में महर्षि द्वारा कहा गया है।

श्लोक 7 (skanda.5.58.7)

मनुष्या ऋषयः सर्वे सुरसिद्धाश्च राक्षसाः। गंधर्वाः किन्नरा नागा ब्रह्मेशानसुरेश्वराः

manuṣyā ṛṣayaḥ sarve surasiddhāśca rākṣasāḥ| gaṁdharvāḥ kinnarā nāgā brahmeśānasureśvarāḥ

समस्त मनुष्य, ऋषि, देव, सिद्ध, राक्षस, गंधर्व, किन्नर, नाग, तथा ब्रह्मा-ईशान-असुरेश्वर...

श्लोक 8 (skanda.5.58.8)

त्रीन्पितॄंश्च समुद्दिश्य श्राद्धं दद्युः समाहिताः। प्राप्नुवन्त्यखिलान्कामान्सर्वान्व्यास मनोगतान्

trīnpitṝṁśca samuddiśya śrāddhaṁ dadyuḥ samāhitāḥ| prāpnuvantyakhilānkāmānsarvānvyāsa manogatān

...एकाग्रचित्त होकर तीन पितरों के उद्देश्य से श्राद्ध देते हैं; हे व्यास! वे अपने मन की समस्त कामनाएँ प्राप्त कर लेते हैं।

श्लोक 9 (skanda.5.58.9)

एवं परंपरामार्गं प्रवर्तंते सनातनम्। तथापि पितरो ह्येते समाख्याततमा भुवि

evaṁ paraṁparāmārgaṁ pravartaṁte sanātanam| tathāpi pitaro hyete samākhyātatamā bhuvi

इस प्रकार यह सनातन परंपरा मार्ग प्रचलित है; फिर भी ये पितर पृथ्वी पर सबसे अधिक प्रख्यात हैं।

श्लोक 10 (skanda.5.58.10)

तत्सर्वं संप्रवक्ष्यामि यथा श्रुतं तथा शृणु। त एते पितरो देवा देवाश्च पितरस्तथा

tatsarvaṁ saṁpravakṣyāmi yathā śrutaṁ tathā śṛṇu| ta ete pitaro devā devāśca pitarastathā

वह सब मैं यथाश्रुत कहूँगा, सुनो — ये देव ही पितर हैं, और देव भी उसी प्रकार पितर हैं।

श्लोक 11 (skanda.5.58.11)

अन्योन्यं पितरो ह्येते देवाः पितृगणैः सह। मार्कंडेन पुरा पृष्टं प्रश्नमेतद्द्विजोत्तम

anyonyaṁ pitaro hyete devāḥ pitṛgaṇaiḥ saha| mārkaṁḍena purā pṛṣṭaṁ praśnametaddvijottama

ये पितर तथा देव पितृगणों सहित परस्पर एक-दूसरे रूप हैं; हे द्विजोत्तम! यही प्रश्न प्राचीन काल में मार्कण्डेय द्वारा पूछा गया था।

श्लोक 12 (skanda.5.58.12)

निबोध त्वं मतं सर्वं यदुक्तं तत्समाहितः। यावंतस्ते पितृगणास्तस्मिँल्लोके च ये गताः

nibodha tvaṁ mataṁ sarvaṁ yaduktaṁ tatsamāhitaḥ| yāvaṁtaste pitṛgaṇāstasmiṁlloke ca ye gatāḥ

जो कहा गया, उसे एकाग्रचित्त होकर समझो — पितृगण कितने हैं, तथा जो उस लोक में गए हैं वे कौन हैं।

श्लोक 13 (skanda.5.58.13)

सनत्कुमार उवाच। सप्तैते यजतां श्रेष्ठाः सर्वे पितृगणाः स्मृताः। चत्वारो मूर्तिमंतो वै त्रयस्तेषां च मूर्तयः

sanatkumāra uvāca| saptaite yajatāṁ śreṣṭhāḥ sarve pitṛgaṇāḥ smṛtāḥ| catvāro mūrtimaṁto vai trayasteṣāṁ ca mūrtayaḥ

सनत्कुमार बोले — पूजनीयों में श्रेष्ठ ये सात पितृगण स्मरण किए जाते हैं; उनमें चार मूर्तिमान् हैं, और तीन अमूर्त हैं।

श्लोक 14 (skanda.5.58.14)

तेषां लोकं विसर्गं च कीर्तयिष्यामि तच्छृणु। प्रभावं त्वं महत्त्वं च विस्तरेण तपोधन

teṣāṁ lokaṁ visargaṁ ca kīrtayiṣyāmi tacchṛṇu| prabhāvaṁ tvaṁ mahattvaṁ ca vistareṇa tapodhana

उनके लोक तथा उत्पत्ति का मैं वर्णन करूँगा, सुनो; तथा उनका प्रभाव और महत्त्व भी विस्तार से, हे तपोधन!

श्लोक 15 (skanda.5.58.15)

धर्ममूर्तिधरास्तेषां तपो ये परमं गताः। तेषां नामानि लोकांश्च कीर्तयिष्यामि तच्छृणु

dharmamūrtidharāsteṣāṁ tapo ye paramaṁ gatāḥ| teṣāṁ nāmāni lokāṁśca kīrtayiṣyāmi tacchṛṇu

जो धर्म की मूर्ति धारण करने वाले, परम तप को प्राप्त हुए हैं — उनके नाम तथा लोकों का मैं वर्णन करूँगा, सुनो।

श्लोक 16 (skanda.5.58.16)

लोकाः सनातना नाम यत्र तिष्ठंति भास्वराः। अमूर्तयः पितृगणास्ते वै पुत्राः प्रजापतेः

lokāḥ sanātanā nāma yatra tiṣṭhaṁti bhāsvarāḥ| amūrtayaḥ pitṛgaṇāste vai putrāḥ prajāpateḥ

'सनातन' नामक लोक हैं, जहाँ तेजस्वी पितर निवास करते हैं; अमूर्त पितृगण प्रजापति के पुत्र ही हैं।

श्लोक 17 (skanda.5.58.17)

विराजस्य द्विजश्रेष्ठ वैराजा इति नः श्रुतम्। यजन्ते तान्देवगणा विधिदृष्टेन कर्मणा

virājasya dvijaśreṣṭha vairājā iti naḥ śrutam| yajante tāndevagaṇā vidhidṛṣṭena karmaṇā

हे द्विजश्रेष्ठ! विराट् के वे 'वैराज' नाम से हमने सुने हैं; देवगण उन्हें विधि-सम्मत कर्म से पूजते हैं।

श्लोक 18 (skanda.5.58.18)

एते वै योगविभ्रष्टा लोकान्प्राप्य सनातनान्। पुनर्युगसहस्रांते जायंते ब्रह्मवादिनः

ete vai yogavibhraṣṭā lokānprāpya sanātanān| punaryugasahasrāṁte jāyaṁte brahmavādinaḥ

ये योग से भ्रष्ट होकर सनातन लोकों को प्राप्त कर, पुनः सहस्र युगों के अंत में ब्रह्मवादी होकर जन्म लेते हैं।

श्लोक 19 (skanda.5.58.19)

ते प्राप्य तां स्मृतिं भूयः सांख्ययोगमनुत्तमम्। यांति योगगतिं सिद्धाः पुनरावृत्तिदुर्लभाम्

te prāpya tāṁ smṛtiṁ bhūyaḥ sāṁkhyayogamanuttamam| yāṁti yogagatiṁ siddhāḥ punarāvṛttidurlabhām

वे उस स्मृति को पुनः प्राप्त कर अनुपम सांख्ययोग को प्राप्त होते हैं, और सिद्ध होकर उस योगगति को प्राप्त होते हैं, जहाँ से पुनरावृत्ति दुर्लभ है।

श्लोक 20 (skanda.5.58.20)

एते स्युः पितरस्तात योगिनां योगवर्धनाः। आप्याययन्ति ये पूर्वं सोमं योगबलेन वै

ete syuḥ pitarastāta yogināṁ yogavardhanāḥ| āpyāyayanti ye pūrvaṁ somaṁ yogabalena vai

हे तात! ये पितर योगियों के योग को बढ़ाने वाले हैं; इन्होंने पूर्वकाल में योगबल से सोम को तृप्त किया था।

श्लोक 21 (skanda.5.58.21)

तस्माच्छ्राद्धानि देयानि योगिनां द्विजसत्तम। एष वै प्रथमः कल्पः सोमपानामनुत्तमः

tasmācchrāddhāni deyāni yogināṁ dvijasattama| eṣa vai prathamaḥ kalpaḥ somapānāmanuttamaḥ

इसलिए, हे द्विजसत्तम! योगियों को श्राद्ध देना चाहिए; यह सोमपायियों का प्रथम और सर्वश्रेष्ठ वर्ग है।

श्लोक 22 (skanda.5.58.22)

एतेषां मानसी कन्या मेना नाम महागिरेः। पत्नी हिमवतः श्रेष्ठा यस्यां मैनाक उच्यते

eteṣāṁ mānasī kanyā menā nāma mahāgireḥ| patnī himavataḥ śreṣṭhā yasyāṁ maināka ucyate

इनकी मानसी कन्या मेना नाम की, महागिरि हिमवान् की श्रेष्ठ पत्नी हुई, जिससे मैनाक कहा जाता है।

श्लोक 23 (skanda.5.58.23)

मैनाकस्य सुतः श्रीमान्क्रौंचो नाम महागिरिः। अग्निष्वात्ताः पितृगणास्तत्र तिष्ठंति भास्वराः

mainākasya sutaḥ śrīmānkrauṁco nāma mahāgiriḥ| agniṣvāttāḥ pitṛgaṇāstatra tiṣṭhaṁti bhāsvarāḥ

मैनाक का पुत्र श्रीमान् क्रौंच नामक महागिरि हुआ; वहाँ अग्निष्वात्त नामक तेजस्वी पितृगण निवास करते हैं।

श्लोक 24 (skanda.5.58.24)

याम्यां बर्हिषदश्चासन्यमाश्च पश्चिमां दिशम्। सोमपाश्चोत्तरां प्राप्ता दिशं धनदपालिताम्

yāmyāṁ barhiṣadaścāsanyamāśca paścimāṁ diśam| somapāścottarāṁ prāptā diśaṁ dhanadapālitām

दक्षिण दिशा में बर्हिषद, पश्चिम दिशा में यम, तथा उत्तर दिशा में सोमप — कुबेर द्वारा पालित दिशा में — निवास करते हैं।

श्लोक 25 (skanda.5.58.25)

अमूर्तिमंतावाकाशे कव्यवाडनलौ क्षितौ

amūrtimaṁtāvākāśe kavyavāḍanalau kṣitau

आकाश में अमूर्त कव्यवाट् तथा अनल पृथ्वी पर अमूर्त रूप में स्थित हैं।

श्लोक 26 (skanda.5.58.26)

यक्षरक्षःपिशाचाश्च यजंते भावितात्मनः। साध्या देवान्यजन्ति स्म विश्वेदेवा ऋषींस्तथा

yakṣarakṣaḥpiśācāśca yajaṁte bhāvitātmanaḥ| sādhyā devānyajanti sma viśvedevā ṛṣīṁstathā

यक्ष, राक्षस और पिशाच भावित-आत्मा होकर उन्हें पूजते हैं; साध्य देवताओं को पूजते हैं, और विश्वेदेव ऋषियों को।

श्लोक 27 (skanda.5.58.27)

मानवाः श्राद्धदेवं च ऋषयो ब्रह्म सनातनम्। एवं परंपराप्राप्तः श्राद्धधर्मः सनातनः

mānavāḥ śrāddhadevaṁ ca ṛṣayo brahma sanātanam| evaṁ paraṁparāprāptaḥ śrāddhadharmaḥ sanātanaḥ

मनुष्य श्राद्धदेव को पूजते हैं, और ऋषि सनातन ब्रह्म को; इस प्रकार परंपरा से प्राप्त यह सनातन श्राद्धधर्म...

श्लोक 28 (skanda.5.58.28)

देवकार्यात्परं कार्यं पितृकार्यं विशिष्यते। भरद्वाजात्मजाः सप्त श्राद्धधर्मपरायणाः

devakāryātparaṁ kāryaṁ pitṛkāryaṁ viśiṣyate| bharadvājātmajāḥ sapta śrāddhadharmaparāyaṇāḥ

देवकार्य से भी बढ़कर पितृकार्य विशिष्ट माना गया है। भरद्वाज के सात पुत्र, श्राद्धधर्म में परायण...

श्लोक 29 (skanda.5.58.29)

जातिस्मरत्वमापन्ना निर्वाणपदवीं गताः। गुरोश्च दोग्ध्रीं गां हत्वा सप्तैते वै द्विजाधमाः

jātismaratvamāpannā nirvāṇapadavīṁ gatāḥ| gurośca dogdhrīṁ gāṁ hatvā saptaite vai dvijādhamāḥ

...जातिस्मर हो गए और निर्वाणपद को प्राप्त हुए। अपने गुरु की दुधारू गौ का वध कर, वे सात अधम द्विज...

श्लोक 30 (skanda.5.58.30)

पितॄनुद्दिश्य ते सर्वे भक्षयंतः क्षुधार्दिताः। तेन पुण्यप्रभावेन योगभ्रष्टा दिवं गताः

pitṝnuddiśya te sarve bhakṣayaṁtaḥ kṣudhārditāḥ| tena puṇyaprabhāvena yogabhraṣṭā divaṁ gatāḥ

...भूख से पीड़ित होकर, पितरों के उद्देश्य से उसे खाकर, उसी पुण्यप्रभाव से, योगभ्रष्ट होते हुए भी स्वर्ग को प्राप्त हुए।

श्लोक 31 (skanda.5.58.31)

सप्त जातिस्मरास्ते वै योगयुक्ता बभूविरे। तस्माच्छ्राद्धं परं प्रोक्तं सूरिभिः परमात्मभिः

sapta jātismarāste vai yogayuktā babhūvire| tasmācchrāddhaṁ paraṁ proktaṁ sūribhiḥ paramātmabhiḥ

वे सातों जातिस्मर पुनः योगयुक्त हो गए; इसीलिए परमात्मज्ञानी विद्वानों ने श्राद्ध को सर्वश्रेष्ठ कहा है।

श्लोक 32 (skanda.5.58.32)

श्राद्धे प्रतिष्ठिता लोकाः श्राद्धे योगः परंतप। एवं ते पितरः प्रोक्ताः श्राद्धस्य च विधिं शृणु

śrāddhe pratiṣṭhitā lokāḥ śrāddhe yogaḥ paraṁtapa| evaṁ te pitaraḥ proktāḥ śrāddhasya ca vidhiṁ śṛṇu

हे परंतप! श्राद्ध में लोक प्रतिष्ठित हैं, श्राद्ध में योग है। इस प्रकार पितरों का वर्णन किया गया; अब श्राद्ध की विधि सुनो।

श्लोक 33 (skanda.5.58.33)

ब्रह्मचर्यरतो दांतो न क्रोधी न च मत्सरी। शौचाचारपरो धीरः शास्त्रदृष्टिर्जितेंद्रियः

brahmacaryarato dāṁto na krodhī na ca matsarī| śaucācāraparo dhīraḥ śāstradṛṣṭirjiteṁdriyaḥ

ब्रह्मचर्य में रत, जितेंद्रिय, क्रोधरहित, ईर्ष्यारहित, शौच-आचार में तत्पर, धीर, शास्त्रदृष्टि वाला...

श्लोक 34 (skanda.5.58.34)

एवं यः कुरुते श्राद्धं तीर्थे चैव विशेषतः। ततोऽधिकतरा प्रोक्ता तृप्तिर्व्यास क्षयेऽहनि

evaṁ yaḥ kurute śrāddhaṁ tīrthe caiva viśeṣataḥ| tato'dhikatarā proktā tṛptirvyāsa kṣaye'hani

...जो इस प्रकार श्राद्ध करता है, विशेषतः तीर्थ में — हे व्यास! उससे प्राप्त तृप्ति पितरों की मृत्यु-तिथि पर किए गए श्राद्ध से भी अधिक कही गई है।

श्लोक 35 (skanda.5.58.35)

वृद्धिश्राद्धे तथा प्रोक्ता महालये शताधिका। ततो दशगुणा प्रोक्ता प्रयागे द्विजसत्तम

vṛddhiśrāddhe tathā proktā mahālaye śatādhikā| tato daśaguṇā proktā prayāge dvijasattama

महालय में किया गया वृद्धिश्राद्ध सौ गुना अधिक फलदायी कहा गया है; हे द्विजसत्तम! उससे दस गुना अधिक प्रयाग में कहा गया है।

श्लोक 36 (skanda.5.58.36)

प्रयागाद्दशगुणा तृप्तिः कुरुक्षेत्रे च सत्तम। कुरुक्षेत्रात्ततो व्यास दशाधिका गया स्मृता

prayāgāddaśaguṇā tṛptiḥ kurukṣetre ca sattama| kurukṣetrāttato vyāsa daśādhikā gayā smṛtā

प्रयाग से दस गुना अधिक तृप्ति कुरुक्षेत्र में होती है, हे सत्तम! और कुरुक्षेत्र से दस गुना अधिक, हे व्यास! गया स्मरण की जाती है।

श्लोक 37 (skanda.5.58.37)

ततो दशाधिका व्यास महाकालवने शुभे। अवंत्यां सर्वतः पुण्यं गयातीर्थे च सर्वदा

tato daśādhikā vyāsa mahākālavane śubhe| avaṁtyāṁ sarvataḥ puṇyaṁ gayātīrthe ca sarvadā

उससे भी दस गुना अधिक, हे व्यास! शुभ महाकालवन में है; अवंती में सर्वत्र पुण्य है, और सदा गयातीर्थ में भी।

श्लोक 38 (skanda.5.58.38)

येषां निरयमापन्नाः पितरो जन्मजन्मनि। तेषामुद्धरणार्थाय तीर्थमेतत्सुदुर्लभम्

yeṣāṁ nirayamāpannāḥ pitaro janmajanmani| teṣāmuddharaṇārthāya tīrthametatsudurlabham

जिनके पितर जन्म-जन्मांतर से नरक को प्राप्त हैं, उनके उद्धार के लिए यह अत्यंत दुर्लभ तीर्थ है।

श्लोक 39 (skanda.5.58.39)

सकृत्स्मरणमात्रेण पितॄणां दत्तमक्षयम्। ये नरा रणमध्यस्थाः पितृवंशविवर्जिताः

sakṛtsmaraṇamātreṇa pitṝṇāṁ dattamakṣayam| ye narā raṇamadhyasthāḥ pitṛvaṁśavivarjitāḥ

केवल एक बार स्मरण मात्र से पितरों को अक्षय दान प्राप्त होता है। जो मनुष्य युद्ध में मारे गए, पितृवंश से वंचित...

श्लोक 40 (skanda.5.58.40)

गर्भपाते मृता ये च नामगोत्रच्युतास्तथा। स्वगोत्रे परगोत्रे वा आत्मघातमृताः परे

garbhapāte mṛtā ye ca nāmagotracyutāstathā| svagotre paragotre vā ātmaghātamṛtāḥ pare

...गर्भपात में मृत, नाम-गोत्र से च्युत, अपने या पराए गोत्र में आत्मघात से मृत हुए हों...

श्लोक 41 (skanda.5.58.41)

तेषामुद्धरणार्थाय तत्र श्राद्धं विधीयताम्। उद्बंधनमृता ये च विषशस्त्रैर्मृताश्च ये

teṣāmuddharaṇārthāya tatra śrāddhaṁ vidhīyatām| udbaṁdhanamṛtā ye ca viṣaśastrairmṛtāśca ye

...उनके उद्धार के लिए वहाँ श्राद्ध विधिपूर्वक करना चाहिए। जो फाँसी से मृत हुए, विष या शस्त्र से मृत हुए...

श्लोक 42 (skanda.5.58.42)

दष्ट्रिभिर्व्यंगतो वापि दौर्ब्राह्मण्ये मृताश्च ये। तेषामुद्धरणार्थाय अत्र श्राद्धं विधीयते

daṣṭribhirvyaṁgato vāpi daurbrāhmaṇye mṛtāśca ye| teṣāmuddharaṇārthāya atra śrāddhaṁ vidhīyate

...दाँतों से क्षत-विक्षत या ब्राह्मणत्व के अपमान में मृत हुए — उनके उद्धार के लिए यहाँ श्राद्ध विहित है।

श्लोक 43 (skanda.5.58.43)

अग्निदग्धाश्च ये जीवा नाग्निदग्धास्तथा परे

agnidagdhāśca ye jīvā nāgnidagdhāstathā pare

जो जीव अग्नि से जलकर मरे, तथा अन्य जो अग्नि से नहीं जले...

श्लोक 44 (skanda.5.58.44)

विद्युद्धातेन ये केचिन्मुद्गराभिहताः परे। तेषामुद्धरणार्थाय अत्र श्राद्धं विधीयते

vidyuddhātena ye kecinmudgarābhihatāḥ pare| teṣāmuddharaṇārthāya atra śrāddhaṁ vidhīyate

...जो बिजली गिरने से या मुद्गर से मारे गए — उनके उद्धार के लिए यहाँ श्राद्ध विहित है।

श्लोक 45 (skanda.5.58.45)

रौरवे चांधतामिस्रे कालसूत्रे च ये गताः। अनेकयातनासंस्थाः प्रेतलोके च ये गताः

raurave cāṁdhatāmisre kālasūtre ca ye gatāḥ| anekayātanāsaṁsthāḥ pretaloke ca ye gatāḥ

जो रौरव, अंधतामिस्र, कालसूत्र नरकों में गए, अनेक यातनाओं में स्थित प्रेतलोक को प्राप्त हुए...

श्लोक 46 (skanda.5.58.46)

असिपत्रवने घोरे कुंभीपाके च ये गताः। पशुयोनिगता ये च पक्षिकीटसरीसृपाः। तेषामुद्धरणार्थाय अत्र श्राद्धं विधीयते

asipatravane ghore kuṁbhīpāke ca ye gatāḥ| paśuyonigatā ye ca pakṣikīṭasarīsṛpāḥ| teṣāmuddharaṇārthāya atra śrāddhaṁ vidhīyate

...जो भयंकर असिपत्रवन या कुम्भीपाक में गए, तथा जो पशुयोनि, पक्षी, कीट, सरीसृप योनि को प्राप्त हुए — उनके उद्धार के लिए यहाँ श्राद्ध विहित है।

श्लोक 47 (skanda.5.58.47)

उदकेषु मृता ये च नारीसूतीमृतास्तथा

udakeṣu mṛtā ye ca nārīsūtīmṛtāstathā

जो जल में मृत हुए, तथा जो प्रसव के समय मृत हुई स्त्रियाँ...

श्लोक 48 (skanda.5.58.48)

अश्वसूकरकृमिदंष्ट्रिश्वशृंगिशकटाहताः। तेषामुद्धरणार्थाय अत्र श्राद्धं विधीयते

aśvasūkarakṛmidaṁṣṭriśvaśṛṁgiśakaṭāhatāḥ| teṣāmuddharaṇārthāya atra śrāddhaṁ vidhīyate

...जो घोड़े, सूअर, कीड़े, दाँतेदार पशु, कुत्ते, सींगदार पशु या गाड़ी से मारे गए — उनके उद्धार के लिए यहाँ श्राद्ध विहित है।

श्लोक 49 (skanda.5.58.49)

भग्नदंष्ट्राश्च शस्त्रास्त्रैर्व्याघ्राहिगजभूमिपैः। शलभैर्वृश्चिकैर्दंष्ट्रिचोरैर्ये चापि घातिताः। तेषामुद्धरणार्थाय अत्र श्राद्धं विधीयते

bhagnadaṁṣṭrāśca śastrāstrairvyāghrāhigajabhūmipaiḥ| śalabhairvṛścikairdaṁṣṭricorairye cāpi ghātitāḥ| teṣāmuddharaṇārthāya atra śrāddhaṁ vidhīyate

जो व्याघ्र, सर्प, हाथी या राजाओं के शस्त्रास्त्रों से क्षत-विक्षत हुए, तथा जो टिड्डी, बिच्छू, दाँतेदार जीवों या चोरों द्वारा मारे गए — उनके उद्धार के लिए यहाँ श्राद्ध विहित है।

श्लोक 50 (skanda.5.58.50)

अष्टशल्यैर्मृता ये च शौचाचारविवर्जिताः। विषूचिकामृता ये च ये चातीसारतो मृताः। तेषामुद्धरणार्थाय अत्र श्राद्धं विधीयते

aṣṭaśalyairmṛtā ye ca śaucācāravivarjitāḥ| viṣūcikāmṛtā ye ca ye cātīsārato mṛtāḥ| teṣāmuddharaṇārthāya atra śrāddhaṁ vidhīyate

जो अष्टशल्य (आंतरिक व्याधियों) से मृत, शौच-आचार से रहित, जो विषूचिका (हैजा) से या अतिसार से मृत हुए — उनके उद्धार के लिए यहाँ श्राद्ध विहित है।

श्लोक 51 (skanda.5.58.51)

शाकिन्यादिग्रहग्रस्त जलमध्ये च ये मृताः। अस्पृश्यस्पर्शसंस्पृष्टाः पापा अपत्यवर्जिताः। तेषामुद्धरणार्थाय अत्र श्राद्धं विधीयते

śākinyādigrahagrasta jalamadhye ca ye mṛtāḥ| aspṛśyasparśasaṁspṛṣṭāḥ pāpā apatyavarjitāḥ| teṣāmuddharaṇārthāya atra śrāddhaṁ vidhīyate

जो शाकिनी आदि ग्रहों से ग्रस्त होकर या जल के मध्य मृत हुए, अस्पृश्यों के स्पर्श से दूषित, पापी, संतानहीन — उनके उद्धार के लिए यहाँ श्राद्ध विहित है।

श्लोक 52 (skanda.5.58.52)

जन्मांतरसहस्राणि भ्रमंति स्वेन कर्मणा। मानुषं दुर्लभं येषां तेभ्यः श्राद्धं विधीयताम्

janmāṁtarasahasrāṇi bhramaṁti svena karmaṇā| mānuṣaṁ durlabhaṁ yeṣāṁ tebhyaḥ śrāddhaṁ vidhīyatām

जो अपने कर्मों के अनुसार सहस्रों जन्मांतरों तक भटकते हैं, जिन्हें मनुष्य जन्म दुर्लभ है — उनके लिए श्राद्ध करना चाहिए।

श्लोक 53 (skanda.5.58.53)

येऽन्यजन्मन्यबांधवा येऽन्यजन्मनि बांधवाः। येऽन्यजन्मनि संबद्धा मित्रामित्रे तथा परे। तेषामुद्धरणार्थाय अत्र श्राद्धं विधीयते

ye'nyajanmanyabāṁdhavā ye'nyajanmani bāṁdhavāḥ| ye'nyajanmani saṁbaddhā mitrāmitre tathā pare| teṣāmuddharaṇārthāya atra śrāddhaṁ vidhīyate

जो अन्य जन्म में अबांधव थे, जो अन्य जन्म में बांधव थे, जो अन्य जन्म में मित्र या शत्रु रूप में संबद्ध थे — उनके उद्धार के लिए यहाँ श्राद्ध विहित है।

श्लोक 54 (skanda.5.58.54)

पितृवंशे मृता ये च मातृवंशे तथैव च। गुरुश्वशुरबंधूनां ये चान्ये बांधवा मृताः। तेषामुद्धरणार्थाय अत्र श्राद्धं विधीयते

pitṛvaṁśe mṛtā ye ca mātṛvaṁśe tathaiva ca| guruśvaśurabaṁdhūnāṁ ye cānye bāṁdhavā mṛtāḥ| teṣāmuddharaṇārthāya atra śrāddhaṁ vidhīyate

जो पितृवंश में तथा मातृवंश में मृत हुए, गुरु, श्वसुर और बांधवों में से जो अन्य संबंधी मृत हुए — उनके उद्धार के लिए यहाँ श्राद्ध विहित है।

श्लोक 55 (skanda.5.58.55)

ये मे कुले लुप्तपिंडाः पुत्रदारादिवर्जिताः। क्रियालोपगता ये च तेभ्यः श्राद्धं विधीयते

ye me kule luptapiṁḍāḥ putradārādivarjitāḥ| kriyālopagatā ye ca tebhyaḥ śrāddhaṁ vidhīyate

मेरे कुल में जिनके पिंड लुप्त हो गए हैं, जो पुत्र-पत्नी आदि से रहित हैं, जो क्रियालोप को प्राप्त हुए हैं — उनके लिए श्राद्ध विहित है।

श्लोक 56 (skanda.5.58.56)

पंगुकुब्जा विरूपाश्च आमगर्भाश्च ये मृताः। ज्ञाताऽज्ञाताः कुले ये च तेभ्यः श्राद्धं विधीयते

paṁgukubjā virūpāśca āmagarbhāśca ye mṛtāḥ| jñātā'jñātāḥ kule ye ca tebhyaḥ śrāddhaṁ vidhīyate

जो लंगड़े, कुबड़े, विरूप तथा अपक्व गर्भ में मृत हुए, जो कुल में ज्ञात या अज्ञात हैं — उनके लिए श्राद्ध विहित है।

श्लोक 57 (skanda.5.58.57)

आब्रह्मभुवनाद्ये च अन्यैर्दुर्मरणैर्मृताः। तेषामुद्धरणार्थाय अत्र श्राद्धं विधीयते

ābrahmabhuvanādye ca anyairdurmaraṇairmṛtāḥ| teṣāmuddharaṇārthāya atra śrāddhaṁ vidhīyate

ब्रह्मलोक से लेकर अधोलोक तक जो अन्य दुर्मरणों से मृत हुए — उनके उद्धार के लिए यहाँ श्राद्ध विहित है।

श्लोक 58 (skanda.5.58.58)

तृषार्ताः क्षुधिताश्चैव हापिताश्चैव ये मृताः। प्रेतयोनिं गताश्चैव म्लेच्छयोनिं गताश्च ये। तेषामुद्धरणार्थाय अत्र श्राद्धं विधीयते

tṛṣārtāḥ kṣudhitāścaiva hāpitāścaiva ye mṛtāḥ| pretayoniṁ gatāścaiva mlecchayoniṁ gatāśca ye| teṣāmuddharaṇārthāya atra śrāddhaṁ vidhīyate

जो प्यास से, भूख से अथवा परित्यक्त होकर मृत हुए, जो प्रेतयोनि या म्लेच्छयोनि को प्राप्त हुए — उनके उद्धार के लिए यहाँ श्राद्ध विहित है।

श्लोक 59 (skanda.5.58.59)

एवं श्राद्धविधिं व्यास तस्मिंस्तीर्थे समाचरेत्। ऋणत्रयविनिर्मुक्तो वांछितार्थं लभेत सः। गयायां च समासाद्य सुरा इंद्रपुरोगमाः। चक्रुश्च विधिवत्सर्वे यदुक्तं देवभाषया

evaṁ śrāddhavidhiṁ vyāsa tasmiṁstīrthe samācaret| ṛṇatrayavinirmukto vāṁchitārthaṁ labheta saḥ| gayāyāṁ ca samāsādya surā iṁdrapurogamāḥ| cakruśca vidhivatsarve yaduktaṁ devabhāṣayā

हे व्यास! इस प्रकार उस तीर्थ में श्राद्धविधि का आचरण करना चाहिए; इससे मनुष्य तीनों ऋणों से मुक्त होकर अभीष्ट फल प्राप्त करता है। इंद्र के नेतृत्व में देवताओं ने भी गया में जाकर देवभाषा में कथित इस विधि का यथाविधि पालन किया।