अगस्त्येश्वर माहात्म्य

श्लोक 1 (skanda.5.72.1)

उमोवाच। पृथिव्यां यानि तीर्थानि पुण्याश्च सरितस्तथा। कथ्यतां तानि यत्नेन श्राद्धं येषु प्रदीयते

umovāca| pṛthivyāṁ yāni tīrthāni puṇyāśca saritastathā| kathyatāṁ tāni yatnena śrāddhaṁ yeṣu pradīyate

उमा बोलीं — पृथ्वी पर जो तीर्थ हैं और जो पुण्य नदियाँ हैं, वे मुझे यत्नपूर्वक बताइए, जिनमें श्राद्ध दिया जाता है।

श्लोक 2 (skanda.5.72.2)

ईश्वर उवाच। अस्ति लोकेषु विख्याता गंगा त्रिपथगामिनी। सेविता देवगंधर्वैर्मुनिभिश्च निषेविता

īśvara uvāca| asti lokeṣu vikhyātā gaṁgā tripathagāminī| sevitā devagaṁdharvairmunibhiśca niṣevitā

ईश्वर बोले — लोकों में विख्यात है त्रिपथगामिनी गंगा, जो देवताओं और गंधर्वों द्वारा सेवित है तथा मुनियों द्वारा निषेवित है।

श्लोक 3 (skanda.5.72.3)

तपनस्य सुता देवी यमुना लोकपावनी। पितॄणां वल्लभा देवि महापातकहारिणी

tapanasya sutā devī yamunā lokapāvanī| pitṝṇāṁ vallabhā devi mahāpātakahāriṇī

सूर्यपुत्री देवी यमुना लोकों को पवित्र करने वाली है, हे देवी, वह पितरों की प्रिय है और महापातकों का हरण करने वाली है।

श्लोक 4 (skanda.5.72.4)

चन्द्रभागा वितस्ता च नर्मदाऽमरकंटके। कुरुक्षेत्रं गया देवि प्रभासं नैमिषं तथा

candrabhāgā vitastā ca narmadā'marakaṁṭake| kurukṣetraṁ gayā devi prabhāsaṁ naimiṣaṁ tathā

चन्द्रभागा, वितस्ता, तथा अमरकंटक में नर्मदा; कुरुक्षेत्र, गया, हे देवी, प्रभास और नैमिष भी।

श्लोक 5 (skanda.5.72.5)

केदारं पुष्करं चैव तथा कायावरोहणम्। तथा पुण्यतमं देवि महाकालवनं शुभम्

kedāraṁ puṣkaraṁ caiva tathā kāyāvarohaṇam| tathā puṇyatamaṁ devi mahākālavanaṁ śubham

केदार और पुष्कर भी, तथा कायावरोहण भी; और हे देवी, सबसे परम पुण्यमय है वह शुभ महाकालवन।

श्लोक 6 (skanda.5.72.6)

यत्रास्ते श्रीमहाकालः पापेंधनहुताशनः। क्षेत्रं योजनपर्यंतं ब्रह्महत्याविनाशनम्

yatrāste śrīmahākālaḥ pāpeṁdhanahutāśanaḥ| kṣetraṁ yojanaparyaṁtaṁ brahmahatyāvināśanam

जहाँ श्रीमहाकाल विराजते हैं, जो पाप रूपी ईंधन को भस्म करने वाली अग्नि हैं; एक योजन तक फैला वह क्षेत्र ब्रह्महत्या का नाश करने वाला है।

श्लोक 7 (skanda.5.72.7)

भुक्तिदं मुक्तिदं क्षेत्रं कलिकल्मषनाशनम्। प्रलयेऽप्यक्षयं देवि दुष्प्राप्यं त्रिदशैरपि

bhuktidaṁ muktidaṁ kṣetraṁ kalikalmaṣanāśanam| pralaye'pyakṣayaṁ devi duṣprāpyaṁ tridaśairapi

वह क्षेत्र भोग भी देता है और मुक्ति भी, तथा कलियुग के पापों का नाश करने वाला है; हे देवी, वह प्रलय में भी अक्षय है और देवताओं के लिए भी दुर्लभ है।

श्लोक 8 (skanda.5.72.8)

उमोवाच। प्रभावः कथ्यतां देव क्षेत्रस्यास्य महेश्वर

umovāca| prabhāvaḥ kathyatāṁ deva kṣetrasyāsya maheśvara

उमा बोलीं — हे महेश्वर! इस क्षेत्र का प्रभाव मुझे बताइए, हे देव!

श्लोक 9 (skanda.5.72.9)

यानि तीर्थानि वंद्यानि यानि लिंगानि संति वै। तान्यहं श्रोतुमिच्छामि परं कौतूहलं हि मे

yāni tīrthāni vaṁdyāni yāni liṁgāni saṁti vai| tānyahaṁ śrotumicchāmi paraṁ kautūhalaṁ hi me

जो तीर्थ वंदनीय हैं और जो लिंग वहाँ विद्यमान हैं, उन्हें मैं सुनना चाहती हूँ; मुझे इसकी अत्यधिक जिज्ञासा है।

श्लोक 10 (skanda.5.72.10)

ईश्वर उवाच। शृणु देवि प्रयत्नेन प्रभावं पापनाशनम्। क्षेत्रमाद्यं महादेवि ममातीव प्रियं सदा

īśvara uvāca| śṛṇu devi prayatnena prabhāvaṁ pāpanāśanam| kṣetramādyaṁ mahādevi mamātīva priyaṁ sadā

ईश्वर बोले — हे देवी, ध्यानपूर्वक सुनो इस पापनाशक प्रभाव को। यह आदि क्षेत्र है, हे महादेवी, जो मुझे सदा अत्यंत प्रिय है।

श्लोक 11 (skanda.5.72.11)

यत्रास्ति च महापुण्या सर्वपापहरा परा। तथा गंधवती पुण्या दिव्या नवनदीप्रिया

yatrāsti ca mahāpuṇyā sarvapāpaharā parā| tathā gaṁdhavatī puṇyā divyā navanadīpriyā

जहाँ महापुण्यमयी, सब पापों को हरने वाली परम नदी है, तथा पुण्यमयी दिव्या गंधवती है, जो नौ नदियों में प्रिय है।

श्लोक 12 (skanda.5.72.12)

नीलगंगा चतुर्थी तु श्रेष्ठा नद्यः प्रकीर्तिताः। आसां तु संगमे स्नात्वा श्राद्धं यः कुरुते नरः

nīlagaṁgā caturthī tu śreṣṭhā nadyaḥ prakīrtitāḥ| āsāṁ tu saṁgame snātvā śrāddhaṁ yaḥ kurute naraḥ

और नीलगंगा चौथी नदी है — ये नदियाँ श्रेष्ठ कही गई हैं। इनके संगम में स्नान करके जो मनुष्य श्राद्ध करता है —

श्लोक 13 (skanda.5.72.13)

गंगायास्त्रिगुणं देवि चतुर्वर्गफलप्रदम्। क्षेत्रं योजनपर्यंतमवंत्या विद्धि सुव्रते

gaṁgāyāstriguṇaṁ devi caturvargaphalapradam| kṣetraṁ yojanaparyaṁtamavaṁtyā viddhi suvrate

— उसे गंगा से तीन गुना फल प्राप्त होता है, हे देवी, जो चारों पुरुषार्थों का फल देने वाला है। जान लो, हे सुव्रते, कि अवंती का यह क्षेत्र एक योजन तक विस्तृत है।

श्लोक 14 (skanda.5.72.14)

सिद्धलिंगानि तिष्ठंति भुक्तिमुक्तिकराणि च। ईश्वराश्चतुराशीतिस्तथाष्टौ संति भैरवाः

siddhaliṁgāni tiṣṭhaṁti bhuktimuktikarāṇi ca| īśvarāścaturāśītistathāṣṭau saṁti bhairavāḥ

वहाँ सिद्धलिंग स्थित हैं जो भोग और मोक्ष देने वाले हैं; चौरासी ईश्वर तथा आठ भैरव भी हैं।

श्लोक 15 (skanda.5.72.15)

एकादश तथा रुद्रा आदित्या द्वादश स्मृताः। षड्वै विनायकाश्चात्र चतुर्विंशतिमातरः

ekādaśa tathā rudrā ādityā dvādaśa smṛtāḥ| ṣaḍvai vināyakāścātra caturviṁśatimātaraḥ

तथा ग्यारह रुद्र और बारह आदित्य स्मरण किए गए हैं; यहाँ छह विनायक भी हैं और चौबीस मातृकाएँ।

श्लोक 16 (skanda.5.72.16)

यदाहं गतवांस्तत्र महाकालवने शुभे। ब्रह्मविष्ण्वादयः सर्वे तत्राजग्मुर्मुदान्विताः

yadāhaṁ gatavāṁstatra mahākālavane śubhe| brahmaviṣṇvādayaḥ sarve tatrājagmurmudānvitāḥ

जब मैं उस शुभ महाकालवन में गया, तब ब्रह्मा, विष्णु आदि सभी देवता आनंदपूर्वक वहाँ आए।

श्लोक 17 (skanda.5.72.17)

एभिर्व्याप्तं क्षेत्रमिदं देवि योजनमायतम्। दश स्थानगतो विष्णुः सर्वपापप्रणाशनः

ebhirvyāptaṁ kṣetramidaṁ devi yojanamāyatam| daśa sthānagato viṣṇuḥ sarvapāpapraṇāśanaḥ

यह क्षेत्र, जो एक योजन विस्तृत है, हे देवी, इन सबसे व्याप्त है; विष्णु वहाँ दस स्थानों में विद्यमान होकर सब पापों का नाश करने वाले हैं।

श्लोक 18 (skanda.5.72.18)

एतन्नामानि योऽधीते प्रभाते भक्तितः पुमान्। विमुक्तः सर्वपापैस्तु रुद्रलोकं स गच्छति

etannāmāni yo'dhīte prabhāte bhaktitaḥ pumān| vimuktaḥ sarvapāpaistu rudralokaṁ sa gacchati

जो मनुष्य प्रातःकाल भक्तिपूर्वक इन नामों का पाठ करता है, वह सब पापों से मुक्त होकर रुद्रलोक को जाता है।

श्लोक 19 (skanda.5.72.19)

उमोवाच। चतुराशीतिलिंगानि त्वयोक्तानीह यानि तु। तानि विस्तरतो ब्रूहि सर्वपापहराणि तु

umovāca| caturāśītiliṁgāni tvayoktānīha yāni tu| tāni vistarato brūhi sarvapāpaharāṇi tu

उमा बोलीं — जिन चौरासी लिंगों की आपने यहाँ चर्चा की, जो सब पापों को हरने वाले हैं, उन्हें विस्तार से बताइए।

श्लोक 20 (skanda.5.72.20)

हर उवाच। शृणु देवि प्रवक्ष्यामि तेषां नामानि यानि च। ख्यातं पृथिव्यां प्रथममगस्त्येश्वरमुत्तमम्। यस्य दर्शनमात्रेण कृतकृत्यो नरो भवेत्

hara uvāca| śṛṇu devi pravakṣyāmi teṣāṁ nāmāni yāni ca| khyātaṁ pṛthivyāṁ prathamamagastyeśvaramuttamam| yasya darśanamātreṇa kṛtakṛtyo naro bhavet

हर बोले — हे देवी, सुनो, मैं उनके नाम बताता हूँ। पृथ्वी पर प्रथम विख्यात है उत्तम अगस्त्येश्वर, जिसके दर्शनमात्र से मनुष्य कृतकृत्य हो जाता है।

श्लोक 21 (skanda.5.72.21)

उमोवाच। अगस्त्येश्वरनामेह कथं लब्धमनेन वै। कस्मिन्स्थाने कथं जातं विस्तराद्वक्तुमर्हसि

umovāca| agastyeśvaranāmeha kathaṁ labdhamanena vai| kasminsthāne kathaṁ jātaṁ vistarādvaktumarhasi

उमा बोलीं — इसने यहाँ अगस्त्येश्वर नाम कैसे प्राप्त किया? किस स्थान पर और कैसे यह हुआ? आप विस्तार से कहने योग्य हैं।

श्लोक 22 (skanda.5.72.22)

हर उवाच। शृणु देवि महाभागे कथामस्य पुरातनीम्। सर्वपापप्रशमनीं समीहितफलप्रदाम्

hara uvāca| śṛṇu devi mahābhāge kathāmasya purātanīm| sarvapāpapraśamanīṁ samīhitaphalapradām

हर बोले — हे महाभागे देवी, सुनो इसकी यह पुरातन कथा, जो सब पापों को शांत करने वाली और अभीष्ट फल देने वाली है।

श्लोक 23 (skanda.5.72.23)

पुराऽसुरैर्जिता देवा निरुत्साहाश्च ते ततः। भागाश्चैषां हृताः सर्वे निराशाः पितरः कृताः। भ्रष्टैश्वर्य्यास्तदा देवि चेरुर्देवा महीतले

purā'surairjitā devā nirutsāhāśca te tataḥ| bhāgāścaiṣāṁ hṛtāḥ sarve nirāśāḥ pitaraḥ kṛtāḥ| bhraṣṭaiśvaryyāstadā devi cerurdevā mahītale

पूर्वकाल में देवता असुरों द्वारा पराजित हुए और उत्साहहीन हो गए; उनके सारे भाग छीन लिए गए और पितर निराश हो गए। तब ऐश्वर्यहीन होकर, हे देवी, देवता पृथ्वी पर भटकने लगे।

श्लोक 24 (skanda.5.72.24)

ततः कदाचित्ते दीना दीप्तमादित्यवर्चसम्। ददृशुस्तेजसायुक्तमगस्त्यं विपुलव्रतम्

tataḥ kadācitte dīnā dīptamādityavarcasam| dadṛśustejasāyuktamagastyaṁ vipulavratam

तब कभी वे दीन देवता तेजस्वी अगस्त्य को देख पाए, जो सूर्य के समान दीप्तिमान थे, तेज से युक्त और विपुल व्रतों वाले थे।

श्लोक 25 (skanda.5.72.25)

अभिवाद्य ततो देवा दृष्ट्वा तं तेजसा वृतम्। इदमूचुर्महात्मानमगस्त्यं लोकविश्रुतम्

abhivādya tato devā dṛṣṭvā taṁ tejasā vṛtam| idamūcurmahātmānamagastyaṁ lokaviśrutam

तब देवताओं ने तेज से घिरे उन्हें देखकर प्रणाम किया और लोकविख्यात उस महात्मा अगस्त्य से यह कहा:

श्लोक 26 (skanda.5.72.26)

दानवैर्निर्जिता युद्धे सर्वे स्वर्गाच्च पातिताः। ततस्त्वं नो भयात्तीव्रात्त्रायस्व मुनिपुंगव

dānavairnirjitā yuddhe sarve svargācca pātitāḥ| tatastvaṁ no bhayāttīvrāttrāyasva munipuṁgava

"हम सब युद्ध में दानवों द्वारा पराजित होकर स्वर्ग से गिरा दिए गए हैं; अतः हे मुनिश्रेष्ठ, हमें इस भीषण भय से बचाइए!"

श्लोक 27 (skanda.5.72.27)

इत्युक्तः स तदा देवैरगस्त्यः कुपितोऽभवत्। प्रजज्वाल च तेजस्वी कालाग्निरिव संक्षये

ityuktaḥ sa tadā devairagastyaḥ kupito'bhavat| prajajvāla ca tejasvī kālāgniriva saṁkṣaye

देवताओं द्वारा ऐसा कहे जाने पर अगस्त्य क्रोधित हो उठे, और वे तेजस्वी मुनि प्रलयकाल की अग्नि के समान प्रज्वलित हो उठे।

श्लोक 28 (skanda.5.72.28)

तदा दीप्तांशुजालेन निर्दग्धा दानवास्तथा। अंतरिक्षान्महादेवि पतिताश्च सहस्रशः

tadā dīptāṁśujālena nirdagdhā dānavāstathā| aṁtarikṣānmahādevi patitāśca sahasraśaḥ

तब उनकी दीप्त किरणों के जाल से दानव जल गए, और हे महादेवी, वे आकाश से हज़ारों की संख्या में गिर पड़े।

श्लोक 29 (skanda.5.72.29)

दह्यमानास्ततो दैत्यास्तस्यागस्त्यस्य तेजसा। ऋषेश्च दानवाः सर्वे पातालं वव्रजुर्भयात्

dahyamānāstato daityāstasyāgastyasya tejasā| ṛṣeśca dānavāḥ sarve pātālaṁ vavrajurbhayāt

उस ऋषि अगस्त्य के तेज से जलते हुए सभी दैत्य और दानव भय के मारे पाताल में भाग गए।

श्लोक 30 (skanda.5.72.30)

ततोऽगस्त्यो महात्मा वै तान्हत्वा शोकमूर्छितः। बभूवातिशयं चासौ चिंतयोद्विग्नमानसः

tato'gastyo mahātmā vai tānhatvā śokamūrchitaḥ| babhūvātiśayaṁ cāsau ciṁtayodvignamānasaḥ

तब महात्मा अगस्त्य उन्हें मारकर शोक से मूर्च्छित हो गए; वे अत्यंत व्याकुल हो गए और उनका मन चिंता से उद्विग्न हो उठा।

श्लोक 31 (skanda.5.72.31)

कृतं घोरं महत्पापं हता यद्दानवा मया। अहिंसा परमो धर्मो मनुना कथ्यते यतः। किं करोमि क्व गच्छामि कथं शुध्येय चाप्यहम्

kṛtaṁ ghoraṁ mahatpāpaṁ hatā yaddānavā mayā| ahiṁsā paramo dharmo manunā kathyate yataḥ| kiṁ karomi kva gacchāmi kathaṁ śudhyeya cāpyaham

"मैंने घोर महापाप किया है, क्योंकि मैंने दानवों का वध किया है — जबकि मनु ने अहिंसा को परम धर्म कहा है। मैं क्या करूँ? कहाँ जाऊँ? मैं कैसे शुद्ध होऊँ?"

श्लोक 32 (skanda.5.72.32)

एवं चिंतयतस्तस्य समागच्छत्पितामहः। प्रोवाच स मुनिं तत्र कस्मात्त्वं शोकविह्वलः

evaṁ ciṁtayatastasya samāgacchatpitāmahaḥ| provāca sa muniṁ tatra kasmāttvaṁ śokavihvalaḥ

जब वे ऐसा सोच रहे थे, तब पितामह ब्रह्मा वहाँ आए और मुनि से बोले — "आप शोक से इतने विह्वल क्यों हैं?"

श्लोक 33 (skanda.5.72.33)

लक्ष्यसे मुनिशार्दूल कारणं कथ्यतां त्वरम्। स ब्रह्माणं नमस्कृत्य कथयामास पृच्छतः

lakṣyase muniśārdūla kāraṇaṁ kathyatāṁ tvaram| sa brahmāṇaṁ namaskṛtya kathayāmāsa pṛcchataḥ

"आप व्याकुल दिख रहे हैं, हे मुनिश्रेष्ठ — शीघ्र कारण बताइए।" तब उन्होंने ब्रह्मा को प्रणाम कर, पूछे जाने पर, कारण बता दिया।

श्लोक 34 (skanda.5.72.34)

देवदेव जगन्नाथ दाहोऽन्तर्मानसं मम। ब्रह्महत्या समायाता यन्मया दानवा हताः

devadeva jagannātha dāho'ntarmānasaṁ mama| brahmahatyā samāyātā yanmayā dānavā hatāḥ

"हे देवदेव! हे जगन्नाथ! मेरे मन के भीतर जलन है — क्योंकि मैंने दानवों का वध किया है, इसलिए मुझे ब्रह्महत्या लगी है।"

श्लोक 35 (skanda.5.72.35)

ममोपायं समाचक्ष्व प्रसादत्सुरसत्तम। बहुकालार्जितं देव गतं मे संक्षयं तपः

mamopāyaṁ samācakṣva prasādatsurasattama| bahukālārjitaṁ deva gataṁ me saṁkṣayaṁ tapaḥ

"हे देवश्रेष्ठ, कृपा करके मुझे उपाय बताइए; हे देव, मेरी दीर्घकाल से अर्जित तपस्या नष्ट हो गई है।"

श्लोक 36 (skanda.5.72.36)

प्रोवाचेदं सुरश्रेष्ठः शृणु त्वं यत्नतः परम्। उपायं सर्वपापस्य क्षयो येन भवेद्ध्रुवम्

provācedaṁ suraśreṣṭhaḥ śṛṇu tvaṁ yatnataḥ param| upāyaṁ sarvapāpasya kṣayo yena bhaveddhruvam

तब देवश्रेष्ठ ब्रह्मा ने कहा — "अत्यंत ध्यानपूर्वक सुनो वह उपाय, जिससे निश्चित रूप से सब पापों का क्षय हो जाएगा।"

श्लोक 37 (skanda.5.72.37)

महाकालवने दिव्ये यक्षगंधर्वसेविते। उत्तरे वटयक्षिण्या यत्तल्लिंगमनुत्तमम्

mahākālavane divye yakṣagaṁdharvasevite| uttare vaṭayakṣiṇyā yattalliṁgamanuttamam

"दिव्य महाकालवन में, जो यक्षों और गंधर्वों से सेवित है, वटयक्षिणी के उत्तर में वह अनुपम लिंग है —"

श्लोक 38 (skanda.5.72.38)

पिशाचस्यापि तीर्थस्य भागे दक्षिणतः स्थितम्। तं समाराध्य ततः सर्वं पापं नाशमवाप्नुयात्

piśācasyāpi tīrthasya bhāge dakṣiṇataḥ sthitam| taṁ samārādhya tataḥ sarvaṁ pāpaṁ nāśamavāpnuyāt

"— जो पिशाच तीर्थ के भाग से दक्षिण में स्थित है। उसकी आराधना करके तत्पश्चात सब पाप नाश को प्राप्त हो जाता है।"

श्लोक 39 (skanda.5.72.39)

आराधय शुभं लिंगं सर्वपापप्रणाशनम्। बाढं प्रोवाच धर्मात्मा महाकालवनं ययौ

ārādhaya śubhaṁ liṁgaṁ sarvapāpapraṇāśanam| bāḍhaṁ provāca dharmātmā mahākālavanaṁ yayau

"उस शुभ लिंग की आराधना करो, जो सब पापों का नाश करने वाला है।" "ऐसा ही होगा" — यह कहकर उन धर्मात्मा ने महाकालवन को प्रस्थान किया।

श्लोक 40 (skanda.5.72.40)

तस्मिन्स लिंगे देवेशि समाराधनतत्परः। बभूवाहर्निशं भक्त्या तद्ध्यानैकरतो मुनिः

tasminsa liṁge deveśi samārādhanatatparaḥ| babhūvāharniśaṁ bhaktyā taddhyānaikarato muniḥ

हे देवेशि, वहाँ वह मुनि उस लिंग की आराधना में तत्पर हो गए, और भक्तिपूर्वक रात-दिन उसी के ध्यान में लीन रहने लगे।

श्लोक 41 (skanda.5.72.41)

अहं तुष्टस्तदा देवि मुनेस्तस्य महात्मनः

ahaṁ tuṣṭastadā devi munestasya mahātmanaḥ

हे देवी, तब मैं उस महात्मा मुनि से प्रसन्न हो गया।

श्लोक 42 (skanda.5.72.42)

प्रोक्तं मया महाभाग मुने शृणु समाहितः। वरं वरय विप्रेंद्र यत्ते मनसि वर्त्तते

proktaṁ mayā mahābhāga mune śṛṇu samāhitaḥ| varaṁ varaya vipreṁdra yatte manasi varttate

मैंने कहा — "हे महाभाग मुनि, एकाग्रचित्त होकर सुनो। हे विप्रेंद्र, जो तुम्हारे मन में है, वह वर माँगो।"

श्लोक 43 (skanda.5.72.43)

तुष्टोऽहमनया भक्त्या तपसा दुष्करेण तु। लिंगस्यास्य प्रभावेण जातस्त्वं निर्मलोऽधुना

tuṣṭo'hamanayā bhaktyā tapasā duṣkareṇa tu| liṁgasyāsya prabhāveṇa jātastvaṁ nirmalo'dhunā

"मैं तुम्हारी इस भक्ति और दुष्कर तपस्या से प्रसन्न हुआ हूँ; इस लिंग के प्रभाव से अब तुम निर्मल हो गए हो।"

श्लोक 44 (skanda.5.72.44)

प्रणष्टा ब्रह्महत्या ते दानवोत्था मुनीश्वर। मदीयं वचनं श्रुत्वा तेनोक्तं वरवर्णिनि

praṇaṣṭā brahmahatyā te dānavotthā munīśvara| madīyaṁ vacanaṁ śrutvā tenoktaṁ varavarṇini

"हे मुनीश्वर, दानवों से उत्पन्न तुम्हारी ब्रह्महत्या नष्ट हो गई है।" हे वरवर्णिनी, मेरा यह वचन सुनकर उन्होंने कहा:

श्लोक 45 (skanda.5.72.45)

यदि देव प्रसन्नस्त्वं शरणागतवत्सलः। त्वदंघ्रियुगले भूयान्मम भक्तिर्महेश्वर

yadi deva prasannastvaṁ śaraṇāgatavatsalaḥ| tvadaṁghriyugale bhūyānmama bhaktirmaheśvara

"हे देव, यदि आप शरणागतवत्सल प्रसन्न हैं, तो हे महेश्वर, आपके चरणयुगल में मेरी भक्ति सदा बनी रहे।"

श्लोक 46 (skanda.5.72.46)

तपस्यथ तथा धर्मे न मे विघ्नो भवेदिति। तस्य तद्वचनं श्रुत्वा कुंभयोनेर्महात्मनः। मया प्रोक्तं विशालाक्षि मुने एवं भविष्यति

tapasyatha tathā dharme na me vighno bhavediti| tasya tadvacanaṁ śrutvā kuṁbhayonermahātmanaḥ| mayā proktaṁ viśālākṣi mune evaṁ bhaviṣyati

"और तप तथा धर्म में मुझे कोई विघ्न न हो।" हे विशालाक्षी, कुंभयोनि उस महात्मा का यह वचन सुनकर मैंने कहा — "हे मुनि, ऐसा ही होगा।"

श्लोक 47 (skanda.5.72.47)

यस्त्वया पूजितो देवो ब्रह्महत्याविनाशनः। त्वन्नाम्ना त्रिषु लोकेषु सोऽहं ख्यातो भविष्यति

yastvayā pūjito devo brahmahatyāvināśanaḥ| tvannāmnā triṣu lokeṣu so'haṁ khyāto bhaviṣyati

"जिस देव की तुमने पूजा की, जो ब्रह्महत्या का नाश करने वाला है — मैं तुम्हारे ही नाम से तीनों लोकों में विख्यात हो जाऊँगा।"

श्लोक 48 (skanda.5.72.48)

अगस्त्येश्वरदेवोऽपि विख्यातो भुवनत्रये। एवमुक्तो मया देवि स विप्रस्तत्र संस्थितः। कृपया तस्य लिंगस्य पंचमुद्राविभूषितः

agastyeśvaradevo'pi vikhyāto bhuvanatraye| evamukto mayā devi sa viprastatra saṁsthitaḥ| kṛpayā tasya liṁgasya paṁcamudrāvibhūṣitaḥ

"अगस्त्येश्वर देव के नाम से भी तीनों लोकों में विख्यात होऊँगा।" हे देवी, मेरे द्वारा ऐसा कहे जाने पर वह विप्र वहीं स्थित हो गए, उस लिंग की कृपा से पंचमुद्राओं से विभूषित होकर।

श्लोक 49 (skanda.5.72.49)

ये नरास्तन्महालिंगं निरीक्षिष्यंति भक्तितः। सर्वपापविनिर्मुक्ताः सर्वकामैरलंकृताः

ye narāstanmahāliṁgaṁ nirīkṣiṣyaṁti bhaktitaḥ| sarvapāpavinirmuktāḥ sarvakāmairalaṁkṛtāḥ

जो मनुष्य उस महालिंग को भक्तिपूर्वक देखेंगे, वे सब पापों से मुक्त होकर सब अभीष्ट वस्तुओं से सुशोभित होंगे।

श्लोक 50 (skanda.5.72.50)

भविष्यंति महात्मानः पुत्रैश्वर्यसमन्विताः। अंतकाले च मां यांति विमानैः सर्वकामदैः

bhaviṣyaṁti mahātmānaḥ putraiśvaryasamanvitāḥ| aṁtakāle ca māṁ yāṁti vimānaiḥ sarvakāmadaiḥ

वे महात्मा हो जाएंगे, पुत्र और ऐश्वर्य से युक्त; और अंतकाल में वे सर्वकामदायी विमानों द्वारा मेरे पास आते हैं।

श्लोक 51 (skanda.5.72.51)

स्तुता गंधर्वमुख्यैश्च रुद्रलोके च शाश्वते। येऽर्चयंति सदा देवमगस्त्येश्वरसंज्ञकम्

stutā gaṁdharvamukhyaiśca rudraloke ca śāśvate| ye'rcayaṁti sadā devamagastyeśvarasaṁjñakam

जो सदा अगस्त्येश्वर नामक देव की पूजा करते हैं, वे शाश्वत रुद्रलोक में प्रमुख गंधर्वों द्वारा स्तुत होते हैं।

श्लोक 52 (skanda.5.72.52)

कृतपुण्या नरा मर्त्यास्ते यांति परमं पदम्। संस्मृते देवदेवेशे नराणां कोटिजन्मजम्

kṛtapuṇyā narā martyāste yāṁti paramaṁ padam| saṁsmṛte devadeveśe narāṇāṁ koṭijanmajam

पुण्यकर्मा मरणधर्मा मनुष्य परमपद को प्राप्त होते हैं; देवाधिदेव का स्मरण करने पर मनुष्यों का करोड़ों जन्मों का संचित पाप —

श्लोक 53 (skanda.5.72.53)

अशुभं क्षयमाप्नोति कस्तं न प्रणमेच्छिवम्। यः प्रणम्य नरो भक्त्या देवं तं च निषेवते

aśubhaṁ kṣayamāpnoti kastaṁ na praṇamecchivam| yaḥ praṇamya naro bhaktyā devaṁ taṁ ca niṣevate

— वह अशुभ पाप नाश को प्राप्त होता है। ऐसे शिव को कौन प्रणाम नहीं करेगा? जो मनुष्य भक्तिपूर्वक प्रणाम कर उस देव की सेवा करता है —

श्लोक 54 (skanda.5.72.54)

मुच्यते ब्रह्महत्यादिपातकैर्नरकप्रदैः

mucyate brahmahatyādipātakairnarakapradaiḥ

— वह ब्रह्महत्या आदि नरक देने वाले पापों से मुक्त हो जाता है।

श्लोक 55 (skanda.5.72.55)

राजसूयशतेनैव यत्पुण्यं च भविष्यति। तत्पुण्यमधिकं देवि दर्शनाच्च भविष्यति

rājasūyaśatenaiva yatpuṇyaṁ ca bhaviṣyati| tatpuṇyamadhikaṁ devi darśanācca bhaviṣyati

सौ राजसूय यज्ञों से जो पुण्य होगा, हे देवी, उससे भी अधिक पुण्य इसके दर्शन से प्राप्त होगा।

श्लोक 56 (skanda.5.72.56)

किं तीर्थैर्विविधैः स्नानैः किं दानैर्विविधैः कृतैः। ते प्राप्स्यंति फलं सर्वे मत्प्रसादान्न संशयः

kiṁ tīrthairvividhaiḥ snānaiḥ kiṁ dānairvividhaiḥ kṛtaiḥ| te prāpsyaṁti phalaṁ sarve matprasādānna saṁśayaḥ

विभिन्न तीर्थों में स्नान से क्या, विभिन्न दानों से क्या लाभ? मेरी कृपा से उन्हें वह सब फल प्राप्त होगा, इसमें संदेह नहीं।

श्लोक 57 (skanda.5.72.57)

अष्टम्यां च चतुर्दश्यां दिने सोमस्य शक्तितः। यः करिष्यति लिंगस्य पूजां भक्तिसमन्वितः। कुलानां तारयत्येव मातृकं पितृकं शतम्

aṣṭamyāṁ ca caturdaśyāṁ dine somasya śaktitaḥ| yaḥ kariṣyati liṁgasya pūjāṁ bhaktisamanvitaḥ| kulānāṁ tārayatyeva mātṛkaṁ pitṛkaṁ śatam

अष्टमी और चतुर्दशी को, अथवा सोमवार के दिन, अपनी सामर्थ्यभर जो भक्तिपूर्वक इस लिंग की पूजा करता है, वह अपने मातृकुल और पितृकुल की सौ पीढ़ियों को तार देता है।

श्लोक 58 (skanda.5.72.58)

ये च पश्यंति पुरुषा भावहीनाः प्रसंगतः। न ते पश्यंति संसारे नरकं वै कदाचन

ye ca paśyaṁti puruṣā bhāvahīnāḥ prasaṁgataḥ| na te paśyaṁti saṁsāre narakaṁ vai kadācana

और जो पुरुष भावरहित होकर भी प्रसंगवश उसे देखते हैं, वे संसार में कभी नरक नहीं देखते।

श्लोक 59 (skanda.5.72.59)

एतत्ते कथितं देवि लिंगमहात्म्यमुत्तमम्। प्रथमं कथितं लोके द्वितीयं शृणु यत्नतः

etatte kathitaṁ devi liṁgamahātmyamuttamam| prathamaṁ kathitaṁ loke dvitīyaṁ śṛṇu yatnataḥ

हे देवी, यह मैंने तुम्हें लिंग की उत्तम महिमा बताई — प्रथम लिंग की कथा लोक में कही गई; अब यत्नपूर्वक दूसरे की सुनो।