नागतीर्थ की महिमा

श्लोक 1 (skanda.5.65.1)

व्यास उवाच। नागतीर्थं त्वया ब्रह्मन्पुरा प्रोक्तं यशस्विना। तस्य तीर्थवरस्याऽपि महिमानं च सत्तम

vyāsa uvāca| nāgatīrthaṁ tvayā brahmanpurā proktaṁ yaśasvinā| tasya tīrthavarasyā'pi mahimānaṁ ca sattama

व्यास बोले — हे यशस्वी ब्रह्मन्! आपने पूर्वकाल में नागतीर्थ का वर्णन किया था; हे सत्तम! उस श्रेष्ठ तीर्थ की महिमा भी...

श्लोक 2 (skanda.5.65.2)

भूयस्तु श्रोतुमिच्छामि त्वत्तो ब्रह्मविदां वर। कियत्काले समाख्यातमेतद्विस्तरतो वद

bhūyastu śrotumicchāmi tvatto brahmavidāṁ vara| kiyatkāle samākhyātametadvistarato vada

...मैं आपसे और सुनना चाहता हूँ, हे ब्रह्मवेत्ताओं में श्रेष्ठ! यह किस काल में कहा गया, विस्तार से बताइए।

श्लोक 3 (skanda.5.65.3)

सनत्कुमार उवाच। शृणु ब्रह्मन्प्रवक्ष्यामि तवाग्रे नागतीर्थजाम्। कथां पुण्यतमां तुभ्यं भुवि पापहरां पराम्

sanatkumāra uvāca| śṛṇu brahmanpravakṣyāmi tavāgre nāgatīrthajām| kathāṁ puṇyatamāṁ tubhyaṁ bhuvi pāpaharāṁ parām

सनत्कुमार बोले — हे ब्रह्मन्! सुनो, मैं तुम्हारे समक्ष नागतीर्थ से उत्पन्न, पृथ्वी पर परम पापहारिणी, अत्यंत पुण्यमयी कथा कहता हूँ।

श्लोक 4 (skanda.5.65.4)

यस्याः श्रवणमात्रेण शापमुक्तो भवेन्नरः। पुरा नागाः परिभ्रष्टा मातुः शापात्परंतप

yasyāḥ śravaṇamātreṇa śāpamukto bhavennaraḥ| purā nāgāḥ paribhraṣṭā mātuḥ śāpātparaṁtapa

जिसके श्रवण मात्र से मनुष्य शाप से मुक्त हो जाता है। हे परंतप! प्राचीन काल में नाग माता के शाप से भ्रष्ट हुए थे।

श्लोक 5 (skanda.5.65.5)

जनमेजयेन दग्धास्ते मोक्षिता ह्यास्तिकेन च। पप्रच्छुस्ते द्विजश्रेष्ठ जरत्कार्वात्मजं तदा

janamejayena dagdhāste mokṣitā hyāstikena ca| papracchuste dvijaśreṣṭha jaratkārvātmajaṁ tadā

जनमेजय द्वारा दग्ध किये गये वे आस्तीक द्वारा मुक्त हुए; हे द्विजश्रेष्ठ! तब उन्होंने जरत्कारु-पुत्र आस्तीक से पूछा।

श्लोक 6 (skanda.5.65.6)

नागा ऊचुः। ब्रह्मंस्तव प्रसादेन मोक्षिता हव्यवाहनात्। जनमेजयस्य यज्ञेऽस्मिन्देवराजस्य संनिधौ

nāgā ūcuḥ| brahmaṁstava prasādena mokṣitā havyavāhanāt| janamejayasya yajñe'smindevarājasya saṁnidhau

नाग बोले — 'हे ब्रह्मन्! आपकी कृपा से हम इस जनमेजय के यज्ञ में, देवराज की उपस्थिति में, अग्नि से मुक्त हो गए।

श्लोक 7 (skanda.5.65.7)

अस्माकं भूतिमन्विच्छन्वासस्यार्थं परंतप। यस्मिन्स्थाने सदा ब्रह्मन्निवासो जायतेऽभयः

asmākaṁ bhūtimanvicchanvāsasyārthaṁ paraṁtapa| yasminsthāne sadā brahmannivāso jāyate'bhayaḥ

हे परंतप! अब हम अपने कल्याण की इच्छा से निवास हेतु स्थान चाहते हैं — हे ब्रह्मन्! वह स्थान बताइए जहाँ सदा निर्भय निवास हो सके।'

श्लोक 8 (skanda.5.65.8)

आस्तीक उवाच। श्रूयतां मातुलश्रेष्ठा युष्माकं हितमुत्तमम्। महाकालवने रम्ये या वै कुशस्थली स्मृता

āstīka uvāca| śrūyatāṁ mātulaśreṣṭhā yuṣmākaṁ hitamuttamam| mahākālavane ramye yā vai kuśasthalī smṛtā

आस्तीक बोले — 'हे मामाओं में श्रेष्ठ! सुनो अपना परम हित — रमणीय महाकालवन में जो कुशस्थली स्मरण की जाती है...

श्लोक 9 (skanda.5.65.9)

तस्यां हि दक्षिणे भागे पूर्वतीर्थं सनातनम्। नागालयं पुरा प्रोक्तं यत्र संनिहितो हरिः

tasyāṁ hi dakṣiṇe bhāge pūrvatīrthaṁ sanātanam| nāgālayaṁ purā proktaṁ yatra saṁnihito hariḥ

...उसी के दक्षिण भाग में सनातन पूर्वतीर्थ है, जो प्राचीन काल से नागालय कहा गया है, जहाँ हरि स्वयं निकट विराजमान हैं।'

श्लोक 10 (skanda.5.65.10)

योगनिद्रां समासाद्य शेते ब्रह्म सनातनम्। शेषशायीति विख्यातः सर्वलोकेषु गीयते

yoganidrāṁ samāsādya śete brahma sanātanam| śeṣaśāyīti vikhyātaḥ sarvalokeṣu gīyate

'योगनिद्रा को प्राप्त होकर सनातन ब्रह्म वहाँ शयन करते हैं; शेषशायी नाम से विख्यात होकर वे समस्त लोकों में गाए जाते हैं।

श्लोक 11 (skanda.5.65.11)

कल्पदोषो न तत्रैव बाधते सर्वदेहिनाम्। बकदाल्भ्य ऋषिस्तत्र तपस्तेपे धृतव्रतः

kalpadoṣo na tatraiva bādhate sarvadehinām| bakadālbhya ṛṣistatra tapastepe dhṛtavrataḥ

वहाँ कल्पांत का दोष किसी भी देहधारी को बाधित नहीं करता। वहीं बकदाल्भ्य ऋषि ने व्रतधारी होकर तपस्या की।

श्लोक 12 (skanda.5.65.12)

लोमशश्च महातेजास्तत्रैव प्रतितिष्ठति। दीर्घायुष्ट्वं समापन्नो मार्कंडेयो महामुनिः

lomaśaśca mahātejāstatraiva pratitiṣṭhati| dīrghāyuṣṭvaṁ samāpanno mārkaṁḍeyo mahāmuniḥ

वहीं महातेजस्वी लोमश प्रतिष्ठित हैं; वहीं महामुनि मार्कण्डेय ने दीर्घायुष्य प्राप्त किया।

श्लोक 13 (skanda.5.65.13)

न वर्तते कालचक्रं महाकालप्रतापतः। कपिलः सिद्धिमापन्नो यत्र तीर्थवरोत्तमे

na vartate kālacakraṁ mahākālapratāpataḥ| kapilaḥ siddhimāpanno yatra tīrthavarottame

महाकाल के प्रताप से वहाँ कालचक्र भी नहीं चलता; उसी श्रेष्ठतम तीर्थ में कपिल ने सिद्धि प्राप्त की।

श्लोक 14 (skanda.5.65.14)

हरिश्चंद्रो विमुक्तोऽभूद्गर्ह्यचण्डालयोनितः। सप्तर्षिप्रवरा ये ते निर्वाणपदवीं गताः

hariścaṁdro vimukto'bhūdgarhyacaṇḍālayonitaḥ| saptarṣipravarā ye te nirvāṇapadavīṁ gatāḥ

हरिश्चंद्र वहाँ निंद्य चांडाल-योनि से मुक्त हुए; तथा सप्तर्षियों में श्रेष्ठ वे भी निर्वाणपद को प्राप्त हुए।

श्लोक 15 (skanda.5.65.15)

एतस्मात्कारणात्सर्वैस्तत्र विश्रम्यतां सदा। मातुः शापोद्भवो दोषो युष्माकं नैव बाधते

etasmātkāraṇātsarvaistatra viśramyatāṁ sadā| mātuḥ śāpodbhavo doṣo yuṣmākaṁ naiva bādhate

इसी कारण से आप सभी वहीं सदा विश्राम करें; माता के शाप से उत्पन्न दोष आपको वहाँ कदापि बाधित नहीं करेगा।'

श्लोक 16 (skanda.5.65.16)

एतत्ते वचनं श्रुत्वा महर्षेरास्तिकस्य च। आगच्छंस्तत्र ते शीघ्रं वासार्थं पन्नगोत्तमाः

etatte vacanaṁ śrutvā maharṣerāstikasya ca| āgacchaṁstatra te śīghraṁ vāsārthaṁ pannagottamāḥ

महर्षि आस्तीक के इस वचन को सुनकर, वे श्रेष्ठ नाग निवास हेतु शीघ्र ही वहाँ आ गये।

श्लोक 17 (skanda.5.65.17)

एलापत्रः कंबलश्च कर्कोटकधनंजयौ। वासुकिः पन्नगश्रेष्ठस्तक्षको नील एव च

elāpatraḥ kaṁbalaśca karkoṭakadhanaṁjayau| vāsukiḥ pannagaśreṣṭhastakṣako nīla eva ca

एलापत्र, कंबल, कर्कोटक, धनंजय, नागश्रेष्ठ वासुकि, तक्षक तथा नील भी...

श्लोक 18 (skanda.5.65.18)

पद्मकश्चार्बुदश्चैव नागास्ते सर्व एव हि। अत्रागत्य स्वस्वस्थानानि चक्रुस्ते सुचिरव्रताः

padmakaścārbudaścaiva nāgāste sarva eva hi| atrāgatya svasvasthānāni cakruste suciravratāḥ

...पद्मक तथा अर्बुद — ये समस्त नाग यहाँ आकर, दीर्घकाल तक व्रत धारण कर, अपने-अपने स्थान बना लिए।

श्लोक 19 (skanda.5.65.19)

तत्र रम्याणि तीर्थानि जातानि परमाणि च। नवानि चक्रुः कुंडानि तीर्थभूतानि सत्तम

tatra ramyāṇi tīrthāni jātāni paramāṇi ca| navāni cakruḥ kuṁḍāni tīrthabhūtāni sattama

वहाँ रमणीय और परम तीर्थ उत्पन्न हुए; हे सत्तम! उन्होंने नौ नए कुंड बनाए, जो तीर्थस्वरूप बन गए।

श्लोक 20 (skanda.5.65.20)

महापुण्यप्रदान्याहुर्महापापहराणि च। यत्र सिद्धाश्च गंधर्वा ऋषयः संशितव्रताः

mahāpuṇyapradānyāhurmahāpāpaharāṇi ca| yatra siddhāśca gaṁdharvā ṛṣayaḥ saṁśitavratāḥ

वे महापुण्यदायी और महापापहारी कहे गए हैं, जहाँ सिद्ध, गंधर्व, तथा कठोरव्रती ऋषिगण...

श्लोक 21 (skanda.5.65.21)

अप्सरोगणसंघैश्च सेव्यंते च सदा वरैः। यत्र शेषो महानागः पुरा प्रोक्तो महर्षिणा

apsarogaṇasaṁghaiśca sevyaṁte ca sadā varaiḥ| yatra śeṣo mahānāgaḥ purā prokto maharṣiṇā

...श्रेष्ठ अप्सराओं के समूहों सहित सदा सेवा करते हैं — जहाँ महानाग शेष को महर्षि द्वारा प्राचीन काल में यह बताया गया था...

श्लोक 22 (skanda.5.65.22)

शेषशायी ह्यलं विष्णुर्भगवान्कमलेक्षणः। तत्र सर्वाणि तीर्थानि तिष्ठंति भुवि सर्वदा

śeṣaśāyī hyalaṁ viṣṇurbhagavānkamalekṣaṇaḥ| tatra sarvāṇi tīrthāni tiṣṭhaṁti bhuvi sarvadā

...कि वे साक्षात् शेषशायी विष्णु भगवान् कमलेक्षण ही हैं। वहाँ समस्त तीर्थ सदा पृथ्वी पर विराजमान रहते हैं।

श्लोक 23 (skanda.5.65.23)

श्वेतद्वीपेति विख्याता मणिविक्रांतभूमिका। यत्र पुण्याश्च वै वृक्षाः पुष्पिताश्चैव सर्वशः

śvetadvīpeti vikhyātā maṇivikrāṁtabhūmikā| yatra puṇyāśca vai vṛkṣāḥ puṣpitāścaiva sarvaśaḥ

वह स्थान श्वेतद्वीप नाम से विख्यात है, जिसकी भूमि रत्नों से आच्छादित है; जहाँ पुण्यमय वृक्ष सर्वत्र पुष्पित रहते हैं।

श्लोक 24 (skanda.5.65.24)

हंसकारंडकाकादि पिककोकिलसारसाः। पद्मखंडगणास्तत्र नृत्यंति च शिखंडिनः

haṁsakāraṁḍakākādi pikakokilasārasāḥ| padmakhaṁḍagaṇāstatra nṛtyaṁti ca śikhaṁḍinaḥ

हंस, कारंडव, कौवे आदि, कोयल, कोकिल, सारस — वहाँ कमल-समूहों में झुंड बनाते हैं और मयूर नृत्य करते हैं।

श्लोक 25 (skanda.5.65.25)

निधिरेष महापद्मो नीलोत्पलसुगंधिना। वासितो वायुना शुभ्रः किन्नरोद्गारनादितः

nidhireṣa mahāpadmo nīlotpalasugaṁdhinā| vāsito vāyunā śubhraḥ kinnarodgāranāditaḥ

यह महापद्म नामक निधि नीलकमलों की सुगंध से युक्त है; शुभ्र, वायु से सुवासित, किन्नरों के गान से गुंजायमान।

श्लोक 26 (skanda.5.65.26)

यत्र सुसंस्कृता नार्यो विहरंति सुरांगनाः। नागकन्याभी रम्याभिर्मंडितं परमाद्भुतम्

yatra susaṁskṛtā nāryo viharaṁti surāṁganāḥ| nāgakanyābhī ramyābhirmaṁḍitaṁ paramādbhutam

जहाँ सुसज्जित देवांगनाएँ विहार करती हैं; रमणीय नागकन्याओं से सुशोभित, अत्यंत अद्भुत स्थान है।

श्लोक 27 (skanda.5.65.27)

यत्र स्नात्वा नरो याति वैकुंठं धाम शोभनम्। शेषशायी हरिर्यत्र शेते हि च रमापतिः

yatra snātvā naro yāti vaikuṁṭhaṁ dhāma śobhanam| śeṣaśāyī hariryatra śete hi ca ramāpatiḥ

जहाँ स्नान कर मनुष्य शोभनीय वैकुंठ धाम को जाता है, जहाँ शेषशायी हरि, रमापति, शयन करते हैं।

श्लोक 28 (skanda.5.65.28)

तत्र रमासरो नाम तीर्थं परमशोभनम्। यत्र स्नात्वा नरो नित्यं श्रीमान्भवति नाऽन्यथा

tatra ramāsaro nāma tīrthaṁ paramaśobhanam| yatra snātvā naro nityaṁ śrīmānbhavati nā'nyathā

वहाँ रमासर नामक अत्यंत सुंदर तीर्थ है, जहाँ स्नान कर मनुष्य सदा श्रीमान् होता है, अन्यथा नहीं।

श्लोक 29 (skanda.5.65.29)

एवं व्यास परं स्थानं सर्वपापहरं परम्। अत्रैव च परं तीर्थं बलेराश्रममद्भुतम्

evaṁ vyāsa paraṁ sthānaṁ sarvapāpaharaṁ param| atraiva ca paraṁ tīrthaṁ balerāśramamadbhutam

हे व्यास! इस प्रकार यह परम स्थान समस्त पापों को हरने वाला है; यहीं बलि का अद्भुत आश्रम भी एक श्रेष्ठ तीर्थ है।

श्लोक 30 (skanda.5.65.30)

अत्र स्नानादिकं कार्यं यत्र संनिहितो हरिः। सर्वपापविशुद्धात्मा नरो भवति तत्क्षणात्

atra snānādikaṁ kāryaṁ yatra saṁnihito hariḥ| sarvapāpaviśuddhātmā naro bhavati tatkṣaṇāt

यहाँ स्नान आदि करना चाहिए, जहाँ हरि निकट विराजमान हैं; मनुष्य उसी क्षण समस्त पापों से शुद्धात्मा हो जाता है।

श्लोक 31 (skanda.5.65.31)

कियत्प्रमाणमात्रां च ये ददति वसुंधराम्। तनूरुहाणि यावंति तावत्कालसुसंख्यया

kiyatpramāṇamātrāṁ ca ye dadati vasuṁdharām| tanūruhāṇi yāvaṁti tāvatkālasusaṁkhyayā

जो लोग यहाँ जितनी भूमि दान करते हैं, उतने ही कालों तक — शरीर के रोमों की संख्या के बराबर वर्षों तक...

श्लोक 32 (skanda.5.65.32)

अक्षय्या लभ्यते वृद्धिस्तेषां लोकाः सनातनाः। श्रावणे मासि दर्शे च पंचम्यां सोमवासरे

akṣayyā labhyate vṛddhisteṣāṁ lokāḥ sanātanāḥ| śrāvaṇe māsi darśe ca paṁcamyāṁ somavāsare

...उन्हें अक्षय वृद्धि और सनातन लोक प्राप्त होते हैं। श्रावण मास में, अमावस्या को, तथा सोमवार को पड़ने वाली पंचमी को...

श्लोक 33 (skanda.5.65.33)

नागानां पूजनं कार्यं श्राद्धं दर्शे विधीयते। अक्षयं जायते श्राद्धं वांछितार्थं भवेत्ततः

nāgānāṁ pūjanaṁ kāryaṁ śrāddhaṁ darśe vidhīyate| akṣayaṁ jāyate śrāddhaṁ vāṁchitārthaṁ bhavettataḥ

...नागों का पूजन करना चाहिए, अमावस्या को श्राद्ध विहित है; इससे अक्षय श्राद्ध होता है और वांछित फल की प्राप्ति होती है।