कुटुम्बेश्वर माहात्म्य और शिवरात्रि व्रत

श्लोक 1 (skanda.5.67.1)

शृणु व्यास परं तीर्थं भुवि विख्यातमुत्तमम्। कुटुम्बेश्वरेति विख्यातो नाम्ना चैव महेश्वरः

śṛṇu vyāsa paraṁ tīrthaṁ bhuvi vikhyātamuttamam| kuṭumbeśvareti vikhyāto nāmnā caiva maheśvaraḥ

हे व्यास! सुनो, पृथ्वी पर विख्यात एक और श्रेष्ठ परम तीर्थ; वह कुटुम्बेश्वर नाम से विख्यात, साक्षात् महेश्वर ही है।

श्लोक 2 (skanda.5.67.2)

तस्य तीर्थवरं तीर्थं सर्वतीर्थफलप्रदम्। यस्मिंस्तीर्थे नरः स्नात्वा कुटुम्बी जायते ध्रुवम्

tasya tīrthavaraṁ tīrthaṁ sarvatīrthaphalapradam| yasmiṁstīrthe naraḥ snātvā kuṭumbī jāyate dhruvam

उनका वह श्रेष्ठ तीर्थ समस्त तीर्थों का फल देने वाला है; जिस तीर्थ में स्नान कर मनुष्य निश्चय ही परिवार से युक्त हो जाता है।

श्लोक 3 (skanda.5.67.3)

कुटुम्बार्थं तपस्तेपे पुरा दक्षः प्रजापतिः। नारदेन पुरा व्यास पुत्रषष्टिर्विवासिता

kuṭumbārthaṁ tapastepe purā dakṣaḥ prajāpatiḥ| nāradena purā vyāsa putraṣaṣṭirvivāsitā

प्राचीन काल में दक्ष प्रजापति ने संतान की प्राप्ति के लिए तपस्या की; हे व्यास! प्राचीन काल में नारद द्वारा उनके साठ पुत्र [संन्यास की ओर] मोड़ दिए गए थे।

श्लोक 4 (skanda.5.67.4)

प्रजाकामः स धर्मात्मा सुचिरं व्रतमाचरत्। सपत्नीको महातेजा निराहारो जितेन्द्रियः

prajākāmaḥ sa dharmātmā suciraṁ vratamācarat| sapatnīko mahātejā nirāhāro jitendriyaḥ

संतान की कामना से वह धर्मात्मा दीर्घकाल तक व्रत का पालन करता रहा; पत्नी सहित, महातेजस्वी, निराहार, जितेंद्रिय होकर...

श्लोक 5 (skanda.5.67.5)

अस्मिंस्तीर्थे शुचिः स्नातो जपन्ब्रह्म सनातनम्। वर्षाणामयुतं व्यास तपस्तेपे सुदारुणम्

asmiṁstīrthe śuciḥ snāto japanbrahma sanātanam| varṣāṇāmayutaṁ vyāsa tapastepe sudāruṇam

...इस तीर्थ में शुद्ध होकर स्नान कर, सनातन ब्रह्म का जप करते हुए, हे व्यास! उसने दस हजार वर्षों तक अत्यंत दारुण तपस्या की।

श्लोक 6 (skanda.5.67.6)

तेन तीर्थप्रसादेन लभेत्स बहुलां प्रजाम्। प्रजापतिरिति ख्यातो जातो दक्षः प्रतापवान्

tena tīrthaprasādena labhetsa bahulāṁ prajām| prajāpatiriti khyāto jāto dakṣaḥ pratāpavān

उस तीर्थ के प्रसाद से उसे प्रचुर संतान प्राप्त हुई; वह प्रतापी दक्ष 'प्रजापति' नाम से विख्यात हुआ।

श्लोक 7 (skanda.5.67.7)

ब्रह्माऽपि तत्र वै पश्चात्तपः कृत्वा सुदुष्करम्। निष्कलं कमलं रूपं प्राप्तवांस्तत्क्षणाद्विधिः

brahmā'pi tatra vai paścāttapaḥ kṛtvā suduṣkaram| niṣkalaṁ kamalaṁ rūpaṁ prāptavāṁstatkṣaṇādvidhiḥ

ब्रह्मा ने भी पश्चात् वहीं अत्यंत दुष्कर तपस्या कर, तत्क्षण निष्कल कमल-रूप को प्राप्त किया।

श्लोक 8 (skanda.5.67.8)

महादेवोऽपि तत्रैव प्राप्तवान्ब्रह्मणः पदम्। चतुर्मुखधरं लिंगं दृश्यतेऽद्यापि सत्तम

mahādevo'pi tatraiva prāptavānbrahmaṇaḥ padam| caturmukhadharaṁ liṁgaṁ dṛśyate'dyāpi sattama

महादेव ने भी वहीं ब्रह्मा के पद को प्राप्त किया; हे सत्तम! चार मुखों वाला वह लिंग आज भी वहाँ दिखाई देता है।

श्लोक 9 (skanda.5.67.9)

भद्रपीठधरा देवी भद्रकालीति विश्रुता। तत्रैव च सदा व्यास क्रीडति स्म धृतव्रता

bhadrapīṭhadharā devī bhadrakālīti viśrutā| tatraiva ca sadā vyāsa krīḍati sma dhṛtavratā

भद्रपीठ को धारण करने वाली देवी, भद्रकाली नाम से विख्यात, हे व्यास! वहीं सदा व्रतधारिणी होकर क्रीड़ा करती हैं।

श्लोक 10 (skanda.5.67.10)

द्वारे तिष्ठति तत्रैव भैरवः क्षेत्रपालकः। पादेन खंजतां यातः पुरा दैत्यवरार्दितः

dvāre tiṣṭhati tatraiva bhairavaḥ kṣetrapālakaḥ| pādena khaṁjatāṁ yātaḥ purā daityavarārditaḥ

उसी द्वार पर क्षेत्रपाल भैरव विराजमान हैं, जो प्राचीन काल में एक श्रेष्ठ दैत्य से पीड़ित होकर पैर से लंगड़े हो गए थे।

श्लोक 11 (skanda.5.67.11)

पुत्रवत्पालितो देव्या सदा तिष्ठति तत्स्थले। ये ते देवगणाः सर्वे तस्मिंस्तीर्थे प्रतिष्ठिताः

putravatpālito devyā sadā tiṣṭhati tatsthale| ye te devagaṇāḥ sarve tasmiṁstīrthe pratiṣṭhitāḥ

देवी द्वारा पुत्रवत् पालित होकर वे सदा उसी स्थान पर विराजमान रहते हैं; तथा वे समस्त देवगण भी उस तीर्थ में प्रतिष्ठित हैं।

श्लोक 12 (skanda.5.67.12)

ऋषयोऽपि महाभागाः सदा पर्वणिपर्वणि। आयांति चैव संध्यार्थं बहुपुत्रप्रदे सरे

ṛṣayo'pi mahābhāgāḥ sadā parvaṇiparvaṇi| āyāṁti caiva saṁdhyārthaṁ bahuputraprade sare

महाभाग्यशाली ऋषिगण भी प्रत्येक पर्व पर सायं-उपासना के लिए, बहुपुत्र देने वाले उस सरोवर में आते हैं।

श्लोक 13 (skanda.5.67.13)

अस्मिंस्तीर्थे सदाचाराः स्नानं कुर्वन्ति ये नराः। न तेषां दुर्लभं किंचिज्जायते जन्मजन्मनि

asmiṁstīrthe sadācārāḥ snānaṁ kurvanti ye narāḥ| na teṣāṁ durlabhaṁ kiṁcijjāyate janmajanmani

इस तीर्थ में जो सदाचारी मनुष्य स्नान करते हैं, उनके लिए जन्म-जन्मांतर में कुछ भी दुर्लभ नहीं रहता।

श्लोक 14 (skanda.5.67.14)

महाबाधासु घोरासु महामारीषु तत्परैः। हवनं क्रियते नित्यं सर्षपैः राजिकैर्यवैः

mahābādhāsu ghorāsu mahāmārīṣu tatparaiḥ| havanaṁ kriyate nityaṁ sarṣapaiḥ rājikairyavaiḥ

भीषण महाबाधाओं तथा महामारियों में, तत्पर जन सरसों, राई तथा जौ से नित्य हवन करते हैं...

श्लोक 15 (skanda.5.67.15)

पायसैर्विविधैर्भोगैस्तेषां दोषो न जायते। दुर्भिक्षे राज्यभ्रंशे च संग्रामे भृशदारुणे

pāyasairvividhairbhogaisteṣāṁ doṣo na jāyate| durbhikṣe rājyabhraṁśe ca saṁgrāme bhṛśadāruṇe

...तथा खीर एवं विविध भोग्य पदार्थों से — उन्हें कोई दोष नहीं होता। दुर्भिक्ष में, राज्यभ्रंश में, तथा अत्यंत भीषण युद्ध में...

श्लोक 16 (skanda.5.67.16)

पूजयेत्क्षेत्रपालं च सर्वापदि समाहितः। सर्वदुःखविनिर्मुक्तो जायते नात्र संशयः

pūjayetkṣetrapālaṁ ca sarvāpadi samāhitaḥ| sarvaduḥkhavinirmukto jāyate nātra saṁśayaḥ

...एकाग्रचित्त होकर समस्त आपत्तियों में क्षेत्रपाल की पूजा करनी चाहिए; इससे वह समस्त दुःखों से मुक्त हो जाता है, इसमें संशय नहीं।

श्लोक 17 (skanda.5.67.17)

स्नात्वा कुटुंबके तीर्थे पूजयित्वा महेश्वरम्। दानं कूष्मांडकं दद्याद्ब्राह्मणाय तपस्विने

snātvā kuṭuṁbake tīrthe pūjayitvā maheśvaram| dānaṁ kūṣmāṁḍakaṁ dadyādbrāhmaṇāya tapasvine

कुटुम्बक तीर्थ में स्नान कर, महेश्वर की पूजा कर, तपस्वी ब्राह्मण को कूष्मांड (कुम्हड़े) का दान देना चाहिए।

श्लोक 18 (skanda.5.67.18)

सौवर्णमणिमुक्ताभिर्वासोऽलंकारसंयुतम्। धनधान्यसमायुक्तः कुटुंबी जायते नरः

sauvarṇamaṇimuktābhirvāso'laṁkārasaṁyutam| dhanadhānyasamāyuktaḥ kuṭuṁbī jāyate naraḥ

स्वर्ण, मणि, मोतियों से युक्त वस्त्र-आभूषण सहित [दान करने वाला] मनुष्य धन-धान्य से युक्त, कुटुम्बवान् बनता है।

श्लोक 19 (skanda.5.67.19)

फाल्गुने च सिते पक्षे या वै चतुर्दशी भवेत्। त्रयोदशीयुता व्यास शिवरात्रिस्तथोच्यते

phālgune ca site pakṣe yā vai caturdaśī bhavet| trayodaśīyutā vyāsa śivarātristathocyate

फाल्गुन मास के शुक्ल पक्ष में जो चतुर्दशी त्रयोदशी से युक्त हो, हे व्यास! वह शिवरात्रि कहलाती है।

श्लोक 20 (skanda.5.67.20)

तद्दिने च नरः स्नात्वा रात्रौ जागरणं चरेत्। बिल्वोदकेन गंधेन बहुपुष्पफलैस्तथा

taddine ca naraḥ snātvā rātrau jāgaraṇaṁ caret| bilvodakena gaṁdhena bahupuṣpaphalaistathā

उस दिन मनुष्य को स्नान कर रात्रि में जागरण करना चाहिए; बिल्वपत्र, जल, चंदन, प्रचुर पुष्प-फलों से...

श्लोक 21 (skanda.5.67.21)

धूपैर्दीपैश्च नैवेद्यैर्वासोऽलंकारकादिभिः। पूजयेद्यो नरो भक्त्या गिरीशं सगणं परम्

dhūpairdīpaiśca naivedyairvāso'laṁkārakādibhiḥ| pūjayedyo naro bhaktyā girīśaṁ sagaṇaṁ param

...धूप-दीप, नैवेद्य, वस्त्र-आभूषण आदि से, जो मनुष्य भक्तिपूर्वक गणों सहित परम गिरीश (शिव) की पूजा करता है...

श्लोक 22 (skanda.5.67.22)

तस्य पापं क्षयं याति शिवलोके महीयते। द्वादशैकादशीपुण्यं लभते भुवि मानवः

tasya pāpaṁ kṣayaṁ yāti śivaloke mahīyate| dvādaśaikādaśīpuṇyaṁ labhate bhuvi mānavaḥ

...उसका पाप नष्ट हो जाता है, वह शिवलोक में महिमान्वित होता है। मनुष्य पृथ्वी पर बारह एकादशियों का पुण्य प्राप्त करता है...

श्लोक 23 (skanda.5.67.23)

अश्वमेधफलं तस्य जागरे च क्षणेक्षणे। ततस्तु प्रातरुत्थाय स्नानदानादिकाः क्रियाः

aśvamedhaphalaṁ tasya jāgare ca kṣaṇekṣaṇe| tatastu prātarutthāya snānadānādikāḥ kriyāḥ

...तथा जागरण के प्रत्येक क्षण में अश्वमेध यज्ञ का फल प्राप्त करता है। फिर प्रातःकाल उठकर स्नान-दान आदि क्रियाएँ...

श्लोक 24 (skanda.5.67.24)

कृत्वा तु विधिवद्व्यास शिवपूजार्चनं तथा। विप्रांश्च भोजयेत्सप्त तस्य पुण्यफलं शृणु

kṛtvā tu vidhivadvyāsa śivapūjārcanaṁ tathā| viprāṁśca bhojayetsapta tasya puṇyaphalaṁ śṛṇu

...विधिपूर्वक कर, हे व्यास! शिवपूजा-अर्चना भी कर, सात ब्राह्मणों को भोजन कराए — उसके पुण्यफल को सुनो।

श्लोक 25 (skanda.5.67.25)

कपिलानां सवत्सानां सहस्राणि चतुर्दश। वाजपेयसहस्रस्य फलं प्राप्नोति नान्यथा

kapilānāṁ savatsānāṁ sahasrāṇi caturdaśa| vājapeyasahasrasya phalaṁ prāpnoti nānyathā

चौदह हजार बछड़ों सहित कपिला गौओं तथा एक हजार वाजपेय यज्ञों का फल उसे प्राप्त होता है, अन्यथा नहीं।