अनादिकल्पेश्वर माहात्म्य

श्लोक 1 (skanda.5.76.1)

श्रीरुद्र उवाच। अनादिकल्पेश्वरं देवं पंचमं विद्धि पार्वति। सर्वपापहरं नित्यमनादिर्गीयते सदा

śrīrudra uvāca| anādikalpeśvaraṁ devaṁ paṁcamaṁ viddhi pārvati| sarvapāpaharaṁ nityamanādirgīyate sadā

श्रीरुद्र बोले — हे पार्वती, पंचम देव को अनादिकल्पेश्वर जानो — सब पापों को हरने वाला, नित्य; वे सदा अनादि कहकर गाए जाते हैं।

श्लोक 2 (skanda.5.76.2)

कल्पस्यादौ पुरा देवि लिंगमेतद्विनिर्गतम्। यदा नाग्निर्न चादित्यो न भूमिर्न दिशो न खम्

kalpasyādau purā devi liṁgametadvinirgatam| yadā nāgnirna cādityo na bhūmirna diśo na kham

कल्प के आरंभ में, हे देवी, पूर्वकाल में यह लिंग प्रकट हुआ, जब न अग्नि थी, न आदित्य, न भूमि, न दिशाएँ, न आकाश —

श्लोक 3 (skanda.5.76.3)

न वायुर्न जलं चैव न द्यौर्नेन्दुर्ग्रहा न च। न देवासुरगंधर्वा न पिशाचा न राक्षसाः

na vāyurna jalaṁ caiva na dyaurnendurgrahā na ca| na devāsuragaṁdharvā na piśācā na rākṣasāḥ

— न वायु, न जल, न द्युलोक, न चंद्रमा, न ग्रह; न देव, असुर, गंधर्व; न पिशाच, न राक्षस थे।

श्लोक 4 (skanda.5.76.4)

अतो लिंगात्समुद्भूतं जगत्स्थावरजंगमम्। कालेन च लयं याति लिंगेऽस्मिन्पर्वतात्मजे

ato liṁgātsamudbhūtaṁ jagatsthāvarajaṁgamam| kālena ca layaṁ yāti liṁge'sminparvatātmaje

इसी लिंग से चराचर जगत उत्पन्न हुआ, और काल के प्रभाव से यह इसी लिंग में पुनः लीन हो जाता है, हे पर्वतात्मजे।

श्लोक 5 (skanda.5.76.5)

अस्माल्लिंगात्समुद्भूता वंशा देवर्षिपैतृकाः। मन्वंतराणि वंशानि वंश्यानुचरितं च यत्

asmālliṁgātsamudbhūtā vaṁśā devarṣipaitṛkāḥ| manvaṁtarāṇi vaṁśāni vaṁśyānucaritaṁ ca yat

इसी लिंग से देवताओं, ऋषियों और पितरों के वंश उत्पन्न हुए; मन्वंतर, वंश-परंपराएँ और वंशजों के आचरण भी।

श्लोक 6 (skanda.5.76.6)

यावत्यः सृष्टयश्चैव यावंतः प्रलयास्तथा। समुद्राः पर्वताश्चैव निम्नगाः काननानि च

yāvatyaḥ sṛṣṭayaścaiva yāvaṁtaḥ pralayāstathā| samudrāḥ parvatāścaiva nimnagāḥ kānanāni ca

जितनी सृष्टियाँ हैं और जितने प्रलय हैं, समुद्र, पर्वत, नदियाँ और वन —

श्लोक 7 (skanda.5.76.7)

भूर्लोकाद्याश्च ये लोकाः पातालाः सप्त ये स्मृताः। गतिस्तथार्कसोमादिग्रहर्क्षज्योतिषामपि

bhūrlokādyāśca ye lokāḥ pātālāḥ sapta ye smṛtāḥ| gatistathārkasomādigraharkṣajyotiṣāmapi

— भूर्लोक आदि जो लोक हैं, जो सात पाताल कहे गए हैं; सूर्य, चंद्र आदि ग्रहों, नक्षत्रों और ज्योतिष्पिंडों की गति भी —

श्लोक 8 (skanda.5.76.8)

दृश्यादृश्यं च तत्सर्वमतो लिंगाद्वरानने। अनादिकारणं यत्तदव्यक्ताख्यं महर्षयः। यदाहुः पुरुषं सूक्ष्मं नित्यं सदसदात्मकम्

dṛśyādṛśyaṁ ca tatsarvamato liṁgādvarānane| anādikāraṇaṁ yattadavyaktākhyaṁ maharṣayaḥ| yadāhuḥ puruṣaṁ sūkṣmaṁ nityaṁ sadasadātmakam

— जो दृश्य और अदृश्य है, वह सब इसी लिंग से है, हे वरानने। जो अनादि कारण महर्षियों ने अव्यक्त कहा है, जिसे वे सूक्ष्म, नित्य, सत्-असत् स्वरूप पुरुष कहते हैं —

श्लोक 9 (skanda.5.76.9)

ध्रुवमक्षयमजरममेयं नान्यसंश्रयम्। गंधरूपरसैर्हीनं शब्दस्पर्शविवर्जितम्

dhruvamakṣayamajaramameyaṁ nānyasaṁśrayam| gaṁdharūparasairhīnaṁ śabdasparśavivarjitam

— ध्रुव, अक्षय, अजर, अमेय, किसी अन्य के आश्रय से रहित; गंध-रूप-रस से रहित, शब्द-स्पर्श से भी वर्जित —

श्लोक 10 (skanda.5.76.10)

अनाद्यंतं जगद्योनिं त्रिगुणप्रभवाव्ययम्। असादृश्यमविज्ञेयं लिंगं प्रोक्तं महर्षिभिः

anādyaṁtaṁ jagadyoniṁ triguṇaprabhavāvyayam| asādṛśyamavijñeyaṁ liṁgaṁ proktaṁ maharṣibhiḥ

— अनादि-अनंत, जगत की योनि, त्रिगुणों का अव्यय उद्गम, अनुपम, अविज्ञेय — इसी को महर्षियों ने लिंग कहा है।

श्लोक 11 (skanda.5.76.11)

प्रलयस्यांते तेनेदं दिव्यमासीदशेषतः

pralayasyāṁte tenedaṁ divyamāsīdaśeṣataḥ

प्रलय के अंत में उसी से यह सब दिव्य जगत सम्पूर्ण रूप से विद्यमान रहा।

श्लोक 12 (skanda.5.76.12)

अहमुर्व्यां प्रबुद्धस्तु जगदादिरनादिमान्। सर्वहेतुरचिंत्यात्मा परः कोऽप्यपरक्रियः

ahamurvyāṁ prabuddhastu jagadādiranādimān| sarvaheturaciṁtyātmā paraḥ ko'pyaparakriyaḥ

मैं इस पृथ्वी पर प्रबुद्ध हुआ, जगत का आदि, स्वयं अनादि, सबका कारण, अचिंत्य स्वरूप, परम, जिसकी क्रिया किसी अन्य के समान नहीं है।

श्लोक 13 (skanda.5.76.13)

प्रकृतिं पुरुषं चैव प्रदर्श्याशु जगत्पतिः। क्षोभयामास योगेन परेण परमेश्वरः

prakṛtiṁ puruṣaṁ caiva pradarśyāśu jagatpatiḥ| kṣobhayāmāsa yogena pareṇa parameśvaraḥ

प्रकृति और पुरुष को प्रकट कर, जगत्पति परमेश्वर ने अपनी परम योगशक्ति से उन्हें क्षुब्ध किया।

श्लोक 14 (skanda.5.76.14)

यथा संनिधिमात्रेण गंधः क्षोभाय जायते। मनसो नोपकर्तृत्वात्तथासौ परमेश्वरः। अनादिः कथ्यते देवो जगत्कारणतत्परम्

yathā saṁnidhimātreṇa gaṁdhaḥ kṣobhāya jāyate| manaso nopakartṛtvāttathāsau parameśvaraḥ| anādiḥ kathyate devo jagatkāraṇatatparam

जैसे केवल समीपता मात्र से गंध मन में क्षोभ उत्पन्न करती है, बिना स्वयं मन का कर्ता बने — वैसे ही वह परमेश्वर [प्रकृति को क्षुब्ध करते हैं]; वह अनादि देव जगत के कारणरूप में तत्पर कहा जाता है।

श्लोक 15 (skanda.5.76.15)

प्रधानं क्षोभ्यमाणं तु तेन लिंगेन पार्वति। जायते भुवनाधारो ब्रह्मांड इति विश्रुतः

pradhānaṁ kṣobhyamāṇaṁ tu tena liṁgena pārvati| jāyate bhuvanādhāro brahmāṁḍa iti viśrutaḥ

उस लिंग से क्षुब्ध होती हुई प्रकृति से, हे पार्वती, वह उत्पन्न होता है जिसे भुवनों का आधार, ब्रह्मांड कहा जाता है।

श्लोक 16 (skanda.5.76.16)

यस्मिन्नंडे जगत्सर्वं सदेवासुरमानुषम्। उत्पन्नं च विलीनं च यस्यांतोऽपि न लभ्यते

yasminnaṁḍe jagatsarvaṁ sadevāsuramānuṣam| utpannaṁ ca vilīnaṁ ca yasyāṁto'pi na labhyate

जिस अंड में देव, असुर और मनुष्यों सहित सारा जगत उत्पन्न होता और लीन होता है — जिसका अंत भी नहीं मिलता।

श्लोक 17 (skanda.5.76.17)

स एव क्षोभकः पूर्वं स क्षोभ्यः पृथिवीपतिः। स संकोचविकासाभ्यां प्रधानत्वे व्यवस्थितः

sa eva kṣobhakaḥ pūrvaṁ sa kṣobhyaḥ pṛthivīpatiḥ| sa saṁkocavikāsābhyāṁ pradhānatve vyavasthitaḥ

वही पहले क्षोभक है, वही क्षोभ्य पृथ्वीपति बनता है; वह संकोच और विकास द्वारा प्रधान रूप में स्थित रहता है।

श्लोक 18 (skanda.5.76.18)

उत्पन्नः स जगन्नाथो निर्गुणोऽपि रजोगुणः। भुंजन्प्रवर्तते सर्गं ब्रह्मत्वं समुपागतः

utpannaḥ sa jagannātho nirguṇo'pi rajoguṇaḥ| bhuṁjanpravartate sargaṁ brahmatvaṁ samupāgataḥ

वह उत्पन्न जगन्नाथ, यद्यपि निर्गुण है, रजोगुण से युक्त होकर, ब्रह्मत्व को प्राप्त होकर सृष्टि में प्रवृत्त होता है।

श्लोक 19 (skanda.5.76.19)

ब्रह्मत्वे सृजते लोकांस्ततः सत्त्वातिरेकतः। विष्णुत्वमेत्य धर्मेण करोति परिपालनम्

brahmatve sṛjate lokāṁstataḥ sattvātirekataḥ| viṣṇutvametya dharmeṇa karoti paripālanam

ब्रह्मत्व में वह लोकों की रचना करता है; फिर सत्त्व की अधिकता से विष्णुत्व को प्राप्त होकर धर्मपूर्वक उनका पालन करता है।

श्लोक 20 (skanda.5.76.20)

ततस्तमोगुणोद्भिन्नो रुद्रत्वेनाखिलं जगत्। उपसंहृत्य वै शेते त्रैलोक्यं त्रिगुणोऽगुणः

tatastamoguṇodbhinno rudratvenākhilaṁ jagat| upasaṁhṛtya vai śete trailokyaṁ triguṇo'guṇaḥ

फिर तमोगुण से प्रकट होकर रुद्रत्व द्वारा समस्त जगत का संहार कर, त्रिगुण होते हुए भी गुणातीत, तीनों लोकों पर शयन करता है।

श्लोक 21 (skanda.5.76.21)

यथा प्राग्वापकः क्षेत्री पालको लावकस्तथा। स संज्ञा याति तद्वच्च ब्रह्मविष्णुत्वरुद्रताः

yathā prāgvāpakaḥ kṣetrī pālako lāvakastathā| sa saṁjñā yāti tadvacca brahmaviṣṇutvarudratāḥ

जैसे बोने वाला ही खेत का स्वामी और पालने वाला ही काटने वाला होता है — वैसे ही वह भिन्न-भिन्न संज्ञा पाता है; वैसे ही ब्रह्म, विष्णु और रुद्र भाव भी [एक ही के हैं]।

श्लोक 22 (skanda.5.76.22)

ब्रह्मत्वे सृजते लोकानुद्रत्वे संहरत्यपि। विष्णुत्वे पाति तान्सर्वांस्तिस्रोऽवस्थाः स्मृताः सदा

brahmatve sṛjate lokānudratve saṁharatyapi| viṣṇutve pāti tānsarvāṁstisro'vasthāḥ smṛtāḥ sadā

ब्रह्मत्व में वह लोकों की रचना करता है, रुद्रत्व में संहार भी करता है, विष्णुत्व में उन सबका पालन करता है — ये तीनों अवस्थाएँ सदा स्मरण की जाती हैं।

श्लोक 23 (skanda.5.76.23)

रजो ब्रह्मा तमो रुद्रः सत्त्वं विष्णुर्जगत्पतिः। एत एव त्रयो वेदा एत एव त्रयो नराः

rajo brahmā tamo rudraḥ sattvaṁ viṣṇurjagatpatiḥ| eta eva trayo vedā eta eva trayo narāḥ

रज ब्रह्मा है, तम रुद्र है, सत्त्व जगत्पति विष्णु है; ये तीनों ही तीन वेद हैं, ये तीनों ही तीन आदि पुरुष हैं।

श्लोक 24 (skanda.5.76.24)

कल्पे कल्पे ह्यनादिस्तु गीयते त्रिदशैः सदा। पितृभिश्च गणैः सिद्धैरतोऽनादिकल्पेश्वरः

kalpe kalpe hyanādistu gīyate tridaśaiḥ sadā| pitṛbhiśca gaṇaiḥ siddhairato'nādikalpeśvaraḥ

कल्प-कल्प में यह अनादि देव सदा तैंतीस देवताओं, पितरों, गणों और सिद्धों द्वारा गाया जाता है; अतः यह अनादिकल्पेश्वर —

श्लोक 25 (skanda.5.76.25)

नाम प्राप्तं विशालाक्षि महाकालवनं सदा। यदा जातो विवादस्तु ब्रह्मणः केशवस्य च

nāma prāptaṁ viśālākṣi mahākālavanaṁ sadā| yadā jāto vivādastu brahmaṇaḥ keśavasya ca

— यह नाम उसे सदा के लिए प्राप्त हुआ, हे विशालाक्षी, महाकालवन में, जब ब्रह्मा और केशव के बीच विवाद उत्पन्न हुआ —

श्लोक 26 (skanda.5.76.26)

अहं ज्यायानहं ज्यायान्कल्पादौ सृष्टिकारणात्। दिव्या समुत्थिता वाणी निरालंबा तदांबरात्

ahaṁ jyāyānahaṁ jyāyānkalpādau sṛṣṭikāraṇāt| divyā samutthitā vāṇī nirālaṁbā tadāṁbarāt

— "मैं बड़ा हूँ, मैं बड़ा हूँ, क्योंकि कल्प के आरंभ में सृष्टि का कारण मैं ही हूँ" — तब आकाश से एक दिव्य, निराधार वाणी उठी —

श्लोक 27 (skanda.5.76.27)

महाकालवने लिंगं कल्पेश्वरेति संज्ञकम्। तस्यादिमथवांतं च यः पश्यति स च प्रभुः। भविष्यति न संदेहो न वादः क्रियतामिति

mahākālavane liṁgaṁ kalpeśvareti saṁjñakam| tasyādimathavāṁtaṁ ca yaḥ paśyati sa ca prabhuḥ| bhaviṣyati na saṁdeho na vādaḥ kriyatāmiti

— "महाकालवन में कल्पेश्वर नामक एक लिंग है; उसके आदि अथवा अंत को जो देख लेगा, वही प्रभु होगा — इसमें कोई संदेह नहीं; अब विवाद मत करो।"

श्लोक 28 (skanda.5.76.28)

ततो देवि गतो ब्रह्मा ऊर्द्ध्वलोकमनंतकम्। अधोलोकं गतो विष्णुस्तेन वाक्येन सत्वरम्

tato devi gato brahmā ūrddhvalokamanaṁtakam| adholokaṁ gato viṣṇustena vākyena satvaram

तब, हे देवी, उस वाणी से तुरंत ब्रह्मा अनंत ऊर्ध्वलोक की ओर गए, और विष्णु अधोलोक की ओर गए।

श्लोक 29 (skanda.5.76.29)

नादिर्दृष्टो न चांतश्च ब्रह्मणा केशवेन तु। तदा तौ विस्मयापन्नौ तुष्टुवाते परस्परम्

nādirdṛṣṭo na cāṁtaśca brahmaṇā keśavena tu| tadā tau vismayāpannau tuṣṭuvāte parasparam

ब्रह्मा और केशव, दोनों को न आदि दिखा और न अंत; तब वे दोनों विस्मित होकर परस्पर एक-दूसरे की स्तुति करने लगे।

श्लोक 30 (skanda.5.76.30)

वेदोक्तसूक्तैर्विविधैरभिनंद्य पुरःस्थितौ। नादिरस्ति न चांतश्च न च कल्पोऽत्र दृश्यते

vedoktasūktairvividhairabhinaṁdya puraḥsthitau| nādirasti na cāṁtaśca na ca kalpo'tra dṛśyate

वेदोक्त विविध सूक्तों से अभिनंदन कर, उसके सामने खड़े होकर उन्होंने कहा — "यहाँ न आदि है, न अंत है, न ही कोई कल्प-सीमा यहाँ दिखाई देती है।"

श्लोक 31 (skanda.5.76.31)

तस्मादनादिकल्पोऽयमद्यप्रभृति भूतले। ख्यातिं यास्यति नाम्ना च महाकालवनोत्तमे

tasmādanādikalpo'yamadyaprabhṛti bhūtale| khyātiṁ yāsyati nāmnā ca mahākālavanottame

"अतः आज से यह पृथ्वी पर, उत्तम महाकालवन में, अनादिकल्प के नाम से विख्यात होगा।"

श्लोक 32 (skanda.5.76.32)

पञ्चपातकसंयुक्तो यो मर्त्यो दुष्टमानसः। सोऽपि गच्छेच्छिवं दृष्ट्वानादिकल्पेश्वरं शिवम्

pañcapātakasaṁyukto yo martyo duṣṭamānasaḥ| so'pi gacchecchivaṁ dṛṣṭvānādikalpeśvaraṁ śivam

पाँच महापातकों से युक्त, दुष्ट मन वाला मनुष्य भी अनादिकल्पेश्वर शिव का दर्शन कर शिव (कल्याण) को प्राप्त होता है।

श्लोक 33 (skanda.5.76.33)

शिवमस्तु सदा तेषां येषां त्वं दर्शनं गतः। ते धन्या मानुषे लोके ये त्वां शरणागताः

śivamastu sadā teṣāṁ yeṣāṁ tvaṁ darśanaṁ gataḥ| te dhanyā mānuṣe loke ye tvāṁ śaraṇāgatāḥ

जिनको आपका दर्शन प्राप्त हुआ, उनका सदा कल्याण हो; धन्य हैं वे मनुष्यलोक में, जो आपकी शरण में आए हैं।

श्लोक 34 (skanda.5.76.34)

सर्वतीर्थाभिषेकैस्तु यत्पुण्यं प्राप्यते नरैः। तत्सर्वमधिकं देव लभ्यते तव दर्शनात्

sarvatīrthābhiṣekaistu yatpuṇyaṁ prāpyate naraiḥ| tatsarvamadhikaṁ deva labhyate tava darśanāt

सब तीर्थों में स्नान करने से मनुष्यों को जो पुण्य मिलता है, हे देव, वह सब और उससे भी अधिक आपके दर्शन से प्राप्त होता है।

श्लोक 35 (skanda.5.76.35)

तावत्पतंति संसारे सुखदुःखसमाकुले। तावन्न दृश्यते देव संसारार्णवतारकः

tāvatpataṁti saṁsāre sukhaduḥkhasamākule| tāvanna dṛśyate deva saṁsārārṇavatārakaḥ

जब तक आपका दर्शन नहीं होता, तब तक मनुष्य सुख-दुःख से भरे संसार में गिरते रहते हैं; तब तक, हे देव, संसार-सागर से पार लगाने वाला दिखाई नहीं देता।

श्लोक 36 (skanda.5.76.36)

यदा पापक्षयः पुंसां तदा त्वद्दर्शनं भवेत्

yadā pāpakṣayaḥ puṁsāṁ tadā tvaddarśanaṁ bhavet

जब मनुष्यों के पापों का क्षय होता है, तभी आपका दर्शन प्राप्त होता है।

श्लोक 37 (skanda.5.76.37)

ब्रह्महा वा सुरापो वा स्तेयी च गुरुतल्पगः। तत्संसर्गी नरो यस्तु महाकिल्बिषकारकः। सोऽपि याति परं स्थानं पुनरावृत्तिवर्जितम्

brahmahā vā surāpo vā steyī ca gurutalpagaḥ| tatsaṁsargī naro yastu mahākilbiṣakārakaḥ| so'pi yāti paraṁ sthānaṁ punarāvṛttivarjitam

ब्रह्महत्यारी हो, सुरापायी हो, चोर हो, गुरुपत्नीगामी हो, अथवा उनका संगी हो, महापाप करने वाला मनुष्य भी — वह उस परम स्थान को जाता है, जहाँ से पुनरावृत्ति नहीं होती।

श्लोक 38 (skanda.5.76.38)

यत्फलं चाश्वमेधेन राजसूयेन यत्फलम्। तत्फलं समवाप्नोति तव देव समर्चनात्

yatphalaṁ cāśvamedhena rājasūyena yatphalam| tatphalaṁ samavāpnoti tava deva samarcanāt

अश्वमेध से जो फल मिलता है, राजसूय से जो फल मिलता है — वही फल, हे देव, आपके पूजन से प्राप्त होता है।

श्लोक 39 (skanda.5.76.39)

ते नराः पशवो लोके तेषां जन्म निरर्थकम्। यैर्न दृष्टो महादेवोऽनादिकल्पेश्वरः शिवः

te narāḥ paśavo loke teṣāṁ janma nirarthakam| yairna dṛṣṭo mahādevo'nādikalpeśvaraḥ śivaḥ

वे मनुष्य लोक में पशु के समान हैं, उनका जन्म निरर्थक है, जिन्होंने महादेव अनादिकल्पेश्वर शिव का दर्शन नहीं किया।

श्लोक 40 (skanda.5.76.40)

इत्युक्त्वा केशवो देवो ब्रह्मा चैव वरानने। वामे दक्षिणभागे च तस्य लिंगस्य संस्थितौ

ityuktvā keśavo devo brahmā caiva varānane| vāme dakṣiṇabhāge ca tasya liṁgasya saṁsthitau

ऐसा कहकर देव केशव और ब्रह्मा, हे वरानने, उस लिंग के बाएँ और दाएँ भाग में सदा के लिए स्थित हो गए।

श्लोक 41 (skanda.5.76.41)

एष ते कथितो देवि प्रभावः पापनाशनः। यस्य श्रवणमात्रेण लभ्यते परमं पदम्

eṣa te kathito devi prabhāvaḥ pāpanāśanaḥ| yasya śravaṇamātreṇa labhyate paramaṁ padam

हे देवी, यह पापनाशक प्रभाव मैंने तुम्हें बताया, जिसके श्रवणमात्र से परम पद प्राप्त होता है।