कर्कराज तीर्थ और चातुर्मास्य व्रत की महिमा

श्लोक 1 (skanda.5.69.1)

सनत्कुमार उवाच। भूयः शृणु परं तीर्थं सर्वतीर्थफलप्रदम्। कीर्तितं ब्रह्मणा पूर्वं मार्कंडेयस्य पृच्छतः

sanatkumāra uvāca| bhūyaḥ śṛṇu paraṁ tīrthaṁ sarvatīrthaphalapradam| kīrtitaṁ brahmaṇā pūrvaṁ mārkaṁḍeyasya pṛcchataḥ

सनत्कुमार बोले — अब सुनो एक और श्रेष्ठ तीर्थ, जो समस्त तीर्थों का फल देने वाला है, जो पूर्वकाल में ब्रह्मा द्वारा पूछते हुए मार्कण्डेय को कहा गया था।

श्लोक 2 (skanda.5.69.2)

शृणु वत्स महीपृष्ठे शिप्रा दिव्यतरा नदी। तस्यास्तीरे वरं तीर्थं कर्कराजेति विश्रुतम्

śṛṇu vatsa mahīpṛṣṭhe śiprā divyatarā nadī| tasyāstīre varaṁ tīrthaṁ karkarājeti viśrutam

हे वत्स! सुनो, पृथ्वी पर शिप्रा अत्यंत दिव्य नदी है; उसके तट पर एक श्रेष्ठ तीर्थ है, जो कर्कराज नाम से विख्यात है।

श्लोक 3 (skanda.5.69.3)

यस्य दर्शनमात्रेण महापापक्षयो भवेत्। विकारा मानसाः सर्वे चंद्रो मानससंभवः

yasya darśanamātreṇa mahāpāpakṣayo bhavet| vikārā mānasāḥ sarve caṁdro mānasasaṁbhavaḥ

जिसके दर्शन मात्र से महापाप का नाश हो जाता है। [यह वह समय है जब] मन के समस्त विकार होते हैं, क्योंकि चंद्रमा मन से उत्पन्न माना जाता है...

श्लोक 4 (skanda.5.69.4)

तस्य स्थाने गतो भानुर्याम्यायनकरः परः। ऋतुत्रयं समाख्यातं विधूम्रार्चिस्तदुच्यते

tasya sthāne gato bhānuryāmyāyanakaraḥ paraḥ| ṛtutrayaṁ samākhyātaṁ vidhūmrārcistaducyate

...उसी स्थिति की ओर सूर्य दक्षिणायन करते हुए परम रूप में जाता है; तीन ऋतुएँ तब कही जाती हैं, जिसे विधूम्रार्चि (धूमरहित अग्निशिखा) कहा जाता है। (ये दोनों श्लोक मूल में अत्यंत संक्षिप्त एवं दुरूह हैं; अनुवाद भावानुवाद है।)

श्लोक 5 (skanda.5.69.5)

तत्र मृताः प्रवर्तंते योगिनोऽपि परंतप। चातुर्मास्ये हरौ सुप्ते ये नरा व्रतवर्जिताः

tatra mṛtāḥ pravartaṁte yogino'pi paraṁtapa| cāturmāsye harau supte ye narā vratavarjitāḥ

वहाँ चातुर्मास्य में, हरि के शयन करने पर, व्रत से रहित मनुष्य, यहाँ तक कि योगी भी, हे परंतप! [दुर्गति को] प्राप्त होते हैं।

श्लोक 6 (skanda.5.69.6)

न तेषां सद्गतिर्वत्स सत्यमेव ब्रवीमि ते। चातुर्मास्ये मृता ये च ये मृता दक्षिणायने

na teṣāṁ sadgatirvatsa satyameva bravīmi te| cāturmāsye mṛtā ye ca ye mṛtā dakṣiṇāyane

हे वत्स! उनकी सद्गति नहीं होती, यह मैं तुम्हें सत्य कहता हूँ। जो चातुर्मास्य में मृत होते हैं, और जो दक्षिणायन में मृत होते हैं...

श्लोक 7 (skanda.5.69.7)

तेषामुद्धरणार्थाय तीर्थमेतद्विनिर्मितम्। कर्कराज इति ख्यातं सर्वलोकेषु गीयते

teṣāmuddharaṇārthāya tīrthametadvinirmitam| karkarāja iti khyātaṁ sarvalokeṣu gīyate

...उनके उद्धार के लिए यह तीर्थ निर्मित हुआ; यह कर्कराज नाम से विख्यात, समस्त लोकों में गाया जाता है।

श्लोक 8 (skanda.5.69.8)

मार्कण्डेय उवाच। भगवन्भवता सर्वं निर्मितं विश्वमूर्तिना। चराचरमिदं विश्वं जगत्सर्वं जगत्पते

mārkaṇḍeya uvāca| bhagavanbhavatā sarvaṁ nirmitaṁ viśvamūrtinā| carācaramidaṁ viśvaṁ jagatsarvaṁ jagatpate

मार्कण्डेय बोले — 'हे भगवन्! विश्वमूर्ति आपके द्वारा यह सब निर्मित हुआ है — यह चराचर विश्व, यह समस्त जगत्, हे जगत्पते!

श्लोक 9 (skanda.5.69.9)

चातुर्मास्ये हरौ सुप्ते धर्माचारविधिः स्मृतः। तदहं श्रोतुमिच्छामि त्वत्तो ब्रह्मविदां वर

cāturmāsye harau supte dharmācāravidhiḥ smṛtaḥ| tadahaṁ śrotumicchāmi tvatto brahmavidāṁ vara

चातुर्मास्य में हरि के शयन करने पर जो धर्माचार-विधि स्मृत है, वह मैं आपसे सुनना चाहता हूँ, हे ब्रह्मवेत्ताओं में श्रेष्ठ!'

श्लोक 10 (skanda.5.69.10)

ब्रह्मोवाच। शृणु वत्स परं पुण्यं चातुर्मास्यफलं शुभम्। यच्छुत्वा भारते खण्डे नृणां मुक्तिर्न दुर्लभा

brahmovāca| śṛṇu vatsa paraṁ puṇyaṁ cāturmāsyaphalaṁ śubham| yacchutvā bhārate khaṇḍe nṛṇāṁ muktirna durlabhā

ब्रह्मा बोले — 'हे वत्स! सुनो चातुर्मास्य व्रत का परम पुण्यमय, शुभ फल; जिसे सुनकर भारतखंड में मनुष्यों की मुक्ति दुर्लभ नहीं रहती।

श्लोक 11 (skanda.5.69.11)

मुक्तिप्रदोऽयं भगवान्संसारोत्तारकारणः। यस्य स्मरणमात्रेण सर्वपापक्षयो भवेत्

muktiprado'yaṁ bhagavānsaṁsārottārakāraṇaḥ| yasya smaraṇamātreṇa sarvapāpakṣayo bhavet

यह भगवान् मुक्ति देने वाले, संसार से पार कराने के कारण हैं; जिनके स्मरण मात्र से समस्त पापों का नाश हो जाता है।

श्लोक 12 (skanda.5.69.12)

मानुष्यं दुर्लभं लोके तत्रापि च कुलीनता। तत्रापि संयमित्वं च तत्र सत्संगमः शुभः

mānuṣyaṁ durlabhaṁ loke tatrāpi ca kulīnatā| tatrāpi saṁyamitvaṁ ca tatra satsaṁgamaḥ śubhaḥ

संसार में मनुष्यत्व दुर्लभ है, उसमें भी कुलीनता दुर्लभ है; उसमें भी संयमशीलता, और उसमें भी शुभ सत्संग दुर्लभ है।

श्लोक 13 (skanda.5.69.13)

सत्संगमो न यत्रास्ति विष्णुभक्तिर्व्रतानि न। चातुर्मास्ये विशेषेण विष्णुव्रतकरः शुभः

satsaṁgamo na yatrāsti viṣṇubhaktirvratāni na| cāturmāsye viśeṣeṇa viṣṇuvratakaraḥ śubhaḥ

जहाँ सत्संग नहीं है, वहाँ न विष्णुभक्ति है, न व्रत हैं; चातुर्मास्य में विशेष रूप से विष्णु-व्रत करने वाला शुभ माना गया है।

श्लोक 14 (skanda.5.69.14)

चातुर्मास्येऽव्रती यस्तु तस्य पुण्यं निरर्थकम्। सर्वतीर्थानि दानानि पुण्यान्यायतनानि च

cāturmāsye'vratī yastu tasya puṇyaṁ nirarthakam| sarvatīrthāni dānāni puṇyānyāyatanāni ca

चातुर्मास्य में जो व्रतरहित है, उसका पुण्य निरर्थक हो जाता है; समस्त तीर्थ, दान, पुण्यकर्म तथा देवस्थान...

श्लोक 15 (skanda.5.69.15)

विष्णुमाश्रित्य तिष्ठंति चातुर्मास्ये समागते। स विष्णुराश्रितो नित्यं कर्कराजं सुतीर्थकम्

viṣṇumāśritya tiṣṭhaṁti cāturmāsye samāgate| sa viṣṇurāśrito nityaṁ karkarājaṁ sutīrthakam

...चातुर्मास्य आने पर विष्णु की शरण लेकर स्थित रहते हैं; वह विष्णु सदा कर्कराज के श्रेष्ठ तीर्थ में विराजमान हैं।

श्लोक 16 (skanda.5.69.16)

सुपुष्टेन च देहेन जीवितं तस्य शोभनम्। चातुर्मास्ये समायाते हरिर्येनार्चितस्तदा

supuṣṭena ca dehena jīvitaṁ tasya śobhanam| cāturmāsye samāyāte hariryenārcitastadā

जिसने चातुर्मास्य आने पर हरि की अर्चना की, उसका जीवन सुपुष्ट शरीर से शोभित होता है।

श्लोक 17 (skanda.5.69.17)

कृतार्थास्तस्य विबुधा यावज्जीवं वरप्रदाः। संप्राप्य मानुषं देहं चातुर्मास्ये पराङ्मुखः

kṛtārthāstasya vibudhā yāvajjīvaṁ varapradāḥ| saṁprāpya mānuṣaṁ dehaṁ cāturmāsye parāṅmukhaḥ

वरदायी देवगण उससे जीवनभर कृतार्थ रहते हैं; परंतु मनुष्य-शरीर पाकर भी जो चातुर्मास्य में विमुख रहता है...

श्लोक 18 (skanda.5.69.18)

तस्य पापशतान्याहुर्देहस्थानि न संशयः। मानुष्यं दुर्लभं लोके हरिभक्तिश्च दुर्लभा

tasya pāpaśatānyāhurdehasthāni na saṁśayaḥ| mānuṣyaṁ durlabhaṁ loke haribhaktiśca durlabhā

...उसके शरीर में सैकड़ों पाप निवास करते हैं, यह कहा गया है, इसमें संशय नहीं। संसार में मनुष्यत्व दुर्लभ है, और हरिभक्ति भी दुर्लभ है।

श्लोक 19 (skanda.5.69.19)

चातुर्मास्ये विशेषेण सुप्ते देवे जनार्दने। चातुर्मास्ये नरः स्नात्वा कर्करात्रे द्विजोत्तम। देहशुद्धिं विधायादौ मुक्तिमार्गमवाप्नुयात्

cāturmāsye viśeṣeṇa supte deve janārdane| cāturmāsye naraḥ snātvā karkarātre dvijottama| dehaśuddhiṁ vidhāyādau muktimārgamavāpnuyāt

विशेषतः चातुर्मास्य में, जब देव जनार्दन शयन करते हैं, हे द्विजोत्तम! चातुर्मास्य में कर्कराज में रात्रि में स्नान कर, पहले शरीर की शुद्धि कर मनुष्य मुक्तिमार्ग को प्राप्त करता है।

श्लोक 20 (skanda.5.69.20)

तत्रापि निर्झरे कूपे तडागे वा सरस्यपि। तस्मात्तदधिकं पुण्यं समाख्यातं सुरासुरैः

tatrāpi nirjhare kūpe taḍāge vā sarasyapi| tasmāttadadhikaṁ puṇyaṁ samākhyātaṁ surāsuraiḥ

पर्वत-निर्झर, कुआँ, तालाब अथवा सरोवर में भी स्नान से जो पुण्य होता है, उससे भी अधिक पुण्य देवताओं-असुरों द्वारा कहा गया है...

श्लोक 21 (skanda.5.69.21)

तेषु यः स्नाति वै नित्यं तस्य पापक्षयो भवेत्

teṣu yaḥ snāti vai nityaṁ tasya pāpakṣayo bhavet

...उनमें जो सदा स्नान करता है, उसके पाप का नाश हो जाता है।

श्लोक 22 (skanda.5.69.22)

तस्मान्नद्यधिका पुण्या समाख्याता सुरासुरैः। पुष्करे च प्रयागे च यत्र क्वापि महाजले

tasmānnadyadhikā puṇyā samākhyātā surāsuraiḥ| puṣkare ca prayāge ca yatra kvāpi mahājale

नदी में स्नान का पुण्य उससे भी अधिक देवताओं-असुरों द्वारा कहा गया है, तथा पुष्कर और प्रयाग में अथवा जहाँ कहीं भी महाजल हो...

श्लोक 23 (skanda.5.69.23)

चातुर्मास्ये तु यः स्नाति पुण्यसंख्या ततोऽधिका। रेवायां भास्करे क्षेत्रे प्राच्यां सागरसंगमे

cāturmāsye tu yaḥ snāti puṇyasaṁkhyā tato'dhikā| revāyāṁ bhāskare kṣetre prācyāṁ sāgarasaṁgame

...चातुर्मास्य में जो स्नान करता है, उसका पुण्य उससे भी अधिक होता है — रेवा में, भास्करक्षेत्र में, पूर्व दिशा में समुद्र-संगम पर...

श्लोक 24 (skanda.5.69.24)

एकाहमपि यः स्नाति चातुर्मास्ये न दुःखभाक्। दिनत्रयं च यः स्नाति नर्मदायां समाहितः

ekāhamapi yaḥ snāti cāturmāsye na duḥkhabhāk| dinatrayaṁ ca yaḥ snāti narmadāyāṁ samāhitaḥ

...चातुर्मास्य में एक दिन भी स्नान करने वाला दुःखभागी नहीं होता। जो एकाग्रचित्त होकर तीन दिन नर्मदा में स्नान करता है...

श्लोक 25 (skanda.5.69.25)

सुप्ते देवे जगन्नाथे पापं याति सहस्रधा। पक्षमेकं तु यः स्नाति गोदावर्यां दिनोदये

supte deve jagannāthe pāpaṁ yāti sahasradhā| pakṣamekaṁ tu yaḥ snāti godāvaryāṁ dinodaye

...जब जगन्नाथ देव शयन करते हैं, उसका पाप सहस्रगुणा नष्ट हो जाता है। जो सूर्योदय के समय गोदावरी में एक पक्ष स्नान करता है...

श्लोक 26 (skanda.5.69.26)

स भित्त्वा कर्मजं देहं याति विष्णोः सलोकताम्। अवंत्यां कर्कराजे तु साक्षाद्विष्णुर्भवेन्नरः। क्षणमेकं क्षणार्धं वा चातुर्मास्येऽतिलंघयेत्

sa bhittvā karmajaṁ dehaṁ yāti viṣṇoḥ salokatām| avaṁtyāṁ karkarāje tu sākṣādviṣṇurbhavennaraḥ| kṣaṇamekaṁ kṣaṇārdhaṁ vā cāturmāsye'tilaṁghayet

...वह कर्मजन्य शरीर को भेदकर विष्णु के साथ समान लोक को प्राप्त होता है। अवंती में कर्कराज में तो मनुष्य साक्षात् विष्णु ही हो जाता है — चातुर्मास्य में एक क्षण अथवा आधा क्षण भी बिताना पर्याप्त है।

श्लोक 27 (skanda.5.69.27)

तिलोदकेनामलसंयुतेन बिल्वोदकेनापि च मज्जयेद्यः। न तस्य जानामि फलाधिकं वै किं तस्य कीदृङ्मुनिभिः प्रणीतम्

tilodakenāmalasaṁyutena bilvodakenāpi ca majjayedyaḥ| na tasya jānāmi phalādhikaṁ vai kiṁ tasya kīdṛṅmunibhiḥ praṇītam

तिलोदक के साथ आँवले से युक्त जल में, अथवा बिल्वोदक में जो डुबकी लगाता है — मैं नहीं जानता कि उससे बढ़कर फल क्या है; मुनियों ने उसका फल कैसा बताया है!

श्लोक 28 (skanda.5.69.28)

गंगां स्मरति यो नित्यमुदपानसमीपतः। तद्गांगेयजलं जातं तेन स्नानं समाचरेत्

gaṁgāṁ smarati yo nityamudapānasamīpataḥ| tadgāṁgeyajalaṁ jātaṁ tena snānaṁ samācaret

जो नित्य कुएँ के समीप भी गंगा का स्मरण करता है, वह जल गंगाजल हो जाता है; उससे स्नान करना चाहिए।

श्लोक 29 (skanda.5.69.29)

गंगापि देवदेवस्य चरणांगुष्ठवाहिनी। पापहा सा सदा प्रोक्ता चातुर्मास्ये विशेषतः

gaṁgāpi devadevasya caraṇāṁguṣṭhavāhinī| pāpahā sā sadā proktā cāturmāsye viśeṣataḥ

गंगा भी देवाधिदेव के चरण के अंगूठे से बहने वाली है; वह सदा पापहारिणी कही गई है, विशेषतः चातुर्मास्य में।

श्लोक 30 (skanda.5.69.30)

चातुर्मास्ये जलगतो देवो नारायणो भवेत्। सर्वतीर्थाधिकं स्नानं विष्णुतेजोंऽशसंगतम्

cāturmāsye jalagato devo nārāyaṇo bhavet| sarvatīrthādhikaṁ snānaṁ viṣṇutejoṁ'śasaṁgatam

चातुर्मास्य में देव नारायण स्वयं जल में विराजमान होते हैं; तब का स्नान समस्त तीर्थों से अधिक फलदायी है, विष्णु के तेज के अंश से युक्त।

श्लोक 31 (skanda.5.69.31)

स्नानं दशविधं कार्यं विष्णुनाम्ना महाफलम्। सुप्ते देवे विशेषेण नरो देवत्वमाप्नुयात्

snānaṁ daśavidhaṁ kāryaṁ viṣṇunāmnā mahāphalam| supte deve viśeṣeṇa naro devatvamāpnuyāt

विष्णु के नाम से दशविध स्नान करना चाहिए, जो महाफलदायी है; विशेषतः देव के शयन करने पर मनुष्य देवत्व प्राप्त करता है।

श्लोक 32 (skanda.5.69.32)

विना स्नानं तु यत्कर्म पुण्यकार्यमयं शुभम्। क्रियते विफलं ब्रह्मंस्तद्गृह्णन्ति हि राक्षसाः

vinā snānaṁ tu yatkarma puṇyakāryamayaṁ śubham| kriyate viphalaṁ brahmaṁstadgṛhṇanti hi rākṣasāḥ

स्नान के बिना जो भी पुण्यकर्म किया जाता है, हे ब्रह्मन्! वह निष्फल हो जाता है, उसे राक्षस ही ग्रहण करते हैं।

श्लोक 33 (skanda.5.69.33)

स्नानेन सत्यमाप्नोति सत्ये धर्मः सनातनः। धर्मान्मोक्षपथं प्राप्य पुनर्नैवावसीदति

snānena satyamāpnoti satye dharmaḥ sanātanaḥ| dharmānmokṣapathaṁ prāpya punarnaivāvasīdati

स्नान से सत्य प्राप्त होता है, सत्य में सनातन धर्म स्थित है; धर्म से मोक्षमार्ग को प्राप्त कर मनुष्य पुनः कभी अधोगति को नहीं प्राप्त होता।

श्लोक 34 (skanda.5.69.34)

ये चाध्यात्मविदः पुण्या ये च वेदांतपारगाः। सर्वदानप्रदाने च तेषां स्नानेन शुध्यति

ye cādhyātmavidaḥ puṇyā ye ca vedāṁtapāragāḥ| sarvadānapradāne ca teṣāṁ snānena śudhyati

जो अध्यात्मविद्, पुण्यशील तथा वेदांतपारंगत हैं, तथा जो समस्त दानों के दाता हैं — वे भी स्नान से ही शुद्ध होते हैं।

श्लोक 35 (skanda.5.69.35)

कृतस्नानस्य हि हरिर्देहमाश्रित्य तिष्ठति। सर्वक्रियाफलं येषु संपूर्णफलदं भवेत्

kṛtasnānasya hi harirdehamāśritya tiṣṭhati| sarvakriyāphalaṁ yeṣu saṁpūrṇaphaladaṁ bhavet

स्नान किये हुए मनुष्य के शरीर में हरि स्वयं आश्रय लेकर विराजमान रहते हैं; ऐसे मनुष्यों में समस्त क्रियाओं का फल संपूर्ण हो जाता है।

श्लोक 36 (skanda.5.69.36)

सर्वपापविनाशाय देवतातोषणाय च। चातुर्मास्ये जलस्नानं सर्वपापक्षयावहम्

sarvapāpavināśāya devatātoṣaṇāya ca| cāturmāsye jalasnānaṁ sarvapāpakṣayāvaham

समस्त पापों के नाश तथा देवताओं की तृप्ति के लिए, चातुर्मास्य में जल-स्नान समस्त पापों का क्षय करने वाला है।

श्लोक 37 (skanda.5.69.37)

निशायां चैव न स्नायात्संध्यायां ग्रहणं विना। उष्णोदकेन न स्नायाद्रात्रौ शुद्धिर्न जायते

niśāyāṁ caiva na snāyātsaṁdhyāyāṁ grahaṇaṁ vinā| uṣṇodakena na snāyādrātrau śuddhirna jāyate

रात्रि में स्नान नहीं करना चाहिए, न ग्रहण के बिना संध्या-समय में; गरम जल से स्नान नहीं करना चाहिए, रात्रि में शुद्धि नहीं होती।

श्लोक 38 (skanda.5.69.38)

भानुसंदर्शनाच्छुद्धिर्विहिता सर्वकर्मसु। चातुर्मास्ये विशेषेण जलशुद्धिस्तु भाविनी

bhānusaṁdarśanācchuddhirvihitā sarvakarmasu| cāturmāsye viśeṣeṇa jalaśuddhistu bhāvinī

सूर्य के दर्शन से समस्त कर्मों में शुद्धि विहित है; विशेषतः चातुर्मास्य में जल से ही शुद्धि होने वाली है।

श्लोक 39 (skanda.5.69.39)

अशक्त्यां तु शरीरस्य भस्मस्नानेन शुध्यति। मंत्रस्नानेन विप्रेंद्र विष्णुपादोदकेन वा

aśaktyāṁ tu śarīrasya bhasmasnānena śudhyati| maṁtrasnānena vipreṁdra viṣṇupādodakena vā

शरीर की अशक्तता में भस्म-स्नान से शुद्धि होती है, हे विप्रेंद्र! अथवा मंत्र-स्नान से, अथवा विष्णु के चरणोदक से।

श्लोक 40 (skanda.5.69.40)

नारायणाग्रतः स्नानं क्षेत्रे तीर्थे नदीषु च। विशेषतोऽपि शिप्रायां तीर्थे कर्काभिधे वरे

nārāyaṇāgrataḥ snānaṁ kṣetre tīrthe nadīṣu ca| viśeṣato'pi śiprāyāṁ tīrthe karkābhidhe vare

नारायण के सम्मुख, क्षेत्र में, तीर्थ में, नदियों में स्नान करना चाहिए; विशेषतः शिप्रा में, कर्क नामक श्रेष्ठ तीर्थ में...

श्लोक 41 (skanda.5.69.41)

यश्च स्नाति नरो नित्यं स याति वैष्णवं पदम्। तस्मात्त्वं भार्गवश्रेष्ठ तत्र गच्छस्व मा चिरम्

yaśca snāti naro nityaṁ sa yāti vaiṣṇavaṁ padam| tasmāttvaṁ bhārgavaśreṣṭha tatra gacchasva mā ciram

...जो मनुष्य वहाँ नित्य स्नान करता है, वह वैष्णव पद को प्राप्त होता है। इसलिए, हे भार्गवश्रेष्ठ! तुम बिना विलंब वहाँ जाओ।

श्लोक 42 (skanda.5.69.42)

पृथिव्यां यानि तीर्थानि पुण्यान्यायतनानि च। तानि सर्वाणि तिष्ठंति कर्कराजजले सदा

pṛthivyāṁ yāni tīrthāni puṇyānyāyatanāni ca| tāni sarvāṇi tiṣṭhaṁti karkarājajale sadā

पृथ्वी पर जितने भी पुण्यमय तीर्थ और देवस्थान हैं, वे सभी सदा कर्कराज के जल में विराजमान रहते हैं।

श्लोक 43 (skanda.5.69.43)

कर्कस्थे च दिवानाथे स्नानं कुर्वंति ये नराः। न तेषां पुनरावृत्तिः कल्पकोटिशतैरपि

karkasthe ca divānāthe snānaṁ kurvaṁti ye narāḥ| na teṣāṁ punarāvṛttiḥ kalpakoṭiśatairapi

जो मनुष्य सूर्य के कर्क राशि में दिन में स्थित होने पर स्नान करते हैं, उनका पुनरागमन सैकड़ों करोड़ों कल्पों में भी नहीं होता।

श्लोक 44 (skanda.5.69.44)

चातुर्मास्यं समासाद्य तत्रैव निवसाम्यहम्। नास्ति रेवासमा पुण्या नदी ब्रह्मांडभूतले

cāturmāsyaṁ samāsādya tatraiva nivasāmyaham| nāsti revāsamā puṇyā nadī brahmāṁḍabhūtale

'चातुर्मास्य के समय मैं स्वयं वहीं निवास करता हूँ। इस ब्रह्मांड-भूतल पर रेवा के समान पुण्यमयी कोई नदी नहीं है।

श्लोक 45 (skanda.5.69.45)

महेशान्नापरो देवो मुक्तिदो न जनार्दनात्। उज्जयिनीसमा नास्ति पुरी कामवरप्रदा

maheśānnāparo devo muktido na janārdanāt| ujjayinīsamā nāsti purī kāmavarapradā

महेश से बढ़कर कोई देव नहीं, जनार्दन से बढ़कर कोई मुक्तिदाता नहीं; उज्जयिनी के समान समस्त कामनाएँ देने वाली कोई नगरी नहीं है।

श्लोक 46 (skanda.5.69.46)

कर्कराजसमं तीर्थं नास्ति वत्स महीतले। यस्य दर्शनमात्रेण मुक्तिभागी भवेन्नरः

karkarājasamaṁ tīrthaṁ nāsti vatsa mahītale| yasya darśanamātreṇa muktibhāgī bhavennaraḥ

हे वत्स! पृथ्वी पर कर्कराज के समान कोई तीर्थ नहीं है; जिसके दर्शन मात्र से मनुष्य मुक्तिभागी हो जाता है।'

श्लोक 47 (skanda.5.69.47)

एवं व्यास समाख्यातं ब्रह्मणा भार्गवाय च। तस्मात्सर्वप्रयत्नेन महाकालवनं व्रज

evaṁ vyāsa samākhyātaṁ brahmaṇā bhārgavāya ca| tasmātsarvaprayatnena mahākālavanaṁ vraja

हे व्यास! इस प्रकार ब्रह्मा द्वारा भार्गव से यह कहा गया; इसलिए सर्वप्रयत्न से महाकालवन को जाओ।

श्लोक 48 (skanda.5.69.48)

अस्माकं चापि तत्रैव स्थानं परमशोभनम्। चातुर्मास्ये हरौ सुप्ते यावद्यायात्प्रबोधिनी

asmākaṁ cāpi tatraiva sthānaṁ paramaśobhanam| cāturmāsye harau supte yāvadyāyātprabodhinī

'हमारा भी परम शोभनीय स्थान वहीं है; चातुर्मास्य में हरि के शयन करने पर, जब तक प्रबोधिनी (एकादशी) नहीं आती...

श्लोक 49 (skanda.5.69.49)

तावत्कालं हि तत्रैव मुक्तिरेव न संशयः। चातुर्मास्ये हरौ सुप्ते जहाति चेत्कलेवरम्

tāvatkālaṁ hi tatraiva muktireva na saṁśayaḥ| cāturmāsye harau supte jahāti cetkalevaram

...उतने काल तक वहीं मुक्ति निश्चित है, इसमें संशय नहीं। चातुर्मास्य में हरि के शयन करने पर यदि कोई वहाँ शरीर त्याग करे...

श्लोक 50 (skanda.5.69.50)

यमलोके चिरं वासो जायते नात्र संशयः। तस्मात्तुलसिकाभागे शालिग्रामे सुरालये

yamaloke ciraṁ vāso jāyate nātra saṁśayaḥ| tasmāttulasikābhāge śāligrāme surālaye

...तो यमलोक में चिरकाल तक निवास होता है, इसमें संशय नहीं।' इसलिए तुलसी के समीप, शालिग्राम में, देवालय में...

श्लोक 51 (skanda.5.69.51)

आत्मानं हि पणीकृत्य तत्रैव संनियोजयेत्। यावत्प्रबोधिनी चैति द्वादशी द्विजसत्तम

ātmānaṁ hi paṇīkṛtya tatraiva saṁniyojayet| yāvatprabodhinī caiti dvādaśī dvijasattama

...अपने आप को मानो गिरवी रखकर वहीं संलग्न कर देना चाहिए, हे द्विजसत्तम! जब तक प्रबोधिनी द्वादशी न आ जाए।

श्लोक 52 (skanda.5.69.52)

पश्चाद्घृतसुवर्णेन मोचयित्वा स्वकं नयेत्। चातुर्मास्योद्भवं दोषं बाधते न च मानवम्

paścādghṛtasuvarṇena mocayitvā svakaṁ nayet| cāturmāsyodbhavaṁ doṣaṁ bādhate na ca mānavam

पश्चात् घी और सुवर्ण से स्वयं को मुक्त कर आगे बढ़ना चाहिए; इससे चातुर्मास्य में उत्पन्न दोष मनुष्य को बाधित नहीं करता...

श्लोक 53 (skanda.5.69.53)

यस्य शिप्रोदके स्नानं कर्कराजेऽनुजायते। एवं व्यास वरं तीर्थं सर्वतीर्थफलप्रदम्

yasya śiprodake snānaṁ karkarāje'nujāyate| evaṁ vyāsa varaṁ tīrthaṁ sarvatīrthaphalapradam

...जो कर्कराज में शिप्रा के जल में स्नान करता है। हे व्यास! इस प्रकार यह श्रेष्ठ तीर्थ समस्त तीर्थों का फल देने वाला है।

श्लोक 54 (skanda.5.69.54)

पृथिव्यां यानि तीर्थानि सरितः सागराश्च ये। ते सर्वे च समायांति चातुर्मास्ये द्विजोत्तम

pṛthivyāṁ yāni tīrthāni saritaḥ sāgarāśca ye| te sarve ca samāyāṁti cāturmāsye dvijottama

पृथ्वी पर जितने भी तीर्थ, नदियाँ और सागर हैं, हे द्विजोत्तम! वे सभी चातुर्मास्य में वहीं एकत्र हो जाते हैं।

श्लोक 55 (skanda.5.69.55)

तस्माच्च तद्वरं तीर्थं कर्कराज इति स्मृतम्

tasmācca tadvaraṁ tīrthaṁ karkarāja iti smṛtam

इसीलिए वह श्रेष्ठ तीर्थ कर्कराज नाम से स्मरण किया जाता है।

श्लोक 56 (skanda.5.69.56)

य एतां वै कथां पुण्यां शृण्वंति श्रावयंति च। न तेषां जायते दोषश्चातुर्मास्योद्भवः कदा

ya etāṁ vai kathāṁ puṇyāṁ śṛṇvaṁti śrāvayaṁti ca| na teṣāṁ jāyate doṣaścāturmāsyodbhavaḥ kadā

जो इस पुण्यमयी कथा को सुनते हैं और दूसरों को सुनाते हैं, उन्हें चातुर्मास्य से उत्पन्न दोष कभी नहीं होता।